رواية ??هجير الشتاء?? الفصل السادس 6 - بقلم Shaqraa

هجير الشتاء
الجزء الرابع

احرك بماما متتحرك ..سمعت نبضها حيل ضعيف..
طلعت اعيط واصرخ ..
باااابا الحكلي مااما ماتت...
اجه وياي كال جيبي عباتها وامشي للمستشفى..
اخذناها بس الطريق صار علي دهر مااصدك شوكت نوصل...
وصلنا واخذوها واني جسمي مهدود من الضرب ومن الخوف والقلق..
رحت ع جهة وخابرت خالو عزيز..
ورجعت لكيت ابوي يحاجي الدكتور..
طلعت نوبة سكر واغماء صاير عدها..
ماخلاني ادخل ..
بقيت برة واتذكرة سماء من تجي ومتلكانه تخاف صاير شي...
خابرتها خطية انهبطت..كالت رح اجي...
ورا شوية دخل خالو عزيز ويا حسام وكرار...
استغفرالله..بيا حال وهذا كدامي..
انوب بعدني بلبس المدرسة..
الصدرية الرصاصي والقميص الوردي..
وصدريتي لحد الساق وحذائي سبورت وردي وعنده اذانات مالت ارنب..
ومسوية ظفيرة صفح يعني..
صرت هلكدوتني من شفت كرار اجه..
حتى ماانتبهت لخالي شنو كال ..
كل همي اختل وماابين..
بعدين اضطريت احجي من سالني خالي...
حسام كال..
امشي للكافتيريا شربي شي وجهج اصفر..

اخذني واجه كرار ويا..
اباوع كرار عينه ع حذائي ويبتسم..
طكت روحي منه..
راح حسام يجيب عصصصصصصير...
واني مدنكة بس من حجه درت عليه...
كال ..حذائج فد شي يذكرني بطلاب الروضة..
خزرته وماحجيت شي..
ههه انت هيج تداومين لعد الله يساعد مدرسيكم..
غثني كلش ..انت شوكت تحترم نفسك؟؟؟؟؟
راد يجاوب وصل حسام..
ها شبيكم واحد مبوز ع الثاني..
ولو انتو عداوة بالدومنة بس فكوها هههه...
لا بت عمتك كلش نفسية..
عجبني اذانات حذائها اشو بسرعة قفلت هههه...
خرب يومك متعرف الا تداهر ..
ديلا عود من تصير عندك بنية تنطي الك..
وشوشة شتكولين..
اني اباوعله بخزر ومن جوا لجوا...
ابتسمت وماحجيت..
رجعنا وامي كعدت..
فتت يمها وسماء لكيتها هم..
وبقيت ابوس بيها واحاجيها..
بعدين خالو كال لابوي تروح يمهم ..
بس هي ماقبلت بسبب دوامي..

رجعنا للبيت وبابا متخذ وضع السايلنت..
والدنيا جانت مطر قوي ع جامة السيارة..
بس الكل ساكت..
وصلنا وساعدنا امي ونامت..
طلعنا اكلنا شوي اني وسماء ونسولف بالصار..
تالي رجعنا يم ماما...
مرت كم يوم وتحسنت شوية...
بس عهد لازالت تنزل يمنا وتبسمر بس اني وسماء نجاوبها كلمة بكلمة...
والزاد شنفرتها علينا ..
راحت للدكتورة وبعد السونار طلع ييها توأم..
بنت وولد..
ابوي من سمع الخبر ممصدك..
احتار شيسوي جابلها وحدة تساعدها بالبيت..
واخذها ورا ماسمع الخبر سفرة للبنان..
خلصنا منهم بالبيت مموجودين..
وامي صحتها تحسنت..
كالت ماما خالي فاتح بابا بموضوع البيت لوحدنا..
بس رافض كلش ..
واحنا نعرف الرفض ورا عهد..
بس ماكو فايدة من الكلام...

خلال هالفترة امتحنت نصف السنة وصارت العطلة..
كالت ماما من يرجعون نسافر لأيران..
كيفنا وتحضرنا..
بس اجه وفاتحته ماما بالموضوع كلها افكر..
بعدين رفض وشكد حاولت امي ويا ماقبل..
سكتنا وخلصناها بين بيت خالتي وبيت خوالي..
بس اكثر شي نتجمع ببيت خالو عزيز...
وع مرتين رحنا بس ماشفت كرار..
وخلال الحديث عرفته مسافر لماليزيا..
كلت بداخلي فكة ارتاحيت من مضايقته..
رجعنا لبيت وجان بعد يومين للدوام..
محد بالبيت من رجعنا..
للساعة 11 يلا رجعو ابوي ومرته..
سوينا نفسنا نايمين لان منريد نحتك بيه ولا بيها...
ويوم ثاني من شافتنا بس تدردم شبيكم ماتسلمون ومو مستواكم ومن هالكلام..
لحد ماعطنا بيها اني وسماء..
يلا سكتت وتكسحت فوك...

مرت هالفترة وحالة امي تعبانة بس كاتمة بنفسها ومتحجي..
وعهد اني وسماء شنو تحجي نردها ..
متكدر ترد علينا تشحن ابوي..
دوم يرزل ويعيط ع اقل شي..
ويومية ماخذها مكان شكل...
صارت العطلة مالت المراجعة شهر الرابع ..
وكالت ماما نروح لاربيل حتى تتحسن نفسيتي واكدر ادرس..
وحاجت بابا وماقبل..
بس من عرف بيت خالي ويانا قبل..
لان حتى لو رفض خالو حيقنعه..
بيومها رحنا العصر لبيت خالو والفجر نطلع منهم ...
ورا العشا اجه كرار واحنا بالمطبخ..
سمعت صوته فتت ركض لغرفة ميقات...
ورا شوية صاحني حسام...
سويت نفسي نايمة..
اجت ميقات دخلت للغرفة لكتني نايمة طلعت..
بقيت مسوية نفسي نايمة وخايفة..
الى ان غفيت فعلاً...

كعدنا الصبح ولبسنا وطلعنا..
اشوف كرار ويانا؟؟
ماباوعت عليه كله مدنكة بس احس عينه تاكلني...
سألت. سماء كرار ويانا!؟
اي ويانا يسافر اصلا الشركة الحجزنا عليها مالت صديقه..
اهاااا خوووش لعد..
شبيج ولج والبارحة ليش نمتي من وكت؟
افف تعبانه سمسمة افكر بالامتحانات وحيل متوترة..
بسيطة خية وين اكو اشطر منج..
اذا انت الناس تفكر تدخل وزاري لو لا..
انت الاولى ع المدرسة واقل درجة عندج 98..
الله كريم ويبقى معدلي هيج حتى بالوزاري...
رحنا للمطار وانتظرنا رحلتنا واني محاسبة كرار موجود..

وصلنا للفندق وكرار اجه هو وصديقه عرفه علينا..
شاب ابيض طويل عيونه سود وملامحه مرتبة..
انيق كلش وامبين من لبسة ذواق..
لابس نظارة طبية وشعره عالي اسود مجعد شوي...
سلم علينا وكرار يخزر بيه...
بعدها اتجهنا كل واحد لغرفته الي حاجزتها الشركة مسبقاً...
اني وميقات وسماء بغرفة..جانت الغرف ثلاثية الاسرة..
امي وخالو وزوجة خالو بغرفة ..
والشباب ثلاثتهم بغرفة..
بدلنا ورتبنا نفسنا وتغدينا..
وواجه الولد الي اسمه رافع طلع ويانا..
بس اباوع عينه ع سماء ويسولف..
التفت اشوف سماء ضاربتلها صفنة بي ياا..
تقربت يمها سحبتلي شعرايه منها حيل عاطت..
هو جان يشرح النا عن الشلال وهي مصفنة بي..
وهو يشرح وعينه عليها..
عاطت وحجت بهمس شبيج ووجع؟؟
اني شبية لو اني كاعدة تصفنين بهذا جنه كالميرو..
انلصمي متسحتين..
رافعلتها حاجب واهمس..
استحي؟؟لج هو لابس نظارة ومضيعها عبالهم احول ويباوع كبل ميعتبون عليه..
بس انت عيونج طافية وصافنة بي..
حتى مسعود بارازاني هسه عرف بيج فضححتينا..
بقيتت عيني عليهم وهي بس تشوفني تسوي نفسها بوع بعيد...

وراها رجعنا تعبانين من الفرة واللعب..
تسابقنا ع الحمام..
اني صرت اخر وحدة..
دخلت انتعشت بالسباحة ولبست شورت قصير للفخذ اسود..
وبدي ربع ردن وقصير للبطن اسود وبي بزونات بيضة..
شافته ميقات وبقت تحشش..
مو هذا جديد اول مرة البسه لتخليني اذبه..
هههه اي لتلبسي ..
شنو ذنب البزونات
مطلعهتم مظاهرة  هههه...
بقيت اداهرها وتداهرني وسماء تبتسم..
ايي سمسمة ضحكينا وياج..
انجبي جاي اضحك عليج..
ها ومن شوكت صرت مضحكة لحضرة جنانج..
كافي عاد وشوشة اعرف قصدج انخمدي نعست..
بقت ميقات تتلفت مثل الخبلة بينا..
ضيعت السالفة عليها..

ورا شوية غفيت من التعب ..
بعدها ماحسيت بشي..
ورا فترة فتحت عيوني الغرفة ظلمة..
واحس واحد شايلني وايده ع حلكي..
حاولت اصرخ او ادفعه مااكدر..
همس بأذني ..اسكتي وخليج حبابة!!!
هذا كرار!!!شدخله للغرفة!!!
احس شالني وطلعني لغير غرفة..
ثواني انفتح الضوا..
اباوع كرار بس بالشورت ويتقرب مني..
حاولت ادفع اقاوم يزيد..
كل ميتقرب ادفع بي وابجي..
بقى يبوس بيه حيل ولزم شعري اجه نصه بيده..
اباوع خصلة جبيرة حيل..
لازمها بيده..
بقيت ابجي حييييل واعيط شعررري...
شعررري....

فتحت عيوني لكيت ميقات وسماء يمي مخترعات..
يكعدن بيه...
معقولة هذا حلم!!!
اعوذ بالله من الشيطان الرجيم..
حتى بالحلم كرار مهبطني..
اباوع الساعة ثنتين وربع..
انطوني ماي البنات وسألوني كتلهم كابوس..
خطيه هدئوني وبقو يقرون يمي لحد ماهدأت ورجعت نمت..
كعدت الصبح محتصرة وقلبي مقبوض...
تريكنا وواجه الولد ويانا وطلعنا..
اباوع نظراته هو وسماء مستمرة..
وكرار يحوس يحاول ينفرد بيه..
بس اني لاغية وجوده كلش...
طلعنا لجبل بس المكان جان يجنن..
ونسمات الهوا منعشة..
رغم بالبصرة الجو يمنا حار يشوي حتى الطير الطاير..
بس عدهم بارد وعليل ونظيف...
بقينا نتمشى والارض تخبل مزروعة..
خالي وزوجته وامي سوا..
واني والبنات ويانا الشباب ورافع..
كعدنا كلنا بالارض..ونسولف ..
كراد يخزر وعيونه تريد تكز عليه وخشمه معفوس..
يابه هسه خشمك جنه بدلة عرس وانت نافشه..
دسويله تجميل شي..
كاعدة احش بي بيني وبين نفسي..
ودك فونه نفخ وكام..
وراها رجع ضايج..

واحنا هم رجعنا للفندق..
تقريبا جان الوقت مغرب..
وهم نتسابق ع الحمام وهم خلوني الاخيرة لان اني اصغرهم..
كالت ماما ..تعالي لغرفتنا اسبحي..
احنا حنروح لصالون..
يااي ماما فدوة اخذوني..
ههه تدللين اليوم احنا وباجر انتو ناخذكم..
يلا دربالكم ع نفسكم..الله وياج...
اخذت ملابسي ورحت للحمام وهم راحو..
فتت سبحت وقفلت الباب..
طلعت منتعشه ولابسه البرنص واغني..
ذبيت نفسي ع السرير واكمز واضحك..
انفتح الباب فزيت اباوع كرار!!!!
دخل وقفل الباب وراه!!!

للحكاية بقية
بقلم شقراء(قمر كانون)
اعذروني امس جهازي طنكر وضل يكتب خط ثخين وحوا خطوط خرب البارت ...
احبكم😘