رواية ??هجير الشتاء?? الفصل الثاني عشر 12 - بقلم Shaqraa

مساء الورد ورداتي..عندي خطار ب11بالليل يلا طلعو..كتبت الكم بارت سريع اعذروني..

هجير الشتاء
الجزء العاشر

شتاء تتزوجيني..؟
جان يحجيها بثقة وابتسامة..
غثني بروده وسيطرته..ماعرف ليش احسه يستضعفني..
او يكدر يخوفني بسهولة...
تنهدت وباوعتله من فوك لجوا..
لاا مااتزوجك..
كطنة وشيلها من اذنك ..لو اموت مااقبل بيك..
ويلا تفضل برا..
مو من شيمة الزلمة الصدك ..يدخل بيت مابي رجال ويدوس حرمته..
خصوصا من يصير بيت عرضه..
هنا حسيته مثل الاخذ كف خلاه يصحه..
تقرب مني كال..
يعني قصدج اني مو زلمة ؟؟
اگلبت بعيوني كتله..
اذا طلعت هسه وما دست البيت بغياب ابوي وبدون علمه حتثبت رجولتك..
دنك ورجع رفع راسه..
كال ماشي..يصير خير...
عافني ومشى..
جريت نفس وارتاحيت..
افففف شكد مكروه ويخوف...

رحت اخذت مهيمن من الكرسي..
فتت عهد ماكو...
صحت عليها ..عهددددد ماكو داعي تشردين ترى اعرف طابخيها سوا..
نزلي خلينا نتفاهم..
ترى اذا طلعت خبالاتي عليج ..
اصعد اشمرج من فوك اطلع الطفل من خشمج..
لتغلسين..
اذا مانزلتي اني اصعد ترى...
اجاني صوتها ..نازلة اريد اشوف وين توصل وياج وويا هذا السكط ..

كعدت بالصالة انتظرها ..
شوية ونزلت تدردم..
كمت وكفت اني ومتخصرة..
وهي كعدت وتنفخ..وكصتها تصب عرك..
باوعتلها بانزعاج..
وين جنتي وليش عفتيني وحدي؟؟؟
اووف جنت اخابر شبيج ماسمعتيني من كتلج ..
ماسمعت يجوز انطرشت..
يلا مو مشكلة..

شوفي عهد..سيوان شيريد مني؟؟
او بالاحرى انتو الاثنين شتردون من عائلتنا!؟
اووو وتالي اني مااخلص من سيوان وبلاوي سيوان..
مدام تعرفي ابو بلاوي ليش تفتحيله مجال يدخل حياتي؟؟
ماكفاج يتمتيني واني طفلة..
تردين حياتي كلش تتدمر ع ايدج؟؟
شعليه اني يتمتج ..
وليش تتدمر حياتج ترى سيوان يحبج..
ههههه لا لا اشو باوعي بعيوني..
لج بابا تضحكين عليه على نفسج لو على منووو؟؟؟
مو توه تكولين سيوان ابو بلاوي؟؟
ايي بس هذا ميمنع هو يحبج..

عهد تدرين بي طلب مني زواج قبل شوي؟
ايي اعرف كال وكتله بالاول اسألها يلا تتقدم..
اوووي شكد حنونه دخيلج..
اوف شتاء اني شعليه..
ذاك هو وكليله ماريدك..بس طلعوني من مشاكلكم..
باوعتلها ..بلة شحاجيها هاي..
لعد منو دخله بحياتي غيرها؟
كتلها..
المهم عهد سيوان بعد ليوصل لبيتنا..
ترى اني حذرته وهسه احذرج..
فااااهمة؟؟؟
اففف خوش خوش فهمنا..
عفتها وفتت للغرفة..
وافكر بهذا عباله اني غبية وماعرف جذباته..
الحمدلله من سمعتهم جان هسه عبالي هو ادمي ويمكن جان فكرت بي..

يوم ثاني ابوي رجع ع وكت ..
خابر عهد كال جاي ع الغدا...
طبعا عهد ولا طكة بالطبخ..
هي عجبها تدز من برا مدام حبيب القلب اليوم يتغدى وياها ع كولتها..
وصل الغدا وطلعت اخذته ..
حضرت الميز والاشياء البسيطة..
وكعدت الاعب الاطفال ع ميجي ابوي حتى نتغدا..
ورا شوي اجه وغسل وكعدنا ناكل..
واحنا كاعدين ع السفرة كال..

شتاء خلصي البيدج وجيبلي الجاي للصالة عندي موضوع اريدج بي...
كام دخل وعهد تباوعلي ومتوترة..
باوعتلها باستفهام..شيريد بابا؟؟
ماعرف روحي ورا وشوفي تحجي ومتوترة..
هزيت راسي وكمت..
صبيتله جاي واخذته اله جوا..
تفضل بابا هذا جايك...
كعدي عندي وياج موضوع..
اي هاي اني كاعدة تفضل؟

شتاء ابن عم عهد سيوان تعرفي مو؟!
ايي اعرفه شبي؟
الولد رايدج صارله فترة وخطبج مني واني انطيت..
شنو؟وع اي اساس تنطي ليش اني سلعة؟؟
سدي حلكج وكصري لسانج لا اكوم ادفنج هنا فااااهمة؟؟؟
عاط بيه ومخنزر رجفني موقفه..
هدأت نفسي وكتله..
غير اني صاحبة الشأن مو المفروض تسألني؟
اني ولي امرج..معناها القرار الي..
الولد مناقصة شي..
حال ومال وجمال وشهادة..
شرايدة بعد؟؟؟
اني هو شخصا ماريده ..وماتجبرني عليه ..
اجيت اكوم جر ايدي وذبني بمكاني..

ليششش تخليني هسه افلش وجهج ببوكس؟؟؟
جاي اكلج الولد مشتريج...
وحتى ممستعجل ع زواج هسه..
كال فترة نتفاهم بيها بلا نعقد..يجوز مانتفق بعد ليش نورط نفسنا..
يعني شنو مافهمت؟؟
يعني تتفاهمون بينكم فترة..تتعارفون واحد يفهم الثاني..
تالي يسوي خطوبة وعقد..
بعد ماعندج اعتراض ع هيج فكرة..
صدك ؟؟بابا يعني احنا وين عدنا هيج عادات؟؟
مو ذاك رافع ماشاف سماء الا بالعقد؟
وعاقدين محكمة وسيد ولو طلعو سوا تشبع منك رزالة..
اي لان رافع غريب..
سيوان اني اعرفه من قبل لا اتزوج عهد..
وابن ناس وخوش متربي..

بابا مو مهم تعرفه ..المهم اني مو مقتنعة بي ..
الله يخليك رفضه..
اني وراي كلية ومستقبل..
ليش مستعجل عليه خليني اكمل اول...
متكملين اذا رفضتي سيوان..
خلي ببالج لو سيوان لو الكلية..
وكومي يلا فكري ولليل اريد الجواب..
مراح اجبرج وخيرتج وكيفج بعد..

كمت للغرفة ركض اول ماسديت الباب ذبيت نفسي ع الفراش..
كمت ابجي بحركة ..عله صوتي وشهكاتي خنكتني..
اريدها تطلع من صدري اريد ارتاااح...
ولج يماااا وين رحتي وييين...
ليششش خليتني بيد ابو ميعرف الرحمة ..
لييييييش.....
منو الي اني هسه..
حتى من اشتكي لخوالي ميحقلهم يتدخلون..
ابوي ميحشم احد ولا يقدر..
زين شسوي هسه..
اخابر سماء بلكي تشور عليه ..
لان اني تربطت ماعرف شتصرف...

اخذت الفون خابرت سماء مجاوبت..
عفته ورجعت ابجي..
ورا شوية خابرت..
بس حاجيتها عرفت بيه شي من صوتي..
بقيت احجيلها وابجي..
رغم ماردت اقهرها وهي عروس..
بس ماعندي غير حل..
حجيتلها كلشي حتى اتفاقه وي عهد..
بعد ماسمعت مني كالت ..انصحج تسايرين ابوي..
شلون يعني؟؟؟
يعني قبلي بصخمان مؤقت..
وهو مدام اقترح تتعرفون متعقدون من الاول معناها جذاب ميريدج..!
شوفي هذا ضاقت بي السبل..
وعرف مراح يحصل علاقة لو يطك..
لهذا عود يريد يذلج هيج تالي يتركج..
بس ماخسرانه شي انت..
قبلي وشوفي المر..حتى ساعتها تعرفين تتصرفين لييش باقية هيج وعايشة بخوفه..
لتضحين بمستقبلج بسبب شي مؤقت..
باجر يتركج سيوان وانت منا تركتي الدوام..
شنو الفايدة؟؟شنو حصلتي؟؟
تبقين خدامه لعهد يعني؟؟
اياج ثم اياج تعوفين الدوام..
لو شيسوون بيج لتعوفي..
اني من ارجع وتنزل الاستمارة اقدملج علوم بلكي تنقبلين..
واذا ماكو اقدملج بيطرة او غيرها المهم قريبة مني..
وكم مرة كتلج لتضمين..
هاي ثاني مرة توكعين بمصيبة وتسكتين..
شتاء المرة الجاية لو عرفت ضامة عني اقل شي انشي عندج اخت..
عاطت بيه وبقيت اتعذرلها ..
تالي سديته بس شويه ارتاحيت..

انتظرت لليل من رجع ابوي كتله موافقه..
بس المهم اكمل دراستي ..
كال باجر ادز على سيوان يجي بحضوري تتفقون..
طلعو سوا سولفو ..
او يجي هنا للبيت وتكعدون تحجون تتعارفون..
اوكي مثل متريد بابا..عن اذنك..
عفته وكمت لغرفتي ..
تمددت اباوع بالفيس..
صادفني كروب مال قصص..
فتت عليه كلت الهي نفسي احسن من الوحدة..
دزيت طلب بسرعة قبلوني..
كعدت اتفرج واشوف هواي عناوين..
حفظتلي كم وحدة عجبني عنوانها..
شفت وحدة اسمها عجبني بلشت اقرا..

بهالاثناء دك رقم غريب..
توقعته سيوان اكيد..
دك ست مرات متواصلة..
بالمرة السابعة فتحت خط وسكتت..
اسمع يمه كاظم الساهر وصوت وااضح..
بقيت استمع ..
جانت اغنية المستبدة..
وصل لمقطع انت التي اسميتها تاج النساء..
سمعته جر حسرة وبصوت خافت..
شلونج تاج النساء!؟
افف انت ماتمل مني؟يعني تعرف اني ماشتهي اسمع اسمك مو بعد ارتبط بيك...
سمعته جر ضحكة قوية..
وضحكته تضحك لان يكركر..
ههههههههه ااخ يمه بطني ..ولج بعدنا اول مكالمة تكليلي مااشتهي..ههههههه..

يااا عزا هذا اخذها بغير قصد؟؟
بس اني هاي حجايتي ماقصدي بيها شي..
ماعرف هو كلشي يسمعه يأوله..
نفخت حيل..
افففف شكد افكارك وسخة..
نصه صوته وصارت بي بحة..
عرفته جاي يشرب امبين..كال..
هو اليشوفج شلون ميفكر افكار وسخة..
اوووف دلعة ثوبج امس لهسه داك براسي من دنكتي ..
وبقى يصوفر!!!
اني ضاعت الكلمات مني ماعرف شنو لازم اجاوب..
يعني من انحط بالموقف انلصم ..
بعدين من اكعد وحدي الكى رد مناسب..
اخر شي كتله..
انت مو مال احترام اشو ولييي...
سديته بوجهه..
بقى يدك هواي مجاوبت..
اخر شي دز مسجات..
بسيطة سديتي الخط بوجهي وسكتت بمزاجي..
تعرفين ليش؟؟؟
لان هسه الموج صاعد وجاي اتخيلج بفراشي ماريد اخرب المود؟!!

للحكاية بقية
بقلم شقراء(قمر كانون)