رواية حكاوي قلب الفصل الخامس والثلاثون 35 - بقلم Nada Hassan

بسم الله

دلوقتي أنا عامله دي مناقشة لينا مع بعض علشان نشوف ايه الهدف من ظهور حازم في الأخر ومين غلطان ندا ولا خالد لأن انتو عاملين تلت فرق

فرقة شايفة أن خالد غلطان وما يستحقش ندا وحابين ظهور حازم وأنه يكون معاها

وفرقة شايفة أن ندا ظالمة وخالد بريء ويستحق فرصة تانية

والفرقة الأخيرة كارهه حازم وتقريباً مش عايزينه خالص وشايفين إني بعُك😂

يعني مثلاً إحنا لو جينا نتكلم بلسان كل واحد فيهم هنلاقي منظور مختلف جداً عن اللي كلنا فاهمينه، ممكن البعض منكم يغير رأيه وممكن البعض يفضل متمسك برأيه

تعالوا بقى نشوف كده الحكايه من ناحية كل واحد

ندا : بنت عاديه جداً بتحب حياتها وعائلتها ومرحة وروحها جميله زي ما شوفنا في أول الرواية، في الأول هي محبتش ياسر هي بس أعجبت بيه وكانت مفكره أن ممكن الإعجاب ده يكون حب ودخلت علاقة مع ياسر لكن معرفتش تحبه ومع ذلك ما سبتهوش لأنها خافت على مشاعره وقالت إنها أكيد هتحبه بعد الجواز لكن هو اللي بادر وخانها وطبعاً هي انكسرت في المره دي، في حين أنها بتضغط على نفسها علشان ماتظلمهوش هو خانها ودي لوحدها كفيله أنها تغيرها 180 درجه،

هي صلحت غلط بغلط واللي هو أنها وافقت على خالد، اه كان المفروض تدي نفسها فرصة في الإختيار ولكن هي شافت حبه ليها وشافت أنه من اختيار ناس بتثق فيهم علشان كده وافقت مع أنها كانت متردده وعارفه أن في حاجه غلط بس في النهاية وافقت،

هي عاشت عادي جداً معاه بجانب الأحداث اللي كانت بتحصل في حياتهم من قبل يارا، ومش هننكر أنها طلبت وقت يتعرفوا على بعض قبل الجواز لكن هو استغل طلابتها وطلب الجواز بسرعة في المقابل وده كان غلط، وكمان طلبت وقت علشان تتعود عليه وتديله حقوقه بجد وهو كان موافق على كده يعني هي ماغصبتش عليه لا بالعكس ده كان بالتراضي وجه كذا مره اتفقوا أنهم يتموا الجواز بعد ما حست انها بدأت تنجذب ليه وتحبه لكن في الكام مره دول هو اللي كان بيبعد ملناش شأن بقى ايه الأسباب، وفي الآخر هو اللي باع مش هي، اه هو حبها لكن حب ضعيف خلاه يخون ودي كانت المره التانيه في حياتها اللي تتخان فيها وأي ست مكانها أكيد مكنتش هتستحمل لأن ده كسر أنوثتها وخلاها في الأرض وهنا هي كانت مظلومة واللي مرت بيه يديها الحق أنها متسامحوش ومديهوش فرصة تانية مش من حقه أصلا لأنه كام مره قالها هنبدأ من جديد والجديد بتاعه انتهى بخيانه وده خلاها تتغير بدل ما كانت بتحب الهزار والضحك والمرح بقت تفكر في الشغل وبس المستقبل وبس ونص شخصيتها راحت فهي هنا مظلومه مش ظالم

خالد : شاف واحده من أول نظره حبها وكان متمسك بيها جداً مش هننكر ده، لكن كل حاجه حصلت كانت بسرعة لدرجة انو لقى نفسه متجوز بين يوم وليلة اتفق معاها على أنه يديها فرصه كان بين الطرفين وده ببدل على أنه حبها صحيح بس مش من حقه بقى يقول انها غلطانه لأن زي ما قولنا في كل مره هو اللي كان بيبعد مش هي، هو حسسها من الأول انو متمسك بيارا أكتر منها وكان بيدافع عنها من غير ما يسمع من ندا، اه صحيح أعترف بغلطه ولكن بيبقى في بعض الحاجات في العلاقة بتسيب علامات مهما اعتذرت ومهما قولت، وفي الآخر خان اه خان

صحيح هو بيحبها لكن حبه ليها مش هيشفعله وده مكنش حب حقيقي لأن الحب الحقيقي مهما كان في مشاكل بينك وبين حبيبك ومهما كنتوا بعاد عن بعض عمره ما هيخون لكن خالد حبه كان ضعيف ومش كامل مجرد ما لقى يارا سهله قدامه نسى خالص انو بيحب وبعد ما عمل كل اللي هو عايزه افتكر انو بيحب بس خلاص كان فات الأوان وهنا نقول تاني حب خالد كان ضعيف ومكنش كامل كان مشوش علشان كده كان لازم يبعدوا

حازم : كلنا عارفين إن حازم موجود من أول الرواية وليه دور، دوره في الأول كان بسيط لكن هيكبر ليه لأن زي ما بيقولوا كده انو هيكون العوض ليها أنا كده حرقت الرواية عارفه 😂 بس مش مهم علشان نفهم، بعد كل اللي مرت بيه هتلاقي عوض من ربنا جميل متقدرش ترفضه، ظهور حازم في الوقت ده مقصود وده أحسن حاجه في الرواية كلها أصلا وده رأي الشخصي وأنا بحب المفاجأت

ياسر : واحد بيحب أو خلينا نقول بيحب التملك ده الصح، هو حب أنه يمتلك ندا، حب أنها تكون بتاعته هو بس يخونها بقى ولا لا المهم انو عايزها هي.. دي غريزة تملك، عاش معاها فتره وهو بيخونها ومكنش عنده أي إحساس بالذنب تجاها ولما عرفت شايف انو عادي جداً ومكمل كذب المهم أنها تكون معاه ولما رفضت هددها أنو هيعمل اللي هو عايزه برده وأن رأيها ميهموش وهنا برده ده غباء وحقارة هي صفات كتير وحشه وده ضغط على ندا

يارا : دي بقى عقربة الرواية ولسه في واحده تانيه 😂 يارا شايفه إنها الأحق بخالد بحكم انو ابن عمها وهي اللي بتدير شغله وكمان هي بتحبه زي ياسر بالظبط حب تملك لا غير، حاولت تعمل كل اللي تقدر عليه علشان تبعد ندا عن خالد ونجحت فعلا لكن مش تدبير لأن خالد ساعدها في كده باستسلامه ليها وهنا هي كان ليها دور في خراب حياة ندا ولسه بتكمل

أنا : رأي أنا بقى ندا مش غلطانه أنها تسيبه بالعكس هو مصنهاش علشان تفضل معاه وأنا لو جوزي عمل كده أكيد هسيبه سوا بحبه ولا لا واكيد أي واحده تانيه هتعمل كده والتوضيح فوق بيقول أنها مغلتطش يمكن شويه صغيرين خالص خالص خالص وطلعت مظلومة ومتدمره ولو مكانتش قويه كانت وقعت في الأرض وخالد ظلمها ويستحق اللي حصل ليه بس أكيد دي مش النهاية بالنسبه ليه لسه في حياه جايه وأنا عن نفسي حابه ظهور حازم جددا فوق الوصف لأنه هيكون العوض والسند ومع ذلك مش هطلع حد من الرواية زعلان غير الناس الشريره الوحشه 😂😂

وده كان رأي وعايزه اعرف رأيكم بقى بعد الكلام ده ايه علشان نتناقش فيه

وبالنسبة لعدد الفصول أكيد مش هتكون كتير لاني أصلا مش بدعم الروايات الطويله بس أنا حقيقي معرفش العدد كام لأني بكتب أول بأول والناس اللي عندها الشخصيات خالد قبل حازم التعديل منزلش عندهم شيلوا الروايه من المكتبه ونزلوها تاني هتنزل بالتعديل لاني لسه بعدل عليها من الأول

وإن شاء الله هنزل الرواية من جديد على جروب موكا سحر الروايات على الفيس بوك اتمنى تشرفونا هناك وده اللينك ولو مفتحش من هنا ادخلوا على صفحتي الشخصية هتلاقوه

أنا كده وضحت كل حاجه وقولت رأي من وجهة نظري أنا ازاي واتمنى اعرف رأيكم بعد المناقشه دي

دمتم بخير