تحميل رواية «حكاية حب» PDF

رواية حكاية حب الفصل الاول

_لو فاكرة باللي بتعمليه دا هتخليني احبك تبقي غلطانة

_ومين قالك يا اياد اني عايزاك تحبيني …….انا بعمل اللي لازم اعمله ك زوجة ولحد ما نطلق هفضل اعمل كدة…….لا طالبة منك انك تحبيني ولا تكرهني لان انت اصلا مبقتش فارق معايا

_يعني اية مبقتش فارق معاكي دي؟!

_يعني مبقتش فارق معايا يا اياد…….مش محتاجة اني اشرحها

_يعني انتي مبقتيش تحبيني زي الاول

_مش دا اللي كُنت عايزه مم الاول …….وبعدين انا اصلا فهمت اني عُمري ما حبيتك……..مع الوقت اكتشفت اني عُمري ما حبيتك ولا هحبك اصلا وبقيت مستنية الطلاق يتم اكتر منك علشان ارتاح من التعب اللي انا فيه وعلشان انت كمان ترتاح……عن اذنك علشان أنا محتاجة ارتاح شوية

سابتني ودخلت اوضتها……فضلت باصص عليها وانا مش مصدق اللي هي قالته…….يعني هي بطلت تحبني بجد…..طب ازاي وامتي……دي من يومين بس كانت بتقول انها بتحبيني ومش عايزه تبعد عني…….معقول في يومين بس كل حبها ليا دا يروح…….طيب هو اية اللي مدايقني دلوقتي…….مع ان دا اللي كُنت عايزه وبحاول بكل الطرق اني اخليها تكرهني وتبعد …….لية دلوقتي مدايق وزعلان انها قالت كدة

فضلت قاعد علي الكنبة مدايق ومش فاهم ايه اللي مدايقني ……فضلت افتكر جوازنا كان عامل ازاي

_جدو حبيبي انت كويس

_متقلقش يا حبيبي انا كويس…….انا بس كُنت عايز اكلمك في موضوع مهم علشان كده اتصلت بيك وقولتلك تيجي

_موضوع اية دا يا جدو……خير يا حبيبي

_خير با حبيبي…….يا اياد انا كبرت ونفسي افرح بيك قبل ما اموت

_يا جدو حرام عليك……انا كُنت فاكر انك فيك حاجة وخايف عليك…….وفي الاخر تطلع عايزني في الموضوع دا يا جدو

_وهو الموضوع مش مهم بردو يا اياد……يا حبيبي انت كملت ٣٠ سنة وانا مش هعيش معاك العمر كله يا اياد…….انا نفسي اطمن عليك قبل ما اموت

_هو مينفعش تطمن عليا غير بالجواز يا جدو يعني

_لا يا اياد مفيش غير الطريقة دي…….وشوف بقي يا اياد انت او مسمعتش كلامي واتجوز في اقرب وقت تنسي ان ليك جد

_يعني اية يا جدو

_يعني اللي سمعته يا اياد……انا طول الوقت بحاول اكلمك بهدوء وافهمك ان وحدتك دي غلط ومش كل البنات واحد …….مش علشان واحدة كسرت قلبك و وجعتك يبقي كل البنات زيها…….قدامك يومين تفكر فيهم وتيجي تبلغني قرارك…….بس لازم تعرف ان لو قرارك دا ممكن يخليك تخسرني يا اياد

فضلت واقف ساكت ومش عارف جدو ازاي يقولي كده …….سيبته وخرجت من البيت …….انا طول عمري بسمع كلام جدو واعمل كل اللي هو عايزه بس المرة دي لا…….مش قادر اعمل اللي هو عايزه ولا حابب افكر في الموضوع اصلا……انا اتكسرت من اكتر واحدة بحبها ومكنتش اقدر استغني عنها ومبقتش قادر احب بعدها…….برغم من محاولات جدو ان ينسيني اللي حصل دا ويخليني اعيش حياتي من جديد…….مش قادر اتخطي اللي حصل وكسرتها ليه…….مبقتش قادر اثق في اي بنت تاني وبقيت شايف ان كل البنات زيها…….عارف ان طريقة تفكيري غلط ومينفعش ان افكر كده بس اللي حصلي دا قدر يكسرني ويخلي تفكيري كده…….فضلت ماشي وانا مش عارف هروح فين ولا هعمل اية…….لقيت واقف قدام البيت…….بصيت علي البيت شوية…….بدات ادخل البيت واطلع السلم لحد ما وصلت قدام الشقة……..اتنهدت وبدات اخبط علي الباب بتردد

فتحت الباب…….اول ما شافتني ابتسمت بفرحة وفضلت واقفة مكانها

_مكانش قدامي حد غيرك اروحله وانا مدايق…….بس لو هتدايقي من وجودي انا ممكن

اخدتني في حضنها ……..حضنتها وفضلت اعيط……..فضلت تطبطب عليها من غير ما تسألني في اية

'رنا'

_صباح الخير يا بابا

_صباح النور يا حبيبتي …….عاملة اية انهاردة

_الحمد لله يا حبيبي احسن شوية

_طيب تعالي اقعدي علشان عايزك في موضوع

_شكله موضوع مهم…….خير يا بابا

_بصراحة جمال بيه اتصل بيا امبارح

_ودا عايز اية منك…….انت مش سلمته الشغل اللي طالبه منك وخلاص الموضوع خلاص

_لا مهو مش عايز يكلمني في الشغل يا رنا…….هو كان بيكلمني بخصوصك انتي

_بخصوصي انا!…….واية الحاجة اللي تخصني اللي بينك وبينه دا

_اصل جمال بيه طالب ايدك لحفيده وعايزين يجوا يطلب ايدك يوم الخميس…….وانا وافقت انهم يجوا

_يا بابا هو احنا مش هنخلص من الموضوع دا……يا حبيبي انا مش عايزة اتجوز بالطريقة دي ……انا حقيقي مش فاهمة انت لية عايز تخلص مني بالطريقة دي

_انا عايز اخلص منك يا رنا…….يبنتي دا انتي اكتر واحدة بحبها في الدنيا وعايزها تبقي جمبي طول الوقت…….بس بردو يا حبيبتي دي سُنة الحياة واكيد هيجي يوم وتتجوزي …….انا مش هعيش معاكي العمر كله ونفسي افرح بيكي

_

يا بابا بعد الشر عليك…….انا عارفة ومقدرة كل دا بس بردو انا مش عايز اتجوز بالطريقة دي……انا عايزه اتجوز شخص اعرفه واختاره بنفسي……مش اي واحد يخبط علي الباب ويقول انه عايز يتجوزني اوافق والموضوع يخلص عليه كده……انا من حقي اني احب الشخص اللي هكمل معاه حياتي دا يا بابا

_الحب بيجي بعد الجواز يا رنا

_مفيش حاجة اسمها كده يا بابا…….الحُب عمره ما يجي بعد الجواز……لو سمحت يا بابا يا ريت نقفل علي الموضوع دا نهائي لو بتحبيني

_يعني مش عايزه تعرفي مين الشخص دا

_ايا كان يا بابا هو مين……انا مش موافقة

_انتي تعرفيه كويس اوي…..الدكتور اياد اللي معاكي في المستشفى

بصتله بصدمة وانا مش مصدقة اللي سمعته…….مكنتش مصدقة نفسي

_اياد…….اياد عايز يتقدملي انا!

……..

رواية حكاية حب الفصل الثاني

_انا لما عرفت ان حفيده اياد اللي معاكي في الشغل وفقت علطول…….قولت يمكن انتي كمان توافقي

_خلاص يا بابا مش مشكلة……انا هقعد معاه وربنا يسهل بقي…..علشان انت اتفقت مع جمال بيه بس

_لا يا حبيبتي ملكيش دعوة بيا انا مش مشكلة ……اهم حاجة راحتك…….انا هتصل ب جمال بيه واقوله انك رافضه الموضوع وخلاص

_لا لا……مينفعش خالص يا بابا انك تعمل كدة…….انا اهم حاجة عندي شكلك قدام الناس……..انا هقعد معاه ومين عارف النصيب فين……يمكن يكون هو نصيبي مثلا

_ماشي يا حبيبتي……اللي تشوفيه……بس اوعي تضغطي علي نفسك علشاني…….انتي تقعدي معاه ولو محصلش نصيب تقولي من غير كسوف

_حاضر يا حبيبي……عن اذنك بقي علشان ادخل اغير هدومي واروح علي الشغل

_مش هتفطري الاول

_لا مش هينفع…..هبقي افطر في الشغل

_طيب روحي انتي علشان متتاخريش

_حاضر يا حبيبي

دخلت الاوضة وقفلت الباب……مكنتش مصدقة نفسي ……اياد اللي من يوم ما شوفته وانا معجبه بيه وبحبه عايز يتقدملي ومُعجب بيا……طب ازاي …….دا عمره ما بصلي ازاي…….ازاي يطلع بيحبني وجاي يتقدملي …….كُنت طايرة من الفرحة ومش مصدقة نفسي……لبست هدومي وروحت علي المستشفى علشان اشوفه

'اياد'

حطيت الشاي علي الترابيزة وقعدت جمبي وهي مُبتسمة

_كُنت عارفة انك هتيجي في يوم

_مكنتش ناوي اجي……فجاة لقيت نفسي قدام البيت

_المهم انك جيت في الاخر……اية اللي مزعلك يا حبيبي

_جدو اتخانق معايا وقالي انه لو متجوزتش مش هيبص في وشي تاني وهخسره……انا مش عارف اعمل اية

_واية اللي مانعك تنجوز

_انتي اللي بتقولي كدة!……انتي نسيتي اللي حصل

_لا منسيتش…….بس مش كل البنات واحد يا اياد…….لو كانت نور وحشة ف في بنات كتير كويسة……اكيد في واحدة تحبك بجد و تقدرك و تنسيك كل اللي فات دا……بس انت اللي مش عايز تحاول يا اياد تدي فرصة لنفسك انك تحب

_هو انتي بتتكلمي بجد……يعني بجد قاعدة بتديني في نصايح…….كُنتي ادي النصايح دي لنفسك وصلحي علاقتك مع جدو الاول …….لما انتي بتعرفي تصلحي حياة الناس اوي كدة مش قادرة تصلحي حياتك لية

_انت مش فاهم حاجة يا اياد

_فهميني……لو انا مش فاهم فهميني انتي…….اقنعيني انك صح بعد حبه ليكي دا وانه كان بيعمل المستحيل علشان يفرحك وانتي في لحظة بعدتي عنه وخلتيه يدمر …….فرقتي اية انتي عن نور علشان تديني نصايح

_انا مش هقدر اقولك حاجة دلوقتي……علشان انت عمرك ما هتفهمني يا اياد……..كل اللي هقدر اقوله اني لسة لحد دلوقتي بحب جدك وان اللي عملته دا علشان حُبي ليه

قامت وقفت وبدات تتكلم والدموع في عنيها

_الاوضة دي انا فرشتها علشان لما تيجي يكون ليك مكان تقعد فيه……لو حابب ادخل ونام فيها وفكر كويس في الموضوع…….جدك بيحبك وعايز مصلحتك

سابتني ودخلت اوضتها وقفلت الباب……فضلت باصص عليها وانا مش فاهم حاجة ……اتنهدت بتعب ورجعت راسي لورا …….سندت راسي علي الكرسي وبصيت لفوق

صحيت من النوم…….ملقتهاش جمبي…….قومت وخرجت من الاوضة لقيتها قاعدة قدام التلفزيون……فضلت باصص عليها وانا علي وشي ابتسامه وقلبي…….قلبي كان بيدق جامد ومش عارف في اية…….معقول اكون …….لا لا اكيد دا محصلش يعني…….هزيت راسي وغمضت عيني……قربت منها وقعدت جمبها ومسكت الريموت ……بدات اتكلم وانا بقلب في التلفزيون

_صباح الخير

_صباح النور…..…بعد اذنك

قامت من مكانها وكانت هتمشي…….مسكت ايديها بسرعة وقومت وقفت قدامها…….بصيت علي ايدي ب استغراب ورجعت بصتلي

_رايحة فين

_داخلة الاوضة……..في مسلسل بحبه هيبدا دلوقتي وعايزه اتفرج عليه

_طيب متقعدي تتفرجي عليه هنا…….لية تدخلي جوا

_علشان المسلسلات دي لعب عيال صغيرة ومينفعش انك تتفرج عليها…….افتكر ان دا كلامك مش كده!

سابتني ودخلت الارضة…….فضلت باصص عليها لحد ما دخلت الاوضة وقفلت الباب……..قعدت مكاني وبدات احس بخنقة…….كُنت كل شوية ابص علي الاوضة……مكنتش عارف بعمل كدة لية وليه مخنوق انها سابتني ومشيت……قامت من مكاني…….قربت من الاوضة……..فتحت ودخلت لقيتها قاعدة بتتفرج علي المسلسل…….اول ما شافتني اتكلمت

_في حاجة يا اياد

_لا……..اقصد اه فيه……اصل انا جعان…..ممكن تعمليلي حاجة اكلها

_حاضر

_بس لو هدايقك خلاص خليكي

_لا ولا يهمك مفيش حاجة

_والمسلسل!

_عادي هتفرج عليه في الاعادة

قعدت علي السرير استناها…….بعد شوية جات ومعاها صنيه عليه سندوتشات و كوباية عصير……قومت واخدتها منها

_شكرا يا رنا

_علي اية دا واجبي…….لو احتاجت حاجة قولي

_هو انا ممكن اقعد اتفرج معاكي علي المسلسل دا ولا هدايقك

_مسلسل……انت عمرك ما حبيت المسلسلات يا اياد

_شكلي بدات احبها……ينفع اقعد معاكي !

_طبعا اتفضل

قعدت جمبها…….بدات اكل وانا بتفرج علي المسلسل معاها……كُنت كل شوية ابص عليها من غير ما تاخد بالها

"رنا"

مكنتش فاهمة اية التغير اللي حصله في اليومين اللي غاب فيهم دول…….من ساعة ما رجع وهو شخص تاني…….تصرفاته بقيت غريبة وطول الوقت بيبصلي بطريقة غريبة…….انا لو مكنتش عارفاه كويس كُنت هقول انه ……..انه بيحبني…….بس اياد عمره ما حبني ولا هيحبني في يوم …….انا مش عايزه اوهم نفسي بحاجة عمرها ما هتحصل ……..علشان كدة انا لازم ابعد وانساه علشان اقدر اكمل حياتي وقلبي يرتاح

_بس شكله حلو المسلسل دا…….انتي شوفتيه قبل كدة

_اه حلو اوي…….دي تالت مرة اتفرج عليه

_تالت مرة!……علي كدة يبقي مسلسل جامد

_اه…….انا بحبه اوي

_الظاهر ان ذوقك حلو

_مش اوي……تحب اعملك شاي

_خليه بعد المسلسل نبقي نشرب سوا

_ماشي

تلفوني رن وكان جمبه……مسكه وكان بيمد ايده ليا علشان اخده……شاف الاسم …….بدا يتكلم وهو بيبصلي

_مين يونس دا

فضلت ساكتة وببص ليه

….

رواية حكاية حب الفصل الثالث

_اخدت قرارك يا اياد ولا لسة

_انا موافق اني اتجوز يا جدو …….اهم حاجة عندي انك تكون راضي عني

_يبقي تجهز نفسك يوم الخميس علشان هنروح نتقدم ل عروستك

_عروستي……دا حضرتك مرتب كل حاجة بقي……دا انا حتي معرفش العروسة

_لا انت تعرفها كويس يا اياد…….الدكتورة رنا اللي شغاله معاك في المستشفى

_دكتورة رنا……وحضرتك تعرف دكتورة رنا منين

_بيني وبين والدها شغل …….قابلتهم مرة في مطعم كُنت قاعد فيه قبل كده…….لما شوفتها افتكرت اني لما كُنت بجيلك المستشفى بشوفها هناك…….طلبت ايديها من والدها وقولتله انك مُعجب بيها من ساعة ما شوفتها في المستشفى واننا عايزين نطلب ايديها ليك وهو وافق وحددنا يوم الخميس علشان نروح و نتقدم ليها

.

_يعني حضرتك مجهز كل حاجة وجاي تحطني قدام الامر الواقع

_انا بعمل كدة علشان مصلحتك يا اياد…….انا عايز اطمن عليك قبل ما اموت …….لازم تعرف اني بعمل كل دا علشان مصلحتك وبس

_اللي حضرتك شايفه اعملوا يا جدو…….عن اذنك

سيبته ودخلت الاوضة وقفلت الباب…….قعدت علي السرير وحطيت ايدي علي وشي بتعب…….انا مش قادر افهم هو لية بيعاملني كأني طفل صغير مش عارف الصح من الغلط…….الغريبة انه شايف انه كدة صح…….لما يكون بيحركني زي اللعبة في ايده وياخد كل قرارات حياتي عني يكون صح ازاي……..المشكلة اني بحبه وهو اقرب حد ليا……مش قادر ازعل منه ولا ارفضله طلب حتي…….انا حقيقي تعبت ومبقتش عارف افكر ولا اعمل اية

كُنت واقف قدام المرايا وبجهز نفسي …….دخل الاوضة وهو ماسك عصيته ……..بدا يقرب مني وعلي وشه ابتسامه

_جاهز يا عريس

بصيتله وابتسمت …….هزيت راسي و رجعت بصيت للمرايا تاني…….طبطب علي كتفي وبدا يتكلم بهدوء

_يا اياد انت اخر حاجة بتفكرني بالمرحوم ابوك……..اوعي تفكر اني بعمل اللي بعمله دا علشان عايز اغصبك علي حاجة…….بالعكس يا عبيط انا بعمل كل اللي اقدر عليه علشان تكون مبسوط وفرحان……..انت يمكن من فاهم انا لية بعمل معاك كدة ولية دايما بحطك قدام اختيارات انت مش حاببها اصلا …….بس انا واثق انك لما تكبر وتعمل اللي بعمله معاك دا مع عيالك هتفهم……هتفهم قد اية انا بحبك وبخاف عليك اكتر من نفسي …….اوعي يا اياد تزعل مني في يوم…….دا انت الغالي ابن الغالي يا واد

حضنته وانا بحاول امنع دموعي انها تنزل……..بدات اتكلم وانا حاضنه

_ربنا يخليك ليا يا جدو وميحرمنيش منك ابدا يا حبيبي

_ويخليك ليا يا حبيبي

بعدني عنه …….مسح دموعه اللي نزلت ……بدا يتكلم بهزار

_وبعدين بقي…….انت هتعيط ولا اية……..يلا اجهز بسرعة علشان العروسة مستنية……مش عايزين نتاخر عليها

_حاضر

خرج من الارضة…….بعد شويه خرجت وراه……..نزلتا من البيت وركبنا العربية …….بعد شوية وصلنا …….فضلنا قاعدين معاهم شوية وبعدين سابوني انا وهي لوحدنا…….فضلت قاعد ساكت شوية……..بدات اتكلم وانا بحاول ابعد نظري عنها

_بصي يا رنا…….انا مش عايز اكدب عليكي واقولك اني مُعجب بيكي زي ما جدو قال ولا عايز ابدا العلاقة دي بكدب…….انا حابب اني اتكلم بصراحة معاكي…….رنا انا سبب وجودي هنا هو جدو ……..جدو عايز يجوزني ب اي طريقة علشان يطمن عليا اني مش هكون لوحدي لو لا قدر الله حصله حاجة……بصراحة انا مش حابب فكرة الجواز دي اصلا…….بس زي ما قولتلك انا وافقت اني اجي هنا علشان بحب جدو ومش بحب اني ارفضله طلب ……..انا حبيت واحدة كسرت قلبي ودمرتني ومش حابب اني اكرر التجربة دي تاني…….انا وافقت جدو وجيت لحد هنا علشان يقتنع اني موافق علي الموضوع…….بس انا طالب منك انك ترفضيني انتي …….صدقيني يا رنا انا بعمل كدة علشان انتي كمان متكونيش عايشة مع واحد مش بيحبك وبيفكرك في غيرك ………انا بعمل كدة علشانك قبل ما يكون علشاني

"رنا"

كُنت قاعدة بسمع ليه بصدمة……..مكنتش قادرة استوعب اللي بسمعه ……..كُنت حاسة اني في دنيا تانية ومش حاسة ب اي حاجة حواليا………حاولت امنع دموعي انها تتنزل…….بدات اتظاهر بالقوة وبدات اتكلم بثقة

_هو انا ممكن اسألك سؤال

_طبعا يا رنا اتفضلي

_هو انا لو فعلا رفضت وسمعت كلامك……..وجدك جاه بعد يومين وجابلك عروسة تانيه هتعمل اية ساعتها

_هقولها نفس اللي قولته دلوقتي وهخليها ترفض

_بالسهولة دي!……..معتقدش انها سهلة اوي كده

_مش فاهم قصدك

_هو اية اللي مش مفهوم من كلامي معلش……لو في حاجة مش مفهومه يبقي كلامك انت اللي مش مفهوم……هو انت فاكر لما تيجي تقول الكلمتين دول هتخليني ارفض الجوازة واخليك تعمل اللي انت عايزه

_والله انا شايف ان اي واحدة عندها كرامة لما تسمع الكلام اللي انا قولته دا هترفض…….وبعدين انا مش فاهم اية لازمة الكلام دا…….انا طلبت منك طلب لو تقدري تنفذيه ماشي ………ولو مش هتقدري وهتقبلي تتجوزيه واحد لا بيحبك ولا هيحبك اصلا ف دي حاجة ترجعلك

_طيب يا اياد…….طالما انت اتكلمت معايا بصراحة انا كمان هتكلم معاك بصراحة ……..انا من اول يوم شوفتك فيه في المستشفى وانا مُعجبة بيه وحبيتك كمان…….طول الوقت كُنت بفكر فيك وبدعي ربنا انك تكون ليا وان قلبك يحن عليا في يوم……..وربنا استجاب دعائي……..لما بابا قالي انك هتيجي تتقدم ليا مكنتش مصدقة نفسي من الفرحة وكُنت قاعدة بعد الدقايق علشان اللحظة دي تيجي وتقعد القاعدة دي……..الفرصة جات لحد عندي وانا لو رفضتها هكون غبية اوي

_يعني اية مش فاهم

_يعني انا موافقة علي الجوازة دي يا اياد …….ومش هسيبك تروح من ايدي……..سميها بقي دي ما تسميها ……..شايفني معنديش كرامة او غير كدة انا مش فارقة معايا……..اهم حاجة انك هتكون ليا انا و دعواتي ربنا اخيرا استجاب ليها

_يعني انتي شايفه كدة؟!

_انا مش شايفه غير كدة يا دكتور اياد

قبل ما يتكلم كانوا قربوا مننا وهما علي وشهم ابتسامه

_ها يا شباب …….نقول مبروك ولا اية

_مش نسيب العروسة تفكر الاول يا جمال بيه وبعدين ناخد قرار

_وماله ……..عروستنا لازم تاخد الوقت اللي عايزاه…….بس لازم تاخدي قرارك في اسرع وقت يا عروسة …….علشان نفرح بيكم انا ووالدك في اسرع وقت

ابتسمت وبصيت في الارض بكسوف……..محاولتش اني ابصله خالص طول الوقت لحد ما مشيوا

"اياد"

_ساكتة لية يا رنا…….مين يونس دا

_دي مكالمة مش مهمة هبقي ارد عليها بعدين

_ايوة يعني مين يونس دا

_في اية يا اياد …….هو انا عمري سألتك انت بتكلمي ولا بتعمل اية……..علي العموم يا اياد دا يونس ابن خالتي…….بيتصل بيا علشان يقولي كل سنة وآنا طيبه علشان انهارده عيد ميلادي

_ابن خالتك !………هو انتو كلكم كدة بجد

_هو اية اللي كلنا كدة ……..انا مش فاهمه حاجة

_كفاية بقي……..كفاية كدب …….انتو مفيش حاجة عندكم غير الكدب ……..وانا اللي افتكرت انك مختلفة وكُنت بدات احب…….يا خسارة…….اتخدعت فيكي

_اية اللي انت بتقوله دا ……..بقولك دا يونس آبن خالتي وبيتصل بيا علشان يعيد عليا……..انت كبرت الموضوع من مفيش اصل

_انتي طالق يا رنا

سمعت الكلمة دي وفضلت واقفه مكاني مصدومة ومش قادر انطق بكلمة…….مكنتش فاهمة اي حاجة وازاي من مكالمة تلفون يعمل كل دا…….فضلنا واقفين احنا الاتنين ساكتين ومحدش فينا بيتكلم

….

رواية حكاية حب الفصل الرابع

_اخدت قرارك يا اياد ولا لسة

_انا موافق اني اتجوز يا جدو …….اهم حاجة عندي انك تكون راضي عني

_يبقي تجهز نفسك يوم الخميس علشان هنروح نتقدم ل عروستك

_عروستي……دا حضرتك مرتب كل حاجة بقي……دا انا حتي معرفش العروسة

_لا انت تعرفها كويس يا اياد…….الدكتورة رنا اللي شغاله معاك في المستشفى

_دكتورة رنا……وحضرتك تعرف دكتورة رنا منين

_بيني وبين والدها شغل …….قابلتهم مرة في مطعم كُنت قاعد فيه قبل كده…….لما شوفتها افتكرت اني لما كُنت بجيلك المستشفى بشوفها هناك…….طلبت ايديها من والدها وقولتله انك مُعجب بيها من ساعة ما شوفتها في المستشفى واننا عايزين نطلب ايديها ليك وهو وافق وحددنا يوم الخميس علشان نروح و نتقدم ليها

_يعني حضرتك مجهز كل حاجة وجاي تحطني قدام الامر الواقع

_انا بعمل كدة علشان مصلحتك يا اياد…….انا عايز اطمن عليك قبل ما اموت …….لازم تعرف اني بعمل كل دا علشان مصلحتك وبس

_اللي حضرتك شايفه اعملوا يا جدو…….عن اذنك

سيبته ودخلت الاوضة وقفلت الباب…….قعدت علي السرير وحطيت ايدي علي وشي بتعب…….انا مش قادر افهم هو لية بيعاملني كأني طفل صغير مش عارف الصح من الغلط…….الغريبة انه شايف انه كدة صح…….لما يكون بيحركني زي اللعبة في ايده وياخد كل قرارات حياتي عني يكون صح ازاي……..المشكلة اني بحبه وهو اقرب حد ليا……مش قادر ازعل منه ولا ارفضله طلب حتي…….انا حقيقي تعبت ومبقتش عارف افكر ولا اعمل اية

كُنت واقف قدام المرايا وبجهز نفسي …….دخل الاوضة وهو ماسك عصيته ……..بدا يقرب مني وعلي وشه ابتسامه

_جاهز يا عريس

بصيتله وابتسمت …….هزيت راسي و رجعت بصيت للمرايا تاني…….طبطب علي كتفي وبدا يتكلم بهدوء

_يا اياد انت اخر حاجة بتفكرني بالمرحوم ابوك……..اوعي تفكر اني بعمل اللي بعمله دا علشان عايز اغصبك علي حاجة…….بالعكس يا عبيط انا بعمل كل اللي اقدر عليه علشان تكون مبسوط وفرحان……..انت يمكن من فاهم انا لية بعمل معاك كدة ولية دايما بحطك قدام اختيارات انت مش حاببها اصلا …….بس انا واثق انك لما تكبر وتعمل اللي بعمله معاك دا مع عيالك هتفهم……هتفهم قد اية انا بحبك وبخاف عليك اكتر من نفسي …….اوعي يا اياد تزعل مني في يوم…….دا انت الغالي ابن الغالي يا واد

حضنته وانا بحاول امنع دموعي انها تنزل……..بدات اتكلم وانا حاضنه

_ربنا يخليك ليا يا جدو وميحرمنيش منك ابدا يا حبيبي

_ويخليك ليا يا حبيبي

بعدني عنه …….مسح دموعه اللي نزلت ……بدا يتكلم بهزار

_وبعدين بقي…….انت هتعيط ولا اية……..يلا اجهز بسرعة علشان العروسة مستنية……مش عايزين نتاخر عليها

_حاضر

خرج من الارضة…….بعد شويه خرجت وراه……..نزلتا من البيت وركبنا العربية …….بعد شوية وصلنا …….فضلنا قاعدين معاهم شوية وبعدين سابوني انا وهي لوحدنا…….فضلت قاعد ساكت شوية……..بدات اتكلم وانا بحاول ابعد نظري عنها

_بصي يا رنا…….انا مش عايز اكدب عليكي واقولك اني مُعجب بيكي زي ما جدو قال ولا عايز ابدا العلاقة دي بكدب…….انا حابب اني اتكلم بصراحة معاكي…….رنا انا سبب وجودي هنا هو جدو ……..جدو عايز يجوزني ب اي طريقة علشان يطمن عليا اني مش هكون لوحدي لو لا قدر الله حصله حاجة……بصراحة انا مش حابب فكرة الجواز دي اصلا…….بس زي ما قولتلك انا وافقت اني اجي هنا علشان بحب جدو ومش بحب اني ارفضله طلب ……..انا حبيت واحدة كسرت قلبي ودمرتني ومش حابب اني اكرر التجربة دي تاني…….انا وافقت جدو وجيت لحد هنا علشان يقتنع اني موافق علي الموضوع…….بس انا طالب منك انك ترفضيني انتي …….صدقيني يا رنا انا بعمل كدة علشان انتي كمان متكونيش عايشة مع واحد مش بيحبك وبيفكرك في غيرك ………انا بعمل كدة علشانك قبل ما يكون علشاني

"رنا"

كُنت قاعدة بسمع ليه بصدمة……..مكنتش قادرة استوعب اللي بسمعه ……..كُنت حاسة اني في دنيا تانية ومش حاسة ب اي حاجة حواليا………حاولت امنع دموعي انها تتنزل…….بدات اتظاهر بالقوة وبدات اتكلم بثقة

_هو انا ممكن اسألك سؤال

_طبعا يا رنا اتفضلي

_هو انا لو فعلا رفضت وسمعت كلامك……..وجدك جاه بعد يومين وجابلك عروسة تانيه هتعمل اية ساعتها

_هقولها نفس اللي قولته دلوقتي وهخليها ترفض

_بالسهولة دي!……..معتقدش انها سهلة اوي كده

_مش فاهم قصدك

_هو اية اللي مش مفهوم من كلامي معلش……لو في حاجة مش مفهومه يبقي كلامك انت اللي مش مفهوم……هو انت فاكر لما تيجي تقول الكلمتين دول هتخليني ارفض الجوازة واخليك تعمل اللي انت عايزه

_والله انا شايف ان اي واحدة عندها كرامة لما تسمع الكلام اللي انا قولته دا هترفض…….وبعدين انا مش فاهم اية لازمة الكلام دا…….انا طلبت منك طلب لو تقدري تنفذيه ماشي ………ولو مش هتقدري وهتقبلي تتجوزيه واحد لا بيحبك ولا هيحبك اصلا ف دي حاجة ترجعلك

_طيب يا اياد…….طالما انت اتكلمت معايا بصراحة انا كمان هتكلم معاك بصراحة ……..انا من اول يوم شوفتك فيه في المستشفى وانا مُعجبة بيه وحبيتك كمان…….طول الوقت كُنت بفكر فيك وبدعي ربنا انك تكون ليا وان قلبك يحن عليا في يوم……..وربنا استجاب دعائي……..لما بابا قالي انك هتيجي تتقدم ليا مكنتش مصدقة نفسي من الفرحة وكُنت قاعدة بعد الدقايق علشان اللحظة دي تيجي وتقعد القاعدة دي……..الفرصة جات لحد عندي وانا لو رفضتها هكون غبية اوي

_يعني اية مش فاهم

_يعني انا موافقة علي الجوازة دي يا اياد …….ومش هسيبك تروح من ايدي……..سميها بقي دي ما تسميها ……..شايفني معنديش كرامة او غير كدة انا مش فارقة معايا……..اهم حاجة انك هتكون ليا انا و دعواتي ربنا اخيرا استجاب ليها

_يعني انتي شايفه كدة؟!

_انا مش شايفه غير كدة يا دكتور اياد

قبل ما يتكلم كانوا قربوا مننا وهما علي وشهم ابتسامه

_ها يا شباب …….نقول مبروك ولا اية

_مش نسيب العروسة تفكر الاول يا جمال بيه وبعدين ناخد قرار

_وماله ……..عروستنا لازم تاخد الوقت اللي عايزاه…….بس لازم تاخدي قرارك في اسرع وقت يا عروسة …….علشان نفرح بيكم انا ووالدك في اسرع وقت

ابتسمت وبصيت في الارض بكسوف……..محاولتش اني ابصله خالص طول الوقت لحد ما مشيوا

"اياد"

_ساكتة لية يا رنا…….مين يونس دا

_دي مكالمة مش مهمة هبقي ارد عليها بعدين

_ايوة يعني مين يونس دا

_في اية يا اياد …….هو انا عمري سألتك انت بتكلمي ولا بتعمل اية……..علي العموم يا اياد دا يونس ابن خالتي…….بيتصل بيا علشان يقولي كل سنة وآنا طيبه علشان انهارده عيد ميلادي

_ابن خالتك !………هو انتو كلكم كدة بجد

_هو اية اللي كلنا كدة ……..انا مش فاهمه حاجة

_كفاية بقي……..كفاية كدب …….انتو مفيش حاجة عندكم غير الكدب ……..وانا اللي افتكرت انك مختلفة وكُنت بدات احب…….يا خسارة…….اتخدعت فيكي

_اية اللي انت بتقوله دا ……..بقولك دا يونس آبن خالتي وبيتصل بيا علشان يعيد عليا……..انت كبرت الموضوع من مفيش اصل

_انتي طالق يا رنا

سمعت الكلمة دي وفضلت واقفه مكاني مصدومة ومش قادر انطق بكلمة…….مكنتش فاهمة اي حاجة وازاي من مكالمة تلفون يعمل كل دا…….فضلنا واقفين احنا الاتنين ساكتين ومحدش فينا بيتكلم

…….

رواية حكاية حب الفصل الخامس

_اية اللي رجعك تاني بعد اللي عملتيه يا نور

_علشان وحشتني يا اياد……..وحشتني ومش قادرة ابعد اكتر من كدة

_وحشتك!…….انتي بتتكلمي بجد……..بعد كل اللي عملتيه دا جايه تقولي اني وحشتك

_اياد انا من يوم سيبتك وانا حياتي اتدمرت……..انا من يوم ما سيبتك وروحت لخالد وانا حياتي ادمرت يا اياد……..انا مش محتاجة غير انك تسامحني ونرجع زي الاول

_اسامحك!…….اسامحك علي اية ولا اية يا نور……..علي انك سبتيني قبل كتب الكتاب بيومين وقولتيلي انك عمرك ما حبتيني ………ولا اسامحك علشان روحت واتجوزت خالد اقرب صاحب ليا واللي كُنت بعتبره اخويا………ولا اسامحك علشان دمرتي حياتي وخليتيني مش قادر اثق في اي واحدة بعد اللي عملتيه دا

_انا عارفة اني غلطت يا اياد………بس انا دفعت ثمن غلطتي دا غالي اوي……..اياد انا عرفت قيمتك وقيمة حُبك ليا متأخر اوي…….عرفت قيمتك في كل مرة خالد كان بيمد ايده عليا ……..عرفت قيمتك لما كُنت بقع في مصيبة وبتصل بخالد يقولي انه مش فاضي وافتكر لما كُنت انت بتجيلي لو حسيت اني فيا حاجة وتسيب كل اللي وراك علشاني………انا عرفت قيمتك متأخر اوي يا اياد……..انا عارفة انه صعب عليك تسامحني ودا حقك…….بس انا مش محتاجة منك غير فرصة تانيه بس علشان اثبت حبي ليك واني اتغيرت علشانك

_اتاخرتي اوي يا نور……..اتاخرتي علشان تفهمي قد اية انا كُنت بحبك بس للاسف……..مبقاش ينفع………انا بقيت بكرهك قد حُبي القديم ليكي

_لا يا اياد……..انت لسة بتحبيني………انت بس لسة زعلان مني علشان كدة بتقول الكلام دا……..ارجوك يا اياد تعال ننسي اللي فات ونبدا صفحة جديدة……..وانا أوعدك اني عمري ما هزعلك تاني ……..علشان خاطري يا اياد متسبينيش

مسكت في ايدي ودموعها بدات تنزل……..فضلت باصص عليها وانا مش عارف اعمل اية ولا اتصرف ازاي……..مكنتش عارف اسامحها واديها فرصة تانية ولا لا……..انا اه يمكن بدات احب رنا………بس بعد اللي انا عملته انهاردة دا وشكي فيها اللي احتمال يكون غلط مش هتسامحني……..وهترفض ترجع تاني………انا مبقاش ينفعني غير واحدة زي نور……..يمكن رنا فعلا كويسة وانا مستحقش تكون من نصيبي……..لاول مرة احس اني تايه ومش عارف اخد قرار صح ولا عارف اتصرف ازاي……..فضلت ابص عليها وانا ساكت وهي ماسكة في ايدي و باصة ليا

"رنا"

_انتي كويسة يا حبيبتي

_هو اية اللي حصل يا بابا…….انا مش فاكرة حاجة

_اغمي عليكي……..وانا من قلقي قلقي جيبت دكتور يكشف عليكي…….مبروك يا حبيبتي

_مبروك علي اية

_انتي حامل يا رنا

بصتله بصدمة وانا مش قادرة انطق ولا اتكلم

_حاولت اكلم اياد وافرحه……..رنيت عليه من عندك علشان تلفوني كان فاصل شحن بس مردش ……..هيكون احسن لو كلمتيه انتي قولتيله

اداني التلفون في ايدي…….باس راسي وهو علي وشه ابتسامه فرحة

_انا هروح اعملك حاجة تاكليها لحد ما تكلمي اياد وتقوليله الخبر الحلو دا

بص علي شنطة هدومي اللي محطوطة في اخر الاوضة ورجع بصلي واتكلم

_اكيد الخلاف اللي بينكم دا يتحل بعد ما يعرف الخبر الحلو دا

سابني وخرج من الاوضة وقفل الباب وراه……..فضلت باصة علي الباب لحد ما اتقفل…….مكنتش عارفة اعمل اية ولا اخد قرار حتي……..انا مش عايزة ارجع لاياد بسبب شكه فيا دا بس ………بس انا دلوقتي حامل منه وبسبب حملي دا اكيد في حاجاتهم هتتغير ……..او انا ممكن

هزيت دماغي وانا بمنع نفسي اني افكر حتي في الموضوع ……..اتصلت بيه واستنيت لحد ما يرد عليا……..التلفون فصل وهو مردش…….حطيت التلفون جمبي واتنهدت بحُزن وانا مش عارفه اتصرف ازاي ولا اعمل اية

"اياد

_اياد انت كويس

_معتقدش ان دا يهمك في حاجة

_انا شايفاك مدايق قولت اسألك يمكن اقدر اساعدك في حاجة

_لو عايزة تساعديني تبعدي عني ……..دي هتكون اكبر مساعدة منك ليا

_انا مش فاهمة هو انت لية بتكرهني كدة

_انا ولا بكرهك ولا بحبك يا رنا………انا من اول يوم وانا قايلك كل حاجة في قلبي و سيبتلك الاختيار……..وانتي اختارتي انك تكوني معايا…….يبقي تستحملي بقي

_انا اختارت اكون معاك علشان بحبك يا اياد كُنت فاكرة……..كُنت فاكرة اني هقدر اغيرك او اخليك تحبيني …….علشان كدة وافقت اتجوزك

_تبقي غلطانة……..لاني عمري ما هتغير ولا عمري هحبك…….انتي لازم تعرفي كويس ان هي مسألة وقت مش اكتر وهطلقك……..انا بس بحاول امهد لجدو ان انا وانتي مش مناسبين لبعض وبعدين هطلقك……..متحاوليش معايا اكتر من كدة لاني عمري ما هحبك وكل محاولاتك دي هتفشل

_عندك حق……..انا غلطانة فعلا……..غلطت لما حبيتك وغلطت لما اتجوزتك…….غلطت في كل مرة جيت علي نفسي فيها علشانك وانت مكنتش بتهتم بيا في الوقت اللي انا كُنت بهتم ب اقل التفاصيل اللي تخصك……..غلطت علشان اهتميت بيك وعبرت عن حُبي اللي لا هو حرام ولا عيب لانك جوزي……..بس متقلقش يا اياد انا هصلح غلطتي دي ………و هنسي حبي ليك دا خالص……..من انهاردة لحد ما نتطلق هتشوف رنا تانية……..واحدة هتنسي حبها ليك ومش هتحاول تغيرك………علشان انت متستحقش حُبي دا يا اياد……..انت طول الوقت بتشتكي قد اية نور جرحتك ودمرتك هي وخالد صحبك وفاكر انك الوحيد الضحية……..بس انت مش اقل منهم لا بالعكس…….انت اسوء منهم هما الاتنين……عارف لية يا اياد…….لانك عملت فيا نفس اللي حصل فيك…….وجعتني وكسرت قلبي زي ما هما عملوا فيك مع انك عارف كويس قد اية الاحساس دا صعب……..انا عمري ما هسامحك يا اياد

افتكرت كلامها ليا……..لاول مرة احس اني انسان وحش وظالم علشان ظلمتها معايا……..انا كُنت غلطان فعلا …….رنا بتحبني ……..مش ممكن تخوني وانا اللي غلطت…….بس هي عمرها ما هتسامحني……..بصيت علي التلفون لقيتها بترن تاني……..سحبت ايدي اللي كانت في ايد نور……..مسكت التلفون وفضلت باصص فيه ومش قادر اخد قرار………كُنت هرد لقيتها قفلت ……..غمضت ايدي بتعب وحيرة و مكنتش عارف اعمل اية……..ارجع ل رنا اللي اذيتها بدل المرة الف واللي اكيد مش هتسامحني علي كل اللي عملته فيها ولا ارجع لنور لاني بقيت زيها ومش هينفعني غيرها دلوقتي …….بس لا انا مستحقش رنا وحبها ليًا غير لما اثبت لنفسي قبل ما اثبتلها اني هكون شخص احسن وهحبها بجد ودا نش هيحصل غير بطريقة واحدة وبس……..سمعت صوتها

_اياد انت كويس!

_انا موافق

_موافق علي اية

_انتي مش جاي تطلبي مني اننا نرجع……..وانا بقولك اني موافق

_بجد يا اياد

_ايوة بجد……..بس انا عندي شرط

_وانا موافقة عليه

_قبل ما تعرفي اية هو الشرط دا

_مش مهم المهم انك تسامحني وترجع زي الاول

_لو عايزة اننا نرجع زي الاول يبقي تعملي اللي انا عايزه يا نور

......

رواية حكاية حب الفصل السادس

_كُنت فين من امبارح ……..عمال اكلمك انا ورنا وانت مش بترد

_مكنتش فاضي يا جدو…….كُنت مشغول

_ممكن اعرف كُنت مشغول في اية

_كُنت مع نور

_نور مين

_نور خطيبتي القديمة يا جدو……..نسيتها ولا اية يا جدو

_انت ايه اللي يخليك تقابل البنت دي تاني

_علشان بحبها…….بصراحة نور ندمت علي اللي عملته معايا وطلبت مني اني اسامحها وانا بصراحة لسه بحبها……..وقولت اديها فرصة تانيه

_انت اكيد اتجننت

_اية الجنان في اللي بقوله يا جدو……..اه نور غلطت بس ندمت علي غلطتها معايا دي ……..وبعدين احنا مش ملايكة يعني……..كلنا بنغلط و بنندم علي غلطنا…….وطالما انا لسة بحبها يبقي اية المانع اني اديها فرصة تانية ونرجع تاني لبعض……..انا ورنا اطلقنا ومبقاش في حاجة تربطنا ببعض خلاص……..يعني انا حر اعمل اللي انا عايزه وهي كمان حرة

في لحظة لقيت جدو ضربني بالقلم…….بصيتله بصدمة وانا مش مصدق انه عمل كدة……..جدو عمره ما مد ايده عليا من وانا صغير…….مكنتش متخيل انه ممكن يعمل كدة في يوم…….فضلت ساكت ومش قادر اتكلم……..بدا يتكلم وانا واقف بسمع ليه

_انا شكلي غلطت لما فكرتك راجل عاقل…….سايب مراتك اللي بتعمل كل حاجة علشان ترضيك وبتحبك ورايح للي باعتك زمان و دمرتك……..انت متستحقش حُب رنا ليك ……..انت مينفعكش غير اللي اسمها نور دي………لانك انت وهي شبه بعض………كُنت فاكر انك هتفهم غلطك وتعقل بس لا……..انت بتزيد في الغلط ومبقاش حد بيهمك……….انا مش عايز اشوف وشك تاني غير لما تعقل وتفهم انك ماشي في الطريق الغلط……..ولحد ما تفهم دا مش عايز اشوف وشك ولا اسمع صوتك حتي

فضلت واقف بسمعله ومش قادر حتي اني ارد عليه………انا عارف ان كل كلمة هو بيقولها صح وعنده حق فيها……..انا فعلا مستحقش رنا ولا استحق حُبها ليا……..انا غلطت في حقها

خرجت من البيت وانا مش عارف اروح فين ……..فضلت ماشي في الشارع بحُزن……..رجوعي لنور مش علشان انا لسة بحبها او سامحتها……..انا هرجع لنور لان انا شبهها………نور خانتني وكسرت قلبي وانا عملت كدة مع رنا……..رنا تستحق الاحسن مني وعلشان كدة انا لازم ارجع ل نور……..ساعتها رنا هتفقد الامل في اني احبها او نرجع تاني………اتبعتلي رسالة……..فتحت التلفون وكانت منها…….فتحتها وبدات اقراها

"تعال واقعد مع بابا وانهي كل حاجة معاه……..هو لحد دلوقتي فاكر اننا اتخانقنا خناقة عادية ……..مش قادرة اقوله اننا اتطلقنا…….وفي حاجة كمان لازم تعرفها……..انا حامل"

مهتمتش غير ب اخر كلمة………مكنتش مصدق نفسي……..يعني انا هبقي اب……..كُنت حاسس ب احساس غريب………كُنت فرحان اوي ومش مصدق اني اخيرا هبقي اب………اخدت تاكسي وروحت بسرعة عند عمي

"نور"

_قولتلك انه م هيصدق انه يرجعلي

_مكنتش متخيل انه يوافق بالسرعة دي

_دا ماخدش خمس دقايق وفي الاخر قالي انه موافق انه يرجعلي

_المهم دلوقتي ……..اتفقتوا علي اية

_ولا حاجة………قالي انه هيجي من تاني يتقدملي ويطلب ايدي من بابا وهنعمل الفرح بعد شهرين

_انا حقيقي مش مصدق……..اياد عمره ما كان بيسامح بالسهولة دي

_علشان بيحبني…….بيحبني وحياته كانت وحشه من غيري ………ومصدق اني ارجعله تاني…….كلها شهرين وهخليه يكتبلي كل حاجة هو بيملكها ب اسمي واكون انا صاحبة كل حاجة

_بلاش الثقه الزيادة دي……..انا خايف اكيد اياد وراه حاجة……..اصل اكيد اياد مش هيسامحك بالسهولة دي

_غبي…….سامحني علشان غبي ……..فاكر اني فعلا ندمانة واني اتظلمت لما سيبته و روحت لخالد واني بحبه بجد…….لكن اللي هو ميعرفهوش اني عمري لا حبيته ولا هحبه………انا كل اللي يهمني الفلوس وبس……..غير كدة مفيش حاجة تهمني

_طيب هتعملي ايه في جده دا

_لو علي جده انا اقدر اخلص منه بسهولة………الاهم من جده بقي هي مراته……..مراته اللي لازم نخلص منها في اقرب وقت …….ومحذش يقدر يعمل كدة غيرك انت

_انا!……..عايزاني اعمل اية مش فاهم

قعدت وحطيت رجل علي رجل…….بصيت ليه وانا علي وشي ابتسامه

"رنا"

_عاملة اية دلوقتي يا حبيبتي

_الحمدلله يا بابا

_اياد لسة متصلش

الباب خبط

_خليك انت يا بابا انا هفتح

قربت من الباب علشان افتح……..كُنت عارفة ان هو اللي بيخبط…….وقفت قدام الباب…….اتنهدت بحُزن…….فتحت الباب ولقيته قدامي…….فضلت باصة عليه وساكتة……..رغم كل اللي عمله معايا وشكه فيا بس مقدرتش اكرهه……..لسة بحبه واول ما شوفته فرحت………فضلنا باصين لبعض…….بابا خرج من الاوضة

_اهلا يا اياد ……..اتفضل

دخل ……قفلت الباب ودخلت وراه

_تشرب اية يا اياد

_شكرا يا عمي…….انا كُنت جاي علشان اخد رنا ونروح

_هي رنا قالتلك الخبر الحلو

_ايوة يا عمي ……..من ساعة ما عرفت وانا طاير من الفرحة

_الف مبروك يا حبيبي……..ربنا يجيبه بالسلامة ويتربي في عزكم ان شاء الله

_يا رب يا عمي…….مش يلا يا رنا ولا اية

فضلت باصة ليه وانا مش فاهمة حاجة

_بس

_بس اية يا رنا……..معقول اجي لحد عندك علشان اصالحك وانتي مترديش …….ينفع كدة يا عمي

_لا يا ابني مينفعش……..اياد جالك لحد عندك يا رنا علشان يصالحك……..لازم تسامحيه……..حتي علشان ابنكم اللي جاي دا

_بس حضرتك متعرفش هو عمل اية يا بابا

_مش مهم هو عمل اية…….المهم انه جاه لحد هنا علشان يصلحك……..انا هدخل اعملكم حاجة تشربوها عقبال ما تتكلموا…….ربنا يهدي الحال

سابنا ودخل المطبخ…….بصتله وبدات اتكلم بعصبيه

_انت لية مقولتش اننا اتطلقنا…….واية جاي ترجعني دي

_مانا رجعتك خلاص يا رنا…….اكيد مش هخلي ابني ولا بنتي يتربوا بعيد عن حد فينا……..احنا دلوقتي مينفعش نفكر في نفسنا……..في حد تاني لازم نفكر فيه

_اية اللي انت بتقوله دا…….انا لا يمكن ارجعلك ابدا

_يعني انا اللي هموت وارجعلك …….مانا زي زيك مش طايق اني اشوف وشك حتي

_اومال رجعتني لية

_قولتلك علشان ابننا ……..انا مش عايزه يجي الدنيا يلاقي ابوه وامه متطلقين ويعيش حياة صعبة

_انت مريض صح……..مش معقول تكون بتتكلم جد يعني……..انت طلقتني علشان بتشك فيا وفاكرني بخونك…….جاي دلوقتي تقول رجعتك علشان ابننا

_طلقك!

بصينا ل بابا اللي كان واقف مصدوم…….رجعنا بصينا لبعض واحنا مش عارفين نقول اية او نعمل اية

_اية اللي انا سمعته دا……..ساكتين لية متتكلموا

......

رواية حكاية حب الفصل السابع

_نور من الصبح مش بترد عليا…….انا بدات اقلق

_اهدا يا اياد……انت ناسي انها عروسة وفي وراها مليون حاجة

_لا……..لا يا جدو في حاجة غلط………نور عمرها ما عملت كدة……..انا حاسس ان في حاجة غلط

_يا حبيبي ان شاء الله مفيش حاجة……..تلاقيها بس مش سامعة التلفون…….ان شاء الله اول ما تاخد بالها من مكالمتك هترجع تكلمك تاني

_مش سامعة التلفون اية يا جدو……..انا اتصلت بيها اكتر من ٢٠ مرة …….كل دا ومش سامعة التلفون

تلفوني رن……..بصيت فيه بسرعة……..لقيت اختها بترن…….رديت وانا خايف وقلقان عليها

_الو……..ايوة يا حبيبة…….نور كويسة صح

_اياد…….ممكن تيجي دلوقتي

_في اية يا حبيبة……..نور حصلها اية

_اياد نور……..نور هربت يا اياد

_هربت

_دخلت اوضتها علشان اصحيها………ملقتهاش في الاوضة ولا في البيت كله……..لقيتها سايبة ورقة علي السرير وبتقول فيه انها مش هتقدر تكمل معاك وانها عُمرها ما حبيتك

كُنت بسمعلها وانا مصدوم ومش مصدق اللي بسمعه…….قعدت في مكاني دموعي بدات تنزل ……..مكنتش حاسس ب اي حاجة حواليا لحد ما جدو اخدني في حضنه…….فضلت اعيط في حضنه كأني طفل صغير……..مكنتش اتخيل ان دا ممكن يحصل…….انا حبيت نور اكتر من اي حد في حياتي……..كُنت بحبها اكتر من حبي لجدو حتي……..مكنتش اتخيل انها تعمل معايا كدة…….كان باين عليها انها بتحبني هي كمان وكانت بتهتم بيا زي اهتمامي بيها ويمكن اكتر……..ازاي قدرت تعمل كدة فيا وهي عارفه اني بحبها…….ازاي قدرت تسيبني قبل الفرح بكام ساعة……….اكتشفت انها هربت مع خالد……..خالد اللي كان اكتر من اخويا واللي كُنت بعمل ليه كل حاجة علشان يبقي مبسوط ………هو كمان خان ثقتي فيه ووجعني……..اكتر اتنين كُنت بثق فيهم هما اكتر ناس وجعتني وخلتني مبقتش قادر اثق في حد تاني

كُنت قاعد في البيت لوحدي……..قاعد بفتكر ازاي انا اتأذيت بسببهم وازاي بقيت شبهم…….بقيت بأذي كل الناس اللي بيحبوني……..بقيت لوحدي ومبقاش في حد جمبي او بيحبني وكل دا بسببهم هما…….التلفون رن…….قربت منه واخدته……..بصيت فيه لقيتها هي اللي بترن……..غمضت عيني ومسحت وشي بتعب……..رديت علي التلفون وحطيته علي وداني

_ايوة يا نور

_انت فين يا حبيبي

_هكون فين يعني يا نور…….في البيت

_انا قولت اتصل بيك علشان وحشتني وقولت اسمع صوتك……..انت كويس

_ايوة يا نور كويس…….في حاجة تانية ولا اقفل

_انا اسفه يا اياد شكلي دايقتك بمكالمتي…….انا بس قولت اتصل اطمن عليك

_وقولتلك اني كويس…….سلام بقي

قفلت السكة…….حطيت التلفون علي الترابيزة……..اتنهدت وفضلت قاعد مكاني وبفكر اللي انا بعمله دا صح ولا غلط

"رنا"

_ازاي تخبي عني حاجة زي دي يا رنا

_مكنتش قادرة اقولك يا بابا…….انا اديت ل جمال بيه وعد اني مش هقولك ولا هقول لحد عن اي حاجة

_وعد اية دا يا رنا……..انتي شايفه ان الموضوع دا ممكن يبقي في وعود اصلا…….انا مش قادر اصدق انك وافقتي عن حاجة زي دي من الاول اصلا

_صدقني يا بابا انا مكنتش موافقة في الاول بس

_بس اية يا رنا……..اية اللي خليكي توافقي تكوني مع واحد انتي عارفه انه لا حبك ولا هيحبك وهو قالك كدة بنفسه……..ازاي تقللي من نفسك كدة يا رنا

_علشان حبيته يا بابا

بدات اعيط وانا بتكلم

_حبيته وافتكرت اني لما اوافق و اتجوزه هقدر اغيره…….كُنت فاكرة انه هيحبني زي ما حبيته……..اتنازلت واتجوزت واحد مبيحبنيش ولا شايفني اصلا علشان عندي امل ولو ١٪؜ انه هيحبني في يوم…….استحملت معاه كل حاجة لاني كُنت عارفة انه اتوجع من اللي حصله دا……..استحملت كتير ومقدرتش اتكلم لاني انا اللي اختارت كدة من الاول……..تعبت وانا بحاول معاه علشان يحبني وعلشان يعاملني كويس بس فشلت…….فشلت في اني اغيره وفشلت في اني ابطل احبه حتي فشلت في اني ابعد عنه…….لاني لما فكرت ابعد وادوس علي قلبي طلعت حامل…….دلوقتي مبقاش ينفع اني العد واحاول انساه لاني حامل في ابنه …….انا عارفة اني غلطت……..بس انا بسبب غلطي دا تعبت اوي والله يا بابا ومبقتش قادرة اتحمل اكتر من كدة والله

اخدني في حضنه وطبطب عليا……..فضلت اعيط من غير ما اتكلم

بعدت عنه…….مسحت دموعي وبدات اتكلم

_انا اسفه يا بابا……..انا عارفه اني غلطت…….غلطت غلطة كبيرة……..سامحني

_انا مش زعلان منك يا رنا……..انا زعلان عليكي ……..اللي انتي عملتي دا خلاكي تقلي في نظره ويفكر انك معندكيش كرامة وعلشان كدة كان دايما يقلل منك…….انتي لو كُنتي جيتي علشان تاخدي رأيي انا عمري ما كنت هوافق انك تقللي من نفسك او تعملي كدة…….المهم انك اتعلمتي ان كرامتك لازم تكون اهم عندك من اي حاجة تانية

ابتسمت وهزيت راسي …….نمت في حضنه بحُزن وتعب

"جمال"

_محدش بقي قادر يوقف اياد يا ثريا…….اياد بقي شخص مريض كل تصرفاته غلط……انا مش عارف هو ازاي بقي كدة

_من دلعك فيه يا جمال……..قولتلك كتير ان اللي انت بتعمله دا غلط بس انت مكنتش بتسمع كلامي…….اياد حفيدي زي ما هو حفيدك وبحبه قد حُبك ليه ويمكن اكتر…….بس اللي انت كُنت بتعمله دا كان غلط……..خوفك عليه الزيادة دا كان غلط

_وهو انا اللي قولت ل نور تخونه …….ولا قولت ل خالد هو كمان يخونه

_لا يا جمال…….انت اللي وجهت نور انك عرفت حقيقتها وهددتها انك هتأذيها لو مقالتش ل اياد كل حاجة

_اومال كنتي عايزاني اعمل يا ثريا…….اسيبها تضحك عليه واتفرج علي حفيدي وهو بيضيع واسكت

_انا مقولتش كدة يا جمال…….كان في طرق كتيرة تخليك تبعدها عنه

_دا اللي حصل يا ثريا…….مكنتش قادر افكر غير في الحل دا……..وبعدين انا كُنت اعرف منين ان كل دا هيحصل يعني

_هتفضل طول عمرك كدة……..عمرك ما اقتنعت انك غلطان يا جمال…….علشان كدة خسرتني وخسرت بنتك…….ودلوقتي هتخسر حفيدك كمان

قبل ما ارد عليها تلفوني رن…….رديت علي الرقم الغريب اللي اتصل……بدات اتكلم مع الشخص اللي اتصل

_حضرتك جمال عز

_ايوة انا…….مين معايا

_حفيد حضرتك عمل حادثة ونقلناه المستشفى……..يا ريت حضرتك تيجي علي مستشفى ******

كُنت بسمع للي بيتكلم بصدمة وانا مش قادر انطق…….مكنتش حاسس ب اي حاجة حواليا ومصدوم وخايف عليه

......

رواية حكاية حب الفصل الثامن

_هتفضل حابس نفسك في أوضتك كدة كتير

_عايزني اعمل اية يا جدو

_عايزك تنزل شغلك وتشوف حياتك……….مش هتوقف حياتك علشانها يا اياد

_مش قادر يا جدو……..مش قادر انسي اللي عملته هي وخالد فيا……..لحد دلوقتي مش مصدق ان نور وخالد يعملوا معايا كدة ……..ازاي قدروا يخونوا حبي وثقتي فيهم……..انا كُنت بحاول اعمل اي حاجة علشان افرحهم ……..انا عمري ما اعتبرت خالد صاحبي دول عمري شايفه اخويا عمري ما حسيت انه صاحب عادي معقول قدر يعمل فيا كدة وياخد مني نور ويخون ثقتي فيه………ونور اللي كانت دايما بتقول انها بتحبني و متقدرش تعيش من غيري ازاي قدرت تعمل كدة فيا انا كُنت فاكر انها بتحبني وعمرها ما تأذيني ابدا ازاي جالها قلب تعمل معايا كدة

قربت منه وقعدت جمبه……..طبطبت علي كتفه وبدات اتكلم بهدوء

_لو فاكر ان دي اول ولا اخر صدمة خدتها او هتاخدها في حياتك تبقي غلطان……..انت كل يوم هتتصدم في الناس اللي حواليك واللي بتحبهم……بس لو كل صدمة انت هتتعرض ليها حبست نفسك وقعدت تعيط يبقي عُمرك ما هتعيش حياتك وتتخطي حُزنك دا……..انا مش بقولك متزعلش بالعكس ازعل وطلع كل اللي في قلبك و اكتئب بس بلاش تطول في حُزنك دا اخرك يومين ورجع احسن من الاول………مش انت اللي خسرت يا اياد هما اللي خسروك و خسرو حُبك ليهم اللي عُمرهم ما هيلاقوا زيه بعد كدة………لو حد المفروض يكون في حالتك دي يبقي هما مش انت……….قوم اغسل وشك وجهز نفسك علشان تروح المستشفى……..في ناس حياتها بين ايديك وانت اللي هتنقذهم ……..اكيد مش هتسيب حياتهم تروح علشان زعلك واكتئابك دا

هز راسه ب حاضر وابتسم…….مسح دموعه

_شكرا يا جدو……..شكرا علشان دايما واقف جمبي وبتساعدني في كل مشكلة بقع فيها…….انا بحبك يا جدو

_لازم اقف جمبك في كل مصيبة تعملها……..م انت قدري والامانة اللي ابوك سبها ليا قبل ما يموت………غصب عني هقف جمبك

ضحكنا…….اخدته في حضنه طبطبت عليه وانا مبتسم

كُنا بنجري في المستشفى انا وهي واحنا قلقانين عليه……..شوفناها قاعدة بعيد…….قربنا منها بسرعه اول ما شافتنا قامت وقفت

_اياد حصله ايه يا رنا ………هو كويس صح

_كويس الحمد لله يا جدو ………شوية كسور بسيطة وبس الحمد لله

_طب هو فين دلوقتي

_في الاوضة دي…….انا اديته ابرة بينج وهو دلوقتي نايم لو عايزين تدخلوا تطمنوا عليه اتفضلوا

جريت علي الاوضة علشان تطمن عليه…….كُنت رايح ناحية الاوضة بس شوفتها جاية من بعيد…….فضلت باصص ناحيتها كلمتها وانا باصص عليها

_نور جاية علشان تطمن عليه……..انا عارف انك مبقتيش عايزة تكوني معاه بس انا مش طالب منك غير انك تقفي جمبي علشان نبعدها المرة دي عنه وبس……..وبعدها اعملي اللي انتي عايزاه يا رنا

_انا المفروض اني امشي ومهتمش بيه اصلا يا جدو……..بس المشكله انه رجعني ليه امبارح وانا دلوقتي لسة علي ذمته ولازم ابقي جمبه واكيد لازم ابعدها عنه

وقفت قدامنا

_اياد فين…….هو كويس يا جدو صح

_خايفه عليه اوي كدة يا نور

_اكيد طبعا يا جدو …….اياد حبيبي ولازم اخاف عليه

_اياد كويس……..بس للاسف مش هتقدري تشوفيه لانه محتاج يرتاح

_ومين حضرتك علشان تقوليلي اقدر اشوفه ولا مقدرش

_انا رنا الدكتورة بتاعته والاهم من اني الدكتورة بتاعته اني مراته

_لا انتي شكلك نسيتي حاجة مهمة اصل اياد قالي انه طلقك لو مش فاكرة يعني

_لا فاكرة بس هو رجعني تاني ليه يعني انا دلوقتي مراته ووجودك هنا مينفعش خالص لو سمحتي اتفضلي امشي من هنا لان زي ما قولتلك هو تعبان ومحتاج يرتاح وانا وجدو وتيتة ثريا معاه لو احتاج اي حاجة ف معتقدش ان وجودك ممكن يفيده ب اي حاجه

_انا مش همشي من هنا غير لما اشوف اياد واطمن عليه انتي فاهمة!

_خلاص براحتك خليكي قاعدة هنا للصبح

_بصراحة رنا الدكتورة بتاعت اياد والكلام اللي تقوله لازم هو اللي يحصل……..انا مقدرش اقول كلام غير اللي هي قالته بصراحة

_براحتها يا جدو……..تعمل اللي هي عايزه تعمله المهم انها مش هتدخل عند اياد…….يلا ندخل علشان نطمن عليه

مسكت في ايدي…….دخلنا الاوضة اللي فيها اياد…….قفلت الباب وهي واقفه قدام الباب و مقدرتش تتكلم او تدخل من الاوضة

"اياد"

بدات افتح عيني…….لقيتهم قاعدين حواليا…….بدات اتكلم بتعب

_انا فين

_حمدلله علي سلامتك يا حبيبي……..انت كويس

هزيت راسي ب اه بتعب

_عملت حادثة بسيطة والحمدلله انك كويس

_حمدلله علي سلامتك……..يلا بينا يا ثريا

_يلا بينا فين………انا مش همشي واسيبه هنا انا هفضل جمبه لحد ما يخرج من هنا

_رنا مراته معاه يا ثريا اكيد هتعمل اي حاجة هو هيحتاج ليها وبعدين رنا دكتورة وفاهمة اكتر مننا

_متقلقيش انا معاه ولو احتاج اي حاجه هساعده……..حضرتك لازم تروحي ترتاحي لان الوقت اتاخر

_طيب خلي بالك منه يا رنا……..انا هسيبه امانة عندك

_متقلقيش

كُنت باصص عليها وساكت……..مكنتش قادر اني اتكلم بس كُنت فرحان انها جمبي…….سمعت صوت الباب بيتقفل

_انا هقعد جمبك هنا لو احتاجت اي حاجه قولي

كانت هتمشي بس مسكت ايديها…….بصتلي وفضلت ساكتة……..اتكلمت بتعب

_شكرا علشان واقفه جمبي بعد كل اللي عملته معاكي

_دا واجبي اللي لازم اعمله……..اهلي علموني ان لما الاقي حد محتاج ليا بساعده علطول وانت جوزي اللي لازم اكون واقفة معاك يا اياد……..حتي لو كان بينا اية لازم نحط اي حاجة بينا علي جمب ساعة لما تكون محتاجلي………بس ان شاء الله اول ما تخرج من هنا هنتطلق وكل واحد فينا يشوف حياته

_لا يا رنا…….انا مش هطلقك…….لو مش علشانا احنا يبقي علشان ابننا

_بس انا مش ناوية اخلي ابننا دا يا اياد

_يعني اية يا رنا مش ناوية تخلي ابننا دا

_يعني انا لو قررت اني اجيبه للدنيا يبقي انا كدة بغلط في حقه وانا عارفة انه هيجي الدنيا يلاقي اب وام بيكرهوا بعض وحياتهم كلها خناق وكُره بينهم

......

رواية حكاية حب الفصل التاسع

_رنا انا مستحيل اوافق انك تعملي كدة

_مش بمزاجك يا اياد……..انا هنزل الطفل دا وفي اسرع وقت

_رنا انتي اكيد بتقولي كدة علشان مدايقه مني…….انا اسف والله انا مُستعد اني اعمل اي حاجه علشان تسامحيني بس بلاش تفكري انك

_مبقاش ينفع يا اياد……..انا حاولت كتير اني اغيرك للاحسن بس مقدرتش يا اياد انت مش بتثق في نفسك اصلا علشان تثق في اللي حواليك ……..وانا مستحيل ارجع اثق فيك من تاني ولا اجيب طفل للدنيا يعيش حياة صعبة بسبب اهله الحل الوحيد هو اني انزل الطفل دا وكل واحد فينا يبعد عن التاني

_طب طب اية رايك نمشي من هنا…….نسافر ونروح اي حتة بعيد عن هنا ونبدا حياة جديدة مع بعض ……..انا والله يا رنا ندمان علي كل حاجة عملتها معاكي وعايز ابدا معاكي من جديد وقولت ابننا دا الفرصة اللي جات لحد عندنا علشان نبدا صفحة جديدة مع بعض بلاش تعملي كده يا رنا وتضيعي الحاجة الحلوة اللي انا فرحت بيها

_متأخر اوي يا اياد…….انا استنيت انك تقولي الكلام دا كتير لحد ما فقدت الامل انا في كل مرة بحاول اني اعملك اي حاجة تفرحك و ابين ليك قد اية انا بحبك وانت كُنت بتقابل حُبي ليك دا ب كُره واهانة انا حُبي ليك كان بيقل لحد م وصلت ل مرحلة انت مبقتش فارق معايا اصلا……..انا كان عندي استعداد اعدي ليك اي حاجة يا اياد الا شكك فيا وانك تفتكر اني بخونك………انا لو سمحتك علي كل حاجة عُمري ما هسامحك علي شكك دا…….انا هنزل الطفل دا يا اياد سواء انت موافق او لا هنزله وانت هتطلقني دا قراراي ومش هرجع فيه يا اياد

اتنهدت وبصيت الناحية التانية وانا بحاول امنع دموعي انها تنزل…….رجعت بصيت ليه وبدات اتكلم بهدوء

_انا هطلع اكلم بابا واقوله انك عملت حادثة وانك موجود هنا……..حاول تنام لانك تعبان ومحتاج ترتاح

سيبته وخرجت برا الاوضة قعدت علي اقرب كرسي لقيته ……..كل الكلام اللي قولته ليه دا كان كدب…….انا لسة بحبه ونفسي ابقي معاه………انا مليش حُكم علي قلبي علشان اخلي يكرهه رغم كل اللي عمله فيا وشكه فيا بس لسة بحبه قلبي عايز يفضل جمبه ومعاه بس عقلي رافض رافض حتي وجوده جمبي حرب بين قلبي وعقلي ومش قادرة اوقفها ………لازم ابعد علشان الحرب دي تقف وارتاح انا هنزل الطفل دا لان دا احسن قرار انا ممكن اعمله واللي هيخلي الكل يرتاح…….يمكن بعُدي عن اياد هيتعبني شوية بسبب حُبي ليه بس دا القرار الصح واللي لازم اخده ……..يمكن لو كُنا اتقابلنا قبل ما يعرف نور كان ممكن يحبني ويتجوزني بس دلوقتي مينفعش نكون مع بعض………لازم نطلق وكل واحد فينا يشوف حياته

اتنهدت بتعب و حُزن……..كلمت بابا وقولتله ان اياد عمل حادثة واني هبقي معاه لحد ما يخرج من المستشفى………قفلت مع بابا ورجعت الاوضة تاني……..لقيته قاعد علي السرير اول ما شافني فضل باصص عليا وساكت

قربت من الكنبة…….قعدت عليها وحاولت انام……..كان باصص عليا ومبعدش نظره عني…….مهتمتش بيه وغمضت عيني وحاولت انام

"جمال"

_ان شاء الله يتصالحوا والعلاقة بينهم تكون احسن

_لا يا ثريا………رنا مش عايزة وبصراحة انا كمان مش عايزاها ترجع ليه هو ميستحقش رنا تكون من نصيبه خليهم يبعدوا عن بعض شويه خليه يعرف انه خسرها ويندم علي خسارتها………وانتي كمان يا ثريا خليه كدة ومتسمعيش ليه لو جالك خليه يعرف انه ماشي في الطريق الغلط لحد ما يفهم ويرجع عن اللي بيعمله دا هو مش هيعقل غير كدة انا عارفه كويس

_بس دا صعب عليه ان الكل يسيبه يا جمال

_ومش صعب عليه اللي هو بيعمله دا ………انا عارف انا بقولك اية يا ثريا سبيه وهو هيعرف غلطه وهيجي يعتذر مننا كلنا

_وافرض معرفش غلطه يا جمال

_انتي متعرفيش اياد قدي……..هيعرف غلطه ويجي لحد عندنا ويعتذر وساعتها هنساعده انه يرجع ل رنا ……..اطلعي نامي يا ثريا والصبح انا هعدي عليكي واخدك علشان نروح نزوره

_تصبح علي خير يا جمال

_وانتي من اهله

نزلت من العربية وطلعت علي بيتها……..فضلت باصص علي الاسانسير بعد ما ركبت لحد ما اتاكدت انه وصل الدور اللي فيه شقتها وبعدين مشيت بالعربية……..عدا علي طلاقنا ٣ سنين وانا لسة مُهتم بكل تفاصيلها وعارف كل حاجة عنها لسة حُبي ليها بيكبر كل يوم عن اليوم اللي قبله ولسة بحس اني طفل صغير اول ما بشوفها وببقي مش عايز اسيبها ابدا كُنت غلطان لما طلقتها من غير ما اسمع السبب اللي خلاها تطلب الطلب دا واديني بدفع تمن غلطتي دا ببُعدها عني……..نفسي الزمن يرجع تاني وساعتها انا مش هطلقها كُنت هقعد معاها واسمع اي اللي خلاها تطلب الطلاق وهحاول اصلح المشكلة ونكمل مع بعض………مبقاش عندي الشجاعة اني اقولها اني لسة بحبها ونفسي نرجع تاني بقيت خايف لترفض علاقتنا دلوقتي وكلامنا مع بعض علشان خاطر اياد وعلشان احنا خايفين عليه ولازم احنا الاتنين نعمل كل اللي نقدر عليه علشان نبقي جمبه ويكون كويس في حياته بس اتمني ان يجي اليوم اللي ترجعلي فيه ونحاول نصلح اللي بينا وساعتها هكون اسعد انسان في الدنيا

"اياد"

بصيت عليها لقيتها نايمة علي الكنبة ومغمضة عنيها فضلت باصص عليها وانا مش مدايق…….انا عارف اني غلطان وانها عندها حق في كل اللي قالته بس انا حبيتها……..لاول مرة اقول اني حبيتها وعارف اني اتاخرت لحد ما فهمت دا بس انا قولت ان الطفل اللي جاي دا هيكون سبب في قربنا لبعض واني اصلح غلطتي معاها لما سمعت منها انها عايزه تنزله حسيت ولاول مرة اني هخسر اهم حاجة في حياتي سواء هي او الطفل اللي هي حامل فيه دا انا لازم اتصرف واحاول اخليها تغير رايها وتحاول انها تديني فرصة……..بصيت ليها وبدات اتكلم

_لسة صاحية!

_بحاول انام

_ممكن اسألك سؤال

_اتفضل

_رنا هو انتي فعلا اتجوزتيني علشان بتحبيني زي ما قولتي

_لية بتسأل السؤال دا

_عايز اعرف انتي فعلا بتحبيني بجد ولا لا

_وانا افعالي مش مبينة قد اية انا كُنت بحبك

_كُنتي! يعني انتي دلوقتي مبقتيش تحبيني يا رنا

_يمكن………ويمكن اللي كان في قلبي من ناحيتك مكنش حُب من الاول مش عارفة بصراحة

_طيب لما اتجوزتيني اتجوزتيني علشان فعلا بتحبيني

_مش بالظبط يا اياد

_يعني اية مش بالظبط دي

_يعني……….طالما انت عايز تعرف الحقيقة ف انا هقولك

_حقيقة اية

اتعدلت في قاعدتها……..اتنهدت ومسحت علي وشها

_اياد انا كُنت هرفض اتجوزك……بس

_بس اية

_بس انا وجدو اتفقنا ان الجوازة دي لازم تتم علشان تنسي نور وتحبني

_يعني اية مش فاهم……..يعني انتي اتجوزتني علشان جدو طلب منك دا…….مش علشان حُبك ليك وانك كُنتي عايزة تعملي المستحيل علشان تخليني احبك…….يعني انتو كُنتو بتضحكوا عليا طول الفترة اللي فاتت دي يا رنا!

......

رواية حكاية حب الفصل العاشر

_اكيد انتي بتهزري يا رنا…….اكيد مش بتقولي الحقيقة صح

_لا يا اياد انا بقول الحقيقة……..انا أتجوزتك علشان جدو طلب مني كدة

_يعني اية……يعني انتي محبتنيش ……..اتجوزتيني علشان جدو طلب منك كدة وبس

_لا يا اياد انا كُنت بحبك……..بس انا مكنتش ناوية اوافق عليك وانا عارفه انك مش عايزني وقلبك بيحب واحدة غيري……..بس جدو اقنعني اني لو وافقت علي جوازي منك هقدر اني اغيرك وانسيك نور وخيانتها ليك………انا علشان حُبي ليك وافقت يا اياد علشان احاول انسيك خيانة نور وكُنت فاكرة اني كدة صح وانك هيجي يوم وتحبني

_يعني انتي لما توهميني بحُبك ليا وانك اتجوزتيني علشان بتحبيني وبس وانتي اصلا متجوزاني علشان اتفاق بينك وبين جدو ف دا عادي……..مش شايفه ان دا خيانة وانك مفيش فرق بينك وبين نور اصلا

_انا وجدو عملنا كدة علشان خايفين عليك يا اياد……..اللي عملنا دا من حُبنا ليك

_حُبكم ليا!……..حُب اية دا اللي يخليكم تخدعوني و تكذبوا عليا يا رنا……..وانا اللي كُنت ضميري ساعات بيوجعني علشان اللي بعمله فيكي وعلي عدم حُبي ليكي واني معذبك معايا انا ………انا قولت انك خسارة فيا وانك تستاهلي حد احسن مني بس انتي………انتي طلعتي اسوء مني

_انا معملتش حاجة غلط يا اياد……..انا كل اللي عملته علشانك وعلشان بحبك

_انتي بتضحكي علي نفسك ولا عليا……..انتي حتي مش عايزة تعترفي انك غلطتي وغلطتي غلط كبير كمان ………انتي زيك زي نور يا رنا انتو الاتنين خاينين

_لا يا اياد انا مش زيها…….انا عملت كدة علشان بحبك وعلشان عايزة انسيك الوجع اللي هي اتسبب بيه ليك……..لكن هي باعتك وراحت لغيرك انا وهي عمرنا ما هنبقي شبه بعض

_انا مش طفل صغير يا رنا علشان تخافوا عليا انا مكنتش محتاج لحد جمبي علشان اقدر انسي نور……..انتي وجدو زيكم زي خالد ونور الفرق اني حبيتك اكتر من حُبي ليها واني كُنت بثق في جدو اكتر من اي حد ………يعني المرة دي وجعي وحُزني هيكون اكبر بكتير من المرة اللي فاتت……..بس برافو عليكي قدرتي تخليني انسي نور واحبك انتي والحمدلله خطتكم نجحت…..….اعتقد مهمتك خلصت لحد هنا ولازم نتطلق علشان تبداي حياتك الجديدة من غيري

_دا اللي لازم يحصل يا اياد خلاص انا مبقتش قادرة اتحمل حياتي معاك كل واحد فينا لازم يبعد ويبدا حياة جديدة

_عندك حق…….انتي طالق يا رنا

غمضت عيني بحُزن……..دموعي بدات تنزل وانا ساكتة………مع اني المرة دي انا اللي طلبت منه يطلقني بس لما سمعتها منه قلبي وجعني…….مسحت دموعي وحاولت اتكلم وانا باعدة عيني عنه

_كويس……كدة تقدر ترجع لنور وهي كمان تقدر تجيلك من غير ما حد يمنعكم انكم تتقابلوا……..وانا كمان هعيش حياتي مع حد يحبني بجد من غير ما يجرحني ولا يقلل من حُبي ليه……..انا هطلع اجيب قهوة بعد اذنك

خرجت من الاوضة من غير ما اتكلم معاه…….قفلت الباب ورايا……..كان لازم اقوله الحقيقة علشان يطلقني ويعرف اني خونت ثقته ليا وان مينفعش نكمل مع بعض…….كدة هيكون احسن ليا وليه…….انا فعلا غلطت لما وافقت علي عرض جدو ودفعت الثمن دا كتير وهو كمان غلط في حقي كتير بس مينفعش احنا الاتنين نكمل في الغلط دا اكتر من كدة حتي لو كُنا فعلا بنحب بعض علشان كدة كان لازم نطلق علشان دا الاحسن لينا احنا الاتنين……..فضلت قاعدة برا الاوضة وكُنت كل شوية اطمن عليه او اخلي حد من الممرضين يدخل ويطمن عليه لحد ما النهار طلع واتصلت ب جدو يجي ويقعد معاه بعد ما حكيت ليه اللي حصل……..اول ما جدو جاه خرجت من المستشفى ورجعت علي البيت……..كان كل تفكيري في ابننا اللي لسة مجاش للدنيا اصلا………مكنتش عارفة اعمل اية ولا اتصرف ازاي عارفة ان تفكيري في اني اخلص منه دا حرام بس انا فكرت في كدة وعايزة اعمل كدة علشان خايفة لو جاه علي الدنيا هتكون حياته صعبة بين اب وام بُعاد عن بعض فضلت افكر فيه ومش عارفة اتصرف ازاي او اخد قرار صح ازاي

"اياد"

اللي سمعته منها دا كفيل انه يدمرني ويخليني ابطل اثق في اي حد حتي اقرب الناس ليا…….مكنش قدامي حل غير اني ابعد واروح مكان تاني……..مكان محدش يعرفني ولا اعرف حد فيه…….ودا اللي عملته اول ما الكسور اللي كانت موجودة بعد الحادثة راحت وقدرت امشي علي رجلي من تاني………سيبت كل حاجة وهربت ومحدش كان يعرف عني حاجة……..سافرت وقولت اني هبدا حياتي من جديد……..سافرت انجلترا وبدات اشتغل هنا……..قابلت صاحب ليا كُنت اعرفه من زمان وهو اللي ساعدني علشان اشتغل

كُنت قاعد و باصص علي صورتها بحُزن…….مقدرتش اني انساها ولا ابدا حياتي من غيرها بالعكس كُنت كل يوم بيعدي كانت بتوحشني وببقي نفسي اشوفها اكتر…….سمعت صوته وهو بيتكلم جمبي…….قفلت التلفون وبصيت ليه

_وحشتك!

_مكنتش متخيل انها هتوحشني يا فريد انا كُنت فاكر انها زيها زي نور واني هنسي او حتي هبطل احبها……..بس طلعت غلطان عدا سنتين وانا مش قادر انسي ولا قادر ابطل اني احبها حتي

_يبقي ارجعلها يا اياد

_ارجعلها ازاي بس يا فريد…….هي اكيد شافت حياتها ونسيتني

_انت مش بتقول انها بتحبك

_ايوة يا فريد بتحبني بس بردو بعد ما طلقتها قالت انها هتعيش مع حد بيحبها بجد ويقدر حُبها…….وبعدين الطفل اللي كان الامل الوحيد اننا نرجع لبعض قالت انها هتخلص منه

_انت متاكد انها نزلته

_يعني اية

_يعني قالتلك انها نزلته فعلا

_لا انا من ساعة ما اطلقنا وانا معرفش عنها حاجة ولا سمعت اي خبر عنها قبل ما اسافر

_مش يمكن سابته يا اياد وهو عايش دلوقتي

_لا طبعا يا فريد…….مستحيل تعمل كدة

_واية اللي يخليه مستحيل يا اياد……..انت بتقول انك متعرفش عنها حاجه ومش مخلي اي طريقة ان حد فيهم يوصلك بيها تبقي هتعرف منين اذا كان حملها دا تم وابنك او بنتك اتولدوا ولا لا

فضلت باصص عليه وانا بفكر في كلامه وساكت

......