تحميل رواية «حكاية حب» PDF

رواية حكاية حب الفصل الحادي عشر

_قررت ترجع مصر خلاص

_هجرب حظي…….يمكن يكون عندك حق ويكون ابني او بنتي لسة عايش

_هستناك تكلمني وتقولي ان كلامي كان صح……..ان شاء الله هترجعوا لبعض انت ورنا

_يا رب يا فريد…….انا حقيقي مش عارف اشكرك ازاي علي وقفتك جمبي دي مش عارف من غيرك كُنت هعمل اية

_بتشكرني علي اية دا واجبي……..اي حد كان مكاني كان هيعمل كدة وبعدين انت ياما ساعدتني ووقفت جمبي واحنا صغيرين اعتبر اني برد جِميل من جمايلك دي يا اياد……وجودك هنا كان مهون عليا كتير اوي وحقيقي انا هفتقد وجودك

_مين عارف يمكن تلاقيني جايلك بعد يومين وانا الامل اللي كان جوايا اتدمر وحالتي اصعب من المرة اللي فاتت

_بس المرة دي مش هقدر اساعدك في حاجة لاني هكون السبب في اللي هيحصل ليك علشان انا صاحب الفكرة ف احسنلك تروح علي بلد تانية بقي

ضحكنا انا وهو

_حقيقي هتوحشني يا فريد

_وانت كمان يا اياد هتوحشني ……..اسيبك بقي علشان تعرف تنام شوية قبل معاد الطيار…….تصبح علي خير

_وانت من اهله

خرج وقفل الباب وراه……..نمت علي السرير وطلعت صورتها من التلفون وفضلت باصص عليها ومبتسم……..

كُنت فرحان اني هرجع واشوفها حتي ولو من بعيد…….كُنت بدعي ان كلام فريد يطلع صح وان فعلا هروح والاقي ابني اتولد…….مُجرد التفكير بس في الموضوع خلاني مبسوط …….نفسي الوقت يعدي بسرعة علشان اقابلها واشوفها …….قفلت التلفون وحاولت اني انام بس مكنتش عارف انام من التفكير فيها

"رنا"

_وحشتيني يا رنا

_هو انت مش بتزهق يا باسم

_ازهق من اية………انا بحبك و عايز اتجوزك يا رنا……..انا نفسي بس تديني فرصة واحدة اثبتلك حُبي ليكي

_وانا مش عايزاك تحبني يا باسم…….ولا انت ولا غيرك……..بص يا باسم انت شخص كويس واي بنت تتمني تكون معاك بس انا لا انا لسة بحب طليقي وابو ابني

_وهو فين ابو ابنك دا يا رنا………بقاله اكتر من سنتين مختفي وانتي متعرفيش عنه حاجة ولا حتي بيسأل عن ابنه

_انت مش فاهم حاجة يا باسم

_طيب فهميني يا رنا……..انا حاولت معاكي بكل الطرق علشان تحبيني وتنسي طليقك دا بس فشلت……..انا نفسي تحاولي انك تحبيني بس

_انا حُبي ل اياد عمره ما هينتهي يا باسم ولا عُمره هيقل وطول ما انا لسة بحب اياد عُمري ما هقدر اظلم حد تاني معايا صحيح اياد بقاله اكتر من سنتين غايب ومعرفش عنه حاجة بس دا مايمنعش اني لسة بحبه وهفضل احبه

_طالما بتحبيه اوي كدة اتطلقتوا لية وبعدتوا عن بعض

اتنهدت بحُزن وبصيت قدامي وبدات اتكلم

_بعدت عنه علشان بحبه يا باسم……..علشان بحبه ومكنش ينفع اننا نكون قريبين من بعض لاننا كُنا بندمر حياة بعض وكان صعب علينا اننا نكمل

_طيب لو رجع تاني هترجعوا لبعض!

_معتقدش انه هيرجع يا باسم…….اكيد هو كمل حياته وحَب غيري ومبسوط معاها دلوقتي وفي الاخر اللي ربنا عايزه يحصل هو اللي هيحصل…….انا كل اللي طلباه منك يا باسم انك تنسي حُبك ليا دا وتعيش حياتك لان مينفعش اني اكون معاك او مع غيرك وانا قلبي معاه

_كُنتي قدرتي تنسي حُبك ليه قبل ما تطلبي مني الطلب دا……..انا هفضل احاول معاكي يمكن تحصل معجزة وتحبيني او توافقي انك تكوني معايا

سابني ومشي قبل ما ارد عليه……..فضلت باصة عليه لحد ما مشي ……..اتنهدت بتعب وحطيت ايدي علي راسي ……..بعد ما اياد مشي ومحدش كان يعرف عنه حاجة دكتور جديد جاه المستشفى مكان اياد……..لما شوفت الدكتور دا عرفت انه باسم اللي كان معايا في الكلية وكان نفس دفعتي بدانا نتكلم كلام عادي ونفتكر ايام الكلية مع الوقت بدات احس ب اهتمام غريب منه ليا وبدات ابعد نفسي عنه واتجنب الكلام معاه لاني حسيت انه بدا يحبني من اهتمامه الزايد دا اعترفلي انه بيحبني وان حُبي دا كان من زمان من ايام الكلية بس مكنش قادر انه يعترف بحُبه ليا دا غير دلوقتي وفي كل مرة كان بيقولي علي حُبي دا كُنت برفض وببعد بس هو كان بيقرب حاولت كتير اني ابعده عني بس معرفتش ومكنتش قادرة اني اسيب المستشفى وامشي بسببه لاني بحب شغلي في المستشفى دي لان دا المكان الوحيد اللي بفتكر اياد فيه……..حبه ليا كان بيزيد وانا برفضه وبرفض حبه ليا لاني لسة بحب اياد ومعتقدش اني هبطل احبه في يوم او حُبي ليه يقل لان دايما في اللي بيفكرني بيه…….انس ابننا………مقدرتش اني انزله واقتل اخر حاجة كانت هتفكرني بيه ……..الحقيقة ان انس شبه اياد اوي كان نفسي اياد يشوفه ويلعب معاه ويبقي جمبه بس للاسف اياد مش موجود سنتين وانا معرفش عنه حاجة بس انا واثقه انه كويس قلبي بيقولي كدة بصراحة………تلفوني رن وكانت تيتة ثريا……..مسكته ورديت عليها

_ايوة يا تيتة

_الحقيني يا بنتي

_في اية يا تيتة…….مالك بتعيطي لية اية اللي حصل

_جدك جمال تعبان اوي…….احنا في عربية الاسعاف وجاين علي المستشفى……..الحقيني يا رنا جدك بيموت……..احنا قربنا علي المستشفى

_طيب اهدي…….انا هتصرف……..ان شاء الله خير

قفلت معاها……..وطلعت استنيت عربية الاسعاف………اول ما وصلوا عرفت منهم انه عنده جلطة ومحتاج يدخل العمليات……..دخلناه اوضة العمليات وانا دخلت معاه علشان اعمله العملية وانا خايفة عليه

"اياد"

_حمدلله علي سلامتك يا دكتور اياد

_الله يسلمك يا هالة…….هالة هي دكتورة رنا لسة شغاله هنا ولا ومشيت

_لا طبعا دكتورة رنا لسة شغالة هنا…….هي في اوضة العمليات دلوقتي

_شكرا يا هالة

سيبتها وطلعت علي اوضة العمليات وانا فرحان اني اخيرا هشوفها…….مكنتش عارف اية اية اللي هيحصل او ما تشوفني ولقاءنا دا هيكون عامل ازاي…….كُنت حاسس نفسي طاير من الفرحة لمجرد اني هشوفها بس اول ما شوفتها وقفت مكاني وبدات اقلق…….قربت منها لقيتها قاعدة وبتعيط وهي باصة لفوق……بدات اتكلم بصوت واطي وانا خايف

_تيتة

اول ما سمعت صوتي بصتلي……جرت عليا وهي بتعيط وحضنتني …….حضنتنها وانا مش فاهم حاجة……..لقيتها خارجه من اوضة العمليات وفي واحد مسندها وكانت بتعيط……..قلبي بدا يدق جامد وبدات اخاف اكتر…….اول ما شافتني وقفت في مكانها وبصيت عليا……فضلت باصص ليها وانا حاضن تيتة وبدعي ان اللي فهمته يكون غلط

......

ن

_اكدبي عليا وقوليلي انه كويس…….بلاش تقوليها يا رنا

_حاولت اني انقذه بس مقدرتش…….انا اسفة

_لا لا انتي اكيد بتهزري جدو……..جدو مش ممكن يسيبني وبعدين انا…….انا جيت علشان اصالحه مش معقول يمشي وهو زعلان مني لا هو اكيد كويس……..انتو بتعيطوا لية انا بقولكم هو كويس هو بس بيعمل كدة علشان يعرف غلاوته عندنا وهيقوم والله…….وبعدين انتي مش عارفه جدو يا تيتة هو دايما بيحب يهزر كدة

لقيتهم خارجين من اوضة العمليات ومخرجين العربية وهو عليها ومغطين وشه…….قربت منهم بسرعة واتكلمت بعصبية وانا ببعدهم عنهم

_انتو اية اللي خلاكم تخرجوه من جوا…….انتو فاكرين انه مات……..لا جدو كويس وهيقوم دلوقتي

قعدت جمبه علي الارض وشيلت الغطا من علي وشه وبدات اتكلم وانا دموعي بتنزل

_جدو قوم يلا……..انا جيت اهو عارف انك زعلان مني بس انا جيت و هصالحك وعُمري ما همشي تاني جدو انت وعدتني انك عُمرك ما هتسبني لية عايز تخلف وعدك ليا دلوقتي وتمشي علشان خاطري متسبنيش

قربت مني وقعدت جمبي علي الارض …….مسكت في ايدي ومسحت دموعي ب الايد التانيه وبدات تتكلم وهي بتحاول تتمالك نفسها قدامي

_جدك ارتاح يا اياد…….بقي في احسن مكان دلوقتي……..اللي بتعمله دا مش هيرجعه تاني……..ربنا رجع اخد امانته تاني ادعيله ان ربنا يرحمه ويغفرله

_بس هو مات وهو زعلان مني يا تيتة…….انا كُنت ناوي اصالحه والله …….كان يستني حتي لحد ما اصلحه

_الكلام دا مش هيفيد بحاجة دلوقتي يا اياد…….اللي بتعمله دا غلط انت لازم تكون اقوي من كدة…….مينفعش اللي انت بتعمله دا…….قوم يا حبيبي علشان انت وراك الدفن والعزا وحاجات محدش غيرك هيقدر يعملها ……..لازم تكون اقوي من كدة يا حبيبي

هزيت راسي ب حاضر ومسحت دموعي…….قومت من علي الارض ومشيت علشان اطلع تصريح الدفن واروح اشوفه لاخر مرة……….مش قادر اتخيل اني مش هشوفه تاني جدو كان اقرب حد ليا وهو اللي رباني بعد مُوت ابويا وانا صغير…….كُنت بحبه اوي ومكنتش ببعد عنه نهائي وهو كان اكتر حد بيحبني وبيخاف عليا هو وتيتة…….طول الوقت كُنا جمب بعض وعُمري ما كنت احب ابعد عنه……..يا ريتني فضلت هنا و مكنتش سافرت كُنت هبقي جمبه ومعاه يمكن كُنت هقدر اودعه ……..اذيته رغم حُبي ليه زي ما اذيت كل اللي حواليا…….احساس صعب عليا اوي وانا بودع اقرب حد ليا واللي فضلت بعيد عنه سنتين من غير ما اكلمه انا عُمري ما هسامح نفسي علي بُعدي هنا……..انا حقيقي تعبت من كُتر ما بأذي الناس وبكون سبب في تعبهم بس تعب جدو كان كبير ورغم اني عارف كدة بس مهتمتش وبعدت عنه و مهتمتش بخوفه وقلقه عليا لحد ما مات وانا بردو بعيد

"رنا"

_رنا انتي مكانش في ايدك حاجة تعمليها اكتر من اللي عملتيه

_انا السبب……جدو مات بسببي انا…….كان ممكن احاول واقدر اني انقذه بس معملتش كدة

_مكنتيش هتقدري تعملي حاجة غير اللي عملتيه يا رنا…….انتي عملتي كل اللي تقدري عليه علشان تنقذيه بس ربنا مأردش انه يعيش……..بلاش تعذبي نفسك وتلومي نفسك علي ذنب معملتهوش ………كفاية عياط يا رنا ……..خليكي اقوي من كدة…….اللي بتعمليه دا مينفعش انتي بقالك ساعة قاعدة في مكانك هنا وبتعيطي…….حرام عليكي نفسك

_مش قادرة يا باسم……..جدو كان اكتر حد اياد بيحبه وانهاردة مات بسببي

مسك في ايدي وبدا يتكلم بهدوء

_رنا انتي عملتي كل اللي تقدري عليه ولو كان في حاجة تانيه تتعمل مكنتيش هتتاخري وهتعمليها علشان تنقذيه بس دا عُمره وكان هيموت في الوقت دا ايا كانت الطريقة اية……..كفاية تعملي في نفسك علشان خاطر انس عندك ……..يلا قومي علشان تغسلي وشك وتروحي……..انهاردة اليوم كان صعب عليكي وبكرة كمان هيكون صعب ……..لازم تروحي ترتاحي

هزيت راسي ب ماشي…….روحت الحمام علشان اغسل وشي وبعدها روحت لتيتة ثريا علشان اكون جمبها و اتصلت ب بابا اقوله ان جدو اتوفي ………جدو جمال كان من اطيب الناس اللي عرفتها وكان اكتر حد واقف جمبي من بعد ما اياد مشي…….وقف جمبي لحد ما ولدت وكان بيقضي وقته كله مع انس……..كان نفسه يشوفه اياد ويعرف مكانه بس محدش كان قادر يوصل ليه نهائي……..روحت ل تيتة وفضلت جمبها……..كان باين عليها الحُزن بس كانت بتحاول تتماسك قدام الكل…….كانت بتحبه وهو كمان كان بيحبها بس بسبب عندهم مقدروش يعترفوا لبعض بحبهم دا لحد ما الموت فرقهم عن بعض…….. كُنت عارفه انها اكتر واحدة موجوعة بسبب فراقه بس مكانتش قادرة تبين دا لحد…….العزا خلص وباسم كان معايا من اول اليوم وكان بيساعد اياد وكان معاه من غير ما اياد يعرف هو مين……..فضلت قاعدة مع تيتة بعد العزا لحد ما نامت……..خرجت من الاوضة وقفلت الباب لقيته داخل هو وبابا من الباب……..قربت منهم علشان اعزيه

_البقاء لله يا اياد

_ونعم بالله

_رنا انا هستناكي في العربية تحت متتاخريش علشان نروح

_حاضر يا بابا…….انا هاجي وراك علطول

_ماشي يا بنتي

سابنا ومشي……اتنهدت وبدات اتكلم بهدوء

_عارفة انه كان غالي عندك وكان غالي عندي انا كمان……..انا عملت كل اللي اقدر عليه والله علشان انقذه بس معرفتش

_عارف يا رنا……..عارف انك عملتي كل اللي تقدريه عليه……..دا عُمره وخلص انتي ملكيش ايد في اللي حصل دا

_انا هاجي بكرة بدري علشان اكون مع تيتة ……..بس في موضوع مهم انا كان لازم اتكلم معاك فيه

_والموضوع المهم دا مينفعش يتأجل يا رنا

_لو كان ينفع يتأجل مكنتش هقولك دلوقتي عليه…….بس انا حاولت كتير اني اوصلك علشان اقولك عليه بس معرفتش

_موضوع اية دا اللي مش هينفع يتأجل يا رنا

كُنت لسة هتكلم بس سمعنا صوته…….بصينا ناحية الباب لقناه واقف وبيبص علينا

_انا اسف اني قطعت كلامكم……..بس احنا لازم نمشي دلوقتي يا رنا

_ثواني يا باسم وجاية

_مش هينفع يا رنا………احنا لازم نمشي دلوقتي حالا

.

_

_انزلي معاه يا رنا نبقي نتكلم بعدين

_مينفعش يا اياد الموضوع مهم ولازم نتكلم دلوقتي........لو محتاج انك تروح يا باسم روح انت بابا معايا

_انا اسف......بعد اذنكم

_خير يا رنا اية الموضوع الهم اوي دا اللي عايزة تتكلمي فيه في وقت زي دا

_قولتلك لو الموضوع مكنش مهم مكنتش هتكلم فيه معاك دلوقتي

_واية هو الموضوع المهم دا

فتحت شنطتي وطلعت شهادة ميلاد انس منها ومديت ليه ايدي بيها .......بصلي ب استغراب واخدها مني وبص فيها.......رجع بصلي تاني وبان علي وشه الصدمة.......اتنهدت وبدات اتكلم بهدوء

_مقدرتش اني انزله ........كملت حَملي وولدته كُنت بحاول اوصلك علشان اعرفك بس محدش كان قادر يوصلك نهائي لان انت ابوه وحقك تعرف انا قولتلك علشان دا كان حِمل تقيل عليا وكان لازم انت تعرفه علشان اخلص من الحِمل دا........انا هجيب انس معايا بكرة علشان تشوفه وتقعد معاه زي ما انت عايز عن اذنك

كُنت هخرج من البيت بس مسك ايدي و وقفني.......بصتله وفضلت ساكتة

_انا عايز اشوفه دلوقتي

_مش هينفع يا اياد........مش هينفع تسيب تيتة لوحدها دلوقتي

_انا بكرة هجيب انس واجيلك علشان تشوفه........انا لو كان في نيتي اني ابعده عنك مكنتش قولتلك عن وجوده اصلا

_انا عارف يا رنا…….عارف انك عُمرك ما فكرتي ولا هتفكري تبعديه عني وانك كُنتي عايزة تعرفي مكاني علشان تعرفيني بس مقدرتيش توصلي ليا……..الظاهر اني خسرت حاجات كتيرة اوي بسبب سفري دا

_انت ممكن تصلح غلطك ب انك سفرت ومنعت اهلك انهم يعرفوا عنك حاجه بقربك من تيتة ثريا………قرب منها وخليك جمبها في الفترة دي……..هي اكتر واحدة متأثرة بموت جدو واكتر منك بكتير حتي لو هي مش مبينة دا……..هي كانت بتحب جدو اوي واكتر واحدة متأثرة بفراقه ولازم اننا نقف جمبها سواء انا او انت يا اياد……….وتقدر تصلح غلطتك اللي غلطتها في حق ابنك كمان ب انك تكون جمبه يا اياد وانك متبعدش عنه لانه محتاجك جمبه زي ما هو محتاج وجودي انا كمان

_انا كُنت ناوي ارجع واحاول اصلح اللي بينا واخليكي تسامحيني بس

_اسامحك علي اية يا اياد……..انت معملتش حاجة علشان اسامحك عليها……..انا طلبت منك الطلاق لان انا وانت غلطنا في حق بعض وكان لازم نبعد عن بعض واكيد انا مش بكلمك دلوقتي علشان نصلح اللي بينا انا كل اللي يهمني دلوقتي ابني وبس وعلشان كدة قولتلك الحقيقة دلوقتي ومحبتش اني اخبي عليك لحد حُزنك علي جدو ما ينتهي

_يمكن كُنت هسيبك ومش هضغط عليكي انك تسامحيني وترجعي ليا لو مكنش ابننا موجود بس دلوقتي الوضع اختلف وانا مش هسيبك يا رنا …….مش هسيبك علشان ابننا يتربي بينا مش بعيد عن حد فينا

_مش وقته الكلام دا يا اياد……..الكلام اللي بتقوله دا مينفعش دلوقتي انا لازم اروح علشان سايبة انس مع فرح بنت خالتي ولازم اروح علشان اطمن عليه…….عن اذنك

سيبته وخرجت من البيت……كُنت نازلة علي السلم لقيته قاعد علي السلم و حاطط راسه في الارض…….اول ما شافني قام وقف وقرب مني

_اية اللي مخليك قاعد هنا

_مستنيكي

.

_بس انا مطلبتش منك تستني يا باسم

_انا خوفت عليكي احسن يدايقك بكلامه

_وتخاف عليا بصفتك اية يا باسم……..احنا مش قفلنا الموضوع دا وقولتلك ابعد عني وحاول تبطل تحبني

_مش قادر يا رنا……..لو كُنت قادر فعلا مكنتش هبقي موجود هنا

_بص يا باسم علشان نخلص من الموضوع دا……..انا مش بحبك ولا هحبك ابدا……..انا كل اللي يهمني دلوقتي هو انس وبس غير كدة مش عايزه حاجة تانية……..انت اه وقفت جمبي في اوقات كتيرة صعبة واهمهم وقفتك جمبي انهاردة وشكرا ليك جدا علي كل اللي عملته دا وحقيقي انا مش عارفه ارد جِميلك دا ازاي بس بردو انا مش عايزه منك حاجة تانيه يا ريت تبعد عني بقي وتشوف حياتك ومش كل مكان اروح تيجي ورايا فيه يا باسم لاني حقيقي تعبت ومش قادرة اتحمل واسكت اكتر من كدة علي تصرفاتك دي لاخر مرة بقولهالك يا باسم ابعد عني

سيبته ومشيت…….نزلت لبابا وركبت جمبه العربية وطلعنا علي البيت………كأن اللي اياد عمله فيا وعدم حبه ليا وكل حاجة كان بيعملها معايا بتتعاد بس المرة دي انا اللي بعمل كدة مع باسم اللي بيحاول يخليني احبه بكل الطرق……..باسم اه شخص كويس واي واحدة تتمناه بس انا لا……..انا مش عايزة غير اني اعيش انا وابني كويسين وبعيد عن اي حاجة تانيه……..مش عايزة احب او اتحب من حد انا كل اللي طلباه اني اعيش لوحدي ومع ابني كفاية اكون مع واحد بحاول بكل الطرق اخليه يحبني وهو رافض حتي الفكرة بسبب حُبه لغيري ولا عايزة ابقي حبيبة لشخص بيحاول بكل جهده اني احبه بس انا اللي مش عايزه ورافضة الحب دا……….من يوم ما انس اتولد وانا واخدة عهد علي نفسي هكون عايشة علشان اربيه وعلشان اديله كل الحب اللي في قلبي ليه وابعد عن اي علاقة تانية ومش ناوية اعمل غير كدة

"اياد"

دخلت الاوضة وقفلت ورايا الباب………قربت منها وقعدت علي الارض ومسكت ايديها وفضلت باصص عليها………كُنت بفتكر قد اية انا كُنت قاسي معاها وكُنت دايما بتجنب اني اتعامل معاها بالرغم من حُبها ليا وانا كانت بتحاول تعمل كل اللي انا بحبه علشان اكون مبسوط………انا فشلت اكون انسان كويس مع اي حد دخل حياتي و حبني بجد حتي ……..حتي ابني اللي لسة مولود مقدرتش اشوفه اول ما تولد او حاولت اديه الحب اللي كان لازم اديه ليه……..الحقيقة انا تعبت من كتر ما انا بأذي كل اللي بيقربوا مني……..بس انا لازم اصحح أخطائي تجاهم………جدو اه مشي ومقدرتش اسمع منه انه سامحني بس انا هحاول اخلي غيره يسامحني واصلح علاقتي مع الكل…….تلفوني رن……..طلعته من جيبي وقفلت الصوت……حطيت الغطا عليها كويس وخرجت وقفلت الباب ورايا…….رديت علي الرقم وبدات انكلم بهدوء

_الو

_حضرتك دكتور اياد مش كدة

_ايوة انا……مين حضرتك

_انا دكتور باسم اللي اشتغلت في المستشفى بعد ما حضرتك مشيت وانا كمان اللي كنت مع دكتورة رنا انهاردة

_ايوة افتكرت حضرتك……هو في حاجة

_الحقيقة انا كُنت محتاج اقابل حضرتك علشان محتاجين نتكلم في موضوع مهم يخص دكتورة رنا

_يخص دكتورة رنا!خير يا دكتور هي ونا فيها حاجة

_الحقيقة الموضوع مهم ولازم اقابلك نتكلم فيه علشان مينفعش نتكلم في الموضوع ……..هبعت لحضرتك عنوان علشان نتقابل فيه يوم الخميس الجاي وانا هفهم حضرتك كل حاجة يا دكتور اياد

_تمام يا دكتور

قفلت معاه وانا مش فاهم حاجة ومش عارف هو عايزني

في اية اللي يخص رنا

_اللي عملتيه دا هو الصح يا رنا

_عارفة يا بابا…….بس انا خايفة من اللي ممكن يحصل بعد كدة…….انا كُنت م صدقت ارتحت وبدات اتعود علي غيابه………لية راجع دلوقتي بعد سنتين

_بصي يا رنا……..انا عارف انك مش حابة تتكلمي في الموضوع ولا حابة وجود اياد في حياتك……..بس وجود اياد دلوقتي بقي امر واقع في حياتك بسبب وجود انس في حياتكم انتو الاتنين وانتي لازم تتقبلي وجوده عارف انك مش عايزاه يكون جمبك وان وجوده دا صعب عليكي…….بس انتو بينكم طفل ولازم انكم تتعاملوا كتير علشان مصلحة ابنكم

_ايوة يا بابا بس انا مش هقدر علي اني اشوفه كل يوم من تاني انا……..انا لسة بحبه وجوده دا بيعذبني اكتر

_انتي اللي معذبة نفسك يا رنا……..انتي اللي بتعملي في نفسك كدة لو كُنتي قبلتي انك تكملي معاه و متطلبيش الطلاق كان زمانكم دلوقتي مبسوطين في حياتكم

_مبسوطين ازاي يا بابا…….هكون مبسوطة ازاي مع واحد شك فيا وطلقني في لحظة……..اياد عُمره ما هيتغير يا بابا هيفضل معندوش ثقة في كل اللي حواليه حتي نفسه

_مش يمكن حُبه ليكي يغيره ويكون انسان كويس

_وانا هفضل عايشة علي الامل دا……..عملتها قبل كدة وفضلت عايشة علي امل انه يحبني وطلعت خسرانة بابا انا دلوقتي مبقاش عندي حاجة اخاف عليها واخاف اني اخسرها غير انس وبس انا مبقتش عايزة غير اني اعيش علشان ابني لا بقيت عايزة اكون مع اياد او مع غيره خلاص………انا وجودي في بيت جدو جمال دلوقتي علشان تيتة وعلشان انا مش عايزة اسيبها لوحدها

انس بدا يعيط…….قربت منه وشيلته وبدات اطبطب عليه علشان يسكت

_باين ان استاذ انس مش هيخلينا ننام بسبب عياطه انهاردة كمان

_براحته يا جدو يعمل اللي هو عايزه ولا انت عندك مانع ولا اية

_وانا اقدر…….براحته طبعا……انا هدخل اصلي واحاول انام وانتي كمان حاولي تخليه ينام ونامي انتي كمان

_حاضر تصبح علي خير يا حبيبي

_وانتي من اهله

سابني ودخل اوضته……….فضلت رايحة جايه ب انس لحد ما سكت ونام……..رجعته في سريره وفضلت باصة عليه وانا مبتسمة وبفتكر ازاي غيرت رايي في اخر لحظة قبل ما اغلط اكبر غلطة في حياتي

_رنا دي اخر مرة بقولك فكري ……..اللي عايزة تعمليه دلوقتي دا مينفعش وانتي هتندمي عمرك كله

_مينفعش اعمل غير كدة يا بابا…….الطفل دا لازم ينزل انا مش عايزاه يتولد ويلاقي اهله بينهم مشاكل واحتمال ان حياته كلها تدمر بسببنا

_يبقي تحاولوا تصلحوا اللي بينكم يا رنا…….مش تعملي كدة وتختاري الحل الاسهل

_نحاول اية يا بابا……..مبقاش ينفع خالص حتي لو اياد عايز ف انا مبقتش عايزة……..هو حضرتك فاكر ان الموضوع دا سهل بالنسبة ليا…….بالعكس دا اصعب قرار انا اخدته في حياته مش سهل عليا اني اقتل ابني اللي لسة مجاش للدنيا ب ايدي الموضوع صعب اوي يا بابا وانا مش عارفة اصلا انا هعمل كدة ازاي وانا حُنت بتمني ان يبقي ليا ابن من اياد علشان حبيته ونفسي يكون ليا ابن منه ويفكرني بيه بس انا معنديش حل غير كدة علشان ابني قبل ما يكون علشاني

سمعت صوت الممرضة وهي بتنده عليا

_دكتورة رنا اتفضلي علشان ندخل اوضة العمليات

مسحت دموعي وقومت…….كُنت ماشية ناحية اوضة العمليات وانا بحاول اقدم رجل واخر التانيه………قلبي مكنش مطوعني اني اعمل كدة بس عقلي لا……..عقلي كان بيقولي ادخلي واخلصي من الحاجة الوحيدة اللي هتفضل تفكرك بيه باقي العُمر……..الحرب بين قلبي وعقلي كانت كبيرة وانا في النص مش قادرة اخد القرار……..وقفت في مكاني فجاه…….بدات اهز في راسي وانا وقفه في مكاني……..جريت علي بابا بسرعة وحضنته وبدات اعيط كان بيطبطب……..بدات اتكلم من وسط دموعي

_مش هقدر اني اعملها يا بابا……..مش قادرة اني اخلص من حتة مني ب ايدي

_كُنت عارف انك مش هتقدري يا حبيبتي

_يلا نمشي من هنا يا بابا…….انا مش عايزه اقعد هنا

_يلا يا حبيبتي

"باسم"

نزلت من العربية وكُنت داخل المستشفى بس وقفني صوتها وهي بتنده عليا…….لفيت وشي وبصيت ب استغراب

_حضرتك دكتور باسم مش كدة

_ايوة انا……..حضرتك تعرفيني

_طبعا…….انا نور صاحبت دكتورة رنا واكتر من اختها

_اهلا بحضرتك

_رنا حكتلي عن حضرتك كتير وقالتلي قد اية انت بتحبها……..وانا بصراحة كان نفسي اشوف الشخص اللي صاحبتي خلته يحبها كل الحب دا……..بصراحة انا مش عارفة هي ازاي مش موافقة علي حُبك

……..بس انا اعرف ازاي اخليها تحبك لو عايزني اساعدك انا معنديش مانع

_مش فاهم…….ازاي حضرتك هتخليها تحبني وهي مش عايزة حُبي ليها دا

_اكيد الموضوع دا مش هنتكلم فيه هنا………اية رايك نقعد في كافيه ونتكلم براحتنا

_طبعا معنديش مانع……اتفضلي حضرتك

روحنا قعدنا في اقرب كافيه كان قدامنا وانا عندي امل كبير ان يكون عندها فعلا طريقة تخليها تحبني بيها واقدر ادخل قلبها

"اياد"

فضلت سهران طول الليل جمبها مش قادر اني انام……..كُنت قاعد مستني وصولهم هما الاتنين……..مكنتش قادر استني وعايز الوقت يعدي واشوف ابني اللي اول مرة اشوفه……..الباب خبطت…….قومت جريت من مكاني علشان افتح ……..قلبي كان بيدق جامد ……..اول ما فتحت وشوفتها قدامي اتصدمت ومكنتش مصدق نفسي

_ماما!

_وحشتني يا اياد

_اية اللي جابك هنا……..جاية بعد الوقت دا كله عايزة اية

_مبقاش في حاجة تمنعني اني اشوفك يا اياد………جيت علشان وحشتني وكُنت مستنية الفرصة دي من زمان علشان اشوفك يا حبيبي

_مستنية فرصة ان جدي يموت علشان تشوفيني!

_ادخلي يا مُني…….سيبها يا اياد تدخل واحنا هنفهمك كل حاجة

فضلت واقف في النص بينهم وانا مش فاهم حاجة……….مش قادر استوعب انها رجعت بعد كل الوقت دا وفي اليوم دا بالذات ومش فاهم اية اللي رجعها من الاساس

......

_انا تعبت يا رنا……..لية كل ما احاول اني اتغير وابقي احسن تحصلي حاجه ترجعني الف خطوة ل ورا

_تفتكر عصبيتك دي هتوصلك ل حل يا اياد!……..مش كل حاجة بتتحل بالعصبية

_عايزاني اعمل اية بعد اللي ماما وتيتة قاله دا…….انا مبقتش قادر افهم هو جدو كان بيحبني ولا كان بيكرهني

_اكيد جدو كان بيحبك يا اياد………كان بيعمل اي حاجة علشان مصلحتك

_علشان مصلحتي ازاي يا رنا……..وهو مصلحتي انه يضحك عليا ويفهمني ان امي هربت بعد موت ابويا وهو اصلا اللي بعدها عنها بالعافية…….مصلحتي انه يخليني اكره امي واقتنع انها مكنتش عايزاني في الوقت اللي هي كان نفسها حتي انها تشوفني من بعيد وهو اللي مانعها من انها تشوفني ولا مصلحتي في انه يخلي اسعد يوم في حياتي اللي هو فرحي يبقي اسواء يوم في حياتي علشان نور هربت من الفرح بسببه زي ما قالت تيتة ولا مصلحتي انه يتفق معاكي علشان تتجوزيني وتحاولي تخليني انسي اللي حصل من نور واحبك انتي……..مصلحة اية دي اللي تخليه يعمل كدة يا رنا دا كأنه كان قاصد انه يدمرني

_انا عارف ان اللي انت سمعته كان صعب عليك يا اياد بس صدقني جدو كان بيحبك وكان عايزك تكون مبسوط آي حاجة كان بيعملها اكيد كان فيها مصلحة ليك بس انت مش فاهم دلوقتي يمكن لما تتحط مكانه في يوم هتفهم هو عمل معاك كدة لية

_مش عايز افهم يا رنا…….انا عمري ما هتحط مكانه في يوم لاني عمري ما هأذي حد غالي عليا واعمل معاه زي ما جدو عمل واقول اني عملت كدة علشان بحبه وخايف عليه……..مفيش حد بيدمر حياة غيره ويرجع يقول انه عمل كدة علشان مصلحة الشخص اللي اذاه

_سامحه يا اياد……..انا معاك جدو غلط في حقك وفي حق طنط كتير بس حاول تفتكره بحاجة حلوة عملها معاك وسامحه

_غريبة……….بتطلبي مني طلب انتي نفسك مش قادرة تعمليه وتسامحيني

_معتقدش ان دا وقته يا اياد

_اومال امتي وقته يا رنا………انتي لية كل ما اكلمك في الموضوع دا تقوليله مش وقته……..امتي وقته علشان اقدر اكلمك……….انا رجعت مصر علشان احاول معاكي انك تسامحيني وسامحتك علي كذبك عليا انتي وجدو بس انتي مش قادرة انك تديني فرصة تانية وتحاولي حتي انك تسامحيني

_ومين قالك اني مش مسامحاك يا اياد……..بالعكس انا سمحت علي شكك فيا اني بخونك وعلي معاملاتك ليا زمان وعلي كل حاجة……..سامحتك من قلبي

_اومال اية المانع اننا نرجع لبعض

_انا سامحتك علشان اقدر اعيش حياتي واكمل حياتي وانا مش شايلة من اي حد سواء انت او غيرك……..انا دلوقتي مبقتش عايزة احب حد تاني ولا اثق في حُب حد اياد انا مبقتش عايزة غير اني اكون جمب انس وبس

_رنا انا كل موقف صعب بيعدي عليا بلاقي انك انتي الوحيدة اللي بتقفي جمبي وتساعديني فيه وفي كل مرة بتاكد اني كُنت غبي لما ضيعتك من ايدي وكُنت السبب في انك تطلبي الطلاق………رنا انا بحبك بجد ومُستعد اني اعمل اي حاجة علشانك بس انتي تديني فرصة تانية

_اياد بلاش تصعب عليا الموضوع اكتر من كدة………الموضوع صعب عليا لاني بحاول امنع نفسي اني ارجعلك من تاني

_وتمنعي نفسك لية يا رنا………انا بحبك وانتي بتحبيني لية منديش لبعض فرصة تانية ونحاول نبقي مع بعض لية عايزة تصعبي الموضوع علي نفسك وعليا

_اياد لو سمحت……….انا وافقت اني انزل اقابلك قبل ما اجي لتيتة علشان انت قولت انك واقع في مشكلة بسبب مامتك ونزلت علشان اساعدك لانك ابو ابني ولازم اقف جمبك في الاوقات اللي زي دي ………بلاش اننا نتكلم في الموضوع دا لو سمحت

_حاضر يا رنا……..هسكت ومش هتكلم في الموضوع دا ……….بس انا هفضل وراكي لحد ما تديني وتدي نفسك فرصة تانية لعلاقتنا دي………انا رجعت من السفر وانا عندي امل واحد بس وهو انك ترجعيلي ومش هسكت غير لما اقدر اخليكي تحبيني وترجعيلي

_ممكن يلا علشان ناخد انس ونروح عند تيتة……..بس لو سمحت يا اياد بلاش تعاملها بطريقة وحشة………ولا هي ولا مامتك كان ليهم ذنب في اللي حصل دا علشان خاطري حاول تتعامل معاهم كويس………وافتكر انك كان نفسك مامتك ترجع وتشوفها مرة واحدة وهي دلوقتي جمبك

هزيت راسي ب حاضر……..دفعت الحساب وقومنا من مكانا وخرجنا من الكافيه وطلعنا علي بيتها

"باسم"

_انتي قولتي انك هتقدري تساعديني ان رنا تحبني

_هي حاجة بسيطة خالص

_واية هي

_انها تتاكد ان اياد مبقاش يحبها وان مبقاش في امل في رجوعه ليها……..لو رنا اتاكدت ان اياد خلاص راح من ايديها ساعتها ممكن تحبك وتتجوزك

_طيب وهتتاكد من دا ازاي

_سيبلي انا الموضوع دا انا هعمل كل حاجة بس انا مش طالبة منك غير طلب واحد بسيط جدا…….كل اللي مطلوب منك انك تبعت ل اياد رسالة وتقوله انك عايز تقابله في كافية علشان عايزه في موضوع مهم

_ايوة بس انا فعلا كلمت اياد وقولتله الكلام دا لاني عايزه يبعد عن نور وكُنت هكلمه في الموضوع دا فعلا

_لا انا عايزاك تعمل غير كدة

_مش فاهم عايزاني اعمل اية يعني

_هفهمك اهم حاجة تعمل اللي هقولك عليه بالظبط

فضلت مركز معاها علشان اعرف هي عايزاني اعمل اية……..مكنش فارق معايا اي حاجة غير ان رنا تكون ليا انا مش مهم عندي الطريقة اللي تخليها تحبني او توافق تتجوزني اية المهم انها تكون ليا وبس.

"اياد"

دخلت اوضته وبدات اقرب من السرير بتاعه……..قلبي كان بيدق جامد ……..اول ما شيلته من السرير وبدات ابص في ملامحه حسيت ب احساس غريب………انا دلوقتي بقيت اب وبقيت مسؤول عن طفل صغير مش عارف اوصف احساسي دلوقتي غير اني فرحان انا طاير من الفرحة وفي نفس الوقت كُنت ندمان………ندمان لاني مكنتش موجود وقت ما اتولد ومكنتش اول واحد استقبله اول ما يتولد……..مشيت وضيعت كل اللحظات الحلوه دي عليا……..بس انا عُمري ما هسيبه تاني وهفضل جمبه ………هعلمه ازاي يحب غيره ويثق في اللي حواليه………هعلمه علشان ميغلطش الغلطة اللي ابوه غلطها زمان وهعرفه ازاي يحب الناس ويثق فيهم ……..رجعته في السرير وبصتلها وانا علي وشي ابتسامه

_شكرا يا رنا……..شكرا لانك مغلطتيش الغلطة اللي كُنا احنا الاتنين هندم عليها…….شكرا انك خلتيني احس اجمل احساس في الدنيا…….بالرغم من كل اللي حصل انهاردة واللي سمعته من ماما وتيتة بس انا نسيت كل حاجة اول ما بصيت في وشه وحسيت اني اسعد شخص في الدنيا

_لو كُنت معاه يوم ما جاه الدنيا كُنت هتحس ب احساس احلي بكتير……..بس انت مكنتش موجود ساعتها

_كُنت غلطان بس دلوقتي خلاص فوقت

_فوقت متأخر اوي يا اياد

_مش مهم فوقت بدري ولا متاخر المهم اني فوقت وناوي اصلح كل حاجة كُنت السبب في انها تضيع مني ومن حياتي ومش هسمح لحد زي باسم او غيره يوقف قصادي

_باسم……..اية علاقة باسم بالموضوع اللي بنتكلم فيه دلوقتي

_هو مقالكيش انه عايز يكلمني في حاجة بخصوصك ولا اية

_حاجة بخصوصي انا!

_ايوة بخصوصك انتي يا رنا……..هو مقالكيش انه كلمني!!

.....

_انا معرفش باسم عايز منك اية يا اياد ولا اعرف انه كلمك اصلا

_هو في حاجة بينكم يا رنا

_اكيد لا…….انا عُمر ما هيكون بيني وبين باسم او غيره حاجة انا قولتلك اني ميهمنيش دلوقتي غير انس وبس

_طيب واية اللي يخليه يطلب يقابلني طالما مفيش حاجة بينكم

_معرفش هو قالي كتير انه بيحبني بس انا كُنت برفض حُبه ليا بس اكيد انا معرفش هو عايزك في اية لاني مبتكلمش معاه غير في الشغل وبس

_خلاص انا هروح اقابله واعرف هو عايز مني اية……..مش عايزة تعرفي هو عايز اية!

_ميهمنيش اني اعرف يا اياد أيا كان اللي هو عايزه منك انا مش عايزه اعرفه……..يلا علشان احنا كدة اتأخرنا علي تيتة

_مش قادر اروح يا رنا…….مش قادر احط عيني في عينهم

_انت مكنش ليك ذنب يا اياد…….انت مكنتش تعرف اية اللي حصل وكُنت فاكر انها سابتك بمزاجها وانها مش بتحبك بس دلوقتي فهمت كل حاجة وعرفت انه كان غصب عنها يعني ولا انت ولا هي كان ليكم ذنب في اللي حصل لازم انك تنسي اللي فات وتبدا مع طنط صفحة جديدة

هزيت راسي ب ماشي…….اتنهدت بتعب وبدات اتكلم وانا باصص عليه وهو نايم

_هو احنا هنسيب انس هنا

_لا هاخده معانا علشان تيتة و طنط يشوفوه…….يمكن يحاول يهون علي تيتة زعلها علي جدو

_شكرا يا رنا

_علي اية

_علي كل حاجة بتعمليها معايا او مع حد من اهلي………شكرا لانك دايما بتكوني اول واحدة واقفة جمب اي حد فينا حتي لما انا مشيت ومكنتش موجود فضلتي واقفه جمب جدو وتيتة واي حاجة كانوا بيحتاجوا ليها كُنتي بتعمليها ليهم

_قولتلك قبل كدة ان دا واجبي اللي لازم اعمليه يا اياد………انت كُنت جوزي واهلك زيهم زي اهلي وكانوا واقفين جمبي في وقت حَملي اللي كان اصعب وقت مر عليا…….انا مش بعمل كدة علشان تشكرني انا بعمل كدة علشان دا واجبي اللي لازم اعمله

سمعنا صوتها…….بصينا ناحية الباب احنا الاتنين

_رنا………تعالي عايزاكي

_حاضر يا فرح بعد اذنك

سابتني وخرجت ………طلعت تلفوني من جيبي …….بعتله رسالة "دكتور باسم لو ينفع نتقابل انهاردة بدل يومين الخميس وحضرتك تقولي اية الموضوع اللي عايز تكلمني فيه عن رنا يكون افضل" بعتله الرسالة وكُنت هقفل التلفون بس لقيت رقم بيرن عليا…….رديت وانا مش عارف مين اللي بيتصل وبدات اتكلم

_السلام عليكم

_وعليكم السلام…….مين معايا

_دكتور اياد مش كدة

_ايوة انا مين حضرتك

_انا حامد جميل محامي جمال بيه الله يرحمه

_اهلا يا متر…….هو في حاجة يا متر ولا اية

_الحقيقة يا دكتور اياد انا محتاج حضرتك ومدام رنا وثريا هانم تيجوا عندي المكتب علشان نفتح الوصية بتاعت جمال بيه الله يرحمه

_وصية جدو!………تمام حضرتك احنا ممكن نيجي بكرة بليل لحضرتك

_تمام وانا هستني حضرتكم بس اهم حاجة انكم تيجوا كلكم من غير ما حد يغيب عن فتح الوصية……..انا هبعت لحضرتك العنوان دلوقتي في رسالة

_تمام…….مع السلامة

قفلت معاه وخرجت برا الاوضة وقربت منهم

_رنا

_ثواني يا اياد هجيب انس والشنطة بتاعته و هننزل علطول

_لا انا كُنت عايز اقولك حاجة تانية

_خير…….في حاجة ولا اية

_المحامي بتاع جدو اتصل وقال انه عايزنا احنا وتيتة في مكتبه علشان يفتح الوصية بتاعت جدو

_عايزنا!……..وهو هيبقي عايزني انا لية………انا اية علاقتي بوصية جدو

_مش عارف بس هو اكد عليا اننا لازم كلنا نحضر……..انا قولته هنروح بكرة بليل بس لو وراكي حاجة هتصل أجل معاه

_لا ابدا مش ورايا اي حاجة انا بس مستغربة هو طالبني لية………انا هروح اخد انس وحاجاته واجي علشان نمشي

_تمام انا هستناكي تحت

نزلت استناها في العربية……بعد شوية نزلت وهي شايلة انس وماسكة الشنطة……..نزلت واخدت منها انس…….فتحت باب العربية وحطيته وهي حطيت الشنطة بتاعته في شنطة العربية وركبت جمبه ورا……..روحنا عند تيتة بس ماما كانت مشيت……..فضلت قاعد مع انس وكُنت ناسي اي حاجة حواليا……..فضلت قاعد جمبه وبلعبه وهي قاعدة مع تيتة وبتحاول تخليها تاكل رغم رفضها انها تاكل………انا مش عارف اية اللي حصلي من ساعة ما شوفت انس نسيت كل حاجة ومبقتش عايز اعمل اي حاجة غير اني افضل قاعد معاه وبس………مكنتش عايز اعمل اي حاجة غير اني افضل العبه واقعد معاه وبس……..اتبعتتلي رسالة ……..فتحت التلفون ولقيتها منه………فتحتها ولقيت مكتوب فيها "هستني حضرتك بعد ساعة في الكافيه اللي قريب من المستشفى يا ريت بلاش تاخير لاني مشغول انهاردة جدا"

قفلت التلفون وقومت…….قربت منها واديتها انس

_انا هنزل مشوار صغير وهرجع تاني

_في حاجة ولا اية يا اياد

_ابدا يا تيتة…….مشوار مش مهم كدة هروح اخلصه واجي……..رنا متمشيش لوحدك هخلص واجي اوصلكم انتي وانس

_تمام انا هفضل قاعدة ما تيتة لحد ما ترجع

_مش هتاخر

سيبتهم ونزلت………وكلت العربية وروحت علي الكافية وقعدت استناه…….جاه وبدا يقرب مني…….وقفت ومديت ايدي علشان اسلم عليه سلمنا علي بعض وقعدنا احنا الاتنين

_اسف يا دكتور اياد علي التاخير كان عندي عملية مهمة……….حضرتك اكيد عارف صعوبة العمليات قد اية

_طبعا……..ربنا يكون في عون حضرتك……..قولتلي انك عايزني في موضوع مهم بخصوص رنا خير

_الحقيقة انا مش عارف اقول لحضرتك اية ولا ابدا ازاي

_هو الموضوع كبير كدة

_اوي يا دكتور اياد…….حقيقي انا مكسوف اني احكي لحضرتك

_مكسوف!…….ممكن حضرتك تدخل في الموضوع علطول لاني مش فاهم اي حاجة

_بص يا دكتور اياد……..دكتورة رنا طليقة حضرتك بتحاول تقرب مني بكل الطرق والحقيقة انا تعبت منها ومن اللي بتعمله……..هي بتحاول تقري مني وطول الوقت يتقولي انها بتحبني وعايزة اني اتجوزها……..انا حاولت كتير اني ابعدها عني بس مش عارف ومش فاهم هي ازاي تعمل كدة وهي ام والمفروض انها تهتم ب ابنها بدل ما تعمل اللي بتعمله دا……..علشان كدة انا كلمت حضرتك علشان اقولك يمكن حضرتك تقدر تعقلها وتخليها تبعد عني وتبطل اللي بتعمله معايا دا

كُنت بسمع ليه وانا مش قادر استوعب اللي بيقوله ومش قادر اصدق اذا كان بيكدب ولا لا من الاساس ومش عارف اتصرف ازاي

"رنا"

فضلت مع تيتة لحد ما نامت ……..خرجت من اوضتها وقفلت الباب وقعدت علي الكنبة جمب انس اللي كان نايم……..بصيت ليه وابتسمت ومسكت ايده……..كُنت قاعدة بفكر فيه لاول مرة احس انه اتغير وبقيت حاسة انه بيحبني بجد………الحرب اللي دايما بتشتغل بين قلبي وعقلي كانت شغالة من تاني…….عقلي بيقولي بيقولي انه عُمره ما هيتغير ولا هيحبني وحتي لو دا حصل وقبلت اني ارجعله هيرجع زي الاول ويمكن يكون اسواء كمان بس قلبي بيقولي مش هتخسري حاجه لو ادتيله فرصة تانية وخلتيه يثبت اذا كان بيحبك ولا لا………كُنت بدات افكر اني اديله وادي لعلاقتنا فرصة تاني يمكن العلاقه تتحسن المرة دي ونعيش حياة كويسه………في وسط تفكيري اتبعتلي رسالة……..فتحت التلفون ولقيت صور رقم غريب بعتها فتحتها لقتها صور ليه هو وهي وهما حاضنين بعض فضلت باصة للصور بصدمة ونور بدات تنزل ومكنتش عارفه اعمل اية

_انا حاولت اني ابعدها عني كتير يا دكتور اياد بس هي مش عايزة تقتنع اني مش بحبها

_هو انت متاكد انك بتتكلم عن رنا طليقتي…….اصل مستحيل يكون قصدك علي رنا اللي اعرفها

_قصدك اني بكدب يعني……..وانا هكدب عليك لية في حاجة زي دي

_والله مش عارف المفروض انا اللي اسألك السؤال دا…….انت لية بتكدب وبتقول كلام محصلش ولا هيحصل

_الظاهر ان دكتورة رنا قدرت تضحك عليك و

_انا مفيش حد يقدر يضحك عليا ودا اولا……..ثانيا بقي انا واثق في رنا اكتر من نفسي وعُمري ما هصدق اي كلمة تتقال عنها من اي شخص حتي لو الشخص دا مين بالنسبالي…….انا عملتها مرة ومكنتش واثق فيها وندمت ندم كبير وعُمري ما هقرر الغلطة دي تاني………اسعمني كويس يا دكتور باسم انا لو شوفتك قربت من رنا او فكرت حتي انك تدايقها بكلامك او بقربك ليها انت هتشوف وش مني عُمري ما تحب انك تشوفه اتمني تكون فهمت

سيبته ومشيت………مش عارف اية اللي خلاه يقول حاجة زي دي واية اللي كان عايز يوصله بكلامه دا بس انا عُمري ما هصدق ان رنا تعمل كدة…….انا غلطت غلطة كبيرة لما مصدقتهاش وشكيت فيها ودفعت ثمنها غالي اوي بس عُمري ما هكرر الغلط دا تاني ولا هفكر اني اشك فيها………في كل مرة رنا بتاكد ليا اني كُنت غلطان لما محبتهاش ولا حاولت اني احبها في الاول يمكن لو كُنت حبيتها في الاول وعلاقتي بيها اتحسنت مكناش وصلنا لكدة يمكن كُنا هنعيش في حياة افضل من كدة من غير فراق او بُعد………رجعت علي البيت……..خبطت علي الباب فتحت الباب ………بدات اتكلم بصوت واطي

_تيتة نامت!

_لسة نايمة دلوقتي

_طيب جهزي انس ويلا علشان اوصلكم

_مفيش داعي انا هطلب اوبر

_اوبر اية دا اللي هتطلبيه يا رنا اكيد مش هسيبك تعملي كدة انا هوصلكم لحد البيت …….اتفضلي هاتي حاجتكم وانا هستناكم تحت

_صدقني يا اياد مفيش داعي

_هو اية دا اللي مفيش داعي……..هو انا باخد رايك مالك يا رنا في اية……احنا مش متفقين اني هوصلك قبل ما انزل

_تمام،……هروح اجيب انس من جوا والشنطة بتاعته واجي

دخلت جوا وسابتني واقف مش فاهم حاجة ……..خرجت وهي شايلة شنطة انس ………قربت من الكنبة اللي كان نايم عليها وشالته……..قربت منها علشان اخد الحاجة اللي معاها………نزلنا وركبنا العربية وبدات اسوق وهي طول الطريق ساكتة وباصة قدامها………وقفت العربية……..بصتلي ب استغراب فضلت باصص عليها وساكت

_وقفت العربية لية

_عايز اعرف مالك يا رنا……..اية اللي حصلك من بعد ما روحت المشوار اللي روحته دا

_مفيش حاجة

_هو اية اللي مفيش حاجة يا رنا انتي مش شايفه نفسك

_يعني انت كُنت فين

_كُنت في مشوار مهم

_اية هو المشوار المهم دا

_كُنت مع باسم يا رنا………كُنت عايز اعرف هو عايزني في اية

_وعرفت

_كان موضوع تافهه مش مهم

_مروحتش تقابل حد تاني

_انتي عايزة توصلي ل اية يا رنا

_عايزة اعرف انت قابلت نور ولا لا يا اياد

سكت اول ما سمعت اسمها ومقدرتش اتكلم ومش عارف هي ازاي عرفت بمقابلتي ليها

_انتي عرفتي منين اني قابلتها

_الصور دي اتبعتت ليا

اديتني تلفونها وفي صور لينا احنا الاتنين واحنا حاضنين بعض…….بصتلها وهزيت راسي ب لا

_لا يا رنا اوعي تكوني صدقتي الصور دي

_عايزني مصدقش اية يا اياد الصور واضحة اهو

_لا مش واضحة انتي مش فاهمة حاجة

_فهمني طيب يا اياد

_انا صحيح شوفت نور انهاردة بس مش زي ما انتي فاهمه……..انا كُنت رايح اقابل باسم وقبل ما ادخل الكافية اللي كُنت ناوي اقابله فيه لقيت نور في وشي اول ما شافتني حضنتني بالطريقه دي بحجة اني وحشها بس صدقيني انا بعدتها عني واتخانقت معاها وسبتها ومشيت انا مش عارف هي دي كانت صدفه ولا هي كانت قاصدة انها تخرج قصادي في الوقت دا وفي المكان دا علشان الصور دي ……انا قولتلك اني اتغيرت يا رنا بس انتي اللي مش عايزة تصدقيني انا حبيتك ونسيت نور وعُمري هرجع ليها او اعمل حاجة تانية تبعدني عنك………انا هفضل لاخر لحظة في عمري بحاول معاكي علشان ترجعيلي من تاني وتبقي جمبي

_غصب عني يا اياد……..غصب عني مش قادرة انسي اللي فات وابدا معاك من جديد……..هو انت فاكر ان بُعدي عنك واني مش عايزة ارجعلك دا سهل…….تبقي غلطان لو فاكر انه سهل انا مش قادرة اتحمل اكون بعيدة عنك لاني بحبك بس مش قادرة مش قادرة اني اديك فرصة تانية علي الاقل دلوقتي محتاجة وقت علشان اقدر اديك فرصة تانية………محتاجة وقت اتاكد فيه انك بقيت بتحبني بجد ومش هتشك فيا تاني ولا تجرحني من تاني……..محتاجة اتاكد انك حبيتني بجد ومش هتجرحني

_وانا مش مستعجل يا رنا……..انا هستني انك تاخدي الوقت اللي انتي عايزاه كله……..انتي لازم تبقي عارفة اني لو فضلت العمر كله مستني انك تقرري انك ترجعيلي هكون مبسوط لو علي الوقت هفضل مستني العمر كله بس اكون عارف ان بعد الوقت دا كله يبقي في امل في رجوعك ليا

_اوعدك اني هفكر وهحاول اني اخد قرار في اسرع وقت يا اياد

_وانا اوعدك اني مش هتكلم معاكي في الموضوع دا لحد ما تيجي بنفسك وتكلميني فيه

"باسم"

كُنت رايح جاي بعصبية وهي قاعدة قدامي

_انا غلطان اني مشيت ورا كلامك………اهو مصدقش كل اللي قولته وهددني انه لو عرف اني دايقتها حتي هيقفلي ويندمني علي اي حاجة هعملها تزعلها………انا مش عارف اي اللي خلاني امشي وراكي من الاساس

_ممكن تهدي شوية عصبيتك دي مش هتغير حاجة علي فكرة ممكن تقعد وتهدي علشان تقدر نفكر هنعمل اية

_هنعمل اية في اية خلاص انا مش هقدر اخلي رنا تحبني خلاص

_ومين قالك ان الموضوع خلص……..لو خطة اياد فشلت يبقي الخطة اللي حطتها لرنا هتنجح وحتي لو فشلت في حاجات كتير ممكن نعملها ونفرقهم عن بعض علشان تقدر تخليها تحبك

_زي اية مش فاهم

_اهم حاجة انك تنفذ اللي بقولك عليه وملكش دعوة ب اي حاجة تانية وانا اوعدك رنا هتكون ليك بس تنفذ اللي هقولك عليه

_مستعد اعمل اي حاجة علشان تكون ليا

_وانا هعمل كل اللي اقدر عليه علشان رنا تكون ليك

"رنا"

كُنا قاعدين في مكتب المحامي كلنا………مكنتش قادرة افهم سبب وجودي معاهم اية ولية المحامي مصمم اني اكون موجودة وقت فتح الوصية بدا يتكلم وهنا مركزين معاه

_اول البقاء لله جمال بيه كان شخص طيب وكريم مع الكل والكل كان بيحبه

_ربنا يرحمه ويغفرله ان شاء الله

_يا رب……..هو حضرتك لية صممت علي وجودي معاكم هنا

_لان وصية جمال بيه الله يرحمه جزء كبير منها ليكي

_ليا انا……..ازاي مش فاهمة

_جمال بيه سآب لحضرتك ٥٥٪؜ من كل ما كان يملك وال ٤٥٪؜ سابهم ل دكتور اياد ومدام ثريا

كُنا بنسمع ليه انا وهو بصدمة واحنا مش مصدقين اللي سمعناه عكسها كانت قاعدة بهدوء وكأنها عارفة ان دا اللي هيحصل

_ليا انا ………وجدو ازاي يعمل حاجة زي كدة

_انا مش فاهم حاجة هو حضرتك متاكد من اللي بتقوله دا يا متر

_طبعا متاكد سا دكتور اياد جمال بيه طلب مني اني اكتب وصيته دي بنفسي

......

_مينفعش يا جمال…….اللي بتفكر فيه دا مينفعش

_لية يا ثريًا مينفعش………انا كل اللي عايزه اني احافظ علي مستقبل رنا و انس

_واللي انت بتعمله دا هو اللي هيحافظ علي مستقبلهم…….بالعكس يا جمال انت كدة بتعرض حياتهم للخطر

_واية اللي هيخلي حياتهم مُعرضة للخطر يا ثريا

_حاجات كتير يا جمال اولهم اياد……..اياد لو عرف انك عايز تعمل كدة الله اعلم هيعمل اية

_وهو فين اياد اللي يتتكلمي عنه يا ثريا……..احنا داخلين علي سنتين منعرفش عنه حاجة …….لا عارفين هو فين ولا بيعمل اية……..حفيدك بيعاقبنا يا ثريا وكل دا علشان خايفين علي مصلحته اياد فاكر انه كدة هيعاقبنا علي غلطتنا معاه واني اتفقت مع رنا علي جوازهم دا اياد سابنا وسافر ومفكرش فينا للحظة يا ثريا وانا كمان مش هفكر غير في انس ورنا اللي مش بتسيبنا لحظة

_يا جمال انا بحب انس ورنا زيك ويمكن اكتر ومعنديش مشكلة في اللي انت عايز تعمله بس انا خايفه عليهم

_خايفة عليهم من اية يا ثريا………معتقدش ان في حاجة تخليكي تخافي عليهم

_يا جمال

_ثريا……..انا قولت اللي عندي وهكتب ٥٥٪؜ من الورث دا ل رنا وانس ومش هرجع في قراري…….. انا حبيت اقولك علشان مش عايز اعمل حاجة من غير انتي ما تعرفي …….بعد اذنك

سابني ومشي فضلت باصة عليه لحد ما خرج وقفل الباب وراه………كُنت ساكتة ومش عارفة اتكلم ولا اعترض علي كلامه……….انا مش عايزاه يعمل كدة علشان بكره انس او رنا لا بالعكس………انا بحبهم اكتر من حُبه ليهم ومن كُتر حبي ليهم مش عايزة ان دا يحصل لاني عارفه اياد………اياد لو رجع في يوم وعرف ان جمال عمل كدة الله اعلم هيعمل اية……..وحتي لو اياد سكت وانا عارفه ان دا مش هيحصل اللي اسمها نور دي مش هتسكت……..انا عارفة ان كل همها الفلوس ومش عايزه من اياد غير الفلوس ولو حصل حاجة ل جمال واياد رجع هتحاول ترجع ليه علشان الفلوس لكن لو جمال كتب وصيته ان رنا وانس هما اللي ليهم النصيب الاكبر من الورث ممكن تعمل اي حاجة علشان تأذيهم وتخلص منهم وانا خايفه عليهم علشان كدة مش عايزة جمال يغلط غلطة تخسرنا رنا وانس

فوقت علي صوتهم وهما بيتكلموا……..اتنهدت وغمضت عيني وبدات اتكلم بهدوء

_جدكم عمل كدة علشان مصلحتكم

_مصلحتنا ازاي يا تيتة…….مصلحتنا انه يكتبلي انا كل حاجة ويحملني مسؤولية انا مش قدها

_جدك عارف كويس هو عمل اية يا رنا………هو واثق فيكي وانك هتكوني قد المسؤولية……..وعارف كويس هتعرفي تحافظي علي كل حاجة هو عملها

_يعني جدو للدرجة دي بيستقل بيا يا تيتة……..هو فاكر اني مش هقدر ادير كل حاجة بعده علشان كدة عمل كدة

_وهو انت كُنت فين يا اياد………..احنا مكناش نعرف عنك حاجة طول السنتين اللي فاتوا دول ……..احنا اصلا مكناش عارفين انت عايش ولا ميت………انت اخر واحد تتكلم يا اياد………طالما مشيت وسيبتنا ومكنتش عايز تعرف اي حد فينا مكانك او بتعمل اية يبقي متتكلمش في الموضوع دا لانه مش من حقك اصلا انك تتكلم يا اياد

_عندك حق يا تيتة……..انا فعلا غلطت لما سيبتكم ومشيت ومليش حق اني اتكلم في الموضوع دا ……..اعتقد اني مليش لازمة في المكان دا ……..بعد اذنكم

خرج من المكتب……كانت هتروح وراه بس انا وقفتها

_استني يا رنا……..سبيه يعمل اللي هو عايزه هو غلط لما مشي من سنتين ودا ثمن غلطه ……..قعدي علشان نشوف المتر عايزينا في اية…….كمل كلامك يا متر

"رنا"

سمعت كلامها وقعدت وانا مش عارفة اتصرف ازاي………اللي عمله جدو دا كان غلط……..مش معني ان اياد غلط يكون عقابه انه يتحرم من ورث جدو كله……..اياد هو الوريث الوحيد لجدو وهو اللي كان لازم ياخد كل حاجة مش انا……..وبعدين انا مقدرش اتحمل حِمل كبير زي دا انا مش بفهم في شغل الشركة دي ولا هقدر اني امشي الشغل زي جدو ما كان بيعمل مكنتش عارفة اعمل اية……..جدو حاطني في موقف صعب قدام نفسي قبل ما يكون قدام اياد ومش قادرة افكر في حل للمشكلة دي…….فوقت من سرحاني علي صوت المحامي وهو بيطلب مني اني امضي

_ممكن حضرتك تمضي هنا يا مدام رنا

_بس انا مش هقدر امضي علي حاجة ………انا مش هقدر اشيل مسؤولية كبيرة زي دي

_امضي يا رنا……..انا واثقه فيكي وعارفة انك قدها

_يا تيتة الحكاية مش حكاية انتي واثقه فيا ولا لا………الحكاية ان دا تعب سنين ممكن يروح علي الارض المصنع دا جدو قالي انه عاش عمره كله يكبر فيه وتعب علشان يقدر يوصله للي وصل ليه دلوقتي ازاي اجي انا اللي معرفش اي حاجة في الشغل دا واكون انا صاحبة الكلمة الاولي والاخيرة مفيش عقل بيقول كدة يا تيتة……..اياد هيحاول انه يفهم في الشغل ويقدر يمشيه لكن انا لا ……..لا يا تيتة مش هقدر

سمعنا صوت ضرب نار وصوت عالي………جرينا بسرعه علي تحت وانا حاسة انه حصله حاجة……..قلبي كان بيدق جامد وجسمي كان بيترعش كُنت بتمني ان احساسي يكون غلط ………اول ما نزلت حاولت اني ادخل وسط الناس علشان اشوف اللي حصل………اول ما شوفته وهو غرقان في دمه قعدت جمبه وانا مش قادرة اني اتكلم ولا عارفة اعمل حاجة كل اللي كُنت بعمله اني ساكتة وباصة عليه وهو علي الارض……….سمعت صوتها وهي بتزعق ب اسم انس وصوتها كان عالي…….مسكت في ايده وانا مش فاهمة اية اللي حصل وازاي كل دا حصل

….

_انس اتخطف يا اياد…….اتخطف في نفس الوقت اللي حصل فيك كدة

_اخرجي يا رنا……..انتي مش هتقدري تعملي العملية دي

_انا مبقتش عارفة اتصرف ازاي ولا اعمل اية……..انا محتاجة انك تكون جمبي………اوعي تمشي وتسيبني يا اياد

_رنا لو سمحتي اخرجي برا…….اللي بتعمليه دا غلط

_باسم انا هسيب اياد امانة عندك……..انا مش هقدر اعمل العملية دي بس………بس انا واثقة فيك وعارفة انك هترجعلي اياد وهو كويس واحسن من الاول

_انا هعمل اللي هقدر عليه يا رنا

_هتنقذ حياته يا باسم……..حياة اياد بين ايديك وانت هتنقذه انا عارفة…….انس محتاج ابوه يا باسم وانت لازم ترجعله ابوه

_اخرجي يا رنا ………انتي كدة مش هتخليني اعرف اشتغل ولو حصل ل اياد حاجة هتكوني انتي السبب

فضلت باصة عليه والدموع مغرقة وشها……..مشيت براحة وهي عينيها عليه ودموعها بتنزل وهي ساكتة……..خرجت من الاوضة كُنت باصص عليها لحد ما خرجت رجعت بصيت عليه وانا واقف مكاني ومش قادر اخد قرار……….كُنت فاكر ان دي فرصة حياتي علشان اخلص منه يمكن رنا تقبل بحُبي ليها بعد ما يموت لكن دلوقتي انا مش عارف اعمل اية………واقف تايه ومش قادر اخد قرار ……..انقذ حياته ودا اللي لازم اعمله ولا اسيبه واقول ان دا قضاء ربنا وان دا قدره وساعتها هكون خلصت منه ويمكن اكسبها……..قربت منه وهو نايم علي السرير وانا واخد قراري اللي مقدرش اني اعمل غيره

"رنا"

خرجت من اوضة العمليات رميت الجوانتي علي الارض ……….مشيت ناحيته ودخلت في حضنه وانا بعيط……..طبطب عليا وهو بيعيط……..بصيت عليها من بعيد لقيتها قاعدة بتعيط……..قربت منها وقعدت قدامها علي الارض……..مسكت ايديها ومسحت دموعها ومسحت دموعي وبدات اتكلم بهدوء

_متقلقيش يا تيتة……..اياد هيخرج بالسلامة……..انا عارفة انه مش هيستسلم بسهولة وبعدين……….وبعدين هو وعدني انه مش هيسيبني ولا هيبعد عني لحد ما اوافق اني اتجوزه تاني………وعلي فاكرة انس كمان هيرجع وهيبقي كويس واللي عمل كدة هيتحاسب ايا كان مين متقلقيش ……….اياد وانس هيكونوا بخير انا واثقة من دا صدقيني

باب قرب مننا وفي ايده التلفون بتاعي

_رنا في حد بيرن عليكي ……..ردي بسرعة يمكن اللي معاهم انس هما اللي بيتصلوا

اخدت منه التلفون ورديت بسرعة علي اللي اتصل

_مين معايا

_المرة اللي فاتت لما اياد عمل حادثة وجيت علشان ازوره انتي رفضتي وطردتيني من المستشفى………المرة دي مش اياد بس اللي في خطر ابنك كمان في خطر يا رنا

_كُنت عارفة انك ورا كل اللي حصل دا……..عايزة اية يا نور

_اللي عايزاه انتي عارفاه كويس يا رنا ………كل اللي اتكتب ب اسمك من جمال يكون عندي انا وملكي ياما كدة ياما صدقيني هتزعلي علي ابنك واياد في لحظة واحدة

_انتي ازاي جالك قلب تعملي كدة………ازاي تخطفي طفل صغير علشان تحققي اللي أنتي عايزاه ازاي قدرتي تضحي بحياة شخص علشان الفلوس……..انا بجد مش مصدقة ان في انسانة انانية زيك كدة

_انتي هتديني درس في الاخلاق ولا اية………انا ميهمنيش كل الكلام اللي قولتيه دا………انتي قدامك ٢٤ ساعة وبس لو معملتيش اللي قولت عليه ولقيت كل حاجة اتكتبت ب اسمي ابنك هيكون راح خلاص يا رنا………اه صح انا نسيت اقولك انك لو فكرتي تبلغي البوليس وتقولي اي حاجة تنسي ان كلن ليكي ابن يا رنا

قفلت في وشي……..غمضت عيني وبدات اعيط وانا ساكتة ومش بنطق ب كلمة ولا قادرة اتحرك من مكاني………كُنت تايهه وحاسة اني في عالم تاني ومش قادره اني اتصرف انا لو معملتش اللي نور عايزاه هكون بختار موت ابني ولو اديتها اللي هي عايزاه هكون بغلط غلطة كبيرة……….مش قادرة اني انقذ ابني ولا حتي قادرة انقذ ابوه اللي يقدر يساعدني مكنش ب ايدي غير اني ادعي ربنا انه يخرجني من الازمة اللي انا فيها ويرجعلي انس واياد كويسين ………كانوا بيحاولوا يفهموا مني مين اللي اتصل وكان عايز اية بس فضلت ساكتة ومش قادرة حتي اني اتكلم

"نور"

_يوم واحد بس وكل احلامي اللي قعدت احلم بيها سنين هتتحقق كل فلوس وشركات جمال هتبقي ليا وهكون اغني واحدة في مصر

_انا بجد مش مصدق اللي انتي بتعمليه ………خطفتي الولد وحاولتي تقتلي ابوه وهو دلوقتي بين الحياه والموت وكل دا مش همك اهم حاجة عندك الفلوس

_اومال عايزني اعمل اية يا امير……..دي فرصة وجات لحد عندنا علشان نعرف نعيش حياتنا كويس ولا عجبك حياتنا اللي زي الزفت دي

_ومالها حياتنا يا نور اية اللي مش عجبك فيها

_اية اللي هيعجبني فيها يا امير……..فرصة حياتنا جات لحد عندنا وهنقدر نغير حياتنا للاحسن مية مرة لية مُصر انك تضيع الفرصة دي من ايدك

_تولع الفلوس اللي هتيجي بقتل الناس وتدمير

حياتهم……..تولع الفلوس اللي هتيجي بالسرقة مش بتاعبنا فيها يا نور تولع الفلوس اللي هتخلينا نقتل ونخطف طفل صغير ملهوش ذنب في اي حاجة غير ان اهله اغنية………رجعي الولد ل اهله يا نور وكفاية اوي لحد كدة ياما

_ياما اية يا امير…….هتهددني!

_لا يا نور مش بهددك……….انتي لو مرجعتيش انس ل رنا انا هبلغ البوليس عنك واللي رنا مش قادرة انها تعمله هعمله انه يا نور

_مش هتقدر تعملها يا امير………مش هتقدر تبلغ عن اختك…….صح مش كدة

_لا اقدر يا نور………زي مانتي قدرتي تخطفي ابن من امه وتحاولي تقتليه ابوه ويكون دلوقتي بين الحياة والموت والله اعلم اذا كان هيخرج منها ولا لا انا كمان هقدر ابلغ عني واخليهم يسجنوكي

_بس انت ممكن متلحقش انك تخرج من هنا يا امير

_يعني اية

_يعني اللي خلاني اخطف انس واحاول اقتل اياد يخليني اقتل تاني ………اللي قتل مرة هيقتل الف وجزاءه هيكون واحد

قربت من الترابيزه واخدت المسدس اللي كان عليها وقربت منه وانا رافعة المسدس في وشه

_اللي خلاني اعمل كدة يخليني اموتك يا امير واقتل اي حد يقف قصادي في اللي عايزة اعمله

_كل دا علشان الفلوس يا نور……..عايزة تقتلي اخوكي علشان خايف عليكي ……..انا مش قادر اصدق ان اللي قدامي دي نور اختي اللي بحبها واللي مكنش فيه اطبب منها في الدنيا

قرب مني وهو بيتكلم

_عايزة تقتليني يا نور!…….. اتفضلي اقتليني ……قتلك ليا هيكون اهون عليا من اني اشوفك واصلة للحالة دي بسبب حُبك للفلوس…….اقتليني يا نور مستنية اية………عملتيها مع اياد مش قادرة انك تعمليها معايا لية ………يلا يا نور مستنية اية

فضلت واقفة قدامه وانا ماسكة المسدس وهو اقف باصص عليا كُنا باصين لبعض ومحدش فينا قادر يتكلم

"باسم"

خرجت من اوضة العمليات…….جروا ورايا وهما قلقانين……..بصيت عليها وهي واقفة ودموعها علي خدها…….بدات تتكلم بهدوء

_هو كويس صح…….قول انك انقذته يا باسم…….قول انه كويس علشان خاطري

بصيت في الاوض وبعدين رجعت بصتلها وفضلت ساكت

…….

_ساكت لية يا باسم…….قول ان اياد كويس و هيخرج من هنا كويس

_لا يا رنا اياد مش كويس

_يعني اية اياد مش كويس يا باسم…….انت وعدتني انك هتعمل كل اللي تقدر عليه علشان اياد يخرج كويس يا باسم……..قولي انك نفذت وعدك ليا يا باسم علشان خاطري

_الحكاية مش حكاية وعد يا رنا………انا عملت كل اللي اقدر عليه بس الرصاصة كانت قريبة اوي من القلب وكان ممكن ميوصلش لحد هنا اصلا يا رنا…….العملية كانت صعبة اوي وانا عملت كل اللي اقدر عليه علشان اخليه عايش لحد اللحظة دي………بس دا مش معناه انه كويس بالعكس هو تعبان اوي………اياد دخل في غيبوبة وربنا وحده اللي يعلم اذا كان هيخرج منها ولا لا……..ادعوله يا جماعة لان موته او حياته مش ب ايد حد فينا دلوقتي حياته دلوقتي في ايد ربنا وبس افتكر انك فاهمة كلامي كويس يا زنا

_يعني اية………يعني اياد ممكن يروح مني……..دا جده مكملش يومين ميت…….دا انا مش قادرة استوعب موت جمال علشان يحصل حاجة ل اياد…….. يا رب بلاش هو يا رب ……..هو لسة صغير ولسة قدامه الحياة طويلة بلاش تاخده علشان ابنه لو عايز تاخد حد خدني انا يا رب………سيبه علشان ابنه اللي محتاجله دا وخدني انا انا………انا خلاص شبعت من الدنيا دي ومبقتش عايزاها لكن هو…….هو لا هو عنده ابنه وحبيبته اللي بيحبها خدني انا يا رب بلاش هو

كانت بتتكلم بصوت عالي من وسط عياطها……..قربت منها وهي بتعيط وبتحاول تهديها وبتحاول تبين هدوءها

_تيتة……..تيتة حبيبتي………اهدي علشان خاطري…….صدقيني اياد هيكون كويس انا واثقه من كدة………هيرجع لينا ويكون كويس وبينا وانس كمان هيكون كويس و هينام في حضنك انهاردة

_ازاي بس يا بنتي……..هترجعيه ازاي وانتي مش عارفة مين اللي خطفه

_لا يا تيتة انا عارفة……..وانس هينام في حضنك انهاردة………دا وعد مني وهنفذه حتي لو الثمن حياتي

_اية اللي بتقوليه دا يا رنا………انا اكيد مش هسمحلك تخاطري بحياتك يا بنتي

_دا ابني يا بابا لو مخاطرتش بحياتي علشانه هخاطر بحياتي علشان مين

_لا يا رنا اوعي تعملي كدة………انا اه عايزين انس يرجع بس دا مش معناه اننا نضحي بيكي

_متقلقوش ان شاء الله خير……..ربنا مش هيسيبني ولا انا ولا انس ………ولا اياد ان شاء هنبقي كلنا كويسين ان شاء الله

_رنا لو سمحتي عايزك

هزيت راسها ب حاضر………مسكت في ايديها وقعدتها وخلته يقعد جمبها……..بعدت عنهم وقربت مني

_نعم يا باسم

_رنا انا كُنت عايز

_انا اللي كُنت عايزة اشكرك يا باسم………انت حقيقي اخ عظيم………رغم اني رفضت حُبك ليا كذا مرة وكُنت قليلة الذوق معاك كتير بس اول ما احتاجت ليك جيت ووقفت جمبي وساعدتني علشان عارف اني مش هقدر اعمل عمليه اياد………انا حقيقي مش عارفه اشكرك ازاي يا باسم

_تشكريني علي اية يا رنا دا واجبي ك دكتور اللي كان لازم اعمله انا معملتش حاجة

_عارفة انه واجبك بس آنا حبيت اني اشكرك………انت كُنت عايز تقولي اية

_كُنت عايز اقولك اني……..اني مش هسيبك يا رنا ولا انتي ولا انس ……..بلاش تفهميني غلط انا اقصد اني مش هسيبكم لحد ما اياد ان شاء الله يقوم من الغيبوبة اللي هو فيها ويكون كويس و متقلقيش علي انس انا هفضل معاكي لحد ما يرجع

_شكرا يا باسم وقفتك جمبي دي انا عُمري ما هنساها ابدا……..بس انا مش عايزة حد يساعدني علشان ارجع ابني انا هقدر ارجعه بنفسي

_بس يا رنا انتي مش عارفة مين اللي خطفه وعايزين اية وبعدين انتي ناسية ان اللي خطفوه هما اللي عملوا لاياد كدة

_وانت عرفت منين ان هما نفس الناس اللي عملوه في اياد كدة يا باسم

_اكيد يعني يا رنا هما نفس الناس مهو مش معقول انس يتخطف واياد يضرب بالنار في نفس الوقت ويكون شخصين مختلفين اكيد اللي عمل كدة واحد

_الله اعلم يا يونس يمكن كلامك يكون صح ويكونوا هما نفس الشخص ويمكن لا انا معرفش حاجة عن اللي عمل كدة في اياد بس لو عرفته او عرفت اي حد من اللي ساعده في الموضوع دا هيكون حسابه معايا انا علشان اللي عمله معايا ومع ابو ابني وابني دا

سابتني ومشيت………حسيت انها فهمت حاجة من طريقة كلامها وللحظة حسيت بخوف انها تعرف ان كان ليا يد في الموضوع ………الحقيقة انا مش عارف انا ازاي قبلت بكدة ولا ازاي رضيت اني أذي بني ادم علشان مصلحتي………ازاي طوعت نور و وافقتها علي كدة انا عُمري في حياتي ما فكرت بالطريقة دي ولا تخيلت اني هيجي يوم عليا وافكر التفكير دا………انا اه بحبها ويمكن نفسي تكون ليا بس ……..بس مش لدرجة اني اقتل علشان اوصلها مع اني و واثق انها بتحبه ولو عرفت اني السبب في اللي حصله دا هتكرهني وحتي مش هتشوفني ك اخ ليها زي ما هي معتبرة اني اخوها دلوقتي………انا فعلا ندمان علي اللي عملته بس ……….بس دا مش هيغير حاجة دلوقتي انا غلطت ولازم ادفع ثمن غلطتي ……..سواء انا او نور اللي ساعدتني في كل دا

"نور"

كُنت ببعد عنه وانا ماسكة المسدس وموجهه ناحيته بس هو كان بيقرب مني بهدوء………ايدي بدات تترعش وبدات اتكلم ب خوف……..بس مكنش خوف منه قد ما هو خوف عليه

_ابعد يا امير……..انا مش عايزه أذيك

_خايفة كدة لية يا نور……..مش انتي اللي قولتي انك هتخلصي مني زي ما عملتي مع اياد ……….فرصتك جاتلك انك تخلصي من الدليل الوحيد اللي هيدخلك السجن

_انت عارف كويس اني بحبك وعُمري ما هاذيك يا امير

_اومال رافعة المسدس في وشي لية يا نور……..قتلك ليا هيكون الحل فعلا………هتخلصي من الشخص الوحيد اللي مش عايز يشاركك في جريمتك واللي لو سبتيه هيبلغ عنك انتي وباسم وانا كمان هخلص من عذاب الضمير اللي انا فيه واللي من حُبي ليكي يا اختي مش قادر اني ابلغ عنك

اتكلمت بصوت عالي وانا بعيط

_ابعد يا امير بقولك………سيبني في حالي…….اه

في لحظة واحدة كانت رصاصة خرجت من المسدس ناحيته………مش عارفة ازاي دا حصل وازاي الطلقة خرجت من المسدس في لحظة……….وقع علي الأرض في وسط الدم………بصيت عليه وهو في الارض رميت المسدس ورجعت خطوة لورا وانا بهز راسي ب لا………نزلت جمبه علي الارض وانا في صدمة من اللي حصل……..دا كان خلاف بسيط بينا ازاي وصل بينا اني اقتله……..بدات اتكلم بصوت واطي

_امير………امير انت كويس مش كدة………قوم يلا يا امير قوم وانا هصالحك…….قوم يلا بلاش هزارك البايخ دا

الباب بدا يخبط جامد……..قومت بسرعة وانا هدومي كلها دم فضلت باصة علي الباب ورجعت بصيت ليه وهو علي الارض……..فضلت واقفة في مكاني وباصة ناحيته وانا ساكتة ومش بتكلم

…….