رواية حكايات من بيت جدي الفصل العاشر 10 - بقلم مريم اماسي الليل

#حكايات_من_بيت_جدي
الجزء التاسع
اماسي الليل .....
حقوق النشر محفوظه
عذراء: من يوم الي عرفت موضوع سنان وحالي تبدل
اول اسبوع جنت منهاره حتى كليه ما داومت متحملت اصعد وياهم بالخط واعرف عقله وياها ما اتحمل نظرت الحب الي بعينه الها
اتحسرها وبداخلي اگول المفروض هاي اللي، اني الي حبيت وخليتك بقلبي سنين اكثر انسان شغل تفكيري احس بيك من مغثوث ومن فرحان اعرف الي يدور براسك قبل متحجي
الاهالموضوع ما حسبته ولا فهمته صدمتني صدمة عمري
ياريت يجي يوم انساك والله يعوضني بغيرك
شخص يمتلك هالمشاعر ويداوي جرح  وحسره قلبي عليك
بقيت ايام استعيد نفسي حتى ميبين عليه اي خلل كدام  اهلي الي صار ويايه شي يشبه الموت وبالفعل اني رجعت طبيعيه لكن ميته بمشاعري فقدت الي احبه فقدت علاقة وصداقه تربطنا بديت ابتعد عنه لان القرب يأذيني صرت ما اسيطر على مشاعري ودمعه عيني من يكون قريب عليه ...
الي هون عليه هويده ،جانت مريم اقرب لقلبي واحنه صغار لكن هويده صارت اقرب انسانه الي ،احيانا الله يرزقنا بأخت مو من نفس الام لكن حنيتها ومحبتها بمثابة الاخت
هويده خلتني احس اني قويه مثل ميگول جدي ونصحتني اكمل حياتي وما اخلي هالموضوع يأثر على طموح سنين تعبت وسهرت حتى اوصله ....
وبالفعل بديت اتهرب من الي بداخلي بالدراسه جانت الصدمات متواليه بهالعائله
صدمة هويده وصدمتنا بسلوان من خطبها حسيت اكو تخوف بداخل هويده هالمره تحولت الادوار صرت اني الي اساندها ما ادري
اطمنها ما ادري اهدي نفسي هالاخوه قلبوا حالنا واحد اعتبرته حبيب سنين  صدمني كأخت والثاني  اخ سنين صدم هويده بحبه
ورا ايام من داومت فتحت الموضوع ويا شهد بالاول جنت ماخذه منها موقف بدون وعي لكن من فكرت البنيه مو هي السبب
هو حبها واني الي وديتها عليه وما كان  عدها علم ب مشاعري تجاه
سنان يعني ما اكدر الومها او اعتبرها  اخذته مني
وهالشعور ازاد من عرفت منها ان اعتذرتله ماتفكر  بحب وعلاقه
فقط ارتباط ومو بالوقت الحالي لان بعدها بأول الطريق
تأكدت البنيه ما عدها مشاعر تجاهه، لكن سنان انتهى بالنسبه  الي حتى لو ما ارتبط ب شهد  اني بعينه اخت وراح ابقى طول العمر اخت، ماكو داعي اتعب قلبي وعقلي اكثر كافي سنين راحت بوهم 
اكذب اذا اكول انساه لان حبه محفور بقلبي من سنين ذكرياتي واحلامي كلها ويا لكن قرار الابتعاد افضل حل 
ورا كم يوم  الصبح حس اني متغيرعليه من بقينا ننتظر الخط بالهول  جنت ملهيه نفسي عن الكلام ويا بمگ چاي اشرب واگلب بأوراق، ما گدر يتحمل هالتجاهل
سنان: عذراء ترى من وصيتج تحجين ويا شهد لان معتبرج اختي وتدرين بيه ماعندي سوالف لعب مو قصدي اخليج
بهيج موقف مثل الوحده الي تنسق لابن عمها ويا صديقتها لا والله ما اجى بالي هيج شي بس لان انت قريبه مني كدرت اطلب منج هالطلب وترى اني حجيت وياها ماكو داعي
ادخلين نفسج بهالموضوع بعد.
عذراء: مصار شي بس اني ما احب ادخل بهالامور وياريت تبعدني عن الي بينك وبين شهد
سنان: عذراء انت تدرين شكد اعزج انت اقرب وحده الي بالبيت ولهذا السبب دخلتج بسالفتي  واتندمت واعتذر عن هالتصرف .
عذراء: كل ميحجي شي يزيد همي وقهري ويأكدلي لاحس بحبي ولا راح يحس
خلص سنان فهمت عذرك ومزعلانه منك، بداخلي
ادرب نفسي اتعامل ويا بهدوءلكنج بالفتره الاخيره دائما اجاوبه بعصبيه وهو منتبه بس يتوقعمغثوثه منه لان رادني احجي ويا شهد ميدري هو علتي
هويده : ثاني يوم الصبح ورا ما خطبني سلوان
جنت دا ارتب نفسي  بيدي قلم الحمره اندكت باب الغرفه
فتحتها سلوان  مبتسم اول مره يحجي ويايه بأسلوب تودد
صباح الخير
هويده : صباح النور انتچى على حافة الباب ..
سلوان : خلصتي  دننزل نتريك
هويده : ثولني ما اعرف اتصرف ويا ولا اكدر اعامله مثل قبل وضعي ويا مخربط ما ادري اعامله مثل الاخ لو لازم احس بمشاعر تجاهه واني لهذه اللحظه مامستوعبه صرت اله ولا عندي مشاعر غير الاخويه)
جاوبته سلوان انزل انت شويه واجي تقدم جر من ايدي قلم الحمره بهدوء ولمسة ايده بيها تودد
سلوان : هذا اللون لتخلي بعد بالكليه خلي شي افتح ميجذب النظر انت حلوه ممحتاجه هالمكياج المفروض ما اقبل تخلين  شي بس راح اخليج براحتج خلي شي خفيف
هويده: بقيت صافنه بوجهه مدا استوعب هذا سلوان ادري بي يغار وحريص علينا بس اسلوبه هالمره غير شكل
ميخالف ما اخليها بس انزل انت قبلي استحي انزل وياك
سلوان : ليش تستحين صرتي خطيبتي كم يوم واللبسج الحلقه يله خلصي
هويده: استحيت اكمل مكياجي بقيت على الكحل والمسكاره
جاوبته مخلصه ابتسم گلي يله لعد 
نزلنا سوا دخلنا للمطبخ جدي مبتسم مرتاح للي صار وبيبيتي مثله طايره
محاسن:بيبي هالخميس والله لا اسويلكم حفلة نيشان تخبل
وليد: بقيت صافن على سلوان هذا ديمثل لو صدك هو فرحان
بهويده من طلعنا للسياره هو كاعد بصفي وهويده وراه
شفته يضرب صفنات عرفت هيام هسه بعقله مبين من ملامح وجهه بداخله صراع حب يريد يطوي صفحته
صح من نزلنا حاول يتودد لهويده لزم ايدها ووصلها للقسم ورجعلي بس اعرف الي بقلبه واحس بي مهموم
سألته من انت قلبك يمها والها شكو خطبت هويده
سلوان : جريت حسره راح احجيلك حتى لتبقى تزيد همي ترى البيه كافي خايف ظلمت هويده وظلمت هيام
اسمع واحكم الي سويته صح لو لا حجيتله قصة هيام
وليد: بقيت مركز بكلامه اتفاجئت شكد يحبها وشكد مساعدها
وما ألومه ميكدر يرتبط بيها لان حتى لو هو يريدها اهلنا ميقبلون والناس حجيها ميرحم ميعرفون البنيه شريفه يعرفون اهلها سمعتهم تعبانه ، الله يكون بعونك حالك اتعس من حالي طلع
سلوان : هسه فهمت حسيت بيه انت اشوف اني عندي غير حل
وليد: لا وحتى لو اخذتها مراح ترتاح وياها يجوز فتره وبعدها تنفصلون راح تأذيها اكثر ...
سلوان : انت عبالك اني هينه عليه تسمع الخبر وتحس غدرت بيها لك اني من البارحه لليوم  منايم افكر بيها بس اعرف طريقنا مسدود
اليوم حاولت ابدي ويا هويده بدايه جديده بلكت قلبي يتعلق بيها وتنسيني هيام وبنفس الوقت ما اريد احس ظلمتها
اريد احسسها اني ماخذها عن حب ورايدها اليوم جربت اتوددلها بس جان شي طالع من قلبي صدك لان حسيتها صارت الي لازم احتويها
وليد: هسه ترتاح ويا هويده انت متنفعك غيرها تعرفك وتعرف اطباعك وتعرف تتعامل وياك بالعشره اتحبها ترى تسوى راسك حتى احلى من هيام اذا خليتها اتحس قلبك مو وياها اطيح حظك ماطول ما خليتها تكمل ويا احد ثاني
لازم أتشيلها بعينك ... هي بت عمك خلي هالشي براسك دائما
لا تفضل الغريبه عليها حتى بمشاعرك .
سلوان : لاتخاف اصلا اني ارتاحلها من قبل احسها تفهمني.
هويده : اول ما نزلنا من السياره لزم ايدي
(اوصلج )
دخلني لحد القاعه وهو لازم ايدي حسيت بي متقصد يريد يخلي كل الي ويايه بالقسم يعرفون ومنها راح توصل لغزوان .
سألني
( شوكت عندج ريست )
( على العشره ونص )
(لعد امرلج ... انتظريني هنا )
(ان شاء الله )
سنان: بيوم الي طلبت من شهد احجي وياها بقيت انتظرها بالكافتريا
تأخرت تصورت ما راح تجي بقيت انتظر لحد ما لمحتها دخلت ارتبكت احسها نسمه وهبت عليه
شهد: هلو
سنان هلو اتفضلي  شنو تشربين
شهد: شكرا ما اخذ شي اجيت لان كلت تريد تحجي ويايه
سنان: جريت نفس حتى اشجع احجي من اول يوم شفتج
حسيت بمشاعر تجاهج وللعلم اني ماعندي علاقات سابقه
يعني اعرف مشاعري وياج صادقه لا ناوي اللعب ولا
اراهق
شهد: سنان هذا الموضوع يتأجل بالوقت الحالي لان اني غير ارتباط ما انطيك مجال وشغله ثانيه اني بعدني بأول الطريق
مو مال اشغل بالي يم هيج امور اتركها للوكت وخلينا حاليا زملاء
سنان: براحتج بس بداخلي ارتاحيت لان شفت القبول من نطراتها حسيتها تبادلني المشاعر
بعد ا شهر قوة علاقتي بيها وصار اكو اعجاب بيناتنا
واضح بالنظرات وبيوم
نزلنا من الخط دنمشي مسافه شويه تدخل شعبتها التفتت عليه گلتلي سنان ولزمت بردني وكعت وهي فاقده الوعي فقدت تركيزي ما اعرف  شنو اسويلها احسها روحي ووكعت مروا طلاب من يمي من شافوها ديساعدوني
شلتها واخذناها اني وولد للمستشفى ...
علگولها مغذي گلولي مابيها شي اطمئن جانت صاحيه من التفتت عليها وبيدها الكانيوله
الحمد لله على سلامتج
شهد : الله يسلمك
سنان : بس يخلص المغذي اوصلج للبيت
شهد: شكرا تعبتك ويايه
سنان: لا ماكو تعب اهم شي سلامتج
وصلتها لبيتهم  طلعتلي امها اتشكرت مني  
تجرأت وطلبت منها رقم البيت حتى اطمئن على شهد
المره انطتني الرقم رجعت للبيت  بقيت قلق عليها مكدرت انام
للعصر  نزلت اتصل عليها الو
شهد: الو منو
سنان : شلون صرتي
شهد: هلو سنان الحمد لله  احسن طبعا والله ما اعرف شلون اشكرك تعبتك ويايه
سنان : ابتسمت (من حبي الها انسى حتى الخجل لازم  اتجرأ
واخليها تحس بيه الى ان تنطيني مجال اصارحها بمشاعري اكثر)
بشغلة متعبتني فصدك انت  متعبتني ومسهرتني الليالي
شهد: خجلت بقيت ساكته
سنان: ليش ساكته ترى  اعرف اتبادليني نفس المشاعر لكن دا انتظر اليوم الي اسمع منج هالشي
شهد: اي صح
سنان : ( بداخلي طرت ) شنو الصح
شهد : ابادلك المشاعر
سنان : شهد انت اول حب بحياتي ويبقى لاخر يوم بقلبي
وياج عايش مشاعر بحياتي ما عرفتها ولا ناوي استغني عنها
خلصي هالسنه واتقدملج على العطله حتى لاتكولين التهي عن دراستي
شهد: ان شاء الله ( حبيته ورا ما اتعرفت عليه ولح ويايه بمشاعره بمرور الايام اكتشفت كلام عذراء عنه صحيح
شفت بي انسان قوي الشخصيه هادئ يوصل احساسه وعاطفته بدون كلام بس بالنظرات ويا كل نظره يضعف قلبي كدامه الى ان لكيت نفسي حابته ...
واليوم ثبتلي هالحب من نظرات الخوف والقلق بالمستشفى
مشاعره صافيه  ونيته صادقه ويايه قررت انطي  فرصه ...
نتقرب من بعض حتى ما اخسره  بالصد
مريم : من يوم رجله احتركت واعترفتله بمشاعري حسيته طاير رجعت عيونه ورايه بكل مكان ورجع يسمع نفس الاغاني القديمه 
بس هالمره جانت مشاعره مفضوحه مثل الشي المكبوت بصدره طلعه كله من يشوفني وحدي باي  مكان يبوح بهالمشاعر  
وبيوم شتوي بارد المغربيه طلعت اطفي ماطور المي بالحديقه من باب المطبخ من جهة المنور صار بوجهي ماد راسه من باب الصاله
وليد: صار ساعه افتر بالبيت ادور عليج شعندج طالعه
مريم : دا اطفي الماطور فوت بارده .
وليد:فوتي انتِ اني اروح اطفي،  مريومه عود  تعالي اكعدي بالهول يمنا جوه عيني ...
مريم : خلي بس اصب الجاي  لجدو واجي اكعد دخلت
سمعت صوت جدي يناديني
ركضت نعم
ياسر : مريومه بابا وين صار الچاي
مريم : هسه جدو دقايق
عذراء: خلي اجي وياج اساعدج هويده وين
مريم : بالمقر ... ( الغرفه تقفل الباب وتبقى اتكدر ملابس  )
عدراء: شلون واهس عدها موتتني من العصر تحضر  شراح تلبس باجر بالدوام واني ما الي خلك حتى الدوام
مريم : عذوره بسبب سنان بعدج متأذيه
عذراء: واني اكدر انسى اذا هو ويايه بكل مكان اني احسدكم انت وهويده  قلبكم فارغ  متشوفون اذيته الله يبعدكم عن الحب وعذابه
مريم: انت متندمه
عذراء: والله ما ادري لحد هاللحظه لا كدرت اكرهه ولا كدرت اشوفه بغير نظره بعده بعيني مثالي بس النصيب وگف
بدربي .
خلي اودي الجاي قبل ميصيحون هسه ارجعلج نسولف
من احجي واطلع الي بقلبي شويه ارتاح
مريم : يله انتظرج ورا دقايق اجى وليد من الباب.
وليد: شو ما اجيتي بالهول تعالي ارتاح من تبقين ويايه بنفس المكان
مريم : ابقى بهذا وضعك مو تتبدل.
وليد: شلون يعني شنو الي متغير بيه
مريم : من تكون هادئ وتعاملني بحنيه ..تاخذ قلبي
وليد: انتِ تغثيني بتصرفاتج أتخليني افقد ما اعرف شلون اتصرف وياج لو اريد اعاتبج شكد تجرحيني وتأذيني   جان شفتي تصرفاتي وياج لاشئ. بيدج تخليني هادئ ومتثيرين عصبيتي ترى هالمره انطيت فرصه اخيره لنفسي وياج
مريم : شوف رجعت لحالتك الطبيعيه
وليد: مو رجعت بس دا انبهج .مريومه  قلبي اختارج من دون كل هالبنات وما رف لوحده غيرج صار سنين شبع منج اذيه صرتي علته .
مريم : ابتسمت انت هم علة قلبي الي ما عرفتلها طريق ولا فهمتها لهذة اللحظه بس جنت اكذب على روحي واگول اكرهك ولا يوم كرهتك ولا اكدر اكرهك .
عذراء: من رجعت سمعت كلام   مريم ووليدجنت احس اخويه عينه عليها بس ما ادري الشغله واصله مرحله .
المتسلط طلع  قلبه بيد مريومه وكلامه وياها مثل الي يحجي ويا طفل ويريد يقنعه حسيت بي وبقلبه لان اخته تعرف الي يحب واحد لدرجه يعتبره روحه شكد يأذي هذا الحب وشكد يخلي الانسان ضعيف حتى لو كان اقوى
واحد بالدنيا لكن يبقى قلبه مكسور ويعيش بلا روح يوم الي يخسر حبيبه ياربي لتكسر قلبه اذا اني بنيه وكل حياتي احسها انهدت
عاد هو رجال كرامته تنجرح ينكسر ويكابر برد فعل قوي
يأذي نفسه قبل ميأذي غيره .