رواية حكايات من بيت جدي الفصل التاسع 9 - بقلم مريم اماسي الليل

#حكايات_من_بيت_جدي
الجزءالعاشر
اماسي الليل
حقوق النشر .... محفوظه

هويده : الايام الي قبل النيشان
بدا سلوان يتقربلي اكثر جنت انصدم بي من يتغزل وصارت عاده  ورا الغدهيناديني نكعد بالهول الفوگ
سلوان : جانت واگفه يم المغسله   
وگفت بصفها حبيبتي راح اصعد للهول انتظرج نكعد سوى
هويده: هسه اجي صعدت لكيت مريومه دتتفرج تلفزيون اشرلي اكعد بصفه رحت كعدت
سلوان: بهالايام حسيت ب مشاعر جديده ويا هويده يمكن لان صارت الي وغيرتي زادت عليها  لدرجه اكمل  المحاضره اروح اگابلها  حتى ما تبقى وحدها بديت اشوفها بغير نظره انتبه على جمالها على ملامحها بالتفصيل كل شي بيها دا اشوفه بالجديد ولا كأنه متربين سويه 
يمكن قبل نظرتي الها اخويه لكن من يوم الي خطبتها صرت انظرلها كشريكه
ارتاح من اكعد وياها لان قريبه عليه تفهمني وتصرفاتها تعجبني من يوم الي خطبتها قطعت اتصالي بهيام
حتى من يدك التلفون واعرف هي اريد اجاوب لكن افكر بهويده اذا عرفت تتأذى بقى صراع بداخلي افكر بهيام لكن اعرف طريقي وياها انتهى ماكو داعي اعذبها واعذب نفسي بحب مابي أمل 
ردت اشغل عقلي وقلبي ويا هويده ما اريدها تفارگني حتى انسى هيام )
هدهد الثلاثاء امي كلتلي نطلع تاخذين النيشان
هويده : اي گلولي، انت  تجي ويانا ؟
سلوان : ليش اني اكدر افاركج 
هويده : ابتسمت انت صاير غير واحد
سلوان : ابتسمت هو الي عنده هالخلقه ينجبر يحجي
هويده : (بديت احب ارتباطنا اول ايام جنت مصدومه بكل الي صار لكن من بدا يبين مشاعره حسيت اكو حب قديم تأكده افعاله ، من اطلع من المحاضره واشوفه ينتظرني اروح وأسأله تريد شي يگلي ميصير اشتاق لبت عمي  وطول الوقت قريب مني حتى من نرجع للبيت )
سلوان انت مجنت تبين هالمشاعر
سلوان : جنتي مجرمه اخاف ابين مشاعري وتحقدين عليه تذكرين من لكيت المكص براسي
هويده : هههه اتذكر ردت اكص القنفذ .
سلوان :هههه تذكرين الكتله الي اخذتيها .
هويده : اي اتذكرها هههه بس وراها انتقمت منك اخذت المكص وكصكصت كتاب الفيزياء خليتك تلطم ههههههه
سلوان : جنت ادري انت بس خفت لا اسويلج شي وتنتقمين مني مره لخ 
لليوم احب ضحكتج الشريره وعينج تلمع بخباثه
تستفزيني بهالضحكه بس هسه قلبي يذوب  بهالضحكه وصاحبتها.
هويده : ترى مريم كاعده لاتسمع
سلوان : مريومه حتى لو تسمع اطنش ، دخل سنان كعد
سنان : عذراء وين
هويده : يمكن بالغرفه
سنان : خلي تجي تكعد ويانا مريومه روحي ناديها 
مريم : رحت فتحت الباب، تعالي سنان سأل عليج
عدراء : تنهدت شلون بي مراح يعوف قلبي بحاله، گليله
عندي امتحان دتدرس
مريم : دتعالي اكعدي ويانا ترى هي لا يوم ولا يومين احنه كلنا بنفس البيت علمي نفسج اجبريها   تتعود
عذراء: مريومه والله اتأذى خليني وحدي بلكت يمر الوكت وانسى
مريم : لخاطري تعالي ترى هو هم خطيه مستغرب وضعج ويا ويحاول يرجع علاقتكم لان متعلم عليج 
انت مو بس بت عمه صديقته وتدرين بي يعتبرج اخته ليش تخلي يشك بشي انت مو تگولين ما اكدر اشوفه مغثوث 
عذراء: هسه دقايق واجي ياربي صبرني وقويني اتحمل واكدر اتعامل ويا مثل قبل
طلعت مريم بقيت شويه وراها رحت يمهم لگيته يگلب بالتلفزيون متملل
سنان :ها عذوره تعالي يمنا ليش وحدج .
عذراء: جنت ادرس ورايه امتحان.
سنان : لو ادري الطب راح يخلينا كل واحد بديره جان قنعتج تنزلين صيدله عاد اشوفج بالكليه
عدراء: مكدرت على روحي طلع الحجي مني ) شسوي بيه بعد عندك صديق جديد ماخذ عقلك وقلبك
سنان : ابتسمت حتى لو
لكن  محد يكدر  ياخذ مكانج صديقه الطفوله
عذراء: )مكدرت اكسر قلبه والصدك اني هم ما اكدر بلياه احب ارجع مثل قبل قريبه منه يجوز هالشي يصبرني واتعود على الي كتبه القدر )
رجعت اشاركه الكلام وبدينا نتناقش بخصوص الكليه والمواد حسيته ارتاح واني هم ارتاحيت
هويده : ورا كم يوم   شفت غزوان جان حاقد عليه اجى بأتجاهي من شفته حاولت ادخل للشعبه
ناداني  وگفت تقرب مني
غزوان : من حجيت وياج ليش مگلتيلي ابن عمي خاطبني ليش خليتيني اتأمل واروح احجي ويا ابن عمج الثاني
هويده : (خفت لا الحظ يجيب سلوان ويشوفني واگفه ويا غزوان يتخبل )
جاوبته مرتبكه وبعجله ما كان عندي علم خاطبني من جدي قبل فتره وابويه منطي موافقه ،اعتذر استاذ كلشي قسمه ونصيب
غزوان : مجنتي تدرين لو ردتي أتثيرين غيرته براسي
هويده : استاذ اني ما عندي هالاسلوب وگتلك الشغله يم اهلي واهلي موافقين على ابن عمي واني وافقت والخميس الجاي خطوبتي
  جاوبني بعصبيه 
غزوان : بالخير عليج
هويده : تركني  وراح بس من يومها بدا يشد ويايه اول امتحان استلمت الورقع عليها صفر واني اعرف جنت مجاوبه ما رحت وحاججته لان عرفته متقصد حتى اروحله ويذلني
المره الثانيه وزع الطلاب مجاميع درس تشريح تقصد يخليني وحدي كأنه جان حاسب العدد ورتب المجاميع على هالاساس بيومها لج ويايه ينتقد شغلي اخر شي اطاني درجه قليله عرفت بيومها هذا مخليني بباله راح يرسبني بالماده بقيت محتاره لا اكدر اسكت عن درجاتي والظلم الي دا اتعرضله ولا اكدر احجي لسلوان ولا اكدر اروحله  ( لغزوان ) احجي ويا لان هي هاي غايته ولو يموت ما انزل نفسي اله
بيومها سلوان حس بيه مغثوثه من مر عليه نهايه الدوام حتى نروح للسياره
سلوان : اكو شي
هويده : لا سلامتك
سلوان : اكو احد ضايقج
هويده : التفتت متفاجئه لا بس تعبانه جان عندي امتحان وما جاوبت
سلوان : بيا ماده .
هويده : متعرفها .
سلوان : هذا الي اسمه غزوان هو ابو الماده .
هويده : جنت مقهوره، اي هو وخلالي درجه قليله
سلوان : عوفي خلي يركع راسه ميكدر يرسبج عندج ورقة الامتحان .
هويده : اي عندي .
سلوان : انطينياها واني اعرف اتصرف ويا.
هويده : سلوان عوفه اخاف يشد ويايه اكثر .
سلوان : حتى ما اسحله كدام الطلاب والله اخلي فرجه .
هويده : اهو عوفه الله يخليك خلي يولي .
سلوان : كتلج انطيني الورقه واني اعرف اتصرف .
هويده : ثاني يوم لنص الدوام مر عليه سلوان انطاني الورقه متغيره الدرجه .
سألته شلون خليته يغيرها .
سلوان : رحت على رئيس قسمكم حجيت ويا بالموضوع من بدايته
جان يمه استاذ گله شوفلي الاجابه وقدر الدرجه  من الاستاذ گله درجتها المفروض اعلى من يمه غيرها
هويده : يعني ما رحت على غزوان .
سلوان : لا حتى من يكررها مره لخ يعرفون شغلة عناد
سواها .
هويده : بهاليوم عرفت اني ما اعرف سلوان ،شخصيته غير عن  ما متخيله فاجئني ب تفكيره لان عرف يتصرف 
يوم الثلاثاء ما داومنا حتى نطلع نشتري النيشان ونكمل
امور الحفله.
نجاة: ماما يله بدلي حتى نطلع .
أمال : اي هم يله نلحك نروح لشارع النهر رايدلنا فره .
هويده : هسه خلصت شغلي بس امسح واصعد ابدل .
محاسن : بيبي روحي هسه بعدين من يجون البنات يخلصون الشغل وخلي سلوان هم يتحضر حتى تروحون وترجعون من وكت .
هويده : صعدت لكيته بالهول  متمدد على القنفه يتفرج تلفزيون
يله بدل حتى نروح
سلوان : يله بس من هسه تكملين  امورج بسرعه ترى امي وعمتي ادري ببهم ينسن روحهن .
هويده: لا ان شاء الله مانتأخر خلي اروح ابدل .
سلوان : تعالي
هويده : نعم 
سلوان :  يا حلو مكياج طوخ ما اريد.
هويده : ابتسمت لا فواتح دخلت بدلت بسرعة نزلت ،،يله خلصت
من طلعنا   عمه امال جرتني من ايدي للباب السياره الامامي بجانب السايق
(بنيتي اكعدي اليوم انت بصفه )
خجلت منها .. صعدت ليكدام
سلوان : يوم ليش مكعدتي انت ليكدام
أمال: ماكو فرق ماما ميصير عمتك تكعد ورا وحدها ويا هويده،، يعني دجاملني عود انت متريدها تكعد يمك .
سلوان : ههههه شلونه ابنج من يصيد .
أمال: مينخاف عليك طلعت منيشن من زمان .
سلوان : اي والله من زمان  من جانت تشوفني نايم ودوس على رجلي على اساس متدري وكعتني .
هويده : اضحك بخجل ومستغربه كلامه احسه واحد غير سلوان الي اعرفه ويايه ويا خاله ينطلق .
امال : من حبك لاشاك مو هيج يگولون .
سلوان : شتگولين انتِ( وجهت الكلام لهويده )
هويده : بقيت مبتسمه .
من اجتي امي رجع لطبيعته ساكت خجل يحجي ويايه كدامها
وصلنا بقت امي وعمتي يدخلون على محلات الصياغه تقرب عليه يحجي بصوت ناصي
سلوان : اكول ليش منعوفهم يختارون براحتهم واخذج نكعد بمكان تعبت رجلي .
هويده: اني هم والله رجلي تعبت وراح ارجعهم على الي اختارينا قبل شويه .
سلوان : يوم كافي فره هويده تريد الي شفنا قبل شويه عاجبها وتستحي منكم .
أمال: دخليها تتفرج اكثر حتى تاخذ شي حلو لتبقى تزن براسها
اعرفك ضجت .
هويده : لا والله خاله اني عجبني ابو الليرات  الي شفنا قبل شويه وهو هم يگول حلو
سلوان : خلي نر جع ناخذه حتى اوديكم للمنصور تختار البدله
التفتت عليها همستلها
والله انت دره تعرفيني  ما اتحمل الفره بس لخاطرج
اذا تريدين نفتر عادي براحتج
هويده : لا اني هم تعبت اريد نخلص ونرجع .
اخذنا كل الامور رجعنا للبيت بيبيتي تلگتنا تهلهل
جدي مازجها 
ياسر: صارلج ساعة تشكين راسي ظهري ،، شو هسه صار بيج كل الحيل .
محاسن : الفرح ينسي الانسان التعب  ان شاء الله يوم نزوج سنان ووليد وهم ياخذون الي بالي .
هويده : طبعا الكل بفتهم شنو الي بال بيبي وجدي
ورا الغدا كلنا بالهول  الجوه گلولي خلي سلوان يوديج للصالون اصبغي شعرج
نادت عليه عمه أمال عود اخذها للصالون حتى تسوي شعرها
سلوان : شوكت تريد اوديها خلي تنطيني خبر
وليد: بصوت ناصي صاير اريحي وسبورت مدا اعرفك
سلوان: ضحكت دا احب بالجديد
وليد: الله يهنيك .
هويده : من سمع بالصالون ذبح روحه لحگني للمطبخ يضحك شوكت اوديج
جاوبته بعد وكت .
سلوان : لا هسه امشي  اوديج اصبغي احمر .
هويده : سلوان والله بعدني تعبانه خليها فد ب٧
سلوان : لا هسه بدلي دا اوديج .
هويده : انت تحجي صدك شو لحيت شبيك .
سلوان : طخ براسي اريد اشوف شعرج احمر .
هويده : ههههه والله مدا اعرفك اول مره ادري بيك تخلي بالك بم هيج سوالف
سلوان : لا اعرفي يله ربع ساعه  ونطلع .
هويده : يله هسه صاعده وخر خلي امر شفته يضحك
سلوان : مري منو يمج
هويده : لا والله منين امر وانت واگف بنص الباب  ههههه
ترى والله ما اروح .
سلوان :  ضحكت يله راح انتظرج بالهول .
هويده : اخذني للصالون من وصلنا ودا انزل ناداني
( هدهد احمر )
فهمت والله صبغته وبقيت انتظره لحد ما اجاني دكلي هورن طلعت
من اتقربت على السياره  ابنسم ركبت بصفه
سلوان : كلش حلو عليج اللون والكصه
هويده : والله دا انصدم بيك ولا متخيلتك تنتبه  وتمدح
سلوان : لا اهتم بس بلي  يخصني وانت هسه تخصيني
هويده : ان شاء الله تبقى هيج  ومتتغير 
من عرفت بي يهتم وينتبه حبيته اكثر لان شكد ما اخب اهتم بنفسي كلامه شجعني اكثر وصدمني اكثر من طلع يعرف اكثر لون لطلاء الاظافر احبه
من وصلنا للبيت بيبي سألتني (ليش احمر مو ميش  )
هو راده ،عمه امال ضحكت
( لعد هاهيه الاحمر احلى ماطول عاجبه)
سلوان : عرفت هالبنيه راح تريحني لان من اگلها شغله تسويها بدون عناد واحد يعرف طبع الثاني بيومها حسيت الها مشاعر بقلبي قديمه دا اتعرف عليها بالجديد بحيث اخذت عقلي وانتباهي بسرعة .
هويده : ما اعرف ليش صعدت خليت مكياج لاول مره اهتم بنفسي علمود احد مو لان اريد ارضي نفسي ردت
اجرب شعور الاهتمام حبيت نظراته تخليني اصدك هو من زمان عنده مشاعر بداخله الي،، يمكن حتى حاله القلق الي عندي تختفي من دخلت للهول وكعدت وياهم بقى طول الوقت عيونه عليه
لحد ما عذراء كالت خلي نطلع للحديقه  ورا شويه طلع ورانا ناداني
  جاوبته نعم سلوان واني واگفه كدامه بعيد عن البقيه
سلوان : هسه اتذكرت اني مكايلج احبج يا قلب سلوان .
( جانت الكلمه طالعه من قلبي بصدق ومكان هيام موجوده بنفس المكان لكن بداخلي اكول ماطول بديت احب هويده يجي يوم انسى هيام )
هويده : اني  هم احبك
مريم : بيوم النيشان اني وعذراء مخبوصين اكثر من هويده  كاعدين من الصبح  وهي بقت نايمه
بيبي نادت علينا روحوا صحوها 
ادخل سلوان من دا اطلع من الهول همسلي
( گليلهم متقبل تكعد وخليها مرتاحه بعد وقت )
فتحت عيني ايباه يريدها ترتاح صعدت اداهرها الاميره النائمه ممكن تتفضلين علينا وتكعدين .
هويده : لج عوفيني البارحه راسي صداع .
مريم : ها من هاي العريس ميقبل احد يكعدج .
هويده : اي خطيه مو نزلت سألت بيبي على براستول جان كاعد يمهم .
مريم : دنزلي يله امي خبصتني هي وبيبي كلولي صحيها  .
هويده : مريومه الله عليج عود انت اكويله ملابسه .
مريم : لا بله ليش هو خطيبي لو خطيبج مكافي عليه نظفت البيت ويا عذراء وحضرتج نايمه تدللين .
هويده : ابتسمت شكد لئيمه  دلليني اليوم .
مريومه : ميخالف بس لو انت اتسويهن احسن حتى يحس انت مهتمه بي ومناسيته وحايره بس بروحج .
هويده : اي صح لعد عوفيهن اني احضرهن قبل ما اروح للصالون.
عدراء: من دخلنا للصالون لاول مره احسد احد حسدت هويده على الا اباليه الي عدها كأنه مو خطبتها عادي الموضوع
تخيلت لو اني بمكانها يمكن اكون طايره من الفرح ممصدكه اليوم خطوبتي يمكن الفرق لان هي مجانت تحبه مجرد خطبه تقليديه ،
هو مشاعره اوضح ومبين فرحان ومخبوص اكثر من عدها يمكن لان تعرف كلشي راح يصير مثل متريد ومعتمده عليه ،
مريومه مخبوصه اكثر منها وبداخلي فرحانه لان اعرف
السبب (اخويه )تريده يشوفها غير عن كل مره وصدك طلعت احلى الكل جان بداخلي فضول اريد المح وليد من راح يشوف مريم هو على براءتها وعفويتها طاير عقله بيها
(بداخلي اضحك على نفسي اكول ها عذراء اخذتي مكان المتفرج صايره فارغه وفضوليه اتراقبين، هاي اول شغله تغيرت بيج ).
مريم : الحفله جانت عائليه
من رجعنا للبيت لكينا الولد طالعين يجيبون الكيك وباقي الاحتياجات للحفله
عمه امال طلبت مني اناديلها بيبيتي ... دكيت باب غرفتهم
ودخلت جدو جان متمدد بفراشه ابتسملي وبعينه نظره اعجاب
مازحني  خجلت منه
ياسر : محاسن منين هالبنيه الحلوه .
محاسن : اي والله حقك متعرفها بيبي هاي شطالعه تخبلين  .
مريمه : اريد اضم نفسي من ورا ابتسامة جدي وكلام بيبيتي
من الخجل والارتباك نطق بسرعه ، بيبي عمه امال تريدج
طلعت بسرعة صعدت يم البنات اغير ملابسي 
عذراء: نزلت اول وحده بيهن من دخلت للمطبخ لكيت وليد
وسلوان دياكلون لفات ويضحكون اجتني فكره بلحظتها وجانت اول مره افكر هيج تفكير گتلني الفضول اريد
وليد يشوف مريومه، سألته جبتوا الكاسيتات الي وصيناكم عليها
وليد: اي جبتهن نزلت كل الاغاني الي كتبتوها بالورقه وضفت اغاني ، صدك حضرتيلي ملابسي حتى فد ساعة ابدل
عذراء: اي حضرتها
سلوان : هويده وين لعد
عذراء: فوك دتكمل
وليد: صعدت احلق مندمج ادندن  ناديت بصوت عالي ، عذراء جيبي القميص، دقايق وصارت گبالي بالمرايه
خلقه ثولتني التفتت متفاجئ ، لج مريومه هاي شطالعه
مريم : خجلت من نظراته مديت ايدي هذا القميص، دزته عذراء وين اخلي
وليد: مريمتي اهل امج راح يجون .
مريم : اكيد
وليد: خو مو احد من ولد خوالج ،خالاتج يجي
مريم : ما اعرف بيي وامي عزموا الكل بس ما اتصور يحضر احد منهم بأعتبار هم من جهة العروس وميصير يحضرون
لكن اهل عمه امال اتصور كلهم يجون لان من طرف العريس
وليد: حلو ،اذا شفتج تحجين ويا احد اكسر راسج .
مريم : عكدت حاجبي ، يعني انت متكدر لازم تغثني تركته
دخلت لغرفته علگت القميص على يدة باب الكنتور دخل ورايه
وليد: شنو زعلتي
مريم : لا متعلمه ومدمغه هو انت هيج من عرفتك .
وليد: اي عفيه تبقين يمي لو يم عذراء وسنان ولد خال ولد خاله كرايب عمه امال ممنوع .
مريم: واذا احد راد يحجي ويايه لو يسلم
وليد: ردي سلام رسمي وطلعي حجه يريدوني بالمطبخ .
مريم : نترت بي بتملل ، ان شاء الله محد يجي حتى اخلص منك
لزمني من ايدي قوي وضربني على خدي بمزح
وليد: مو اني اعرفج بس شويه اضحك وياج  لسانج يطلع  متنطين عين دخالفي الي حجيته وشوفي
مريم : انغثيت منه حتى كرهته،  نزلت التهيت ويا البنات ،وصلوا الضيوف الرجال من   طرف اهل امي محد اجى فقط ولد خالة سلوان الجبير فواز متزوج   والثاني فائز من عمر الولد بعده ما متزوج علاقته قويه بسلوان .
وليد:   دخلت للصاله صار بوجهي فائز ابن خالة سلوان وعيونه يم مريم گلت يجوز نظره مو بقصد كعدت
بمكان اكدر اراقب نظراته ، لا والله طلع متقصد وهي ما منتبهه عليه ملتهيه ويا عذراء وبنات خالتها .
شفته لح وراح افقد اعصابي ، رحت كعدت بصف سلوان
(ابو السوس اذا ناوي الخطبه اتم على خير انطي باص
لفائز مريم الي ترى وازاني على گتلته ومدا اتحمل ابقى اشوفه يتفرج عليها )
سلوان: روح اكعد يمه لهي حتى اني اجي اكعد يمكم بالحجي افهمه
وليد: رحت كعدت ويا سنان وفواز وفائز بقيت احجي ويا هم شويه واجانه سلوان كعد يمنا .
سلوان : مازحتهم بعدها وجهت الكلام لوليد ابو خالد راح تصير عديلي قريبا
وراها نفرح بسنان وفائز
وليد: ان شاء الله بس تخلص هالسنه ، شفت سنان مستغرب
بأبتسامه رديتله الابتسامه وغمزتله افتهم اكو شي
بعدها الولد احترم نفسه  من افتهم هي الي  جان بالي يم الاغاني انتظر الاغنيه الي خليتها مفاجئه ( مريم مريمتي ) ، ويا ما رجع
سلوان بصف هويده بدت الاغنيه التفتت عليه و ضحك مريومه من سمعت الاغنيه ارتبكت لان عمه امال وامي وبيبيتي يضحكون ويهمسولها لمحت  عذراء قريبه من اذنها ومريم  دتستمع لفت وجهه عليه  والتقت نظراتنا فهمت عذراء تعرف مشاعري تجاه مريم وهي الي نبهتها اني الي سويت الكاسيت والاغنيه مقصوده 
من نادوا على الضيوفي يتفضلون يتعشون رحت للمطبخ ادورها ماكواثر الها جوه عرفت هي فوگ
خلي اصعد اصالحها
صعدت دكيت الباب نادت ادخل فتحته لگيتها كاعده على الجربايه ومدنگه دتفتح سير الحذاء
رفعت راسها
مريم : ها وليد
وليد: شفتج ماكو جوه اجيت اگلج  تعالي اتعشي
مريم : هسه انزل بس ابدل حذائي اذاني لان جديد تقدم وگف كدامي لزم وجهي
وليد: بعدج زعلانه مريمتي
مريم : انزل ليصعد احد  محلو وحدنا بالغرفه
وليد: اي صح بس صعدت اصالحج .
مريم : هاي احنه نبقى هيج مره عصبي ومره تريد تصالح
وليد: ترى كل مدتحلوين تتعيقلين براسي اكثر .
مريم : ابتسمت دنزل مزعلانه ضربني على خدي بمزاح ، وتالي وياك
وليد: ايدي ماخذه على هالخدود، وصلت يم الباب اذا تريدين اداومين كليه حصلي جامعه بغداد حتى تبقين جوه عيني ترى اكعدج بالبيت
مريم : والله متوقعتها منك .
وليد: لا لخاطرج اعوف كليتي  و اداوم وياج حتى تعرفين شكد احبچ واخاف عليج
مريم :اعرف وافتهمت الاغنيه ابتسم وهز راسه ورفعلي اصبعه يحذرني
وليد: بس احذري  تتعيقلين براسي   وتستغلين هالحب