رواية حكايات من بيت جدي الفصل الخامس والثلاثون 35 - بقلم مريم اماسي الليل

#حكايات_من_بيت_جدي
الجزء الخامس والثلاثين
اماسي الليل
حقوق النشر محفوظه
مريم : جنت لازمه ايده بثنين ايديه ونمشي
ولودي من تبرد قلبي خلي نرجع اخاف تتمرض ( ابتسم )
وليد: لا حبيبتي ما بردان بس اخاف انت بردتي ...امشي نكعد بمكان نشرب شي دافي ..
مريم : من شوكت تعرف زهراء
وليد: ههههههه والله جنت انتظر تسأليني عليها والله يبطه محد فاهمج بكدي .
مريم : ابتسمت  احجي لتاخذني بالضحك
وليد: عرفتها اول ما وصلت  صارت علاقتي قويه بيها بعد رزاله اول ما وصلنا بكم يوم سولنا عزيمه التمينا كلنا شفتها ابتسمت بوجهي رجعتلها الابتسامه وراها خلصنا تعرفنا ناس على ناس شو هاي وكفت بصفي گلتلي ترى اني متمشي ويايه التوصيه استغربت جاوبتها العفو ويايه  جاوبتني
اي وياك  جاوبتها شكلج متيهه اني اسمي وليد معن هي فشلت طلع الي موصيها گايللها ولد اسمراني  طويل اسمه محمد هي شافتني اسمر وطويل گلتلك هذا الي موصيني عليه عاد اعتذرت ومن يومها صرنا اصدقاء اسأله ثانيه .
مريم : لا بس حتى ءأمن على ممتلكاتي
وليد: صدك نسيت اكلج لارا وآشور بعد ايام يتزوجون  بيوم الي تعاركنا بالتلفون اتصل عليه بلغني هو يدري بيه اني مو ببغداد بس سواها حجاية التنگال واتصل ديعزمني باركتله
مريم : الحمد لله طلع اشور صفح واخذها جان ما خليتك تعيش لهذة اللحظه لو متزوجها
وليد: هههه شسوين .
مريم : ما ادري بس جان سويت مصيبه ما اخليك تزوجها ...
وليد: مصايبج مابيها خير مثل من جويتيلي القاط بيوم الخطوبه وتالي هم رحت
مريم : كافي اسكت والله قلبي يوجعني من اتذكر ابتسم ونظرته بيها حنيه
وليد: والله يبطه دوختيني سبع دوخات وتالي هسه انت مرتي
مريم : بوسني من گصتي   انت  حبيبي وحدي الله خالقك علمودي ...ادري هالعيون متشوف غيري ...
وليد: صدك متشوف  يا بت عمي لليوم ما ادري شوكت حبيتج مرات احس هالمشاعر عندي من واحنه صغار من اتذكر ابقى اتوسل بيج حتى تجين تلعبين وانت تتعيقلين براسي اريد اخلص على حياتج جنتي ذالتني هم زين هسه اتذكرت حتى من نرجع انتقم
مريم : هههه عاد انت مقصرت من كبرت طلعتها لروحي ... ترى لهسه اتذكر ضربة الچفچير ...
وليد: ابتسمت بوقتها  انقهرت اتمنيت اكدر اخذج بحضني واصالحج ... مو اكلج من يوم الي وعيت اعتبرتج الي اول ما شبيتي  .صارت عندي حاله انتبه على الولد( سلوان وسنان ) اخاف احد يباوع عليج لحد ما اتأكدت بس  عيوني تبصبص عليج  ارتاحيت
مريم : هههههه ادري واول مره عرفت عينك عليه من كعدت بصفك
بالهول كلهم  ملتهين بالسوالف   وانت بقيت تلعب بشعري تذكر شنو گلت
وليد: ابتسمت گتلج  اذا اشوفج بيوم  كاصته اكسر راسج ،جاوبتيني بيبي متقبِّل اكصه گتلج
مريم : اتذكر (مريومه انت ليش هيج حلوه) ههههه اتذكر حتى النظره 
وليد: ههههه والله مشتاق  لحسونه حتى اكثر من امي وابويه جانت  بين الحجي تنبهني  هاي بت عمك لازم تحافظ عليها  وتشوفها مثل متشوف اختك  عذراء جانت تخاف عليج مني ...
مريم : ما اتصور لان انت والولد چنتو حريصين علينا اكثر من اهلنا وجدي معتمد عليكم تحافظون علينا جان منطيكم عين بهالسالفه فتح باب الكافيه دخلنا طلبنا كاكاو حار ( هوت چوكلت) وطلعنا كل واحد بيده كوبه
وليد: خلي نرجع مريومه اخاف نتمرض باجر ورانا صور .
مريم : ثاني يوم  مرت عليه البنيه ودتني للصالون
وهو بقى بالشقه يبدل من كملت مر علينا  اخذنا الصور يم البحيره وحده من الصور زهراء شاورتني گلتلي المصور يگول خلي يقبلها من شفايفها
بلغته بطلب المصور
وليد: لا بله مو اني ماعندي غيره   واسويها كدام العالم ، اشرت للمصور بأيدي معناها لا
مريم : نفس اللقطه واحد گبال الثاني ايدي على صدره وايده على جوانب خصري   مجرد نتبادل النظرات جانت ابتسامته ماخذه قلبي ونظراته عبرت عن كم الحب الي حبنياه سنين ... ابو خالد احبك
هويده : ماما بدا الالم يزيد صيحي سلوان ...
نجاة : بعد ماما وينج وين هاي بداية الطلق هسه  نايمين
هويده : ميخالف  اتصلي عليه خلي يجي ينام هنا ...
نجاة: شلونج اموله فدوه متكعدين سلوان .
أمال: هلو عيني شنو هويده بدت عدها الطلوگه
نجاة : اي والله
امال: هسه اجي ويا سلوان ...
نجاة : لا عيني عليش جايه بعدها هي ببدايتها من احتاجج تجين ويانا للمستشفى ان شاء الله اتصل عليج اخذي راحتج بس كعديلي سلوان .
امال: ها لعد اني راح ابقى كاعده اصلي وادعيلها الله يسهل امرها هسه اصيح سلوان ،بسم الله سلوان ماما ...
سلوان : فتحت عيني ها يوم اكو شي
أمال: لا حبيبي ماكو شي ان شاء الله بس شكله وليدك يريد يجي
سلوان :  كعدت هويده بدت عدها الولاده
أمال: لتخاف بعدها هسه بدت عدها بس تريدك تبقى يمها
سلوان : هسه رايح ،ها عمه وينها
نجاة :فوت بالهول ...
سلوان : ها حبيبتي ....
هويده :  سلوان ابقى يمي نام هنا ..
سلوان : لا ما انام ابقى وياج لتخافين ...
هويده : ورا ساعة من الالم كمت ابچي   شفته متمدد على القنفه كله من وراك كتلت روحك تريد جهال اني راح اموت وانت كاعد على الحاضر يجيك طفل
سلوان : ههههه لعد شلون منخلف كمت خليت ايدي على چتفها ميخالف حبيبتي اتحملي هسه من يجي تنسين هالالم
بالاول جنت مداير بال لان شفت امها طبيعيه  وما اعرف شي عن الولاده  بس من شفت حالتها بدت تتألم وتبچي  خفت عليها دقتني الااباليه مال عمتي رحت اتصلت على امي لان ما اعرف اسويلها شي لمرتي ،الو يوم
أمال : ها حبيبي
سلوان : فدوه متجين خطيه روحها لايبه ودا تتأذى راح تبقى هيج
أمال: هسه اجي حبيبي لتخاف عليها
سلوان : اول مره احس اكو شي يربطني بهويده اكبر من الحب
من اتشوف شخص من دمك ولحمك يتألم ومابيدك شي تهون عليه شعور صعب تمنيت بهاللحظات الالم بيه مو بيها حبيبيتي هسه تجي امي لتخافين
هويده : سلوان راح اموت  بعد ما اتحمل ....
امال: ها حبيبيتي انت سباعيه تعالي بنيتي رددي ورايه   لزمت بطنها بقيت اقرا عليها ايات وأدعيه تسهيل  الولاده
بعد ساعات
سلوان : خلي نوديها للمستشفى خو ما تبقى هيج تتألم وننتظر
نجاة : بعد وكت ...
سلوان : لا هسه نوديها راح يصير بيها شي ....
أمال: لاتخاف ماما بس خلي نوديها احسن
هويده : وصلت للمستشفى من الالم احس روحي راح تطلع سلوان مو تعوفني ...
سلوان : لا والله ما اعوفج دخلت إلدكتوره تفحصها  گلتلي اطلع برا
دكتوره ميصير ابقى ....
الدكتوره : لا عدها ولاده ...
سلوان : طلعت انهارت اعصابي ويا كل عيطه اسمعها من هويده ياربي سهل امرها وسلمها وسلم الطفل الي ببطنها من كل شر ورا دقايق طلعت الممرضه لامي وعمتي رادت ملابس الطفل عرفت بنيه  الحمد لله
ميخالف افوت اشوف مرتي ...
أمال: هسه ماما شويه ونفوت بالخير ما اجاكم .
نجاة : يله تعال فوت
سلوان : ها حبيبيتي الحمد لله على السلامه بوستها من راسها
هويده : شفتها شكد حلوه
أمال: فدوه هاي تشبه مريومه
سلوان : جان شعوره غريب دخل قلبي بدون سابق انذار  اول ما وكعت عيني على الطفله حسيت بخوف عليها خفت حتى الزمها ابتسامتي جانت التعبير الوحيد لفرحتي بقطعه من قلبي يوم شو متفتح عينها
نجاه : بعد عمه متفتحها هسه ....
أمال: هاك شيلها
سلوان : لا خلوها بمكانها لتشيلوها اخاف تتأذى
أمال: ابتسمت هسه راح تعرفون شعور الام والاب شلون يحبون جهالهم من الله ، لتخاف ماما نعرف نشيلها ...
نجاه : خلي نشوف نكدر هسه نرجع للبيت
سلوان : هسه اروح اسأل الدكتوره بعد ساعات رجعنا بالبيت
سلوان : الو صباح الخير ابو خالد الحمد لله ولدت هويده  بنيه
وليد: صباح النور بالخير ابو السوس صرت اب  قرة  عينك
مريومه هويده جابت بنيه
مريم : جنت بالمطبخ دا أحظر ريوك لوليد ديطلع للدوام نادى عليه هويده ولدت طلعت بسرعه شلونها اختي
وليد: هاج هذا سلوان
مريم الو بالخير عليكم  شلونها هويده
سلوان :  اشكرج مريومه  هويده والبنيه الحمد لله بخير
امي تكول تشبهج
مريم : فدوه حبيبتي الله يحفظها الكم ... اكدر احجي ويا هويده
سلوان : هسه نايمه من تكعد اخليها تتصل عليج
مريم : ان شاء الله هاك وليد وياك .... ولودي يكول سلوان تشبهني
وليد: ابو السوس هاي محجوزه اذا اجاني ولد اخذها اله حتى لو اكبر منه ... عود نطلعه على خاله  ميهتم لفارق العمر  ههههه
سلوان : ههههه گبعها واخذها بس مهرها غالي ...
وليد: عيوني الك والها ابو السوس .... يله اخذ راحتك حبيبي
قيصر:  الحمد لله على السلامه عمو .... وينها الحلوه .... ماشاء الله هاي تسوى التعب ...
جدو .....شنو سميتوها
هويده : الله يسلمك عمو ... نسميها ريم لان تشبه مريومه ...
سلوان : اي حلو ريم
محاسن : وينكم .... شلون بنيتي تولد ولا اني ولا جدها ندري .... غير اتصيحوني ...
امال: والله عمه اني مقبلت ادري بيج متتحملين ... كلت انخليها مفاجئه ... والله سهلها
محاسن: شلونج  هدهوده  حبيبيتي .... يمه صدقه هاي مريومه
صغيره
ياسر: الحمد لله على السلامه بابا ... شو وينها خلي اشوفها
هويده : الله يسلمكم .... ( جانت ريم بحضني ) هاي جدو شوفها
ياسر: ما شاء الله .... طالعه حلوه على امها مو على ابوها
سلوان : ههههه
محاسن : ليش شبي ابوها ...  يخبل انت احلى منه ...
ياسر: انت عندج ولد ولدج كلهم يخبلون وهم طلعي منهم بس سنان ... خو ذاك البره يادوب ينطلع بي
محاسن : اي خطيه غير طلع يشبهك  .... اذا هو محلو انت هم محلو
ياسر: اممممم لزكتي بيه ....
سعد: المهم البنات حلوات الرجال ميتعيب ....
سنان : السلام عليكم ... قرة عينك حبيبي .... حضنت سلوان
هويده ... الحمد لله على السلامه ...
شهد: قرة عينكم ... والحمد لله على سلامتج حبيبتي ...
هويده : الله يسلمكم.... شكرا
نجاة: والله احلى واحد بيهم ابني مو تزعلون ....
ميثم : رمقني جدي بنظره .... ( بقلبي حلو تفطنت عليه ... )
ياسر: ابنج تقديره عندي من يوفي بوعده ويصير طيار
ميثم : ان شاء الله جدو ... بس اخلص جامعه اوفي بوعدي
ترى بنتج تشبهني ...
نجاة : اي تشبهنا .... انتو كلكم طالعين عليه تشبهوني
سلوان : بقلبي ان أشاء الله بس بالخلقه مو بالاطباع ... وين الگالها  رجال مثل عمي سعد ههه والله ابو خالد مكانك خالي
وتسمع نجاة حاليا )

بعد...... مرور اشهر
شهد: اريد اتعين وياك بالمستشفى ....
سنان: تعين بالمستشفى ويايه ماكو ...اني ما اقبل
شهد: يعني شنو متقبِّل اتعين .... لعد انت مو دداوم بيها
سنان: اني رجال ...الزم خفارات ... شغله عاديه بس مال انت
تتعينين وتكضيها عليه خفارات وتباتين برا البيت ما اقبلها
تريدين انت من الاوائل قدمي دراسات لو قدمي تعيين بالجامعه معيده
شهد: يعني انت الي تريده لازم يصير واني لازم اگلك بكيفك
هالمره مراح اگلك بكيفك ... لان تريد تجبرني ... بدون متفكر بيه
سنان: يعني انت تريدين تقدمين ... ومصره .. حتى لو اني ماموافق ماشي ...  واني دا اكلج تعيين بالمستشفى ماكو ...
طلعت وعفتها ....
وليد: الله يساعدج يمه ...
محاسن : هلو بيبي ... حبيبي دصعد بدل ملابسك ... حتى نتغدا
وليد: لعد مريومه وين
محاسن : يمكن بغرفتكم فوك ....
وليد: ... صعدت فتحت باب الغرفه مريم ماكو ... بدلت ملابسي
مستغرب هاي اول مره من أتزوجنا لليوم متتلگاني ... ومموجوده بالغرفه ... احتمال رايحه يم اهلها وبيبيتي متدري ... طلعت من الغرفه صحت مريم
اجاني الصوت ... انتبهت على باب السطح مفتوح ... طلعت
شفتها تمسح عيونها  فزيت
مريم : ها ولودي ... ما ادري بيك اجيت
وليد: شبيج حبيبتي ... ليش تبجين شكو
مريم : رجعت دموعي  نزلت (جنت  بالسطح ابجي وادعي   يصير عندي طفل  ) مابيه شي .... خلي انزل اصبلك غدا
وليد: دخلنا جريتها من ايدها ... دخلتها للغرفه وسديت الباب
شكو ...
مريم : هالشهر هم ماكو حمل ....اخاف ميصير عندي خلي انروح  للدكتوره حباب ...
وليد: مريم وكعتي قلبي عبالي اكو شي ...اني شنو حجيت وياج
ذيج المره مو گتلج عوفيها على رب العالمين اذا كاتب يصير واذا ما كاتبلنا  شنو بيدينا ... ثانيا انت بعدلج سنه يله تتخرجين شنسوي بالطفل هسه ...
مريم : اني اريد طفل ... انت تدري بيه من قبل جنت اتمنى يصير عندي اطفال ... وهاي كم شهر مرت ماكو حمل معناها اكو مشكله ... هاي الدكتوره الي رحتلها بالبدايه متفتهم
خلي نروح على وحده ثانيه ...
وليد: راح اوديج بس اذا حجت نفس الحجي ( ماكو شي كل الامور طبيعيه ) بعد تنسين موضوع الطفل الى ان ربج يأذن فهمتي
مريم : اني قصدي ( خجلت احجي ) انت اجيك اخاف المشكله منك  امي گلتلي  مرات الصوج من الرجال
وليد: ها امج ... احنه كل فتره لازم تنغص علينا امج ... ماشي راح اروح ... بس لخاطرج مو لان امج ادخلت بهالموضوع ...صار كم مره انبهج متشركين احد بأمور حياتنا وتخليها تدخل ... دشوفيني ... اني اهلي من البدايه مخليتهم يدخلون ... ومن سألت امي شفتيني شنو جاوبتها منريد جهال حاليا لا ذكرتلها  مديصير ولا خليتها تدخل وتسأل بعد ....
مريم : بدون عصبيه يعني اذا لامي ما أحجي المن احجي ...
وليد: لان تدرين امج ادور مشاكل متنصح نصيحه براسها حظ ...
راح اروح اليوم ... بلكت يطلع مني السبب دا اشوف شراح
تنصحج ...
خليج انت وراها انت تخسرين اني ما اخسر شي وكايلجياها سابقا .
مريم : اهو اكفر احجي وياك بشي ... اعتبرها لخاطري ...
وليد: انزلي مريم ... بدون حجي زايد ...
ميثم: منو متقدملج ... لتخبليني البارحه حجيت وياج مجان اكو هالموضوع
نوران : اليوم عرفت اخو رجل اختي رايدني .... اليوم ابويه فاتحني ... ميثم اذا متخطبني هالايام
أوافق ليش تعتب عليه بعدين ... انت مسويت شي يثبت انت رايدني منو يگول مدتلعب عليه كل هالفتره ...
اني هم مليت اريد اطلع من قيد بيت اهلي اريد اعيش حياتي
انت لليوم ما انطيتيني موعد تجي تتقدم بي ... واهلي اذا عرفوا
بعلاقتنا ابويه يذبحني
ميثم : نوران شبيج اليوم شو مگلوبه ... مو متفق وياج اخلص سنه الي تجي واتقدملج
موران : اذن خلص كل واحد يروح من طريقه ... سنه الخ انتظرك وتالي تجي تگلي اهلي مقبلوا بسبب فارق العمر بيناتنا ...
وتالي انت اشوف حياتك واني اطلع الخسرانه الولد الي متقدملي ... مابي عيب حتى اكدر اتحجج كدام اهلي
ميثم: بلا حجي زايد ... روحي وافقي ...
نوران : ميثم لتزعل مني بس انت  اذا تحبّني وصدك رايدني
تثبتلي هالشي وتفاتح اهلك اليوم ... وبعدها انتظرك شكد متريد
نجوان : اشرت لنوران شنو ... نوران اشرتلي اصطبري
ميثم : انتظريني اليوم ارجع احجي وياج .... ورا ما افاتح اهلي ...
نوران : ماشي انتظرك ميثم مو تغدر بيه ... وتأملني
ميثم : ان شاء الله يصير خير ... بس انطيني مهله ما اتصور بيوم وليله يوافقون
نوران : ميخالف واني هم راح ارفض الولد ... خلال هالايام الي انت ترجعلي بيها الخبر ... اكدر اخلي نجوان تكلهم اخو صديقتي رايدها ...
ميثم : ماشي سديت الخط
يوم يوم
نجاة: شكو شبيك تصيح
ميثم : اريد اخطب البنيه الي احبها ... متقدملها شخص اذا راحت مني اگلب الدنيا
نجاة : غير بالاول نعرف منو هي ... لا تاخذني بهالحركات
ميثم : اخت نجوان صديقة هويده ...
نجاة : ليش عدهم وحده بكدك
ميثم : لا اقصد نوران
نجاة : عزه انت مخبل هاي مو اكبر منك ...
ميثم : وشنو يعني ... ممبين عليها اكبر محد يعرف ...
نجاة : اي ليش لا وحيدي اخذله وحده اكبر منه ... انت مخبل
بله ولد مهندس وحلو واهلك معروفين الف وحده تتمنى تراب رجليك ... شنو الي يجبرني اخذلك وحده اكبر منك
ميثم : احبها
نحاة: حبتك حيه .... شبيك انت صاحي لو مضروب بعقلك ...
هسه يجي ابوك والله لا اخلي يطيح حظك ...
ميثم : اني اعرف المن احجي .... لا انت ولا ابويه ساعتها تعترضون
نجاة: اي روحله .... هسه يرزلك بلكت يصحيك على زمانك
لا فوگاها وحده معقده من عائله معقده
ميثم : طلعت لجدي ... يمه وين جدي ...
محاسن: بالغرفه ليش شتريد منه
ميثم : اريده بسالفه .... من رخصتج دكيت الباب ...
فتت شلونك يابه
ياسر : هلو بابا شعجب ذاكرني اليوم
ميثم : يابه رايدك بموضوع ... بس اريدك توكف ويايه مو ضدي
ياسر: شكو احجي
ميثم : يابه اني احب بنيه .... ومتقدملها شخص ... واني رايدها
بس اخطبها حاليا ومن اتخرج اتزوج ...
ياسر: رجعنا على الحب ودوخة الراس .... ابني كمل بالاول دراستك وينك وين الارتباط
ميثم : يابه البنيه خوش بنيه وانت تعرف ابوها ... هي من المنطقه
بت حجي عبد الرحمن ...
ياسر : اي خوش رجال ... الحجي
ميثم : يابه بناته متربايات وملتزمات ... اذا تريد اسأل عليهن
كل اناسس تحلف بيهم
ياسر: زين البنيه مثقفه ...
ميثم : امممم اي يابه هالسنه تتخرج علم نفس
ياسر :شنو هالسنه تتخرج
ميثم : هي اكبر مني بسنتين بس من اشوفها ابين اني الاكبر منها يابه انت انسان مثقف ... فارق العمر مو عيب بين المره والرجال ... بالاخص اذا البنيه ممبين عليها هي ناعمه ...
ياسر : تنهدت ... روح هسه خلي ... استفسر عنهم وبعدين نحجي
ميثم : يابه مو تنسى ترجعلي الموافقه بسرعه لان البنيه متكدر توكف بوجه ابوها وترفض الي متقدملها
ياسر : الله كريم ...
نجوان: لج بابا هذا ميتحرك اذا مو بهالسالفه  
نوران: اخاف انوب اهله ميوافقون ... شلون
نجوان : بعد شسوين هاهيه ... ما الج قسمه وياه
سلوان : هلو  .... هويده صبيلي الغدا لان ميت من النعاس
شلونج يوم  ...
هويده : هلو
أمال هلو حبيبي ...
سلوان : حبيبة بابا  صدقه للحلو انطينياها يوم
امال: دصعد بدل وتعال اخذها ....
سلوان : لا انطينياها أصعدها ويايه ... بسم الله ... اروح فدوه للخدود
هويده : سلوان لتبقى تبوسها خطيه لحيتك تأذيها ...
سلوان : والله ما اكدر ما ابوسها ... يا روحي لحيتي اجكجك هالتفاحات ... ملازم نبوس الرگبه ... شوفوها هي لوگيه تضحك
أمال: مو هسه گامت   تعرفك ... كبرت عاد هي تحبب روحها ابوك هم من إجى استلمها ... هسه قبل شويه عافها ... راح نام
بوسها من ايدها لو رجلها خطيه لتأذيها خدها ا يصير احمر
سلوان : هويده ... اوكفي لاتصبيلي دا اروح اشوف بيبيتي ...
وجدي وارجع ... عندي شغله ويا وليد.. من ارجع اتغدا
راح اخذ ريمه ويايه
هويده : اخذها وبقيها يم مريومه ... اذا رادتها...
سلوان : هي شبعانه
أمال: لتخاف خالتها مخليه  يمها حليب ومميه ... هي تعرف اداريها ...
سلوان : شلونج يمه
محاسن: هلو حبيبي ... يمه فدوه للبنات ... انطينياها ...
وين جدج يمكن نام هسه ... الصبح سأل عليج ...
سلوان : لعد عبالي اسلم عليه ... ابو خالد وينه
محاسن : روح بيبي شوفه يمكن بعده منايم ...
ووليد... فوگ ... هسه ينزل يتغدا اذا بعدك ممتغدي  اتغدا وياه
مريم : هلو شلونك  هم زين جبت ريمه وياك هسه بالي ورا الغدا اجي اخذها ... جدو هم سأل عليها
سلون :هلو مريومه صيحيلي ابو خالد ...
مريم : هسه اصيحه ...  يمه انطيني ريمه اخذتها من بيبيتي .. يا روح خالتج اليوم اشتاقيتلج  ... صعدت ... لگيته متمدد 
عاكد حاجبه ... جبتلك البطه الصغيره
وليد: ابتسمت (لان نفس الخلقه ) جيبيها ...
مريم : خليتها على صدره ... بوسها جر ايدي اكعد بصفه ...
وليد : هاي البطة  بت سلوان اني هم عندي بطه هي بنتي ... وروحي
مريومه منو تحبين اكثر اني لو ريمه
مريم : اثنينكم ...نفس الشي
وليد: يعني هالزقجه صار راسها براسي ... ترى اني احبها لان تشبهج ...
مريم : اني اريد يصير عندي طفل يشبهك ... لان احبك ...
وليد: واذا الله ما كاتبلنا يبقى هالموضوع منغص علينا ...
وتبقين مقهوره ... زين طلع مني السبب
مريم : ان شاء الله  ماكو شي ...بس لو اكو  سبب خلص اشيل الموضوع من راسي ... تبقى انت ابني ... وحبيبي ....
وليد: حضري نفسج العصر نروح ...
وانت يبطة سلوان ... ماعندج ابن عم مثل القشمر الكدامج
ينهي عليج ... ههههه
مريم : ها يعني انت قشمر ... لان حبيتني ...
وليد: اني قشمر لان حبيت بت نجاة .... علة قلبي  اني الها لامج
دواها يمي ...
مريم : ههههه انت عاد من تحقد بعد شيخلصها منك  مثل ذاك اليوم من خابرتك گلتلك خلي مريم تجي ويانا دنطلع ... فشلتها
لا متطلع الا ويايه
گوم عيب سلوان ينتظرك ... يتغدا وياك
وليد: هذا الموجود اذا اسلمها لحيتي ... تاليتي طرطور على ايد نجوه ...
امشي ... يعلة قلبي ...
مريم : شايل ريمه جرني حضني ...
وليد: هاي سفريها يم اهلها مو اجلبين بيها ...ترى دا اغار منها
مريم : هههه اصلا جايبيها تبقى يمي ... التفت على الطفله
وليد: بعد انت منو بيبيتج ... خرابة البيوت قابل اطلعين خيره 
مريم : ههههههههه
وليد: ها ولك ... شنو تخلفون  وتشمرون علينه ...
سلوان : اصلا اني مسوي فضل عليكم جايبها ... عليها طلب
بس حق الاخوه كلت انت اولى
متريدوها اخذها ويايه ...
مريم : لا يشاقى هو گلي بقيها يمنا ... نتونس عليها
وليد: والله كذابه ... گتلج سفريها ...
محاسن : ههههه لا بقوها يمي .... جيبيها بيبي ... وصبيلهم
وليد: امشي نتغدا ونسولف....
سلوان : مريومه شوفي ريمه  اخاف جوعانه ... من طلعت مريم
شوف اكو كاع رايديها بخوش سعر ... ناخذها اني وياك ...
وشوكت ميصير عدنا نبدي نبنيها بيتين ...
وليد: زين ليش محجيت كدام مرتي ... لازم مرتك متدري
سلوان : محد يدري ...ما اريد توصل بحلك نجاة تدري بيها وثانيا  من يعرف جدك يروح يخرب السالفه تدري بي هيج سوالف تسببله قلق ... عباله راح نطلع ونعوفه...
وليد: اني العندي ميكفي لازم اخذ من ابويه ...واكيد لازم اگله ليش اريد هالمبلغ
سلوان : ميخالف عمي معن ... خلي يعرف اعرفه ميحجي ..وانتظر ابيع الكاع الي اجتني من  ورث امي اذا جابت سعر زين ..ويا العندك ... احتمال منحتاج وانت بعدين
من يصير عندك انطيني ...
وليد: ماشي زين شعجب ما فكرت بسنان ...
سلوان : لا والله گتله بس ما رحب بالفكره گلي حاليا مامفكر اشتري ملك الي عندي ميكفي وميريد يضغط على نفسه بدين لو يبيع الكاع مالته ...
وليد: خلص اني وياك ...
تمار: الو شلونج حبيبتي
عذراء: الو هلو شلونك ...
تمار: مشتاق عذوره شوكت يبدي الدوام ... مو طگت روحي
عذراء ليش متخليني اتقدم ... اخطبج ومن تكملين نتزوج
عذراء: تمار اخاف جدي يرفض ويلگاها حجه بعدني ممكمله جامعه
تمار: والحل  عذراء لشوكت اصبر ... صار كم سنه منتظر
اول مره رفضوني .... بدون حتى ما يشوفوني ... خليتي هالمره اجي على جدج وابوج واكعد وياهم اعرفهم عن نفسي ...
عذراء: تمار اريد اعترفلك بشي ....