رواية حكايات من بيت جدي الفصل الرابع والثلاثون 34 - بقلم مريم اماسي الليل

#حكايات_من_بيت_جدي
الجزء الرابع والثلاثين ....
اماسي الليل
حقوق النشر محفوظه
مريم : من انسد الخط بوجهي بنفس اللحظه اتصلت على هويده طلعلي سنان
هلو سنان بلا زحمه هويده قريبه عليك
سنان : هلو مريومه هسه دقيقه
شهوده صيحي هويده مريومه على الخط
هويد: الو ها مريومه
مريم : اختي طلعت وتأخرنا اني وامي بالرجعه وجنت مطيه خبر لوليد ساعتين وارجع  وقبل شويه رجعنا لكيته حارك التلفون وهسه اتصلت عليه متحلفلي وسد الخط بوجهي ..
گليلي شسوي ارجع اتصل عليه فد شويه
هويده : والله يا اختي انت من البدايه علمتي كلشي على مرامه وتعرفي عصبي شكو ما انطيتي خبر من جنتي ببيت بيبيتي
مريم : ما إجى بالي والصدك امي لعبت بعقلي كلتلي خلي يتعلم مو كلشي بكيفه وسمعت كلامها لان گلتلي باجر تروحين حتى لو يزعل من تصيرين يمه ينسى الزعل
هسه شسوي
هويده : كلشي لاتسوين  عوفي يهدء وباجر اكيد من تروحين ويستقبلج يا عروس يبدل موقفه ويغلس بس انت شويه
هم ادللي عليه لاتمشيها بدون زعله اول متوصلين انطي الوجه الثگيل يعني فري الموضوع عليه .
مريم : اخاف يزيد مينقص
هويده : لج بابا هسه دينتظرج توصلين دقيقه دقيقه صارله صابر كم سنه ... حتى تصيرين مرته هسه المفروض تصيرين ذكيه وتعرفين شلون تخلي من البدايه ك يحسبلج حساب يعني مره عناد ومره على مرامه
مريم : لج والله راح اموت من الخوف ...
هويده : شكد جبانه لج بابا اذا تبقين هيج يجي يوم حتى ميباوع بخلقتج ويلعب بذيله وانت مطفيه
مريم : لا باجر من اوصل ان شاء الله ما انطي مجال يحجي اگلب خلقتي .
هويده : عفيه ومن الاول علمي  مو كله بكيفه .
مريم : لا ما اخلي سديت الخط ويا هويده  استلمتني بيبيتي
محاسن : بيبي باجر راح تروحين هذا طبعه مثل طبع جدج
ميحب المره تحسسه هي متخاف منه وصلفه ويا اعرفي تصرفين ولتخلين امج تلعب بعقلج ترى وليد مو مثل ابوج ابوج لا يحل ولا يربط هذا شفتي جدج الي بخزره يمشي  البيت  ما كدر عليه يعني انت ماتكدريله  فخلي حياتكم هادئه بدون مشاكل ترى والله يتخبل عليج بيبي هو يحبج لاتصيرين  رعنه وتستغلين هالحب اسمعي نصيحه مني اني بكدج محد نصحني هسه اتندم على مشاكل سويتها وخليته يمد ايده عليه لان جنت ما اعرف أتصرف وأوصله مرحله اخلي يفقد ميحس على روحه، هم اعصاب وكت الي تشوفي عصبي اسكتي واسمعي شيحجي ،لتاخذين كلامه بساعة عصبيه لان الي بداخله غير شي افتهمتي رجعت للبيت استلمتني امي نصائح ما انطي وليد مجال وابقى اوگف بوجهه مره مرتين ثلاثة  بعدين يبزع و اسيطر عليه
واخلي يحسبلي حساب
بقيت للصبح منايمه ما ادري اسمع كلام بيبيتي لو امي وهويده
ودعت اهلي سافرت ابويه وصلني لعمان ومنها سافرت ويا بنيه موظفه  ويا وليد  جانت تنتظرني اسمها زهراء البنيه حبابه، بقت  تمدح بوليد وگلتلي (اعرفج من قبل ما اشوفج لان مسولفلي عليج وبوكتها جان يگلي مرتي حلوه جنت اگول نيالها هيج يحبها بس هسه عرفت حقه لان اني اول ما شفتج حبيتج )
من وصلنا الجو بارد ثلج لبست قمصلتي طلبت منها ادخل للحمامات ارتب نفسي احس قلبي يدگ سريع من عرفت يفصل بيناتنا كم متر من طلعت من الحمامات سألتها عفيه شكلي مرتب ،ابتسمت گلتلي حلوه مشيت وياها
وصلتني الى انت صار گبالي  لابس قاط وفوگاه كوت ولفاف  ادري بي ميتحمل برد من هلكد ما مشتاقتله نسيت كل الحجي الي سمعته بس هو جان وجهه ثگيل .
وليد: الحمد لله على السلامه خليت شفايفي على  راسها
زهراء : الله يسلمك هاي الامانه وصلتك ان شاء الله تتهنون خربت عليكم اللقاء
وليد: شكرا تعبتج ويايه ابتسمت .
مريم : من شفته مثگل وجهه اني هم ثگلت وجهي الله يسلمك
وليد: يله نوصلج بطريقنا( زهراء) ، التفتت على مريم اتأكد ساده قمصلتها لان الجو بارد  (  بقلبي يبطه سمعتي كلام نجاة واني
صار أنتظر هاللحظه سنين بس هينه اني لو امج الي تمشي حجايته عليج )
مريم : طلعنا مخلي ايده على ظهري   يسولف ويا زهراء  من البرد يطلع دخان منهم من يحجون  ركبنا  بتكسي هو ليكدام واني والبنيه ورا بقت تسولف ويا الى ان وصلت ونزلت ،مشت السياره كم خطوه التفت عليه  بقى يباوعلي بنظرات  ما مفهومه عصبيه ومتحلفلي
لو مشتاقلي ويريد بس نوصل للبيت بقيت عيني بعينه بس بداخلي خوف ورعب منه لعب بأعصابي الى ان التفت ورجع يباوع من الشباك
نص الطريق مشفت شي بعدين التفتت على الشباك انتبهت على الطبيعه
والمعالم شكد حلوه وصلنا يم عماره نزلت وهو التف نزل الجنطه من الصندوگ مشى ومشيت بصفه ما نطق  ولا كلمه الى ان دخلنا للشقه دافيه
جانت حلوه وصغيره غرفة نوم ومطبخ ومعيشه مستأجرها اول ما واصل بأسبوعين لان هو نحس ومكدر يبقى بالسكن ويا الولد الي وياه قبل لا اجي جان ويا ولد اثنين أصدقائه مقربين راجعين للسكن بعد ما عرفوا بجيتي
جان وضع الشقه ونظافتها عبالك مره بيها ، ما استغربت لان ادري بي نظيف او بالأحرى نحس بالنظافه دخل الجنطه للغرفه دخلت وراه دقني  اريده يحجي كلمه ،مكدرت اتنازل من شفت البرود الي هو بي اني هم عندت
طلع من الغرفه اتذكرت كلام هويده اول متوصلين ثولي بالملابس والمكياج
غيرت  ملابسي ورتبت نفسي  لبست روبي وطلعت لگيته كاعد  يشرب جاي ويسولف  بالتلفون يضحك، من شافني  حسيت بنظراته 
جريئه بقى متقصد ما ينزل  عينه من الخجل انثولتمن سد التلفون حجى ويايه بثگل اني راح اطلع  واخذ ويايه نسخه المفتاح  ماتفتحين ا لباب لاحد تعالي اقفلي الباب ورايه وشيلي المفتاح اتأخر .
مريم : راح تطلع وتعوفني وحدي
وليد: نسيت اني طرطور ولازم اسألج باعتبار الكلمه  الج
انتِ رجال البيت ،يا مرتي ميخالف اطلع واتأخر ،شوفي الافضل متفتحين حلگج ترى واصله حدها عندي من حسن حظج السالفه صارت  واحنه بعيدين راحت 
لاتخليني ابقى واسمعج حجي ميعجبج من تحترميني وتعرفين عندج رجال من قدرج وگلج روحي تقدري وترجعين بالوقت الي اتفقتي عليه ذاك الوكت تصيريلي مره بس راح اعلمج الاحترام شلون يصير اخاف شفتي الداير  مدايرج أمشين رياجيلهن مثل ميريدن اني غير وحاولي اطبقين النصائح  الي سمعتها وشوفي الي يجرالج .
مريم : لعد شكو خليتني اجي جان بقيتني هناك يم اهلي ،من هيج متحامل عليه .
وليد: صوتج ما اريد اسمعه واي حجايه زايده تشوفين شي
ميعجبج لاتخليني  امد ايدي عليج فتحت الباب وطلعت لان حسيت راح انفجر بيها .
مريم : قفلت الباب ورا شلت  المفتاح من بقيت وحدي حسيت بغربه هالمكان ويا وضعه وعصبيته متحملت نزلت دموعي الى ان نعست ورحت نمت بالغرفه .
وليد: طلعت للبحيره بقيت كاعد كم ساعه وبالي يمهاكل شويه اريد ارجع بس اگول خليها تعرف الغلط من الاول
وتعرف اني غير عن سلوان وعمي سعد وسوالف امها متمشي ويايه
رجعت  بقيت بالحديقه الي جوا العماره كاعد  الجو بارد اباوع على  الساعة صارت ب٢  صعدت دخلتللغرفه  لگيتها نايمه ابتسمت شكد تخيلت هاليوم الي افوت بي لغرفتي والگاها نايمه بنفس فراشي مرتي حلالي صبرت عليج سنين ميضر  اصبر كم يوم حتى  بعدها نرتاح بحياتنا قبل يومين جنت اعد الساعات حتى تصيرين گبالي وويايه وبحضني بس الي صار من حسن حظي حتى نبديها صح بدلت ملابسي وطلعت نمت بالهول على القنفه حسيت
من البرد صدري تنگ كمت اخذت الدوا وخليت البخاخ بصفي
ثاني يوم الصبح
مريم : فتحت عيني ما لگيته بصفي بقيت بالفراش ،نايم بغير مكان لو بعده مراجع قلقت گمت للهول حتى قبل ما اغسل وجهي لگيته نايم على القنفه متلفلف مغطي حتى وجهه ارتاحيت من شفته رجعت غسلت وجهي
، الجو بالبيت دافي كأنه جو الصيف فتحت الشباك لكيت ثلج نازل المنظر يخبل خضار وثلج على الأشجار منظر اول مره اشوفه بالحقيقه .
رحت للمطبخ أسوي جاي انتظره يكعد حتى نتريگ اخذت كوب جاي وكعدت يم الشباك اتفرج على الناس الى ان سمعت صوته يگح عرفت كعد ورا دقايق دخل للمطبخ  فتح خانه بيها ادويه
صباح الخير ( جاوبني بهدوء )
وليد: صباح الخير
مريم : راح تاخذ دوا انتظر اكل يله تاخذه.
وليد: سويلي بس حليب بين ما ابدل .
مريم : ليش عندك دوام رمقني بنظره قريبه على الخزره ،اتأفأفت طلع سويتله الحليب ووديته لگيته مبدل وكاعد ينتظر
اخذ الحليب شربه واني رحت للغرفه ارتب الفراش دخل ورايه اخذ الكوت
سألته شنو اسوي غده
وليد: بكيفج الثلاجه بيها مسواك كامل شوفي اذا تحتاجين شي حتى اجيبه ويايه
مريم : شوكت تجي .
وليد: ما اتأخر طلعت ورا ما گلتلي متحتاج شي ، ما انطيتها علم  رايح للمستشفى، قبل ما تلزمني نوبة الربو ( من يوم الي وصلت تعلمت اول ما احس صدري متنك اروح للمستشفى لان ماعندي احد يحير بيه اذا تأزمت )
وراها مريت على زهراء بالشغل لان متفق وياها  ترتبلي موضوع المصوراعتمدت عليها  لان صارلها ثلاث سنوات هنا تندل صالونات
ومصور حتى ناخذ صور العرس ،اتفقت ويايه تردلي خبر للعصر
رجعت للبيت لكيتها بالهول  عروس بداخلي اضحك علة قلبي ناويه
تغويني  والله يبطه ثاريج مو قليله استقبلتني
مريم : ها قلبي هسه تتغدى لو ترتاح وبعدين نتغدى
وليد: لا من اكعد اذا جوعانه اكلي .
مريم : ترى طفرتها لروحي شبيك مطايقني يعني شنو راح تبقى ويايه هيج .
وليد: التفتت اريد اضحك تركتها  ورحت لغرفه اجتي ورايه ....
مريم : والله طلعت اخذت كم شغله محتاجتها ما ادري بيك هيج راح تحقد عليه وتصير اعصاب .
وليد: ليش اني صرت اعصاب الطرطور ميصير عصبي نمت وغطيت راسي سدي الباب وراج
مريم : وخرت الغطى انت دتعاقبني مو صح بقى مغمض عينه متجاهلني
طلعت بقيت بالمطبخ اتصفن بقلبي والله امي متنلام بيك اظاهر صدك  من اولها طيحت حظي بأيدي كمت صبيت اكل اكلت وحدي سمعت صوته يگح صار قريب عرفته بالهول ثواني اختفى صوته عرفت رجع للغرفه
وراها بكم ساعة دك التلفون  رحت كعدته التلفون ديدك
وليد: انتِ جاوبي شوفي منو ( جنت اعرف زهراء ردت هي تحجي وياها وبنفس الوقت مكدرت اكوم من ورا كعدة  الحديقه اخذت برد ومفعول الابره بدا ينزل  الحراره  )
مريم : طلعت رفعت السماعه   ( طلعت زهراء گلتلي توديني للصالون باجر حتى ناخذ صور العرس رادت ابلغ وليد باجر العصر تمر علينا معرفت اجاوبها گتلها خلي يكعد واخلي يتصل عليج ) ورا ما سديته رجعتله للغرفه  وصلتله  الي بلغتني بي زهراء جاوبني بعدين اتصل عليها يعني ميعجبك تباوع بوجهي وتجاوبني
متحملت نزلت دموعي  لعد ليش خليتني اجي مجان بقيتني هناك على الاقل ابقى يم اهلي احسن ما ابقى بين اربع  حياطين متريدني خليني ارجع  الله يخليك .
وليد:  رفعت الغطى عن وجهي  هاليومين اشوفلج حجز وارجعج جيبيلي ملابس  دا افوت اسبح
مريم :كمت حضرتله ملابسه طلع من الحمام .
وليد: صبيلي بين ما اتصل على زهراء .
مريم : خليت ايدي على قلبي بس لا يلغي موضوع الصور لان گتله اريد ارجع رحت ورا لاتحجز  ما ارجع، من تصير زين  اتفق وياها
وليد: روحي مريم ( اتصلت على البنيه اجلت  الاتفاق لليوم الي بعده  )
مريم : ما سمعت شنو گلها اكل ورجع تمدد على القنفه اني هم كعدت گباله اتفرج من  الشباك التفتت ورا شويه لكيته نايم اني هم خليت  راسي على القنفه   ونمت ما ادري شكد الساعة من  فزيت على صوت باب الشقه وهو ينسد   لكيته مغطيني من شفته مو بمكانه عرفت راح للدوام، بداخلي ألوم روحي لان نمت ما ادري بنفسي وما ادري بي شلون صار شلت راسي باوعت الساعة ب ٧.٣٠ كمت للمطبخ اشوفه متريگ لگيت صحن وكوب فهمت متريك  بقيت افكر بالمشكله وسببها، صدك اني غلطانه وصدك كلام بيبيتي  هو مثل جدي واني الثوله بدون تفكير عميتها من گتله رجعني  اخاف صدك يحجزلي من يجي اصالحه للظهر سمعت صوت الباب تلگيته
هلو شلون صرت، بعده وجهه ثگيل
وليد: الحمد لله احسن ...
مريم : راد يروح للغرفه وگفت كدامه ابو خالد اوگف والله بعد متتكرر ...
وليد: شنو الي ميتكرر قصدج الطلعه  هو اصلا بعد متطلعين الا ويايه احنه مشكلتنا الاحترام والتقدير المره الي تكسر كلمة رجلها لو تسوي شي من راسها بدون علمه معناها متحترمه
مريم : حشاك والله مو قصدي لو ادري راح تفسر تصرفي عدم احترام مجان رحت ولو ما اعرف انت صاحب  الكلمه عليه  مجان اتصلت طلبت منك اروح ويا امي ...
وليد: تمام خلي ابدل وارتاح ونحجي
مريم : يعني بعدك زعلان عليه لزم خدي
وليد: لا يا علة قلبي مزعلان بس لاتخلينا  نبدي حياتنا بمشاكل
سدي اذنج وخلي هذا ( اشرت على عقلها) يوزن الامور  صح
لان تدرين بيه ماعندي لحيه مسرحه السالفه العوجه متمشي ويايه بدون حساب  ماشي
مريم :  ماشي ولودي اريد اتصل على اهلي معرفت
وليد: لا حبيبتي اني قافل الدولي  سوالفج ويا نجاوي تصير كدامي حتى من تفر راسج ارجعه لمكانه .
مريم: ابتسمت اني مو گايلتلك لاتحجي على امي .
وليد: ابتسمت واني شگايل عليها تريدين تقنعيني مشكلتنا مو من جوه راس امج  لاتجاوبين اصلا متأكد هي بس هالمره عرفتي اذا تمشين بكلامها  انت الي تتحاسبين ،غمزتلها يله امشي  للغرفه ويايه دتعلگين ملابسي ومن اخلص حسابي وياج عود اتصلي .
مريم :  ابو خالد  اكوم احضر الغده
وليد: بعدين هسه ابقي  نايمه على ايدي  يا علة قلبي من يومج متعبتني بس هسه صرتي مرتي  راح امشيج على الصراط اطلع بيج حيف السنين وحيف الي سواه بيه جدج 
مريم :  قبل شويه جنت غير واحد  شو رجعنا على نفس الموضوع
وليد: مو اذا تريديني ابقى احبج وما اتحمل  افاركج لازم تسمعين كلامي وتريحيني ...
مريم : وانت تسمع كلامي ...
وليد: اذا شي معقول واقتنع بي اسمع گومي خلي نتصل على حسونه نطمنها  ترى صارلهاثلاث ايام ماكله راسي من وراج عبالها مدخلج  كتيبه تعذيب
لان البارحه الصبح اتصلت رادت تعرف تم زواجنا گتلها لا وحتى ترتاحين منيمها وحدها بالغرفه( استلمتني ولك لعد شكو كتلت روحك دزولياها دزولياها )
جاوبتها اشتريتها منكم وانتو بعتواها بعد لو اعلگها بالبنكه متحجون
هدت بيه (ولك والله هسه اكله لجدك  عليك )جاوبتها خلي يكدرلي
وگليله بقت تضحك گلتلي (لا والله ميگدرلك طلعت اضرب منه
بقت توصيني عليج متدري بحفيدتها اول ما حضنتها باعتهم )
مريم: هههه غير انت سألتني منو امج وابوج وروحج جاوبتك انتَ.
وليد: وهسه منو امج وابوج وحبيبج .
مريم :  ابتسمت انتَ
وليد: منو علة قلبي والبطه الي مدوختني
مريم : هههههه اني گوم حبيبي افتحلي التلفون حباب
اشتاقيت لاهلي
وليد: صدك ترى الكل يدري من بيبيتي اول يوم وصلتي امونا تمام 
يله امشي اني هم مشتاق لعمتي نجاة دا اشوف تالي هالمكالمه نايم بفراشي لو على القنفه  هههههه رفعت السماعه
مريم :  والله اذا تحجي عليها ازعل عليك  بكل الاحوال  تنام بفراشك
حتى لو تزعل لتنام برا الغرفه محلو الرجال والمره من يزعلون
ينامون بغير مكانهم
وليد: اشرتلها بأصبعي ( آش) الو شلونج يمه
محاسن: الو هلو حبيبي شلونكم اليوم
وليد:  لخاطرج باوعت بخلقتها   ( جريت مريم تكعد على رجلي
محاسن: ولك كذاب احجي الصدك شلونك اليوم وياها
وليد: انتظري حفيد جديد يطلع عين ياسر ههههههه
محاسن :اي خوش عايزني مخبل جديد فوك المخابيل العندي
وليد: هاج مريومه خطيه ما حاس على نفسي صدك مزورك وجهها
بالضرب
محاسن : ولك يعني البارحه من گتلي ضربتها مجنت
تشاقى
مريم : حجيت ويا بيبيتي لابيبي يشاقى سولفتلها من اول ما وصلت
حست عليه انثولت من دا احجي وياها من ورا.
محاسن:  بيبي روحيله لهذا ادري بي مو راحه .
وليد:  حسونه دافع فلوس مهرها براتبي وبتعبي .
مريم : هههههه والله بيبي انت حافظته يله حبيبتي بعدين
اتصل.

بين إغواء حسناء ورجولتي وقفتُ حائراً
يمزقني الشوق اليها واجاهد نفسي محصناً
من نوبات الضعف والغرام.... ابتعد عنها كلما
شدت وثاقي  بمفاتنها .... واعتصر كبريائي لينتصر
اكون او لا اكون مبدأي ...ااكون  ذكر ام رجل
مبدأ الذكوره في داخلي مرفوض ..من كان جده
سيف  الحق ان نطق لن يكون الا رجل من ظهر رجل
وتلك الحسناء هي من سيتبعني ...بالصبر ينتابها الضجر
تنكسر شوكة الغرور بداخلها ..ان طوقتها برباط القوه والغزل
تنحني كالغصن بين يدي ....أُقَبِلُها بودٌ خوفا عليها من ان تنكسر
ورده ومن رحيق شهدها تزهوا حياتي ... وتعتمر
ذاتها في ذاك الشعر القديم  سيده قلبي  حتى اخر العمر

اماسي الليل

وليد: يله هسه اتصلي على اهلج ماطولج تحت سيطرتي
مريم : هههه لا ميصير تسمع شنو نحجي ردت اكوم من على رجله رجعني
وليد: وين رايحه ابقي يمي خلي اخابر سلوان عرفت منه هويده هالايام تولد كايليلها
مريم : شو محجيت  خابرهم عفيه
سنان: يعني هالايام يصير عدنا نونو بالبيت والله يا ابو السوس راح تصير اب واني عم
سلوان :  اني هم ما مستوعب راح يصير عندي طفل ان شاء الله يطلع ولد  يوم شنو اسمي
أمال: شمدريني ماما غير انت وامه تسموا، بنيه ولد نعمه من الله المهم تمام الخلقه
شهد: ان شاء الله تكوم بالسلامه اي  والله خاله  اهم شي تمام الخلقه
أمال: انتِ وسنان مناوين تفرحونا بطفل لو مأجلين السالفه الى ان تتخرجين
سنان : ان شاء الله من تتخرج بعد وكت .
أمال: ان شاء الله .
سلوان : يوم راح اروح يم بيت عمي من يصير العشادكي عليه .
أمال: ان شاء الله
وليد:  ... دكيت الرقم، الو شلونج عمه
أمال:الو هلو عمه حبيبي شلونكم انت ومريومه .
وليد: الحمد لله انتو شلونكم  سنان وشهد وعمي .
أمال: الحمد لله  اكيد تريد صاحبك يم بيت عمك لان هويده
باقيه هالايام يمهم دتبات .
وليد: لعد اخذي راحتج عمه وسلميلي سديت التلفون
مريم : شنو
وليد:  ..يعني شنو معناها اختج رايحه تبات يم اهلج وهم البيت لزك حايط على الحايط  ،ان شاء الله انت هم تجيني فد يوم اريد اروح ابات يم اهلي
مريم : لا اروحلهم كل شويه بس انام سندت راسي على چتفه ،
هنا
وليد:عفيه حبيبتي ترى لواكه عايشين كلنا بنفس البيت يفصل بيناتنا حايط وناس تفوت على ناس من باب مشترك وحديقه وكراج مشتركه وتروحين تباتين يم اهلج  عاد لو بغير منطقه بغير شارع بيها مجال ..
صدك باجر حضري نفس الظهر ارجع ويايه زهراء حتى تاخذج للصالون بين متكملون اني ابدل. نطلع  ناخذ صور العرس  وراها نرجع للبيت نغير ملابسنا ونطلع .
مريم : ان شاء الله يله قلبي دگلي على اهلي خلي اشوف هويده
شهد : ورا ما سدت خاله التلفون ويا وليد رحت وياها للمطبخ
نحضر العشا
أمال: شهوده خاله  اريد اسألج شغله بس مو اضوجين امج  مو متأخره  يله صاير عدها انتِ
شهد: لا خاله ما ازعل، اي صح باقيه تراجع فتره يله صاير عدها
حمل
أمال: مو اني لان ادري بهالسالفه ردت منج تروحين اچيكين حتى من تنوين أسوين طفل ان شاء الله يصير بلا مشاكل
شهد: ان شاء الله خاله هالفتره اروح ...
أمال: مو اضوجين حبيبتي اني علمودكم
شهد: لا خاله انت مثل امي ما اضوج منج بيومها ما حجيت كدام سنان گلت من اروح لاهلي اروح ويا امي .
وليد: دكيت مشغول هذا ميثم نايم على التلفون
ميثم : ترى هاي مو وضعيه بالعطله ما اكدر اشوفج ،شوكت نجوان تجيكم حتى تطلعين وياها واشوفج
نوران: ميثم صار كم سنه من ماعندي دوام تدري ما اكدر اعتب باب البيت ... هسه ما بقى غيري بالبيت من اتزوجت جنات
لليوم ما اكدر اطلع قبل من عدنا شغله بالسوك يقبلون اطلع وياها ونرجع بسرعة، وخواتي الكبار تدري حتى من يجون رياجيلهن ميقبلون يطلعن خطوه من الباب الي عدها شي تطلع ويا رجلها بس نجوان لان رجلها غريب يختلف يقبل تطلع من تجينا بس المشكله ملتزمه بولد رجلهاعدهم مدارس متكدر دائما تجي يوم الي تجي انطيك خبر من نطلع
ميثم : دگليلها هويده راح تولد بحجة تجي اتباركلها تعالي وياها اني اتفق ويا نجوان عمي حتى الهديه گليلها اني اشتريها وجيبوها وياكم  والله مشتاقلج .
نوران: هههههه خليك لعد تشتاقلي اكثر .
ميثم : خلي تخلص بعد سنه واتقدملج عاد اخلص من هالحرمان ،عايشه  بسجن لا تلفزيون لا راديو زين من يجوكم خطار عاد تشوفون بشر
نوران : الخطار الزلم بس عمامي وولدهم وخوالي وولدهم وأزواج خواتي  ويفصلهم بالصاله واحنه  النسوان بالهول
ميثم : احسن حتى تبقين بس الي محد يخلي عينه عليج .
نوران : نسيت بالكليه ويايه طلاب ويشوفوني اني كارهه هالوضع ميثم من نتزوج متكعدني بالبيت يوميه نطلع اريد اشوف بشر اريد اعيش حياة مثل الي عايشيها العالم مرات احس نفسي كلشي ما افتهم من يحجون البنات بمواضيع مثل الاطرش بالزفه ابقى اتصفن عليهن
ميثم: احسن حتى اشوفين الدنيا على ايدي ما ابقي شي بنفسج .
نوران : ان شاء الله يله راح اروح ابويه على جيه
ميثم : اول ما سديت الخط رن
الو
وليد: ولك ادري شاغل التلفون صارلك بالساعتين متكول اخاف احد يحتاج شي احد يموت ...شتحجي قصة حياتك حتى الحب يخلص بساعة بنص ساعه ...
ميثم : هههههه استلمتني اختي يمك حتى اعرف احجي لو اسكت
مريم : احجي شنو تعرف عليه الله عليك اني اختك لاتضم  عليه
ميثم : مكانج خالي مريومه شلونه ابو خالد وياج
وليد: ولك ميثوم شو بعتني وطبكت ويا اختك عليه ...
مريم :  الحمد لله قلبي احجي ميثوم لاتخلي يقشمرج
ميثم : هههه لج هو وين جان شايف دربه اثاري جان يستغفلني ويحب اختي وواكعلي نصائح يحركني على ولد خالي حتى يخلاله الجو تالي جدج سطره كم سنه معند  ويا، لا عمي الرجال فقير البلا بأبو السوس
وليد: ولك ميثم
ميثم : هههههه لا اني كذاب  انتو فقره بس اني مو فقير، ذاك اليوم طلعت ويا سلوان مكانك خالي ابو خالد
وليد: بعدين اخابرك نسولف ...
مريم : عود شنو كل شويه تسكته اكص ايدي اذا مو عندك شي تخاف يحجي ...
وليد: الله لا يوفقك ... ( شاورت مريم اخوج صدك ابن نجاه
هم خراب بيوت )
مريم : هههههههه اگله
ميثم : ها شلت غيبتي ابو خالد مو اني حزام ظهرك
وليد: الله يطيح حظ هيج حزام ظهر كتيت الاول والتالي همزين
ماعندي سوالف جان صدكت اختك
ميثم : لا ابو خالد خوش ادمي النسوان تتحارش بي .. .
والله مره وحده رقمته والله خطيه حتى مشت ورانا بالسياره
وليد: امشي لك صيحلي سلوان دا اخلي ينيمك بالطوارئ
اليوم شو صاير هجام بيوت .
ميثم : مو صرتوا نسابتي لازم تتلوكولي ما شفت لواگه كلت ابتزكم
مريم : صدك وحده انطته رقمها
وليد: لج والله انطتني الرقم .. وفشلتها وداعتج حتى ما اخذته
مريم : باوعتله بنظره تشكيك
وليد: شاورتها .. ( وداعتج ما اشوف وحده غيرج اظفرج بنسوان الدنيا عندي ... )
ميثم : خلي اصيحلك سلوان بين ما ترتب امورك ههههههه
مريم : همست بأذنه اموت عليك
سلوان : الو ابو خالد
وليد: ابو السوىس اريدك تعلك ميثم بالبنكه اليوم
سلوان : تأمرني ابو خالد بس گلي شسوى حتى اعرف شلون
أعذبه هههههه
وليد: هذا فضيحه تستر لتروح زايد وياه
سلوان : ميكدر روحه بيدي ينطي رؤوس اقلام متأثر
وليد: الاحتياط واجب .
مريم : شاورته ( والله انت سلوان تخوفون ... اكو اسرار )
وليد: شوكت ان شاء الله  يشرف ابنك مدري بنتك
سلوان : والله بعد ماكو شي لهسه ان شاء الله من يشرف أبشرك
مريم : اريد احجي ويا امي وهويده ...
وليد: متنطيني نجو مشتاقلها
سلوان : ههههه هي هم مشتاقتلك اتذ كرك بالخير هسه اناديها 
وليد: القلوب سواجي اني هم من الظهر لهسه اذكرها بالخير
مريم : هههههه بصوت ناصي هسه اگلها عليكم
نجاه : الو
وليد: شلونج عمه
نجاة : هلو عمه  حبيبي شلونكم مريومه شلونها دير بالك عليها مو تستفرد بيها هناك ترى اعرفك
وليد: لتوصين عليها هياتها وياج
مريم : هلو ماما شلونج حبيبتي ...
نجاة: هلو ماما شلونج غير تخابرين من البارحه انتظرج
مريم : جانت اكو مشكله بالتلفون اليوم  انحلت
نجاة : وليد يمج خليها غير وكت تحجيلي ...
مريم : ( سمعها كام يعض بشفته ويسوي حركات بوجهه معناها متحلفلها ) بقيت بس ابتسم ان شاء الله اخبار هويده ...
نجاة : نايمه هالايام ان شاء الله تولد ...
مريم : ماما من تكعد خلي ادك عليه حتى اطمئن عليها
نجاة : ان شاء الله لازم كاتم على نفسج أتخافين تحجين ...
وليد: شاورتها وتلوميني احبها ان شاء الله ارجعلها لبغداد اكتم على نفسها
مريم : يله ماما تصبحون على خير من سديت الخط ،ترى اضوج من تحجي عليها، چتف ايدي .
وليد: جذب ما اكرها والله لان جابتلي علة تشبهها امشي بدلي دننزل نتمشى شويه
مريم : اخاف بارده وتتأذى صدك ماأتصلنا على اهلك
وليد: حبيبتي اني انسى العالم وما انسى امي وابويه الصبح يوميه اخابرهم اصبح عليهم باجر من ارجع نتصل عليهم عذراء هم سألت عليج يله گومي بدلي ودفي نفسج زين ترى بارده ...
سنان : حبيبتي خو ما ضجتي لان امي سألت على موضوع الطفل
شهد: لا حبيبي ما اضوج خاله مثل امي ادري بيها طيبه متقصد شي
سنان : مو هي متدري ابنها عنده بنيه تتعلك برگبة  رجلها
شهد: هههه اني هم استحي اگلها عندي ابن مجلب بيه وماخذ كل عقلي وقلبي .
سنان : عاد عاقل لو وكح .
شهد: كدام الناس عاقل بس من نبقى وحدنا وكح جايبلي السمعه عبالهم امره بأيدي ميدرون امر القوي على الضعيف
سنان : يعني يتمسكن ههههه
شهد: ذاك اليوم هويده تگلي الله عليج سنان هم يصير عصبي ويزعل
مكدرت اگلها بعد عليمن يطلع هي العائله كلها اعصاب وتدلل ،لان مراح يصدگوني  جاوبتها يعني شويه
سنان : ها بسامير ،يحلوه فهمتها .
شهد: هههههه تاهمتك، انت تحب تدلل عليه تدري بيه ما اتحمل زعلك ...
سنان : لعد غير ادلل على بنتي حبيبتي ..
شهد: لا كذب جاوبتها الي اشوفه انت ماكو مثلك بس كافي تجي من الدوام بعد كل التعب تتلگاني بضحكه وتحاول تخليني ما التهي عن دراستي ترى اني انتبه عليك مرات
تغسل ملابسك من تسبح وادري انت  من تتريگ تغسل الماعون والكوب الي اكلت بيهن حتى تخفف عليه وعلى خاله
سنان: ابتسمت يعني كاشفتني واني عبالي اللعب عليج وعلى امي ...
شهد: ههههه بالاول جنت استحي عبالي خاله غاسلتهن
وهي هم عبالها اني غاسلتهن بس مره گلتلي بعد لتغسليهن
ماكو فرق انت بنتي واني ادري انتِ عندج دوام ومن ديصير عندج مجال شايله البيت متخليني اشتغل عرفت انت الي جنت اتسويهن
سنان : ماكو فرق بيني وبينج اذا ساعدت مرتي حتى تدرس
وتنجح معناها اني الي نجحت واتباها  بيج وادري انت ممقصره وما بيوم حسيت تستغليني بالعكس ادري بيج تقدرين تعبي وتحاولين تخففين عني التعب حتى وانت مضغوطة 
شهد: والله اني اتمنى اخلص الكليه لان احس كلش مقصره وياك من كل النواحي ان شاء الله اتخرج اول شغله نسوي طفل
سنان : حبيبتي اني ما اشوف اي تقصير منج انت حساسه وتفكرين بالغير لذلك يجيج هالاحساس اني اريدج مو بس مره صديقتي الي راح تبقى ويايه العمر كله لحد منعجز واحد يسند الثاني .
شهد: اوعدك منشتري عكازتين عكازه وحده تكفينا ههههمره انت تلزمها واني استند عليك ومره اني الزمها انت تستند عليه
سنان : ان شاء الله ساعتها نشوفلنا مكان مابي بشر بس اني وانتي حتى جهالنا نتبرى منهم
شهد: هههه الله يحفظك الي وتبقى طول العمر رومانسي حجوج
سنان: هههه لتكيفين اني ابقى شباب انت تعجزين قبلي  علميا المره تكبر قبل الرجال بس امني لا عين ولا قلب يشوف غيرج ان شاء الله .

تم