رواية حكايات من بيت جدي الفصل الخمسون 50 - بقلم مريم اماسي الليل

#حكايات_من_بيت_جدي
الجزء٤٥... تكمله الجزء
الكاتبه اماسي الليل
سلوان الله يساعدج يوم
أمال: هلو ماما
سلوان: شلت السماعه اول ما دخلت للبيت
الو
وليد: الو ها ابو السوس
سلوان : اكلك حسب حسابك بالخمسه نطلع
وليد: ليش انت مراح تجي على الغدا ....لعد مريم گلتلي راح تجون
سلوان: لا ما اجي بس هويده راح تروح ... اني عمتك ما جارعها حاليا
وليد: شبيك سلوان البارحه شفتك ... مغثوث ...
سلوان : هيج هاي بت عمك عقلها صغير وتحب المشاكل صايره
مثل امها ... ونجاة تزن براسها
وليد:على شنو ... على موضوع السهر
سلوان : لا تشغل بالك .... هي تتحجج بالها شغله وتريد توصللها
وليد: براحتك .... لعد اذا انت مراح تجي اني اروح اتغدا وابقى ويا ميثم وعمي شويه وارجع ... حتى اتحضر واجيك
سلوان : تمام يله اخذ راحتك
أمال: شنو ماما مراح تروح ويا هويده
سمعتك تگله الوليد ما اروح ....
سلوان : لا ما اروح مابيه حيل .... راجع من الدوام راسي مصدع اريد اصعد ارتاح ورايه طلعه ويا وليد
أمال: لعد تعال اصبلك غدا ...
سلوان : لا انت اخذي راحتج هسه اخلي هويده تصبلي .... وينها هي ...
أمال :بالمطبخ دتنظف
سلوان : رحت للمطبخ ... مديت راسي ... صبيلي غدا عشر دقايق انزل الكى جاهز
هويده : شنو غدا ... مو اهلي عازمينا واني گتلهم راح نجي
سلوان : روحي وحدج وخلي امج تعبي براسج .... زين بس خلي براسج شغله
البيت من اني افكر أسجله بأسمج راح أسجله اما هالسوالف
والمشاكل متاكل عندي ... وحاليا ما عندي فكره أسجله بأسمج
تركتها .... وصعدت ابدل ملابسي
دقايق ودخلت للغرفه
هويده : سلوان انت متغير عليه ... يعني اذا البيت بأسمي ولا بأسمك شنو الفرق ... هذا اكبر دليل انت عندك شي ومتأمن
تكتب البيت بأسمي ... لان مخلي بالك تزوج عليه لو اطلگني
سلوان : شوفي هويده انت تدرين كلش زين .... اني لا مفكر اتزوج ولا مفكر اطلك بيوم ... اذا مو علمودج علمود بناتي ... هاي شغله
الشغله الثانيه ... من يوم الي تزوجنا شكد حاولت
اقربج مني ... بس انت بقيتي تبتعدين تدرين ليش
لان متحبين غير نفسج ... لدرجه مو مهم عندج علاقتنا وين توصل وهالمشاكل وين راح تودينا .... وشنو تأثيرها على البنات المهم البيت ترى باجر اكدر اروح أسجله بأسمج ... ميفرق عندي هو اول وتالي لبناتي ... بس من وصلتي مرحله ادورين ويايه ماديات .... اني هم ادور وياج وراح اخليها حسره البيت يسجل بأسمج الا من هذا عجبه
( اشرت على راسي)
بس من اليوم ...راح اشوفين ... سلوان ثاني ...
هويده : انت فريت الموضوع على البيت حتى اطلعني غلطانه ومتغلط نفسك وهي مشكلتنا علمود السهر ...
سلوان : هويده انت تستغبيني ... ليش اني اليوم اتزوجتج حتى ما اعرف طبعج ليش اني بالجديد دا اسهر صار سنين شو مجان الج
علاقه بالموضوع ولا تحاسبيني ولا جنتي مغثوثه اصلا متدرين بيه ... بس غلطت من حجيتلج على موضوع البيت ...
لسببين
الاول انگلبتي هالگلبه وحياتنا صارت بس مشاكل
وثاني من گتلج على البيت لان مأمن بيج مطلعين سرنا ولان ردت افرحج بهالموضوع ... ما كدرت اضم عليج واني منبه على وليد حتى لمريم ما يحجي ...
وهو لحد هاللحظه يدري الموضوع بيني وبينه فقط
انتِ صح تنكرين امج متدري ... بس اني متأكد مشاكلنا علمود البيت من جوه راسها ومعناها انت حاجيتلها ...وخنتي الثقه ...
هويده : لا متدري ... واني هم بعد ما الي علاقه بيك ... انت
بكل الحالات مطلعني غلطانه ... متغلط نفسك واحجي تفسره على مزاجك ... روح سلوان اسهر ... شتريد تسوي سوي ...
اني هم تعبت ... تدري ليش لان بحياتي ما حسيت قلبك ويايه
ولا حسيت مأمنه على نفسي وحياتي وياك ... (نزلت دموعي )
خلي انزل ... اصبلك غدا ... وصلت يم الباب .... جرني...
سلوان : هويده ليش تخلين هالمشاكل تأثر على حياتنا ... ليش اني مقصر وياج ....ادورين ويايه ماديات ... تريدين البيت باجر أسجله بأسمج حتى اثبتلج ماعندي شي من الي تفكرين بي ليش اني اشتغل وأتعب لمنو مو الج وللبنات ...
حظنتها ... لاتفكرين بهالامور ... لان ما منها بس خراب لحياتنا
هويده : تصالحنا و بداخلي فرحت راح يحولي البيت نزلت اصبله الغدا ... فكرت من اليوم اترك موانع الحمل حتى يصير طفل ( ولد) وينشغل بي ... وتزيد عليه المسؤوليه
نزل تغدا ... كعدت تغديت ويا ....
سلوان : مراح تروحين لبيت اهلج
هويده : لا ابقى اتغدا وياك ... من تطلع العصر عود اروح ....يمهم ... كملنا الغدا ... ديطلع من المطبخ التفتت
سلوان : هويده ... راح اصعد للغرفه انتظرج
وليد: مريم يله .... فضيها شدتحضرين جنطه سفر هم هياتهم بصفنا ... . يله حتى الحگ ارجع انام فد ساعة قبل ما اطلع ويا سلوان العصر
مريم : مو راح ابقى لليل ... لازم اخذ كل غراضه ...
يله كملت ...
وليد: يله اني اخذ خالد وانزل ... وانت انزلي بسرعة انتظرج بالهول
مريم : طلعنا لبيت اهلي .... فتحلنا الباب ميثم ..
وليد: السلام عليكم
مريم : دخلنا سلمنا على ابويه وامي ونوران ... كلهم بالهول
ترى سلوان ميجي ... گايله لوليد راسه مصدع .... بس هويده
تجي ...
ميثم : لا ميجون .... اتصل سلوان البنات نايمين وهو مصدع
هويده تجي العصر ...
دصبولنا لعد .... وين راح تروحون انت وسلوان
وليد: يم الولد بالاول وبعدين نطلع نسهر ... ليش متجي ويانا
شكو عندك
ميثم : ماعندي شي والله ... يجوز اجي وياكم ...
نوران : خطيه ما اجوي .... جان اللمه صارت احلى
مريم : يله العصر تجي هويده ... هي وبناتها ...ونلتم ان شاء الله
نجاة : نوران ودي البرياني ....من طلعت التفتت ... هاي لاتحجين اي شي كدامها ... ترى تبهر الحجي وتستخدمه لمصلحتها كدام اخوج ...
مريم : ادري ... گلتلي هويده البارحه ...
نجاة : هاي اختج هم ماعدها ... حظ ويا رجلها
مريم : ليش شبيها .... كلتلي البارحه متعاركين علمود السهر
نجاة : ورا الغدا نكعد نسولف من رجلج يروح وهاي تصعد ويا اخوج
حتى نسولف براحت
مريم : كملنا الغدا... وشربوا الجاي ... وليد... گام
وليد: ميثم على الخمسه ... ننتظرك ... يله اني اترخص اروح ارتاح
ميثم : ان شاءالله
نوران : همست وين راح تروحون....
وليد: قبل لا اطلع رحت دنكت على مريم بحجه ابوس خالد
ميحتاج اوصيج
ميثم: نطلع ويا ولد وراها نروح نسهر ...
نوران: شنو بي هذا المكان ....
مريم : ابتسمت ... طلعت ويا للباب ... راح تتأخر
وليد: ماخذ اخوج ويانا حتى تطمئنين ...
مريم : اي شلونه عاد ... راح يجي ينطيني مفصل من يوم يومكم واحد يطمطم للثاني
وليد: هاي بعد بينج وبين اخوج ... اني العليه راح اخذه ويايه
يله رايح مثل ما وصيتج ( (اشرتلها على أذني يدخل منا يطلع من الثانيه (قصدت كلام امها))) ...
مريم : ابتسمت روح الله وياك ... دخلت ...
ميثم : جيبي لهذا .....(خالد)
نجاة: هاي انت كاضيها تلعب ابن وليد وبنات سلوان ... شوكت يصير عندك طفل تلعبه
ميثم: الله كريم كلشي بيد الله ... مامستعجلين ... ثانيا ليش ذولي مو جهال خواتي يعني جهالنا ... ليش انت مو بيبيتهم
نجاة: تنهدت ... اريد اشوف جهالك ...
نوران: ان شاء الله خاله يجون وتفرحين بيهم ( بقلبي بلكت نخلص منج
قبل ما يجون وتشوفيهم.... ادكين بهالموضوع ... لگيتي حجه ))
مريم : كعدت بصف ميثم .... ميثوم الله عليك لهي وليد بالحجي
والله عليك شوفلياه عنده سوالف ...بنات
ميثم: بعيني ام خلودي ...اليوم أسطره بالسوالف انت ارتاحي
مريم : صاحتني امي ...
نجاة: تعالي خلي نسولف ماطول بقينا وحدنا ....شوفي اكو شغله انت متعرفين بيها ... بس اني ما اكدر ما اكلج لان اذا قلبي يلعب من سلوان مره يلعب من رجلج الف مره
مريم : ليش شصاير ... وشنو الشغله
نجاة : وليد كايلج شي يخص بيت يريد يشتري بيت اذا تعرفين ومنبهج ما تحجين ترى اني اعرف واختج هم تعرف من رجلها فأحجي
مريم : يوم يا بيت شدتحجين مدا افهم شي
نجاة : لعد اسمعي ... بس اياج وليد يدري بيج تعرفين بهالموضوع
سلوان ووليد... اشتروا قطعه وقسموها نصين ...
ومتفقين محد يدري بيها
سلوان كمل بناء بيته ... وگايللها لاختج وموديها للبيت شايفته
بس رجلج هيج كتوم الي حتى الج ما جابلج سيره .... اذا هو سلوان ابو ألانه حجى لهويده .... رجلج ليش لليوم ما جايبلج
سيره ... انت تدرين بي ديبني ... وسلوان متابع البناء
مريم : يوم انت متأكده من هالحجي ... لو متكهنه بهالموضوع
نجاة : لج بابا مشترين القطع من اول ما اتزوجتوا ... لعد اني ليش كلت انبهج ادري بيج ثوله وهذا رجلج ماينكدر عليه
بله تدرين شكو ماكو عنده ... شكد راتبه شكد عنده فلوس جوه ايده
مريم : بقيت متفاجئه ومقهوره ... بداخلي أحجي ليش مگلي ليش مأمن بيه مثل ما سلوان أمن بهويده وحجالها وهم حياتهم كلها مشاكل ومامتفاهمين بس طلعوا احسن من عدنا )
كلشي ما ادري ...
نجاة:اي مو ثوله ... خلي يجمع فلوس ويسوي بيت .... وتالي متشوفي الا جايب وحده فوگاج ...هي هاي الرياجيل اول ما يصير بيدهم فلس اول ما يفكر يتزوج على مرته ... بس لو بيج خير ويدري ....ادورين ورا وتعرفين العنده والماعنده يحسبلج الف حساب ....
بس اختج سباعيه مو مثلج ... ددك رجل تريده يسجل البيت بأسمها من يسجله ساعتها تسيطر ويگوم يحسبلها حساب
مريم : وليد مو مثل سلوان هاج كدامج ... عنده بيت وما ادري بي ... يجوز يتزوج وما ادري بي
نجاة : شوفي هسه انت لا تحجين ولا تجيبين طاري كدامه لان سلوان منبه على اختج متحجي لاحد ... واذا حجيتي راح يعرف هي حاجيتلي ... وتصيرلها مشكله بس انتِ من اليوم بعد تسألين رجلج
بصوره غير مباشره عن راتبه وين يودي الفلوس ... افتحي كدامه موضوع ... شوكت يصير عدنا بيت ... او فلانه اشتروا بيت ان شاء الله يوم الي يصير عدنا ... بهيج طريقه جرجري بالكلام
اذا سولفلج ... عن البيت معناها ... تبدين تفكرين شلون تخلي يسجله بأسمج وادعي سلوان يسجله بأسم اختج ... حتى هذا من يشوفه ... يقنع ...
مريم : يوم انت دوختيني بهالموضوع وخليتي قلبي يلعب وتالي تگليلي ...لا تحجين ... اني مو مثل هويده ... ورجلي يعرف كل كلمه وكل تصرف يبدر مني شنو ورا ... والمقصود منه
نجاة : اي مو غبيه لان من البدايه ... مشاج بمزاجه ... لحد ما وصلج مرحله تخافين تفتحين حلگج ويا بكلمه ... كله بكيفه يتصرف حتى قيمه ما مبقيلج نحجي على سلوان عمي سلوان احسن منه هذا رجلج خنوسي ... ابد ما ارتاحله
مريم : مو غبيه هو شخصيته مو مثل سلوان وانت تقارنين بينهم وبيني وبين هويده ... واني مو مثلها ولا اكدرله ...
گليلي ... شلون أتصرف هسه ...
نجاة : گتلج هسه ابد لا تحجين انتو باقين مده ... . فد كم يوم ذبي كدامه حجايه تخص بيت فلانه شلون فهمتج ... وعود گليلي شنو جاوبج ... واني افهمج وراها شلون تصرفين فهمتي
مريم : فهمت ... بيومها هويده ما اجتي ... اتصلت گالت باجر امر ... لان خالة سلوان جايه ..هي وجناينها ... يمهم ....
بقيت افكر بالموضوع كبر براسي ... انقهرت من وليد... هيج واصل مرحله ... ما يشاركني اي شي يخص حياتنا ... بس متنلام امي اني مابيه خير وصلته مرحله ... حتى مايشاركني
بأهم الامور ...
رجعت للبيت .... سويت عشا لبيبتي وجدي ... ودماغي يجيب ويودي ... ونار تغلي بقلبي ...
بعد ما دخلوا الغرفه ... اخذت ابني وصعدت نيمته ...
حاولت انام لان ما اريد اشوف وجهه قلبي محروك منه ....
واخاف اشوفه واطكها بوجهه ما اتحمل ...
بقيت ما اكدر انام ... ما بقت فكره ولا موضوع ما إجى على بالي كمت اربط مواقف ... حتى البنات الي ويا بالدوام وما ارتاحلهن اتذكرتهن ... واولهم هاي الي جانت ويا بالمكتب ... قبل اتذكرت اليوم گلي ((باجر لاتحسبون حسابي على الغدا لان البنيه
متفقه ويا الموظفين الي ويانا راح تسوي غدا ...وكلنا ننجمع )
بقيت افكر ... يجوز عنده علاقه بيها من ذاك الوقت واني نايمه على اذني ... ويطلع كلام امي هو الصح ولان يدري بيها تعرفه
ما يريدني اسمع كلامها ونصيحتها ........وعلى اي كلمه احجيها يسويلي مشكله
حتى بعد ميخليني اسمع كلامها .... من اليوم اسمع نصيحة امي ... على الاقل هي عدها خبره بالحياه وتشوف امور اني ما اشوفها ... وتعرف اوادمها زين
انفتحت الباب طلعت من التفكير ... اتفاجئت رجع من وكت ...
فتح الضوه ...
وليد: ها مريومه كاعده عبالي نايمه دكومي علگي ملابسي
مريم : شعجب اجيت من وكت ....كمت من الفراش رحت يمه ديغير ملابسه بس ما طايقته
وليد: مو سلوان متصالح اليوم ويا هويده ... وگلي اليوم معاتبته
ومقهور عليها ...فمراد يغثها ويطول بالسهر رجعنا ......
مريم : والله طلعوا هويده وسلوان متفاهمين واحنه الي ... مابيناتنا تفاهم
وليد: رفعت تك حاجبي ... اجاني انذار نجاة متحركه ...بنتر
شكو شبيج ... شنو الداعي من هالحجي
مريم : بعصبيه اي هاي انت تاخذني بالاعصاب والصوت حتى تخوفني .. واسكت ... بس لا والله من اليوم فلا اسكت ... وصلت بيك تشتري بيت وتبني لنصه واني ما ادري ...
وليد: لاتعيطين وتعلين صوتج ... خليني محترمج
مريم : سلوان ماخذ هويده حتى متفرجه على البيت ... نعيب عليه وهو طلع احسن منك ...على الاقل
( حسيت بنار تطلع من خدي من ضربني بس فقدت علّيت صوتي اكثر ) ... شوف من اليوم اني ما أسكت ... حتى لو تضربني ...
وليد: اسكتي الدنيا ليل ليش تخليني هسه اكعدهم على صوت عياطج ما ابقي بيج مكان صاحي اتكفي شري
مريم : ماطول ضميت عليه موضوع البيت عندك شي ... بس والله يا وليد ...اذا تأكدت ...فلا ابقى وياك دقيقه ...
( نضربت مره ثانيه )
وليد: اذا فتحتي حلگج بعد متلومين الا نفسج معاجبج .. الباب يفوت جمل ... بس اني اعلمج ... بيج بخت نايمين جدي وبيبيتي وما اريد احد يتورج علينا ... بهالليليه بعيني ...
يجيج خبر البيت ... المن اخذته ودا ابني ...
مريم : من عاط خالد فز من الصوت ... بقى وليد يتوعد ويتهدد لان كعد الطفل مخروع ...من صوتنا .. ...عافني وراح نام على القنفه الي بالهول ...
بقت دموعي بعيني ... وافكر بكلمته مال يجيج خبر البيت المن اخذته ... ودا أَبني ... حسيت قلبي راح يطلع من مكانه ...
من الاعصاب جسمي كله متشنج ... والدموع متوگف ... قلبي محروك منه ...
وليد: بقيت للصبح ما نايم ... بس اريد الزم سلوان ... اطيح حظه وصاني ما احجي حتى لا توصل بحلك نجاة وتالي ... طلع هو گايللها لمرته ...
الله يلعنج يا نجاة ... مسممه حياتنا ... الولد فز مخروع
على فد بجيه ... الى ان نام ... بداخلي اغلي ... حسيت راسي راح ينفجر من الاعصاب ... كل شويه اتحلف لمريم على المغثه الي غثتنياها بهالليليه اريد اكوم اكسر راسها من اتذكر صلافتها وعياطها ... وأتعوذ من الشيطان