رواية حكايات من بيت جدي الفصل الرابع عشر 14 - بقلم مريم اماسي الليل

#حكايات_من_بيت_جدي
الجزءالرابع عشر
اماسي الليل
حقوق النشر محفوظه
محاسن: بيبي...عذوره تأكدتي من المدات والحصيره
عذراء: اي بيبي تأكدت ... بس اروح جدو ديناديني  وارجعلكم
نعم جدو
ياسر: حبيبتي خلي واحد من الولد يحضر الشمسيه الچبيره اخاف نحتاجها والجنطه ( چنطة ستيل بداخلها كراسي من تنفتح تصير ميز ومربوطه بي ستولات )
عذراء: صار تحتاج مني شي لو اروح لبيبي
ياسر: لا جدو بس ترمز الجاي والگهوه اعتمد عليج مو تنسوا
عذراء: اشرتله من عيوني ورجعت اساعد بيبي والبنات وعماتي اليوم جمعه اتفقنا نطلع للمزرعه نغير جو ونتغده هناك  كل البيت
مريم : اني خلصت حضرت البيتزا ولحم بعجين  ومعجنات والكيك وين اخليهن
أمال : عمه ... سلفني حتى يبقى حار .... وانت هويده نادي  سلوان خلي يبدي هو والولد يودون الغراض حتى يخف المطبخ ونشوف اذا اكو شي ناسي
هويده : صعدت لكيت الولد ملتمين بالهول متحضرين ....
يله كملنا عمتي تگول ودوا الغراض للسيارات حتى شويه ونطلع
سلوان : وليد مو تنسى الطاولي والدومنه ترى جدي معتمد
وليد: خليتهن بالسياره حتى طوبه جبت ...عمي سعد گلي نلعب هناك ...
سنان : يله لعد خلي أنزل  ... اشوف اخاف محتاجين مني شي
سلوان : هويده جيبيلي مفتاح السياره على الميز
نزلوا الولد ... رحت وراها ... شبي القلب بعده زعلان
هويده : ردت انزل جرني ... سلوان اني هذا طبعي وانت تعرفني من احنه صغار ... اني ما اظهر عاطفتي مو معناها هاملتك المفروض تفهم احبك حتى بدون ما احجي ... او ابين بالكلام
ثانيا احنه مخطوبين يعني عندي تحفظ على مشاعري ... اكيد من نتزوج انصير اقرب وامون عليك وكتها اكدر ابين هالمشاعر
سلوان : بس اني اريد احس بهالحب اريد اسمع منج كلام
يقربنا واليوم راح احجي وياهم حتى نعقد اسبوع الجاي
ابتسمت خليت ايدي على چتفها ... هاهيه راح تصيرين مرتي
اريد ادوخيني ...
هويده: ابتسمت صير عاقل ... خلي ننزل ...
سلوان : لابله شلونه العقل ويا الحلو ... التفت ايدي وحاوطتها 
قربتها مني
هويده : ضحكت ... ترى اگله لجدو عليك
سلوان : گليله همست  بأذنها احبج مو تزعلين لان صرت عصبي
هويده : اني هم احبك قلبي ... لا ما ازعل منك ... ترى كلهم مخلصين ... يله
سلوان : جيبيلي كاسكيته وانت هم اخذي وحده اخاف الشمس عاليه ...
هويده : هسه اجيبها واجي ...
وليد: دخلت للمطبخ اخذ الغراض
مريم : وليد هاي خليها ليكدام بيها معجنات لتروح تنمرد ويا الغراض ...
وليد: عود تعالي ويايه ... بالسياره اليوم گضيتيها بالمطبخ
كلشي مفهمت منج ...
مريم : ليش منو راح يصعد وياك
وليد : امي وابويه وعذراء... وانتِ... هسه راح ارتب منو يجي ويايه ... لان هويده ويا سلوان وعمي سعد  وعمه نجاة وميثم   ،وسنان ويا جدي وبيبي وعمي قيصر وعمه أمال
مريم : انت لعد گلهم اني استحي ...
وليد: هسه اگلهم ...
محاسن : بيبي مو وكت سوالف يله فضوها
وليد: وكفت بصف بيبيتي .. خليت ايدي على چتفها ...وشاورتها
حسونه شوكت تسويلنا حفله نلبس الحلقات شو مغلسين مشيتوها خطوبه بس حجي
محاسن: ابتسمت ... اثگل جدك گال مو هسه على نص السنه حتى من تتخرج تزوجون
وليد: لا ما اريد ... كلمتين تقريهن براس جدي تخلي يبدل ... ويقبل راح اعتمد عليج ...
محاسن: ولك ميقبل والله گتله ...
وليد: من يمي متكدرين ... ليش ويا سلوان كدرتي ...
محاسن : هويده انخطبت ورا نص السنه  ... وجدك قبل عاد مريومه گال على نص السنه مثل اختها  ... وانت هم تقرب تخلص الثالث ..
وليد: لعد حبيب قلبج بس بالحجي ... دلحلحيها وقشمري لجدي .. خلي يغير رأيه ترى ياسر كلش صاير نحس ممصدك عنده بنات ويدلل براسنا
محاسن : ولك لعد يشيلها وطنطيكياها بلا ميشلع قلبك وتحس بقيمتها
وليد: حسونه لو ما تدرين قلبي معلعل صار كم سنه ... كافي خلي يفكها ويايه ترى والله ... اشتغله خباثه
محاسن: هههه جان بيبيتك كدرتله فضها عاد وودي الغراض
وليد: والله كادرتله ... وكادره على هالقلب ... موگفتها من الصبح وياج هلكتوها للمره ...
محاسن : امشي ولك ترى اصيحلك جدك
وليد: ترى من اعقد  عليها بعد ما اخليكم تستغلوها اطب وطلع اتصخرون بيها مو عدكم اثنين غيرها
محاسن: لعنه الله على الشي الي ميشبه اهله جنك جدك ... ذكرتني بسوالفه
وليد: لعد شلون ... قابل اطلع على الجوارين ... هسه هايهيه  اليوم تحجين ويا اتفقنا قبلتها  من خدها
محاسن : اليوم احجي ويا عود دروح هسه
وليد: شغله ثانيه ريحي قلبي ... وگولي مريم تروح ويا بيت معن
محاسن : اوف منك ... ولا تنطي عين ..
وليد: حسونه شو متعلمه النحاسيه من ياسر .... مو اني حبيبج وهي خطيبتي اصلا .... وهي لوما  طالعه حلوه عليج اني ما اگلبها
محاسن :  شكد كذاب هي تشبه امها ... ميخالف هسه اگلهم ابو لسان
مريم : طلعنا استحيت ... من سلوان ناداني
( يله مريومه صيحي هويده انتو ويايه )... من طلعت ...وليد شافني رايحه بأتجاه سياره سلوان ... كدام الكل ... گلي انتِ  ويانا... بقيت مرتبكه ...
بيبيتي گلتلي روحي بيبي ويا بيت عمج معن
شفته مبتسم وفاتح الباب .... صعدت يم عذراء ...
عذراء: لو ما سلوان چان خلينا هويده هم تجي ويانا ...نتونس بالطريق
وليد: التفتت على مريم... شكو رحتي لسياره سلوان ليش مو گتلج انت ِويايه
مريم : مو هو ناداني  ... استحيت
وليد: سلوان صاير النسيب براسي ... اليوم اشوف تاليها ويا ياسر ...
عذراء: ههههه عيب ليسمعك ... جدو ويزعل ....
وليد: كافي اجوي  ابويه ... وامي .... فاتتني ما صعدت جدي وبيبيتي ويايه جان خليتها تقرا براسه طول الطريق لحد متقنعه
مريم : جدو يرتاح لسنان لان مو مثلكم يسوق بهدوء مو سريع
انت هم لاتسوق سريع ... التفت  عليه يضحك  (هواي تتعيقلين براسي ).... ابتسمت مكدرت بعد احجي صعد عمي ... بالطريق جان مشغل اغاني  عمي معن انزعج 
معن: بابا طفي للمسجل سطرت راسي ....
وليد: راح انصي شيخلصه الطريق بلا مسجل ....اخليلك عبد الحليم ...
معن: بكيفك ... شو بعد اكو صوت  بالسياره ... مو گلت وديتها وصلحتها 
مريم : بقيت اتفرج على علاقة عمي ... بعائلته .. شكد يختلف عن عمي قيصر وابويه ... لاول مره انتبه وليد...شكد قريب على عمي حتى من يحجي ويا مطيع ...واسلوبه هادئ... افتهمت
الانسان هو الي يجبر المقابل يتعامل ويا بأسلوبه ... لان عمي معن يتعامل ويا الكل باحترام وتقدير يخلينا كلنا ... من نحجي وياه انفكر  للكلمه من تطلع ... وعلى هدوئه ورزانته يخلي المقابل هادئ لان اسلوبه تربوي لذلك عائلته مثاليه بين العوائل الي عايشه بهالبيت
هالشي يريحني لان اكيد ابنه ماخذ منه وعايش بعائله متماسكه حتى لو اكو عيوب بعمه سعاد لكن عمي معن محتويها ومسيطر عليها ... وكلمته هي الي تمشي لاول مره انتبه وليد ماخذ هالشي منه مو من جدي ...
سنان : وصلنا ... للمزرعه ورا ما رتبنا كلشي عمامي گالوا خلي نلعب طوبه ... جدي گلهم اني وسنان نلعب طاولي ..
مجنت اعرف عنده شي براسه ... جبت الطاولي اول ما فتحته صدمني ...
ياسر: شوكت ناوي تخطب بت عمك  حتى افرح بيك ...
سنان: اتفاجئت منو تقصد .. ..
ياسر: يعني منو بقت بيهن اخوك اخذ هويده ووليد حجى بمريم واني وافقت اقصد عذراء
سنان: جدو اني احب بنيه ويايه بالجامعه صديقة عذراء وعذراء ما بيوم شفتها غير اخت .... وهي نفس الشي
ياسر: عكدت حاجبي شنو هالحجي شو هذا جديد ما ادري بي
سنان: جدو يعني صح انت اقرب واحد الي بس مو مال افتح وياك هالموضوع جنت مقرر من اريد اخطب البنيه والصدك اني
مقرر على نص السنه انطيكم خبر حتى اخطبها
ياسر: يعني اتفضل الغريبه على بت عمك رابيه كدام عينك ..
شعرفت عن هالبنيه حتى تخليها براسك ...
سنان: جدو بت عمي اختي ... مو شغلة مفضل وحده على وحده
بس هالانسانه اني حبيتها واختاريتها .. تناسبني ومشاعري وياها صادقه الشغله ويا عذراء تختلف مشاعري وياها اخويه
وشهد اخلاقها مثل اخلاق عذراء والبنيه  هم من عائله انت من راح  تتعرف عليها اكثر تفتهم قصدي
ياسر: مع الاسف ما متوقعها منك اني صار سنين اگول عليك انت العاقل .. ومخلي براسي متقبل بت عمك تصير للغريب
سنان: جدو يعني الزواج ما ينبني على بت عمي وحتى متصير لغريب ... هذا عمر وعشره ومشاعر ... لا بيدي ولا بيد احد ...
اصلا اني ولا مفكر ولا فكرت بعذراء  بيوم بموضوع ارتباط
هذا يعني معناه ماعندي عقل؟ ... اذا انت تقيس الموضوع هيج
بالفعل ماعندي عقل لان عقلي ويا الانسانه الي اختارها قلبي
ومقرر اكمل حياتي وياها ..
اني اذا اخذ عذراءوقلبي ويا غيرها معناها ادمرها ... لا هي ترتاح ولا اني ارتاح ....  بالاخص هي تعرف بمشاعري تجاه شهد ....
ياسر: سوي الي يريحك اني ما اخطب .... اخذ ابوك واخطبها
سنان: جدو ما متوقعها منك ... اول مره اعرف انت هيج تفكر ..
والمهم  عندك ... البنات ميروحون لغريب ... ليش ابويه وعمامي المن اتزوجوا مو غريبات .. وكل واحد اختار شريكه حياته.... وحياته استمرت وياها ... ليش من يمنا تريد تفرض رأيك وتعرف هالزواجه مابيها راحه لاحد من عدنا لا اني ولا عذراء ليش
تفكر بشي وتتغاضى عن المهم .. اني وعذراءما ننفع  نرتبط
وكل واحد حاسب الثاني اخ ... حتى لو متفاهمين گتلك قلبي ويا غيرها لاهي تتحمل ولا اني اتحمل امثل عليها ..
سد  الطاولي بعصبيه گلي  (الي عندي حجيته فكر بي )
صدمني ما عرفت احجي شي ... اترخصت منه ... ورحت يم الولد .... مليان هم هاي اول عقبه صارت شلون راح اقنعه ...
وليد: شبيك شو مو على بعضك
سنان: لا هيج سلامتك .... سالفه بيني وبين جدي صار بيها زعل
وليد: والله جدك هالايام مخلينا براسه ... مدا افتهم سالفته
سنان: اني هم هاي اول مره يصير بيني وبينه سوء فهم
وليد: خلي براحته ... بعدين تصافون هو هذا طبعه من يقفل فتره ويرجع طبيعي
سلوان: شو واگفين اتسولفون ... كملوا لعب ....
معن: كافي خلي نرتاح اني تعبت ....
سعد: اي كافي خلي نروح نكعد يم ابويه وامي .....والنسوان
سلوان: رحت صحت هويده ... امشي خلي نتمشى
هويده : يله هاك خلي هاي على راسك ... ابتعدنا عن اهلنا التفتت
سلوان: اي هيج اريدج تحسسيني مخليه بالج مني
هويده: انطيتك الكاسكيته حسستك؟.... ليش متحس اني احبك بقلبي والافعال هي تطلع من وحدها بدون تمثيل ...
سلوان: الرجال يحب المره تهتم بي حتى يحس بحبها ... والعكس
خليت ايدي على چتفها
هويده : نزل ايدك هسه يشوفوك عيب
سلوان: امشي وانت ساكته ... تعالي نكعد جوه شجره ... لا تالي نرجع للبيت تگليلي مصدعه
هويده : كعدنا جوه الشجره ايده على كتفي ... التفت عليه التقت نظراتنا .... بدا يسولف ويايه... ويتغزل ... مره من المرات غلط بأسمي گلي هيام .... بالاول ردت اسأله منو هيام بعدين گلت لا ماكو داعي احتمال ...
وحده جان يعرفها قبلي ... وغلط بالاسم
بقيت مركزه اذا يغلط بأسمي مره لخ معناها هي الي باله .. ولازم اسأله واعرف منو هيام
بس ... تأكدت ديحجي ويايه لان اتذكر مواقف قديمه  اني مسويتها بي ...
سلوان : حسيت بغلطتي وشفت الصفنه بوجهها عرفت انتبهت على الاسم واستغربت ما سألتني ... لكن بقيت حذر ما اغلط بشي وياها ما اريد ااذيها واجرح مشاعرها .... حاولت اشغل تفكيرها بذكريات وبداخلي تأنيب الظمير اخاف اذيتها بدون قصد.....
رفعت ايدها قربتها من شفايفي
حبيبتي اكذب عليج ادا اكلج مجان عندي علاقات ..مجرد لهو شباب
بس انتِ  جنت قافل عليج  ... متصيرلي مره غيرج ...يعني الي راح
متحاسبيني عليه اذا بيوم عرفتي وحده منهم او انفتح موضوع يخص وحده من علاقاتي ...
هويده: هيام جانت وحده من هالعلاقات
سلوان: اي بس هي من البارحه على بالي لان الي خطبها صديقي وما كدرت انصحه و اگله جان عندي علاقه بيها ....
( حاولت اطلع من الموقف بصيغه فكرت اذا بيوم صارت كدامي هيام وهويده ويايه ...تكون فاهمه سبب تحفظي من البنيه ... متشك بشي) بالوقت الحالي هويده  ومشاعرها اهم  عندي
هويده: بس انتبه مره لخ لتغلط بأسمي ترى الشغله تغث اتخيل لو اني اغلط بأسمك تقبلها
سلوان: حتى ما اطير هالراس الحلو .... لاتخلين الماضي يسبب مشاكل بيناتنا اني لا اول ولا اخر واحد عنده علاقات قبل الارتباط
هويده: خلص سد الموضوع اجينا نتونس مو ننغث بهيج امور
سلوان: عفيه اريدج تريحين راسج الج الصافي ... سلوان وقلبه يمج ...
هويده: خليت راسي على چتفه ... تدري نعست على كلامك ههه
سلوان :  ابتسمت خليت خدي على راسها (اعرف نفسي احبها ... ومستغرب اتذكرت كلام وليد انت تحب هويده وهيام مجرد نزوه بديت احس هو شايف حقيقه مشاعري الي اني مصر ما اشوفها بسبب اوهام تعلقت بيها   )
ابقي هيج لحد متغفين ... عود من يصيحونا اكعدج ....
هويده : سلوان تدري اني من قبل اعرف انت متكدر تأذيني شگد چنت ااذيك بالمقالب بس انت متردها ... واذا رديتها مو بقسوه
تذكر من حرگت ايدك بالمي الحار ... ثاني يوم ردت تسوي بيه نفس المقلب ..بس اتراجعت ونبهتني المي حار ... اجيت حولته بارد ..
سلوان: مو جنت منيشن عليج خفت هالوجه الحلو يتشوه ... وادري تاليته الي .
هويده: ترى انت تغصبني احبك .. .. لان يوميه انصدم بلي بداخلك ( غمزلي)
سلوان : عاد صدمه سلبيه ايجابيه حتى احسن الصوره
هويده: ابتسمت ... لا ايجابيه ... عندك عاطفه ... تحب تخفيها
اني وياك متفاهمين لان عدنا نفس الاطباع ... بس يمكن انت
تعرف تبين مشاعرك وعاطفتك اكثر مني لان لكيت الاهتمام من عمتي وعمي ....يعني مثلا هسه اني احس فرحانه واحسك كلش قريب على قلبي بس ما اعرف اعبر غير بلي حجيته ... سلوان اني مشفت اهتمام من امي وابويه  ... لذلك اني مهتمه بنفسي حتى ما اتأثر وافكر ... بهالموضوع .. حاولت
اكتفي واحب نفسي حتى اسد النقص العاطفي ... انت تذكر وضع امي وابويه ويانا  ... اني جنت بالوحده عايشه ويا روحي مرتاحه ... كيفت نفسي ويا هالوضع ... اقرب شخص الي عذراء... هي الوحيده الي اشكيلها  حزني والامور الي تقهرني ... وانت حاليا تعوضني هالحرمان انت تطلب مني شي اني محرومه منه فما اعرف اوصله مثل ما انت تريده بمشاعر او كلام
سلوان: خلص حبيبتي لادوخين نفسج ... اتصرفي ويايه طبيعي
مثل ما انتِ... انسي الي حجيته وياج البارحه .
وليد: كعدت بصف مريومه ... گومي خلي نتمشى هاي سالفة الخطوبه وقف التنفيذ مو تمام ... راح اصير صلف واني افتح الموضوع كدام الكل فد شويه ... عاد هسه نلبس حلقات ونعقد  ... ومن نتخرج نتزوج
مريم: لا اكعد واسكت  مو وكتها  الوضع مو تمام جدو... مغثوث وبيبي صارلها ساعة هي ويا يتبسبسون .... يمكن بينه وبين سنان شي
وليد: اي ادري گلي سنان ... بينهم سوء تفاهم وسنان هم مغثوث من جدي ...ديتمشى وحده دايخ بجدج
گومي مريمتي ماطول الاوضاع متوتره جيبيلنا لحم بعجين ...
وخلي نكعد بمكان وحدنا ... راح انتظرج يم السياره جيبي الاكل وتعالي....
مريم : من رحت اجيب اللحم بعجين ... صرت قريبه على بيبي وجدي سمعت (سنان وعذراء ومياخذ غيرها
فهمت جدي مغثوث لان افتهم سنان ممخلي عذراء باله واحتمال عرف هو يحب وحده ثانيه ...
رحت يم وليد ... وبالي يشتغل  بهالموضوع احجي ويا نفسي ( همزين عذراء مجانت موجوده رايحه ويا عمة امال وامي وعمه سعاد  ... يتمشون ... .. لو تدري هي سبب المشكله بين جدي وسنان جان انقهرت )
وليد: امشي نكعد بالفي يم اشجار النارنج ... احب ريحته
مريم: كعدنا الجو حلو اكو اشعاع شمس متناثر ...بين الفي ...
خلينا چرچف ..  .. خليت ماعون الاكل ... وكعدت
وليد: مريومه تخيلي احنه متزوجين وعدنا ثلاث اطفال  .. انت كاعده واني نايم على رجلج ومغطي وجهي بأيدي   والجهال  يتراكضون  حولنا ولدين وبينيه نسخه منج والولد يشبهوني
مريم: هو يحجي واحسه دخل بقلبي وبعقلي وتخيل الي اني
دائما اتخيله واتمنيته بلحظتها .. ابتسمت وتنهدت دا اتخيل المنظر ..حبيت اكو فكره مشتركه بيناتنا ومشاعر وعاطفه تجاه هالموضوع ... اول مره احسه فاهم  الي راسمته براسي عن البيت والعائله ،
زين وكتها شنو اسميك ولودي لو ابو خالد
وليد: اي الچبير أنسمي خالد و كدام الناس مشيها ابو خالد بس وحدنا لا ولودي ...
والبنيه اسميها ريما ...قريب من اسمج والولد الثاني معن على اسم ابويه
عاشت ايدج اللحم بعجين رهيبه ...
مريم : بالعافيه ... ولودي انت تحب الجهال
وليد: لان ماعندي اخوه غير عذراء ... وحسيت الولد وهويده مثل اخوتي ... حبيت فكره يصير عندي اكثر من ٣ اطفال ...يكبرو سوى اصدقاء ... وسند للزمن
مريم: اني هم احب الاطفال ... دائما يجي بخيالي يصير عندي خمسه ٣ بنات وولد اثنين ...
مو من نتزوج ادور ورايه
وليد: شدور وراج ... قصدج نسوان ...
مريم: اي نسوان وسوالف تعبانه
وليد: ههه ليش شگلولج عليه يوميه ساحليني اطوطح من بيت الكاوليه
شنو هالفكره الي راسمتها عليه ... يعني شفتي صور مال ايام مراهقه وطيش حكمتي عليه ..
واتوقع كم مره ادخلين للهول  كدام الكل اشوفيني احجي ويا بنيه ... بتلفون وتسمعين كلامي وياها  ... مجرد زميله
كل الموجودات بالساحه حاليا زميلات .... ماكو غيرج هنا ( اشرت على راسي وقلبي )
مريم: رسمت هالفكره ... من رفعت السماعة قبل كم سنه وسمعت
شتحجي ويا صاحبتك
وليد: ههههه بله شنو سمعتي بداعتي ... صار كم سنه عندي فضول اريد اعرف وين حظي  وكعني ... بالحجي ... وخلاج
بيومها عصبيه
مريم: سد الموضوع ... ما اريد اتذكر لان احقد عليك وما اكدر احجي
وليد: يله من نتزوج گليلي ... بس خلي بالج هاي سوالف مراهقه
هسه عندي عقل ... ومخافة الله وعندي خوات الي ما ارضاه عليهن ما ارضاه على بنات الناس ....
مريم: انت التخسر ... اذا تباوع على غيري لان بس مريم وحده هنا ( اشرت على قلبه)
وليد: يعني اني بقلبي مريم وحده فأخسر وانت شكو بقلبج بحيث متخسرين .... هاي اذا موجود شي اصلا
حبيبتي بس الي يموت يخسر ... والرجال قلبه يوسع من الحبايب الف ... لاتنغرين  يله
خلي نرجع يمهم .... ( بداخلي اتأذى من تتبع ويايه هذا الاسلوب)
مريم:  وگف ... جاوبته واني كاعده.... ترى انت تتحسس من كلامي ... تعرف كلش زين انت بقلبي ... بس لان متأكده انت متكدر تحب وحده غيري ... هيج حجيت
وليد: اشرتلها بأصبعي كافي اسكتي ... مديتلها ايدي ...يله كومي دنرجع ...
اظاهر انتِ مراح تتعلمين... لو ابقى انبه العمر كله ....
مريم : انطيته ايدي جرني اوگف صرت كدامه .... لزمت ايده
والله..  مو قصدي ... اغثك ( غمض عينه وتنفس شفت صدره ارتفع ونخفض)
وليد: وتالي وياج ....
مريم: ابو خالد اسألك سؤال ... خليت كفي  على مكان قلبه
هذا الي لو اني مكذبه ...
وليد: عكدت حاجبي ونظراتي عتب مغثوث منها جاوبتها لا ممكذبه
ابتسامتها ونظراتها ثولتني ... شكو
مريم: ابو سمره ترى انت هم تتعيقل براسي ... ودور زعل
بدا بتقدم واني ارجع كم خطوه طخيت بالشجره وهو كدامي مبتسم
والله اذا قربت وجهك اعيط .... ولو تنطبك سما على ارض ما اقبل بيك ... ترى انت حلفتلي ...
وليد:. غبيه ما اسويها والله ... حلفتلج ... بس اريد اعرف شلون
اتعيقل براسج
مريم: لان تعلمت هالفتره انت تزعل واني اصالحك صارت عندك عاده ادور حجج حتى تزعل....
ولودي لاتبقى تحلل وتفكر كل كلمه تطلع مني ... بمزاجك ترى
وليد: ترى اكو كفاره للحلف....
مريم :  من شفته قرب وجهه غطيت وجهي ...بأيدي ... حسيت بشفايفه علي ايدي  ...
وليد:  هيج اتصافينا .... مشيت كم خطوه ... يله خلي نتمشى تعالي ... مديتلها ايدي
مريم :  وخرت اصبعين من عيني شفته ابتعد ومادلي ايده
نزلت ايدي ... مبتسمه ... انت مو ثقه ... ما انطيك ايدي  ...
وليد: ابتسمت دمشي يمعذبتني ....
عذراء: شكو شبيك شو وجهك ميتفسر ....
سنان: تنهدت لا سلامتج ... فاتحت جدي بموضوع شهد ورفض
عذراء: احس  قلبي انقبض  و زادت ... دگاته من سمعت ناوي يخطبها ...(ليش اتفاجئتي شغله واضحه  ومتوقعه سنان ميدور لعب واكيد هالحب ينتهي بالارتباط )
أتنهدت وليش ما وافق
سنان: عنده تحفظ لان غريبه ....
عذراء : نزلت عيني على الگاع فهمت ... جدي فاتح موضوعنا ...
والقريبه اكيد اني ... مثل ما شهد غريبه بنظر جدي
لاضوج ... فتره ويقنع ... ( بداخلي اعرف احبه اكثر من روحي لدرجه ميهون عليه اشوفه مغثوث وقلبه يوجعه ... وادري وجع قلبه اني الي دليته عليه ... المفروض اتحمل حتى هو يرتاح )
سنان: الله كريم ... اني هم  تركته براحته ... ما ردت اغثه اكثر ... ( بداخلي فكرت ماكو غير عذراء اتساعدني.... بس شلون افتح وياها الموضوع اذا جدي عرف هي هم ما تتقبلني غير اخ اكيد يلين والشغله الثانيه اخليها تطلب من شهد اتزورنا وجدي يشوفها بلكت يغير رآيه بس الشغله صعبه
اخاف اجرحها مثل المره السابقه من ردتها تتوسطلي عد شهد
اعرف عدراء متحب تدخل بهيج امور )
سلوان: هم يله نتغدا ونرجع ...
محاسن: يله يبنات حضروا الاكل ...ماطول الكل موجودين ....
هويده: عذراء شكو شو جدو گالب وجهه
عذراء : بعدين احجيلج من نرجع
سلوان : من كعدنا كلنا على السفره ... فتحت موضوع العقد
جدو من رخصتك ... اريد اعقد اسبوع الجاي .. اذا ماعندك مانع
ياسر: ماكو داعي ترجعولي كل واحد يتصرف من راسه
وليد: هم زين ما اتهورت ...وفتحت وموضوعنا اني ومريم ... صرت انت كبش الفداء
سلوان : هو شكو شبي هيج كالب وجهه
وليد:اكو شي صاير بينه وبين سنان ... واحد مغثوث من الثاني ... من نرجع نفتهم شكو
سلوان: هسه شنو ما افتهمت اعقد لا ...اسبوع الجاي ...
قيصر : بابا اكو شي غاثك شنو معنى كلامك المن تقصد بي
ياسر : ما اقصد ... احد .. كملوا غدا دنرجع ... تعبت ...
عذراء : مرت الايام وبدا دوامنا بالجامعه
.... اتأجل عقد سلوان وهويده  لعطله نص السنه لان بهالفتره بقى جدي ... متوتر ومغثوث  .. والبيت داخل انذار .... وزاد التوتر من سمعنا ورا فتره عياط جدي ...
وصل للهول كلنا اتفاجئنا ويا منو
بس نسمع 
(انت موخاطب بت عمك  ... شنو طلعتلي بسالفة تخطب بنيه وياك بالجامعه .... شبيكم كبرتوا اخرفيتوا ... راح أتفقدوني عقلي .... انتو زلم طاح حظ الزلم الي مثلكم)