رواية حكايات من بيت جدي الفصل الرابع والخمسون 54 - بقلم مريم اماسي الليل

#حكايات_من_بيت_جدي
اماسي الليل
الجزء٤٨
سلوان : لك انت شيطانك متدين يم شيطاني
وليد: ههههه هسه فهمت ...
سلوان : فهمت ...عبالي الي ياخذ وحده يحبها يصير ...خير طلعت السالفه كلها متشابهه
وليد: لا النسوان كلها ... نگاگه ... السالفه مابيها زواج حب وزواج تقليدي ... اذا انت بيك حظ تسيطر على حياتك ... تمشي عدل
اذا انت مابيك حظ ... تخرب حياتك ...
التفت سلوان رمقني بنظره ...
هو انت مابيك حظ ... ليش اضوج من الحقيقه ... وضعك ويا هويده انت... السبب الاكبر بي ...
سلوان: البارحه بنات نجاة ... اليوم شو ادافعلهن ... لازم
مريومه مراويتك العين الحمره وجاي ... تصير رجال براسي
وليد: عفت الرجوله الك .... دا اشوف هويده ... من الخوف تطكطك ركباتها ...من تلمحك
سلوان : هههه يويل اني ... اعرفك من تبقى اداهرني ... معناها مدكور ... ومغثوث ... وتريداطلعها براسي
ليش انت مابيك عيوب ... وبسببها تصيرلك مشاكل ويا مريومه
وليد: اني اعترف العيب الي عندي ما اسيطر عليه غضبي ... ومرات امد ايدي عليها ... والله الف مره منبهها متوگف بوجهي ولا تلاسن ... كايللها لج بابا اني بالعصبيه ما ادري بنفسي
ميفيد وياها
ومن اهدأ انغث و اتندم ... واگول هاي اخر مره امد ايدي عليها لازم ابطل .... ولو هسه اهون من قبل ...
اغلب المرات اسيطر على نفسي ...لكن مرات افقد ... اتخبل من تعلي صوتها (رأسا اتخيل نجاة كدامي )
حظي ما طلعني على ابويه ... طلعني على ياسر ... مو بس ويا مريم ... اتندم بسبب العصبيه بهواي امور حتى بشغلي ... وبعدين ابقى ألوم نفسي
سلوان : ليش اني ما ادري بيك مخبل ... متعلم على سوالفك متشوف من بقيت تخربط بالتلفون سديته بوجهك ...
وليد:وياك الشغله تختلف انت اتقبل منك كلشي .... ما أفرقك عن نفسي ... بس ويا الغير ... ما اسيطر
سلوان: يويل شبيك اليوم ... شو صار بيها ما افرقك عن نفسي ... اخاف راح اموت ... يا غراب ... ليش تخليني اتشائم من كلامك ...
وليد: هههههه تدري اني اصلا ما اتذكر شحجيت وياك بالتلفون
سلوان :اني هم ما اتذكر كل الكلام ...انتَ هم عندي ... بمعزه سنان واقرب واحد الي ... اكو امور سنان وامي ميدرون بيها بس انت تدري
يعني مشاكلنااني وهويده محد غيرك يدري بيها سببها تريد احول البيت بأسمها الكل يلوموني ... ومحمليني كل الغلط لان متوقعين ... مشاكلنا بسبب السهر ...
وليد: كل هالسوالف من جوه راس نجاة ... تعرف تأثر على بناتها
يعني اني مريم لو تدري شكد حاجي وياها قبل ما نجي ومحذرها ماتسمع كلام امها
وهاك شوف مصارلنا كم يوم وصلنا سوتلنا مشكله
سلوان : شوف راح أصارحك بشغله ... اني ما ألومك على اي تصرف تصرفه ويا مريم .... لان ادري بيك تحبها وهي نفس الشي ... وتريد تحافظ على حياتك وياها ... وتبعدها عن زن نجاه
السالفه ويا هويده ... تختلف مو لان اني ضعيف ... بس اني اصلا ما مهتم ... وعايفها لنجاة تزن براس هويده بمزاجي ... وبنفس الوقت ميمشي غير الي اني اريده حتى الي هن رايداته من اسوي ... لان اني رايد اسوي ... علاقتنا اني وهويده مابيها الشي الي بعلاقتكم انت ومريم ...
يعني انطيك مثال انت حسيتها انغثت من شافتك طالع وصعدت وراك ... حتى لو حجت شي غثك بس سببه محبه بداخلها تطلع بغيره وعصبيه حريصه عليك ... كزوج ...
بينما اني ... فتت بدلت وطلعت ..... ولا يمها ولا مأثر بيها ...
يعني ما بيوم حسيت عدها غيره عليه .... لو حسيتها قلقه من اتأخر وباقيه تنتظرني ...
هواي امور لو اريد احجيها ... جان عرفت ... (من اگلك مريم متشبه نجاه وهويده .).. كلامي صحيح
بابا مريومه قلبها طيب ... والي بداخلها على لسانها ... ماعدها لف ودوران وخداع ...
لك اني هويده جانت تجيني لحظات احسها تموت عليه... وتخليني احس بتأنيب الضمير  ... من فجأه اتغيرت
اتأخر الگاها تنتظرني
ارجع من الدوام تتلگاني ... تبقى قريبه مني وواگفه على راسي ... اخاف احتاج شي ...
تالي طلعت كل هالامور ممهدات ... فهمتها من فتحت ويايه موضوع تحويل البيت .... ولحد قبل ما تجون بكم يوم ... لان شفت دموعها تنزل ... وگلتلي ما احس وياك بالامان ... خلتني
انقهرعليها ... وقررت احوللها البيت كلت خليها ترتاح ... بس بعدها صارت مشكلتكم ... حسيت جانت مسويتني مضحكه ... تلعب بمشاعري ... تصير زينه ويايه من عدها مصلحه ...يعني تمثل عليه ...
ياسر: منو هذا الولد .... ليش اصلا فاتحتيها بالموضوع ... ليش اني ما كتلج ... مفكر اخلي سنان ياخذها ... بس دا انتظر الوقت المناسب وافاتحه بالموضوع
محاسن: اول ما فاتحني ... وگلي اكو ولد رايد ... عذراء
گتله بيبي ليش تضيع بت عمك منك ... دكتوره وانت وياها متفاهمين وحلوه ... بس هي تفيدك ...
جاوبني ... (((يمه هاي انت عود تحبيها وتريديلها الخير ... تگليلي اخذها ... متفكرين بيها تنظلم ويايه ...
ليش متخلوها تختار شخص هي مقتنعه بي ... ترتاح ويا
يعني جدي اذا جان سبب رفضه ... (للولد الي جان رايدها وتقدملها كم مره ورفضتوا وعندي علم من هويده وامي البنيه جانت موافقه عليه) ... لان مخلي باله
اني اخذها ... گليله اني ما اتزوج ... لاتوگفون قسمتها بسببي .... )))
ياسر: هي شنو گلتلج من فاتحتيها بالموضوع
محاسن: ما قبلت گالت بعدني ادرس .... اريد احصل بعثه و اكمل دكتوراه برا ....
ياسر: خلص ... هي ما رايده ... خلي سنان يرجع للولد ...رد عذراء.... وينتهي الموضوع .
مريم : اكلج ... شنو سمعت ... بيبيتي ... تحجي وياج على ولد متقدملج
عذراء: اي ولد ويايه رايح لسنان ... گايله اريد اتقدم لعذراء
مريم : وانت شنو رديتي
عذراء: اريد اكمل دراستي .... شايله موضوع الزواج من راسي
مريم : والله عرفت ... واعرف السبب الي انت ... توهمين نفسج مو هو
عذراء: يا سبب
مريم : سنان السبب ... عذراء أنت بعدج تحبين سنان ... حتى تمار ... جان مجرد شخص قنعتي قلبج بي ... بس انت حبيتي بحبج لسنان ... يعني الحب الي بقلبج لسنان ... من راح لشهد
بقى الحب وشلتي سنان من راسج ... شفتي بتمار بديل
عذراء: صايره فيلسوفه مريومه .....
كل الي حجيتي ... ما اله صحه ومو سنان السبب ... السبب
لان شفت حظي ما كاعد بهالموضوع ... كلت انتبه لمستقبلي ...
اذا الله كاتبلي اتزواج يجي يوم ... ويسد حلگي ويخليني اوافق ....لكن لليوم ما اجتي القسمه ...
واني هم ... مخليتها على الله ... عندي احساس رب العالمين مخبيلي الاحسن ...
مريم : احتمال ... اطلع غلطانه ... واحتمال شايفه شي انت ما شايفته
عذراء: انت اليوم مأثر عليج ابو خالد ....وأحواله تريدين تلهين نفسج بيه. صرتي تتخيلين امور ما الها اي صحه
مريم : والله انت واخوج ... مينعرفلكم قرار ... عبالي فاهمتكم
طلعت كلشي ما افتهم
عذراء: ههههههه لا اليوم ابو خالد مورم قلبج .... الي خلاج تگلبين حتى عليه .... دا احس روحي حماتج ... الي مطلعه عينج
مريم : ابتسمت ... لا عمي شفايتلي اخوج مثلج ....
انت طالعه نسخه عمي معن .... كلشي بيكم مريح ... وواضحين
الا اخوج ... متعرفين ساعاته ... صعب عذراء ... واني ماعندي حيله ويا..... بسرعة يستفزني ... والأتعس شكد جنت احبه ......ورا ما تزوجنا خلاني احبه اكثر ... حتى من يأذيني اريد احقد عليه ما اكدر
شوفي اليوم مطلع روحي ... بس من طلع الظهر ... رجع جايب كيك من الرباط .... متذكرني (من جنت بسويسرا قبل ما اجي بكم يوم گتله شكد مشتهيه كيك الرباط ... ولفات مطعم الساعه )
عذراء: ابتسمت ... يبطه اسكتي لعد ... هذا هم يجي بالج اشكين بي ... حتى وهو زعلان وياج يفكر بيج .... وين يلحگ يفكر بوحده ثانيه
اذا علة قلبه ماخذه القلب والعقل ...
اني خلي اروح ...... واخذ جركايه ويايه ...هسه ابويه وامي ينتظروا
متجين ويايه .... نكمل قشبه على ابو خالد ببيتنا
مريم : لا خليها باجر امرلكم .... عندي كم شغله لازم اكملها وافوت اسبح ماطول راح تاخذين خالد
والله عليج ... اهلكي باللعب ... حتى بلكت يتعب وينام ...
ما يبقى اخوج يتحجج ويتذمر
عذراء: بعيني ...اكلج اذا ما تعب وبقى سهران ... ابقي يمنا
شوكت مينام أودي انيمه يم امي
واذا شفته ... يريد ينام قبل ما يجي وليد ... اجيبه حتى تنيمي
مريم : لعد انتظر منج تلفون ....
طلعت عذراء.... التهيت بين نظفت وسويت العشا ... بعدها فتت
سبحت ... ما حسيت الا صار الليل ... من شفت عذراء
ما اتصلت يعني جركايه اليوم يبات يمهم ....دخلوا بيبيتي وجدي ينامون ... صعدت ... وبالي ما اخلي يتحمل ... زعل ....
كعدت كدام المرايه .... اخذتني الصفنه ... اتذكرت من جنت بنيه
من عندي دوام جامعه او طلعة اگابل المرايه ... اول ما يخطر على بالي ... شنو اخلي مكياج وشنو اللبس ... حتى الفت انتباهه
وأثير غيرته ... عَلَيه ...
هسه قليل ... اهتم بهالامور ... بالاخص من صار عندي خالد
نسيت نفسي .... وقتي اله ولوليد وطلباتهم ... ...
ابتسمت ... صدك دارت الدنيا ... صارت وگفته كبال المرايه ...
ومن اشوفه يهتم بنفسه زياده ... يثير غيرتي عليه
خلي اجرب ... هالايام ارجع .... ادوخه مثل ما مدوخني ....

من كملت ...
وگفت گبال المرايه ... للحظه شفت مريم القديمه ...الي جان ابو خالد ... يتمنى ... حجايه حلوه منها ... يتمنى يعرف تبادله نفس الحب لو لا ..... الي جانت مسهرته الليالي ...وتسمع اغاني الفروچي جايه من غرفته .... كل كلمه وكل حرف يسمعه ويحس بي منها والها ....
اوف يا وليد .... هسه اني الي اريد اعرف بعدك تحبّني نفس الحب .... بعدني شاغله عقلك وقلبك .... لو من صرت الك ...
مليت وتغيرت المشاعر ... عرفت وحده غيري ... لو بعدك وفِي الي ....
طلعت من صفنتي .... على دكت باب الغرفه
منو
عذراء: اني مريومه .... افتحي ترى خالد ديغفي ....
مريم : فتحت الباب ... دخلت عذراء خلته بفراشه .... التفتت عليه
عذراء: خطيه اليوم ابو خالد.... تروح هيبة زعلته ....يدخل عاكد حاجبه ... بس يشوفج يبدل ههههههههههه
مريم : لعد انت متعرفي لاخوج ...... أهم شي هيبته
عذراء:هههههه شكد خبيثه .... تعرفي مراح يتنازل ... فتعذبي
مريم : هههههههه مو هاي نصيحه اخته ... گلتلي غيضي
عذراء: يا مسكين يا ابو خالد ... مرتك واختك عليك ..... يستاهل
ابو جركايه ...خلي اعصابه تفيده ...
يله تصبحين على خير ....
مريم : وانت من اهله

يتبع تكمله