رواية حكايات من بيت جدي الفصل السابع والخمسون 57 - بقلم مريم اماسي الليل

#حكايات_من_بيت_جدي
اماسي الليل
الجزء٥٠
سلوان : ورا يومين من عيد ميلاد عذراء حددنا ... موعد نروح بي للمزرعة ...
بيوم االي رحنا دخت بسالفه ....
من وصلنا ... نزلنا الغراض ورتبنا الكعده
سألتني هويده ....
هويده : سلوان ..نزلت عربانة رانيا ...لان نعسانه
وكافي گالب وجهك ... ترى مابقى احد ميدري بيناتنا زعل
سلوان : انت هاي مشكلتج احد يدري بينا... مو مهم احنه ... المهم الناس أشوفنا بصوره ما الها علاقه بحقيقتنا... والله من لزمتي ايدي بعيد ميلاد عذراء... گلت بلكت حست بغلطها وتريد تعتذر بس الظاهر...متعرفين شي اسمه اعتذار
هويده : هاي شوكت اني لازمه ايدك بعيد ميلاد عذراء.... وعلى شنو اعتذر ... يعني مشكله سوتها مريم اني شنو علاقتي
سلوان :ما الج علاقه؟؟؟ ... استمري بهالوضع لعد ...
تركتها ورحت اجيب العربانه .... ودماغي يشتغل منو الي لزم ايدي ... اخاف اني متوهم ... مجرد احد طخني ....
لا كف حاوط كف ايدي ... منو جان قريب عليه ... من شغلوا اللاله
بس عذراء وسنان بصفها .... وهاي مستحيل اتسويها ...اشك بنفسي وبعذراء ما اشك ...
ماكو غير هويده ...سوتها وتندمت ... وهسه نكرت ... تعتبرها تنازل.
ها ولك .... وين ماخذ ابنك
وليد: دا اخذه امشي حتى يتعب بلكت ينام ....
سلوان : ولك هذا شكول يتعب وينام دشوفه ... بس يريدك تهده ... حتى يطير ...
مريم : ولودي ...انطينياه خلي اغدي ...
سلوان : خلي اروح ... اجيب عربانه بنتي ...
وليد: هذا ابنج ... مابي امل ينام ... امشي نكعد ... وحدنا
مريم : يله
اخذنا ... لنفس المكان القديم
فرشت حصيره ... كعدنا عليها وليد ... بقى يلعب خالد بالبرتقال
على الحصيره
وليد: مدي رجلج خلي أحط راسي عليها
مريم : مديت رجلي وهو تمدد خلى راسه عليها ... ابتسم عرفت اتذكر شي ولهذا السبب .... جابني لنفس المكان
وليد: مريومه شيذكرج هالمكان
مريم : اتذكر ...كعدنا بي اول مره خطبتني بيها قبل ما نلبس الحلقات ونتخارب
وليد: شنو گتلج تذكرين ...
مريم: گلت هم يجي يوم انام نفس هالنومه .... وب شعرج أغطي وجهي .... وعدنا ولدين وبنيه صح
وليد: صح بس ما اتذكر عدد الاطفال .... بوقتها
وهسه تحقق الي تخيلته بس الفرق ماكو شعر لان محجبه
وخالد كاعد بصفنا مديركض ....والبنيه ألي تخيلتها تشبهج بعدها ما اجتي ...
مريم :ولودي ... خلي نسوي طفل ...حتى منا لحد ما اولد .... خالد كبران
وليد: لا ما اريد ...خالد كافي ( بداخلي اريد طفل لكن خوفي على مريم لا تتكرر معاناة الولاده الاولى ... تخليني اشيل الفكره
من راسي)
سنان: وين صافنه ....
عذراء: ابتسمت سلامتك .... الجماعه بين بيهم الكبر ... بسرعة بطلتوا
سنان: ما بيهم حيل يركضون ورا الطوبه .... وتريدين الصدك
هو اني هم تعبت مو عاد هم ....
عذراء: ابتسمت ... صاير شايب ...جدو عنده لياقه احسن منكم
هويده: سلوان خلي البنات يمك وانتبه لا ريم تگعد اختها
...عذراء.... كومي خلي .... نتمشى
ميثم : گومي خلي اشوفج .... المزرعه
نوران : ارتاح هسه جنت تلعب طوبه ...
سلوان : بيبيتي وأمي وين لعد
هويده : كلهن راحن سويه يتمشن ... ويجيبن حليب
سلوان : روحي... بس حضرتيلها ممه
هويده : لا ... من تكعد صيحني ما راح ابتعد ..
نوران : روحي من تكعد اني اسويلها .....
ميثم : تعالي خالوا يمي ..... ( ريم)
عذراء: يله ...امشي ... اكلج البنيه من گلتلج اني اسويلها ممه .... حتى ما عبرتيها ... ترى حتى اذا اضوجين منها بس لخاطر ميثم ...
هويده : لج اكرهها ما اطيقها ... احسها شيطان بهيئة انسان
مرات اگول ... خلي اجاملها لخاطر.... ميثم بس ما اكدر ...
عذراء: بعد انت اعرف لان محتكه بيها اني البنيه ماشايفه منها شي ...
ميثم : امشي نوران خلي ناخذ ريم ... ونروح يم ... بيبيتي
شوفي العربيات شلون يحلبن البقره ...
نوران: اخذها انت .... مابيه حيل ... واخاف رانيا تكعد حتى انطيها الحليب
سلوان : رفعت ايدي عن وجهي ... يويل دير بالك عليها
ميثم : المفروض بناتك اديرهم بأسمي ...لان مقيمات عدنا
واني حاير بيهن ... وأصرف عليهن ... دورك الأبوي اني ماخذه
سلوان : ابتسمت ... انت كاعد تعيرنا ... من اليوم بعد ماادزهن يمكم
ميثم : هاي اذا كدرت .... ريمه من تحبين بابا لو اني
ريم : انت وبابا
ميثم : لعد روحي يم ابوج .... بعد لتجين يمنا
ريم : انتَ
سلوان : لج ريمه ... مو اني بابا ... روحي بعد ما احبج احب بس رانيا
( اشرتلي بأيدها تقلد خالها ( دروح))
ميثم : ههههههه امشي خالو....
سلوان : رجعت ايدي على وجهي اريد اغفى ... بقينا بس اني ونوران ... وجدي غافي على صفحه وابويه وعمامي گاعدين على الميز يلعبون طاولي ...
نوران : ضجت لان ريم متعلقه بميثم ...
سلوان : رفعت ايدي ... متفاجئ بسؤالها
ابتسمت لا يمعوده .... مابيناتنا هالسوالف
نوران: ماشاء الله انت شخصيتك احلى شخصيه بشباب العائله
سلوان : الله يسلمج ...
نوران : تدري اول مره شوكت شفتك اجينا لبيتكم ... وجنت واگف يم السياره
بيومها سألت اختي عليك ... گلتلي اسمك سلوان وتصيرين ابن عم هويده .... اذكر گتلها انيالها ابن عمها حلو.... مو مثل ولد عمنا
من دخلت بالعائله انت الوحيد بينهم الي احس اعرفه من سنين ....
سلوان : حسيت بالارتباك ما اعرف اجاوبها .... وهي شكلها تريد تسولف ...
احلى واحد بينا بالشكل ميثم ... واحلى شخصيه بينا سنان
بس يمكن انت حكمتي لان متعرفينا
نوران: لا اني احكم ... على الاشخاص بمشاعري
اذا احبهم ... ما اشوف احد افضل منهم ...
سلوان : كعدت رانيا بوكتها ... گمت من مكاني ... طلعتها من العربانه ... وگفت بيها حتى تسكت بين ما نوران ... تسويلها
المميه
اكو شي بداخلي ... مشاعر ما فهمتها بس احس بخوف ...
وارتباك .....للحظات فكرت واني اسولف وياها اعتذر منها واروح لغير مكان ... لكن من شفت بنتي نايمه مكدرت اتركها ...
وخلال...ما اني مشغول بالتفگير صارت كدامي
حسيت وهي تاخذ رانيا لامست ايدها ايدي ... رفعت راسي التقت نظراتنا ...النظره جانت مو عاديه .... معبره قريبه للإغراء
والتلميح
نزلت عيني ... ولا اراديا اخذت بنتي مني ايدها .... وطلبت منها تنطيني ... الممه
اخذتها من ايدها بدون ما ارفع راسي ... شكرا
مشيت برانيا بعيد .... الى ان كملت الحليب .... بقيت ادور على هويده بعيني ...

يتبع من البارحه كاتبته ودا انتظر شغله بس توصلني اكمل البارت بي بعد احداث
ومنها راح ننتقل
للاحداث الاخيره للروايه