#حكايات_من_بيت_جدي
اماسي الليل
الجزء ٤٩
حقوق النشر محفوظه
عذراء: حجيت لامي ... الي اتفقت بي ويا مريم ... وطلعت
لبيت جدي ... فتحلي عمي سعد الباب ... شلونك عمو
سعد : الحمد لله عمو ...
عذراء: دخلت
لگيت جدي وابويه بيبي ... كلهم بالهول ... وليد ماكو
سلمت ....
محاسن : مريومه شو ما اجتي وياج ..
عذراء : راح تبقى يمنا اليوم .... اجيت اخذ غراض جركايه
محاسن: يله تونسوا سويه اليوم ... الحليب بالمطبخ تلگي
عذراء: صعدت للغرفه ... دكيت الباب
ما وليد: فوت
عذراء : فتحت الباب مديت ... راسي شلونك قلبي
وليد: هلو عذوره تعالي ...
عذراء : بس اجيت اخذ غراض جركايه ... راح يبقون يمنا اليوم
مريومه ما الها خلگ ... وامي گلتلها روحي نامي و ابقي يمنا اليوم ... (شفته قلق)
وليد: شبيها .... من طلعت مجان بيها شي
عذراء: ضغطها انخفض ... لايبقى بالك
وليد: دكملي ... حتى نروح سويه .....
عذراء: بقلبي ...لو تبقى ابو خالد .. بالغرفه ... وتخلي البنيه مرتاحه ... من انت هيج قلبك عليها ليش تشلع قلبها )
شفته اخذ ... بطانيه جركايه ... ومخدته ( وساده طفل)
وليد: هاج خلي هاي القطرات بالجنطه ..... راح انتظرج جوه
عذراء: خليتها بالجنطه ... وبداخلي انقهرت عليه ( (باله يم دوا خالد ... لان مرشح ... وقلق على مريومه ... يريد يروح يطمئن عليها ))بس مضيع طيبة قلبه واطباعة الزينه بالعصبيه والعناد
كملت ... نزلت ...
يله ....
معن: يله اني هم ... اروح وياكم .... ليش متجون يمنا تتعشون
محاسن: امشي ياسر ... خلي نروح بليل نرجع
سعد : اني ماعندي شي اجي وياكم ... حتى هم اشوف ... خالد ومريومه
ياسر: يله ... امشوا نتعلل يمهم ... وبليل نرجع ...
عذراء: اخذ وليد ... الجنطه من ايدي ... ورحنا لبيتنا .....
من دخلنا ... شاف مريومه ماموجوده بالهول ... سلم على امي ... والكل ملتهين .. شفته اخذ الغراض وراح الغرفتي ....
عرفت يريد يطمئن على ... مريومه ....
وليد: دخلت لغرفة عذراء.... خليت الغراض ....
لكيت مريم نايمه ... والغرفه بيها بروده ... طلعت
عذوره ... تعالي...
عذراء: نعم ...
وليد: شغلي لمريومه الصوبه الكهربائيه ماطول الكهرباء موجوده
لان الغرفه بارده ... وشوفيها شلون صارت ....
عذراء: شغلة الصوبه ... وعفتها مرتاحه ...
طلعت للهول ... كعدت بصفه .... لا يبقى بالك هسه احسن بس عفتها ترتاح ... قبل العشا اكعدها ..
وليد: لاتسوون عشا عود اني اطلع اجيب كباب ...
بقيت كاعد ويا اهلي ...
شويه واجى سنان .... صارت اللمه حلوه ... انتبهت على ضحكة خالد عمته تلعبه ... ابتسمت ... لان ضحكته تشبه ضحكة امه يا علة قلبي حتى وانت مو بالمكان مخليتلي ... نسخه منج ...
انطينيا ... ( اخذته من عذراء)
خليته بحضني ... دغدغته حتى يضحك ... كزكزت عليه ... بوسته من رگبته ...حتى نبض قلبي اختلف ويا الصوت الي إجى باذني
مريم : مساء الخير ... بوست ابويه وعمي معن ....
كعدت بصف بيبيتي .... التفت عليه وليد...
وليد: مريومه ... هذا شربتي الدوا ...
مريم : لا ... نسيته روح جيبه
... گمت اخذ خالد ... وگف بي ..
وليد:انطيته لعذراء خلته بالجنطه ... تعالي .... اجتي ورايه للغرفه
اول ما دخلت ... وسدت الباب ...
شلون صرتي
مريم : طلگني .... ما اريدك ... وترى مجبوره حجيت وياك كدامهم ... لا عبالك ... اريد اصالحك لو اريد ترجع الامور طبيعيه بيناتنا ... عگد حاجبه ...
وليد: رحت طلعت الدوا من الجنطه ... كعدت وخليت الولد بحضني ... ( ماره هالطباكات عليه سابقا قبل منتزوج )
يله تعالي انطي الدوا
مريم : تقربت ... اخذت الدوا من ايده شربته لخالد ...
شال الولد وطلع بي ... منطاني مجال احجي كلمه ....
بقيت كاعده على الفراش.... ما اريد اطلع واشوفه ...حتى لا افقد ... واخربط بالحجي ياربي ... اني صايره مثله ما اسيطر على عصبيتي ... وهم احجي الحجايه واتندم ....
ميثم : ها تونستي
نوران : اي والله تونست ... أذكرت عرسنا ...وذكرت سوالف امك بالعرس ......
ميثم : اها ... احنه منكدر ... اذا ماكو مغثه ... انت صايره عندج عاده ... ممتحملين نبقى مرتاحين ومابيناتنا زعل ومشاكل ... فهميني ... لشوكت نخلص من موضوع امك وفلان وعلان ترى بزعتيني
نوران : انت متتحمل حجايه مني ... عبالك متبليه على احد من احجي ... ها انت بس من يمي ... متخليني افتح حلگي ومن يم الغير ... تبقى تسمع ...
ميثم : كافي سدي الموضوع ...ما اريد اسمع كلمه ...
هو مو صوجج صوجي اني ...
نوران : بقيت ساكته الى ان دخلنا لكراج البيت ... نزلت صار سلوان بوجهي ...
سلوان : هلو
نوران : هلو سلوان ...
ميثم : ها ولك وين رايح
سلوان : جاي عليك لان ابو خالد دك عليه گلي جيب ميثم وتعالوا ملتمين ببيت عمي معن ... نتعشا سويه
متجي
ميثم : لا يله خلي نروح شكو عدنا ... نتونس على اللمه ...
نوران : شو مدتمرون ... صار كم يوم
سلوان : والله عندي شغل ... مدا اللحگ...
نوران : والله مكانكم خالي ...
سلوان : الله يسلمج .... ( بداخلي اكو تحفظ من نوران ... مااعرف سببه مني منها )
مريم : ورا اكثر من ربع ساعة ... گمت اسمع اصوات عاليه ضحك وسوالف ... طلعت
لگيت سلوان وميثم( بحضنه خالد ) ويا الولد ... ونوران يم عذراء وبيبيتي .... دخلت سلمت وكعدت وياهم ..
نوران : شلونج مريومه ... شو ما بينتي بعد
مريم : الحمد لله ...
ملتهيه بأبني مريض ... بيت عمي اليوم يله أجيتهم ... شكلكم جنتوا طالعين
نوران : اي والله معزومين بعرس.... ومن دخلنا صادفنا سلوان
اجينا ويا ...
محاسن : يبنات هم يله تبدون تحضرون العشا ....
سعاد: لا عمه ولودي راح .... يطلع يجيب كباب ...
مريم : بقينا كاعدين ... والولد ... حددوا يوم نروح بي للمزرعه
وليد... اجله گلهم عندي التزامات هالايام ....
اللمه جانت حلوه ... بالاخص منظر الولد ... والكبار وجدي وبيبيتي.... وسوالفهم وضحكهم ... ومداهرهم
لكن كل هذا ما كنت حاسه بي ... دماغي بي الف حسبه ...
كل الي خطر على بالي بلحظتها أعاقبه واتجاهله ... واتبع ويا نفس اسلوب ليلة البارحه واصير مثل هويده اهتم بنفسي ... وطز بالدنيا )
بعد هاليوم ... بطل يحجي ويايه اي كلمه ... الا اذا انجبر كدام احد ...
مرت اكثر من عشر ايام ...ومشكلتنا زادت لان حسيت الي جنت اشك بي حقيقي ... طلعاته المستمرة لأوقات طويله ...
وتلفونات تالي الليل ... مرتاح على نومته بالهول ... شكد اهتم بنفسي وبملابسي ... لكن وصل مرحله ... ميشوفني ..كأنه ماموجوده كدامه
بالاول جنت حاقده عليه ... حاولت اصير مثل هويده وكلت بعد ما اهتم غير لنفسي وادعيت كدامه الا اباليه ... وبديت احسسه مامهتمه اله ولا لطلعاته ولا لتلفوناته ...
هو كان رد فعله بأول ايام العصبيه .... بعدها صار هادئ وطبيعي ... ما يتواجد الا قليل بالبيت شغلتنا صارت مثل الهجر ... وصلت مرحله احس نفسي تعبت وكرهت هالوضع ...
كرهت التمثيل وكرهت اشوف حياتنا مفككه ... (جنت اعد الايام حتى تخلص الاجازه ونرجع ... لسويسرا بلكت مشكلتنا تنحل)
يوم عيد ميلاد عذراء....
العصر جان البيت فارغ ... وليد طالع من الظهر وجدي وبيبيتي ... طلعوا لبيت جدو فريد ... وابني ... يم عمته
من الكأبه ... صعدت ... طلعت ملابسي القديمه قبل ما اتزوج واتحجب ... كعدت اتفرج عليهن واكدر الي يعجبني .. إجى گبالي نفنوف المهر ... اتذكرت بيومها
ورا ما خلصت حفلة العقد د خل هو والولد وعمامي ... گلي روحي غيري ... مقبل ابقى بي كدامهم ...
لبسته طلعت البوم المهر ونزلت .... لهول ... بقيت اتفرج الصور ... شريط وأنعاد كدامي ... سديت الالبوم
فتحت التلفزيون اتفرج .... اخذني الوقت ...الى ان اندكت الباب
فتحت البرده شويه
بيبي وجدو .... فتحت الباب ...هلو
ياسر: جدو ... جيبيلي كلاص مي ....
مريم : رحت للمطبخ جبت مي ووديته لجدي ... لغرفته
طلعت ...صاحتني بيبيتي رحتلها بالهول كاعده
محاسن: اي هيج اريدج يوميه عروس ... من الصبح لليل ...مو تخبلي بليل وتخلي يحس السالفه مقصوده .... يعاند بالزايد ...
بيبي هذا هو وجده ... ميحبون احد يتحداهم ... لان يوصلون مرحله يقسون ... اهم شي ما يحس بنفسه ضعيف ترى هو يبين ما مهتم
بس هو بالحقيقه ....بداخله متأذي من الوضع ويريدج ... بس ينتظر اي تنازل بسيط منج ... حتى ترجع الامور طبيعيه ...
وانت هم اظاهر وارثه مني گوة الراس ... مشكلتكم تزيد ما تنقص .... اسمعي كلامي اني افهم منج ... وماره بنفس
هالمشاكل ... تدرين هذا ليش تخبل عليج ... لان قهرتي من گلتيله بعد ما اريدك ...ومتهمني حتى لو اشوفك ويا وحده
لو تزوج .... بيبي الرجال مثل الطفل كل شويه بحال ... تغارين عليه يتذمر .. ويحسج خانگته .... تهملي ويحس قلبج مو ويا( متحبي) ومتغارين عليه ... ينقهر ويقسى عليج كل واحد
اله طبع ... انت الي عندج مثل جده يريدج اله وحده ... هو من ابنه يغار ... وبعد انت قيسي شلون متعلق بيج ...
انت اعتبري نفسج عندج اطفال اثنين ... اعرفي شلون تتعاملين وياهم ...
مريم : بيبي والله حتى بوجهي ... ميباوع
محاسن: لا بيبي يباوع ... بس من انت ما منتبهه .... وجذاب ما عنده وحده هذا يريد يثير غيرتج عليه ... هالسوالف كلها ماره عليه ...لاتنقهرين ولا تغثين نفسج
انت هم اخذي حقج منه ... وعاتبي من تصالحون ...اني اگلج لا تسكتيله ... وحتى على طبته وطلعته هم اسألي ....
مريم : ان شاء الله ....
للمغرب ... دخلت للمطبخ ..بديت احضر شغلات لعيد ميلاد عذراء..... فزيت من دخل وخلى الكيكه على الميز ...
وليد: اصعدي ... لبسي دشداشه فوك ملابسج سلوان يمنا
مريم : هسه اصعد ... اغيره .... نظراته حيرتني ما عرفت أفسرها عتاب ....يريد نتصالح ... بس فهمت عجبه النفنوف ... من گلي
وليد: لا تغيري ...سدي باب المطبخ عليج ... اخاف يروح لحمام
مريم : بداخلي فرحت احس ردتلي الروح ....
طلع وسد الباب .... الى ان راح سلوان .... رجع فتحه ...
وليد: طلع سلوان ... اخذي راحتج .... محتاجين شي اطلع اجيبه
مريم : سلامتك ما محتاجين شي .... ( ابتسم ) بس عينك على خالد بين ما اكمل
وليد: جنت متفق ... وياهم على ال١١ نلتم ... اتصلت وسنان وميثم ... على التسعه ونص يلتمون ... يمنا ...
رجعت انطيتها خبر ...
رتبي امورج ب٩:٣٠ يجون ...
سلوان : ب٩.٣٠ نروح ....
هويده : همزين ... طلعت سالفه خلتك تحجي ويايه ... اني كلت نسيت عندك مره
سلوان : خلينا هيج افضل .... احنه منتراهم من نكون قريبين ..
هويده : يعني شنو خلي افتهم ...
سلوان : يعني ... الي يربطنا ... بس البنات ... وصلت مرحله
بعد ما اريد اوهم نفسي ... بأمور ما الها صحه ... صرتي مكشوفه الي ...
( بسطت كف ايدي) يعني من تريدين شي بعد ميحتاج تلفين ودورين ... رأسا اطلبي لان حفظت الاسلوب والتصرفات
هويده : انت الي لفيت ودرت ... من الاول مقرر متحوله ... وعدتني ...وضحكت عليه ...
اني هم ... وصلت مرحله فهمت ... اني وياك ما يربطنا شي غير البنات ...
خلص خلينا هيج افضل ...
سلوان : نزلت بقيت انتظرها من شفتها تأخرت ... طلعت رحت لبيت جدي ...
لكيت الكل موجودين ....
ميثم : هذا الاجتماع جنت محروم منه ... لان اصغر منهم وعندي مدرسه ... يخلوني انام ويسووا ب١٢ يلتمون كلهم بالهول الفوگ
ويحتفلون ...
من صرت بالاعداديه ... يله حسبوني منهم ....
نوران : ههههه ليش حبيبي ... مضطهد
وليد: عمي جذاب .... هو جان عايش بعالم وحده ويا الطيارات
ومرافق سنان ... جان يكرهنا اني وسلوان من صغير ...
ميثم: شو ساكت ابو السوس ...
سلوان : والله تعبان .... لو ما عذوره عزيزه جان هسه لگيتني
بسابع نومه
هويده: مساء الخير ....
ميثم : وين رانيا ليش مجبتيها وياج
هويده : بقيتها يم عمه تنيمها .... باجر عود ادزلكياها ....
طلعت رحت يم البنات بالمطبخ ....
هلو ...
مريم وعذراء: هلو ... شو تأخرتي
هويده : نيمت ريم ... وخليت رانيا يم عمتي تنيمها واجيت
بيبي وين
عذراء: هي وجدو يمنا بالبيت ....
هويده : عمي انتو واسطه جدو بس يجي يمكم .... شو احنه تنعد على الاصابع جيته يمنا ....حتى اهلي هم قليل يروحلهم
مريم : جدي يرتاح للكعده ويا عمي معن .... ثانيا عمي معن متواجد من ورا الظهر بالبيت
ابويه وعمي قيصر ما متواجدين ....
عذراء: يله اني راح انقل الاكل على الميز .... امشي ساعديني ...
مريم : هويده طلعي الكيك انتِ
هويده : شو كيكتين هالسنه ....والله عمي ابو خالد خوش اخ
مريم : لا وحده جابها وليد والثانيه سنان ...
هويده : اها ... سنان مو كأنه صاير رومانسي ويا عذوره
اخاف قلبه دگ مره ثانيه
عذراء: منو الي قلبه دگ مره ثانيه ....
هويده : صاحب الكيكه الثانيه
عذراء: ليش جايبين كيكتين
هويده :اي والله يا عذوره وحده من اخوج والثانيه من حبيب الصبى
عذراء: يبو انت ومريم ... هالايام المشاكل مأثره عليكم .... عدكم نقص عاطفي ... اي تصرف لطيف تفسروا ... حب ودكات قلب
هو سنان عاطفي من قبل ... ويعتبرني اخته ... لذلك مَينسى
عيد ميلادي ....
مريم : زين انت ليش تحجين بأنفعال... وخدودج تحمر ...
معناها تخفين شي .... وتريدين تبينين شي ثاني ....
(وهو حبيبي وهو نصيبي وهو عنيه وكل حبايبي ...هههههه
عذراء: ابتسمت ....لا حول الله ... انت حيري بأسمر يسمراني
عوفج مني ...
مريم : اوف من الأسمر ... مورم قلبي ...
هويده : هاي بعدكم .... متتحاجون ... مغزر بي ... كل هالاكل الي مسويته علمود عيد ميلاد اخته... ( عذراء ضربتني على كتفي)هههههه
مريم : يعرف اني مسويته لخاطر عذوره مو لخاطره
عذراء: ولج مريومه معليج بيها هاي اليوم جايه ... تخبث علينا
هويده : اي والله ضايجه ... اريد اضحك ... لا والله ابو خالد ورده ...
مريم : امشوا كملوا مو وكت سوالف
عذراء: التمينا كلنا ... على يميني وليد... ويساري مريم وجركايه
بداخلي تمنيت امنيه ....
وليد: كل عام وانت بخير حبيبتي ...
عذراء: اخذت الهديه ...شكد فرحت بيها ... لان بداخل المداليه صورتنا اني ووليد بحفلة التخرج اتذكرت بيومها ... لان شاف دموعي تنزل فرحانه بي ... صاحني ناخذ الصوره ... ومن وگفت بصفه بقى يشاقيني ... حتى اضحك
طفت الكهرباء ....
وليد: مريومه ... شغلي اللاله ... والفانوس ...
سلوان : وين الجداحه الي هسه شغلتوا بيها الشموع
حسيت احد لزم ايدي .... وتركها بسرعة ...
بقلبي.... هسه يله بديتي تحسين ....
مريم :هسه اجيبها بس احد يلزم خالد ...
وليد: جيبي
عذراء: على ضوه اللاله .... التفتت على صوت سنان واگف ورايه
والكل ملتهين ...
سنان: عذوره كل عام وانت بخير
عذراء: وانت بخير ... اخذت الهديه من ايده ... فتحتها سلسله ومداليه ايه الكرسي .... بداخلي احجي ويا نفسي بكلام وأمنيات ... من ضمنها الله لايحرمني ... من وجوده بحياتي ...
تعلقي بسنان ... تعلق روح ... مثل التوآم ... ما اله علاقه بالمشاعر وشنو نوعها اخويه او حب ... بالحالتين احس بالاكتفاء
كملت حفلتنا ... بتهاني ودعوات ... لكن اكثر دعوه ... دخلت قلبي دعوة مريم .... ( الله يحققلج كل الي يتمنى قلبج )
مريم : ساعدوني البنات قبل ما يروحون ... بعدها رحت للهول
اخذ خالد واصعد ....
انطيني إياه اريد انيمه ....
وليد: بوسته ...يبطوط عقلت ...ترى ورمت قلبي من وكاحتك
مريم: فهمت السالفه احاجيج يا بنتي واسمعج ياچنتي....
اخذت خالد ... وصعدت
ورا اكثر من نص ساعة صعد .... دخل
شافني مخليه خالد على.... رجلي اهزه ...
نيمة وخليته بفراشه .... اخذت المنشفه ورحت للحمام
مريت من يم وليد متمدد على القنفه ومغطي راسه ... ويتمضحك
متحملت بعد ... جريت البطانيه من وجهه ... حسيته ارتبك
ويا منو ... دتحجي ... (بعصبيه )
سد السماعه ... مبتسم ...
وليد: وانت شعليج ... گلتيلي بعد متهمني ....ولو اشوفك ويا وحده ما اهتم ...شكو دتسألين
مريم : لا مو بكيفك ... هسه اريد اعرف ويا منو ...جنت تضحك
وليد: ويا حبيبتي ....اليوم التهيت عنها علمود عيد ميلاد عذراء ما لحگت احجي وياها ... مشتاقتلي لان تعلمت عليه
يوميه أگابلها من الظهر لليل ...
مريم : يعني ... تعرفها عليه من زمان ... ( نزلت دموعي )
وكل هالسنين تضحك عليه....
وليد: اي والله احبها واعرفها قبل ما الله يخلقج .... وحبيتها
قبلج ...
مريم : يعني ذاك اليوم جنت وياها من اجيت مغير ... ملابسك
يعني جنت تمشي بدرب الحرام وتضحك عليه تگلي اخاف الله
وليد: اي والله جنت وياها ... اخذتني للحمام ... بيومها رجعت مرتاح .
اني رجال ... احب الحلال ما امشي بدرب يغضب الله
مريم : لطمت على خدي ... (احس قلبي راح يوگف) يعني شنو متزوجها عليه ... والله فلا ابقى وياك دقيقه ...
رحت اخذ ابني من فراشه ... حسيت إجى ورايه
حضني وچتف ايديه بأيده .... عوفني
وليد: اسكتي داكذب ....لايگعد الولد .... تعالي ...
... والله مامتزوج....المقصود بالكلام سلوان ...
مريم : وخر لاتكذب ... بعد متضحك عليه
وليد: وداعتج ... مو گتلج اعرفه واحبه قبل ما الله يخلقج
... هسه ادك عليه وتأكدي .....
مريم : گول والله .... لفني عليه بقت دموعي تنزل وراسي بصدره
وليد: والله .... ماعندي وحده
وتدرين بيه ما اتقرب للحرام .... بس اذا تسمعين كلام امج ... ويوميه كاضيها مشاكل من وراها ....اتزوج اني تعبت من مشاكلها وتعبت من الحجي وياج قبل لا نجي محذرج ....
مريم : حتى ما أقتلك....
صوجك انت ليش ... تضم عليه ...
وليد: لان سلوان منبهني حتى الج ما احجي ... ولو ادري بي مسولف لهويده جان گتلج ...
انتِ شلون تگليلي بعد ما اريدك ....ومتهمني حتى لو اشوفك ويا وحده وراها تگليلي طلگني ... شوكت تعقلين مريمتي
مريم : جنت عصبيه ... وفاير دمي منك ... بالاخص بيوم الي شفتك سابح ومغير ملابسك ... قلبي راد يوگف ...طلعت مني كلمة
طلگني ... بدون وعي ...لان وصلتي مرحله فقدتني اعصابي
وليد: لعد بس انتِ يوميه مفقدتني اعصابي .... ابتسمت
يعني يوم الي رحتي بتي يم اهلي ... عبالج جنت ويا وحده
هاي اني حظي وياج قليل ....من يوم يومج ظالمتني ...
مريم : رفعت راسي ...احلف على القرآن ... متعرف وحده
وليد: مسحت دموعها )جيبي احلفلج عليه حتى ترتاحين .... وتعالي اكعدي بصفي ... واسمعي
راح اتصل على سلوان
الو
سلوان : ها يويل ... صادتك مريومه
وليد: لا ...شوكت نروح للحمام مره لخ
سلوان : قبل متسافر عود نروح ... ان شاء الله
مريم : اذني ... بالسماعه سمعت كلام سلوان ارتاحيت ...
ابتسمت ... رجعلي الابتسامه ...
همس بأذني ...
وليد: تأكدتي
مريم : هزيت راسي .. ( معنى نعم )
وليد: ان شاء الله أگلك ... راح انام ... باجر اشوفك ان شاء الله
سلوان : ان شاء الله ...يغراب ردتلك الروح من صوتك ...
مبين تصالحت
وليد: هههههه لك والله بس انت بهالدنيا فاهمني ...
سلوان : سلملي على مريومه ....
وليد: الله يسلمك ... يوصل
مريم : من سد الخط .... ميحتاج تحلف صدكت
وليد: خلي احلف حتى ... يرتاح قلبج وتبطلين .... شك
مريم : مصدكتك والله.... بس انت لاتضم عليه....احجيلي... لاتخلي الشك يدخل قلبي .... والله ما احجي سرك لاحد ...
تدري بيه ....اغار عليك ... وما اتحمل فكره متحبني لو دور ورايه
وليد: لج بابا ... ما اكدر احب وحده غيرج .... (ضربتها على خدها )انتِ منو
مريم : آخ..... هههه عله قلبك ....
وليد: بعد شكو تدرين بروحج عله قلبي .... هذا مال المهر
مريم : اتفاجئت بعده يذكره ...
اي هو .... زين بعدك تذكره
وليد: خليت ايدي على خدها .... ماطول شي يخصج ما انسى
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!