رواية حكايات من بيت جدي الفصل السادس عشر 16 - بقلم مريم اماسي الليل

#حكايات_من_بيت_جدي
الجزء السادس عشر
اماسي الليل
سنان: فكرت اروح يم جدي وعذراء وشهد
من كعدت يمهم عذراء سوت حركه فهمتها
عذراء: شهد هسه اكتمل مثلث لقاء العمالقه جدو وسنان واني
هذا لقب كعدتنا تدرين سنان اقربلي من اخويه وليد كلهم اخوتي بس هو الاخ التؤام شتكول جدو ( شفته حجاها مجامله )
ياسر: اي صح .
سنان: وانتِ اعز اخت بين ال٣ تذكرين بالابتدائية يسألونا انتو
اخوه لان دائما هي ويايه بالفرصه ومرات هويده هم
عذراء: ( يكفيني محتفظ بذكرياتنا ويكن الي مشاعر حب حتى لو اخويه لكن كشخص مهم )
جاوبته اي اتذكر اني هم جنت اهدد الي يضربني اگلهم ترى اصيحلكم اخويه الجبير .
شهد: اني اتذكر جنتي تحجيلي عن علاقتكم جنت اگلج نيالكم شكد حلوه اخوتكم كعدتكم بيت واحد احلى شي الله يديمها عليكم .
ياسر : ان شاء الله يله اخذو راحتكم اني اروح  اكعد ويا الجماعه
سنان: براحتك جدو ابتسمت لعذراء وجودها ويانا خلاني
اكدر ابقى ويا شهد صح ما اكدر اخذ راحتي بالكلام بس نظراتها تكفيني .
مجرد اصفن بوجها وضحكتها وخجلها انسى العالم
اول مره احب لكن جان حب بجرعات عاليه من اوله ويوم ورا يوم يكبر
محسيت الاوليد فوك راسنا .
وليد: عذوره بس رايدج
عذراء : شهد شويه واجيج .
شهد: براحتج راح اروح اكعد يم ماما
سنان : ابتسمت ليش الكعده ويايه ممله
شهد: لا والله مو قصدي بس محلوه نكعد سوا كدام اهلك وامي ،تدري احب الكعده وياك
سنان: حبيبتي طالعه حلوه ...
شهد: ابتسمت انت هم اليوم شكلك احلى بالقاط
يله اروح اكعد يم امي
سنان: براحتج بس عينج خليها يمي
شهد : استغربت اليوم متغير ، سنان اليوم القاط مأثر عليك
سنان : ابتسمت مو كل شويه اسرح انت العروس واني العريس
حضري نفسج قريبا اخطبج
شهد: ان شاء الله ...
عذراء: ها ولودي
وليد: عذوره اصعدي شوفي مريومه
عذراء: ابتسمت منو ( حس على نفسه گلي مريومه واستفزته أبتسامتي )
وليد: شوفي مريم خليها تنزل من صعدت لگيتها تبچي
عذراء: اتمنيت عندي ميانه ويا بهالموضوع  واكدر احجي ويا على  مريم لكن هو ميحب يشاركني هالامور تحركت ورجعت وكفت كدامه
مكدرت اسكت ترى تبچي مقهوره من سمعت بيك راح تخطب
وليد: عذوره هالامور لدوخين نفسج بيها اكو امور انت متعرفيها روحي اصعديلها بس بداعت امي لتگليها اني دزيتج
عذراء : ماشي صعدت لگيتها دتغسل وعيونها مورمه 
ها مريومه شبيج قلبي
مريم : ما ادري عذراء من شفته متحملت مدا اتحمل فكره الي بيناتنا انتهى ..
عذراء: مريومه انت صوجج متعرفين تصرفين ويا اني ما اعرف
الي صار بينكم گلتيلي مشكله بس اكيد شي چبير متحمله منج اخويه واعرفه قلبه طيب بس عصبي اتحملي لخاطري ،امشي يله خلي ننزل هسه ينتبهون انت ماكو
مريم : لا مينتبهون انت على شنو صعدتي
عذراء: صعدت ادورج شفتج ماكو تعالي اكعدي ويا هويده و بنات خالتج بالصاله لو ويانه اني وشهد وسنان بالحديقه البيت مليان خلي كحل ومسكاره حتى اذا احد سألج گولي عيني تأذيني من المكياج
مريم : نزلت بقيت بالصاله ويا بنات خالتي وهويده مشغلين
اغاني يركصون وحدهم سلوان طالع للحديقه ردت الهي نفسي بأي شي حاولت اشاركهم على  كد لزمت ايد هويده شويه وركصت وياها وراها طلعت للحديقه عيوني راحت لعنده والتقت نظراتنا لو هو اصلا عينه لمحتني من بعيد ما اعرف شلون اتصرف رحت كعدت ويا عذراء وشهد
لكن دماغي مو ويا احد ولا ادري شديحجون  حسيت بملل اترقب الناس تروح حتى اصعد انام صار عندي صداع ورشحت جان الجو كاسر بي برده
متحملت البرد رحت لبيبيتي ،
بيبي اذا متحتاجوني راح اصعد لان عندي صداع اريد اخذ دوا وانام شكلي راح اصير فلاونزا .
محاسن: روحي بيبي البنات موجودات اذا نحتاج شي .
مريم : صعدت ومن دا افتح باب غرفتنا التفتت على باب غرفته  دخلتها وسديت الباب اريد ادور على شي يثبت كلامه صح من گلي عندي علاقه بلارا ملكيت شي غير الصور وكلها عاديه صار عندي احساس اريد اخبث واضوجه مثل ما غثني بالكلام لهسه راسي يوجعني شفت باكيت الجگاير مالته بالاول ردت اكسرهن بس خفت اسوي شي ويأذيني وهو نار اخذته ويايه للغرفه خلي اليوم يدور عليه اخذته وطلعت
دخلتلغرفتي  فتحت كنتوري ضميته بين ملابسي بدلت وتمددت على فراشي ثواني بدا يقل الضوه بعيني من التعب والنعاس ،كعدت ثاني يوم الصبح من وكت التفتت البنات نايمات شفت الساعة ٨.٣٠أتذكرت البارحه فاتتني هواي امور  ما عرفت من صعد دور الباكيت لو لا نزلت كلهم نايمين دخلت للمطبخ خدرت الجاي بين متكعد بيبيتي وهي تبدي تحضر الباقي .
وليد: شنو الاخبار البارحه جدو ما گلك شي .
سنان : لا والله خلاها سكته واني هم ما سألته كلت خلي تمر كم يوم وافاتحه بالموضوع .
وليد: لك بابا حاره بحاره ماطول البارحه شافها وحجى وياها اكيد اخذ فكره من تمر ايام وتروح تحجي ويا يكون نسى ويبقى على موقفه .
سنان: والله حجايتك صحيحه يمكن لعد العصر اليوم ارجع افتح ويا الموضوع .
ميثم : هم زين حجيتوا حتى اطلع من البيت عاد هو شافكم كبرتوا يبقى يطلع اعصابه عليه .
وليد: يويل صاير شطولك الي يشوفك يگول بكدي هم عندك امور عاطفيه
ميثم : ابتسمت اني عواطفي ويا الطيارات  وشلون اجمع فلوس .
وليد: والله تفتهم انت يصير براسك خير التفت لدروسك لدوخ راسك بالحب وسوالفه .
ميثم : لا عمي يا حب اريد اتعلم سياقه .
وليد: اني اعلمك بس شسوي بيها هسه وانت ميحقلك حتى اطلع رخصه حاليا .
ميثم : اتعلم اطلع بيها بالمنطقه منا لحد  ما احصل اجازه السوق .
سنان: ميثم بعد وراك سنتين يله تستحق الرخصه على شنو  مستعجل سنه الخ عود اتعلم لا يصير بيك قدر لا سامح الله اترك هالسالفه.
وليد: صح كلام  سنان اني اعلمك بس متطلع بيها وحدك اني وياك .
ميثم : اي عادي المهم تصير عندي ممارسه
سنان: امشوا ندخل صارت بارده .
وليد: ادخل انت .
مريم : دخل سنان من باب المطبخ فزيت .
سنان: صباح الخير شبيج فزيتي .
مريم : صباح النور ما ادري بيك برا عبالي الكل نايمين .
سنان: لا وليد وميثم هم برا بالحديقه .
مريم : ليش الجو دافي برا .
سنان: لا والله بارد متحملت البرد ودخلت مريومه سويلنا بيض وطماطه نتريك اربعتنا سوا لان الجماعه سالفتهم مطوله كلهم تعبانين من ورا حفله البارحه
مريم :  صار ، كملت الاكل ورحت لسنان للهول، يله صبيت الاكل
وليد: دخلت للمطبخ جانت اتصب بالچاي ارتباكها وحركاتها هاي اني اعرفها بالاول اتوقعت من ورا موضوعنا بس من كعدت وركزت بوضعها طخت عندي هذا الارتباك من تسوي مكسوره
شكيت بيها هي داخله لغرفتي والباكيت عدها لان ولا واحد من الولد يدخن غيري والباكيت دائما على الميز ما انزله ويايه لان ما ادخن كدام الكبار وين اختفى حتى بالسياره دورته واخر مره دخنت  بيها ورا ما رزلتها بغرفتي بعدها  نزلت، ابتسمت هي ماكو غيرها بعدها تكابر متوقعه الشغله زعلة مثل كل مره
كعدت بصف ميثم  تخاف توجه نظرها باتجاهي بقيت اباوع عليها ما مديت ايدي على الاكل اريدها تنتبه مدا اكل وتفتهم لان هي مسويته
سنان: شو مدتاكل .
وليد: رفعت نظرها بأتجاهي ، ما اريد انتظرهم من يكعدون اتريك ويا الكل
بقيت كاعد انتظر نبقى وحدنا مصارت فرصه  تركت السالفه  للصدفه
ورا ما التمينا وخلصنا ريوك شفتها صعدت صعدت وراها
قبل متوصل لغرفتهم ناديت عليها  تعالي .
مريم : نعم دخل غرفته رحت ورا لگيته واگف عاكد حاجبه .
وليد: ليش داخله غرفتي
مريم : مداخلتها
وليد: شوفي ترى اني حافظج راح انزل اصعد الكى الباكيت بمكانه واياج تنكرين ترى واصل حدها وياج لهنا  يرجع بنفس مكانه فاهمه  والغرفه من تطلعين متعتبيها بعد  اخاف متصوره الشغله مثل كل مره لا غلطانه انتهت انت حاليا فقط بت عمي ومجبورين نتعامل على هالاساس لان كاعدين بنفس البيت ولخاطر اهلنا لازم نسوي الموضوع طبيعي ومجبور اشوفج كدامي ودا اعود نفسي على هالشي .
مريم : متأكد هالكلام طالع من قلبك
وليد: لا مطالع من قلبي لان تعرفين الي بقلبي بس قلبي مات هسه راح اتصرف وياج بعقلي ما النا خط رجعه افتهمي واتوقعي شوكت ما احصل موافقه جدي راح اخطب اتهيئي لهذا اليوم .
مريم : خلص فهمت ميحتاج تعيد بس لليوم اگلك الي سمعته مو حقيقي يمكن اتأخرت يله فهمته بس حتى اريحك ولتصور بيوم ضحكت عليك اني حبيتك وراح ابقى احبك حتى لو ماكو نصيب ،انتبهت ما تأثر بقى على وضعه تركته ورجعت لغرفتي اخذت الباكيت ورحت ارجعه لگيته مو بالغرفه ،خليته بمكانه وطلعت بقيت اغلب اليوم بغرفتي ورا الظهر شفته على الغدا متجاهلني كأني مو موجوده ، خلال الكعده وامي طلبت من ابويه ياخذها لبيت جدي  ،ولان اعرف بي  من اروح يضوج من ورا  ولد  خوالي  التفتت على امي اني هم  اروح وياكم ،شفته رفع وجهه خزرني ما اهتميت له مثل ميضوجني اضوجه .
ميثم : اني هم اروح وياكم .
سلوان : اني وهويده هم راح نطلععذوره  تجين ويانا.
عذراء: لا عيني اخذو راحتكم اني اليوم اطلع ويا جدو وبيبي متفقين نروح لبت جدو فريد
سنان: ليش راح تطلع جدوا
ياسر: اي رايد شي
سنان: ابتسمت عبالي  نكعد نسولف .
ياسر :من ارجع ان شاء الله .
وليد: لعد اجي وياكم اني اوصلكم .
ياسر: لا اني اخذهم ميحتاج .
وليد: بقلبي بعدك قافل عليه عبالك هالسوالف تمشي ويايه .
مريم: للعصر صعدت بدلت خلص بعد ما امشي بكلامه هو اختار
اهتميت بنفسي كأنه رايحه لحفله اريد اغيضه دصبرلي فلا اخليك ترتاح
نزلت لگيته بالهول متمدد كصني من فوك ليجوه
ميثم : هاي شكو وين رايحين امشي بدلي هالتنوره
مريم : شفت وليد ابتسم ،شبيها تنورتي ما ابدلها .
ميثم : ماتروحين لعد  اذا متبدليها ومنا وغاد من اكلج شغله نفذيها بدون مجادل فهمتي واغسلي وجهج مارايحين  حفله .
وليد: ابتسمت لجدي بنظره ..
مريم : جدي خزرني لاول مره يسويها .
ياسر: اسمعي كلمة اخوج مو معناها اصغر منج ماتحترمي هشي ممقبول سوي الي گلج عليه .
مريم : صار صعدت كارهه البيت كله غيرت ملابسي وغسلت وجهي وشلت شعري ذيل حصان نزلت
بعدها الابتسامه على وجهه يستفزني بيها شكد مكروه لخاطر الله خلي يخطب اخلص منه .
سلوان : هويده اكويلي القميص خليته على باب الكنتور
ويله بدلي حتى نطلع
هويده : صار هسه صاعده بس دخلت للغرفه دخل سلوان ورايه التفتت ها قلبي رايد شي ابتسم
سلوان :ليش منبقى بالبيت ماطول راح يطلعون .
هويده: بكيفك اول مره يمشي اصابعه بشعري ويمشي ابهامه على شفايفي ارتبكت من حسيت بأنفاسه على بشرتي
حسيت كلشي بيه ملك لهذا الانسان احلى شعور لمن البنيه تختبر هالمشاعر ويا انسان بالحلال جنت احس بتصرفاته ويايه بيها تقدير حتى لمساته جانت هادئه وبيها كم من الحب احلى كلام همسه بأذني
سلوان : تدرين اخاف عليج حتى من نفسي اريد تبقين نقيه وبريئه مثل ما انت اكثر شي احبه بيج الحياء  والرزانه
هويده : سلوان عفيه اطلع  ليروح احد يجي عيب يشوفنا وحدنا  ( ابتسم )
تعالي يمي للغرفه اخذ ايدي  وسحبني ورا جنت منومه بكم الحب الي اشوفه بعينه ولا كأنه عايشين بيت واحد وطول الوقت سويه .
سلوان : هويده راح أقبل  هالشفايف حبيبتي ترى اني رجلج
لتخافين مني ما اتعدى هالشي بس اريدج تتعلمين عليه اني رجلج مو سلوان ابن عمج .
هويده : احس دكات قلبي اتسارعت غمضت عيني خجلانه منه
ومن الي راح يسوي وبلحظه احس اخذ روحي وياه كلشي بيه
ذاب بين ايديه كل الحواجز انكسرت قبل هاللحظه جنت  انسى واتعامل ويا مبدأ الاخوه الي تربينا عليها كلن بعد  الي صار حسيت هالانسان اول مره اعرفه عقلي وقلبي كله وياه حضني حيل حسيته ديگلي صرنا واحد
حسيت انفاسي اتسارعت تركني وابتسم
سلوان : راح اطلع روحك يا حلو هاي اولها طلعتي كتله مشاعر مغلفه ميحس بيها بس الي يمتلكها .
هويده : كافي اسكت .
سلوان: ههههه شبيج لج بابا اني رجلج على سنه الله ورسوله  لا تحافين  من انزل ما اگلهمتعلگتي  برگبتي .
هويده : كافي سلوان لتضوجني انت رفعت ايدي لاتكذب .
سلوان : اني رفعت وحده الثانيه صعدت من وحدها وبعدها معلگه بركبتي
هويده : انتبهت صدك بعدني حاضنته ابتسمت واحس من الخجل ما اكدر بعد ابقى دقيقه كدامه ابتعدت دا اطلع 

سلوان :  يله روحي بدلي حتى نطلع نغير جو  وين اخذج
هويده: بكيفك خلي اروح  اكوي قميصك
سلوان : يله انتظرج عمري جان اكو احساس  قلق بداخلي ما اعر ف سببه عرفت محد غير هويده يريحني ويفهمني
اخذتها وطلعنا مجنت منتبه لعقلي الباطن يفكر بهيام ولا منتبه على نفسي
من طلعنا بالسياره مريت بفرعهم من شفت زفه حسيت بألم اختنكت عرفت هاي زفتها خلص صارت لغيري مكدرت اطلع من الفرع بدون ما اشوفها من تطلع  اعرف راح تطلع روحي من هالموقف بس اريد استوعبه اريد عيني اشوفها خلص راحت من ايدي صارت لغير رجال
وگفت قبل نهاية الشارع صار  بيتهم بظهري اتحججت كدام هويده أكو بالسياره صوت نزلت  فتحت البنيد بقيت انتظرها تطلع
صار اسبوع ادري بيها عقدت من ولد صديق هاني وصديقنا اني ووليد جنت دائما اعرف اخبارها منه مثل ما جنت اعرف دخلت كليه لغات فرنسي باب المعظم وكم مره امر الصبح اشوفها تنتظر الخط
لحظات وطلعت ايدها بأيد هاني استغربت من نفسي اتصورت راح يجتاحني ألم وحسره عليها  لمحته هويده داخل السياره مثل الطفله رجعت لمحت هيام وهي تصعد بالسياره انغثيت منها  من شفت الابتسامه  على وجهها وهاني قريب منها
سيطرت على شي بداخلي يريد يروح يجرها من ايده ويگلها انت مثل امج انسانه كذابه سيطر على عقلي  تفكيري بهويده ما اريد اخليها بهالموقف  يا ربي ارحمني هالبنيه صارت مثل الشيطان الي يوسوس لقلبي تيهتلي طريقي  من يوم الشفتها واني ما مرتاح  .. ولليوم لا كدرت انساها  ولا اتناسى كلامها ياربي شيلها من قلبي نسينياها  احجي وما ادري ساد البنيد و رجلي ماخذتني ومصعدتني بالسياره ولا انتبهت على هويده شدتحجي الا من گلتلي سلوان وين صافن ،
لا حبيبتي دا احجي ويا نفسي اودي السياره للصيانه بيها مشكلة دوختني صار فتره
جانت مشاعر صعبه  لو احد يسولفها اضحك عليه اكول اكو واحد هيج ضعيف متعلق بوحده ويحب وحده ثانيه  لكن هذا الي صار ويايه والاغرب حزين على انسانه صار نصيبها ويا غيري وسعيد بأنسانه تمنيتها تكون من نصيبي وصارت وروحي تعلقت بيها
ردت اطلع من التفكير بالاوهام مثل ما گلي وليد وما اخلي هويده تنتبه لتغير  مزاجي جان اكثر شي بهويده يريحني متنتبه على هيج تفاصيل وحتى لو انتبهت ماتسألني
طول الطلعه دماغي مو وياها شريط ذكريات كله انعاد كدامي لدرجه  الشيطان قرا براسي وخيلي اكدر اتواصل وياها ورا الزواج وترجع علاقتنا
صحيت على روحي  واستغفرت شبيك سلوان راح تتخبل وصلت بيك تفكر بهيج امور معنى كلام وليد صحيح هذا مو حب هذا رغبه ببنيه بشي ما كدرت احصل عليه وبقى بدماغي .
عذراء: جانت روحتي ويا بيبيتي وجدي مقصوده ردت افتح ويا موضوع سنان من طلعنا اول ما وصلنا لراس الشارع جدو عندي حجي وياك هنا اكدر احجي لان كاعده وراك ،بالبيت ما اكدر احجي كدامك ( ابتسم )
ياسر: ما ادري بيج جبانه متعود عليج قويه وتواجهيني
عذراء: بيبي تعرف الموضوع جدو سنان اخويه مستحيل اقبل ارتبط بي اشوفها صعبه وثانيا اني ما مخليه بالي ارتباط دراستي وطموحي كل همي
وسنان يحب بنيه شلون تقبل تخليني بهيج موقف تعرف بي رايد شهد تقبلها عليه تجبره يتزوجني وقلبه ويا غير وحده معناها تهدم حياتي وحياته لان هو بنظري اخ واني بنظره اخت مراح نتراهم غير اخوه
جدو هاي قسمه ونصيب اني بكل الحالات حتى لو تقدملي سنان ما اكدر اوافق عليه انت تعرف اني افكر صح مو طايشه ادري انت متريدنا نفترق عنكم بس هاي بيد الله والصدك اني الاولى على قسمي اذا ابقى بهالمستوى ينطوني منحه دراسيه برا مستحيل افكر اضيعها على زواج واكيد الي اتزوجه ميقبل يخليني اخلص كم سنه برا وحدي اني بجهه وهو بجهه يعني موضوع الزواج اني شايلته من راسي حاليا .
ياسر: اتنهد والمطلوب من هالحجي هاي هو گلج تفتحين ويايه هالموضوع
عذراء: لا والله اني مقرره من البارحه وتقصدت اجيب شهد وتشوفها ومتأكده انت شفتها انسانه محترمه وتشبهني بالاطباع لان شفتك اخذت عليها وكدرت تتواصل وياها بالكلام البنيه ثگيله وبت اوادم واهلها تعبانين عليها وانسانه طموحه ماتكيف  تصير عندك بنيه وجنه تتباهى بيها كدام الناس
جدو مكافي شغلة وليد ومريم شوف تاليها .
ياسر : خلي يولي هذا لا تجيبولي  سيرته لان يحبها ادري بي من قبل صار كم سنه من رادها هسه تفطن يريد وحده ثانيه .
عذراء: جدو عوفنا من وليد شنو كلت بموضوع سنان وشهد
ياسر : الله كريم اذا انت رافضته شسوي طلعتوا واحد مايريد  الثاني لو بيدي جان جبرتكم بس انتو الاثنين اني ما اكدر افرض رآيي عليكم لان متأكد الي تفكرون بي هو الصح ماتحتاجون  ينصحه احد .
عذراء: صح اخذت الموافقه  منه بأرادتي لكن بداخلي منهكه مثل الي يستعجل بموت قلبه جنت واصله مرحله من الاستسلام تخليني اريد انهي موضوعي ويا سنان ما اريده يكرهني ويشوفني عائق
بطريق ارتباطه من شهد اريد احافظ على علاقتنا ومشاعر الحب الاخوي والاحترام بيناتنا من اكون سبب بهالموافقه راح ابقى قريبه اله طول العمر
اكذب اذا اكول ما متألمه ولا محتصره وبلحظتها شكد جنت محتاجه انزل دموع كبتتها بداخلي  اصبر نفسي اني قويه وهو يستاهل يكون مرتاح وسعيد
الولد ما موعدني بشي ولا اني الي جان الي حكم على قلبه وقلبي
وصلنا لبيت جدو فريد اخو بيبيتي وطول الوقت  عقلي مو وياهم
ونص الحجي ما ادري بي مجرد امثل كدام جدي الضحكه والتركيز جاملت اكثر من المعتاد حتى ما اخلي احد ينتبه عليه جنت ويا كل نظره يوجهه جدي الي احسه يقرا الي بقلبي احسه كاشفني وديشوف قلبي مجروح يمكن هو هذا السبب الي
خلا يوافق لان لمس الضعف بداخلي رادني اتغلب عليه وميظلمني بأرتباط يألمني راد من هالموافقه يساعدني نظراته وصلتلي الرساله الي رادني افهمها
( الم الجرح من يكون بأوله يحتمل والزمن يكدر يشفيني منه لكن من يتعمق الجرح راح يألمني  اكثر ساعتها ما الي شفاء منه طول العمر )
اول ما رجعنا صعدت دكيت الباب على سنان فتحه
سنان: ها عذوره رجعتوا .
عذراء: ابتسمت على ابتسامته امورك هسه تمام سهلتلك الدرب شويه وانزل حصل الموافقه .
سنان: الله عليج لج والله انت دره لو انطيج عيوني هم ما اجازيج .
عذراء: بقلبي هالكلام كافي منك يريح قلبي ،لا اجازيني من يصير عندك بنيه سميها عذراء
سنان: بعيني شفايتلي تصير عندي بنيه ورده مثلج رايدلها بخت .
عذراء: يله اخذ راحتك وتهيئ للمواجهه مو يگولون فاز بالملذات من كان جسورا استلمه الجدي من كل الاتجاهات لاتطلع  منه اذا مو الموافقه بأيدك .
سنان : ان شاء الله ادعيلي الله يهدي .
عذراء: دخلت للغرفه كل القوه والصبر نفذ بلحظتها بجيت بچي بحياتي كلها ما باچيته كأنه ردت افرغ دموعي حتى تكون المره الاخيره  واتقبل كل الي راح يصير واكدر استوعبه بيوها ما كدرت انزل لان الدموع مافاركت  عيني مكدرت اشوف احد ويحس بيه مكسوره ردت اقوي نفسي واختلي بيها وانهي كل المعاناه وكل الالم من دخلت  هويده وشافتني 
عرفت الي بيه، بقت قريبه مني تحاول تهديني
بعدها حجت ويايه بقسوه
هويده : يعني شلون راح تبقين هيج لج بابا منو يستاهل حبي نفسج اكثر شوفي هو فرحان هسه دخلنا للبيت لگينا طاير من الفرح ماخذ الموافقه من جدي وديتفقون ينطي خبر للبنيه واهلها ويحددون موعد الخطوبه وانت
مسويه بروحج هيج على شنو واذا حبيتي انت مو الوحيده الي ما ارتبطت بحبيبها هواي ناس مثلج شفتيلج اخد موت نفسه ورا احد لو توقفت حياته على احد لا حياتج ولا مستقبلج ولا اي شي راح يوگف لان ربج يعوض الانسان بالاحسن واكيد كاتبلج الاحسن بس انت قوي گلبج
حضنتني وهي تشهك
كافي عدراء مو انت حاجيه ويا جدي بعد شكو هالبجي  انت الي ساعدتي يكمل وياها
عذراء: شتريدين اسوي وادري ماكو أمل الي ويا، ياخذ الي يحبها احسن من ما تروح  وياخذ غيرها
لا هو يرتاح ولا اني ارتاح نبقى اثنينه معلعلين ليش يتحمل ذنب هو مو سبب بي كله مني ومن جدي خلاني اعيش بوهم سنين ضيعني وما حصلت منه غير القهر .
هويده : بقت منهاره الى ان تعبت ونامت لليل  قبل العشا اندكت  الباب
سمعت صوت سنان ينادي بأسمها
فتحت الباب شفته فرحان وطاير وهي نامت ودمعتها بعينا  وقلبها موجوع جاوبته بجفاء بدون ما احس نايمه
سنان: ها خليها براحتها لعد ،شنو سلوان مضوجج گالبه عليه .
هويده : فشلت منه لان بحياته ما مأذي احد من عدنا اكثر واحد اسلوبه حلو ويانا احنه البنات ،و ميقبل احد من الولد يتجاوز او يمد ايده علينا
ولان ما اكدر ألومه اذا ما حب عذراء هالشي مو بيد الانسان
جاوبته لا العفو ،ليش اگلب عليك بس يمكن لان تعبانه انت حسيت اني متقصدتك لا تزعل  مني ترى والله مو قصدي
سنان: هاي شبيج دا اشاقى وياج شحده يضوج اختي
يله اخذي راحتج
وليد: من صعدت مريم تغير ملابسها العصر  دتروح لبيت جدها جنت اغلي طفرت من القنفه اخذت ميثم للصاله حجيت ويا
(اليوم عجبتني صدك رجال ترى الي ميحرص على عرضه حتى ويا القريب هذا ناقص غيره فهمت يعني لا ابن خالي ولا ابن خالتي
اختك عرضك هويده هسه بذمة رجال بقت مريم انت تصير رجال وتنتبه على اختك من عيون الغريب انت شايف وتفتهم
احنه الشباب شلون نفكر بالبنيه بالاخص من نشوفها حلوه
اول ميجي  بالنا نلعب ونتونس فهمتني
دقيقه وحده متعوفها وحدها تبقى جوه عينك تنتبه على تصرفاتها لبسها واذا تشوف كلامي متناقض راح افهمك ليش فسخت خطوبتي من مريم لان مانتراهم  وحجايتي  ثگيله عليها وحقها ما الي حكم عليها حكمها يم عمي ويمك لو عاقدين  جان لا انحسب رجلها الي حق عليها اكثر منكم
بس ماصار نصيب  وما ردت اظلمها ويايه .
ميثم: اعرف اني اصلا هالامور ما ادخل بيها لان تاركها للكبار بس الي حجيته بالاول اني فاهمه قبل جنت
اشوفك انت وسلوان ممقصرين بس من انتهت خطبتكم
بعد انت ما الك علاقه بيها اني احافظ على اختي
وليد: والنعم منك ميثوم والله كبران صرت رجال اخو خيته
بقلبي من اليوم حبيبي فوك راسك لا اخليك تعد عليها النفس
اني شلت ايدي اخلي بدل منها اربعه سلوان وانتَ لا اخليها
تتربى من جديد خلي اشوف غرورها الي ذلتني بي وين يوصلها راح تعقل لو تبقى على وضعها )
رجعنا للهول رجعت تمددت نزلت اخذت قلبي  احجي ويا نفسي (شلون راح اتحمل اتصير لغيري شفتها گالبه وجهها اتريد تنفجر بيه بس على قلبي مثل الثلج هلكد متأذي منها الي صرت تتلذذ من اشوفها ضايجه شناوي عليه هم ترجع كافي اتكابر انت مربوط بحبها اعترف انت ضعيف ومتكدر تبتعد عنها
لا مو ضعيف اكدر ابتعد ومرتاح لان بعيد عنها احس مسيطر على قلبي بعقلي ما بقى خط رجعه اذا رجعت راح ادوس على قلبي وتحسني ضعيف اكثر راح تستغل هالضعف وتأذيني اكثر كبريائي يمنعي اتراجع بعد ما صار الموضوع معلن كدام الكل راح اخلي نفسي بموقف صعب بسببها
اذن انت دتعاقبها لان هي خلتك تتخذ هالخطوه وانت مو بوعيك
يعني انت اتورطت وبعدك تريدها لاتكذب  محد يسمعك اي اريدها واحبها وين ما التفتت ما اشوف غيرها
حتى من اخلي راسي على المخده تصير گبالي ميهزني شي بكد ميهزني اشوف دمعه عينها  اصلا رفض جدي مي بارد على قلبي اتمنى يبقى مصر ويگلي متاخذ غير بت عمك ساعتها يخليلي خط رجعه بدون ما اتنازل لو بس تتنازل وتتوسل بيه تحسسني ما متحمله وضعنا هذا تكفر عن غلطها وداوي جرحي منها فكره تصير لغيري تخليني انجن )
ورا كم ساعة رجعوا كلهم للبيت وجدي وافق سنان على خطبه شهد لسنان
بعدها 
دخلوا سلوان وهويده اني اقراه اعرف بي شي كعد يمنا بس احسه دماغه مو ويانا شويه واشرلي تعالرحت ورا،،، ها ولك شبيك
سلوان : لك احس روحي راح تطلع ما متحمل الي بيه
وليد : شبيك فهمني
سلوان : شفت زفة هيام امشي اريد اطلع اشرب
وليد: يويل شبيك شنو تشرب تخبلت زعطوط انت علمود مره
يصير هيج بحالك
ثانيا انت تدري بيها راح تزوج والي بيناتكم انتهى بعد شنو هالسخافه
سلوان : ما جنت مستوعب الا من شفتها،هسه شنو  راح تجي ويايه لو اروح وحدي
وليد: اجي وياك بس متشرب
سلوان : يويل انت شعليك قابل راح اشربك  تجي لو اروح وحدي
وليد: يطبك مرض امشي دنولي( اول مره اعرف بي يشرب افتهمت
فائز معلمه على هالدرب من جان يروح يبات ببيت  خالته )بقيت الطر يق كله ارزله واحذره اذا جدي عرف وهويده عرفت ياخذون موقف منه
صار عصبي عليه
سلوان :  عوفني بس اليوم وراها ابطل وكافي زرفت راسي جايبك حتى اغير جو مو تنكد عليه
وليد: من سكر اكتشفت سلوان غير عن سلوان الي اعرفه او الي متصور أعرفه.