رواية حكايات من بيت جدي الفصل الثامن 8 - بقلم مريم اماسي الليل

#حكايات_من_بيت_جدي
الجزء الثامن
اماسي الليل
حقوق النشر محفوظه
سلوان : باجر عندي اوف امر اشوفج
هيام : انتظرك سلوان مشتاقه اشوفك صار اسبوعين ما ملتقين
سلوان: حبيبتي مو كتلج صار عندي شغله وانت هم انتبهي على دراستج ما بقى شي وتخلصين سادس
هيام : ان شاء الله امنيتي اطلع علوم سياسيه حتى اجي يمك بالجامعه
سلوان : الله كريم (بس بداخلي ما حبيت الفكره ما ادري ليش قلقت بدون سبب)
هيام : سلوان بعدك تحبني قلبك ما مال لوحده بالجامعه وياك
سلوان: انت شنو الي تريدين توصلي من هذا السؤال لان الاجابه تعرفيها
هيام: ما اعرف احس اكو شي بداخلك دائما يخوفني ما ادري سلوان ادري بيك تحبني بس اكو امور تخليني افكر بمستقبلنا
سلوان: شوفي انت اول حب و حبيبه ومشاعري وياج
صادقه حاليا بس هذا الي اكدر اقدمه الجً
وقبل شويه نبهتج انتبهي على دراستج ومستقبلج اذا تريدين تطلعين من الواقع الي انت بي وهالبيئه
هيام: سلوان لو ما انت اني مجان اكدر اسوي شي
جان حتى مدرسه مخلوني اكمل واتصالك بأمي حتى تتحمل مصاريف المدرسه اكدتلي حبك ونيتك صادقه ويايه لكن
عندي تخوف سلوان انت الي مصبرني ومنطيني قوه
اذا افترقنا انتهي ....
سلوان: ياربي رسيني على بر بين دماغي وبين قلبي حرت
المن اميل ...
ان شاء الله ما نفترق لاتخلين هالامور تشغل فكرج
احجي ويا نفسي اعرف قلبي حبها لكن دماغي رافضها ما متقبلها تايه ما اعرف شلون اتصرف ولا المن اطاوع بنفس الوقت اخاف عليها اريد اوصلها لبر الامان هذا كل همي والي شاغل تفكيري
من انتهت المكالمه نزلت لكيتهم ملتمين بالهول جدي وعمامي وابويه يسولفون بالسياسه
وامي وبيبي ونسوان عمي بالصاله يمهم مره جوارينا هي وبتها صديقة مريم ،
وسنان ضارب صفنه وحده رفيقته بعيده كاعده ويا هويده على القنفه القريبه من التلفزيون
ابو الحب رفيق دربي كالعاده كاعد على القنفه الصغيره ومخلي الصوبه كدامه بعد شويه يدخل بيها عليها قوري الجاي وقوري النومي بصره وعيونه على باب الصاله ينتظر
الماخذه قلبه تمر
ميثم كالعاده متمدد على القنفه يتفرج الكتاب المولع بي يخص الطائرات انواعها وكل تفاصيلها ...
رحت كعدت يم رفيق الدرب جنت مخنوك ما ادري شنو الي مضوجني گوم خلي نطلع نفتر بالسياره
وليد: لك بارده مال طلعة هسه بس اطلع يلزمني صدري بعد
شيفكه اليوم بالدوام كل شويه مخلي البخاخ بحلگي.
سلوان: منو هاي الي شفتك اليوم كاعد وياها يم النافوره
وليد: ها ولك ادور ورايه انت شعندك يمنا .
سلوان: مرينا كروب للكافتريا مالتكم هسه گلي منو هاي
وليد: لك هاي لارا الي ويايه بشعبتي خوش بنيه ماعندي شي وياها مجرد اصدقاء وميانه البنيه ارتاحلها لان محترمه.
سلوان : محترمه لو مطابقه للمواصفات شعر طويل وحلوه مجنص شو اني الي ويايه بالكروب مو حلوات.. بس انتو والله عدكم خلق .
وليد: شنو الفايده واخيك ما جابت رجله وحده ولاخلته يتعلق بيها بعده قلبه يم بت عمك .
سلوان: لك اني اليوم من لمحت لارا من بعيد مطيتني ظهرها ضربت صفنه اجتي مريم بالي شبهتها بيها بس من اقتربت شفت وجههاغير تفاصيل لك انت ترتاحلها لان تشبه مريم تعلمني بيك
وليد: لك وين اكو شبه (بس بداخلي ادري اكو شبه مو بالوجه بس بغير تفاصيل هالشبه جذبني اقوي علاقتي بيها بالاضافه البنيه بت اوادم )
سلوان : لك ماكو احسن الك من بت عمك جوه عينك من عمرها يوم تعرفها وتأمن على روحك وياها وبناتنا شريفات تاخذها سند وتتباهى بيها ام بيتك  كدام الناس
وليد: شو انت تنصح وتسوي العكس لعد شبيك كاتل روحك على الغريبه العندك والماعندك الها يوميه جاي عليه تداين مني.
سلوان: هههه لك انت تذلني ...
وليد: مو اذلك بس شنو تاليها شنو الي بالك وياها انت متأكد منها مدتلعب عليك وشغلة طمع اني ادري بيك انت مو غبي بس مستغرب سالفتك وياها ومنطيها ثقه كلش مو من عوايدك ...
سلوان : تنهدت لك احبها والبنيه شريفه بس عدها ظروف
ما اكدر ما اساعدها .
ولاتسألني شناوي وياها ساعه اقفل ما اخذ غيرها وساعة يشتغل دماغي ما افكر ارتبط بيها متشوفني ضايج ردت نطلع ما اعرف شريد ولا شمقرر وياها لك والله اخاف
يجي يوم واكسر قلبها من ورا هالدماغ .
وليد: اذا متأكد منها بيت اوادم ليش متاخذها اني لو مكانك اذا احبها اخذها لو الدنيا تنگلب غصبا على الكل
سلوان : بقلبي انت متعرف السالفه ) ما ادري الله كريم هي تصفى بعدين خلي تكمل سادس هالسنه اشوف تاليها ويا هالحب
وليد: ترى هذا هم ديحب( سنان) شوفه دايخ صار فتره منتبه عليه مو مثل قبل .
سلوان: ادري بي گلي يحب بنيه ويا بالكليه صديقة عذراء
حاجي وياها لكن البنيه كايلتله اني ما افكر بعلاقه فقط ارتباط وهسه بعد وكت هاي اول سنه الي ما اريد التهي فدايخ بيها
وليد: عائله مابيها واحد قلبه مرتاح كلها معلعله
امشي امشي نصعد فوك اريد ادخن ونكمل سوالف ما منتبه
من دفعت الصوبه اهتز القوري وكع الجاي كله على رجلي
عطت اخ اخ
كلها التمت فوك راسي ابويه ركض جابلي كريم حروق
بس احس روحي شاغت من الالم
وامي وبيبي بقن يدردمن على سالفة الصوبه الا الزك بيها
عذراء شكد ما حنينه عليه من شافت رجلي محتركه بدت تبچي )من كبرنا صارت علاقتنا اقرب مثل الاصدقاء وحتى علاقتي بهويده صارت اقوى
لان بنفس الجامعه اني وياها وسلوان يوميه أنداوم سوه) ...
كل ذولي داير مدايري ألألم يدك بقلبي روحي لكن عيني ...على مريم اريد اشوف رد فعل منها يريح قلبي لمحته  ونسيت حتى الالم
من شفت نظراتها قلقه وحاسه بيه متألم ....ومخبوصه ويا عذراء وابويه
صفنت بيها لحد ما  ايد طبطبت على چتفي ... التفتت جدي ...
ياسر: سلوان جدو ... ساعده يتمدد على القنفه ....
محاسن : بيبي... غير تنتبه ... يبنات بعد لا وحده تخلي قوري على الصوبه ... ربكم ستر هو ساعات حتى يتمدد جواها ... استروا علينا ولتخلون شي عليها
وليد: ورا شويه جدي رجع يطمئن عليه
(ياسر بعده الوجع ..)
جاوبته . بدون مقدمات
جدو اريد منك شغله جاوبني مستغرب
ياسر: گول جدو شتريد
وليد: اريد مريم ..لمحته ابتسم
ياسر : ولك اخاف انت تقصدت تحرك روحك حتى تكسر خاطري عليك من تطلبها ،
جدو بعدها صغيره خليها من تدخل الجامعه انت هم توصل  لثالث حتى من تتخرجون نزوجكم
وليد: ماشي يابه اني بس ردت انطيك علم اني رايدها خاف يتقدملها احد حتى متوافق
ياسر: جدو محد ياخذها غيرك عوفها عليه .
مريم : من سمعته عاط طلعنا من الصاله لازم رجله  ويتألم هبطت عليه شفت رجله متأذيه 
عمي معن تلاحگ له بكريم الحروق والشاش  لكن من بقى متألم 
جدي  متحمل يشوفه بهالوضع 
ياسر : اخذو للمضمد حتى يشوف درجه الحرق  وخلي ينطي شي يسكن الالم
مريم :بعد ما رجعوا جانت   حالته  افضل من ناحيه الالم لكن سمعته يسأل سنان اذا راح يبقى الحرق ميروح
سنان: هو يبقى لكن مو اثر قوي مجرد لونه يختلف عن لون بشرتك لان الحمد لله درجته بين المتوسطه والخفيفه 
مددو على القنفه الي بالهول نادى جدي على بيبي
يخلون العشه الكل ملتمين الا هو وحده بالهول بيبي مسويتله صينيه ..
رادت وحده من عدنا توديها اله
بسرعه اخذتها وديتها قبل ما عذراء لو هويده يتبرعون شايلتها  واسأل نفسي (ليش مخليتي وحده من البنات تاخذها حتى تطمئنين عليه مو
وبعدج تضحكين على نفسج مره احبه ومره ما احبه لا انت أتحبي بكل حالاته بس هالحب مجاي على هواج فتنكري )
دخلت عليه  ها شلون صرت
وليد : احسن
مريم: خليت الصينيه على الميز الوسط مريت من يمه من جهة راسه طبله بين القنفتين ويا ما رفعتها ثولني
وليد: مريم ترى حتى لو متحجين وتكوليلي احبك ادري انت
تحبيني ..
مريم : خليت الطبله كدامه
وليد: لج والله تحبيني دكوليها
مريم : ابتسمت احبك بس من تجيك حاله تصير هادئ وحباب ويايه
دخل سلوان مبتسم .
سلوان : (تحتاج اساعدك تكعد تاكل جدو دزني كلي اخاف يحتاج شي )
وليد: خلت الاكل وطلعت من الهول ما صدكت تحجي اجاني هذا
التفتت عليه " غراب
سلوان : ههههههه مو معناها ادري بيك تحبها اخليك براحتك احذر
متشوفني الافوك راسك اخاف عليها من قلبك الرهيف
وليد: تعال تعشا ويايه عاد اكابل غراب ولا اكعد وحدي.
هويده : قبل نهاية السنة بكم شهر جان عدنا استاذ بالمختبر دائما يجي يوگف بصفي من يكون عدنا امتحان يدققب ورقتي يأشرلي على الشي الغلط جنت من ارفع وجهي اسأله او انتبه عليه خلال الماده اشوفه يبتسم لي
ورا كم يوم التقيته بالقسم ما اتوقعت جاي عليه لان ما بيوم انتبهت على اي تصرف منه يوحي بلي طلبه
غزوان: هويده
هويده :نعم استاذ
غزوان : اريد اتقدملج فكري ورديلي خبر
هويده : اتفاجئت بطلبه جاوبته ان شاء الله اسأل اهلي واردلك خبر
غزوان : هويده اذا تحبين نكعد بمكان احجي وياج بتفاصيل يجوز تحبين تعرفيها عني وتنقليها لاهلج
لان يهمني اسمع رأيج   انت موافقه اتقدم
هويده : والله استاذ اني ما مفكره بموضوع زواج وماعندي اعتراض على حضرتك الكلمه لاهلي مو الي اذا وافقت
ميأثر لان هم اذا ما وافقوا موافقتي متفيدك
غزوان: زين انتظر الرد ،الولد الي تجين وياهم اخوتج ؟
هويده : لا ولد عمي .
غزوان : تمام اخذي راحتج .
هويده : بنهاية الدوام طلعت للبارك ومثل كل يوم للمكان الي ينتظروني بي الولد شفت سلوان گالب خلقته حتى وليد .
سلمت وصعدت للسياره حسيت اكو توتر .
لنص الطريق التفت عليه سلوان
سلوان: منو هذا غزوان
هويده : ارتبكت من الخوف فاجئني
( استاذ عدنا واليوم طلب افاتح اهلي حتى يتقدملي ) 
سلوان: اي ست هويده وانت شرديتيله خبر
هويده : ما رديت گتله اسأل اهلي الكلمه الهم
سلوان : ايصير خير ان شاء الله خلي ادري عندج شي ويا
شوفي الي يجرالج
هويده : صرت عصبيه ليش شتدري بيه حتى دتحجي هيج ويايه اني اخذك باجر للقسم بايدي وروح اسأل عليه .
من تسمع حجايه ذاك الوكت احجي وهدد .
وليد: كافي بلا لغوه وهذا باجر تگليله اهلي ميرضون
هويده : بقيت ساكته
سلوان : صلف عبالي من اجى محتاج شي ثاري مخلي عينه عليج  دخلي ادري بي فاتح الموضوع وياج مره لخ دا اسوي فرجه
انطيته الرد من يمي .
هويده : ردت اعرف شمجاوبه بس مكدرت اسأل
وليد: كافي سد الموضوع .
هويده : من وصلنا جان اعصاب اول ما فتنا للبيت
سأل بيبي على جدي ...
(يمه جدي وين )
( بالغرفه خو ماكو شي )
( لا سلامتج دا اسأله على شغله )
تركتهم وصعدت سولفت لعذراء الي صار .
عذراء: هذا خطيه بحسن نيه راح يحجي وياهم ميدري  بيهم مخابيل
هويده : وهو سلوان شعليه شكو ضايج ثانيا الولد يريد يتقدم قابل گلهم اريد اصادقها شكد متخلفين دخلت مريم مبينه عدها شي
مريم : لج هويده جدوا گله لابويه سلوان يريد هويده
هويده : انصدمت يعني شنو
مريم : لج يريد يخطبج وابويه گله لجدي ماعندي مانع بس
هي توافق
جدي گله اني انطيتكم خبر لان مياخذها غير سلوان
وهي عوفوها عليه .
هويده : دقايق بين صدمه بين ما مفتهمه الي صار اندك باب غرفتنا
فتحته مريم  دخل  جدي مبتسم
ياسر : ها بنياتي شلونهن
هويده : ردينا السلام لكن  باهتين
ياسر : جدو ابن عمج يريد يخطبج واني موافق ك وهو احسن من الغريب على الاقل انت بت عمه ويخاف عليج
وتعرفي متعلمه عليه ومعاشرته واني ادري بيج حبابه
وعقلج واعي تعرفين اني افكر بمصلحتكم اريدج توافقين
هويده : جاوبته بخجل حتى ما مفتهمه شنو حجيت ولا شلون طلع الكلام مني بلحظه بكيفك جدو .
ياسر: عفيه بابا عرفت راح اسمع منج هالحجي .
هويده : گام قبلني من راسي ونزل لحد هاللحظه مامستوعبه
يعني اني راح اصير لسلوان يعني اخ سنين بساعة يصير
شخص راح ارتبط بي
بيومها حتى على الغده ما نزلت احوالي متخربطه لان ولا مره حسيت سلوان ممكن يفكر يرتبط بيه او عنده مشاعر تجاهي
صعدولي مريم تناديني نزلت احس مسويه مصيبه من الخجل مو خطبني
كعدت اتغديت انتبهت على نظرات عمه امال الي جانت طايره وامي نفس الشي
طول الكعده عيني ما رفعتها عبالك الي خطبني واحد غريب اول مره اتعرف عليه مو كاضيه ويا عمر حتى مكدرت المح وجهه وهو كاعد بصف الولد
من خلصنا الغده وطلعوا جدي وعمامي والولد عمه امال قبلتني على خدي .
امال: بنيتي صارت چنتي هالاسبوع انسوي النيشان
كعدت تتفق ويا امي وبيبي واني مثل الاطرش بالزفه
كأنه الموضوع ميخصني وما مستوعبته السالفه تخصني وان اني العروسه
انتهى اليوم لا اني خليت وجهي بوجه سلوان ولا هو  حتى ما حاول يحجي ويايه
وليد: اتفاجئت بسالفه سلوان ويا هويده ادري بي يحب هيام
دخلت عليه للغرفه
تعال فهمني شنو هالگلبه شو تحب وحده وتخطب غير وحده
سلوان: ما ادري لاتسألني المهم متصير هويده لغير واحد
وليد: لك خل افتهم انت شلون تفكر خبلتني انت مو تحب هيام وتگول اموت عليها ليش خطبت هويده
سلوان : اي احب هيام  بس فكرت غير هويده متنفعني  بت عمي وجوه عيني من هي طفله واعرفها واعرف اخلاقها
ما ادري لك من سولفتلي هذا الولد جاي و حاجي وياك يريد يخطبها تخبلت
حسيته راح ياخذ شي يخصني .
وليد: لك انت اخاف اتحبها ومتدري هسه حسيت .
سلوان : ما ادري بس من قبل هي الوحيده من البنات
احسها مفتهمتني وارتاح من اسولف وياها تعجبني اخلاقها وصفاتها ومو اليوم اني مفكر ارتبط بيها لا اكثر من مره من اريد افكر بسالفتي ويا هيام تجي هويده على بالي .
وليد: يعني شنو تحبها لو لا
سلوان : ما ادري سد الموضوع خطبتها وصارت الي هاهيه حسمت الموضوع
وليد: لك انت والله خبل صارلي عمر وياك اريد افهمك لحد هاللحظه ما فاهمك ..بس حسب شغله اذا والله تراجعت ورا فتره واذيتها بالقرآن لساني ميطخ لسانك  لاتلعب عليها
هاي بت عمك وعرضك هي مو سالفة حتى متصير لغيرك تخطبها وتالي تتندم
سلوان: لك بابا اني رايدها من زمان والله مخليها على بالي اعرف نفسي
ماكو وحده غيرها توالمني وتفهمني  انت غبي شلون تفكر ااذيها لو اللعب بمشاعرها ... من اليوم هيام صفحه وطويتها  ... بس الي تصير مرتي هويده ماكو غيرها .