رواية حكايات من بيت جدي الفصل التاسع والعشرون 29 - بقلم مريم اماسي الليل

#حكايات_من_بيت_جدي
الجرء التاسع والعشرين
الكاتبه اماسي الليل (  صفحه مريم يوسف )
حقوق النشر محفوظه
سنان :   بعد فتره طلعلي التعيين وكالعاده انتظر دوامي يخلص بالمستشفى  وابقى طول الوقت  متلهف ارجع للبيت واشوف حبيبتي مو مجرد زوجه جنت احس وياها بمشاعر الابوه   اول ما افتح  باب الغرفه وتتعلگ برگبتي مثل الطفله الي مفتقده ابوها بعد ما رجع  من رحلته الطويله تقبل  خدي
شهد: اشتاقيتلك قلبي
سنان : شهودتي (حضنتها )
أنتِ زينة لقلبي وحياتي خلت كلشي  حلو بضحكتها وابتسامتها
شهد: بدا يرفع بشعري سألني شنو اسم اللون جاوبته بني شوكولا
سنان: اها يعني هذا الكاكاو مالتي بأبتسامه مو لازم الحلويات والكاكاو حتى يحافظون عليها يغلفوها
شهد: هههه  ترى افهمك شنو رأيك العصر نطلع اشتري حجاب وملابس محجبات ومن باجر اتحجب
سنان: والله المفروض هالعسل يبقى بس لعيوني موصح نحولتي.
شهد: صح يله خلي ننزلنتغده وراها اصعد ارتاح حتى اكعدگ العصر نطلع ...
ورا الغداه بقينا شويه ويا الاهل ما منتبهه على نفسي عيني تلاحگه بكل خطوه يمشيها الا من حجت ويايه هويده
هويده :   عمي على كيفج اكلتي الولد بعيونج شحال مو هو الج ومكابلج ليل ونهار
شهد :  اتنهدت لو يظل طول العمر كدام عيني ما اشبع منه  محد يعرف شكد احبه وشكد حبه يكبر بروحي بس هو يعرف لان انا وياه روح وحده والله خلاها بجسدين.
هويده : حقج اذا هو حبج كل هالحب اكيد علمج تحبي
شهد: الله يحفظه الي ويحفظلج سلوان
هويده: من گامت من يمنا حجيت ويا عذراء ومريم الي دار بيناتنا اني وياها
،تدرون بقلبي  حسدتها  انت حظج كاعد ولا سلوان شجابه على سنان .
عذراء: لان شهد مو مثلج البنيه مداريته ومن كثر متحبه تخاف تقصر ويا بالمشاعر  لذلك دائما تعبر له بمختلف الطرق تدرين يوم  الي عنده خفاره
تبقى متعرف اتنام ذاك اليوم بقت سهرانه ويايه  صار عدها ارق لان هو ماموجود بالبيت مو مثلج رجلج بقى  يمنا سهران  يگلب بالتلفزيون وانتِ نايمه  وهو انت من گاعده متدرين بي
هويده : اوي هاي بعدها عروس وددلله هسه تمر عليهم فتره تمل ماطول راح يطلعون  هي وسنان لعد خلي اتصل على سلوان اگله راح اخلي سنان يوصلنا اني وامي للمنصور ونرجع وياهم مريومه متجين .
مريم : ما ادري خلي اشوف
هويده : متحملت رزلتها كدام عذراء، من منو تاخذين الاذن اذا ابويه موافق بعد منو اله حجايه عليج .
مريم : ميثم هم ميقبل .
هويده: ها خطيه ميثم هسه اصيحه واريد اشوف حجتج ( ميثم )
ميثم : شنو
هويده : راح نروح اني وامي للمنصور ومريم تريد تجي .
ميثم : انت وامي متعرفون تكعدون يوميه طلعه بله اني امي ما اكدر اوگف بوجهها انت رجلج مخليج بكيفج متكعدين بالبيت ،اكو بنات اهلهم الشارع ميخلوهن يشوفوه ،مريومه تريدين تروحين اني اخذكم امي وين
مريم : اي اروح امي بالصاله دتحجي بالتلفون
ميثم : دخلت بقيت واگف انتظرها تكمل 
نجاة: ها حبيبي رايد شي
ميثم : ماما شنو انت وهويده يوميه معزومين لو يوميه بيت جدي لو فرفره بالسوك يعني انت المفروض من اشوفين رجلها يستحي منج ومن ابويه شويه اتقدرون .
نجاه: ترى هاي زايده منك شنو انت تحاسبني مامن حقك اني امك واختك رجلها راضي هاي سوالف وليد اني ما احبهالا تتعلمها منه ترى اموت من سوالفه عقليته مال متخلفين ،ثانيا مو كلمن طلعت  لازم تنتقد والي تكعد بالبيت يمدحوها ،اكو مگابلات اربع حياطين  ميخلوها توصل  الباب بس هي تلعب لعب من ورااهلها او رجلها .
ميثم : تعرفين ما قصدت شي لان  اعرف انت  وخواتي ينحلف براسكم بس القصد مو يوميه هالطلعات ومن تريدون تطلعون انطوني خبر اجي وياكم .
نجاة : ابتسمت ولك ميثم عود كبرت راح تصير رجال براسي ترى ابوك موجود انت حلگك متفتحه تعال  ام خالد عدها بنيه عبالك عارضة ازياء اسمها وسن  هاي اخذها الك بس تخلص الكليه
ميثم : لا وسن ولا حسن اني احب بنيه بس اخلص ازوجها
نجاة : منو هاي اعرفها ...
ميثم : لا متعرفيها ابتسمت عود بوكتها تعرفيها من تخطبيلياها
نجاة : شوف اذا ما دخلت مزاجي من هسه متاخذها .
ميثم : ضحكت اتفقنا اليوم اني اخذكم للمنصور .
نجاه : مو تاكل راسي يله ويله من هسه تجي متذمر تمشي وانت ساكت .
شهد: مخليه راسي على صدره هم اكو واحد يحب مثلك .
سنان: لا لان هي شهوده وحده واني  حبيتها واخذتها حبيبتي شو ضعفانه شنو تستحين تاكلين .
شهد: لا والله مو شغلة مستحى هذا بيتي وانتو اهلي من شنو استحي بس والله ماعندي شهيه .
سنان: اخاف صاير حمل .
شهد: لا ماكو حمل هو اني صار فتره عندي مشاكل وخربطه گلولي عادي اتصير اول اشهر الزواج .
سنان: خلي نروح لدكتوره نسائيه ونشوف .
شهد: ليبقى بالك ماكو شي مجرد خربطه بالهرمونات بس تستعدل گلشي يصير تمام ،سنان اخاف انت دتلح بهالموضوع تريد طفل ...
سنان: لا حبيبتي اني اتفقت وياج من البدايه من تخلصين يله نفكر بالطفل ان شاء الله .
شهد: صدك راح انطي خبر لعدراء تجي ويانا خطيه مثل حالي محبوسه بالبيت ما الها واهس تطلع عاد كلت ويانا تتونس ،واني هم اتونس وياها من نطلع شغلة مسواگ .
سنان: براحتج تدرين اني عذراء ابد ما احسها بت عمي يمكن لو اگلج اقرب وحده من اهلي الي متصدگين احسها اختي التوأم
شهد: لا اصدك لان اني هم احسها اختي مرات احسها تفهمني لدرجه ذاك اليوم ضحكتني شافتني  احك برگبتي .
سنان: گلتلج ليش ضايجه
شهد: اتفاجئت هو هم حافظ الحركه ابتسمت انت هم منتبه .
سنان: ومن تقلقين او خايفه  تشبكين ايدج وتحركين اصبع السبابه بحركه دائريه عكس الاتجاه
شهد: هههههه  طلعت حافظني، صح هالحركات اسويها بدون ما انتبه تحددها حالتي بذيج اللحظه .
سنان: اكو واحد ميعرف روحه واطباعها
شهد: على كيفك ويايه ترى مدا الحك اجاريك بالمشاعر .
سنان: اني مكتفي بلي يطلع منج لان اعرف غايتج تسعديني
شهد: مو بس هالشي لان اخاف اقصر وياك وتحس عندي برود مشاعر ميكافئ الرومانسيه الي عندك ويصيبك ملل مني
سنان: لا اطمئني ما امل منج طول العمر اني رجال  مجان عندي تجارب عاطفيه قبلج يعني من اختاريتج عندي يقين انت الي تملين عيني وقلبي لاخر العمر .
مريم : بقيت انتظر وليد يكعد حتى انطي خبر  اريد اروح ويا اهلي
تأخر، صعدت دكيت الباب مجاوب، دخلت هزيته ولودي فتح نص تك من عينه .
وليد: شنو
مريم : اريد اروح  للمنصور ويا امي وهويده وبعدني ممكمله سوالي چئ
(لا)كملت وميثم ويانا عفيه اريد اشتري كم شغله فتح عينه صحصح ابتسم .
وليد: ميخالف روحي ماطول ميثم وياكم عبالي وحدكم لا تطلعين حلوه
وجيبيلي وياج جبس بتيته بطعم الدجاج .
مريم : هههه بعيني يله ارجع نام .
وليد:  تعالي بصفي  العبي بشعري لحد ما انام
مريم : عكدت حاجبي اني شگايلتلك لاتضوجني بهذا الحجي ترى والله اكرهك
وليد:ههههههههههه اعصابج دا اشاقه .
بعد مرور اشهر .
وليد: رجعت الظهر من الدوام نمت ما كعدت للعصر نزلت ورا ماصحتني عذراء وكلتلي ابويه  سأل عليك ، نزلت لكيت الكل بالهول ماعدا عمي سعد وسلوان بعدهم بالشغل فتحت باب الصاله لكيت ابويه وجدي سلمت ،
بابا رايدني
معن : لا بس ردت اسألك شلونه شغلك  شو  اليوم عمو فريد سألني عنك علمود دوره گلي هيج شي .
وليد: الحمد لله زين   اي صح مو قبل كم يوم عرفت اكو دوره تأهيل راح يدزون بيها موظفين بلغت جدو فريد  بلكت  يسويلي واسطه يقبلوني بيها
ياسر : وانت شسوي بيها ودور واسطات .
وليد:  دخلت گعدت جدو تفيدني بالمستقبل يطلع اسمي بالبعثات واذا عندي لغه تفيدني اكثر يدزوني لدوله  زينه .
ياسر: بعد وكت شعندك مسافر ومتغرب لا تفكر بسفر ولا بعثه .
وليد: زين يابه اشيل السفر من راسي وعلى گولتك ماكو داعي استعجل واتغرب   حاليا  أتوظفت وصار اشهر اداوم ومرتاح بشغلي وما ورايه بعد  بس افكر اتزوج واستقر لذلك  اريد مريم ( عگد حاجبه )
ياسر: اتذكر گلتلك ما الك مره يمي واني من اقرر ما اتراجع عن قراري وكلمتي  وبوقتها گتلك اعتبرها من اليوم اختك
وليد: ادري يابه ليش غير افهم هي بت عمي واني اولى من الغريب يعني انت متكيف  اني اخذها وتبقى يمك العمر كله
ياسر: سابقا جنت اكيف بس يوم الي نزلت وگتلي ما اريدها ،من يومها نهيت هالفكره من راسي وايقنت  الزواج قسمه ونصيب مو بالضروره اتزمت بالرآي والا ازوج البنات من العائله ،هذا سنان اخذ بنيه غريبه لكن مرتاح وياها وسعيد وهذا سلوان هو وهويده حياة وماشيه ما شفت تغير بحياتهم للاحسن بالعكس كل واحد بصفحه، لحد يتوقع اني ساكت وما ادخل معناها ما ادري لا ادري بكل صغيره وچبيره وادري جنت تسايسني  صارلك اشهر تتوقع اني ما فاهمك   تضحك عليه ،وراح انسى ومن ترجع أتفاتحني  انسى كلامي وانطيك مريم هذا الموضوع ينقفل ما اريده ينفتح نهائيا
معن: بابا لحظه يعني لخاطري اني اريدها لمريومه چنه اداري عمها بكبرته .
ياسر :  جان علمت ابنك الاصول اذا جنت رايدها والمفروض توگف بوجهه من نزل وگال ما اريد بت عمي هالامور مابيها خطرانيه لا لعم ولا لابن عم والموضوع هذا ينسد مامسموح ينفتح
وليد: اي عادي متنطينياها تبقيها يمك بلا زواج لو اني اخذها لو متصير لغيري .
ياسر : لك انت تتحداني الكلمه بهالبيت الي انت عليك تسمع وتنفذ
وليد: على راسي بس متنطيني مريمو متزوجها لغيري هاي اذا تريدني بعد ما افتح الموضوع ( عصب وصك اسنانه )
ياسر: انتبه على نفسك  وكلامك ترى اتصرف وياك تصرف يهينك بهذا طولك وعمرك  كدام الكل والي معاجبه ويحاول يتحداني  الباب يفوت جمل .
معن: كافي وليد اعتذر  من جدك .
وليد: ماعندي مانع اعتذر وابوس راسه بس اني مغلطان اذا رايد بت عمي ، وحضرتك تريد تنطيها للغريب لا والله بعدني على كلمتي متصير لغيري غير على موتي .
ياسر: بأستهزاء انشوف منو حجايته الي تمشي شايف هذا الحايط اركع راسك بي ...
وليد: طلعت مغثوث منه وادري ما طول گلي ما الك مره معناها مينطينياها صعدت بدلت ملابسي وطلعت  ما ادري وين اروح بس مخنوگ مريت على الشركه ( مقاولات ) طبگت السياره ونزلت  سلمت على عمي وسلوان واشرتله رايده
سلوان : ها ابو خالد شعجب اليوم مارلي للشغل خو ماكو شي .
وليد: تلاطشت ويا جدك مقبل ينطيني مريم .
سلوان : رفعت حاجبي متفاجئ لا ،تعال اكعد واحجيلي الي صار
وليد: سلوان اذا ماعندك شي خلي نطلع لمكان نكعد واحجيلك الي صار ترى مخنوگ
سلوان : بس انطي خبر لعمي سعد ونطلع انتظرني بالسياره هسه اجيك
طلعت ركبت بصفه، احجي هسه
وليد: سولفتله الي صار، اليوم اخذ ملابسي واطلع لبيت بيبيتي بعد مدا اتحمل
سلوان : يويل لا تتخبل اصبر شهر شهر ونص  ويكمل البناء عود اكعد بيتكم وبعد لاتروح  يمه ترى بس تعانده. اكثر ما بي أمل
وليد: لك صار ساعة شحجي، اگلك نهى اخر امل عندي وفوگاها يگلي
الباب يفوت جمل عبالك اني خروف اذا ميطيعه يطرده .
سلوان : والله بعد بكيفك، انت تعرف مصلحتك
وليد: لا ابقى بيت بيبيتي لحد ما يطلع اسمي اسافر ميطلع انتظر يخلص البناءومن اهلي ينتقلون ارجع  وياهم .
سلوان : يويل انت عبالك هو من وافق كل واحد يبني بيت تدري ماكو فاصل بين البيوت واحد يفوت للثاني عن طريق باب مشترك
واكو ممر خلفي مثل الكراج كلنا مشتركين بي الباب اطلعك على الشارع الورا هذا يفيدني .
وليد: طبعا لعد غير حتى نبقى جوه عينه ،ليش الكراج الخلفي يفيدك ؟
سلوان : ههههه حتى من اسهر ويا فائز اخذ راحتي جدك لا يشوفني ولايدري بيه اذا اخربط
وليد: عبالي عندك سالفه براسها حظ.
سلوان : دمشي خلي نروح لفائز نغير جو انت حاليا محتاج تشرب واذبك على جدي .
وليد: هههههه والله فكره  اسوي نفسي سكران واطلع الي بقلبي وبعدين  انت گله يابه ترى ميدري بروحه ،حتى يفرغ الشاجور براسي وراسك ، امشي   شكد غبي والله محتاج اضحك على سوالف هالقرد فائز  من يسكر سينما
سلوان : امشي مسولفتلك عليه من نازل يطلب لفة  فلافل تالي اجاني
محمل بجيس بي بالعشر لفات اگله هاي المن يضحك ثواب لروح ابويه
تالي نزلت دا افتهم
الولد يگول  سألته  كم لفه گايله وحده لو ٢ لان مديفهم عليه عباله بعقله شي فائز مجاوبه واحد وبصفه صفر الولد يگول فتحلي ايديناته اثنينهن فهمت عشره ،حتى الولد رزلني بصوره غير مباشره عباله اخويه وخبل واني دازه ،گتله لا يابه لا اخويه ولا گرايبي جيراني وسكران دا ارجعه لبيتهم .
وليد: ههههههههههه  الله يطيح حظه والله خطيه الي يشوفه من صاحي  شلون ثگيل  وشخصيه مرتبه ،بس هالبلاء هذا يعني مدمن هذا يذب روحه بمصيبه وميدري بروحه
سلوان : لك بابا كم مره يبوكون فلوسه وميدري منو من يكون بنادي ليلي متشوفه صاير ميروح الا اني وياه .
وليد: من نوصل بس دخلني اتصل على البيت انطي علم لامي لو لأبويه حتى ميبقى بالهم
سلوان : اني هم دا اشوف هويده  شرايده امخابره عليه، عمي گلي تگول شغله مهمه بس نسيت طلعت ويا جماعه شافوا بيت هسه ذكرتني
وليد:  دخلت لصالة بيت خالة سلوان اتصلت على البيت
الو .
محاسن : الو ها بيبي وينك حبيبي بقى بالنا .
وليد: لايبقى بالج اني طالع ويا سلوان ، وبس ارجع اخذ ملابسي واروح لبيت بيبيتي بعد ما ابقى بالبيت
محاسن: ولك بيبي لا تغث روحك خليها عليه اني احجي ويا جدك فدوه لعينك لاتنقهر  .
وليد: يمه انت تقبلين الي ديسووي ويايه اريد افهم هو ما بحياته غلط لو معصوم من الغلط حتى ينهي اخر امل الي   بعناده
محاسن : اووف بيبي انت مو تعرف طبعه اتحمل لخاطري
وليد: يمه خليني اروح هالفتره ارتاح وحتى متصير مشاكل لان اني ما مامتحمل روحي وادري اذا بقيت راح يأذيني بالحجي .
محاسن: زين ميخالف روح كم يوم ارتاح وارجع مو تدري بيه  ما اكدر بلياكم والله قلبي يوجعني  من يغيب واحد منكم .
وليد: لخاطرج اجي اشوفج من الباب يوميه  من ارجع من الدوام واروح بس وحق الله على جنازتي احد غيري ياخذ مريم راح ابقى هادئ  طول ما مطمئن محد رايدها اريد اشوف وين توصل وياه .
محاسن: لك بيبي بعدها صغيره  محد يخطبها .
وليد: انت تعرفين شي واني اعرف شي ، ثانيا مو خطبتها ام محمد لابنها قبل سنه وانت نهيتي الموضوع من يمج منو يگول ما حظي يطلعلي واحد صفح .
محاسن: ليش متگلي شنو الي تعرفه حتى اني اعرف اصرف .
وليد: اسألي عمتي نجاه هي تگلج اخاف عبالها ما ادري بيها تشتغل من ورايه دفن عبالها من تضحك بوجهي وتگلي سافر عمه وشوف مستقبلك ما ادري شنو  براسها بس طمنيها الي براسها ميصير لان ساعتها ميوگف بوجهي لا جد ولا عم ولا مرت عم اخذها غصبا عنهم كلهم
محاسن: بيبي انت متوهم يا عمتك نجاة الي تحل لو تربط
وليد: ان شاء الله اطلع متوهم ولو كل سوالفها تأكد الي حجيته المهم مريم متروح لبيت جدها انت متخليها اطلعين حجه من جوه الگاع وتبقيها يمج .
محاسن: بعيني بس انت لا تبقى أتفكر وتغث روحك .
وليد: الله كريم يمه انطيني امي وبلا زحمه عليج اريد مريم
اجاوبني من الصاله ورا ما اكمل ويا امي .
محاسن: هياتها امك بصفي
سعاد:  ها وليدي حبيبي انت مو تعرفه لجدك عصبي اتحمله كم يوم ويهدئ
وليد: ماما راح اروح لبيت بيبيتي لايبقى  بالج اني يوميه اتصل لو امر من الباب اشوفج واروح
سعاد: روح حبيبي ارتاحيم امي  وهدي اعصابك ان شاء الله ربي يهدي النفوس وكلشي قسمه ماماتي اذا هي قسمتك متصير لغيرك
وليد: ان شاء الله انتِ هم لا يبقى  بالج ترى كلشي مابيه هسه رام اطلع اغير جو ويا سلوان والولد .
سعاد: اي حبيبي  روح تونس وعوفها على ربك هو يحلها .
مريم : الو سمعت عمه سعاد ويا على الخط .
سعاد: يله حبيبي اني اروح هاي مريومه على الخط .
وليد: ماما خلي عذراء تحضرلي ملابسي حتى بس امر اخذها من ارجع وخليها تنتظرني اخاف احتاج شي
سعاد: ميخالف يله مع السلامه
وليد: مع السلامه الو
مريم : الو ولودي وين تريد تروح .
وليد: مريومه راح ابقى فتره ببيت بيبيتي دا اشوف تاليها ويا جدي اخاف ابقى ويصير بيني وبينه مشاكل يتأزم الوضع خليني بعيد فتره بلكت يتراجع شبي صوتج
مريم : مابيه شي .
وليد: چنتي تبچين .
مريم : والله مدا اكدر اسكت من عرفت برد جدي  لهسه
احس روحي راح تطلع وفوگاها انت تريد تروح لبيت بيبيتك وتعوفني
وليد: ليش اني اكدر يا علة قلبي كله من جوه راسج هاي تاليتي انطرد من البيت ،بله هذا بيت وذاك بيت بس الفرق بيت ياسر بي بطه اصبح وامسي بوجهها ببيت بيبيتي بيمن اصبح وامسي بوجه خالي رعد 
مريم : هههههه حباب  ريح قلبي وأرجع للبيت و ابقى بعيد عن جدي.
وليد: مااكدر حبيبتي خليني اقرر فد اسبوع ارتاح وهو هم يهدئ هسه عوفينا بيت جدج متوصليلهم  بغيابي طلعه غير ويا ميثم متطلعين ولبيت جدج اذا هو وياكم ميخالف روحي، اخاف متلگين حجه ، وهذا معتصم  كلمه متحجين ويا .
مريم : ميخالف اصلا اذا اكدر اطلع حجه وما اروح اخلي بيبي تگلهم بقوها هسه حجيتلها على معتصم لان سألتني  وليد شنو يقصد امج تشتغل دفن من ورا . 
وليد:  اي نبهتها ،مريمتي من  تريدين شي لو يصير شي خابريني على رقم بيت بيبيتي ،و يوميه انتظريني اجي اشوفج من ارجع من الدوام ومن يصير عندج مجال دگي عليه الظهر لو بليل
مريم : مو اخاف يطلعلي احد من بيت بيبيتك.
وليد: سدي حبيبتي بوجههم من اشيله اني جاوبي  هاي تاليها من ورا القاضي راح نحجي بالتلفون بس والله حلوه السالفه ممجربيها وما جايه ببالي شوفي حتى من نتزوج  متبقى سالفه ما سوينها  .
مريم : لا بقت سالفه ما دزيتلي رساله ههههه
وليد:لا تستعجلين  مو يجوز انجبر ادزلج رساله من ما اكدر اشوفج ولا اتصل عليج يوميه .
مريم : ليش تخوفني من هالحجي ..
وليد: لا مو اريد اخوفج بس مو تدرين بيه اكو بعثه اريد اروح بيها جدو فريد وعدني يسويلي واسطه يطلع اسمي .
مريم : واني تعوفني متفكر بيه اذا خطبني احد تدري بيه جبانه ما اكدر اوگف بوجه جدي وأگله لا اذا وافق .
وليد: انت لا توگفين ولا تگولين ابقي ساكته بس انطيني علم واني اعرف اتصرف ، انت  من هسه شلتي هم هو اني سافرت دخلي يطلع اسمي بالاول لو ما بيها مستقبل  وفرصه مجان قدمت ولا ردتها مريومه لا تخافين  حبيبتي ادري بيج لزگه وفوگاها  محلوه أتورطت بيج بس  شسوي بت عمي متروح للغريب
مريم :  أها محلوه لعد منو الي هدالي اغنيه محروس على  برنامج ما يطلبه المشاهدين  وصاحني اكعد گبال التلفزيون لحد ميخلص البرنامج حتى اشوف الاهداء اذا ناسي اذكرك
وليد: لا ما ناسي وبعدني اگلج محروس من عين البشر اولهم عيوني اخ يا علة قلبي جايتني ايام سوده ويا جدج رايدلي اربيلي قلب حتى اتحمله واتحمل سوالفه .
سلوان : مديت راسي من باب الصاله يويل شو نسيت روحك يله خلي ينادولي  مرتي حتى نطلع ، ترى فائز گام يحوص يريد نطلع .
وليد: يمه نادي على  هويده سلوان يريدها .
مريم : هههه بعيني يمه، راح ابقى كاعده حتى اشوفك من تجي قبل متروح
وليد: ابتسمت  والله يمه ضروري .
مريم : خلي اروح انطي خبر  لهويده .
هويده : الو
سلوان : الو هاحبييتي ترى جنت طالع ويا جماعة والتهيت وياهم ونسيت اتصل شنو ردتي
هويده : اليوم رحت سويت تحليل، الي يشوفك من لحيت عليه اروح يگول هسه كاعد ينتظر على نار،  يسمع الخبر  تالي طلعت ناسي
سلوان :  والله عمي ثولني اليوم، هسه گليلي  حامل .
هويده : اي حامل .
سلوان : الله عليج يعني وليدي جاي بالطريق
هويده : والله ،هههه الي يسمعك يگول صار سنين ينتظر وگاطع الامل
سلوان : عبالي اروح اسهر ويا الولد هسه اخلي وليد يرجعني  للبيت
هويده : اذا تريد روح راح ابقى انتظرك اليوم لان گضيتها الظهر كله نايمه وهسه راح اصعد اتمدد  ظهري ديأذيني
سلوان : اموت  عليج هدهد روحي تمددي حبيبتي  ان شاء الله ما اتأخر