رواية حكايات من بيت جدي الفصل الثلاثون 30 - بقلم مريم اماسي الليل

#حكايات_من_بيت_جدي
الجزء الثلاثين
اماسي الليل ( مريم يوسف)
حقوق النشر محفوظه

وليد:  بعد ما تركت بيت جدي ، جنت يوميا انتظر تلفون مريومه الصبح من تكعد
الو صباح الخير قلب
مريم : الو صباح النور اليوم شوكت راح تمرلي
وليد: اطلع قبل نهاية الدوام وامرلج ان شاء الله تنهدت يا عله قلبي بس الله اليعلم شكد مشتاقلج وراح اشتاقلج
مريم : يوميه تجي اشوفك قبل ما تسافر  مو تشلع قلبي
وليد: ان شاء الله شوكت يجيج الخط .
مريم : اليوم ميثم يوصلني  للكليه وبالرجعه ارجع ويا الخط
وليد: ماشي, يله حبيبتي راح اطلع
مريم : الله وياك انتظرك
سلوان : حبيبتي يله گومي حضريلي الريوك بين ما ابدل
هويده : صباح الخير هسه انزل .
سلوان : صباح النور شلون صرتي .
هويده : ما ادري بعده اليوم ما بدا الحاله تصير عندي ورا ما اكل.
سلوان : اليوم   اوديج للدكتوره من ارجع من الدائره
هويده : ميحتاج هو هذا الوحام يستمر ما اله علاج الا من اوصل الخامس گلولي .
سلوان : لعد شلون تبقين بلا اكل اخاف الطفل مياخذ كفايته
هويده : اوه سلوان تفكر بس بالطفل واني مو مهم عندك كل شويه ذابه من راسي وطالعه روحي
سلوان : لا والله مو هذا قصدي بس اعرف الام تصير عدها الحالات ممعقوله ماكو علاج يخفف الحاله انت حتى وزنج نازل .
هويده : هاهيه اتحمل مو انت كتلت روحك على طفل حتى الرابع مخليتني اكمله اجلت هالسنه علمود الحمل والولاده .
سلوان : ميخالف حبيبتي لو مداومه مجان كدرتي تكملين على هذا وضعج ارتاحي بالبيت وسنه الخ كملي
هويده : ان شاء الله يله بدل اخاف تتأخر بين ما انزل اسويلك اكل
سلوان : اذا مابيج حيل ابقي مرتاحه اني ادبر امري .
هويده : لا عادي اكدر اخاف بعدين تگلي ما مهتمه بيه
سلوان : لا حبيبتي ابقي مرتاحه وارجعي نامي هسه انطي خبر لعمي  اليوم من ارجع من الدوام ما اروح للشركه  حتى العصر اخذج نطلع نغير جو
هويده : ماشي بس من تطلع طفي الضوه .
شهد: يله قلبي سويت الريوك انزل اتريگ ويا سلوان دينتظرك جوه
سنان : هسه دقايق وانزل انت خلصتي حتى اوصلكم .
شهد: اي مخلصين راح ننتظرك بالهول
سنان : صباح الخير ابو السوس .
سلوان : صباح النور اگلك سنان ماكو علاج للحوامل تخفف الوحام
سنان : بعدها خطيه مفادها الدوا الي جبته الها
سلوان : لا والله بعدها البارحه الليل كله مكدرت اتنام  حملها
شو كلش صعب .
سنان : عادي لاتقلق  شغلة طبيعيه اليوم اسأللها دكتوره اختصاص واشوف شنو تكتبلها عود امر الظهر اجيبه وراها ارجع عندي خفاره
سلوان : اذا متكدر اني امرلك اخذه .
سنان: لا اني اول وتالي اجي اتغده يله ارجع، شلونه دوامك مرتاح على التعيين
سلوان : الحمد لله عاد اشتغل بأختصاصي احسن من شغل المقاولات بس دوخه راس .
سنان : الحمد لله .
شهد : اصبلكم بعد چاي
سلوان وسنان : لا شكرا
سنان : يله حبيبي اني اترخص .
سلوان : الله وياك اني هم أكوم اروح عاشت ايدج شهوده
شهد: ادلل .
سنان : يله حبيبتي انتظركم بالسياره .
تمار: صباح الخير
عذراء: ابتسمت صباح النور .
تمار : مشاقين عذوره العطله كلها مامريتي للجامعه ولا خليتيني اشوفج
عذراء: والله مريت مرتين وانت ماموجود
تمار: لان ماعندي علم لو ادري بيج راح تجين جان عفت الدنيا واجيت اشوفج
عذراء: بقلبي والله انت مسكين اني ملوعه قلبك صار اكثر من فتره وادعي وياك الهبل لكن اني حاسه بمشاعرك لدرجه من اشوفك اثأثر بيك ،احجي ويا تفسي (عذراء ليش متحاولين اجربين تنطي مجال مو يجوز هو الانسان الي تنتظري ياخذ قلبج )ابتسمت صاير شاعر دكتور.
تمار: هو الي يشوف الورده يكدر ميكون شاعر
عذراء: تمار ما تعبت ولا صابك ملل
تمار: عذراء لو ممكن الانسان يطلع قلبه للي يحبه  حتى يشوف المساحه الي محتلها جان عرفتي سبب هالاشتياق
عذراء: شوف ترى اني مو جريئه مثلك يعني شويه شويه عليه لا تنفجر بمشاعرك مره وحده بوجهي خليني استوعبها بهدوء وعلى جرعات استخدم ويايه اسلوب الطبيب والمريض ههههه
تمار: احلى مريضه ودكتوره بكليه الطب ، عذراء يعني افهم
اكو أمل .
عذراء: مني اكو لكن ويا اهلي ما اعرف ما اكذب عليك انت تقرر ما اريدك تتعلق وبعدين تنصدم وتتأذى اذا قابل جدي طلبك  بالرفض
تمار: المهم عندي انتِ تكونين ويايه وحاسه بيه
عذراء: ابتسمت حاسه من اول يوم لكن جنت مغفله حاليا وعيت
تمار: هالمغفله اخذت قلبي من اول يوم شفتها ولا غابت عن فكري وقلبي يوم واحد حتى وهي بعيده
عذراء: راح تبقى موگفني بنص السنتر دكتور تقبلها انطرد من وراك بأول يوم
تمار: ههههه لا طبعا ما اقبلها بس اعوفج بحاله وحده اذا تفضلتي عليه بالريست اعزمج بالكافتريا على گهوه
عذراء: حاليا بصفة صديق اقبل حتى اكدر اجاريك لان اذا تريد تقلب الدور من اليوم معناها راح تقيدني بالتعامل وياك
تمار: ههههه لا انتِ حبيبتي من اول يوم صديق من جانبج فقط بس هم راضي العافيه درجات مو هيج يگولون
عذراء: ابتسمت صح يله اني اترخص اشوفك بالريست
تمار: اوصلج بطريقي واني اكمل دربي
عذراء:انتهت ال محاضره لاول مره احس متشوقه التقي بي طلعت لگيته ينتظرني ،صارلك هواي تنتظر
تمار: لا هسه كملت واجيت .
عذراء: لعد يله خلي نروح نكعد .
تمار: كعدت گبالي لاول مره احس نفسي مرتبك وياها مع ان هي انسان اريحيه وشخصيتها قويه وحساسه يمكن هذا السبب الي يخليني افكر بكل احجايه تطلع مني قبل ما تطلع خلي اطلب گهوه وارجع
عذراء: والله دكتور لو تخليها جاي افضل
تمار: بلا دكتورلاتقيديني  .
عذراء: ابتسمت بصيغه مزاح تمار چاي ثگيل يعدل الدماغ اذا متصير زحمه
تمار: هههه بعيني طلبته ورجعت
اي عذوره شلونها عطلتج
عذراء: عاديه گابلت البيت قليل اطلع اني بيتوتيه اصلا انت شلونها عطلتك .
تمار: والله متعبه لان اكو جنت ارتاح من اشوفها  يوميه ونحرمت منها بهالعطله
عذراء: اتنهدت ما ادري احس مرتاحه لكلامه ولاهتمامه احساس فاقدته اريد اعيشه واجربه انت بسهوله اتبوح بمشاعرك عكسي تماما
تمار: بمزاح ميخالف اتحملج منا لحد متبوحين
عذراء: ههههه رفعت ايدي احاول لكن ما اوعدك اصير مثلك .
تمار: تدرين احس اليوم انطيتيني كم المشاعر الي جنت اتمناها
حاليا مكتفي بيها لكن يوم الي ( قبضت قبضه بكف ايدي ) املك كامل قلبج ساعتها اصير طماع .
عذراء: هههه لعد تحتاج صبر ايوب حتى تتحملني لا جديات اني انسانه عاطفيه لكن ما اعرف اعبر عن الي بداخلي عندي خوف او يمكن تردد يمكن تكدر بيوم تغيرني من احس وياك بأمان وصدق المشاعر اقصد من جهتي لان اعرف انت صادق ويايه من الاول واتقدمتلي من البدايه لكن الظروف مكانت بصالحنا .
تمار: عذراء ابقي على نفس تعاملج وعلاقتج بيه خليها للوقت هو كفيل يقربنا اكثر مجرد انت تعرفين بمشاعري ومقدرتها هذا الشي عندي چبير واحترمه لان ادري انت انسانه مستقيمه وقويه تحكمين عقلج قبل قلبج
لذلك اني متفهم الحاله الي انتِ بيها كلامج الحالي يبشر بخير خلينا نستقر عد هالنقطه بدون ما انفكر شلون تاليها عندي ثقه كلشي قسمه ونصيب وان شاء الله تكونين من نصيبي لان مستحيل غيرج تدخل قلبي وتهيج مشاعر الحب بداخلي
عذراء: تمام كلامك طمني خلينا نحاول واحد يتعرف ويفتهم الثاني بالاول حتى الباقي يكون سهل
تمار: انت عندج علم مسبق عن امور تخص حياتي صارحتج بيها من طلبت اتقدملج ... لكن اني ماعندي معرفه بأي شي
عنج
عذراء: ميخالف اريد ارجع اعرف واسأل عن كل شي يخصك
تمار: اسمي تمار عبد الرحمن
عذراء: ههههه مشي الشريط هاي اعرفها
تمار: هههه ماعندي خوات بس اخوه اثنين دكتور ومحامي متزوجين
والدي دكتور جراح واستاذج سابقا .
عذراء: فتحتله عيني متفاجئه بمزاح، دكتور عبد الرحمن والدك حرامات " ما استغليت هالمعلومه بالواسطه قبل ما يترك الجامعه .
تمار: هههه لا خلي نحجي جد ولو انت متحتاجين واسطه جايبتها بجداره
عذراء: خلص والله مراح اشاقى كمل
تمار: ماعندي تجارب او علاقات سابقه بس جان اكو موضوع عائلي رايديلي بت خالتي لكن من يوم الي اتعرفت عليج لغيت الفكره وبلغت اهلي ،
خلصت الماستر ودا انتظر اكمل دكتوراه ان شاء الله جان امنيتي تكونين حاضره بالمناقشه افتقدت وجودج بهذا اليوم جان املي نرتبط وتكونين ويايه بمثل هالموقف لكن ان شاء الله الايام جايه تعوضنا عن الي راح ،اهلي
من الطبقة المتوسطه يعني كل واحد بينا هو يبني نفسه ومستقبله امكانيتنا الماديه عاديه بأبتسامه مو زناگيل ولا ملاجه
عذراء: اعبر هالسطر متهمني الماديات .
تمار: اتوقع الوقت مراح يكفي اكمل كل الكلام عندج محاضره صح
عذراء: باوعت على الساعة زين من نبهتني اي والله عندي محاضره خلص نوگف لحد هنا وبعدين نكمل .
تمار: خلي ننزل نتمشى بين ميصير وقت المحاضره اليوم متفرغلج انتظر وقت الريست الثاني .
عذراء: لا ترى هيج دلال يخليني احس بتأنيب الضمير
وليد: ادري شنو هالاستاذ اللزگه مو انشويت من الحر كاعد على المصطبه فركت وجهي اثاوب شلت ايدي ابتسمت من لمحتها  قلبي يتمختر بضحكه
تنهدت اخ شلون راح اتحمل اسافر وما اشوفج يا عله هالقلب والروح
من يوم الي تركت البيت صح امر اشوفج بس احس محروم من روحي وين قبل جنت اشوفج صبح وليل، هسه راح تصير   شوفتج حسره الله يهديك يا جدي مرمرتني جان هسه خاطبها وعاقد اسافر مرتاح ارجع كم يوم اتزوجها وارجع اخذها ويايه حتى لواسبوع  اففففف شلون وياك وشنو الحل
مريم : هلو ولودي صارلك هواي تنتظر
وليد: لا حبيبتي بس انشويت جنت اشگر انگلبت اسمر
مريم : ههههه مشتاقتلك والله البيت بلياك مابي روح
وليد: ادري انت وعذوره وامي وحسونه مفتقديني بس شسوي لجدي ابو راس الگوي .
مريم : لا والله ترى هو هم ضايج بالاخص من عرف راح اتسافر هالايام على گولت بيبي قوي وعنيد لكن ضعيف القلب يخليك اتحس هو مامهتم لكن تصرفاته ووضعه يگول غير شي
وليد: عوفي لجدي هسه انطيني ايدج امشي سولفيلي اتعلمتي على غيابي
مريم : اتعلمت انت مو بالبيت بس ادري بيك قريب وشوكت ما اشتاق اسمع صوتك ارفع التلفون وادگ لحد متطلعلي من تسافر تنهدت شلون راح اتحمل
وليد: يبطه ثاري انت مونستني ومخليه لحياتي معنى مرات اتمدد بهول بيت بيبيتي انسى اني وين اتخيل هسه راح تنزلين من الدرج واشوفج ومن ادخل للمطبخ تجين على بالي لان ادري دافنين صرتج بي اتخيلج فاتحه الثلاجه وماده راسج تاخذيلها نظره كل خمس دقايق هههه
مريم : هههههه شكد لئيم حتى رومانسيه ماعندك عبالي تتخيلني من استقبلك بأبتسامه من اگلك ولودي وادلل عليك
وليد: مو العقل الباطن يحتفظ بالذكريات الي تمر اكثر عليه اطب واطلع انت بالمطبخ حتى وكت السوالف هم تكعدين بالمطبخ على الميز، من نتزوج اسويلج مواعيد دخول للمطبخ .
مريم : ههههه دروح عبالي اسويلك كليجه تاخذها وياك من اتسافر بيبي گلتلي اني وعذراء نحضرها ،مراح اسويلك
وليد: كثري ام الجوز والتمر
مريم : مراح اسوي صار ساعة تقلد عليه
وليد: قلبج مينطيج ثانيا ادري نصها راح يطير وانت تشوين بيها
مريم : اهو ترى والله دتضوجني بهالحجي تخليني اتخيلكتشوفني  مثل الفيل
وليد: لج والله مشتاق اداهرج يبطه دا اتخيل نفسي كل ما اشتاقلج تلگيني ماخذ اجازه وجاي اشوفج ،ومن هسه بس يصير شي اتخابريني ومن اوصل ان شاء الله انطيج الرقم اني امج ما ارتاحلها .
مريم : والله بعد ما اروح من گتلك على اخر مره من رحتلهم
وخالي لمح لامي بالحجي رايدني لمعتصم بعد ماوصلت ، كومه اترزلت من وراك بس ميثم يطبگ ويايه لان گتله ما ارتاح لنظرات معتصم هو ما  ميقبل  بعد اروح
وليد:لاتخافين  اني منطي خبر لسلوان اي احد يتقدملج ينطيني علم واني اتصرف ..