رواية حكايات من بيت جدي الفصل الثامن والعشرون 28 - بقلم مريم اماسي الليل

#حكايات_من_بيت_جدي
الجزء الثامن والعشرين
اماسي الليل
حقوق النشر محفوظه
عذراء:   صباح الخير سنان يگول شوكت  تريدنا تقريبا بالجامعه .
وليد: حبيبتي فد بالعشره ونص  انتو يمي حتى تحضرون الصوره وراها ناخذ صور بكامرتي كلنا بعدها نطلع نتغدا بمكان .
عذراء: ماشي هسه انطي خبر لسنان ،يله ان شاء الله اشوفك هناك مع السلامه طلعت لگيت سنان ينتضرني صعدت (كالعاده بصفه ومن نوصل لبيت شهد ارجع ورا ) عشره ونص احنه يمه .
سنان: لعد لو ادري جان مداومنا اليوم وطلعنا بالعشره بوجهنا للجامعه .
عذراء: يله ندخل اول محاضره وراها انتظركم تمرون عليه ونروح انت شوكت حفلة التخرج مالتك .
سنان : بعد كم يوم ان شاء الله، بعدج مقرره تكملين دراسات ورا متخلصين
عذراء: ان شاء الله لحد الان ماشيه تمام .
سنان: بس عذوره انت مطيه للدراسه اغلب وقتج يعني حتى احنه الي وياج بالبيت  مدنلحگ نشوفج .
عذراء: والله سنان يادوب اللحگ،ولان مخليه بالي ابقى من العشره الاوائل بالقسم حتى من اقدم ماستر بسرعه انقبل واحصل وراها بعثه .
سنان: ان شاء الله انت مينخاف عليج گدها .
شهد: صباح الخير اي ساعه اتفقتوا نروح .
سنان : على العشره امرلج ونروح لعذراء ان شاء الله .
شهد: ان شاء الله والله احس اخويه راح يتخرج ولان اول مره نلتم بصوره كلنا .
عذراء: اسكتي من البارحه مخبوص عبالك عريس .
شهد: ان شاء الله قلبي تفرحين وتشوفين يوم عرسه
عذراء: ان شاء الله
سلوان : فزيت على الطگطگه بالغرفه شفت هويده دطلع ملابسها گمت من الفراش طلعت للحمام اغسل ناديت  مريم وين ملابسي .
مريم : صباح الخير هسه دقيقه اجيبهن  من رحت انطيته الملابس .
سلوان : صباح النور احسن من اختج الي ماعرفت تصبح على رجلها .
مريم : حسيت فشلت منه من ورا سوالفها ما عرفت ارد شي لان استحي منه
تحتاج شي بعد .
سلوان : لا سلامتج .
مريم : دخلت للغرفه ابدل، شويه ودخلت هويده تتمكيج يمي بالغرفه اكلج انت والله عجيبه يعني شنو البارحه نايمه يمنا وعايفه رجلج ادري متخجلين من يدرون بينكم مشكله متقدرين موقفه كدام الولد والبيت .
هويده : والله يستحق، اصلا حتى مباوعت بخلقته
مريم : وليش بله مو الغلط منج المفروض تحاولين تصلحين غلطج ومتخلين مشاكل تافهه تسبب بينكم ثغرات بعلاقتكم .
هويده : مريم هاي اخر مره تدخلين بشي ميعنيج اني مو صغيره وما اعرف اصرف وانت صايره براسي فهيمه .
مريم : خلي انزل اسوي للولد ريوگ لان اكيد مراح اتسويله .
هويده : أسوين فضل والله .
مريم : هزيت ايدي، وطلعت لان صدك  مامتقبله تصرفاتها
سلوان : دخلت للغرفه ابدل طلعت منها بقلبي بسيطه اظاهر صدك اني طيحت حظي بايدي نزلت لكيت مريم مسويتلي ريوگ استحيت منها ،گتلها ما اشتهي لكن  رجعت للمطبخ گتلها صبيلي جاي وكعدت اتريگ ما ردت  افشلها على الاقل قدرتني احسن من اختها .
وليد: صباح الخير .
سلوان : تعال تريگ ويايه .
مريم :صباح النور  شفته ابتسم وغمزلي .
هويده : بقيت انتظرهم بالحديقه من طلع خزرني وگالب وجهه .
مريم : اليوم خلى سلوان هو الي يسوق استغربت نزلت يم كليتي دخلت سمعته ناداني  التفتت اتفاجئت ها ولودي .
وليد: امشي ناخذ صوره مراح نكدر كدامهم ناخذ صوره وحدنا .
مريم : وليد هسه سلوان يعرف من نزلتك ورايه .
وليد: لا تحججت نسيت الكاميرا يمج گتله خلي انزل اجيبها من مريم
طالعه عروس .
مريم : ابتسمت وانت عريس .
وليد: يله حبيبتي حتى الحگ اروح .
مريم : اخذنا صور ، بعدها  ديوصلني للقسم  وايدي بأيده ،سألني سلوان وهويده بيهم شي
مريم : اي ميتحاجون .
وليد: هويده متعرف تصرف ، حبيبتي اذا تصيرين مثلها اتعبج...
مريم : ليش هي شبيها مو يجوز الخلل منه ( مكدرت انطي بأختي)
وليد: يبطه مو تشلعين قلبي تدرين بيه ماعندي لحيه مسرحه ما احب المره الي تستگوي ويا رجلها .
مريم : ترى اضوج من هالتهديدات
وليد: هاي مو تهديدات هاي نخلي النقط على الحروف من البدايه
مريم : دخلي جدي يوافق بالاول بعدين خلي النقط
وليد: يوافق ان شاء الله بس شويه رايدلنا صبر ونسايسه يله راح اروح اشوفج بعدين .
سلوان : من نزل وليد بقت كاعده ورا التفتت عليها بنتر متتحولين لو سايق عندج
هويده : هنا مرتاحه هي خطوتين .
سلوان : تحولي بسرعه ترى انزلج هنا لتفقديني اعصابي ترى واصله وياج لخشمي خلي اليوم يعدي على خير .
هويده : اففف تحولت كعدت بصفه درت وجهي على الشباك .
سلوان : يصير خير يا هويده ابقي بهذا وضعج انت تخسرين .
هويده : ما جاوبته وصلنا نزلت وحدي ما وصلني للقسم مثل يوميه تركني وراح ،عباله راح ينفع ويايه هالاسلوب .
عذراء: التمينا كلنا يم سنتر جامعه بغداد  قريب المكتبه المركزيه من شفت وليد بالمدرج  بين جماعته ودياخذ صوره واحنه واگفين على صفحه
بدون شعور نزلت دموعي يمكن من الفرحه او بسبب حنيته عليه وحبي اله  يمكن مفتخره بي مشاعر تهيجت بلحظتها ،من خلص صورتهم  وگف المصور واشرلي تعالي رحت وگفت بصفه خلى ايده على چتفي واني لفيت ايدي على ظهره  جان منتبه عليه من مسحت دموعي ،وجهنا على المصور راد يضحكني
وليد: ليش هالدموع لازم انقهرتي اخوج محلو .
عذراء: ههههه  خلي ناخذ الصوره اسكت .
وليد: لعد اضحكي ادري بيج حقوده  وتغارين مني .
عذراء: هههههه  اشر للمصور ينتظر
وليد: كافي يله بس ابتسمي لتفتحين حلگج كله .
عذراء: ههههههههه  اخذنا الصوره واني دا اضحك نزلنا  وهو ينظرلي بنظره حب
وليد: حلو واحد عنده اخت  دكتوره ورده  رفعت راس .
عذراء: انت هم رفعت راسي وسندي بالدنيا .
سنان: مبروك ابو خالد  ان شاء الله دور اول
شهد: مبروك والله اني احس اخويه الي متخرج
وليد: شكرا انت هم اختي يله خلي ناخذ صوره جماعيه
مريم : وگفنا سنان  شهد عذراء  وليد اني هويده  سلوان وراها اخذتله صور بالكاميرا .
تقدموا أشور ولارا سلموا حسيته ارتبك كدامي لان لارا سلمت عليه وعلى عذراء .
أشور:  مرحبا ابو خالد خلي ناخذ صوره  .
وليد:  يله صحت عذراء توگف ويايه اخذت صوره وياهم حسيت مريم تراقب نسيت الخجل  كدام سنان وسلوان ناديتها توگف ويانا .
سنان: بيوم حفلة التخرج توگفين ويايه بالصوره الجماعيه وراها  ناخذ نفس صوره وليد وعذراء حلوه
نكبرها ونخليها بالغرفه
شهد: سنان انت راح تتخرج ويا دفعتك اخاف عيب اوگف وياك .
سنان : ليش عيب كلها تدري بيج مرتي، وعاجبني اوكفج  بصفي وين المشكله .
شهد: ان شاء الله اني هم عجبتني الفكره، تبقى ذكرى .
مريم : بالاول اتضايقت  من شفت لارا الغيره اكلت قلبي، شفته ابتسم وعينه عليه مثل الي قرا الي دا احس بي اشرلي تعالي واني واگفه يم  الولد بالاول خجلت ثولتها ما رحت  الى ان ناداني  بأسمي .
وليد: عذوره جيبي  مريومه
عذراء: تعالي مريومه دناخذ صوره .
مريم : رحت وگفت بصف عذراء بس قلبي طاير من الفرح ردت اخلي الامور طبيعيه ،سلمت على لارا وأشور بقينا واگفين شويه نسولف ارتاحيت
من شفت علاقة لارا بوليد طبيعيه .
عذراء: من خلصنا الصوره  انتبهت  شهد وسنان يسولفون ويضحكون وسلوان وهويده كل واحد بصفحه طلعنا نتغده بمطعم كلنا متفاعلين  وهم على نفس الحال،همست لهويده ،انت تحجين صدك گالبه خلقتج عليه ترى مو وكتها .
هويده :  حقج مشفتي شنو حجى الصبح غثني .
عذراء: ميخالف شويه تنازلي وامتصي عصبيته مو تدرين  بيهم من اطگ براسهم بعد ميشوفون گومي هويده لتصيرين زعطوطه اكعدي بصفه احجي وياه محلو تخلي بموقف كدامنا مبين بينكم شي .
هويده : هسه يتفرعن براسي ويتعود اني اصالحه .
عذراء: هويده انت الغلطانه لخاطري خلي الامور طبيعيه سلوان قلبه طيب تكدرين تكسبي .
هويده : زين فهمت، كمت كعدت بصفه شنو راح تطلب .
سلوان : شعجب مهتمه ودايسه على روحج .
هويده : ابتسمت اشتاقيتلك البارحه مكدرت انام .
سلوان : ادري بيها كذبت  اظاهر متدري بيه سألت مريم عنها بالليل
من نزلت اشرب مي،لكن  راح اعديها واكسر الشر لان موقفي محلو كدام الكل حسوا اكو شي بيناتنا )
بعد لا تعيديها  وتنامين برا الغرفه وانتبهي على واجباتج .
هويده : اليوم اصالحك ابو السوس صاير نحس وتغثني
سلوان : مو وكتها بعدين نحجي .
هويده : ترى مبين مشتاقلي وجنت ضايج لان اني مو يمك .
سلوان : جنت اتمنى احسها صادقه والكلام طالع من قلبها بس حسيتها تتبع ويايه اسلوب الضحك على الذقون واني هم سايرتها لان اعرف ورا هالتنازل طلب اتمنى اطلع غلطان )طبعا اشتاقلج غير مرتي شعندي غيرج
مرت يومين امورنا  تمام گلت هالمره ظلمتها لكن من رجعت من الدوام العصر تلگتني مبدله تريدني اوديها اطلعها معزومه بداخلي ضحكت لان ثبتتلي غبيه  من تصور اني اهبل وما افتهمها وتصور نفسها  تكدر تضحك عليه ما تدري  بمزاجي مخليها تتخيل هالشي .
بعد مروراكثر من ثلاث اشهر  :
شهد: الو هلو عذوره تكدرين تطلعين ويايه نختار  البدله .
عذراء: الو  اي ماعندي شي شوكت تريدين
شهد: باجر گلي سنان يمرلي وامي  ملتزمه بخطوبة بت خالتي متكدر تجي ويايه ادري دا اثقل عليج بس انت اختي
عذراء: ميحتاج تبررين اذا ما اوگف الج  ولسنان بهيج يوم المن اوگف باجر اعتمدي اني اجي وياكم ، اناديلج  سنان
شهد: اي والله ياريت .
سنان : هلو شهوده .
شهد: هاهيه اتفقت  ويا عذراء تجي ويايه .
سنان : حبيبتي ادري ميحتاج اوصيج البدله مقبطه
شهد: ميحتاج حفظت الطلبات طلعت نحس
سنان: هههه مو گتلج انتِ بس الي ولعيوني ,حقي لو مو حقي
شهد: حقك ,حبيبي ليش متنزل ويانا مو احسن حتى ترتاح
سنان : لا ميحتاج  اعرفج ثقه وعذراء وياج يعني اني وياج .
عذراء: ثاني يوم اكتشفت فتره خطوبتهم الي طولت جانت  فتره كافيه تخليني استقبل الموضوع طبيعي واقنع بقسمة رب العالمين
مجان بداخلي اي انانيه او حسد لشهد بالعكس جنت اشوف الفرحه على وجها ووجه سنان احس براحه لان راح ينسعد وياها جنت مقتنعه سعادته هي سعادتي واكيد رب العالمين راح يجازيني خير على الي بداخلي بقينا كم يوم نطلع نحضر امور العرس
اختارت بدله بسيطه ردن طويله والصدر مشغول ومن جوه ستن ثگيل ما منفوش والطرحه كيبير مشغول وبي خيط فضي ناعم بوقتها موديلها جان  حديث اني والبنات حضرنا فساتين بسيطه للعرس
حجزوا القاعه لكن سنان راد العرس منفصل النسوان وحد والرياجيل وحد مع أن بوقتها جانت الاعراس مختلطه.
مريم : قبل عرس سنان بأيام اني والبنات بالهول كاعدين نتفرج تلفزيون جانت طالعه اغاني وجبنا سيرة عرس سنان خلينا براسنا كم اغنيه للعرس ،
همزين العرس منفصل حتى نركص مو مثل عرس سلوان بس نتفرج
عذراء: ههههه والله هسه هم يكتمون على نفسنا .
هويده : لا والله اذا بس نسوان بعد شنو حجتهم .
مريم : گمت اركص والبنات يضحكون ماخذه راحتي لان الولد ناس نايمه وناس طالعه ما ادري بالنسر بالحديقه وداخل
بالكلدور  شايفني باقي واگف يتفرج عليه ويضحك البنات يصير ظهرهم عليه ،التفتت اضحك صار بوجهي احس من الخجل طلع دخان من راسي ضحك ضحكه مكتومه  غمزلي وطلع من الفزه كعدت على القنفه فشلانه
لليل بقيت  اتهزم منه ما التقي بي احس مسويه جريمه الى ان صعدت  انام لگيته بالهول  الفو گ كالعاده يتفرج تلفزيون  من شافني ضحك اشرلي تعالي .
نعم
وليد: بله لو احد نازل من الولد لو عمامي وابويه شايفج .
مريم : ادري بسلوان نايم وسنان طالع وعبالي انت طالع .
وليد: بعد لاتعيديها
مريم : ماشي .
"في يوم زواج سنان"
عذراء: كملنا امورنا مثل عرس سلوان انقسمنا نصين ناس توجهوا للقاعة وناس ويا سنان بالزفه اني  ويا اهلي  من ظمن الي توجهوا للقاعة
اتذكر منظرهم من دخلوا جانت طالعة گلش حلوه تسريحتها بف من كدام وشعرها من ورا مرفوع والطرحه طويله وسنان بالقاط الاسود وربطة العنق سوده مقلمه بأبيض
من شفته نسيت العالم نسيت اليوم زواجه على ابتسامته ابتسمت وحسيت قلبي طاير بي جنت اتخيله بهذا اليوم واليوم شفته احلى من ما كان بخيالي ودعته بقلبي واتمنيت الله يسعده وياها وهالابتسامه متفارگ وجهه جانت الانغام 
الي دخلوا عليها موسيقى الف ليله وليله لام كلثوم على كد كعدها بالكوشه والخجل والارتباك باين على ملامحه عمي قيصر جان فرحان بي حسيته مفتخر بسنان اكثر من ما شفته بعرس سلوان اخذ عمتي أمال وراحوا يم العرسان
شفت عمي يتهامس ويا ويضحك وسنان مرتبك ويبادله الابتسامه اما جدي جان طاير من الفرح هو وبيبيتي بدت الهوسات
وسلوان شاله على چتافه وهو بقى مبتسم لكن حافظ على وقاره فرحته ماجانت بحركات او تصرف ،جانت باينه بعيونه ونظراته لمرته ،حسيته ميريد عينه تفارگها لحظه وهي نفس الشي منظرهم مستحيل يخلي احد ميبادلهم الفرحه بعدها التفينا حولهم يگصون الكيكه .
سنان : الناس تيهت بينج وبين الكيكه .
شهد: ابتسمت سنان ترى والله راح اموت من الخجل هونها عليه بعدين أتغزل .
سنان: لا عمي بطلت اتغزل كيكتي راح تموع من الخجل .
شهد: گصينا الكيكه على كد رجعني للكوشه وطلع لحديقة النادي لان الزلم حفلتهم برا ، ما كان بودي افارگه لحظه
التهيت ويا البنات من جروني اركص وياهم جنت فرحانه لدرجه نسيت الخجل والارتباك وارتاحيت ويا عذراء حسيتها اختي والفرحه مبينه بعيونها حضنتها
عذراء لو تدرين شكد احبج احسج نعمه من رب العالمين  نزلت دموعي لكم المشاعر الي احسها تجاه هالانسانه شكد نظيفه وقلبها طيب .
عذراء: يمعوده راح يخرب المكياج والعريس يحقد عليه اني هم احبج انت مو صديقتي انتِ اختي الي جنت اتمناها .
هويده : من خلصت الحفله ودخل سنان ويا الولد يزفوا، التمينا يم باب القاعه استقبلنا بالهلاهل بلحظتها صار عندي احساس  الغيره من شهد من شفت نظراته والحب  الييطلع منها ما فارگت عينه لحظه من دخل الى ان وصل يمها كأنه محد موجود بالمكان غيرها ، اخذ ايدها وطلعوا من سلوان صار بصفي التفتت عليه متصير مثل اخوك شوفه شلون يريد ياكل مرته من الحب والرومانسيه .
سلوان : ليش اني مو رومانسي بس انت ِتنبل.
هويده : لا والله لو اشوفك هيج جان مصرت تنبل، بقى يباوعلي بنظرات ويبتسم
سلوان : يعني اليوم نرجع عرسان .
هويده : نرجع خلى ايده على چتفي وطلعنا وراهم  زفيناهم للجزيره السياحيه
  شهد :  من ركبنا السياره بقى ساكت اخذ ايدي بأيده، احيانا يسولف ويا وليد هو الي زفنا  ،من وصلنا للغرفه .
سنان : حبيبتي  خلي انصلي 
: شهد: وگفنا هو كدامي واني خلفه  صلينا ورددت  ورا الدعاء
من خلص وگف ونطاني ايده حتى اوكف كدامه ، طلب  انبدل الحلقات بقت عينه بعيني سحب ايدي وبدلنا الحلقات بدون ما نظراتنا تتفارك لحظه 
سحب  علبة  ذهب ( شفت عمه أمال انطتهيا من دخلنا للغرفه   بدا يلبسني الذهب كان ويه كل قطعه يفسرها شنو تعني اله من لبسني السوار
سنان:  هذا بمعصمج دلاله أني عصمتج  عن اولاد ادم
و الكلاده هاي رمز طوقتج  بي بكل مشاعري وامنياتي لاخر العمر رفعت ايدها  اما المحبس هذا قيد يربطبج بيه الى اخر الانفاس.
شهد: من كم المشاعر الي حسيتها ما اعرف اوصفها حضنته
سنان راح ابقى احبك لاخر يوم بعمري واذا ما كدرت اعبر عن محبتي الك مثل ما انت تعبرها فالسبب منك لان شكد احاول  اعبر انت اتفاجئني بتصرفات متخطر على بالي ولا جنت متوقعتها منك .
سنان : لا ترى انت ماخذه فكره بريئه عني راح اغير فكرتج من اليوم ههههه مو گتلج عندي وجه ثاني .
شهد: ههههه احبك بكل الوجوه