رواية حكايات من بيت جدي الفصل الخامس والثمانون 85 - بقلم مريم اماسي الليل

عذراء:  صحيت على صوت دك الباب ....
فتحت عيني فزيت ... التفتت على مكان سنان ... ماكو بصفي
استغربت ليش ديدك الباب
تحوكت بسرعة بأتجاه الباب بمحاوله فتحه انتبهت  مقفول
خليت أيدي على حلگي  يا الله قافلته بدون ما احس .... شكد عيب الرجال نام برا
سمعته بغضب  ....(وتالي )....
فتحته بسرعة ... صار بوجهي  عيونه براسه
صباح الخير
سنان : صباح النور ... ناوشيني ملابسي دا اروح اتريگ جدي ينتظرني
وحولي بقيه ملابسي  بالغرفه الثانيه
عذراء: أسفه والله سهوا ما ادري بنفسي من قافلته هسه أتفاجئت
سنان: غيري ملابسج بسرعة دينتظرونا من نرجع النا حديث
عذراء: ما دخل للغرفه ... انتظر انطي ملابسه اخذها ودخل بالغرفه الثانيه
قلبي گام يدگ من الخوف عصبيته بعيونه وجهه لكن نبره صوته هاديه مبطنه بتحلف
يا الله يا عذراء شنو هالغباء يعني بقيتي تنتظري وتالي طلعتي قافله الباب
هسه شلون اخلي يصدك مو بقصد
غيرت ملابسي وطلعت لگيته ينتظرني .... رحنا لبيت جدي
تريگنا ... دخلت ساعدت مريم  طلعت دا اگله خلصت لگيته راجع للبيت وحده 
جدو انتبه عليه گلي سنان طلع بشغله ويا وليد  يرجع على الغدا راح تبقون لليل اتفق ويايه
جاوبته ان شاء الله يابه وإني قلبي كله خيبه أمل ... طلعت للحديقه
گعدت صفنت لتصرفاتي الي كلها غلط بغلط بدل ما راح اخلي يحبني راح اخلي ينفر مني المفروض اعرف شخصيته قويه وحساس
شغله البارحه اعتبرها عدم احترام ما هانت عليه نفسه اخلي بهيج موقف
بقيت محتاره شلون راح  اصالحه ...  اه يا بيبي لو انت موجوده كان فضفضت وانت تنصحيني .... ما اكدر احجي لامي لان تنقهر وبنفس الوقت ابويه الله يرحمه سهل بالتعامل
ماكو غير مريم تنصحني هي أصغر من عدنا بس احسها فاهمه مثل بيبيتي وصبوره  ووليد شخصيته قويه مثل سنان
رحت من الممر الي يودي على باب المطبخ .... مريم تعالي اريدج
مريم : انت تعالي دا اطبخ
عذراء: الله عليج عوفي الي بأيدج .... وتعالي عندي شغله وياج مهمه
مريم : شكو قلقتيني طلعت وياها للحديقه كعدنا على المرجوحه
عذراء: حجيتلها الي صار من اول يوم الى الصبح ....
مريم : الله عليج وباوع بوجهج .... هاي لو اخوج راجع بليل ولا گيني قافله الباب الا يكسره ويدخل يكسر راسي
احمدي ربح سنان طبعه غير يعرف يسيطر على عصبيته ويمكن لان بعدكم عرسان مراد يخليلج ذكرى سيئه بهالأيام
عذراء: هسه عوفج من الملامه شنو اسوي
مريم : هههههه ماكو لازم تتلوگين وتصالحي من ترجعون للبيت
شويه حبيبي حياتي والله مو مقصوده بقيت انتظرك اشتاقيتلك احضان
قبله على الخد تصفى الأمور
عذراء: والله استحي
مريم : لعد خربتي حياتج من اولها بهالتصرفات الغلط  المفروض أبد ما تذكرين حياته السابقة والمرحومه ومتقارنين لان راح انت تنبهي يقارن بين حياته وياج وحياته بالماضي
ثانيا المره راحت لدار حقها على شنو تغيرين عليه هو ألج لا تنافسج عليه ولا الرجال اله أمل بيها
أبدي صح خلي يتعلق بيج خلي يحبج مثل ما انت رايده كل هالامور تصير بالصبر والكلمة الطبيه تتذكري تصرفاتها ويا أكيد جانت تسولفلج عن أمور تخص علاقتهم عن طبيعه سنان ....
عذراء: اي جانت الله يرحمها تسرني بس ما اتذكر ناسيه
مريم : عذراء انت المفروض اكثر وحده قريبه لسنان وتعرفين اطباعه
يعني ما تحتاجين نصيحه  فكري شنو الي يحبه وشنو الي يكره وتجنبي
عذراء: مو اني مامتعلمه عليه يحجي ويايه بهالطريقه ولا معصب عليه بيوم ثولني معرفت أتصرف
مريم : اكعدني ويا نفسج وتذكري مواقف قديمه كلامه تصرفاته راح تلگين ألطريقه الصح بالتعامل ويا
اني اروح اكمل طبخ وانت اكعدي ويا نفسج يا ظالمه ليلتين تعوفين الرجال وتنامين .... انت وذيج بس لسان مابيكم خير
اخ لو لعد لو عدكم الي عندي .... كان ربالكم قلب
عذراء: ولج لاتحجين على اخويه على الأقل تدرين بي يموت عليج
مريم : بس دفعت ثمن هالحب  هواي اذيه الى ان افتهمته وهو هم تغير
اخ لو موجوده العصا الا انطيها لسنان بنتله وحده يمشيج على الصراط
ابن عمي جنتل
عذراء: ولج لعد اخويه مو جنتل
مريم : هههههه اخوج ينتل مو جنتل  هسه يجي يريد غدا كلشي ولا بطنه
عذراء: دروحي لا تترزلين  من ورايه
بقيت أفكر بكلام مريم واستذكر كلامه وتصرفاته خلال هالأيام وقبل
ما حسيت بالوقت الا من دخل هو ووليد .... حسيت بيهم شي
وليد: ها عذوره شو وحدج
عذراء: لا جانت ويايه مريومه قبل شويه دخلت
سنان: ادخلي الشمس عاليه مو مال كعده بالحديقه هيج وكت
عذراء: دخل وليد ودخلنا ورا اني وسنان يم الكليدور سألته
ليش تخاف عليه
نظرلي بطرف عينه ...
سنان: لعد ليش ما اخاف
عذراء: لزمت كف ايده  وداعتك ما مقصوده بدون وعي قافلته
سنان: بعدين نحجي
عذراء: لا متدخل للهول الا تسمعني والله جنت انتظرك وحتى من شفتك تأخرت مديت راسي من شباك المطبخ شفتك انت والولد  واگفين برا
ودخلت للغرفه انتظرك لهيت نفسي بالراديو ما ادري قافله الباب
(لزمت بثنين أيديه خده) ... گول مزعلان 
سنان : لج بابا لحد يشوفنا بعدين من نرجع للبيت نحجي
عذراء: لا ماكو الا اصالحك 
سنان : ابتسمت هيج ما أتصالح ترى اني ما اتقشمر   ...  من نرجع نكعد نتفاهم انت تحجين الي عندج وإني احجي الي عندي 
وراها نسوي كعدة صلح 
عذراء: اتذكرت كلام مريم ... تعلگت برگبته
شعندي غيرك وأزعلك
سنان: احتضنتها  هذا الدلال أريده بالبيت مو يم العالم
عذراء: رفعت نفسي وقبلته على خده .... هاهيه صالحتك
سنان: منو كلج اكدر أزعل منج يا توأم روحي  ...
عذراء: من شفته ديقرب شفايفه ... نبهته ترى احنه مو بالبيت بالكلدور
اي احد يمر يشوفنا
سنان: لو ما وعدت جدي من البارحه نبقى لليل يمهم  واخاف يزعل هسه ارجعج للبيت
دخلنا للهول كعدت بصفي
عذراء: ابتسمت اذا لگيتني نايمه  مثل البارحه شنو تسويلي
سنان: انت حاولي تسويها  وما اقصر وياج  
وليد:  مديت راسي من باب المطبخ الله يساعدج يوم
مريومه شوكت يجهز الغدا
سعاد: ها رحت على عمو فريد
وليد: اي رحت وعدني يرتبلي الموضوع بس لازم اسوي وثيقة تثبت
اني المعيل ألج
سعاد: اني شنو علاقتي
وليد: لعد تريديني اسافر واعوفج ... تجين ويانا
سعاد: ابني اني ما اسافر وثانيا شلون اترك اختك وعمي خطيه وحده
وليد: اختي صارت على ذمه رجال واتصور تعرفي حق المعرفة ومأمنه عليها عنده
وجدي كلهم يمه وهو بنفسه سمعتي گلي روح لفريد خلي يتوسطلك بالقرعة حتى يدزوك لدوله زينه
يعني ماعنده مانع
يمه الله ينطيك الصحه لا تعترضين حالج من حالنا وين الله كاتبلنا نروح انت ويانا موضوع منتهي مابي نقاش ومتأكد حتى عذراء تفرح بهالقرار
اني من اسافر وعذراء بعد كم شهر يصير عدها طفل تلتهي بالمسؤوليه ودوامها منو ألج تبقين وحدج
سعاد: اخاف اختك تنقهر ... وتحس نفسها بقت وحدها
وليد: ورا الغدا نفتح الموضوع متأكد موقفها إيجابي اعرف عذراء متفكر بنفسها بالعكس مصلحتنا عدها بالدرجه الاولى
مريم : عمه عذراء هنا متحس بغربه كلهم يمها  لكن احنه من نتغرب نفتقدكم على الأقل وجودج ويانا يهون عليه وعلينا وثانيا كل اجازه ننزل نشوفهم
سعاد: عمه انتو جربتوا الغربه وكدرتوا تتكيفون اني  جنت اسافر ويا عمج الله يرحمه أسبوع وأسبوعين اشتاق لبلدي وأهلي وهاي جنت بوقتها شابه مو هسه تالي عمري اكضي بالغربه صعبه
وليد: يمه موضوع منتهي لو تسافرين ويايه لو الغي اسمي وما اسافر
سعاد: خو انت ما تتفاهم شكو رابط روحك بيه سافر شوف حياتك
وليد: حضنتها يمه مو من تجين ويايه مريم تخاف منج واداريني
  ضربتني على جتفي تضحك
سعاد: والله  اني أمك ما اكدرلك  مو عاد مريومه
مريم : مو هذا حظي يحجي
سعاد : عمه كذاب ... يريد يداهرج
وليد: لا والله يمه طلعت تحب ولدها اكثر مني راح ذاك الوكت الي تتنغصلي بي حتى الأكله
هسه تذكر خالد خطيه يحب فلان شي  ومعن خطيه ما اكل زين
مريم : والله عمه ناكر وبحياتي ما شفت اب يغار من ولده بس هو
سعاد: ههههه لا عمه جدج هيج الله يرحمها عمتي فد يوم سوت حلاوه خلتها على ميز الطعام
والولد قضوا عليها بقى ماعون شالته لعمج معن الله يرحمه عمي راد
گلتله ضميا واحد لمعن أكله انت ويا
زعل ودردم عليها ذكرني ولدج وإني ما تذكريني لابنج تنغصتيله وخليتيله حصته اني محد يذكرني
تالي خطيه رجعت سوت من جديد .... ما قبل يضوگها قفل بقى زعلان منها
وليد: رفعت أيدي ... شوفي ما جايبها من بره كلها جينات ياسر انت الي عليج تصيرين مثل بيبيتي الله يرحمها وداريني ... وإلا
مريم : اذا تريد تزوج  روح الله وياك بالعافيه عليها
وليد: زين منو گلج قصدت زواج يجوز قصدي اعاقبج اتبرع بولدج
دائما ظالمتني  شوفي يمه هاي كدامج 
سعاد: كافي شكد اداهر والله لو تلف الدنيا كلها متلگى اظفرها 
والله بس تفكر لا اني أمك ولا أعرفك ... الي تهون عليه عشرة العمر ويجازي مرته بنكران وما توگف بعينه لو شغله وحده زينه مسويتها اله
هذا خاين لا الله ولا رسوله يرضون عليه لان ظالم فتخيل تظلم  انسانه
بدتها وياك من الصفر تساندك وتراعيك وداريك  وحياتها الك ولبيتها ولأطفالها
خلي هالكلام دائما كدام عينك انت بيدك تخلي حياتك سعيده ويا مرتك
المره مثل الورده تسقيها وتعتني بيها تعطر حياتك
تهملها تيبس وما يبقالها عطر
تنطيها حب تبادلك هالحب ... تسمعها حجايه حلو تعكس سعادتها عليك  بس يكفي تخلي  كدام عينك مرتك شريفه وصاينتك مخليتك تمشي بين الناس مرفوع الرأس  هاي كلش چبيره بعين الرجال الصدك ....تخلي يقدر زوجته ويصونها
وليد: والله عمي مريمتي حظها كاعد ويا الكل قبل بيبيتي الله يرحمها وهسه ام الله يعطيها الصحه والعافيه كلها توصي بيها
مريم : قل اعوذ برب الفلق .... ضحك وطلع
عذراء: وين طلعتوا انت وأبو خالد
سنان: لبيت جدو فريد وليد راد منه توصيه .... علمود سفره وناوي ياخذ عمتي ويا
عذراء: قصدك من يسافر ياخذ أمي ويهم
سنان: اي ترى حقة أمه ونفسيا ما يكدر يتركها هنا حتى لو كلنا موجودين وحتى انت بس هي بعد من وفاة عمي صارت بعهدته  اعرف مو سهل عليج
عمتي تصير بعيده بس اعكسي الحاله من سافرتي تكملين دكتوراه الظرف جبرج تتحملين فراقهم ... هالمره هي وانت ووليد هم مجبورين هو الولد هذا مستقبله وهي مكانها ويا وانت مكانج ويايه من ينفتح هالموضوع
ماأريد تخلين عمتي تحس انت مستصعبه الامر ...
فكري بي من كل النواحي راح تشوفين ماكو غير تسافر وياهم لو اخوج يخسر مستقبله