رواية حكم القلب❤ الفصل السابع 7 - بقلم روز الفياض🌹

#حكم_القلب
#ح٧
.
.
.
‏"تخيل أن يمُن الله عليك بإنسان كُل الأشياء بِجوارهِ آمِنة مُطمئِنة، حتى قلبِك."
.
.
.

بقينه نحجي مرات بالتليفون وبين فتره وفتره يجي للكليه.
وجان اذا ميكدر يجي ينتظر منال يم راس شارعهم من تطلع حتى يسألها عني.

.
.

اليوم عيد ميلادي وعادة جنت اجيب كيكه صغيره اني ومنال وكم بنيه و ولد من شعبتي وجانوا يجيبولي هدايا بسيطه رمزيه يعني بطاقات تهنئه او اقلام او لفكس او كتاب معين لان اني احب القراءه.

كاعدين نسولف اني ومنال والبنات والولد واجه عبدالله.

عبدالله :
السلام عليكم.

كلنه :
وعليكم السلام.

اتفاجأت بي مكال راح يجي ولا يعرف تاريخ عيد ميلادي حتى يجي.

كعد يمنه سولفنه شويه وعرفته منال عالولد والبنات كعد عالكرسي اليمي ويحجي بصوت ناصي.

عبدالله :
كل عام وانت بخير ...
ان شاءالله العمر كله.

مروه :
وانت بخير ..
شكرا..

عبدالله :
مكلتي اليوم عيد ميلادج وعازمه شلتكم؟

مروه :
اكو واحد قبل يوم يكول؟

عبدالله :
لعد شوكت يكول؟

مروه :
بنفس اليوم.

عبدالله :
ليش ؟

مروه :
حتى محد يكلف نفسه ويجيب هديه ..
هيج ابسط واحلى.

عبدالله :
يعني الموجودين محد منهم جابلج هديه؟

مروه :
لا بالعكس لكن هدايا رمزيه بسيطه اشياء للذكرى يعني قلم بطاقة تهنئه قصه هيج اشياء يعني .

عبدالله :
خوش فكره.

حجه ويه منال ماادري شكال ...
التفتت منال علي :
مروه حبيبتي كومي وصلي دكتور عبدالله لقسم الجغرافيه يريد يشوف وليد ..

مروه :
ياوليد ؟
وليد منو ؟

منال :
وليد هذا الولد بقسم التاريخ ..

مروه :
تاريخ لو جغرافية ؟؟؟
اذا اني مااعرف وليد شلون اوصله اله ؟؟

منال :
اخخ ياربي صبرني ..
وليد .. وليد شبيج ..
هو يعرفه مو انت ..
انت بس وصليه ..

باوعتله شفته يضحك !!!
استوعبت يريد نكوم نتمشى بس ميريد يبين هالشي كدام الطلاب.
يااا واني فضحت الدنيا بغبائي .

كمت وهو كام ورحنه نتمشى.

عبدالله :
عرفتي وليد لو لا ؟؟
هههههه

مروه :
ههههههه هسه عرفته .
شمدريني منو وليد .. الله يسلمها منال افكارها خارقه عافت الاسماء كلها ملكت غير وليد ههههه ..

عبدالله :
عبالها تلكفيها وهي طايره هههههه .

مروه :
بهاي الامور تعذروني ..
ماعندي تجارب ههههه .

التفت علي باوعلي :
تدرين هالجملة شكد تعنيلي ؟؟

مروه :
اي جملة ؟

عبدالله :
مو كلنه تلكفيها وهي طايره ههههه ..
جملة ماعندي تجارب ..

مروه :
يعني مثلا انت جان عندك شك ؟

عبدالله :
لا ..
ابداً ..
فهمتيني غلط ..

مروه :
وشنو الصح ؟

عبدالله :
انه اني الوحيد السمحتيلي اكون بهالمكانه ...

سكتت محاولة اتعمق بالحجي حتى يحجي شي اكبر واضطر اواجه نفسي ..
اخاف اكون صدك حبيته ..

شافني طولت بالسكوت ويمكن فهم خوفي فباوعلي :
اي ....
كل عام وانت بخير.

مروه:
ههههه شنو كل دقيقه.

عبدالله :
ليش مكلتي؟

مروه:
مو كلنه عيب ميصير ..
بس انت منو كلك؟

عبدالله:
ناس اعرفهم هنا اتصلوا بيه كلولي حبيبتك اليوم عيد ميلادها.

مروه:
هاا !!
منو ؟؟
شنوو حبيبتك؟!!!!
منو هالناس؟

وكفت بمكاني من الخوف ..

عبدالله :
شبيج لتخافين اتشاقه منال كلتلي اليوم الصبح شفتها.

مروه:
عبالي والله كلبي وكف.

عبدالله :
شنو تردين اجيبلج هديه؟

مروه :
شكرا بس ميحتاج.

عبدالله :
ميصير لازم هديه حتى بعيد ميلادي انت هم تجيبن هديه متغلسين هههه.

مروه :
معناها كيفك كتاب او قلم ..

عبدالله :
لا اني جبت شي بسيط بس حتى متنسيني بيوم من الايام هذا اللي سمح بي وقتي طلعت من الدوام للسوك عالسريع ماكو وقت افتر واشوف براحتي واجيت لهنا.

طلع علبه زغيرونه وانطانياه.

باوعتله وباوعت للعلبه.

عبدالله :
شبيج خايفه؟
اخذيها فتحيها تره شي عادي وبسيط.

اخذتها وفتحتها حرف(A) ذهب.

مروه:
لا عبدالله لا مااتفقنه هيج مااكدر اخذها.

عبدالله ؛
ممتفقين على شي اصلا.

مروه:
لا مااكدر اخذها.

عبدالله:
اي ليش؟

مروه:
هوايه ...
مو مال هيج وضع ولا مال هيج علاقه.

عبدالله :
ليش؟
انت ليش كله خايفه؟

مروه :
عبدالله انت داتمشي بسرعه ديتطور الوضع بسرعه.

عبدالله ؛
بالعكس كولش بطيئ مع العلم انت فاهمه واني فاهم انت تعرفين واني اعرف شنو نريد بس دنماطل وحاسين بالاحراج ليش مااعرف.

مروه :
انت متعرف شي.

عبدالله:
مااريد اعرف شي اعرف بس اني احبج وانت تحبنيني وبس ..

ظليت مصدومه من كلامه هالمره صار كل شي عالمكشوف مااكدر اتهرب بعد ولا هو.

عبدالله :
الباقي مو مهم...
المهم هسه تاخذين الهديه.

مروه :
بس لازم نحجي اكو اشياء مينفع تتأجل اكثر مدام صار كل شي واضح هسه.

عبدالله:
اخذيها اول وبعدين نحجي بكل شي...

.
.
.

كُنت أمِيل للطمأنينة فوجدتُني أميل إليك.
.
.
.
لايك وتعليق وعشر ملصقات .🌹