رواية حكم القلب❤ الفصل الثامن 8 - بقلم روز الفياض🌹

#حكم_القلب
#روز_الفياض
#ح٨
.
.
.
- تستحقين أن يغير احدهم خططهُ لأجلكِ🤍.
.
.
.

مد ايده قدملي الهدية وهو يباوعلي ..

مروه :
مااكدر ..

عبدالله :
اذا متاخذيها ازعل ..

مروه :
عبدالله افهمني ..

عبدالله :
فاهمج ..
جدا فاهمج ..
صعبه عليج وحقج .. ممتعوده تقبلين هدايا من احد ..
بس اعتبريني حالي حال زملائج وزميلاتج الي قبل شوية جنتي كاعده يمهم وجابولج هدايا وقبلتيها ...
شنو فرقي عنهم ..

جاوبته بانفعال :
شلون شنو فرقك عنهم  ...
انت تختلف ...

وسكتت خاف اجفص ..

ابتسم وابتسامته جانت مريحه ..

عبدالله :
لعد ليش متقبلين تاخذيها مدام اني اختلف ...

بقيت ساكته ماعندي عذر ...
ترددت بالبداية بس مديت ايدي اخذت الهديه بخجل واحراج :
عبدالله انت انسان محترم ...
اني بحياتي محاسه بهيج راحه ويه احد بالحجي بس وياك مااعرف ليش ...
واعرف الي داسوي كله غلط واعرف راح اندم عليه بعدين بس مخايفه مااعرف ليش ...
مرتاحه وعندي امل .

عبدالله :
ليش غلط؟
احنه شمسوين؟
تره محد يعرف بموضوعنه بس منال واني نيتي صادقه وياج والله ..
اني مااحب هالسوالف لذلك جنت ممرتبط ..
بس من اول مره شفتج عجبتيني وبعدين حبيتج شنو الغلط بالموضوع؟

مروه:
خل نحجي بصراحة ...
انت سني واني شيعيه.

عبدالله :
وشنو يعني؟
قابل احنه اول اثنين يحبون بعض وكل واحد من مذهب؟
اكو ناس كل واحد من دين وتنجح علاقاتهم ويتزوجون ويكونون عائله.

مروه :
اهل ابوي متعصبين مراح يوافقون.

عبدالله : م
مو كيفهم يوافقون لتخافين.

مروه :
وبعد شي اخطر.

عبدالله :
اخطر!! هههه.
شنو؟

مروه :
مينطون للغريب.

عبدالله :
هم مو بكيفهم.

مروه :
وبعد اكو شي ..
صعب ..
كلش صعب ..

عبدالله :
ياستار يارب هههههه
ليش هالتشاؤم هههههه
شنو هالشي الكوولش صعب ؟

مروه :
ابن عمي يريدني ..

عبدالله :
ابن عمج؟
من شوكت؟
اتقدملج يعني ؟

مروه :
لا لا ممتقدم ..
بس من زماان جانوا يكولون مروه لحيدر.

عبدالله :
يعني من جنتوا صغار قصدج؟

مروه :
اي.

عبدالله :
يمعوده وكعتي كلبي..
شي صعب وشي كلووش صعب ههههه ..
هو هذا ؟؟
ههههههه .
عبالي مدري شعندج ..
هاي سوالف صارت قديمه وابن عمج يمكن يحب وحده ثانيه هسه او يعرف وحده ..
اني هم جانوا يردونلي بت خالتي بس اتزوجت وراحت يأست مني هههه.

مروه :
الله يسمع منك.

عبدالله :
وانت ؟؟

مروه :
شنو؟

عبدالله :
ترديه ؟

مروه :
منو قصدك ؟
ابن عمي ؟؟
اذا اريده شسوي واكفه وياك لعد؟

عبدالله :
يعني تحبيني مثل مااني احبج مروه؟

استحيت حيل وضحكت.

مروه :
Stop شويه شويه مو هيج لتتوقع تسمع مني هيج كلام

عبدالله :
ليش همه الي يحبون شيحجون؟

مروه :
ماادري ..
انت ادرى ..

عبدالله :
لا والله اني مثلج ماادري ههههه ..

صفن بوجهي وكلي :
بس اني احجي وياج بدون تفكير ..
عقلي ماخذ ريست ..
بس كلبي شغال ..
هو اليحجي ..

مروه :
احسك تحجي بالنيابه عني ..

عبدالله :
مو كتلج ادري بيج تحسين وتعيشين كل الي احسه واعيشه ..

ابتسمت وغلست ..

عبدالله :
يعني اذا اتقدملج تقبلين؟

فاجأني سؤاله :
هسه؟؟!!!

عبدالله :
من تخلص السنه؟

مروه :
الله كريم ....
بس انت هيج تخوفني.

عبدالله ؛
ليش تخافين ؟؟
كل الامور راح تكون سهله وطبيعيه ان شاءالله ...
ماكو شي ماله حل ..
واني راح احاول بكل طريقه ممكنه الى ان يقتنعون ويوافقون ..

مروه :
الله كريم .

عبدالله :
معناها اني راح افاتح اهلي بالموضوع هالفتره حتى يحسبون حسابهم عالعطله وانتية هم تنطين خبر لاهلج حتى ميتفاجأون ..

مروه :
لا مستحيل ...
مااحجي شي مااكدر ...
اخاف ابوي واخواني راح يفتحولي مجلس تحقيق صح ابويه مدللني ويحبني بس مو هيج ..
ابويه بهيج مسائل يمشي وره حجي عمي واخواني.

عبدالله :
خلص لتفكرين تنحل سهله صدكي ...

مروه :
ان شاءالله ...

شفنه مصطبه بعيده بالظل وكعدنه عليها نسولف ..
.
.
.
يُراعي قلبي، وهذا أجمل ما يمكن إحساسه.
.
.
.
لايك وتعليق وعشر ملصقات فضلا🌹