رواية حكم القلب❤ الفصل السادس 6 - بقلم روز الفياض🌹

#حكم_القلب
#روز_الفياض
#ح٦
.
.
.
‏حنيتلك بس الصور كلش حضنها صغير ♡
.
.
.

عبدالله :
بس اني مو مال لعب مروه ..
اذا انت معجبه بيه مثل مااني معجب بيج معناها نتعرف على بعض بس بصيغه ثانيه ..
حتى يكون اكو هدف من هالعلاقه.

مروه :
شبسرعه سويتها علاقه؟

عبدالله :
ليش الوضع اللي بينه شنو حتى لو اصدقاء بس مشاعرنه واضحه مااتصور اكو اصدقاء مفضوحين مثلنه من حجينه ونظراتنه حتى الاعمى يحس .

مروه :
لا بس كلمة علاقه كلمه جبيره وتخوف.

عبدالله :
زين نخليها بدون مسميات وبدون تعليقات خلي كل شي يمشي طبيعي وبدون تحفظات.

مروه :
والنهايه؟

عبدالله :
اذا مثل مااحنه هيج متفاهمين ومتفقين وحلوين وماخذين الامور بهدوء فالنهايه معروفه ماكو ابالي غيرها.

سكتت استحيت.

بقينه نسولف ونحجي بعدين رحنه لمنال وطلعنه للباب الرئيسي ننتظر السيارات هو بقى يمنه لحد مصعدنه بالسياره.
بس قبلها سألته:
شعجب اجيت وحدك مو ويه اصدقائك؟

عبدالله :
اذا كل مره اجي وياهم ويشوفني وياج راح يعرفون اكو شي ومااريد اجيبلج حجايه.

فرحت بحجيه وحبيت اخلاقه وتفكيره.
............

منال:
احجي شحجيتوا شرديتي من كلج معجب بيج؟

درت عليها:
تتصورين يحبني؟

منال :
ليش شكال؟

مروه :
مكال شي غير اللي سمعتيه.

منال :
والله هو مو لان من جماعتنه ولا لان جيرانه ولا لان امه صديقة امي بس الصدك غير اذا يحبج انت محظوظه ...
بس امه منو كال تقبل.

مروه :
امه شبيها؟

منال:
امه كلما تحجي تكول اريدله دكتوره وحده حسب ونسب وصوره وجرجوبه.

مروه:
دكتوره؟
وهسه يالله اتذكرتي تحجين ليش محجيتي من كلي اتصلي بيه اول مره؟

منال:
بنت الاوادم مجنت متوقعه تتصلين ولهسه ممستوعبه وضعكم لا انت ولا هو.

مروه:
والحل؟

منال:
حليش بعد انت اول خلصي من ابن عمج وبعدين.

مروه:
شلون اذا اهل ابوي مقبلوا بي هذا ديلمحلي اليوم على خطوبه وزواج.

منال:
الله كريم يمكن ابن عمج يكول مااريدها وتخلصين.

مروه:
يارب الله يسمع منج مااكدر اتخيل نفسي متزوجته.

منال:
مو حلو؟

مروه:
لا حلو ومناقصه شي بس ممفكره بي هيج بهالطريقه يعني مااكدر اتخيله زوجي حده ابن عمي واخوي وصديقي مو اكثر.

منال:
زين حجيتي لعبدالله؟

مروه:
شحجي هو اليوم يالله كلي معجب بيج اروح اركض اكله ابن عمي يريدني واني مااريده ..
.
.
.
تستريح الروح في كل مَوضع لا تشعُر فيه بالحاجة لإثبات شيء.
.
.
.
لايك وتعليق وعشر ملصقات فضلا