رواية حكم القلب❤ الفصل الثالث 3 - بقلم روز الفياض🌹

#حكم_القلب
#روز_الفياض
#ح٣
.
.
.
- تأمل في إسمِه " المُجيب "
‏ثم لاتترك دعوة في قلبك إلا وأطلقتها 🦋.
.
.
.

المهم اخذلنه تكسي ودفع الكروه سلمنه وصعدنه بقوا هم واكفين يباوعون ورانه ..

منال ساكته واني ساكته فجأة :
اكلج مرمر اريد اكولج فد شي.

اني بهالاثناء جنت افكر بعبدالله شكد حباب ومؤدب وشكد بسيط وتلقائي ..
وجدا عفوي يدخل بالموضوع كبل بدون لف ودوران بس شلون مخاف من رد فعلي وانطاني الرقم هيج ويكلي اتصلي ؟؟!!!

مروه:
كولي ..

منال :
رجاء ...

مروه :
شبيها ؟

منال :
تكول جنه عبدالله معجب بيه ..

مروه:
معجب بمنو ؟؟
انت لو هي؟

منال :
اني.

مروه:
وشلون عرفت ؟

منال :
ماادري تكول حاسه واني هم حاسه.

مروه:
شحاسه ؟

منال :
حاسه كأنما معجب بيه ..

مروه :
اممم ...
واذا اكولج هسه وانتوا تمشون كدامنه انطاني رقمه وكلي اتصلي بيه.

منال :
جذابه !!!!!

مروه :
والله .

منال:
مااصدك عبدالله يتحرش ببنيه وينطيها رقمه ؟!!!!

مروه :
ليش مو توه متوقعه معجب بيج؟

منال :
اي صح بس اني مشفت منه اي تصرف من هيج نوع بس احنه خمنه تخمين هيج لان كل مره يكلي اخويه انسيه ميستاهلج ..
وحتى لو معجب بيه مااعتقد راح يكلي اتصلي ..

مروه :
طبيعي يكولج هيج مو تكولين هو خوش ولد وعكس اخوه معناها يعرف اخوه ابو بنات وميفيدج.

منال :
وهسه ؟؟

مروه :
شنو ؟

منال :
شراح تسوين ؟
ليش مكلتيله انت مو من هالنوع ومراح تتصلين ..

مروه :
يجوز اتصل ..

منال :
جذابه انت مو مال هيج سوالف صديقتي واعرفج جان سويتيها من زماان.

مروه :
على كولتج بعدين شنو فرقه عن البقيه حتى اتصل بي اللي يميزه انه هو طبيب فقط ماكو شي ثاني.

منال:
وابوه طبيب وناس حالتهم توب وهمه بس ولد ماكو بنات وامهم وابوهم.
مروه:
بس تدرين حباب اول مره احس احجي ويه ولد بهيج راحه ماادري ليش.

منال :
هو كولش حباب وماعنده سوالف تعبانه بس شكلج عجبتيه.

مروه :
شنو الفايده؟

منال :
ليش ؟؟؟
لان سين يعني ؟
هاي اني وانت اني سين وانت شين وماكو صديقات مثلنه حتى الخوات مو مثلنه.

مروه :
شنو سين شنو شين؟

منال :
سين سنه وشين شيعه.

مروه :
مفكرت هيج اصلا شمدريني هو سني لو شيعي بس انت تدرين اني ابن عمي يريدني.

منال :
وانت مترديه بعد شنو ..

مروه :
اهل امي غير عن اهل ابوي اهل ابوي متعصبين ومو مثل اهل امي عبالك من غير عالم.

منال :
الله كريم هسه رحنه وصلنه للزواج وهو توه شفتيه وشافج ...
بس والله متعجبه من تصرفه هيج يعني شبسرعه رقمج يعني هو الكاركتر ماله مو هيج معناه شكد عجبتيه واتجرأ وطلب منج تتصلين بيه.

مروه :
اكيد امي مراح تقبل .

منال :
طبعا متقبل خو مناويه تكوليلها اريد اتصل بولد انطاني رقمه.

مروه :
تدرين مااعرف اضم شي عن امي.

منال :
شدعوه راح تتصلين ..
بس حجي اعرفج ..

مروه :
تصدكين ارتاحيتله وشكلي راح اتخبل واسويها ههههه.

منال :
لو اسمعج بأذني مااصدك.

مروه :
ههههههه.

.
.
.
ياالله لا تجعلني حاجة كالمتعة ك سد للفراغ كتسلية تنتهي بوقتها في حياة أولئك الذين أراههم نعمة تسر عيني وتدفع بنظرها ألم قلبي بعيدا .
.
.
.
لايك وتعليق وعشر ملصقات فضلا