رواية حكمت محكمة الحب الفصل الثامن عشر 18 - بقلم زينب العبيدي(زينبيه)

مرررراحب حبات كلبي

وهذه ٣٢٥٠كلمه

قراءه ممتعه

#حكمت_محكمة_الحب

بقلم #الزينبيه

البارت #١٤

ويوم ثاني اجتي رشا وي ماما حبيبه طرت من الفرح من شفتها وتغدت ويانه وحنين كارها وجود رشا وضايجه مني كلش بس ماهمتني ابد كضينها سوالف وضحك وطلبت من ماما حبيبه تبات يمي رشا وهي قبلت ونامت يمي بالغرفه

رشا اي سولفيلي شكو ماكو

نواره شسولفلج عادي ماكو شي

رشا يعني حياتج وي سلطان شلونها وماما حبيبه شلونها وياج والجماعه الي بالبيت

نواره سولفتلها عنهم كلهم وسولفتلها حجي سلطان وهو يحجي وي صديقه عني وان هو معتبرني مثل بنته

رشا بس مايصير هيج احجي الماما حبيبه راح اتساعدج لاتخلين الخجل مسيطر عليج

نواره شلون احجلها وهو زوجها احس دا اكسر كلبها

رشا لاتتصورين هي من الحجي راح ينكسر كلبها لان كلبها انكسر بالحجي وبلا وهي لو ماتدري بروحها تكدر تتحمل هل عبئ ماجان زوجتج الزوجها فا برأيي ماما حبيبه هي الي خلتج بهل موقف وزوجتج هل زواج وهي الي لازم اتساعدج تنعدل حياتج وتصير طبيعيه وله انتي شنو ذنبج هم من حقج تحبين وتنحبين وهاي سنه الحياه والبنيه بحاجه للحب مو تزوجتي حتى يكون ابوج

نواره بس شلون احاجيها مادري تكسر خاطري

رشا ماما حبيبه امنه كلنه و عودتنه نفتح كلبنه الها وانتي بالذات اتعزج وتحبج اكثر وحده فا احجيلها من باب هي امج وسولفيلها حتى لو مو بطريقه مباشره

هزيت راسي بمعنه اي وكلتلها الله كريم

وانتي شخبارج بعدج تحجين وي مرتضى

ضحكت وكالت اي

نواره اوووف  وماناوي يخطبج

رشا كال بس هاي السنه وبس يتخرج  يجي يخطبني وتصير الفرحه فرحتين

هزيت راسي وكلتلها على خير انشاء الله بس ديري بالج على روحجي منا لحد مايخطبج ديري بالج على نفسج وديري بالج تطلعون او ترسليله صور اوك حبيبتي

وضلينه انسولف ونزلنه للمطبخ الساعه ب٢ باليل وجبنه فواكه و ركي وصعدنه للغرفه كملنه سهرتنه وللساعه ب٥ الفجر اله نمنه صدك جان يوم حلو  وماحسينه بالوكت  وللساعه ب٢ الظهر كعدتني رشا

رشا ولج نويره عزه بال٢ منو يرجعني للدار ماما حبيبه راحت ورجعت للبيت هسه

نواره. نامي نامي و يصير خير

رشاا لج كعدي   

وشمرت علي المخده

رشا.عاد كومي  متت من الجوع جيبيلنه زقنبوت على الاقل

نواره. كايمه كايمه عابتلج ماتخلين واحد ينام 

كمت. دخلت للحمام غسلت وجهي  ونزلت جوه صبيتلنه غده وصعدت  راحت رشا للحمام وغسلت واكلنه وكملنه.   وراها نزلنه. بالحديقه. جانو كله نايمين  فتحنه الماي وضلينه نرش على الزرع وشوي شوي صار حرب بالماي وسبحت بالماي وسبحت رشا ونضحك ونصرخ  نص ساعه واحنه على هاي الحاله  مانتبهنه للباب من انفتح   بس سمعنه صوت السياره وهي تدخل للبيت  عاد هنايه احتارينه وين نشرد  رشا. دخلت للبيت جوه  اما اني دا الحكه بس وكفني

صوت سلطان. وهو يصيح. وبعده مانازل من السياره لج اشجاي تسوين  

التفتت عليه ورمشت بعيوني بسرعه  وفتحت حلكي. وضليت مصفنه  شفت عيونه. يباوعلي من فوك لي جوه  تبعت نظرات عيونه وشفت  نفسي على كد ماناكعه بالماي الدشداشه لازكه على جسمي  امفصله جسمي تفصل بلعت ريكي 

نزل من السياره. واني بحركه سريعه ضميت جسمي.  بسرعه. دار وجه من شافني هيج سويت وحجه.

سلطان منو هاي الي جانت وياج.

نواره. هاذي رشا  صديقتي.

سلطان اهاا تدرين صوتجن واصل الراس الشارع  موعيب ما استحيتن ب ٣ الضهر بس اصواتجن طالعه صارت هذه المره المره الثانيه ديري بالج الكفج وصوتج طالع عيب منا ناس وجيران وانتي بنيه

نواره. حجيت واني اعصر بأيدي والله ماعيده نسيت روحي

سلطان ع العموم. روحي بدلي لاتتمرضين ونزلي صبيلي غده

نواره  واني حاطه ايدي وراي واضم بجسمي من وره ورجعت التفتت عليه اااا اكول انته مو ع اساس تضل ثلاث ايام

سلطان  نزلت واحد صاحبي لزم مكاني خوب ماعندج اعتراض حجه وهو مبتسم

نواره ممممم لالا كول الهلا

  ورحت.  صعدت فوك لكيت رشا مطلعه من ملابسي ولابسه كلتله  الله ياخذج رشيوه شفتي. حصلت رزاله من وراج.

رشا. واني شكو منو الي صارت نادره وسقت الزرع وسقتني وسقت روحه   بس لاصدك صدك رزلج

نواره. اي والله شبيج وخري من وجهي خل ابدل واصبله غده

دارت رشا وجها واني دا ابدل حجت رشا اكول مو ع اساس يضل ٣ ايام

نواره اي بس يكول صديقه اخذ مكانه

رشا نويرو اتحبينه

نواره صفنت شوي اكيد احبه رغم ما اعرفه هواي بس احب تواجده احب اشوف طوله كلبي يدوك حيل من اصير يمه تصير رجفه باطرافي وحرارتي ترتفع

رشا يابه يابه ع كيفج يعيني طلعتي ما بس تحبينه انتي ذايبه وخلصانه شبسرعه يابه

نواره حتى اني ما ادري ليش بهل سرعه حبيته يمكن لان هو اول شخص دخل حياتي بصفته زوج  و حسيت اني انتميله وحسيت ان عندي سند بعد الحرمان هذا كله يمكن لان حسيت بملامحه الامان الي فاكدته

رشا ياحبيبتي يانونو ربي يريح بالج ويحفضلج سلطان ويكتبلج السعاده

نواره شكرا يكلبي والله يكتبلج النصيب الصالح ويبعد عنج كل واحد يفكر يضرج

وعفتها وطلعت من غرفتي شفت سلطان طالع من الحمام وهو ينشف براسه بخاولي صغير ولابس فانيله داخليه بيضه وسروال اسود باوع علي وكال

هاي شنو بعدج ما صابه غده يله ياب ميت من الجوع

ابتسمت وكتله حاضر

ابتسم وكال وهو يدخل الغرفه حبيبه صعدي الي هنا بالغرفه

نواره انشاء الله ونزلت حميت الاكل وصبيت وصعدت وبيدي الصينيه اجيت يم الباب مال غرفه ماما حبيبه الي بالصدفه سلطان ما ساده كلش يعني ضاله بي فتحه كلش صغيره والضوه مشتغل  اجت عيني على سلطان وهو شابك ماما حبيبه من ظهرها وهي نايمه واظاهر هو دا يكعد بيها وجان يبوس يم اذانها شفت هذا المنظر وجسمي كله ضل يرجف احس كلبي انقبض مادري ليش وحراره صعدت الراسي ودموعي كلها تجمعت بطرف عيني كل هذا صار غصب عني ما اعرف شنو المشاعر الي اجتاحت كلبي وعقلي وخيمت علي حسيت اريد ابجي ليش وشنو السبب ما ادري  تبعدت من يم الباب بسرعه وبلعت الغصه اكثرر من مره حاولت اصير طبيعيه اخذت نفس وسويت حركه بالمواعين حتى يطلع صوت وينتبه الجيتي وتقربت يم الباب وايدي ترجف مو بيدي دكيت الباب ع الخفيف

سلطان دخلي نواره

دخلت لكيته كاعد على طرف الجربايه
وماما حبيبه بعدها نايمه شكلها ماقبلت تكعد

خليت الصينيه بالكاع وابأيدي رجفه واني ادعي من الله مايطيحن ادموعي مو بيدي شعور عصر كلبي عصر مافهمت ليش هيج صار بيه

كام هوه من مكانه وكعد بالكاع كبال الصينيه وهو يكول اي والله حي الله نواره شكرا تعبناج

اتمنيته مايحاجيني حتى لاتطيح دمعتي
وحتى لايطلع صوتي المخنوك

ابتسمتله بالكوه

سلطان تعاي اتفضلي

هزيت راسي بلا وكتله وبالكوه طلع صوتي بالعافيه وطلعت

واني ابجي دخلت الغرفتي اتلكتني رشا شبيج حبيبتي ليش هاي الدموع

حجيت واني اعصر باصابعي كلتلها ما ادري والله مادري ليش ابجي

رشا زين كليلي شصار محد يبجي بدون سبب

سولفتلها الي شفته ومنها خنكتني العبره

شبكتني رشا وهي تمسح على شعري اتغارين عليه اي حقج والله حقج انتي هم زوجته لاو بعدج عروسه ااخ ميخالف يكلبي هانت لابد يجي يوم ويصير ايموت عليج حبيبتي حجت وهي تصبر علي

نواره مستحيل اغار عليه من ماما حبيبه
بس اني مادري شصار لي

رشا احتمال ماتغارين عليه من حبيبه بس يمكن غرتي من حبيبه نفسها تمنيتي لو شوي اهتمام منه مثل مايسوي وياها لويعاملج كا زوجه مثل مايعاملها

نواره مادري مادر يمكن احجي واني ابجي

رشا الله كريم صبري حبيبتي

حطيت راسي بحضنها وضلت تمسح على شعري لحد ماغفيت بحضنها رغم اني هستوني كاعده

كعدتني وهي تكول

رشا لج كعدي خرب خدرت رجلي

فتحت عيوني وابتسمت شكد نمت

رشا صار ساعه نايمه كافي يله اني راح اروح قبل شوي اجتي ماما حبيبه وكلتلها توديني للميتم

نواره لا رشااا صدك

رشا اي والله شبيج يله وخري مصيبه عليج اااخ رجلي يمه

نواره رشيو اريدج يمي انتي بس الي مصبرتي ع هل حياه هاي انتي اختي وصديقتي

رشا لاتحجين هيج بنتي الله موجود اني شنو ادعي الله احسن مني وهو اي مصبرج ما اني

ميلت حلكي غير تكعد المفتي والاب الناصح

كمت من مكاني واني اطلع الرشا ملابس تروح بيهن لان ملابسها بعدهن ناكعات لبست وبوستها حيل وراحت وي ماما حبيبه اخذهم سلطان
........

وصلو للميتم نزلت رشا

وقبل ماتسد باب السياره التفتت على حبيبه
رشا اكدر احاجيج شوي ماما

افتهمت عليها حبيبه ونزلت من السياره

حبيبه احجي حبيبتي اسمعج

رشا ماما مادري شكلج بس اني اعرف نواره كلش زين بحكم العشره والاخوه صرت اعرفها حتى اكثر من نفسي هي ماحجت شي بس اني اقره نضرات عيونها ولكيت بعيونها حزن هي انحرمت هواي خطيه  تتعذب هي قبلت بهذا الزواج ع مودج وحبا بيج والا هي الف واحد يتمناها بس ماحصلت من هذا الزواج غير رجال حاسبها مثل بنته ويعاملها مثل الاطفال

هزت راسها حبيبه بتفهم

رشا ماما عذريني لان دا احجي وياج هيج والله مو قصدي بس لان حال نواره يكسر الخاطره المفروض هسه هي عروسه و واحلى ايامها هاي المفروض بس هي ماشافت منه غير عطف الابوه ماما اني صحيح صغيره بس اعرف البنيه شتحتاج من زوجها تحتاج اهتمام وحجايه حلوه ماما اني الساني مو طويل ولا اريد الومج بس نواره اختي

حبيبه افهم يروحي واذا نواره اختج هي هم بنتي واني دا احاول اقرب سلطان الهة بقدر المستطاع وانشاء الله راح اكدر سلطان بس مستصغر عمرها ويحسبها طفله انشاء الله اني راح اثبتله العكس وانتي ريحي بالج يكلبي ادري بيها عزيزه عليج انشاء الله توصلج اخبارها وتشوفينها باسعد حالاتها

رشا شكرا يا امي والله انتي ماكو مثلج اثنين انتي كلمه طيبه ماتوفي حقج

حبيبه يابعد عمري رشاوي يله يا امي روحي دخلي وديري بالج ع نفسج

راحت رشا وحبيبه وسلطان راحو للسوك يشترون كذا شغله للبيت

...... .

نواره اجتي سناء بنت خالت سلطان وامها واختها وزوجات اخوها ٢ عساس يتباركن الي بس هن سممني تسمم بالحجي وكلساع وكالن هاي الطفله ابد
مايصيحن باسمي

حجت سناء وي خالتها الي هي ام سلطان وهي تباوع علي بنص عين جنتج ياخاله ماتعرف بالاصول لا ماي لاجاي منو غيرها بالبيت لوحاسبه روحها خطار

الحجيه لايمه بس بعدها عروسه وصغيره ماتعرف

واني ضليت افرك بيدي من الخجل وضجت منها حيل لان فشلتني وحجيت بسرعه واني اكوم من مكاني اسفه هسه اجيب  بس قبل ما اروح سمعتها تكول

سناء والله ياخاله الي يجي من ايده الله يزيده هذا اليجيب البيته طفله اهوو عاد تعال ربي واتعب ويجوز تتعلم ويجوز لا

التفتت عليها ترى اني اعرف الاصول زين وما محتاجه اتربه لان ماما حبيبه ماقصرت وياي وبتربيتي

سناء هه حبيبه ودارت وجها وهي تستهزء تفتخر بتربات حبيبه ليش حبيبه منو رباها

الحجيه والنعم منج يوم مو قصدها سناء ابنيتي انتي ونعم التربيه

رحت للمطبخ علمود اجيبلهم ببسي اوعصير لكيت حنين مجهزه الصينيه ومكملتها ببسي وكلاصات وقطع كيك وكاعده ع الكرسي رفعت عيونها باوعتلي وكلتلي تعاي هاج اخذي هاي الصينيه حجتها من طرف خشمها

اخذت الصينيه هاي شبيها اذا مكملتهاليش ماجابتها

اخذت الصينيه ورحت وديتها وعفتهم وقبل ما اطلع سمعت سناء تكول هاك استلم عافتنه وراحت موجاين نتبارك الها شتحجي وياها هاي

ردت عليها الحجيه بنيتي سناوي البنيه بعدها طفله وتتعلم

سناء والله يا خاله ذبحتونه طفله وطفله ومن نكول احنه طفله ماترضون انوب المن السلطان زينت الزلم ماخذيله هل جاهل هاي مادري شلونج ياخاله وسمعتي حجي حبيبه ترى حبيبه وراها غايه من هل زواج بس الله اليكفيكم شرها

دخلو حبيبه وسلطان وهما شايلين علاليك هواي بيدهم بسرعه همست الحجيه السناء حتى تسكت واني رجعت دخلت بعد ماجنت واكفه يم الدرج واسمع حجيهن

سلمت حبيبه عليهن من وره خشمها وهنه كذالك سلمن من طرف خشمهن

وسلطان اجه سلم على خالته واني عيوني تتبعه وسلم على سناء والبنات وشكد كرهت سناء لكن من سلم عليها سلطان كنما اتضاعف كرها الف مره حسيت بل غيره لمجرد سلم عليها وضحك بوجها

سلطان نواره تعاي دخلي هذا العلاليك للمطبخ

اخذتهن دخلتهن وشفت حنين واخيرا طلعت وكعدت يمهم لمن اجت حبيبه

كملت للعلاليك وطلعت جانو كلهم كاعدين وسلطان كاعد يم خالته ويسولفون
اجيت كعدت يمهم عاد خالته كلتله.خاله مالكيت اصغر من نواره ياخاله جنها بنتك اليشوفك مايكول اختيار حبيبه يكول الرجال استخف وكعد ماخذ وحده بكد بنته

عاد هو عكد الحواجب بسرعه وجها احتقن وعيونه تباوع الحبيبه بنضرات خطف وحجه حجي الناس مايخلص خاله مو مهم

حبيبه والله ياخالتي
الي يضل على حجي الناس عمره مايربح ولايثمر وبعدين اني من خذيتله نواره خذيتله اخلاق ادب جمال اخذ الاعرفها احسن من ما اخذ وحده كلشي ما اعرف منها وتصدمنه  شيفيد لو اخذله وحده بثلاثينات لو العشرينات و وجها ماينطلع بي الباب المطبخ واخلاق ماكو واداب سز حشه السامع

عجبتني ماماحبيبه وردها سكت الخاله وبنتها بس سلطان بعده ضايج كام من مكانه صعد فوك تبعته حبيبه ونص ساعه ونزل مغير ملابسه  وبعده عاكد حواجبه

الحجيه وين يمه وين رايح

سلطان طالع

الحجيه يوم اخذني وياك اقيس الضغط حبيبي احس راسي يوجعني

سلطان يله يمه بس بسرعه اني اتانيج بالسياره

وطلع سلطان واخذ امه ونص ساعه رجع امه وهو راح سالتها حبيبه عنه كالتلها معزوم وطلع

و وشويه ودخلت ماما حبيبه وحنين  للمطبخ واني دخلت وراهن   اساعدهن بس بالخفايف لان ما اعرف اطبخ كعدت ع الكرسي واني اكص خيار وطماطه وليمون وهن يطبخن العشه وره ساعه كملن وصبن
واني وياهن اساعدهن
تعشينه وخالت سلطان وبتها ونسوان ولدها بعدهن ماراحن ومهند ما موجود هم

سناء اكول حبيبه لعد سلطان وين

حبيبه معزوم

سناء بضحكه معزوم لوشرد

حبيبه ليش يشرد اسم الله

سناء مادري بس شكله من طلع ضايج من البيت والموجودين بي

حبيبه حجت بضحكه سوتها عساس شقه وكالتلها خاف لان انتي هناضاج لان احنه متعود علينه كليوم موجودين

ضحكت اني بصوت شوي مسموع وتفاجأة بصوت سناء وهي تصيح علي

صدك قلت ادب انوب تضحك انتي شكو تضحكين متشاقيه وياج من قبل ضاحكه وياج حبيبه اني وياها عشره عمر وميانه انتي شنو تضحكين بطول زري وتستهزئين

حبيبه ول ول ول سناء تحجي هيج من شوكت اني وياج ميانه طول عمرج تكمزين كمز بوجهي هسه من ضحكت بنتي نواره صرت اني وياج ميانه
وبعدين واذا ضحكت قابل شمرت عليج مي حار شدعوه انغثيتي هيج من ضحكتها

سناء انتي مو صوج..

قاطعتهن الحجيه بس الله اكبر هاي مانبطل منها النكره على الاكل لازم كل يوم شنو جهال يايمه شهل حجي

حبيبه بسرعه غيرت السالفه التفتت علي وهي تكول تصورين نواره سلطان يكول احلى شي بنواره ضحكتها من تضحك وتفرح اتحس كلشي بيها يضحك تجنن ضحكتها

ابتسمت اني عرفتها جاي تضغط بسناء
كلتلها اي ادري كالي وغمزت الها

باوعت السناء بطرف عيني شفت وجها السيف مايكصه  البوز شبر ونص

كملنه العشه وشلت وياهن المواعين وحنين تفرك المواعين وحبيبه تشطفهن واني ارتبهن بمكاناتهن وكلساع اسال هذا وين اودي وهذا وين مكانه وماما حبيبه تدليني
وكملنه المواعين وقبل لا اطلع صاحت علي ماما حبيبه نواره التفتت عليها وابتسمت هاا

حبيبه ماما لاتخلين احد ياخذ حقج لاسناء ولاغيرها اخذي حقج بقوه وبصوت واثق لكن بأدب والي مثل سناء تنضغط ببرود الاعصاب لو شنو تحاجيج لاتنفعلين وياها وخليج بارده حتى لو بداخلج عكس هيج

هزيت   راسي بمعنى اي واني اسمع الحجيها الحلو

حبيبه وهسه يله صعدي سبحي صارت ريحتج طبخ وغسل وانتضريني بالغرفه عندي وياج شغل

خجلت واني اكمش بدشداشتي وحسبالي بيه ريحه موحلوه

حبيبه وجنها فهمت علي حجت وهي تضحك لاولج مابيج ريحه مو طيبه بس كتلج عندي شغل وياج حجت وهي تغمزلي

صعدت سبحت وكملت وغسلت ملابسي صارت الساعه ب ١٠ وحبيبه ماكو ردت انزل جوه شفتها دا تصعد الدرج وهي تأشرلي بيها رجعي رجعي

رجعت للغرفه دخلت وراي وهي تكول افف كلعه لزكن لزكه نوب عمتي تكلهن ضلن باتن يمنه هاي الناقصه تبيت هل قرده سنيوه هنا

ضحكت على حركات ماما حبيبه وحجيها اول مره اشوفها هيج

حبيبه وانتي شبيج تتمضحكين حجتها وهي تفتح كنتوري وتدور بي

طلعتلي بدله ستن ضيكه لونها احمر دموي قصيره فوك الركبه وشوي صدرها مكشوف والايدين والضهر جابتها الي وكلتلي لبسيها

فتحت عيوني على كبرهن البسها يمج لالاما  ما  مالبسها والله استحي

ضحكت وكالت مو يمي يم سلطان

فتحت حلكي حسيت فجي صار بالكاع من الصدمه انتي صدك تحجين ماما لاوالله استحي

حبيبه درروحي شنو تستحين لاتصيرين فاهيه مثلي كضيتها استحي واستحي
والرجال انحرم من كلشي تحجي وتضحك

وبعد جدال وعرك بالكوه وبطلاع الروح لبسته لمن كلتلي لبس عليه هذا الروب روب شوي خفيف من الشيفون الاسود صدك هو خفيف بس احسن من ما مفضوحه كلش لبستهن واني اضمضم
بجسمي وميته خجل

حبيبه ماما لاتخافين حبيبتي اريدج تفهميني بعقلج اترجاج بنيتي

مافهمت شي شنو معنى لاتخافين وليش تكلي هيج
كملت شغلها وشسورت شعري ومكيجتلي ومكياجها يجنن وراحت الغرفتها وجابت شيشه عطر ورشتلي منه وكالتي خلي هذا العطر يمج سلطان يحبه حجتها ولمحت دمعه بعينها صحيح ماطاحت بس حسيت بيها بطرف عينها واني بسرعه دمعت عيوني

حبيبه لالا ليششش عفيه لاتخربن شغلي حجتها وهي تقلد صوت الزعلان

ضحكت عليها لان ماطه شفتها مثل الجهال على اساس وهي هم ضحكت

باوعت النفسي صدك طلعت غير شي يجنن المكياج وشعري طويل النص ضهري ومن شسورته حطته صفح من جها وحده

كلتلها يجنن مكياجج ماما مو  مثلي كلشي ما اعارف

حبيبه  صلي على محمد كالتها وهي تضحك

وضحكت اني هم واني اكول اللهم صلي على محمد وال محمد

حبيبه اذا على المكياج اني اعلمج وبعدين مو مكياجي حلو هو انتي حلوه وطلع عليج حلو  وهسه تعالي خل اعلمج شي ثاني غير المكياج

وسحبتني من ايدي وكعدتني على الجربايه

حبيبه  شوفي يا امي يانواره انتي يتيمة الام واكيد محد علمج شنو يعني زواج  فياريت تعتبريني امج وتسمحيلي اعلمج واطيح الميانه بيناتنه

نواره  وانتي امي واكثر

حبيبه يابعد عمري يانواره سمعيني يا امي سنة الحياة وسنة كل ثنين متزوجين يصير ابينهم كا الآتي ......

نواره وسولفتلي ماما حبيبه اشياء ماجنت متصوره ان الزواج هيج بي اشياء كل الي اعرفه علاقة الزوج بزوجته حضن وبوسه ولا اكثر ولا اقل اني ما ابالغ من اكول ماعرف شي عن الزواج لان بالفعل اني يتيمة الام ومحد علمني ماجان عندي لاتلفون ولا عمر صديقاتي حجن بهيج موضوع  بس الي سمعته خلاني ارجف خجل وخوف ودموعي اتجمعن بطرف عيني

حبيبه لا يا امي لاتخافين شوفيني هاي اني كدامج وكل مره مزوجه صار وياها الي راح يصير وياج   امج  الله يرحمه وامي وام سلطانه وخواته وهاي سنة الحياة مثل ماكتلج  لان هذا العلاقه هي الي راح تكونون من خلالها الاسره ويصير عدكم اطفال حبيبتي كل الي اريدج تعرفينه ان كل هذا الي يصير ابينكم شرع الله وحلاله لابي خجل ولابي خوف

وضلت ماما حبيبه تحجي وياي وتعلمني اشياء وتكلي كلام تشجعني بي 

لحد ما صارت الساعه ب١٢ باليل

سمعنه صوت سلطان وهو يصيح الماما حبيبه

كامت ماما حبيبه تريد تروح السلطان  بس هو سبقه وفتح الباب علينه
ضل واكف شويه بالباب بدون مايحجي وهو نظره عليه ونظره على ماما حبيبه

واني من اول مادخل ورجليه ماوكفن من الرجيف

رفع حاجبه وهو يباوع الماما حبيبه

سلطان  شكو

حبيبه  احنه شكو لو انته شتريد

سلطان ها  نسيت تعالي اريدج

حبيبه  اي حقك تنسه حجتهه وهي تضحك

رفع حاجبه  اكثر وهو يباوع الماما حبيبه

حبيبه  وين وين راح يطير يوصل يم شعرك مو حاجب

ابتسم سلطان وطلع وكله تعالي وراي

حبيبه  حاضر  ياعميد سلطان  

ومن طلع التفتت علي ماما حبيبه ماشاء الله طلع عاكد الحاجب ورجع ريلاكس مو من عوايده

ابتسمت اني بس ابتسامه كله رجفه

حبيبه  ما اوصيج ماما نواره حبيبتي

نواره هزيت راسي  بمعنى اي  خلاف الي الخجل الي بداخلي والخوف يكول لا

طلعت حبيبه  وراحت يم سلطان  لكته جاي يبدل  ملابسه  

حبيبه  لك يؤبرني الحلو شو عم يعمل

سلطان  هاي شمسويه بالبنيه

حبيبه  واني شكو شمسويه بيه 

سلطان علي هاي السوالف ما ادري بيج انتي مادري شملبستها ومادري شخالتلها

حبيبه  واني شكو سلطان  البنيه عروسه وتريد تحس بنفسه متزوجه لبست وسوت اني شكو

سلطان  مايعبرن علي ع العموم  ماتسوين مثلها

حبيبه  اوي مالي خلك تعبانه واني مره كبرت ع هاي السوالف  واجت يمه شبكته  وهي تبوس بركبته 

سلطان  انجبي لج تتحارشين بيه وتكول مالي خلك وسحبها من ايدها بعد ماجانت ورا صارت كدامه  وقبل لايبوسها

حبيبه  لاسلطان صدك مالي خلك  احس جسمي تعبان   ودايخه واريد انام   حباب عوفني انام  صدك مابيه طفي الضوه وروح نام انت

سلطان   كتلج انجبي غصباً عليج هذا واجبج

حبيبه اهوووو سلطان عوفني كتلك ادري واجبي بس صدك مالي خلك

سلطان  لاتصيحين لا اكص اللسانج  وبعدين حرام عليج هذا واجبج كزوجه ومو من حقج تكولين مابيه حيل هو اني شنو شفت منج كضيتيها علي مثل مطر تموز

حبيبه  ياسلطان صدك تعبانه ومابيه حيل ليش ماجاي تفهم  وبعدين انته شنو جايلك اليوم اله اليوم كتلك مابيه حيل

سلطان لج طاح حظج  شنو اله اليوم مو اني ضلي قرن كلشي ماكو محروم وساكت

حبيبه  اهووو لزك

سلطان  انجبي وتأدبي صاير لسانج طويل وتشمرين بالحجي وماتحترمين لاتخليني اتعامل وياج تعامل ثاني خليني محترمج عيب

حبيبه  رحت اتمددت على الجربايه ولفيت روحي باللحاف ونمت 

سلطان  ثول حتى ثول مو صوجج صوجي اني  الجايلج  ولا انتي كفو  وطلع من الغرفه وركع الباب حيل

ضلت حبيبه دمعتها على خدها وتباوع للفراغ ومبتسمه

نواره  دخل سلطان علي وهو عاكد حواجبه  واني ضليت اعصر بأصابعي من الخجل ويدور براسي حجي ماما حبيبه واخاف واخجل بالزايد 

يتبع.......