رواية حكمت محكمة الحب الفصل التاسع عشر 19 - بقلم زينب العبيدي(زينبيه)

شلونكم اغااتي🙋‍♀️

مريضه بالكوه كتبتلكم 😪

🌹٢٢٤٢ كلمه قراءه ممتعه

#حكمت_محكمة_الحب

بقلم #الزينبيه

البارت #١٥

دخل وكعد ع الجربايه  والتفت علي  حسيته يباوعلي بدون ما اباوعله

سلطان  روحي جيبيلي تلفوني واكو علاكه حمره  تلكينه على الميز هم جيبيه وياج 

يحجي الحجي بعصبيه واني احس نار شابه بيه من الخجل من البس الابسته وشلون راح اكوم اكباله شكول عليج ماما حبيبه وعلى سوايتج هاي

كمت وبالكوه  ساعدني رجلي على المشي   وقبل لا اطلع  ما ادري شلي خلاني التفت وراي وياريتني ما التفتت واني اباوع السلطان وهو عيونه علي  لكن من شافني بسرعه غير اتجاه نظراته  من مازاد قلقي وتوتري  وخجلي  رحت دكيت الباب على ماما حبيبه 

حبيبه اتفضل

نواره دخلت لكيتها متغطيه باللحاف حتى وجهه  كلتلها ماما سلطان يريد تلفونه  ويكول اكو علاكه همات يريدها

حبيبه  اخذيهن يا امي كعدتيني من النوم علمود تكليلي هيج جان دخلتي واخذتيهن بدون ماتكعديني حجت الحجي وجها جوه اللحاف ماطلعته

نواره  اسفه ماما

حبيبه يله ماصار شي حبيبتي

نواره  اخذت العلاكه والنقال وطلعت  والود ودي ما ارجع للغرفه وضليت واكفه شوي بالباب متردده ادخل بس لامفر لازم ادخل  دخلت واني احاول استر بنفسي بأيدي  اتقربت منه انطيته النقال شفته يحاول يبعد نظراته عني  ومايجيب اعيونه علي

سلطان  طفي الضوه بسرعه

نواره هذا  شنو اليوم ناوي يخليني افتر بهذا لبس المفضوح  رحت بالكوه امشي وبالصدفه عبرت اكبال لمرايه  شفته لازم النقال وعيونه علي  اتحركت بسرعه و طفيت الضوه بسرعه حتى لايباوعلي  وضل بس ضوه التلفزيون  اجيت كعدت على الجربايه بالطرف الثاني  ولزمت الريمونت  وضليت اكلب بالقنواة حتى اشرد من خجلي شوي

وبعد صمت طويل وبس صوت النقال وصوت التلفزيون  حجه سلطان

سلطان. هاج. هذا النقال الج

نواره. التفتت عليه بسرعه وابتسمت تلقأئيا طول عمري اتمنى يصير عندي نقال حجيت بفرحه صدك

ابتسم وهو ابتسامه خفيفه اي صدك  هاج. 

اخذته من عنده و الصراحه ماعرفتله لان هو لمس واني. زين من اعرف لنقال العادي مال رشا
ابتسمت واني مستحيه اكله ما اعرفله. فاجأني وهو كال

سلطان. ها ماتعرفيله.

نواره. هزيت راسي واني مبتسمه اي.

سلطان. تعالي جيبي 

نواره انطيته النقال  واتقربت شوي يمه. صار ابيناتنه مسافة شخص  بعد

سلطان. شوفي هذا رقمج  ومنا دخلين ع الاسماء وهيج تتصلين  وهذا خليتلج رقمي وهذا رقم حبيبه وهذا رقم امي. وبعد انتي شنو تردين تخلين خلي بس لاتخلين اشياء تضرج.  كليلي على كلشي تنزلينه واي رقم تحفضينه. 

نواره. حجيت بسرعه واللعاب منين انزل

ابتسم سلطان. هذا كل همج.

ضحكت اني. لا مو قصدي. بس اني احبهن 

طلعلي سوق بلي ولمن شفت الالعاب طار عقلي  وتقربت يمه تلقائيا واني وجهي بالنقال نسيت روحي العوبه مثل الجهال

واني اكله الله باع هذه وباع هذه
وهاي حلوه وهو ينزلياهن وحسيت انفاسه ثكلت يم اذني. استغربت وحسيت على روحي اني شويه واكعد بحضنه  ضليت ابلع بريقي وصارت. رجفه بيدي مو طبيعيه وبالكوه. التفف باوعتله  شفته يباوعلي بس هل مره نظراته الي تختلف.  ضليت  اتبعد شوي شوي   احاول اسد الروب من يم صدري زين واني نضره عليه ونضره للكاع

هو من شاف هيج. دنك على النقال وحجه. هاج. نزلت وحده. لعبه. 

نواره. بسرعه ضحكته ونسيت الموقف الي اني بي ورجعت خليت وجهي بالنقال. وهو بيده. و ديفتحلي اللعبه  حجيت.  بس هاي شلون تنلعب  ما اجاني منه جواب التفتت عليه حتى احصل جواب.  لكيته يباوعلي وعاض على شفته  لزمني من وجهي بأيده  وعاف التلفون   اني ضليت ارمش من الخجل 

سلطان. انتي ليش لابسه هيج ليش مسويه بروحج هيج

نواره. أ أ أني لا مو اني

سلطان. شنو مو انتي.

نواره هذه ماما حبيبه. هي سوتلي هيج

سلطان. رفع حاجبه اها يعني  مو انتي. جاي توهمني حبيبه  ابتسم.نص ابتسامه هه والله يا الله  هاج هاج شمر علي النقال.  ودار وجه وهو يهز بأيده ونام.

ضليت صافنه شنو جفصت بشي بس بس شنو شسوي هسه   يوو خل اشوف النقال هسه ضليت اكلب بي.  للساعه ب٤ الفجر اعيوني ينسدن وارجع افتحهن بالكوه  لحد مافز سلطان.  وباوعلي.

سلطان. عكد حواجبه وحجه بصوت كله نعس. ولج هاي بعدج كاعده ماتخمدين شو انطيني النقال.

نواره لا لا عفيه والله راح اختمهاااا

سلطان. انجبي لج باع عيونج مسدودات شو انطينيا

نواره. بس هاي اخر شي واخذه.

سحب من عندي النقال بالكوه وحطه ع الميز 

خليت راسي بسرعه ع المخده  ونمت مادري بروحي كلشش بسرعه نزلت الجوزه مال عيوني

وكعدت الصبح على صوت المنبه بتليفون سلطان ما انتبهت النفسي واني رجلي كلهن مكشفات واللحاف فوك راسي  باوعت السلطان وهو يباوعلي ابكره مسطنع

سلطان. والله لو نايم يم مصارع هواي احسلي

نواره. ضحكت اني بصوت عالي.

ضربني. على كصتي تضحك العوبه. تصورين خليتي رجلج بوجهي اجيت اكسره

ضحكت. مره ثانيه بصوت عالي وكتله يعني شلون

سلطان. بعد يعني شلون جنتي نايمه هناك اني عدلتج  ومره ثانيه لكيت رجليج بالكاع وجسمج على الجربايه  شنو انتي ماتكليلي

نواره. زدت بالضحك.   وهو يهز ايده ومبتسم. اتذكرت النقال وكمزت وين نقالي

سلطان  نقالج مانطيجيا اذا تضلين يوميه سهرانه عليه هيج. موزين على عيونج 

نواره. عبرت روحي من يمه. بدون ما انتبه على نفسي حتى اخذه  وبسرعه كمشه هو  وباوعلي 

نواره لا عفيه حباب والله بعد ما اسهر  بس خل اختم اللعبه عفيه

سلطان.  كافي بسس شنو فلمج كتلج ماكو تليفون كومي يالله

ما اكوم عفيه زين خل اشحنه بس اشحنه

كمشني من خصري ورفعني عنه وكام كعد واخذ التلفون وراح ماحجه اي شي

يمممه ذبحني بروده اني كلبي طاك ع النقال وهو ولاهمه اررريد اللعبه

بس والله دا احبه اكثر اخذت مخدته كا العاده خليتها على وجهي واشتم بعطرره يجنن وحجيت  فدددديت عطرك يجنن

وماسمعت بس صوت حركه بالغرفه اتجمدت بمكاني يمه شافني وسمعني يمه ياربي كون مو هو يارب فدوه كافي اتفشل كدامه ياااربي والله راح ابجي وما اكدر اشيل المخده من وجهي اخاف يطلع هو واني متأكده هو ياربي يافشلتييي رفعت شوي المخده عن عيوني وشفته واكف كبال لمرايه رفعت نظراتي الوجهه لكيته يباوع علي بالمرايه ومبتسم وغمزلي وهو يضحك وطلع

................................
سلطان ها حبيبه تكولين مووانتي الي مسويه هيج بنواره ليش تخليني اعصب عليج واكرهج ليش تجذبين

حبيبه. والله مو هيج ياسلطان لاتاخذ علي نظره غلط اني حبيت اساعد لبنيه تريد تتقربلك بس ماتعرف شلون وهذا حقه و واجبك كازوج

سلطان اششش ولا كلمه تدرين بيه كلشي استقبل اله الجذب وماعندي لاجذبه بيضه ولاحمره. وخلي ابالج اني اول وتالي نواره اتقرب اله بس متانيه تكبر وتفهم شوي او على الاقل تضل ماتخجل مني  بمعنى اوظح تتعود علي واني اتعود عليها واشيل فكرة صغر عمرها من بالي وهاي سوالفج راح تعم على علاقتنه ابشرج ومامتعلم عليج اتجذبين

وعافه ونزل جوه وهي تتبعه بعيونه  لمغوركه دمع  لو تدري كل الي اسوي الخاطرك وعلمودك

............................
نواره. بعد الفشله الي اكلتها الصبح. وين ما الكه سلطان اشرد من اكباله  وهو كلما يشوفني يضحك كأنما يذكرني الخبيث  والحظ الي خلاه مايطلع للدوام اليوم

  ضليت على هذا الحال وكلساع اشرد لحد ما انجمعنه على الغده كلنه  جنت بالكوه دا اكل  وجهي ابماعوني من الخجل مارفعته ولمن كملنه غده رحت اغسل والله جاب سلطان وراي بالبدايه مامنتبه عليه جنت دا اللعب بالصابون واخلي على حلكي واسوي نفاخ
ابحلكي 

وبالصدفه رفعت وجهي اباوع للنفاخ وشفته وهو ضارب كصته بأيده وايده الثانيه على خصره  ومبتسم
ضليت فاتحه عيوني وحلكي طاح بالمغسله على كد مافتحته

سلطان خلصتي لعب. سويلي مجال خل اللعب و طك كصته ااا اقصد خل اغسل وخري

نواره ههههههه تعال تفضل اللعب

ابتسم وهو يهز راسه مخبله وطفله وكل سوالفج مال جهال بالله انتي مال زواج

نواره  انقهرت من حجايته وضجت حجيت بنفسي راح اراويك هاي الطفله شتكدر اتسوي عابت كله اتفشل يمه

اجاله صوت حنين من وراه شتتوقع يعني وشتترجه من هذه طفله ولو هو اكو طفله. تلكه عقله يوزن بلد واكو طفله شماكبرت تضل طفله

نواره. العفو ياست حنين خلي ابالج ان داخل كل انسان طفل مهما كبر وشكد مامر بي السنين دائما عنده جانب طفولي والعقل مايحكمه عمر صدكيني الي مثلي علمتها الحياة هواي وكبرت عقله اكبر من عمرها بسنين وهم الي مثلي ماشبعت من طفولتها تلكينها تحب الاشياء الطفوليه بس بساعة الجد اعجبج ياست حنين عقلي عن عشر زلم وعشر نسوان جنت متقصده الحجي مو بس الحنين حتى السلطان

دارت وجهه حنين وماحجت اي حجايه 

سلطان جر خشمي ابين اصابيعه والله ياب وتعرفين تحجين كفو منج ومن عقلج

نواره. ضل يغسل واني صافني عليه ماجن كلي هيج كسرت ركبتي واني مبتسمه شفته يضحك وهو يغسل بحلكه وصرخ علي وهو مبتسم

سلطان دررروحي ياب محد مادحج من قبل

نواره. عصرت اصابعي حيل وعضيت شفتي من الخجل وحجيت بنفسي ثووله ماتصيرلج جاره  زفرت الهوه حيل ورحت واحجي واني امشي استغفر الله ياربي ليش كله اتفشل من هو موجود كأنما مايتواجد اله من اسوي اشياء خايسه

سمعته ضحك بصوت عالي التفتت عليه واني فاتحه عيوني سمعني اكيد سمعني يمااااااه طكيتها ركضه فوك كبل عدل. للغرفه  

وبعد مانامو الكل كا العادع متعودين ينامون الظهر دخلت الغرفتي امشي عاى اطراف اصابعي حتى لايحس بيه سلطان واخذت نقالي من على الشحن  وكعدت انزل اللعاب والعب وطايره من الفرح تكول مو نقال تكول كنز بيدي لحد ماصارت الساعه ب٥ العصر

حبيبه منيلج هذا النقال الحلو حجت وهي مبتسمه من وراي

كمزت على صوتها والتفتت وراي حجيت واني اضحك سلطان جاب ماما تعالي شوفي شنو نزلت تعالي تعالي
كعدت يمي ماما حبيبه

اي وشنو نزلتي بالله

كعدت اراويها الالعاب وهي تسايرني وتضحك وتلعب وياب

كل مايمر بيه الوكت احب هذه الانسانه
اكثر واكثر ياربي كدرني واصير مثله ومثل اطباعها واسلوبها 

شويه وصعدت حنين

حنين ست نواره  خالج وزوجته اجوي

نواره  منو

حنين  اضن سمعتي

نواره اي اقصد بس شعدهم

حنين شنو هذا السؤال السخيف هذا يعني اني اشم ايدي وادري شنو عدهم والله يا الله هزت ايدها ونزلت جوه

حبيبه  لج ماما بدل ماتكولين هلا بيهم تكولين شعدهم

نواره ماما انتي اكثر وحده تدرين خالي وزوجته اشسوو بيه

حبيبه  ميخالف يا امي هاي دنيه كلشي اتشوفين بيها بس اكو ناس تستحق انسامحها  وخالج شكله ندمان على كل الي صار من زمان ولو ما ندمان ماجان اجالج  يله ماما عدلي روحج شويه وكعدي سلطان خل ينزل يكعد يم الرجال على ما اني اروح استقبلهم

نواره هزيت راسي بمعنى اي ورحت اخذتلي ملابس وغيرت ملابسي بالحمام  طلعت مشطت شعري وخليت كحل وعطر   وخليت الشال على جتفي

  وقبل لا اطلع اتذكرت اني ماكعدت سلطان  رجعت وما ادري ليش،ضايجه من اول ماسمعت بجيتهم  مو ضايجه ربما مقهوره على الايتم الكضيتها بدون اهل  هستوم اله ذكروني تنهدت

واني اصيح على
سلطان اكعد اكعد سلطان سلطان سلطان وهزيته من جتفه

اندار علي وهو رافع حاجبه  ماتسمعين  داكلج هممم يحجي وهو صاك على سنونه اني كعدت من اول ماطبيتي وشغلتي الضوه كولي شرايده

نواره  خالي ومرته اجو

سلطان همممم اي شويه وانزل

نواره  نزلت جوه  وبعدني ستوني داخله وكايله السلام عليكم مالكيت اله خالي شبكني وهو يضحك ويبوس براسي بطريقه مبالغ بيه استغربت كل هذا حب مستحيل اصدك

ابو احسان  شلونج بنيتي نواره شخبارج

نواره الحمد الله تمام

ام احسان  شلونج ماما نواره وعلى الخير  منه المال ومنج لعيال حبيبتي وبوستني

نواره  مشكور خالتي الله يبارك بيج 

عافونه شويه الوحدنه وطلعت ام سلطان وماماحبيبه

ابو احسان  بنيتي نواره بنيتي اني اسف ادري هلحجايه لاتقدم ولاتأخر بس يابويه الشيطان مامات واحنه بهذاك الوكت الشيطان غرانه وارتكبنه وياج غلط مستحيل يروح اثره من كلبج  بس وروح امج يابويه اني ندمان ومرة خالج هم ندمانه وجيتنه اليوم انريد انرجع بيهه هلاقتنه يابويه  والله ثم والله جربيني ياخالج وراح تشوفين وكفتي الج اني اهلج وناسج ولاتصورين ماعندج احد

نواره  والله ياخالو شكلك اتمنيت اسمع هذا الحجي من زمان تمنيت لو حرف من الي حجيته هسه اله صحه ضميرك وضمير خالتي بعدين ياخالو اني ماما حبيبه كل اهلي وان شاء الله سلطان هو سندي

ابو احسان خالو تره الله مسامح ويغفر كبائر الذنوب واحنه عبيد عنده ومانغفر ونسامح دا احلفلج بغلات امج  اني ندمان ولو يصح بيدي اعيد الزمن بويه كل البشر خطاء بس احسن البشر الي يعترف بخطيئته عاد اني صدك تمنيت اخذج الفاروق واعوضج عن كل اسنين الحرمان واصير الج ابو وخال وعم

نواره هزيت راسي بمعنى اي ع العموم ياخالو اني مسامحتكم كلكم وماشايله على احد بس ماطايبه جروحي

دخل سلطان بهيبته المعتاده ورتابته وكال السلام عليكم

كامله خالو سلم عليه وبوسه وهو يباركله وسلمت عليه مرة خالو هم  وبعدها

رجعت ماما حبيبه وام سلطان وضلينه نسولف  وره ساعه استأذنو خالي ومرته بس قبل لايطلعون باسني خالو وبعدها اجت يمي مرة خالو باستني وخلت بأيدي فلوس وياها ورقه وهمستلي والله يانواره فاروق ميت عليج ومستعد يتانيج طول العمر ليش فرطتي بشبابج واخذتي واحد بكد ابوج فكري زين يبنيتي فاروق مايتردد لحظه فاروق ياخذج حتلو اطلكتي

نواره  لا ياخالتي ان شاء الله ابعيد الشر ومانطلك واني عندي سلطان ابعمره وكبره وهيبته وحضوره يسوه كل الزلم

ام احسان الله يسسعدكم
وطلعوا وطلع وراهم سلطان وصلهم للباب اما اني رحت للمطبخ فتحت الورقه جانت رساله من فاروق اتكول نصاً (نواره والله اني اسف على كل الي سويته وياج بطفولتج بس اني جنت طايش ومراهق والله ندمان وكاره روحي وحقج تكرهيني بس والله والله هسه انه مييت عليج ولج والله من يوم الشفتج بفاتحت ابوج واني لليوم افكر بيج نضره وحده بكتي كلبي وعقلي كلت انتي مرتي انتي ام بيتي ليش نواره ليش خذيتي هذا الرجال الشايب اكبر منج ب اكثر من عشرين سنه ليش لج اكبر من ابوج نواره اطلكي واني اوعدج ما اتركج واسعدج واعوضج عن كل الحرمان والله احبج ولو انتي لو ما اريد مره بعد فكري عليج بروح اهلج فكري ورديلي احبج فاروق)

رجعت طبكت الورقه واني اهز براسي بمعنه لا

سمعت صوت سلطان يصيح نواااره

طلعت من المطبخ ها

سلطان تعاي وراي

رحت وراه للغرفه واول مادخلت من الباب حجه بسرعه

سلطان. نواره. اني ما اقبل تاخذين فلوس من احد اذا محتاجه شي كليلي

نواره. بس اني ما اخذت فلوس من احد

سلطان. اني شفت مرت خالج تنطيج فلوس

نواره. هااا  قصدك هذه  وطلعت الرساله والفلوس من صدري  شفته عكد حواجبه بسرعه

سلطان. اذا شفتج مره ثانيه اتضمين شي هنا اشك حلكج

نواره بس بس اني مو قصدي بس متعلمه

سلطان. انسي هل تعلوم مايعجبني بي قلت ادب بنظري

نواره. هزيت راسي بمعنى اي صار

سلطان. بس لحظه هاي الورقه شنو

نواره هاا هذه ااا

سلطان. قبل لاتحجين كلشي اتعقد من شي اسمه جذب وماعندي شي اسمه جذبه بيضه لو جذبه ماتسوه

نواره. حجيت. واني خايفه ومتلبكه هذه من من
فاروق 

سلطان. فاروق. ومنو هذا فاروق انطيني باله

يتبع.........