رواية حكمت محكمة الحب الفصل العشرون 20 - بقلم زينب العبيدي(زينبيه)

#حكمت_محكمة_الحب

بقلم #الزينبيه

البارت #١٦

اخذ الورقه من عندي بسرعه شفته يتنقل بعيونه بين اسطر الرساله  وفجأه عكد حواجبه وضغط على اعظام فجه حيل بحيث برزت اعظامه  رفع عيونه وباوعلي

شمسويلج

نواره هاا شنو مسويلي

حجه من بين اسنونه وهو يضغط على الكمات

جاي اسألج هو كاتبلج عذريني على السويته بيج بطفولتج

نواره. بسرعه اجمعت الدموع بطرف عيني  هاي هاي س س سالفه طويله  رجعت كل ذكريات هذاك اليوم المشؤوم هستوني اله عرفت نواياه ماجنت اعرف خطورت الي راد يسوي بيه لوله الله ثم احسان كان انتهت حياتي بهذاك اليوم

كعد على الجربايه. ورفع حاجبه اسمعج شوراي حجاها بعصبيه

نواره استحي اكلك

سلطان شنوووو حجه وهو عاكد حواجبه تستحين يعني الشغله تخص شنو اجي ولج لاتختبرين صبري

نواره. ما ..ما ..مادري شلون احجيها

سلطان. اللهم صبرج ياروح. كتلج احجييبييييييي

نواره. حجيت واني اعصر بأصابعي هو هو جنت عدهم وووو وفهموني غلط ووواتهموني ووابوي عاركهم وووو وو و وخالو ضرب ابوي وابوي ضرب خالو وابوي اخذني ضربني ومرة ابوي اتهمتني بشرفي وقنعته يشمرني باالميتم وهذا هو

سلطان. كام. بسرعه وكف اكبالي. ودنك راسه ابمستواي ولزمني من فجي حيل  وين فاروق بالموضوع  بابا احجيلي لاتخافين ما أئذيج اسمعج بس لاتشلعين كلبي

نواره حجين واني اناشغ والله اخاف واستحي
اتنهد وسحبني من ايدي وكعد على الجربايه وكعدني وهو ينافخ

سلطان اووووف احجي  اعتبريني ابوج يبا صديقج كلش كلش خالج امج حبيبه اي وحده احجيلي كلشي

نواره. شو انته كلش فضولي

ابتسم من بين غضبه سلطان وهو يهز براسه يمنه ويسرى

سلطان. نواره. اني مو فضولي بس هسه انتي صرتي مسؤليتي واسمج ارتبط ابأسمي يعني لازم اعرف انتي بعدج صغيره. ومحتاجه الي ينصحج لذلك اكلج اعتبريني ابوج او صديقج

نواره. وليش ما اعتبرك زوجي

سلطان عمي زوجج بس احجي وفضيني

نواره زين راح احجي بس انته لاتباوع علي

سلطان درت وجهي استغفر الله يا الله اسمعج احجي هذا وجهي ودرته

نواره سولفتله................... وهيج اتهموني بشرفي واني طفله كلشي ما افهم وهو الي اتجاوز وياي  واهلي بدل مايوكفون وياي ايدوه على غلطه بس اني مسامحته ياسلطان هو هم طفل وهم سوء تربيه 

التفت علي باوعلي وعيونه بكصته وانتي تحبينه ليش سامحتي

نواره. لا ما احبه بس كتلك هو طفل وتربيته ما مضبوطه

سلطان خذه نفس  وشك الورقه البيده  انطيني رقم فاروق اذا عندج

نواره. اني منين جان عندي تليفون حتى عندي رقمه

هز راسه سلطان ابمعنى اي وكال هم صحيح  وين الكاه زين 

نواره. مادري يجوز تلكاه ابيتهم

سكت سلطان شوي وكسر سكوته وكال زين تدرين هو حجيه صح شعندج قبلتي بواحد شايب وبكد ابوج

نواره. ابتسمت ودنكت

سلطان. يعني صدك شايب وهيج شايفتني حجه وهو مبتسم وعاض على شفته

نواره. لا لا موهيج اصلا انته حلو    شفته يبتسم ويمسح على شعره وكال.

وريحة شعري حلوه مو

نواره. عضيت شفتي حيل وفتحت عيوني على كبرهن وكتله لا مو حلوه   شفته رفع وجه ليفوك وهو يضحك

سلطان. ع العموم هذا. فاروق. ما اريدج تجيبين طاريه او تلتقين بي وحتلو صار والتقيتي بي وان شاء الله مايصير دوري وجهج  بالاتجاه المعاكس وحركي رجليج وامشي بدون ماتنطقين اي كلمه  ولا راح اتصرف وياج غير تصرف اما هو دواه عندي ان شاء الله

نواره. فدوه لاتضربه تره خطيه هو هماتين طفل

سلطان اهاا مقهوره عليه تمام ياب. جنت ناوي احجي وياه بس هسه لا راح اكتله واكتله كتله شرط اكسره عجبج

نواره  ياااا ليش تره خطيه بس احجي وياا عفيه

باوعلي بنص عين ورافع حاجبه وعافني وطلع  يااا هذا شبي

ويوم ثاني عرفت بالصدفه ان سلطان ضارب فاروق جان دايحجي هو وماما حبيبه وتكله ليش ضربت الولد خطيه

وهو يرد عليها لج هذا حيوان مو بشر دزيت عليه احجي وياه اللسانه اطول منه ويكلي قشمرت طفله اصغر من جهالك واخذتها ويكلي نسونجي الناقص الدوني ماتحملت كمت طبطبته شوي

حبيبه ههههه والله مورم وجها ويكول طبطبته

سلطان يستاهل واجه يصعد وشافني واكفه كال ها سمعتي لو

بلعت ريقي ترى بالصدفه والله

سلطان هل مره اعبره لان اول مره ولان اني الي ردتج اتسمعين هل حجي بس لاتعيدينها ترى مو خوش طبع هذا واني ماراضى بي فاتجنبي ترى تضوجيني واذا طوجتيني اتنهد ماحاجه احجيلج وجه فاروق يشهد

نواره لالا ما اعيدها

شفته عافني و صعد صحت عليه

نواره ا ا سلطان هو هسه زين يعني لو بال مستش....

ماكملت حجايتي شفته دار وخزرني سكتت كال اني شكلت مو كلت لاتجيبين طاريه

هزيت راسي بمعنى اي وهو صعد

..............................

ومر ثلاث ايام وجان. سلطان خفر بالواجب واجتنلي رشا باتت يمي وكالعاده كضيناها لعب وسوالف وضحك بس هل مره شاركتنه بنت عم  سلطان نوال  ولمن راحت رشا ضلت هي يمي وسولفتلي هواي عن سلطان اشياء

اخر يوم قبل لايجي سلطان من الدوام. جنه كاعدين اني وياها بغرفتي وره ماخلصنه غده

نوال عاد اسألج سؤال بما ان احنه صرنه صديقات

نواره اي حبيبتي اسألي

نوال. مثل ماتدرين اني مخطوبه. وزواجي بعد ١٠ ايام اريد اخذ منج استفسار  تدرين بيه استحي وبما ان احنه صديقات طاحت الميانه

نواره. اي حبيبتي تفضلي

نوال.  لمن اتقربلج سلطان يعني شلون جانت ردت فعلج خفتي بجيتي فرحتي يعني شلون

نواره هاا أ أ بس لحظه شوي شنو يعني اتقربلي

نوال. ياااا ماتعرفين شنو تقربلج

نواره. يعني اني ما ادري يمكن الي بالي ويمكن لا بس وسكتت     فاجأتني لمن شاورتني وكالتها

نواره لا لا حجيتهاا واني مدنكه وخجلانه اني سلطان ماتقربلي

نوال. فتحت اعيونها على كبرهن شنووو صدك تحجين عود

نواره اي والله شبيج

نوال. زين ليش

نواره ما ادري

نوال. بس انتي تدرين ان الزواج قائم على هل علاقه ويمكن سلطان استصغر عمرج

نواره. هو يمكن هيج

نوال. زين ماحاول يتقرب يبوسج او يحضنج

نواره. هزيت راسي ابمعنى لا واني مدنكه

نوال. لج هو المخطوبين كلشي يصير ابيناتهن وانتم متزوجين وكلشي ماكو

نواره. ابد مادا اجذب عليج

نوال. تره المره باأيدها تخلي الرجال يحبها

نواره. يعني شلون باأيدها

نوال. شوفي نواره. شعور انج تنحضنين او تنباسبن من الانسان التحبينه وباالحلال احلى شعور ويمكن من تجربينه راح تدمنين عليه  تعالي اسولفلج عن الاشياء الي لازم تسوينها  وتحصلين نتجيه مبهره
حجتها وهي تغمزلي وتضحك

نواره. ضحكت مو جنج مساع كلتيلي اريدج تعلميني مادري تنصحيني اشو انكلبت الايه

نوال. لج انه اكلاوجيه  ردت اوصل لحجيج هذا من سؤالي. اني اغطج بالبحر واطلعج عطشانه

بس والله نواره اريد افيدج اذا تضل على سلطان ماراح ايغير نظرته عنج وحتضلين طفله بنظره لحد ما انتي اتثبتيله العكس انج فاهمه وعاقله ومستوعبه شنو زواج وشنو يصير بالعلاقه الزوجيه والحد مايشوفج انتي مقتنعه ومتقبلته وتردين قربه بعدين اله هو يضل يعاملج كا زوجه سلطان واعرفه زين

وضلت تحجي وتحجي سووي هيج احجي هيج من يجي كليله هيج ووووو ماخلت شي ماحجته وكلساع تكلي امشي على حجي ولاتخلين الخجل يسويج بارده سلطان انحرم من الحب حبيبه ماعرفت تحسسه بالحب جانت من كلشي تخجل وتستحي لحد ماتعلم على برودها

وصار عنده العلاقه الزوجيه شي عادي خاليه من الحب ومن المشاعر
سلطان انحرم اخذي نصيحتي وسعدي حتى الله يسعدج ولاتخجلين او تخافين منه ترى هذا زوجج مو يوم ويومين راح تخلصين العمر وياه كسبي رضا واحترامه اخذي حجايتي وماراح تندمين

واني اثر بيه حجيها كلش وشجعني اخلي يحس بيه لان صارلي اسبوع تقريبا وياه وهو ابد ولايمي ولامعبرني ماسمعت منه حجي حلو الي جنت متصوره لمن اتزوج راح اشبع من كلمه حبيبتي وحياتي وعمري وانفاسي بس ابد ولا غلط بحرف هو حتى زوجه ما حاسبني واني صرت اتمنه وجوده يمي احس نفسي اعشقه بكل تفاصيله هدوئه وبروده وعصبيته وكلامه وترتيبه وحتى نظافته الزايده هذا غير نظرات عيونه وعطر شعره دخل كلبي وتمكن منه وصار تفكيري كله بي

ولمن راحت نوال ضليت افكر بحجيها واتذكر لمن تسولفلي عنها وعن خطيبها وشنو يسوون وشنو يحجون وين يطلعون ما انكر غرت وتمنيت ايصير وياي نفسها حبيت شلون تدلل ع خطيبها وشلون يدلعها ويصيحلها بالقاب حلوه طكت براسي لو اني لو سلطان اليوم اخلي يحبني غصبن عليه

وللظهر سمعت الهورن مال سياره سلطان
صعدت للغرفه  بسرعه عدلت شعري خليت عطر وكحله وعدلت دشداشتي بحركه سريعه جنت لابسه دشداشه صفره وبيها ورد ناعم اسود منثور ومن جوه اطرافها بيها ورد اكثر وردت اطلع ورجعت ع المرايه بحركه سريعه خليت مرطب لشفايفي وكرصت خدودي حيل حتى يصيرن حمر ورشيت عطر مره ثانيه وطلعت بس جنت امشي وارجف تكول مدري شمسويه ردت انزل وشفته دا يصعد بالدرج ابتسمت بس بخجل وخوف وشوي وتذكرت حجي نوال وصياتها الي اتشجعت وانتضرته يصعد ابتسمت ودنكت وحجيت بصوت بي دلع شوي مثل ماعلمتني وكتله شلونك سلطان وتقربت رفعت روحي على اطراف اصابعي وبسته بخده على كيف

سلطان رفع حاجبه وكال هلا نواره شلونج ياب

نواره تمام حجيتها بالكوه من الخجل
انت شلونك

سلطان اهاا تعبان شوي وانتي

نواره الحمد لله بخير بعد شوفتك

سلطان الله يستر حجاها وهو مبتسم صيحي حبيبه خل تحضرلي الحمام

نواره اني احضره

سلطان على خير يله حضري على ما اصلي فاتتني صلاتي حجه وهو يفتح بدكم البدله العسكريه اتذكرت حجي نوال ياربي انطيني الشجاعه اسوي الي كالت علي اي لازم اتشجع هي كالت ماكو عيب ولا خجل بين الزوج وزوجته اتقدمت واني ركباتي وحده تطك بالااخ صرت كباله وخليت ايدي فوك ايده وهي ترجف جان واصل للدكمه الثالثه وكملت فتح الدكم رفع حاجبه بتعجب وحمحم باوعتله وبلعت ريقي دار وجها للجها الثانيه وابتسم ورجع باوعلي شكرا وكرص خدي

منو علمج تسوين هيج حبيبه

نواره لا اني اعرف المره لازم تعامل زوجها بااهتمام

سلطان يعني انتي الي علمتي نفسج

هزيت راسي بمعنه اي

شفته ابتسم وهز راسه يمنه ويسرى

واني كملت فتحت كل الدكم ونزعته قميص البدله العسكريه وجان عطره يفوح منها يجنن اخذت القميص وعلكته

سلطان لا لاتعلكينه اخذيهن خل حبيبه تغسلهن

نواره اني اغسلهن

سلطان شعدها اليوم المره الي كبرت بيوم وليله الله اليستر منو الي قاري براسج حجاها وهو مبتسم

ابتسمت محد ترى اني كلشي افهم مو حسبالك طفله اعرف واجباتي وشنو لازم اسوي

سلطان اهااوسكت شويه وكمل.. عفيه حلو هل شي عفيه بالشاطره

عفته وطلعت

يمه موتني خجل حسيت رجليه ماشايلاتني من الخجل يمه صعب كلش مامتعلمه على هيج شي

طلعت تلكتني ماما حبيبه الي قبل شوي اجت من الدوام ابتسمت الها وكلتلها الله يساعدج ماما

حبيبه هلا يكلبي شنو سلطان اجه

نواره اي دا يصلي بغرفتج

حبيبه اها يله اروح ابدل ملابسي

نواره اخذي راحتج ورحت اخلي الملابس بالغساله وشغلتها وتذكرت الحمام كلي سلطان حضري اني اعرف خاوليه الوحده محد يستخدمه غيره وعنده ٢ الخاولي يلي يتنشف بي مره لازم ينغسل وينشر واخلي مكانه الخاولي الثاني واكو حافضه خاصه بالحمامةبس اله شامبو هيداندشولدز وصابونته لوكس الخاصه وليفته ومعجون وفرشه اسنان بعلبه محفوضه الوحدها هذن محد يلمسهن ابد مرتبات الوحدهن على رف بالحمام
طلعت من الحمام بعد ماتاكدت من نضافت الحمام لان عرفت من ماما حبيبه اذا يلكه الحمام مو نضيف او ريحته مابيها ديتول يخبص الدنيه خبص طلعت

ومن فهاوتي نسيت ادك الباب عليهم اصلا نسيت ماما حبيبه يمه رحت حتى اكله الحمام جاهز فتحت الباب وي وفتحت الباب ونعصر كلبي وانقبض ودموعي تجمعا بعيني لمن شفت سلطان وهو محاوط خصر ماما حبيبه وهي محاوطه بايديها على ركبته من وره ودا يتباوسون والتفتو على الباب ثنينهم اني ارتبكت ورجفن ايدي ونشل حلكي وسديت الباب بسرعه حتى ماعرفت احجي اي شي

حبست شهكاتي بأايدي لحد مادخلت الغرفتي وقفلت الباب كعدت ورا الباب وبجيييييت وبجيت ليش بس هي يحبها ليش مايعاملني مثلها شنو ذنبي اخذ واحد مايحبني شنو ذنبي اخذ انسان متزوج اني هم من حقي احب وانحب هم من حقي اعيش هل اللحظات ليش اني مو مثل حبيبه ليشش اني هم زوجته ليش هيه يعاملها غير عني

جنت ابجي وصورتهم بهل منظر بعيوني وكلمه ليش ماطاحت من الساني ومتجاهله صوت الباب وصوت ماما حبيبه الي تصيح علي نواره فتحي الباب ياامي بس اني ابد مويمها

ضليت على كعدتي هاي نص ساعه صح جفت دموعي بس ماكمت من مكاني ضليت صافنه بالفراغ سمعت صوت الباب مره ثانيه وماما حبيبه وهي تكول ماما نواره تعالي تغدي

نواره ما اشتهي

حبيبه زين فتحي الباب خل افهم البيج وليش تبجين

نواره مابيه شي يا امي

حبيبه فتحيلي الباب ياعيني

نواره عفيه ماما ميخالف تعوفيني شوي تعبانه واريد اكعد الوحدي

حبيبه اني اعرف البيج وحقج صدكي واني الخليتج بهل موقف واني الاطلعج منه

وسمعت خطواتها وهي تتبعد خليت راسي بين رجلي ورجعت دموعي تنزل يارب ما اطلب منك شي بس عوضني عن الحرمان اريد حضن يلمني وايد تكفكف دموعي اريد هل دمعه تشيل وتبتعد عن عيني وتستوطن الضحكه بوجهي وعشر دقايق وسمعت صوت دكه الباب واليده مال الباب تتحرك وصوت سلطان فتحي الباب

سكتت ماجاوبته احس كلبي رجف على صوته

سلطان فتحي الباب نواره

كمت مسحت دموعي باأيدي وبعدها رفعت طرف دشداشتي هم مسحت وجهي حتى لا ابين باجيه وفتحت القفل مالت الباب

دخل صار كبالي وسد الباب

سلطان ليش تبجين

نواره ابتسمت بالكوه وهزيت راسي بمعنى لا وكتله ما دا ابجي

كمش ايدي واخذني كبال المرايه وصار  وراي ورفع وجهي بايده كبال المرايه راواني وجهي وهو يباوع وياي لعد هذا شنو

شفت الكحل تارس وجهي وعيوني

سلطان نواره ما احب الجذب شبيج تبجين يله احجي

نواره ضليت اعصر باصابعي والتفت بعيوني الكل مكان ودمعت عيوني وحجيت بالكوه انت .. انت ماتحبني

ابتسم سكت شوي ورجع حجه وكال منو كلج ما احبج

نواره حجيت واني مخنوكه بالعبره مو لازم احد يكلي اني اعرفك ماتحبني ماشفت منك اي اهتمام يعني شلون اكلك يعني انت ماتعاملني مثل ماماحبيبه انت يختلف تعاملك وياها جنت احجي على لاهيتي وفطرتي وفهاوتي ومنطلقه

شفته ابتسم وكال يعني انتي ترديني اعاملج مثل حبيبه تردين تصيرين زوجتي بالفعل مو

مافهمت عليه من كال بالفعل وشنو قصده بهذه الحجايه كتله اني اني احبك اريد اهتمام منك اي عاملني كازوجه حتى نوال كالت خل يعاملج كازوجه مو مثل بنته وحتى ماماحبيبه كالت ورشا هم

سلطان ابتسم  ااهاا يعني هنه دافعاتج علي مو.. ...بس انتي مقتنعه تردين تصيرين زوجتي ويجمعنه فراش واحد

ضليت ساكته ومدنكه وارجف وطاحت دمعتي على كد الاحراج والموقف الخليت نفسي بي واني اكول النفسي شكلتي وشصخمتي ولج الغبيه الثوله

سلطان ماجاوبتي زين انتي تعرفين شنو يصير بين المره والرجال

نواره تعالت نشغاتي رفع وجهي بايده لاتبجين مو اني زوجج احجيلي تعرفين لولا هزيت راسي بأأي واني عاضه على شفتي من الخجل ودموعي تصب

سلطان اهاا زين ليش تبجين خايفه مو

وخرت ايديه من وجهي ورجعت دنكت

سلطان راح احاجيج وجاوبيني بصراحه خوش تدرين ليش اني الهسه ماتقربت الج لان احس بيج صغير واحس بيج خايفه ويمكن تتندمين لمن تكبرين شوي لان سلمتي نفسج الرجال اكبر منج بهواي ويمكن لمن تبلغين تحسين نفسج انتي خذيتي الانسان الغلط لذالك انه كلت انتضرج الا ان تتأكدين من نفسج وقرارج بس هيج والا ماعندي اي اعتراض عليج انت تجننين جميله كلش واخلاقج احلى منج

بس اني كلت  انتضرج سنه او اثنين اهم شي ما اضلمج وتدرين اذا صار واجتمعنه سوه وصرتي زوجتي بالفعل ماكو مجال للترجع بعد قد يصيرون عدنه اطفال وشي ابدي يربطنه

فاسؤالي الج اتحبين اتانيج حتى تتأكدين من اختيارج لو مستعده من هسه تكونين زوجه فعليه واني اسوي اي شي تكولينه

ضليت ابلع بريقي ودنكت وجهي شحجي ويا هذا شلون شجاوب

سلطان نواره لاتستحين اني ماراح افهمج غلط بكل الخيارين واني انسان فاهم واوعي اعرف تفكيرج وماراح افهمج غلط صدكيني لذالك احجي

ضليت ساكته واعصر باصابعي ومدنكه

رفع وجهي بايده ها مستعده

ضليت ساكته وعيوني بعيونه

سلطان انتضرج لحد ماتتأكدين

مادري شلون هزيت راسي بمعنى لا بس كل الي دار براسي كلام نوال وهي تكلي كسبي سلطان خلي يحبج لاتبعدينه عنج وبأايدج كلشي باأيدج

سلطان متأكده اتنهدت

درت نظرات عيوني ع الحايط اني

حسيته يتقرب علي ونزل وجها بمستواي وانفاسه تضرب بركبتي كلبي راد يطلع من صدري على كد ما ضل يدك بسرعه واحس دكاته صارت مسموعه حجه يم ذاني مثل ماتردين اني ماعندي شكال بيج كل البيج ينحب بس اختيارج جان كل همي

وباسني بركبتي وضل يبوس بيه بركبتي وشفايفي واني فقدت السيطره على رجلي ردت اوكع بالكاع بس كانما هو يدري راح اوكع بسرعه حاوطني بايده ولزمني من خصري وسندني من غير مايشيل وجها من ركبتي واخذني ع الجربايه وضل يبوس بيه بكل مكان جنت كلش خجلانه واحاول اضمضم بجسمي وووو لمن وصل للحدث الاكبر وبدايت الامر قبل ميسوي شي حسيت كلبي ح يوكف من الخجل دفعته برجلي بسرعه حيل واخذت الغطه ولفيته على نفسي واني ابجي واصيح ما ما اريد انطيني فرصه افكر افضل عفيه ما اكدر

عض على شفته وهز راسه بس حسيت وجها انكلبت تعابيره  و كام من يمي

واني كلبي راد يوكف من الفشله والخجل ياربي شلون سويت هيج شلون سمحتله يسوي هيج ويكشف علي ياربي ليش مايستحي شلون ماخجل اشو اني دم ماضل بيه من الخجل يمه ليش سمحت بهل شي يصير شلون اخلي عيني بعينه بعد ما كشف علي وشافني شنو هل فشله

رفعت وجهي شفته رجع دخل للغرفه حاول يبتسم وطفه الضوه واجه يمي ميخالف يانواره على الي يريحج كتلج ما اريد اضلمج وياي اهم شي قناعتج حسبي ما صار شي وانسي كلشي

جنت اعصر باصابعي حتى حسيتهن راح ينشلعن على كد ماعصرتهن ماحاجيته اي شي دار وجه ونام واني ضليت كاعده وميته خجل وكرهت روحي لان قبلت بهل شي

وبعد هذه الحادثه وذاك الموقف ضليت اتهرب منه واستحي حتى من يرجع السلام علي استحي منه بس هو صار يتقرب مني ويضحك وياي ومرات يشاقيني حتى يحسسني كنما ماصار شي وهو ع اساس نسه كلشي بس احياناً الكاه صافن علي واني مامنتبها ضل هذا الحال سبوع كامل وهو ضل يبات يوم يمي والثاني عد ماما حبيبه

لحد ما بهذاك اليوم عرفت ان ماما حبيبه اتريد تروح للعمره على اساس هي وسلطان بس ماصارتله اجازه فا متفقه وي صديقاتها بالدار يروحن سوه

اني علاقتي صارت بماما حبيبيه كلش قويه مثل ام وبنتها والميانه زادت بيناتنه
ولمن راحت ماخليت شي ماطلبته منها هيج جيبيلي وهيج اشتريلي ولمن سافرت بجيت عليها هواي

((كلام صاحبت القصه نصآ بحق حبيبه :عمري ماشفت ولاراح اشوف مره مثل حبيبه انسانه بكل معاني الانسانيه ماحسيت ان هي ضرتي اعجز ان اوصف هذه الانسانه كل الي اكدر اكوله هاي الانسانه تكاد تكون معدومه من مجتمعنه ))

وبنفس اليوم الي سافرت بي ماما حبيبه اندك الباب وكت الضحى وجنت بس اني وحنين بالمطبخ والحجيه دا تصلي مافي الذمه  فا رحت للباب فتحته وانصدمت ....

يتبع.........