رواية حكمت محكمة الحب الفصل الرابع والثلاثون 34 - بقلم زينب العبيدي(زينبيه)

مرحبا حبات كلبي

الكهرباء بالبصره زفت والسحب بعد اضرب والحراره تكسب الجلد

٢٥٠٣ كلمه لا احد يكول قليل والله الاجواء ماتساعد والحاله النفسيه زفت مثل حالت نواره بهذا البارت

قراءه ممتعه

حكمت_محكمه_الحب

#بقلم_الزينبيه

#البارت٢٦

وجان سلطان هستوه رافع استكان الجاي لحلكه وصاحت ماما حبيبه

لحظه سلطان هذا الاستكان وسخ احنى ما نستخدمه

سناء لا مو وسخ غسلته والله

حبيبه أ أ أي مو قصدي وسخ وسخ بس هو هاجريهن مانستخدمهن واخاف بريعصي او شي داخل بيهن فا خل يولي وكامت اخذت الاستكان من ايد سلطان

مهى والله كل حجيج مو صح اولا عمري ما شفت ابريعصي ابيت اهلي منين هل حجي هذا بس كل السالفه ومابيها ماتردين سلطان يشرب من ايد سناء والغيره كاتلتج ترى ياحبيبه هي بنت خالته

حبيبه لا ابد شهل حجي شنو اغار من سناء ترى هي اخته وحالها من حالجن وتفكيرج غلط هاك سلطان هذا الاستكان مالتي اشرب حتى تتأكد مهى ان حجيها غلط كل السالفه هذا السيت مال الاستكاين مهجور ومانستخدمه ولازم انعقمه بمي حار قبل لانصب بي

سلطان يمعوووده هسه كاعدات تتناقشن دروحي غيري الاستكان واحمي الجاي صار شربت يله بسرعه

اخذت الاستكان ماما حبيبه واشرتلي ما اشرب جاي

تبعتها للمطبخ جانت تحمي بالجاي كلتلها شنو السالفه ماما مافهمت تصرفج هذا السيت مال الاستكايين كلشي مابي وبيتنه مبي بريعصيه وهو مسلفن السيت ومال الخطار

حبيبه ادري هاي شبيج بس هاي سناء حاطه شي بهذا الاستكان وله ليش هو الوحيد استكان مالته مختلف وليش خصصته اله بالذات وهذن الاستكايين العاديه تارسات الكاونتر ليش مطلعه من هذا السيت الجديد هاي داهيه وينخاف منها والاحتياط واجب

واخذت الاستكان شمرته بالزباله هو وجايه

-والله خوفتيني منها ماما

-لذالك ديري بالج وصيري حريصه ولاتخلينها تسوي شي السلطان انتبهي الكل تصرفاتها ها ومو بس هي حتى مهى ومنى ومنار ترى كلشي يطلع منهن

-هزيت راسي بمعنى اي وكلت والله ينخاف منهن هل حيايه الله يستر

صبت الجاي ودته ماما حبيبه السلطان وراحت يم حنين تحجي وياها بموضوع الخطبه

اني كلتلهم من رخصتكم وصعدت لان حسيت بنعس

وقبل ما اصعد اسمع منار تكول

اي رايحه تنام كاضيتها نوم ومحد يشوفها

وسلطان يرد عليها خليها براحتها حامل وتعبانه وانتي اذا محتاجه شي ناقصج شي حبيبه مو جوده وحنين موجوده وانتي مو غريبه البيت بيتج

واسمع منى وسووت السالفه بالشقه ع اساس وتضحك وتكول ههههه والله ينواره بختج اشكبره علواه رجلي هيج يكلي هههههه مادري سحرها معدل لو تدلينه على السحاره مالتها وتنقذنه

كام سلطان وباوع المنى ترى نواره طفله وفطيره وطيبه وسوالف السحر وشغل اللواته والحييل مال النسوان ماتعرفلهن
يله اني رايح انام

وقبل مايصعد اني بسرعه صعدت الدرج قبل ميشوفني

ودخلت للغرفه وهو دخل وراي

كال ها حسبالي نمتي

-اي راح انام هسه

اتقدم علي وشالني لج كعدي وياي شويه مشتاقلج وماكو شابع بس ترفس منج

درت وجهي بسرعه من الصفحه الثانيه كتله يععععع ريحتك مو حلوع

نزلني بسرعه خرب هاي شبيج وضل يشتم بروحه وكاله ولج هستوني من اجيت سبحت

-لالا ريحت شعرك تلعب النفس

-لاه هذا العطر لتحبينه ياب ليش يلعب النفس

-مادري لعبت نفسي منك فدوه روح اسبح ولاتخلي عطر لا الشعرك ولا الجسمك

-امري لله اسبح بس اني ما اعرف اذا ما احط عطر خرب مصنمج طلع وكال حضريلي ملابس

حضرتله ملابس وهو سبح وطلع وهو يكول والله ماصايره هاي قبل شوي سبحت وهسه سبحت وباوع علي وغمزلي وراح اسبح بعد شوي

كتله لالا فدوه والله نعسانه ومالي خلك

-لج حرام عليج انه اريدج تكليلي نعسانه انطيني شوي من وقت النوم الي تصرفينه

-ما اريد مالي خلك

-ولج هو اني يايوم كتلج وكلتيلي اريد كضيتيها ما اريد وما احب ومتوجه وصخام ضلج شهر ونص ينعدن ع الاصابع وبالكوه مايصير هيج نواره اني زوجج وهذا واجبج وحقي عليج

-اوووف لاتلزك عفيه كتلك مالي خلك

-الزك هه والله ياالله نامي شبعي نوم طفي الضوه خل اخمد

طفيت الضوه وضليت اكلب بالتليفون واراسل وسن حتى تفهمني ليش سوت بيه هيج شهر صارلي اراسلها واتصل ماترد علي

-اشو مانمتي مو نعسانه لو بس يمي تنعسين

-ها اي اي ح انام جنت دا اوقت النقال

وخمس دقايق خليته نام ورجعت اكلب بالنقال

مرت الايام وحددو حفله الخطوبة مهند وحنين بعد ٤ ايام

وجانت ماما حبيبه مشغوله وي حنين باإجر البدله والصالون والحلقه وهاي السوالف اني كل يومي اكضي ضايجه واي واحد يحجي وياي اتنرفز بسرعه واحب اكعد ابحدي وانام هذا صارت حياتي ومثل ماما حبيبه كالت هذا نساوه

سلطان خطيه متأذي من وراي كلش بس ابد مايحجي ولايكول متحملني كلش حتى مرات اطلع من طوري واعلي صوتي عليه احس بي يشتعل نار ويضوج كلش بس يضل ساكت ويستغفر ويصلي على محمد

لحد ما هذاك اليوم الساعه ب٣:٣٠ الظهر جنت نايمه الوحدي سلطان يم ماما حبيبه

اتصلت علي رشا وهي تبجي جانت تحجي وتبجي مافهمت منها شي كلتلها لج اهدي شوي خل افتهم

-ولج شهده هذا مرتضى اتصل علي ويكول صورنه مالات الحفلاه كلها عنده

-شنوووو صورنه يعني اني هم

-اي ولج ويكول انشرهن اذا ما اجيتيني شسوي نواره شسوي

-ياربي شهل ورطه بس تدرين حل تستاهلين ياما حذرتج وكتلج بس لاحياة لمن تنادي

-ادري والله ادري اني وحده حيوانه وغبيه وما افهم بس نواره اني ما اريد انشر حبيته من صدك لكيت يمه الامان الي نحرمت منه طول عمري ماتصورت يضحك عليه صدكته من كل كلبي

-اوووف ياربي ساعدني ز ين من ويله الصور اكيد انتي الي رسلتيهن الهن لج اني مو محذرتج

-وروح ماما وبابا مو اني الي رسلتهن اله اني متعجبه والله وراح اتخبل منو الي مصور وداز صورنه ولو اني جان رسلتله بس صوري ليش ارسله صور ومقاطع للبنات

-لج راح اتخبل شهل عيشه هاي كليوم مبتلين ابلوه جن المصايب اتدور عليه دواره سكتت وهي هم سكتت وشوي وكلتله ومنو يكول الحجي هذا صدك اقصد يجوز ماعنده صور ودايخوفج

-ما ادري بس من حجيه كأن مو جذب اشو يحجي و واثق حيل

-اكلج انطيني رقمه خل اهدده واذا ما فاد وياه اكول السلطان او ماما حبيبه

-لافدوه كال اذا عرف احد راح انشر الصور وحلف

-لج لاتصيرين جبانه وهذا مستقوي عليج راح اهدده واذا ما فاد اكيد سلطان راح يتصرف وياه

-عفيه نواره لا استحي من سلطان او ماما حبيبه اذا عرفو والله استحي شيكولون عني

-اهوو باع هايي ضلي مستحيه وخلي صورج تنشر واني والبنات وياج انروح بيها

-زين سجلي يمج

-ورجعتلي الرقم وبسرعه سجلته

سديته من يمها واني كلي ارجف اتصلت عليه واحاول اثبت صوتي المهزوز واضيع خوفي

واول مافتح التليفون حجيت بدون مقدمات اسمع اخوي اني ادري انت ماعندك شي لاصور ولا شي وادري انت بس دا تخوف برشا وحسبالك محد الها شوف واسمعني وحطني بالك زين زوجي عميد بالشرطه وراح يوديك ورا الشمس اتبعد عن رشا سمعتني

كل هذا الحجي وهو ساكت

ومجرد ما سكتت ضحك وبصوت عالي ههههههههههههههههههههه عاشوو والله سباعيه اتصورتج جبانه عاد اني جنت محتار شلون اوصلج بس اجيتي والله جابج وبرجليج اول شي اعرفج زين زوجج العميد سلطان السبيعاوي وهلشي راح يزيد بفضيحتج وادري مديرة الدار هي شريجتج وشي الثاني اني ما اجذب ولا احب الجذب اذا تردين اثبات ان عندي صور ومقاطع الجن هسه ارسلهن الج

-بلعت ريقي وكتله ز ز ين انت ش شتريد من رشا وليش اتهددها

-جنت اريد اشوفها بس هسه لا اريد اشوفج انتي

-شنوووو تشوفني لا ماحزرت نجوم السمه اقربلك من هل شي

-شوفي اقسم بذات الله انشر الصور اذا جبتي الطاري السلطان او زوجته او اي واحددد راح ينشرن والله والله والله

وحتى لو اني صار علي شي اكو غيري راح ينشرهن والله والله

وحذرتج وقد اعذر من انذر

-حجيت واني ادموعي اتصب الله ينطيك العافيه خويه ماعندك خوات ماعندك عرض دخيلك لاتخرب حياتي ماناقصه اني زين شتريد

-شوفي اوعدج اذا اجيتيني وبدون علم احد راح انطيج كل الصور والفيديوات ولامن شاف ولا من دره

-بس ليش اجيك شتريد مني

-ها اريد اريد افلوس اي اريد فلوس مو اهواي خمسين الف كافي

-زين زين ميصير اخليهن الك مكان معين وانت تاخذهن

-الله وياج كلام واحد ماعندي غيره تجين يم صيدليه الهدى الي بامنطقته ال.... وباجر الوكت انتي حددي اذا اتاخرتي عشر دقايق من وكتج احسبي الصور كلهن ع الفيس واليوتيوب واذا جبتيلي وياج احد حتى لو اني صار علي شي هم ينشرن والله ولاتحسبينه بس تهديد

ضليت ابجي ياربي شهل ورطه شلون اطلع منها اتصلت ع رشا وكلتلها

ضلت بجي وكالت لا ما اخليج تتعرضين للخطر من وراي وسدت من يمي وراحت اتصلت عليه اكثر من مره بس الحقير مايرد

ورجعت اتصلت بيه نفسيتهتا تعبت كلش الحقير جانت متعلقه بي حيل وحبته من صدك زصدكت احلامها ونست الواقع معذوره ابنيه يتيمه وصغيره قشمرها بكلمات الحب والحنان وهي بأامس الحاجه الهن

نفسيتي ماتقل عنها بشي ابد لان بلايه شي اني متنرفزه من الهوه الاشتمه وخايفه هسه من الفضيحه

وضلينه انفكر انريد حل ماكو خفت كلش وهي خافت كلتلها راح اكول السلطان والبيها بيها

-واذا عرف وشهرنه بالله اني يطبني مرض بس انتي متزةجه وحامل وزوجج عميد ووكل الناس اتعرفه هذا مرتضى واحد دوني كلشي اتوقعي منه يسوي

-ول حل يارشا ما اكدر اروح اله اني خايفه كلشش

-زين راح اروحله اني باجر بدون ميدري واحاول اترجاه بلكي اكسر كلبه عسى ما ابوس رجله

-انتي خبله اكيد ماراح اخليج تروحي ابحدج اصلا هذا بلا كلب شينكسر كلبه ومتأكده راح يسويلج شي

وضلينه بحيره وبالاخير اتفقنه ان انروح اني وياها واقل خطر نتصل على سلطان اثنينه راح انسيطر بس مانكوله راح نجي اثنيناتنه بس جانت الحيره شلون نطلع من البيت وهي شلون تطلع من الميتم بدون محد يدري

لذالك اتصلت عليه وتوسلت بي يأجل اللقاءللخميس بيوم خطبت مهند اكيد حتصير هوسه واذاغبت ربع ساعه ما راح يحسون وحتى رشا راح تكدر تطلع من الميتم وتجي اهنا اذا طلبت من ماما حبيبه تجي وللحفله ماراح اتمانع اكيد

ضليت قلقه كلش وزادت حالتي النفسيه تعب وكأئابه على طول مرن يومين

وباقي يوم وليله ع الخطوبه حاولت اهواي احجي السلطان بس اتذكر تهديد مرتضى واخاف من الفضيحه واتراجع

جنت نايمه الضهر

اجاني سلطان وكال نواره ياب ليش ماتغديتي كعد يمي ع الجربايه درت وجهي وكتله ما اشتهي

مدايده يمسح ع شعري وكال اشو ما اشتريتي ملابس للحفله ليش ماقبلتي تروحين وي حبيبه شبيج ياب احجيلي ضايجه اطلعج مشتهيه ترحين المكان معين احجي مو زين اتضلين حابسه روحج ومتكائبه موبس عليج موزين حتى ع الي بطنج

- مااريد اشتري ملابس عندي ومالي خلك اطلع والله كارها كلشي

-زين واني هم كارهتني

-انت روحي وهواي الي اتنفسه شلون اكرهك

-لك ياااب منو كدي هاي كله اني زين كومي كعدي وياي شوي مشتاقلج ولج

-مالي خلك والله

-يابه مو فتيتي مرارتي يمته ماكتلج مشتاقلج واريدج تكليلي مالي خلك هسه تتنسين امنه بالله بس مو هيج يمعوده محتاج ولو ادري هيج يصير بيج من تتنسين فلا حبلتج

-كمت بالكوه وغصبا عني ما احب واحد يتواجد يمي وما اريد بشر رغم هواي اشتاق اله اي اشتاقله بس من يصير يمي اكره وجوده مثل الباقين

سحبني من ايدي وكعدني على رجليه وكال سبحت من العطر الخاطرج بعد شتردين حجه وهو يبتسم

لك صايره تشكين شك خرب مصنمج حيل حلوه وحارمتني هل حلات ليش ياب ليش

ابتسمت بالكوه

-بوسه ماكو منا منا حتى لو تدورين قابل

-لا ماكو

-لج خاف بطلتي ماتحبيني اشو ماطايقتني اعترفي ياب

-بسته بوسه سريعه وبالكوه بس حتى يسكت

اشو هو ضل يبوس بيه ويشتم بركبتي جنت شاده على جفوف ايدي حيل وبالكوه متحملته ومغمضه عيوني حييل وكارها فعله

راد ينزعني الدشداشه مالتي ماتحملت انفاسه وبوساته ولمساته اللاهفه دفعته حيلل

كتله ماااا اريدددد وخررر عنيي يعععع

شفته نزل نظرات عيونه وهو ضاغط على فجه حيل ورفع اعيونه بعيوني

باوعلي بنظره عجز عقلي عن تفسيرها

شوي وسمعته يستغفر ويصلي على محمد وفرك اعيونه بأايده

وكال ماتتحملييني شوي شهل النساوه الخرا التبن هاي يمته نخلص منها

-'ترى والله مو بيدي عفيه اطلع برا ما اريدك اهنا

كام وهو يتنهد الله كريم تخلص تخلص انشالله اووف راح اطلع ولو اني ضجت و ووصل حدي بس معذوره ياب مو بيدج

وراح طلع

واني ضليت ابجي ليش وشنو السبب ما ادري احس مخنوكه وسالفه هذا الحقير كلش شاغلتني وخايفه منها ومشتاقه السلطان وابدي اشبكه ويضمني الصدره واريد ابجي وهو يمسح على شعري بس هم ما اطيق وجوده

حتى ماما حبيبه الي اني احسبها امي واكثر هم ما اطيق اشوفها كبالي

الكئابه والحاله النفسيه وصلت بيه لدرجه لو اكتل هم عادي ومايرفلي جفن

وبيوم ثاني جابلي سلطان ملابس ماهان عليه كلهم يشترون واني لا

جابلي بدله طويله لونها بيجي شيفون ردان طويله من فوك ضيكه وتجي عريضه من جوه الصدر بشوي ومشتريلي حفايه

دخل علي وكال هاج ام راس يابس شوفي هاي قياسج

ابتسمتله بالكوه وكتله اي قياسي امبينه شكرا

-شكرا موو

كمش وجهي حيل وباسني حيل وبالكوه واريد ابعده من يمي مايتزحزح

لحد ما ضليت ابجي اتبعد

-خرب ترى حيل مشتاكلج والله وبوسه وحده ماترويني الك الله ياسلطان

وعافني وطلع

وللضهر انترس البيت ناس اقاربهم اجت يمي نوال وبنات مهى ومنى ايمكيجن يمي بغرفتي

جنت اني لابسه وكاعده اتانيهن يخلصن حتى اكمل نفسي

بالي مو يمهن ابد يم هذا الخنيث الخبيث مرتضىوشلون اخاف يحسون على غيابي ياربي كلش خايفه

كملن واجت يمي نوال كالت ليش ماكملتي

كلتلها هسه

-خلي اني امكيجلج ومكيجتلي مكياجها يجنن وخفيف سرحت شعري وبرمتلياه من جوه

لك شنو هل جمال هسه يشوفج سلطان وشيفكج بعد باوعت النفسي صدك طالعه حلوه بس شلفايده واهسي مكسور من وره الحيوان مريتض

اجت ماما حبيبه وكالت هانوننو امي محتاجه اساعدج بشي

-لا مامحتاجه شي

-فدوه شهل جمال الطفولي لج ماما ليحسدوج اقري المعوذات على نفسج

-ابتسمت الها بالكوه وهزيت راسي بمعنى اي

وقبل ماتطلع كلتلها ماما رشا اجت

-لا بعدها كلت للحارس يوصلها النه

هزيت راسي نزلت ماما حبيبه

وشوي وصعدت سناء كالت صديقاج اجتي

كلتلها اي تمام هسه انزل

-عادي ابدل بغرفتج وامكيج

-كلتلها بدون اي نفسج ليش الغرف الجوه شبيهن

-امه الثقلين جوه

-فوتي وكمت طلعت حتى اروح الرشا وقبل لا انزل دخلت للحمام واني طالعه

شفت سلطان ديدخل للغرفه

-وين سناء جوه دتبدل

التفت علي وكال هسه تكيف هي اذا ادخل عليها

-هاهاها ماتضحك

-ههههه خرب باع الغيره لج شهل الكرز هذا صار هواي ماشايفج بهل منظر يعني هما يستاهلون يشبعون بهذا الجمال واني محروم

-يله خل انزل

-اوكفي ياهوو شنو اريد انام هاي ماتطلع

-روح نام بغرفه ماما حبيبه واقفل الباب ع نفسك ماكو امان

-ضحك وكال زين انطيني بوسه

-لا

-ترى اروح السناء والله شنو ماتكليلي انتي عايفتني بالضيم حبيبه مامكلبتني هاي ماخذ اثنين وهيج ضال محروم
والله اروح السناء وانتي كيفج

-اجيت يمه وكتله بوسه وحده عفيه

اشو هذا سحبني وضل يشتم بركبتي ويبوس بحركه كلب وايديه يتمشن علي

اريد ادفعه مايتحرك من مكانه ضليت اضرب على ضهره وكتله س سناء

اتبعد هو بسرعه والتفت مالكه احد واني بسرعه نزلت لكيت نوال وملاك وحده من بنات عمها همين واكفات بالدرج وميتات ضحك وشافني وزادن ضحك

ملاك لج خطيه اخوي مشعوله صفحته وصفحة اهله ليشش هيج هههههههههه

نوال اي والله يامسكين بحيث ماهمه المكان حتى لو جوه وكدام الناس اهم شي ايصيدج ههههههههههههه

-استحيت لان شافنه وضليت اضحك من الفشله

عفتهن ونزلت الرشا الي وجها لونه مخطوف خطيه حتى جوه عيونها سواد صاير من كد البجي

وبس شافتني شبكتني وبجت وهي تكول والله خايفه نواره خايفه عليج مو على روحي والله

جنت ابدي ابجي بس حاولت ومابجيت كلتلها انشالله انروح ونرجع محد يحس ععلينه واحنه ثنين مايكدر ايسوي شي واذا صار اي شي ويانه تليفونات لاتخافين

وشوي وجابو حنين من الصالون جانت جميله بمعنى الكلمه وبدلتها تجنن لونها ذهبي

باركلها البنات واجيت وياهن بستها وهمست الها الف مبروك والله ما ادري لالي سوته وسن ولا الي ايد بي

وعفتها ورحت

ضلينه الوكت كله قلقانين اني ورشا حضرنه عباياتنه اىاسلاميه وشالاتنه

وكلتلها من يدخل مهند ويلبسون الحلقات وسوالف الكيك والعصير راح تصير ضجه ومحد راح يحس ونطلع احنه

ايدتني رشا وصدك دخل مهند بالبدله الرسميه السوده جان طالع كلش حلو وانيق

اتمنيت الهم السعاده من كل كلبي

وكمشت ايد رشا وتسللنه بدون محد يشوفنه وحطيت التليفون على رقم سلطان خاف كلشي ايصير

وكذالك رشا سجلت رقمه بتليفونها ولبسنه وطلعنه

يتبع.......