رواية حكمت محكمة الحب الفصل الثالث والأربعون 43 - بقلم زينب العبيدي(زينبيه)

مراحب حبات كلبي❤

شفت اهواي من البنات مشككات بقوه السحر ومقدرته

حسب الي شفته والي سمعته وخصوصا بعد هاي القصه صرت ما استبعد شي السحر كلشي يسوي

خلو ببالكم اني حماي توفه من ورا السحر ضل سنتين محد طاح على علته ولاخلو سيد ولا شيخ يعتب ماودوا بالبصره والعماره وكربلاء وبغداد وحتى الايران كلهم كالو مسحور وحاولو ويا مافك السحر ومو بس الساده راحو حتى ماخلو دكتور بالعراق وخارج العراق بس كلهم كلولهم مابي شي

وصلت حالته ياكل ودقيقه وحده ينسه اذا اتعشه او لا ولاعقله ولاراسه بي شي وهو كلش شجاع ومايخاف وصار تكرمون للحمام يخاف يروح الوحده
ويحس اكو شي يمشي ورا وسنتين ضل هيج وتوفه

ع العموم لاتستبعدون شي خصوصا السحر الصابئي اخطر انواع السحر واقواهن واسرعهن مفعول حسب الي قريته عنه ومااكو اقوه منه غير الله سبحانه وتعالى

وهذا نص بارت هديه لعيونكم واذا كملت النص الثاني احتمال انزله باليل كلش او الفجر

١٣٨٣كلمه قراءه ممتعه

#حكمت_محكمة_الحب

بقلم #الزينبيه

البارت #٣٣

دخلنه للبيت وجانت سناء بالباب كنما تنتضرنه

وكالت بصدمه ها اشو وياكم البنيه يعني عايشه

حبيبه ليش شنو تردينه انعوفها

سناء هاا لا لاشنو تعوفونها

حبيبه الظاهر حتى للطفله مسويه قذارتج وسحرج الله اكبر عليج ولج خافي ربج عذبتي بنيه بعمر الورد وحرمتيها من زوجها ومن فرحتهم بطفلتهم ولج شراح تكولين الربج

سناء اهووو اشو انتي تحجين حجي ماصخ ياسحر هذا

فوتتني ماما حبيبه واتجاهلتها وساعدتها حنين ومهند بيده الطفله

ونومتني بغرفه الحجيه وحطوا كريكوت الطفله يمي ومهند اذن باذنها والحجيه تسمي وتدعي يحفضها الله ويشافي ابوها ويافرحتها جانت وماما حبيبه كاعده يم راسي وحنين ومهند مكابلين الطفله

وكل احنه ملتمين

وسلطان واكف بالباب مثل الخايف ويباوع علينه من ابعيد شكله متغير حيل وضعفان

صاحت عليه الحجيه تعال يوم سلطان تعال يابعد ضوه عيني شوف ابنيتك يايمه تعال

اجه اتقدم وكف فوك راسها يباوع عليها بدون مشاعر

باوع علي وخزرني وكال هاي مو بنتي بتمن هاااي احجججييي

مهند شبيك سلطااان شنو هذا الحجي

سلطان هيييي انت ولاصوت لا اكص السانك وادوسه برجلي وكمشني من دلع الدشداشه مالتي ويصيححح بتمن هاييي احجي وللج

كمشت ايده ماما حبيبه وتكله شبيك يارجال شبيك البنيه نفسه مو زين والطفله هستوها صايره لاتصيح موزين

دفع ماما حبيبه حيل واجو مهند وحنين كمشو رفس مهند ودفعه على حبيبه وحنين دفعها على الحايط

اجت الحجيه وتكله يمه الخاطري وليدي هاي شبيك

دفع امه على الجربايه وجه احمر وكال اكلكم هاااي مو بنتي

سناء اي وصدك منو يكول بنته عوفو يعرف ابوها الحقيقي مو قبل هي جانت اتواعد رجال ثاني

مهند اسسسكتي لج ساقطه كلبه حيوانه

ومن جها ثانيه سلطان هجم علي وشبعني رفس وطك وهو يصرخ احجي منو ابوها احجي

التمو عليه كلهم وبالكوه دفعو قفلوا الباب وهو يدك ويصرخ احجي كح... احجي ام الشوارع بتمن هاااي تبن زباله

وضل يصرخ ويصرخ شوي ونسمع سناء تحاجي وتكله كافي حبيبي كافي تعال

جنت اني دا ابجي لان هواي وجعني واذاني وكسر كلبي غير وجع جسمي

والحجيه تبجي وماما حبيبه تبجي وحنين شايله الطفله الي جانت داتبجي

ومهند متحرمص اتحرمص ويروح ويجي بالغرفه

ويكول حسبي الله دمرته الاخوي كلبته وحش

مرت الايام واجت ايام طلعت رقيه من الاربعين وصار عمرها ٤٥ يوم وماشاء الله بسرعه نفشت وصارت دبه وتجنن

اما سلطان ما باوع بوجها ابد ولا يتقرب يمها اصلا احنه مانشوفه غير بدخلته من يصعد الدرج وبطلعته ومن يجي يكتلني بس بهاي انشوفه

حتى بيوم اجازته ماصار يطلع ويكضيها بالبيت

وهو نقلو للرمادي يعني اداوم اسبوع اهناك واجازه اسبوع بالبيت

وسناء الي طلعت حامل من يوم زوجاهم وهسه هي بشهرها الثالث تقريبا وسلطان طاير بيها من الفرح وهي من يروح سلطان للدوام تروح هي الاهلها ومن يجي ايجيبها ويجي ع البيت

اما اني حالتي متغيره والقهر ماخذ مني دور جبير

ماخلينه لاسيد ولاشيخ دين ولاعراف ولاعلويه مارحنالها دكينه كل باب

وكل الي انروح الهم يتعجبون من قوه السحر الي بي وينصدمون واكو يعتذرون من عدنه ويكولون مانكدر على هيج سحر هذا سحر مدمر واكو بيهم ينطونه علاجات روحانيه انسويها بس مايفيد بي ابد

وتزيد حالته

وصار كلش وحشي ويكتل بلا رحمه وكانو صار بدون كلب

اني خلصت روحي لان مايعدي يوم اذا مايكتلني ابد ولايوم عده علي بدون ما انام واني مزوركه وابجي
اتفنن بتعذيبي كص شعري جوا ايدي ورجلي ربطني بسنسله بحر الضهر على السطح ضهريه كامله بلا ماي ولا ضل حط فلفل بعيوني وكلشي سوه بيه انواع التعذيب اشكال ماماره ولاسامعه بيهن صار شبه الوحش تماما محد يكدر يفكني منه اي واحد يتقرب منه يكتله ويدمي كسر خشم مهند ومره دفع ماما حبيبه شك راسها بالدرج

وهوااي سوالف ومن هذا العذاب مر بينه خلال الاشهر الفاتت من زواجه السناء لحد ماجبت وكبرت بنتي وصار عمرها ٦ اشهر ونص

وكبرت وحلت بعيني وجانت هي الي مصبرتني على هاي الحياة وهذا العذاب لان سلطان صرت اكرها على كد ماتعذبت

سنه واربع اشهور من زواجنه اطلع منهن بس شهرين عشت وياه ايام حلوه والباقي كتل وعذاب وصياح ومرار صرت اكره عيشتي الي مو ثل البنات

صرت احسب نفسي اني عايشه غلط اني مكاني مو وي البشريه اني نحسن ماشفت شي حلو بحياتي وارجع اذكر الله واستغفر واكول المؤمن مبتلا

وبهذاك اليوم جانت رقوشه حبيبتي مريضه علمود اسنان وبس تبجي الضهريه كلها بس تبجي وهي صوتها عالي ماشاء الله من تبجي اتطرش الاذن

واني افتر بيها وماما حبيبه تاخذها مني كلساع انحاول انسكتها وبس تبجي

وسلطان جان هستوه جاي من الدوام ونايم

اجتنه سناء وكالت هييي سكتي بنتج سلطان تعبان ويريد اينام

كلتلها اتوخرين من يمي لا اطلع الضيم مال كلبي بوجهج المعفن

نزلتلي من الدرج ابسرعه وخنكتني وكالت لج من معفن وجهي مووو

رفستها ابطنها اي وجهج يا كح... يارخيصه تفو عليج

جرت شعري وهي تكول لج انتي حتموتين قهر لان سلطان مامقلدلج وطاير بيه من الفرح

اجت دفعتها ماما حبيبه وكلتلها مو بوعيه لاتفرحين هواي لان هو بالاصل مايطيقج الله ينطي السحوره المشتغلتهن بنكاستج يانكسه

وكب المصايح والعرك ورقيه خافت وضلت تبجي بالزايد

ماشفنه اله وسلطان واكف كبالنه وعيونه تجدح نار

بسرعه سناء ضلت تبجي وتكله شوف سلطان شلون ضربتني ابطني اتريد اتطيح الطفل لان اني بيه ولد وهي جابت ابنيه

كمشني وكمش رقيه ودفعنه بغرفه حنين

وقفل الباب وضرب رقيه حيل وكامشها من ملابسها ويصيح بوجهه سكتتتتي لج سسسكتي صوتج لا يطلع ويضر بيها وهاي فرت روحها من البجي

واني اصرخ وابجي واصيح عليه واريد افكها من ايده ماكو شرمخت ايديه عضيته ماكو يدفعني ويضربها

لحد ما جبت تحفيه كزاز وضربتها بكصته حيل ضل ينزل الدم منه جفت هوواي

كمش ايدي وكال لج اتطكينييييي تبن ازباله حيوانه بنت الكلب بنت السكط

وعوج ايدي ورا ضهري حيل لحد ما طكت واني اصرخ من كلبي واحس اعيوني ح تطلع من كد الوجع البيه

وهذا كله وماما حبيبه وحنين والحجيه يصرخن ويدكن الباب

بس هو مو يمهم لحد ماصاحن على جوارينه ٣ شباب وبالكوه وبطلعان الروح كسرو الباب وكدرو يفكوني منه

وركضوا بيه للمستشفى

وهو هم خذو للمستشفى بس كلمن الوحده

واجت ماما حبيبه وراي و وياها حنين وشايله رقيه

جصصو ايدي اليسرى وشدوها بركبتي جنت ابجي بس بدون صوت بس ادموع تنزل بحيث ما اشوف شي من كدامي

وماما حبيبه حطت راسي على صدرها ودموعها تنزل وتحجي بحقد سمعيني يانواره اني الي زوجتج السلطان واني بالشتج بهذا الزواج صحيح ماجنت اعرف راح يصير هذا كله ولاجنت اعرف يجي يوم وسناء اتسود عيشتكم بس هم اضل اني مذنبه

اطلكي يانواره اطلكي يايمه بعدج طفله عمرج ١٧ سنه والحياة حلو مامجبوره تتحملين خبال رجال مسحور وماندري يمته ينفك سحره اتطلكي وعيشي حياتي وتزوجي غيره واني ما راح اعوفج

بجيت اني بصوت عالي وكلتلها ياريت ياماما علواه اطلك اصلا صرت اكره سلطان المره بشنو تذكر زوجها مو بسوالفه الحلوات اذا اني سوالفه وياي ماتتعده الشهر والباقي كضيتها بالمر والعذاب ياريت يطلكني وافتك منه واعيش حياتي

صرت اكره العيشه بهذاك البيت واخاف على بنتي منه ماشفتي شلون ضربها بلا رحمه ماجنها طفله اصغيره ياريت اتطلك واعيش بس اني ورقيه بعيد عنه وعن وحشيته وعن سم الحيه سناء

حبيبه مالج علاقه ايطلكج مو كيفه

واخذتني ورجعنه للبيت جنت خايفه اطب للبيت صرت اكره هذا البيت لان بكى مكان انضربت بكل مكان اندميت وعشت كابوس

ودخل هو مضمدين راسه ولافيه وبس دخل اتلكته الحي شبكته وباست راسه وهي تكله انكسرت ايد الطكتك يابعد كل طوايفي

ماهمني اذا شبكته باسته عسى ما يسون كلشي كبالي صرت اخاف منه ما اغار عليه وما احبه من سنة العذاب والضرب والتعذيب الي عشتها وياه

صاحت ماما حبيبه سلطان طلك نواره

باوعلها ببرود وماحجه اي شي

سناء كللللللووووش اي يا ساعة المباركه والله احلى يوم والتفتت على سلطان شتاني طلكها خل نخلص طلكها شنو تتاني

سلطان خوش اطلكها اصلا اكره وجودها ابيتي اكره شكلها القذر اكرها

والتفت على حبيبه امششي حضري جنسيتها ولمي كل زعابيلها وخلي تنكلع من وجهي خلي ارتاح من شكلها الزفر واني رايح اجيب السيد حتى يطلك

يتبع........