رواية حكمت محكمة الحب الفصل الخامس والأربعون 45 - بقلم زينب العبيدي(زينبيه)

مرااااااحب حبات قوليبي❤

واحلى بارت للسهرانيين😍

#حكمت_محكمة_الحب

بقلم #الزينبيه

البارت #٣٤

سلطان شجابه وشيريد بلعت ريقي

ونزلت وفاروق نزل وراي وكال هذا مو سلطان

مشيت وما حاجيته

نزل سلطان من سيارته وجكارته بحلكه نزع النضارات وباوع علي خزرني ورجع باوع وراي

فتحت الباب واريد بس ادخل للبيت خاف يفضحنه بالشارع

دخلت وهو بخطوات سريعه دخل وراي

وكمشني من زندي ودارني عليه ويحجي وهو بحلكه جكاره وصاك على اسنانه ووووين جنتتتي هاااااا احجيييي

-ااااخ شبيك انت شكو ولا تكمشني انت رجال غريب هسه ومايحقلك اتحاسبني ولاتتعده حدودك وتكمشني او تدخل بيتي

دخل فاروق وشافه كامشني اجه بسرعه دفعه

سلطان اتجاهل دفعت فاروق لجججج جلبه ساقطه تبن راح يخلالج الجو تلعبين على راحتج

فاروق هييي احترم نفسك نواره اشرف منك ومن امثالك ياسكط

رفع حاجبه سلطان وتقدم على فاروق وهو يحجي ابرود مميت كتلي اني سكط موو سحب الجكاره ومن حلكه وبسرعه خنك فاروق بايده وطفه الجكاره بكصته ودفعه على الكاع

صرخ فاروق من الوجع وكام مره ثانيه وتضارب وي سلطان بس جان فاروق انعم من سلطان واصغر منه وسلطان اقوه وفا ماكدر يضربه غير كم ضربه

وسلطان شبعه كتل واني اصرخ ركضت وديت رقيه بالبيت ورجعت بالكوه اسحب بفاروق وطلعته من البيت وكتله روح الله يخليك كافي فضحتوني رووح الخاطري

وراح فاروق وهو يغلط وسلطان يغلط عليه ويريد ايهد كلساع

كتله خيرررر شكو جايني بعد

-شوووفي لجججج كعدي بالبيت ولاتطلعين وطبين ترى امراقبج اشبعج ضيم اذا طلعتي فااااهمه

-اطلع من حياتي يااخييي شتررريد مني مو طلكتني رررروح السناء روح وافكني منك

بعدني مامكمله وفر وجهي براشدي وكال بكيفي اريد ادفنج بالحياة موحسبالج خلصتي مني فااااهمه امرمرج اموتج ودفعني بالكاع حيل

وراح طلع ضليت ابجي ياربي شسوي شلون مانوي يفكني

اتصلت على ماما حبيبه كلتلها وهي انصدمت كالت اكيد سناء ورا هاي السوالف شتريد منج هل حقيره ماكافي خذته منج وعيشتج بضيم

-والحل ماما اخاف يجيني ويفضحني كدام الجوارين ومو هنا المشكله خاف يضربني او يضرب رقيه ومايمي احد عفيه شلون

-شوفي ماما قفلي باب بيتج ولاتطلعين اله لمن تتصلين علي اجيج اوديج الاي مكان اني ابحدج لاتطلعين

-ان شاء الله

-واهم شي الباب لاتعوفينه مفتوح واني امرج ورا الدوام

-تمام راح اقفله هسه وانتضرج

-يله حبيبتي ها ولاتتغدين راح اجيبلج وياي غده ونتغده سويه

-ان شاء الله ماما حبيبتي باي

وسديت التليفون وضليت كاعده اتباوع ع التلفزيون

لحد ما اجت ماما حبيبه وتغدينه وسولفنه شوي و وصتني على نفسي وجايبه كومه اللعاب الرقيه وجايبتلي حلويات علاكه شكبرها

وقبل متروح شبكت رقيه واشتمتها شم وهي تكلها حسبي الله على الحرمني منج ومن امج البيت فارغ بلياجن بنياتي وهي تبوس برقيه

وشبكتني وباست راسي وانطتني فلوس ماقبلت اخذهن بس هي ضلت اتصيح علي وتكلي لجج اضربج هسه واشلع ذاناتج كتلج اخذيهن ولاتلغين

-هههههه يله راح اخذهن شكرا ماما

وراحت ورجعتلي الضوجه

مرت الايام واجت ايام واني بين فتره وفتره اشوف سلطان يم بيتنه يكعد بالسياره ويضل واكف ساعه وثنين مايسوي شي بس كاعد بسيارته

وفاروق يمرني وخالو بين فتره والثانيه يجيبلي مسواك وينطي رقيه افلوس

وحتى زوجة حسان ابن خالو وام احسان يجني ونكعد سوه نسولف ونضحك

وبهذاك اليوم اجت ماما حبيبه وكلش مقهوره وكالت سناء الحيوانه جابت 

حسبي الله عليها

اني حسيت كلبي انعصر ودموعي تجمعت بطرف عيني وكلتلها هي وربها

-على العموم ماما المدارس بعد ٣ ايام واني جبتلج هاي الملابس وراح تضلين بالميتم هاي الفتره

-فرحت كلششش الله صدك ح اداوم ماما بس ورقوشه شلون بيها

-شالتها وهي تبوسها وتشتم بيها هاي الكيكه تضل يمي وانتي كملي دوامج واهتمي بيها بعدين

-شكرا ماما حبيبتي بستها حيل بخدها حسيت خدما انخسف

وهي تكول ااخ ااخ خبله وضربتني

ورقوشه فتحت حلكها وحطته على خد ماما حبيبه

عود اتبوسها

وماما حبيبه اتخبلت لججج شفتي شفتي شلون باستني يماااا فدوه اروحلج اني وكل عشيرتي يمااا وهي تبوس بيها وضلت وعيونها انترسن ادموع

ماجن باستها بس بوسه جن ملكوها الدنيه كلها

انكسر خاطري عليها وشبكتها حيلل وعصرتها عصر

وهي تكول لججج شجاج اليوم حيل قاسيه شبك وبوس قوي خاااااف  احم احم

فتحت عيوني على كبرهن شنووو قصدج

-هههههه سلامتج ماعندي قصد يله خل اروح

-مو صوجج صوجي اني احبج روحي مزاعلتج روحي

-ههههههه لالا عفيه صاحبيني وانطتني صبعها الصغير وتضحك

-تقلدين علي مووو رجعي بوساتي يله رجعيهن

-باستني على راسي هاج يله الله وياج طلعت

واني كعدت ومادري ليش كلساع اتذكر الي كالته الي ماما حبيبه عن سناء و ولادتها

هزيت راسي اطرد الافكار من بالي

وكمت الم ملابسي وملابس رقوشه واحظر للروحه للميتم

وبالفعل مرت الايام واجت المدارس والتقيت برشا الي ضلي سنه وفوك ماشايفتها وبس شافتني شبكتني وهي تبجييي وواني ابجي  وبعدين استلمت رقيه بوس وحضن وتعصر وعض

وداومت اسبوع كامل

بالدوام جانت رقيه تضل يم ماما حبيبه ساعات الدوام و٢٤ ساعه توكلها وهي منا جوعيه وصايره دبه كلش وتجنن عيونها كلش اكبار وبيضه كلش وشعرها اسوود بسواد الليل وعلى حجي ماما حبيبه اكول شعرها اسود مثل شعر ابوها هيج جان

وبالفعل مع كبر سنه و شعره مابي شيب قليل كلش  على كد ماشعره اسود

وبيوم من الايام صادف باجر خميس

كالت ماما حبيبه شنو رايج انروح اني وياج للزياره العلويه شريفه سلام الله عليها ومن هناك انروح الكربلاء ونرجع السبت باليل

فرحت اني اموت على زياره اهل البيت ارتاح من اطب للمراقد

وبالفعل يوم ثاني ورا الدوام حضرت ملابسي وملابس رقوش

وماما حبيبه ماخذه اذن من سلطان وقابل ورحنه اني وياها

ورحنه للزياره وصلنه للمرقد الشريف ودخلنه واول مره ازور العلويه سلام الله عليها

شبكت الضريح وبجيت واندعيت ومن ضمن دعواتي اندعيت الله يشافي سلطان ويلطف بحاله

لان مهما يكون هذا ابو بنتي وكان بيوم من الايام زوجي وبيناتنه عشره

المهم زرنه وكملنه وكعدنه بداخل الصحن

جانت بوكتها وفاة الامام الصادق عليه السلام

واكو مله داتقره ونسوان يلطمن كعدنه يمهم اني وماما حبيبه ونشارك بالعزاء داخل المرقد الشريف

وبعد ماخلصت الملايه واندعت  النسوان شي كامت وشي ضاله كاعده

من بعيد صاحتلي الملايه وكالت يابنيه تعاي ماما شوي

كلتلها انيي

كالت اي انتي واليمج

كمنه اني وماماحبيبه وشلت رقوش وكعدنه يمها

وكالت اشبيجن

حبيبه شبينه يعني

طلعت قران من جيبها صغير وكالت شسمج وشسم امج

-نواره بنت  غصون

الملايه وانتي التفتت على ماما حبيبه

حبيبه اني حبيبه بنت نهاد

فتحت القران

وكالت انتن طايحات بشده وسولفت هواي اشياء عنه منها كالت الماما حبيبه ميصير عندج اطفال وكالتلي انتي مطلكه وكالت زوجج طلكج بسبب سحر مسوياته اله ٢ نسوان قرايبه ومعمي على كلبه ومسحور سحر بس الله القادر عليه وماينفك بسهوله

المهم سولفت هواي اشياء صحيحه عنه واحنه انكلها اي هذا موجود وهذا صاير

وسدت القران وكالت راح ادليكم على سيد بالبصره عن تجربه احجي طلع سحر البنتي وانطانه تفاصيل الي مسويلها السحر و لو تتصورين وين لكو السحر ابطن بزونه ميته وبانين عليها اساس كبر

وهسه بنتي تعاي شوفيها شحلاتها ومتزوجه وعدها ولد وبنيه

حبيبه الله ويدج حجيه اتكسبين بينه اجر وثواب اذا دليتينه لان صدك جزعت روحنه وتعبنه وشبعنه ضيم صارله فوك السنه هاي حالته ماخلينه سيد ولاشيخ

الملايه هو سيد من اهل البصره بالزبير واسمه السيد محمد هليل الحسيني

حبيبه الف شكر حجيه طلعت تليفونها بسرعه وسجلت العنوان والاسم

وانطتها افلوس

وكامت الملايه

-شنو ماما شلون راح تاخذونه اله وهو معند وسناء وراه

-ما ادري والله بس خلي اتصل على مهند وانشوف

اتصلت على مهند وكال يمعوده مثل الي رحنالهم صدكيني ماكو فايده سحره قوي

حبيبه بس الله اقوه ويضع سره باضعف خلقه يجوز هذا الانسان عنده علاج السلطان تعال وماخسرانين شي

مهند زين انتي صعدي وروحي على النجف ونلتقي اهناك بااي فندق تكعدون بي

حبيبه خوش ننتظرك

التفتت علي وكالت يله خل انروح ع النجف

والتفتت للمرقد الشريف وهي تكول مشكوره ياعلويه شريفه معروفه عنج باب حوائج وام الكرم ماترجعين احد خايب وايده فارغه اريد منج تتقدمين لله بدعوتي و يشافي  بحق امج الزهراء عليها السلام

وطلعنه

رحنه للنجف ولليل كلش اجه مهند وعلى الاتصال اجالنه للفندق

واجه سلم ورينه عليه السلام اني درت وجهي منه وما احجي وياه بحكم لازمه عده

واتناقشو هو ماما حبيبه ويفكرون اشلون يجيبون سلطان الهنا

كال مهند خلي انروح للسيد يجوز هو يقبل يجي ويانه وماطول سلطان عنده اجازه

حبيبه بس سناء ورا شلون نخلص منها

مهند هسه خل انروح وبعدين نلكه حل السناء

وكام من يمنه اخذ غرفه بصفنه

والصبح طلعنه زرنه الامام علي عليه الصلاة والسلام

وطلعنه للبصره وجان السايق من اهل البصره ومهند سولفله على السيد وطلع سمعان بي وهم مشافي حاله واحد من اقاربه وفاك السحر انطانه امل

وبعد ٥  ساعات وصلنه للبصره واخذنه السايق جزاه الله خير الباب بيته كلش

اتشكر منه مهند وحاسبه ودكينه الباب

وطلع النه رجال عمره ب نهايه الثلاثينات بعمر سلطان تقريبا

وكال اتفضلو حياكم الله دخلنه جوه

مهند خويه احنه من اهل بغداد وجاين على السيد(...)

السيد مل الهلا وعلى راسي انه هو السيد اتفضلو بشنو اخدمكم

سولفه مهند عن حالت سلطان ولي صار وياه

السيد ضل يقره وكال هذا مسحور والعياذ بالله سحر كلش قوي وسحر نكس متكفلين بي كبار الجن والمرده

مهند زين سيد منو مسوي السحر وشلون انفكه مايبطل هذا السحر

السيد ماكو شي مايبطل صحيح السحر قوي بس الله اقوه وكتاب الله اعضم وصفه وشفاء

بس لازم بالاول انطلع السحر وما اكدر اعرف الي سواه بالضبط اله اشوف الرجال

اذا اشوف الرجال راح انطيكم الي سوا السحر بالاسم وراح اطلعه اله السحر

مهند بس سيد هو رجال طول بعرض مانكدر انجبره على الجيه لهنا

السيد بس جيته مهمه بالشغل

مهند سيد اني جايك متعني من بغداد وانتم ياهل الكرم معروفين البصراوين واهل نخوه بعيدا عن طابع عملك اني ناخيك تجي وياي البغداد وشتريد اني حاضر

السيد عيوني الكم والله بس تعرف انه شغلي شوي يلزمني وموضف والله ما اكدر

مهند كمش رقيه وكال الخاطر هاي الطفله الي ماشافت ابوها وهو جان متانيها٢٠ سنه ناخيك خويه اريد اخوي من الله ومنك

دنك السيد وهو محتار كال والله خليتني بموقف ما اكدر ارفض بي بس لحظه خل اتصل على اجازه شي بلكت انحصل بخت هاي الطفله

وكام طلع برى وربع ساعه ورجع كال على خير الحمد لله حصلت يوم اجازه اخاف كلشي يصير وما نخلص على وكت

مهند ها سيد نتوكل هسه

السيد افا اتطبون بيتي وانتم من بغداد وطلعون هيج لا خويه ااتغدو وارتاحو وبعدين نتوكل

مهند سيد مانريد انكلف عليكم واحنه مستعجلين على الرجعه

السيد بس مايمنع انتم تتغدون اهنا

وبالفعل ورا ساعات احنه رحنه كعدنه يم زوجته وصلينه وفرشو السفره من الطول للطول

ما اكلنه بس شي قليل

وللساعه ب٣ طلعنه والسيد وياه وهو شايل جنطه اتصور بيها لوازم شغله

وطول الطريق مهند يسولفله قصه حياتنه وشلون صار هيج وعن سناء وعني وعن حبيبه

وسولفله وكاله يمكن سناء تمنعنه نشوفه او نحجي وياه

وضحكنه السيد وهو يكول خلي تولي كيفها خلوها تدخل للحمام الاي غرفه وقفلو عليها بس مو غرفتها وهو نتصرف وياه حتى لو نضطر انربطه

ومرت الساعات اطوال على ماوصلنه ومتنه من التعب ورقيه بس تبجي لان تعبت خطيه

وصلنه للبيت ودخلنه مهند للاستقبال

وكال الماما حبيبه روحي شوفي سناء وين

راحت ماما حبيبه واجت وهي تناهت

وكالت دفعتها بالحمام وقفلت عليها وسلطان نايم

يله قبل لايكعد من صوتها

مهند يله سيد وراحو بسرعه

والحجيه تكول شكو منو هذا يا يوم مهند شصاير شبيكم اتركضون اخوك بي شي يوم نواره شجابج شصاير  وحنين نفس الشي متفاجئه

وخطيه محد جاوبها وحنين صعدت ورانه

ودخلو على سلطان وهو نايم

ونامو فوكه وربطو بشالات محضرتهن ماما حبيبه

وهو كعد مذعور بس مايكدر يتحرك

ويصيح شككككووووو هييييي هاااي شبيكم

وكعد السيد يم راسه وحط ايده عليه وهو يقره وسلطان يصرخ عليه

وشوي ونام سلطان بدون اي حس

صاحت ماما حبيبه شبييي سيد شبييي

السيد خويه لاتخافون ماصار شي

تعال خويه مهند نزلي البوري مال البرده

مهند اي خويه لحضه جاب الدرج وصعد نزل البوري كال اكسره

هنا صعدت الحجيه ولاول مره تصعد فوك لان مابيها ومنتهيه كلش بس ماتحملت اصريخ ابنها وصعدت من خوفها عليه وركضت عليه وهي تصيح يمه ابني شسويتوله

ومهند وهو يكسر البوري يمه لاتخافين ماكو شي هذا سيد روحاني

واتقرب السيد وطلع من البوري جيس ابطنه ورقه فتحها بس بعيد عنه وكال هذا سحر كره البنيه اسمها نواره خصوصا ولاهله كلهم عموما وهذا سحر نكس وكلش قوي مسوينه بدم الحيض وهاي قطعة اقماش شوفوها المن

نواره هاي قماش وحده من دشاديشي وكلش احبها وفجئه اختفت

السيد اي هاي متقصدينج انتي

ضلينه صافنين وخايفين

والتفت على مهند كال اكو واحد شايلته وحده اسمها سناء زوجته يمكن بشعرها وي الشكاله مربوط

جيبو

رادت تروح ماما حبيبه بس مهند كمشها وكال اني اروح

وراح مهند واني وحنين وماماحبيبه والحجيه كل احنه وراه عد السيد الي ضل بالغرفه

وفتح الباب مهند وهي هجمت عليه صريخ وغلط ماتحمل مهند ورفسها ابطنها وطيحها بالحمام وجر الشكاله من شعرها جانت مالابسه شال بحكم محد بالبيت

وقبل مايقفل الباب ضلت تصرخ جييييبهاااا وترافس لا اله الشكاله جيبهااا حقيرررر حيوان

وقفل الباب مهند

وراح للسيد واخذ السيد الشكاله وفتحها وطلع السحر صغير كلش وملفوف بقماش اسود

كال هذا محبه وطاعه وطول ماهي لابسته هو يعبدها مثل ربه وهم نكس مسوه بنكاسه رجال

واعوذو بالله

وفتح جنطته طلع عشبه كال هاي عشبه مكيه مختصه باخراج السحر المسقي وسلطان مسقي عقد اللسان ولازم يشربها وراح يتقيئ السحر روح فوره الي بماي خويه نص لتر

اخذه مهند ونطاه الحنين وراحت تفوره

وضل يحجي السيد ويسولف النه عن السحر وخطورته وكال ترى هو مسحور هواي منقبل بس لان قوي وعنده ايمان ما مر بي السحر ومن سنين طوال وهما يسحروله بس هلمره غير السحر كلش نكس وخطير سحر صبه ينعمل على النكاسه من المراءه والرجال والي تسوي السحر اما تنطي نفسها او تجيب وحده بمكانها حتى يكمل السحر على القذاره ويمارسون الرذيله على القران الشريف يعني يفترشونه فراش

ضلينه نستعيذ بالله من عنده

اجت حنين وجايبه العشبه والمي

طلعها السيد للعشبه وفتح حلك سلطان وهو نايم وضل يخلي بحلكه ويرفع ذقنه حتى يمر المي

وكال هذا السحر المسقي كلششش خطير ومؤذي راح يتأذه على ما يذبه

وضلت الحجيه تبجي وتتدعي على سناء

وضل السيد يقره ويقره

وفاجأه كعد وهو غاص بشي

وجابوله السله وتقيئ شي اسود وياه مثل الدود اصغار  وجان يصرخ وهو يتقيئ وكانما دا يجرحونه بسجاجين وكلما يهده شوي يرجع يذب هذا الاسود وكانما مايخلص وكامش بطنه ويصرخ

وضل هيج نص ساعه ضل يتلوه وحتى عيونه طلعت لابره من الصياح والوجع وصار وجه احمر

وبعدها طلع السيد مي من جنطته صب على راس سلطان وجهه وشربه منه

وضل سلطان يلهث من التعب وشوي شوي بدت تستقر حالته وهو يباوع بالوجوه

يتبع..........