رواية هل إنتهيت منى!!؟ الفصل السادس عشر 16 - بقلم ساحرة العقل

ليلى جريت من العربيه لانها مش مستعده تشوف رد فعل احمد اللى كان باين عليه الصدمه الخجل اللى جواها من اللى عملته منعها من انها تستنى تشوف رده كانت بتجرى كانها فى سباق .

احمد راح الجامعه وهو فى منتهى السعاده لظرجة انه ماخدش غياب للطلبه فى السكاشن كان نفسه الناس كلها تكون سعيده زيه وهو خارج من السيكشن قبل لمار.

احمد .. ازيك يا باشمهندسه

لمار .. تمام انت عامل ايه والعروسه اخبارها ايه

احمد ..تمام الحمد لله

لمار .. باين عليك مبسوط اوى

احمد.. اوى اوى يا لمار عقبالك كدا ربنا يهنيكى ويسعدك

لمار ..قريب اوى بعد الماجيستير

احمد.. ايه فى حد واحنا منعرفش

لمار.. اممممممم لسه مش متاكده بس صدقنى اول ما اتاكد انت اكيد هاتكون اول واحد تعرف

احمد.. ماشى ياقمر اسيبك براحتك ولو احتاجتى اى حاجه انا موجود هامشى انا عشان متاخرش

لمار .. لا تمشى ايه دا انا كنت عاوزاك فى موضوع مهم دا انا كنت هاتصل بيك انهارده

احمد ..خير فيه ايه

لمار.. لا الكلام مينفعش هنا يالا بينا على الكافتيريا

راح احمد مع لمار الكافيتريا

احمد.. خير فيه ايه قلقتينى

لمار.. انا كنت عاوزه اتكلم معاك بخصوص ليلى

احمد ..مالها ليلى ضايقتك فى حاجه

لمار.. لا مش قصدى انا كنت بس عاوزه اسالك انت فعلا بتحب ليلى ولا عاوز تتجوزها عشان بنت عمك

احمد .. ايه الكلام ده انتى عارفه انتى بتتكلمى عن ايه انا لو مش عارف انك قلبك ابيض ومتقصديش حاجه وحشه كان رد فعلى اختلاف معاكى كتير

كان لسه هايقوم ويسيبها ويمشى لمار شدته وقعدته غصب عنه

لمار.. اهدى شويه يا احمد وافهمنى انا مش قصدى حاجه انا بس باطمن عليك مش عاوزاك تظلم نفسك او تظلمها هى لو انت مبتحبهاش هى ممكن تكون اسعد مع حد تانى

احمد.. انتى تقصدى مين عمار

لمار.. من يوم ما عرفتك ذكى

احمد.. ايه اللى حصل خلكى تقولى كدا

لمار .. جاوبنى على سؤالى وبعدين احكيلك اللى حصل

احمد.. ايوا يالمار بحبها اكتر مما تتخيلى بعشق التراب اللى بتمشى عليه انا عايش بس لانها فى الدنيا بتتنفس فيها

لمار.. طيب اهدى بس خلينا نتكلم بالعقل وهى ؟؟

احمد.. ليلى مالها هى كمان ؟؟

لمار .. بتحبك؟؟؟

احمد .. انتى عاوزه توصلى لإيه؟؟

لمار ..احمد من فضلك جاوبنى انت متاكد ان ليلى بتحبك؟؟؟

احمد.. انهارده بس انا متاكد انها بتعشقنى لو سالتينى السؤال دا امبارح يمكن مكنتش جاوبتك لانى مكنتش متاكد بس انهارده انا اتاكدت بنفسى

لمار.. كويس اوى كدا بقى لازم اكون صريحه معاك لان عمار مش هايسكت انت لازم تعرف اللى حصل امبارح بعد ما مشيت من المطعم انت وليلى

#فلاش باك

عمار بعصبيه وصوت عالى ..مش ممكن دا دورى انا مش هو

لمار .. هو مين ده ودور ايه انا مش فاهمه منك حاجه

عمار.. احمد اخدها منى يا لمار عاوز ينتقم منى بس انا مش هاسمحله

لمار .. اهدى بس وفهمنى ايه اللى بيجرى وهى ايه دى اللى هايخدها منه

عمار .. ليلى انا بحبها انا كنت نازل مخصوص عشانها كنت هاتفق معاكى انهارده تكلمى بابا ونروح نخطبها

لمار.. افتكر ان احمد معندوش اى فكره عن اللى انت بتقوله لان كتب كتابهم بعد بكره معنى كدا انهم متفقين من مده يمكن تكون من قبل حتى ماتشوفها او تعرفهااصلا

عمار.. انتى مش فاهمه انا بحبها اوى وهى كمان كان واضح اوى ان عندها مشاعر من ناحيتى هو اكيد غصبها على الجوازه دى اكيد اثر على ابوها

لمار.. حتى لو كلامك صح انت مفيش فى ايدك حاجه خلاص هما اتخطبو وكتب كتابهم بعد بكره والموضوع انتهى اتمنى ليهم الخير الدنيا بسيطه اوى والحمد لله انت لسه ملحقتش تتعلق بيها اوى

عمار .. انساها بسهوله كدا دا انا هاندمه مش هارحمه هو فاكر انه هايتهنى معاها دا انا هاخليه يلعن اليوم اللى فكر فيها

لمار .. الكلام دا عيب احمد صاحبك فاكره فاكر عمل ايه معاك زمان باع حبيبته واشتراك داس على قلبه ومرضيش يدوس عليك بس انت انانى لسه زى ما انت متغيرتش فاكر انك هاتعملها معاه مرتين لا فوق احمد زمان غير احمد دلوقتى وكمان ليلى مش رخيصه زى إيمان دا ابن عمها قبل مايكون خطيبها فوق كدا وصحصح لانك لوعملت حاج انا اللى هاقف ليك

عمار .. انتى مين قالك على موضوع ايمان احمد مش كدا على العموم انا فزت زمان بايمان مش صعب عليا افوز بليلى

لمار.. لو قربت منهم هاتضطر تواجهنى انا انت انسان انانى ومريض انت مبتحبش ليلى ولا حاجه كل الموضوع انها حاجه جديده مختلفه عن الزباله اللى فى شارم يعننى تسيبها فى البيت وتعمل اللى انت عاوزه هناك وترجع تلقيها فى البيت مبتفتحش شباك دور الخلوق والمتدين تعمله على الدنيا كلها لكن عليا انا لا لانى انا الوحيده اللى عارفه قذرتك كلها حاسب منى انا ممكن اتهور واعمل حاجه انت متحبش تشوفها

عمار .. انا اخوكى انتى المفروض تقفى فى صفى انا تقفى جنبى

لمار .. انا اقف جنبك اه بس لو الحق معاك انما لما تتصرف بانانيه وتفكر تغدر بصاحبك لا سلام

#اند فلاش باك

احمد.. ودينى لو قرب منها لاقتله

لمار .. انا مش باقولك عشان تقتله انا باقولك عشان تاخد بالك وتكون حريص انك تفوت لها اى تصرف انت عارف عمار ممكن يتصرف ازاى ومحدش يتوقع هو ممكن يقولها ايه

احمد.. انتى معاكى حق انا لازم احرص عمار مابيستسلمش بسهوله... بس هو انتى عرفتى موضوع ايمان منين

لمار .. لا دى بقى مصادرى الخاصه

احمد .. مش قصدى بس اصل الموضوع ده من ايام الجامعه والى يعرفوه انا وعمار واتنين كمان مافتكرش انك تعرفى حد فيهم

لمار.. بكره تعرف كل حاجه سيها للايام سلام بقى اصل الساعه بقيت اتنين وانا لازم اروح

احمد.. يا خبر اتنين دانا اتاخرت اوى على ليلى سلام

احمد اخد عربيته جرى عشان يلحق ليلى وصل المدرسه لقى ليلى واقفه ومعاه صحباته نزلها عشان يعتذر بس هى كانت مقموصه على الأخر طبعا فيه حقنتين معاها قعدو يسخنوها اكتر..