رواية هل إنتهيت منى!!؟ الفصل السابع عشر 17 - بقلم ساحرة العقل

احمد اخد عربيته جرى عشان يلحق ليلى وصل المدرسه لقى ليلى واقفه ومعاها صحباتها نزلها عشان يعتذر بس هى كانت مقموصه على الأخر طبعا فيه حقنتين معاها قعدو يسخنوها اكتر..

طول الطريق احمد بيحاول يعتذر عن تاخيره بس ليلى رافضه تسامحه

احمد.. خلاص بقى يا حبيلى متزعليش والله اتاخرت غصب عنى كان موضوع مهم

ليلى بصوت بارد .. هو انا قلت حاجه خلاص لو كلفت خاطرك باتصال وقلت هاتتاخر كنت روحت زى كل يوم عادى

احمد .. خلاص بقى ياليلى ونبى انا ماقدرش على زعلك

ليلى.. ومين قال انى زعلانه

احمد.. ليلى ارجوكى انا ما صدقت حسيت برضاكى عليا الصبح متضيعيش الاحساس الحلو اللى جوليا انهاردا بزعلك

ليلى ببرود ..اااااه بمناسبة اللى حصل الصبح دا كان غلطه وانا مش هاسمح انها تتكرر تانى احمد احنا ولاد عم وميهمنيش اعرف عنك اى حاجه انا هاتجوزك بس عشان خاطر بابا مش عاوزه ازعله ولو مشاعرى غلطت مره انا عمرى ما هاغلط تانى وماتحاولش تمثل عليا دور العاشق الولهان لانى عارفاك على حقيقتك وبالمناسبه دى اخر مره هاتيجى تاخدنى من المدرسه وياريت الصبح تبقى تمشى لوحدك بدرى شويه انا هامشى لوحدى بعد كدا وحاول على قد ماتقدر ماتخلنيش اشوفك كتير انا هاقولك كلمه واحده اخيره انا ندمانه على كل يوم عدى وحبتك او احترمتك فيه

احمد بصلها بصدمه هو مش فاهم ايه حصل ومعندوش رد لسه كان هايتكلم بس لسانه مربوط بمراره ومش عارف ينطق حس بدموع متجمعه فى عنيه غمض عنيه محاوله فاشله لانه يوقف دموعه من انها تنزل حمد ربنا لانهم كانو وصلو البيت نزلت ليلى من العربيه جرى على البيت منتظرتش حتى تسمع احمد هايقول ايه ومحاولتش تبرر اى كلام من اللى نطقته مشيت من غير ندم على كلامها احمد فضل قاعد فى العربيه وسمح لدموعه انها تنزل هو مش فاهم حاجه الصبح كان فى قمة السعاده وحاسس ان ليلى معاه وبتحبه وفى اخراليوم الدنيا اسودت فضل مكانه والساعات بتعدى لغاية ماسمع تليفونه بيرن رد من غير ما يشوف مين وسمع صوت كمال

كمال.. ايه يا احمد انت فين دا كله يابنى مش بعاده تتاخر اوى كدا

احمد ..انا اسف يا عمى شوية شغل هى ليلى فين

كمال.. جوا يابنى من ساعة ما رجعت من المدرسه فى اوضتها يمكن تكون بتجهز لبكره ما انت عارف البنات وانت كمان لازم تجهز

احمد ..طيب قولها تلبس عشان تيجى معايا نشترى بدله انا مستني تحت فى العربيه

كمال.. طيب يابنى ماتطلع غير هدومك وكلك لقمه وبعدين انزلو

احمد.. لا عشان نلحق استعجلها بس

قفل احمد مع كمال واستنى ليلى احمد كان عنده اصرار يعرف ليلى اتصرفت كدا ليه هو من جواه عارف ان الموضوع فيه حاجه كبيره مش قصة انه اتاخر عليها قطع تفكيره صوت ليلى اللى نزلت وواضح جدا عليها انها كانت بتبكى هى كمان فتحت باب العربيه ودخلت بهدؤ فضل احمد يبص عليها ببرود وليلى مابصتش ناحيته نهائى كانه مش موجود الوقفه طولت ومحدش فيهم اتكلم ليلى بدأت تمل من الوقوف فى المكان

ليلى .. احنا هانفضل هنا اليوم كله

احمد.. انتى كنتى بتبكى ليه

ليلى .. احنا مش هانشترى بدلتك ولا ايه

احمد.. مردتيش على سؤالى

ليلى.. دى حاجه تخصنى لوحدى ولما اجى اشتكيلك ابقى اسالنى ساعتها

احمد.. ماهو انتى مش هاتتحركى غير لما اعرف ايه اللى حصلك من الصبح لغاية ماجيتلك بعد المدرسه

ليلى .. انت كنت فين بعد الجامعه اقصد يعنى ايه اخرك

احمد.. ما انا قلتلك موضوع مهم وكان لازم اتكلم فيه

ليلى .. مع مين ؟؟؟؟

احمد .. مع مين ازاى يعنى من امتى وانتى بتهتمى بالحاجات دى

ليلى .. دى مش اجابه

احمد.. والاجابه تبقى ازاى بقى انشاء الله

ليلى .. الاجابه تبقى انا كنت مع فلان او مع فلانه

احمد .. انتى عاوزه توصلى لايه ياليلى انا مابحبش اللف والدوران وانتى عارفه دا كويس ماتجيبى من الاخر

ليلى .. انت كنت مع لمار مش كدا

احمد وهو مصدوم.. انا فعلا كنت معاها بس انتى عرفتى ازاى

ليلى .. كنت لوحدك معاها ولا كان فيه حد معاكم

احمد.. لا كنا لوحدنا فى كافيتريا الجامعه

ليلى .. ممكن اعرف هى فيه ايه بينكم كنتم بتتكلمو فى ايه

احمد.. فيه ايه ياليلى من امتى وانتى بتسالينى عن حاجات زي دى

ليلى .. من هنا ورايح انا مش عيله صغيره هاتضحك عليا بكلمتين انا دلوقتى خطيبتك وبكره هابقى مراتك من حقى اعرف عنك كل حاجه صغيره او كبير لازم اكون على علم باى شئ حتى لو كان ماضى

احمد.. انا معنديش مانع اقولك كل حاجه عنى واقولك كمان على موضوع لمار بس اهم حاجه انتى من جواكى واثقه فيا ولا لا والاهم اعرف انتى عرفتى منين انى انا كنت مع لمار

ليلى ..انا معرفتش انا شفتكم انت وهى وشفت غراميتكم

احمد ..هههههههههههه ههههههههههه غراميتنا انا ولمار
انتى اكيد بتهزرى مش كدا

ليلى بعصبيه طلعت موبيلها من الشنطه وطلعت صوره من على الموبيل الصوره كان فيها احمد بالهدوم اللى هو لابسها وكمان لمار وزاية الكاميرا مبيناهم كانه واخدها فى حضنه من ورا . احمد شاف الصوره واتعصب وبنرفزه بص لليلى

احمد ..انتى جبتى الصوره دى منين؟؟؟؟

ليلى .. انا مجبتهاش الصوره دى وصلتنى فى رساله على حسابى على فيس بوك انهارده من اكونت غريب

احمد .. وانتى تصدقى انى اعمل حاجه زى كدا

ليلى .. الصوره واضحه يا احمد

احمد .. بصى ياليلى انتى عارفانى كويس وعارفه انى بخاف ربنا وعمرى ما هاعمل اللى يغضبه

ليلى.. يعنى الصوره متفبركه مثلا

احمد.. لا الصوره دى مش متفبركه بس اللى مصور
متعمد ياخد الزاويه دى عشان تظهر بالشكل دا

ليلى .. والمفروض انا اصدق الكلام دا

احمد ..طبعا لازم تصدقى

ليلى .. ليه انشاء الله ايه يثبت كلامك

احمد.. اللى يثبت كلامى انى بحبك وبعشقك وبعدين يا هبله انا لو عاوز لمار اخطبك انتى ليه ماهي قدامى من زمان مخطبتهاش ليه

ليلى .. بجد يا احمد بتحبنى انا وعمرك ما هاتبص لحد غيرى

احمد.. انتى مجنونه وهو انا برده بتاع بص وكلام من ده فيه ايه ليلى هو انتى وخدانى جواز صالونات دا احنا متربين مع بعض طول عمرنا وعمرى فى حياتى ما رفعت عينى فى اى واحده مهما كان جمالها الوحيده اللى شغلت قلبى هى انتى

ليلى .. انا كمان بحبك اوى وعشان كدا بغير عليك ومستحملش اى حد يقرب منك

احمد..ههههههههههههههههههههه يعنى انتى تنكدى عليا فى احلى يوم فى حياتى وتخلينى اعيط دا انا اول مره اعملها فى حياتى وفى الاخر تطلعى غيرانه

ليلى .. ما انا بقى جه فى دماغى انى مش فارقه معاك وبعدين اروى وساره قالولى انى كدا مسهلالك كل حاجه وانى انا بقيت رخيصه عندك عشان كدا انت بصيت لغيرى

احمد.. يخربيت دماغك انتى حاكيتلهم اللى حصل الصبح

ليلى بكسوف ولونها بقى احمر .. ماهواصل لما جاتنى الصوره فضلت اعيط جامد وهم ضغطو عليا فحكيت لهم كل حاجه وهم اللى قالولى كدا وقالولى كمان ان انت عمرك ما هاتحترمنى تانى بس والله يا احمد انا مش كدا انا حتى مش عارفه انا جبت الجرأه دى منين ولا ازاى عملت كدا متزعلش منى ومتفكرش انى مش كويسه انا بس لما بحب حد بكون مندفعه شويه فى مشاعرى زى ما بعمل مع بابا وماما وزى ما بعمل معاك طول عمرى

احمد بابتسامه .. كلامك دا ملوش غير رد واحد بس ماينفعش دلوقتى خليه بكره لما نكتب الكتاب

ليلى.. يعنى مش زعلان منى

احمد.. لا مش زعلان وانتى كمان متزعليش بس فيه حاجه مهم لازم تاخدى بالك منها اللى بينى وبينك مش مسموح يخرج تانى لاى حد ولا تحت اى ضغط اسرارنا دى بتاعتنا انا وانتى وبس فاهمه يا حبيبة قلبى

ليلى.. فاهمه مش ناوى تقولى كنت مع لمار ليه

احمد .. هاقولك كل حاجه وكمان فى موضوع مهم لازم تعرفيه عشان نبدأ حياتنا من غير اى اسرار انا كنت نسيته خالص بس لمار فكرتنى بيه انهارده ولازم اتكلم معاكى فيه