رواية هل إنتهيت منى!!؟ الفصل السابع والعشرون 27 - بقلم ساحرة العقل

فى الوقت دا نجوى كانت سابتهم ودخلت ليلى تطمن عليها لما وصلت للاوضه بتفتح الباب لقيت ليلى وهى بتغير هدومها ومتلخبطه

نجوى.. ايه ياليلى انت لسه مغيرتيش دا جوزاك واقف بره مكسوف من نفسه يالا بسرعه عشان عماتك واعمامك كلهم زمانهم على وصول

ليلى .. انا خلاص جهزت اهوه يا ماما ثوانى بس انتى عرفتى منين انهم جايين

نجوى ..سمر لسه مكلامانى فضلت تتصل بيكى وانتى تليفونك مقفول

ليلى.. لا انا مش التليفون مش مقفول انا غيرت الرقم امبارح وانا رايحه الكوافير عشان فيه نمرة غريبه كانت بتضايقنى هاتى موبيلك لما اسجلك النمره الجديده

نجوى .. المهم عملتو ايه

ليلى .. عملنا ايه فى ايه بالضبط عشان انا مش فاهمه

نجوى .. بت انتى هتستعبطى ما تنطقى

ليلى .. متقلقيش يا ماما كل حاجه تمام

نجوى ..طيب يابنتى ربنا يهدى سرك

ليلى .. يالا بينا زمان بابا مستنى يشوفنى وعشان الجماعه اللى جايين خلينا نقعد بره نقابلهم احسن

ليلى خرجت هى ونجوى ليلى كان جواها صراع مش عارفه تتصرف مع احمد قدامهم ازاى لو هو مش موجود هى ممكن تمثل لكن بوجوده الوضع بيختلف

كمال.. اهى عروستنا وصلت وحشتينى اوى يا ليلى تعالى فى حضنى

ليلى.. وحشتك دا لسه سايباك بقالى كام ساعه

قالت وجرى رمت نفسها فى حضنه وكمال اخدها فى حضنه وهو بيبكى .. دا انتى كل اللى طلعت بيه من الدنيا ياقلب بابا مش عاوزه توحشينى كمان

ليلى .. وهو انا بعدت عنك ما انا جنبك ياحبيبى وعمرى ما هابعد عنك ابدا

بعدت عنه وهى بتمسح دموعها وشويه والجرس رن ليلى راحت فتحت عشان نتقابل سيل من البشر قرايبها ومعارفهم وصحاب احمد اللى وصلو بعد شويه وبعدين بشويه صاحبات ليلى الكل كان سعيد عشانهم والحل كان بيبارك ليهم ليلى اخدت لصاحباتها وراحت اوضتها كانت مخنوقه وعاوزه اى حد تفضفض معاه

آروى .. انتى مجنونه ازاى تعملى كدا

ليلى .. اللى حصل مقدرتش تمسك نفسى اكتر من كدا

ساره .. يعنى احتواتى اللى فات دا كله مكنتيش عارفه تصبرى المره دى كمان وتفوتى

ليلى .. اللى حصل بقى انا اللى مضايقنى اوى انه اخد موضوع طلب الطلاق دا عادى كدا ومحاولش حتى يرجعنى عن قرارى

آروى .. المهم دلوقتى تعرف الزفت دا بعتله قاله ايه تانى عشان يقلب كدا فى ثوانى انا هاتجنن المخلوق دا ايه شيطان ودينى ياليلى لأجيبلك حقك منه

ساره.. آروى معاها حق يا ليلى انتى لازم تعرفى الرساله فيها ايه ولغاية ما نعرف حاولى تصلحى اللى بينك وبين احمد

ليلى .. لا يا ساره انا كرامتى متسمحليش انتى ماشوفتيش قلب عليا فى ثوانى ازاى

آروى .. وهو حد قالك انقصى من كرامتك حاجه كل اللى بنقوله اظهريله انك هديتى وبدأت تنسى اللى حصل اقولك اسبوع كد ولا حاجه حاولى بأى حجه انكم تنامو عند امك وابوكى

ليلى ..إشمعنى يعنى بتقولى نصلح نقوم نبات هناك

آروى ..انتى غبيه تباتو هناك يعنى هايضطر ينام معاكى فو اوضه واحده ياغبيه من غير ماتطلبى او انقصى من كرامتك حاجه وابقى ادعيلى

ليلى .. انتى يا بت دماغك دى معجونه بإيه ماية عفاريت ... ... طيب واجيب الحجه منين

آروى ..اتصرفى ياليلى شغلى مخك انتى ما بتعرفيش تفكرى نهائى

ساره.. انا لقيتها بس الاول قوليلى انتو وصلتو النت هنا ولا لسه

ليلى .. لا لسه مستانين التليفون الارض يركب

ساره.. تاهت ولقيناها النتيجه هاتظهر الاسبوع الجاى انتو كدا ولا كدا هاتروحو هناك تزروهم وتجيبو النتيجه من على النت وعلى ما ابوكى يحتفل انشاء الله بنتيجتك الوقت يكون اتاخر وتحججى بكدا وتباتى هناك

ليلى..يا بنت العفريته انتى وهى اقسم ابليس المفروض يركع قصادكم

ساره.. المهم تصلحى كل حاجه قبل عملية ابوكى لان اى كانت النتيجه احمد كرامته هاتخليه ينفذ طلبك ويطلق

عند احمد الوضع ما إختلفش كتير هو كمان كان مخنوق وبعد ما الناس مشيت فضل مع مصطفى ومعاذ اللى ماكنوش تحتاجين انه يحكى عشان يعرفوا ان كل شئ مش تمام

معاذ .. ها ناوى تتكلم ولا هاتعمل زى يوم الخطوبه

احمد .. انا مش عارف اقول ايه كل اللى اقدر اقول انى دمرت كل حاجه بغبائى وهاخسر ليلى قريب اوى

مصطفى.. اوعى تقول عمار تانى

احمدطلع موبايله ووراهم الرساله وحكى كل اللى حصل من يوم الخطوبه لغاية الرساله واللى عمله امبارح ورد فعل ليلى معاه

مصطفى وهو مش فاصل ضحك.. ههههههههههه هى عملت معاك كده والله البت دى طلعت بمية راجل

معاذ .. انا كنت فاكر ليلى دى عيله صغيره كدا طلع قلبها بس هو اللى قلب عيله عشان كدا حبت واحد اهبل زيك انما عقلها يوزن بلد

احمد ..يعنى انا بأحكى عشان تساعدونى ولا عشان تكملو تريقه

مصطفى.. نساعدك تانى يعنى انت تطلع حمار وتصدق واحد وسخ زى ده وتسمحله يشكك فى بنت عمك اللى انت مربيها وتيجى دلوقتى تقول نساعدك

معاذ ..بص يااحمد انت الوحيد الى ممكن تساعد نفسك وعلى فكره انا ليلى دى كبرت فى عينى اوى لانها اعقل منك ولو حصل وطلقتها او فرطت فيها متزعلش منى فى رد فعلى

احمد .. محدش فيكم قال برده اعمل ايه

مصطفى.. وهى دى محتاجه حد يقولك تعمل ايه

قاطعه معاذ.. تروح تتعتذر طبعا ومن غير مناقشه وبطل الكبر اللى عندك ده انت اللى غلطت ولازم تعتذر

مصطفى.. بذمتك مش مكسوف من نفسك لما تنكد عليها كدا فى اهم يوم فى حياتها

معاذ.. خلاص يا مصطفى الكلام مالوش لازمه ادخل نادى مراتك عشان تبارك ليها ونقدم لها هديتها خلينا نمشى واقسم لك يا احمد لو ما اعتذرت وراضيتها هاوريك وشى اللى ما تحبش تشوفه

احمد ماردش ودخل ينادى ليلى هو من جواه عارف انهم عندهم حق فى كل كلمه قالوها فأستحملهم لانه مش قادر يواجه حد كل تفكيره ازاى يصلح اللى بينك هو وليلى خبط على باب الاوضه بتردد سمع صوت ليلى من الناحيه التانيه

ليلى.. دقيقه يا احمد فيه حاجه (قالت وهى بتفتح الباب

احمد.. الشباب ماشيين وكانو عاوزين يبارك ليكى قبل ما يروحو

ليلى .. طيب دقيقه احنا جايين عشان ساره وآروى هما كان مروحين

خرجت ليلى سلمت على معاذ اللى وقف جنبها وهمس لها من غير احمد ما ياخد بالو

معاذ.. هو انا مش قلتلك اصبرى شويه وفوتى

ليلى .. ما قدرتش امسك نفسى استفزنى اوى المره دى

معاذ .. على العموم انا ومصطفى ظبطناه الباقى عليكى انتى واوعى تتسحبى من لسانك وتجيبى سيرتى هايغير منى وهايقلب الدنيا جوزك اهبل ومعندوش حسن نيه فى اى حاجه تخصك

ليلى كانت ضحكته بس احمد اخد باله من كلامهم سالهم انتو بتقول ايه

ليلى.. هااه ابدا دا انا باأطلب من معاذ يوصل البنات فى طريقه انت عارف البلد دلوقتى بابقى زحمه عشان محدش يضايقهم وبعدين بيوتهم مش بعيده الشارع اللى ورانا

احمد.. اه صحيح ونبى يا معاذ وصلهم معاك

خرج مصطفى ومعاذ واخدو آروى وساره معاهم ركبو فى العربيه ورا معاذ كان شبه مضايق هو مش بيحب الاختلاط لانه ملتزم وهو بيظبط مراية العربيه عينه لمحت آرواى اللى عمره ما دقق فى ملامحه بصلها وابتسم كدا

معاذ.. وانتى بقى اسمك آروى مش كدا

آروى ..ايوا

معاذ.. انتى ليكى اخت اسمها ايمان كانت فى هندسه صح

آروى .. انت عرفت منين

معاذ.. كانت دفعتى ياما استلفت محاضراتى اختك كانت فاشله بس الشهاده لله اخر سنه دى كانت واخده الموضوع حد وكانت بتذاكر هى بتشتغل فين دلوقتى

آروى .. فى شركة المجد للمقاولات

معاذ .. غريبه ماشوفتهاش خال ص مع اننا بتشتغل معاهم

آروى .. ليه هو انت بتشتغل فين

معاذ.. احنا عندنا مكتب مقاولات صغير كدا وارثه عن ابويا الله يرحمه وبناخد شغل من شركة المجد من الباطن كدا

آرواى ..اممم طيب

معاذ .. وانتى بقى فى ثانويه هامه زى ليلى

آروى.. ايوا انا وساره وليلى زمايل تخته واحده من كى جى وان

معاذ .. آه وانتى بقى شاطره فى المدرسه

آروى .. طبعا انا كل سنه بأكون من الاوائل ان وليلى مفيش فاشل غير البت دى (وشاورت على ساره اللى خبطتها فى كتفها جامد ومعاذ ومصطفى فضلو بيضحكو عليهم)

معاذ .. انا اسف عارف ان اسالتى كتير بس اهو من باب التسليه يعنى ..هو انت علمى ولا ادبى يا آروى

آروى.. لا علمى رياضه انا اصلى بحب الرياضيه اوى

معاذ .. يعنى انشاء الله مهندسه

آروى .. والله انا كان نفسى ادخل علوم واتخصص فى علوم الفضاء بس بابا رافض وبيقولى هندسه ليها مستقبل،،،، ايو هنا هو دا البيت

معاذ .. وانتى يا ساره بيتك فين

ساره ..هنا احنا ساكنين فى الشقه اللى قصادهم

نزلت ساره وآروى بعد ما شكرو معاذ على التوصيله وفضل معاذ ومصطفى فى العربيه اول ما نزلو

مصطفى.. انت ايه اللى هببتو دا مش لاقى غير البت المجنونه دى وتجر معاها كلام

معاذ.. مالها بس دى حتى شكلها دمها خفيف كدا وطيبه

مصطفى.. انت حر بس نصيحه لوجه الله متنفعكش مش دى انت ما اخدش بالك فى الرحله هى عملت ايه