رواية هل إنتهيت منى!!؟ الفصل السادس والعشرون 26 - بقلم ساحرة العقل

اسمعينى كويس ياليلى انا عارف انك اتجوزتينى غصب عنك عشان ترضى عمى وعارف انك كنتى تتمنى تتجوزى واحد زى عمار بس لازم تعرفى ان انتى دلوقتى مراتى انا ولازم تحافظى على كرامتى قدام اى حد وانا عمرى ما هغصب عليكى اى حاجه من انهارده دى اوضتى واوضتك جوا مش مسموح اوضتى لاى سبب حتى النضافه انا هانضف

ليلى وهى مصدومه..انت ايه الكلام اللى بتقوله دا يا احمد اناماستهلش منك

احمد.. اللى سمعتيه وياريت يتنفذ بهدؤ ومن غير مشاكل على الاقل لما عمى يقوم بالسلامه وساعتها خدى قرارك زى ما تحبى

ليلى .. زى ما احب بس انا بحبك انت وعمرى ما فكرت فى حد غيرك

احمدوهو شبه منهار.. ارجوكى ياليلى انا مش محتاج شفقه وكفايه تمثيل اوى لحد كدا

ليلى.. انا مش مصدقه ان انت احمد ابن عمى وحبيبى اللى اختارته .عارف انا مش هاتعب نفسى واحاول ابرر ليك او أفهم منك انت تقصد ايه وجبت الكلام دا منين لان انت لو بتحبنى حقيقى مش هاتحتاج شرح هاتفهمنى من غير ما اتكلم

ليلى سابته ودخلت اخدت شويه من هدومها وراحت الاوضه التانيه وضبت الهدوم فى الدولاب وغيرت الروب الابيض ولبست بيجامه عاديه بمنتهى البرود اخدت الاكل اللى جهزته وخرجت كان احمد لسه قاعد مكانه وتقريبا بيبكى ليلى اكلت من غير ما تبصله خلصت اكل وغسلت ايديها وشغلت التلفزيون كل دا هى بتتصرف ببرود وهو مستغرب من رد فعلها

احمد.. انتى مش ها تنامى

ليلى بصت بقرف ورجعت بصت للتلفزيون وكملت ضحك على الفيلم وشويه ودخلت المطبخ احمد دخل يشوفها بتعمل ايه فضلت تدور وتلف فى المطبخ وفى الاخر طلعت كيس من الدرج وهى بتقول "لقيته" وعملت فشار وخرجت تكمل قعده قدام التلفزيون كل دا وأحمد وراها هو مش فاهم رد فعلها الغريب من جواه حاسس انه اتسرع بس دا كان رد فعل طبيعى بعد رسالة عمار اللى حرقت دمه

احمد.. انتى مش هاتدخلى تنامى

ليلى بصت بقرف..دا شئ ميخصكش

احمد.. يعنى ايه ميخصنيش

ليلى ..يعنى اوضتك هناك تقدر تدخل تنام اما انا اوضتى جوا لما احب انام هادخل انام بس كدا

احمد بغيظ.. انتى ليه بتتصرفى كدا؟؟؟

ليلى.. بتصرف ازاى يعنى مش فاهمه ؟

احمد..ببرود

ليلى وهى بتضحك .. ههههههههههههههههههههه والمفروض اتصرف ازاى ادخل اوضتى وافضل اعيط على اطلال حبك

احمد.. ليلى متنرفزنيش انا متعصب خلقه

ليلى.. انرفزك انت بتحس اصلا انت عندك دم لا اللى اكتر انت بنى آدم ما افتكرش ان اللى زيك اصلا بيحس ولا بيتعصب زي البشر العادين

احمد مسك ايديها بعصبيه ..انتى اتجننتى يا ليلى ازاى تتكلمى معايا بالطريقه دى

ليلى .. لا وانت الصادق تقصد تقول انى عقلت وكبرت انا دلوقتى مدام لو نسيت عن اذنك لان الجو فى المكان هنا بقى خنيق......

مشيت ليلى وهى بتفتح بابا اوضتها ..احمد انا عارفه موضوع ايمان من قبل ما انت تحكى آروى حكت لى كل حاجه وانا اللى عزمتها على كتب الكتاب وبالمناسبه انا عارفه موضوع عمار كامل لحد الحوار الوسخ اللى دار بينكم يوم خطوبتنا متستغربش انا سمعت كل حاجه

احمد.. وطبعا معندكيش رد على كلامه

ليلى .. لا عندى رد على كلامك انت انا عاوزة اطلق بمجرد ما بابا يقوم بالسلامه انا مايشرفنيش اعيش مع واحد مريض بالشك زيك ..تصبح على خير

رمت كلامها ودخلت واحمد واقف مكانه مذهول مش قادر ياخد نفسه من الصدمه ليلى القطه المغمضه كبرت وبتعرف ترد لا وبتعرف تخبى عليا كمان وسمعت كلامى انا وعمار وسبتنى بس عشان تشوف انا هاتصرف ازاى يعنى هى كانت بتختبر رد فعلى ايه معنى كلامها انها مفيش بينها وبين عمار اى حاجه وانا فشلت معاها من اول موقف

عند ليلى دخلت اوضتها ومقدرتش تمنع دموعها اكتر من كدا كل اللى حاولت تحافظ عليه بينها وبين نفسها عشان علاقتها هى واحمد ما تدمرش فى لحظه دمرت كل حاجه هى كانت فاكره ان سكوت احمد دا معناه انه واثق فيها معندوش ذرة شك
فضلت ليلى تفتكر كل اللى فات زى شريط سنيما كل دقيقه فيه بتحرق قلبها من جوا

ليلى تفتكر اول مره حكت لأصحابها على موضوع الخطوبه وآروى لما حكت على موضوع اختها وازاى ان آروى كانت بتنصحها تعامل احمد بالراحه لانه اكيد لسه مجروح افتكرت لما معاذ فضل ينصحها انها ما تسمعش اى كلمه احمد بيقولها لان اى حاجه هايقولها هو بيقولها بس لانه غضبان

ليلى فكرت انها مش هاتتنازل عن اى حاجه تانيه هى كانت عارفه كل حاجه بتحصل حواليها بس اتصرفت بطفوله عشان تخرج بأقل خساير ممكنه

فضلت تفكر وتفكر لحد النوم غلبها وماحستش بأى حاجه غير الصبح صحيت على صوت الجرس عرفت ان نجوى وكمال وصلو بصت فى ساعة الموبيل بتاعها لقيت الساعه ٢.٣٠ الضهر مصدقتش انها نامت دا كله

خرجت من اوضتها وراحت لأوضة احمد فضلت تنادى عليه لحد ماصحى ولسه هايزعق لقى ليلى فى وشه افتكر كل اللى عمله فيها امبارح فسكت وبصلها

احمد .. فيه ايه ياليلى

ليلى .. فيه ان ماما وبابا بره بيرن الجرس والمفروض انك تقوم تفتح الباب

احمد.. هاااااه طيب انا هافتح وانتى هاتعملى ايه

ليلى.. انا هاستنى هنا فى اوضتك وانت داخلى ماما وملكش دعوه ... اقسم بالله يا احمد ان بابا حس بأى حاجه لأخليك تندم على اليوم اللى اتولدت فيه

احمد.. انتى بتهددينى يا ليلى

ليلى .. ايو طبعا بهددك واقتلك كمان لو لزم الامر دا ابويا اللى بنتكلم عنه .أه صحيح ماما هاتسالك على التاخير فى فتح الباب ارسم عليها انك مكسوف وقولها اننا نمنا نتأخر

خرج احمد وفتح الباب فعلا كان نجوى وكمال نجوى جايبه ليهم اكل وكمال بيتخانق معاها عاوزها تروح وشايف الوقت مش مناسب

احمد.. صباح الخير

كمال .. معلش يابنى ازعجناكم بدرى بس اعمل ايه حكم القوى نعمل ايه إحمد ربنا ان بنت عمك طالعه طيبه لأبوها لو كانت طلعت لأمها كنت شفت ايام صعبه زى اللى عمك شافها

احمد .. ههههههههههه متقولش كدا دى نوجا الخير والبركه

نجوى .. اتاخرت ليه دا كله على ما فتحت يا احمد ربع ساعه بأخبط على الباب

احمد وهو وشه فى الارض ..معلش يا ماما اصلنا نمنا متأخر اوى

نجوى .. صباحيه مباركه يا حبيبى المهم تكونو بخير

احمد .. هاااه.... أه الحمد لله

كمال .. فين ليلى هى لسه نايمه ولا ايه

احمد .. هى جوا تقريبا زمانها صحيت ثوانى اشوفها واجى

نجوى .. لا خليك انت مرتاح انا هأقوم اشوفها اصلى عاوزاها فى كلمتين

كمال .. وماله قومى يالا انا عاوز اتكلم براحتى انتى طابقه على مراوحى كدا

احمد فى سره ..ربنايستر

كمال.. بتقول حاجه يا احمد

احمد.. لا ابدا ياعمى .. المهم انت صحتك عامل ايه

كمال .. انا بخير يا بنى انا بس عاوز اطمن على ليلى اوعى تزعلها فى يوم يا بنى دى بنتى الوحيده وانا مستأمنك عليها

احمد وهو مكسوف من نفسه ..دى فى عنيا

كمال ..انا هاعمل العمليه كمان إسبوعين يعنى تكون ظهرت نتيجة ليلى اكون اطمنت عليه من كل ناحيه

احمد.. إن شاء الله هاتكون من الأوائل متقلقش انت بس .....المهم بتاخد الادويه فى معادها

فى الوقت دا نجوى كانت سابتهم ودخلت ليلى تطمن عليها لما وصلت للاوضه بتفتح الباب لقيت ليلى وهى......
__________________________

لا تنسو دعاء العشر الاواخر
اللهم انك عفوا كريم تحب العفو فأعفو عنا