رواية هل إنتهيت منى!!؟ الفصل الثامن والعشرون 28 - بقلم ساحرة العقل

مصطفى.. انت حر بس نصيحه لوجه الله متنفعكش مش دى انت ما اخدش بالك فى الرحله هى عملت ايه

معاذ .. لا مأخدتش بالى وقبل ما تقول مش عاوز اعرف انتى فاكرنى احمد كلمه تجبنى وكلمه تودينى انت عارف كويس انا لو معجب بيها هاعرف اخليها تتغير ازاى

مصطفى.. والله انت حر انا نصحتك وعملت اللى عليا

#عند احمد وليلى

بعد ما الناس كلها مشيت ليلى دخلت اوضتها وقفلت الباب احمد قاعد بره مش عارف يتصرف ازاى خبط عليها

احمد.. ليلى انا جعان جدا ممكن بعد اذنك تجهزيلى اكل ....

سكتت شويه وبعدين سمع صوتها .. دقيقه واحد استنى بره وانا هاجهزلك

احمد.. متشكر اوى انا عارف انى غلطان وانتى معاكى حق لو عاملتينى وحش بس لو حطيتى نفسك مكانى اكيد هاتعذورينى

خرجت ليلى وراحت المطبخ من غير ما ترد عليه احمد وراها وبيكمل كلامه

احمد.. اعذرينى ياليلى حبى ليكى وغيرتى عمونى خلونى مش شايف حاجه غير افكار شيطان

ليلى .. مالوش لازمه الكلام دا دلوقتى

احمد.. ليلى انتى مش بس مراتى انتى بنت عمى واختى وكل حاجه ليا فى الدنيا زمان لما اعمامى وخالى قعدو مع بعض وكل واحد منهم هرب من مسئوليتى ابوكى هو كمان كان زيهم كان متجوز جديد ومش عاوز مسؤليه بس نجوى كانت بنت حلال ومعجبهاش الوضع اصرت انى هاعيش معاها وخيرت عمى كمال ايامها بين انى اعيش معاهم وهى تربينى او تسيبه وترجع بيت اهلها انا كنت صغير صحيح لكن كنت واعى وفاهم كل حاجه

ليلى والدموع فى عنيها .. خلاص يا احمد الكلام مالوش لازمه

احمد ..سيبينى اكمل الاول ....بعدها انا عشت معاهم فى الاول عمى كمال كان بيعاملنى عادى صحيح عمره مااساء ليا بس ما كنش حنين لغاية ما فى يوم عرف ان مامتك حامل كانت حامل فى توأم وهى فى الشهر الخامس اكتشفت ان عندها ورم فى الرحم الدكتور رفض الاجهاض لانه الاجهاض فى الوقت دا خطر عليها وبعد كدا ولدتك وتوأمك كان ولد مات بعد ما بدقايق انا كان عندى ست سنين فيه حاجات فاكره من ذاكرتى بس فيه حاجات خالى كان بيحفظهالى كبرت وانا باحفظها زى ان عمى مش بيحبنى وانه ربانى بس عشان طمعان فى ورثى من امى لغاية ما بقى عندى ١٦سنه كنتى انتى لسه بنت صغيره بدأت افهم كل حاجه بتجرى حوليا فهمت ان عمى بيحبنى ومتعلق بيا لانه معندوش ولاد ومستحيل ربنا يكرمه بيهم لان مامتك شايله الرحم بعد ولادتك مش لانه طمعان فيا زى ما خالى كان بيقول عرفت انى ابنه الوحيد وسنده من الدنيا لدرجة انى مكنش عندى الجرأه انى افاتحه فى موضوع جوازنا رغم انى مستحيل اتقبل فكرة انك تكونى لحد غيرى يوم ما قلى انك وافقتى كنت زعلان من اوى لانه غصبك انا بحبك صحيح بس مش بالغصب

ليلى.. وانت مين قالك انى اتغصبت عليك

احمد.. انا سمعت كل حاجه وانا فى المستشفى لما روحت اجيب الشاى انا فضلت واقف قدام الباب وبعت واحده من عمال النضافه تجيب الطلبات

ليلى.. انا برده مش فاهمه انت تقصد ايه وعرفت ازاى انى مغصوبه

احمد.. سمعت وانتى بتقولى انك مش عاوزة تتجوزى وانك هاترفضى الجوازه لو بباكى غصبك

ليلى .. وسمعت ايه تانى

احمد .. ماسمعتش اى حاجه تانيه انا بعد الكلمتين دول ما إستحملتش اسمع حاجه تانيه

ليلى.. وايه خلاك تكمل الجوازه دى وانت عارف انى مغصوبه عليك

احمد ..انا يعنى مش عارف اقولك ازاى اصلى يعنى قول.....

قاطعته ليلى .. قولت ايه ماتنطق

احمد .. بصراحه انا بحبك اوى دى كانت فرصه وكان عندى امل انك هاتقدرى حبى دا وها تحبينى فى يوم من الايام انتى كمان

ليلى.. الاكل يا احمد جاهز كل وابقى سيب الاطباق انا هاغسلها يا غبى انت بجد خسارة فيك الشهاده اللى انت اخدتها انا فى حياتى كلها ماشفتش اغبى منك

ليلى سابته ودخلت اوضتها كانت مضايقه اكتر من الاول احمد بيسمع اللى هو عاوزه مش بيكمل الكلام لأخره احمد بيفهم بغباء دايما بيضيع الفرص كان عندها قناعه ان ما فيش ليها فرصه مع واحد زى دا بتتمنى لو هو ما إتكلمش اصلا كانت على الاقل فاهمه انها غيره مش غباء احمد غبى احمد غبى فضلت تكرر الجمله دى لحد ما نامت

اما عند احمد هو فعلا غبى هو كان بيحاول يصلحها لكن فضل طول الليل يندم على كلامه معاها هو مش عارف ليه ما يعتذرش ويكون صريح انه عاوز يصلحها وينتهى الموضوع نهاية سعيده وخلاص ليه لازم يخلق حاجز جديد ويسبب مشكله جديده غبى غبى. غبى دا اللى فضل يردده لنفسه قبل ما ينام

كل يوم كان بيعدى شبه اللى قابله احمد بيتجنب ليلى لان مالوش عين يكلمها هى بتحاول تبتسم عشان تظهرله انها نسيت كلامه بس هو مش واخد باله

مر الاسبوع من غير احداث كتير اكتر من ان حالهم ناس جديده تبارك زيارات من نجوى وكمال عشان يطمنو عليهم ليلى حبت تكسر صمت الأسبوع دا لانها بدأت تمل ومافيش حل مع احمد

احمد كان بيذاكر فى الرساله بتاعته وليلى راحت تقعد معاه احمد من جواه كان فرحان جدا بس حلول يظهر انه بيبص فى الورق اللى قدامه

ليلى .. انت مشغول يا احمد

احمد ..شويه صغيره لو عاوزه حاجه قولى اللى فى ايدى مش مهم ممكن يتاجل انا بس بتسالى كدا بدل الملل بتاع البيت

ليلى وهى بتحاول تكتم غيظها .. انت عارف ان النتيجه هاتطلع بكره واننا لسه موصلنا نت هنا فى الشقه

احمد.. ايوا ما انا عارف

ليلى .. انا بأقول يعنى ممكن بكره نقضى اليوم عند بابا وماما ونجيب النتيجه من هناك

احمد .. مفيش مشكله خالص الصبح اخدك وانا رايح الجامعه اوصلك هناك واجيلك بعد ما اخلص جامعه

ليلى وهى بتتنهد براحه .. طيب انا هادخل انام اصبح على خير

وتانى يوم الصبح احمد وصل ليلى على بيت كمال ونجوى وهو راح الجامعه وعلى اخر النهارده رجع نجوى فتحت الباب ورحبت بيه

نجوى .. اهلا يا حبيبى ايه يا احمد البيت ما وحشك ما صدقت سيبتنا

احمد .. ازاى تقولى بس كدا يا ست الكل مش عريس بقى

نجوى .. طيب يا حبيبى غير هدومك على ما اجهز الغدا

احمد.. ماشى هى ليلى فين

نجوى.. جوا فى اوضتها ما تقلقش تلاقيها نايمه ولا حاجه

احمد دخل اوضته على طول عشان يغير بعد ما خلع هدومه لاقى ليلى نايمه على السرير لبس بسرعه وخرج قبل ما تحس بيه كان خايف انها تفهم غلط اتغدا وليلى خرجت

ليلى .. هى الساعه كام

احمد وهو بيحاوط كتفها بدراعه.. تقريبا اربعه ونص

ليلى بهمس .. شيل ايدك ايه اللى انت بتعمل دا

احمد بيهمس.. امك عنيها علينا عاوزاها تعرف اللى بينا ولا ايه دى كانت تروح فيها

كمال .. هى لسه النتيجه قدامها كتير

احمد ..مش عارف يابابا انا فاتح الموقع من ساعة ما وصلت وكاتبين بعد قليل

شويه واحمد راح عند الكمبيوتر

احمد.. ليلى هاتى رقم جلوسك بسرعه النتيجه ظهرت

ليلى جابت رقم جلوسها وارقام صحباتها واخدهم احمد دخل رقم ليلى الاول وفجأه اخد ليلى بالحضن وهو مش مصدقه نفسه

احمد .. مبروك ياليلى ٩٧٪

ليلى .. الحمد لله كنت متاكده كدا هندسه انشاء الله
شوف البنات بقى

احمد .. ما هما زمانهم جابوها انتى متعلقه بيهم زياده

نجوى .. ايه يا احمد انت هاتغير من صحباتها ولا ايه

ليلى.. دول صحابى يا احمد وعمر ما فيهم واحده غارت منى ولا خانتنى ولا ممكن يغدرو بيا فى يوم عندك آروى مثلا فضلتنى على اختها انا عندها اهم حد فى الدنيا

احمد ..خلاص خلاص انتى هاتفتحيلى محضر هاتى ارقامهم

كمال .. هايابنى عملو ايه

احمد .. آروى ٩٦.٨٪ ابسطى يا ستى هاتلحق هندسه معاكى

ليلى .. وساره ؟هاه

احمد .. البت دى فاشله وخساره فيها الفلوس اللى اتصرفت عليها دى جايبه ٧٨٪ دى بالعافيه تلحق أداب او خدمه اجتماعيه

ليلى.. ههههههههههه هى كدا فاشله دى كدا ذاكرت لما تعبت دى اول مرة تنجح من غير دور تانى لما اكلمهم بقى

ليلى كلمت صحباتها وباركت ليهم نجوى فضلت تزغرط وتوزع حلاوة النجاح على الجيران وكمال فضل يحمد ربنا .
الليل جه وهما بيحتفلو ويهزرو احمد وليلى نسيو كل مشاكلهم ورجعت زى زمان من فرحتهم بالنتيجه

احمد .. يالا يا ليلى عشان نروح بقى اتاخرنا كدا

نجوى.. تروح فين انتو هاتباتو هنا الليله

كمال.. سيبيهم براحتهم يا نجوى

نجوى .. براحتهم ايه الوقت اتاخر هما هايباتو هنا الليله دول وحشونى انا مش سايبهم يخرجو من هنا

احمد .. ايه رأيك يا ليلى

ليلى .. اللى تشوفه اى حاجه

احمد قرب عليها وهمس .. لو بقينا هنا هانام فى اوضه واحده قولتى ايه

ليلى بهمس.. ولو مااستنناش هى مش هاتسكت وافق دلوقتى ونبقى نتفاهم جوا

احمد والدنيا مش سايعاه من الفرحه.. خلاص يا ماما هنبات هنا الليله....
_____________________________

اتاخرت معلش كنت مشغوله اوى كان نفسى انزل فى العيد بس الحمد لله
كل سنه وانتم طيبين وربنا يعيد الايام بخير

انا نزلت قصه جديده اسمها Familiar

اتمنى تقرأوها وتقولولى رأيكم فيها