الحلــــــــقه الخامــــــــــــــــسه
رواية... هل كانَ حُلماً...؟
{ العِراق-المُصغَر ... التوباز }
بقلمي ... لؤلؤة_البِحار ...
___________________•
لليل كاعدين كلنا بالهول نباوع تلفزيون اني نايمه على رجل رتيل وسالي كاعده بصف مقدام سمعت صوت اشعار ماسنجر على موبايل اخوي
هو كال... مروه انطيني موبايلي
كامت جابتله الموبايل فتحه سالي كالت... دخيلك ياربي
اني بسرعه كمزت سمعت صوت فيديو واحد يصيح كمت
بسرعه شفت فيديو
السامر مضروب ووجهه كله دم... حطيت ايدي على گلبي
سالي كالت... دخيلك ياعلي منو هذاا؟
كعدت بالكاع كتلها... هذا السامر
كالت رتيل... عزا منو مسوي هيج بيه
ماما كالت... مقدام ادخل ع الحساب شوفه منو؟
مقدام... حاضرني مدري الحساب محذوف كلشي مدايطلع خلي اخابر رشم
حره... مااعرف شصار بيا خفت من المنظر وبنفس الوقت افكر منو السوا هيج وليش؟
تذكرت الي بلغ عن الي راد يقتلني والي بلغ عن السامر ولزمو بسببه معقوله!
معقوله الي ديسوي هالاشياء كلها شخص واحد؟
زين منو!
باوعت لرتيل گتلها... خاف رشم هيج سوا؟ لان السامر بالسجن مو صح؟
اي اكيد رشم منو غيره
كمت طلعت بالحوش اخويا دايحجي ويا رشم وكفت يمه اسمع مقدام يكول
مقدام... رشم لتخبلني اذا مو انت لعد منو؟
مداافهم شديصير منو اله مصلحه يدزلنا هالفيديو؟
سكت شويه كله... الحساب حضرني ماادري نحذف لا اسم ولا صوره من دا ادخل مادايطلعلي شي
سكت شويه كله... هو مو بسجن ال*** روح اسئل شوف منو الهيج سوا
سكت يستمع كله... هاهيه منتظر منك خبر رشم لان ضروري اعرف منو السوا هيج
سكت كال... هلا بيك سده ودار وجهه عليه
گتله... ها حيجي؟
مقدام... لا عنده خفاره اليوم
حره... ومنو الدز الفيديو
مقدام... والله حاير مثلج بس ع الاكيد السامر عنده عدو
باوعلي وكمل ... و هالعدو قوي وعنده ظهر بالدوله
رتيل... هالشي من مصلحتنا
مقدام... بس ليش دزه الي راح اتخبل الا اذا جان يعرف بحادث اختي بس احنا ماعدنا احد بالدوله غير رشم ورشم مايدري شصاير !!
حره... اسأل مصطفى
مقدام... مصطفى شدخله؟
حره... مو هو محامي ويعرف ضباط يمكن هو
رتيل... صحيح وصديقه اجى ويانا
سالي... لو يدري جان هو دزه او كاللنا عثمان ميضم شي علينا
مقدام هز راسه وطلع موبايله يتصل ميجاوب ثاني مره اتصل هم ماكو كال... مدايجاوب اروحله للبيت
سالي... لا هو واخوه بالحله
حره... شعندهم بالحله
سالي... علمود ظهر مرتضى
اميره... لتقلقون ولتخافون اني اكول والي مبين السامر عنده عداوه ويمكن سمع بالسامر شسوا بتوته فالظاهر عدوه ديبين السامر
شكد ضعيف ويذله ودزلنا الفيديو وهالشي طبعا من صالحنا
رتيل... هو الظاهر هيج والا احنا ماعدنا غير رشم ورشم ميدري
حره... طبيت جوا بالغرفه اهلي ضلو يتناقشون بالهول اني فرشت ردت انام مكدرت طلعت موبايلي كلت اسال مرتضى بلكي يعرف منو الدزه
اتصلت رفضني دزيتله مسج
... ضايجه اريد احجي وياك
ورا عشر دقايق دزلي... نص ساعه واتصل
اجت رتيل كعدت يمي تسولف موبايلي بيدي اتصل مكدرت اجاوب كمت ع اساس اروح للحمام
طلعت برا جاوبته
مرتضى... ها ام التوت شلونج
حره... شوف شصار اليوم
مرتضى... شنو شصار ؟
حره... واحد دز فيديو لاخويه
مرتضى... اي؟
حره... السامر مضروب وكله دم عزا اديه لسه ترجف
مرتضى... ليش ترجف؟
حره...المنظر مو حلو
مرتضى... يستاهل
حره... انت تعرف منو دز الفيديو
مرتضى... لا
حره... شو ماتفاجئت
مرتضى ... لا كِلش متفاجئ
حره... محتاره منو دز الفيديو
مرتضى... مو مهم منو الدزه اهم شي المحتوى يسر الخاطر
حره... لا اني مااحب هيج مناظر اصلا شكله يضوج مااحب اشوف احد بهيج منظر انقهر
سكت كتله ... وياي
مرتضى... اي
حره... اخويه اتصل على اخوك ومجاوب
مرتضى... نايم
حره... وانت شبيك
مرتضى... شبيه يعني؟
حره... شو كوه تنطق الحجايه... سكت كتله... الو
مرتضى...حره اذا جايه تسأليني عن الي دز الفيديو فما اعرف
هالسوالف جيشيه شمعرفني بيها
داحجي كال... واذا جايه ترديني اواسيج لان خطيه انقهرتي ع السامر فـ اني مانقهرت فـ اعذريني اذا ماعندج شي اترخص
حره... مانقهرت عليه بس شفتـ.... سد الخط بوجهي... يا هذا شبيه ليش ضاج!
اتصلت عليه ميجاوب المره الثانيه غلق الموبايل لثاني يوم الصبح هو ماكو منه لا مسج ولا اتصال مشى اليوم عادي الصبح عثمان وحده اجه وفهم السالفه وكاللهم جنا بالحله علمود العلاج واكد ان هو ميدري عن هالموضوع باي شي
طلع عثمان ورحت دااطبخ برياني وفاصوليا النا
حضرت المواد دورت بالكاونتر على شعريه ملكيت
رحت تفقدت المعجون هم ماكو خلي اروح اكول لـ مقدام يجيبلنا قبل ليطلع مشيت وصلت لباب الاستقبال سمعت صوت بجي
ركضت يم الشباك مال الاستقبال باوعت منه شويه شفت مقدام راسه بحضن رتيل ويبجي يكوللها
مقدام... اني من جنت طفل واباوع على الي بعمري يلبسون ويكشخون اروح اهدي نفسي واكول المؤمن مُبتلى
كبرت شويه وشفت اهلي مابيهم خير وشلت حملهم على ضهري وكلت الله يسندني
يجي يوم والله يجازيني
ومن حبيت كلت عوض ربي الله انطاني هديه
والهديه راحت لربها بابشع صوره
وهي مضلومه وراحت بحسرتها
يبجي واختي رتيل تبجي وياه وتهديه تكوله... هذا المكتوب ياخويه مابيدنا شي الله دايختبرنا
حره... حطيت ايدي ع كلبي وبجيت رجعت للمطبخ مقهوره وابجي حتى النواقص نسيت مكتله عليهن
رحت للحمام ضليت ابجي وغسلت وطلعت
لكيت مقدام رايح كلت لرتيل ع النواقص دزت مروه جابتهن
وگفت عالطباخ اطبخ ودموعي تتسابق على خدي
مكسور خاطري على اخويا جنت دائما اسمعه يشكي ويسولف لرتيل همومه بس ابد مشكى من شي كدامنا
بعمري ماشفت دمعته
دائما ورغم كلشي مرينا بيه اشوف ابتسامته الحلوه
حيل انكسرت وتأذيت كملت الطبخ وخليته ع نار هادئه
ورحت توضيت وگعدت اقره قران صايره احب اقراه لان بعد مااكمل قراته احس براحه تتغلل الروحي
للعصر بدلت ولبست ستريج وقميص طويل فضفاض ولبست طوك
حتى اودي الاكل لان مقدام حيطلع وهم حتى اشوف مرتضى شبيه البارحه
اندكت الباب راح مقدام فتحه
طلع رشم
طب سلم علينا كعدنا بالهول كال لمقدام
رشم... انطيني اشوف الحساب
مقدام انطاه الموبايل كلب بيه رشم كال... هذا محذوف
حره... منو سوا هيج
رشم... ضليت ورا الموضوع بس منو الي امر ماعرفته كل الكالوه ضباط من القوات الخاصه اجو واتفقو ويا الضباط
وواحد منهم مُقدَم
وهيج ضرب السامر
حره... ومنو هذول الضباط
رشم... ماكالولي
حره... ليش
رشم... توصيات منهم وولا ضابط بلغني باسمائهم
واكو منهم مايدرون بالسالفه
حره... يعني ممكن السامر عنده عداوه وياهم
بس ليش حتى يدزولنا الفيديو؟
رشم... اني هم متشتت بسبب هالموضوع
مقدام... خاف الباشا ؟
رشم... لا مو هو الباشا جان اهم شي عنده مشعل وخلص منه
حتى بموضوع حره سألته ومجان عنده علم بالخبر
حره... هو ليش هيج يكره مشعل مداافهم
رشم... هم جانو حيل اصدقاء بس مو يكولون الطيور على اشكالها تقع فبيوم مشعل باك فلوس من جهه حكوميه واتهم الباشا هو الباگهن
والباشا بعد اكلها بخاشوكه انفتح بيه مجلس تحقيقي ونزل رتبه
فبعد فتره اكتشف الباشا الحقيقه وبدت العداوات
مقدام... ليش تكول الطيور على اشكالها تقع يعني الباشا هم زباله مثل مشعل
رشم... واسوء بعد ويكون بعلمك هو اذا ساعدني وساعد حياة
فـ بس لانه متأكد بوجودنا تحترگ ورقة مشعل والا مستحيل يساعدنا... جر نفس... اني ماادري هالزبايل شلون اجو لحياتي عائله كلها زباله تشيل منها بس البنات الله يرحمهن
حره... امين
رشم... يلا اترخص منكم
مقدام... وين ابقى يمنا تعشى
رشم... على غير مره ان شاء الله
كام رشم مقدام گله.. طالع وياك لعد
رشم... يلا
حره... طلعو اني حضرت الاكل اجت رتيل كالت... ها انتي تودين الاكل
حره... اي
رتيل... تعوفيه توديه ماما؟
حره... لا اني اروح ضايجه
رتيل... لعد لتروحين منا ومنا
حره... ماشي
اخذتهم وطلعت شفته جاي من المحل بيده علاكه دايطب للبيت باوعلي وكف مبين ضايج حتى مابتسم وكفت يمه كتله
حره... جبتلكم الاكل
مرتضى... لو تاركته يجيبه اخوي
حره... لا عادي
مرتضى... ظهري يوجعني ممكن تدخليه للمطبخ
باوعت بالفرع بس جهال رغم ادري اختي متقبل بس بعد مترهم كتله... اوكي
طبيت خليته ع الطباخ دااطلع صار بوجهي باوعلي من فوك لجوا كال
مرتضى... هاي هيج طلعتي كدام رشم
باوعت للبسي مبيه شي كتله... اي ليش؟
دار وجهه كال... وهاي انتي عادي عندج تطلعين لاي رجال بهيج لبس
حره... و شكو بيها
راد يحجي سكت وكال... استغفر الله
حره... دتحسسني لبسي مامحتشم شبيك
ضحك باستهزاء... ليش تعتبرين هاللبس محتشم؟
حره... اي شبيه
مرتضى... شنو شبيه دباوعي الستريج شلون مفصل رجيلج تفصال يجيب التايه صدك تحجين حره؟
باوعت لقميصي... ترا قميصي طويل
مرتضى... بس يجذب ماينلبس كدام غريب
ضجت كتله... ترا ميخصك اني البس الي يعجبني
هز راسه كال... اوكي براحتج وشكرا تعبتج يلا تفضلي.. واشرلي ع الباب
حره... هاي شبيك انت من البارحه لليوم بس تريد تتعارك وياي؟
مرتضى... لان تصرفاتج مدري شلونها
حره... شبيها تصرفاتي!
رجع شعره لورى وتأفأف وكعد ع الدرج گتله... راح تضل ساكت
غمض عيونه وجر نفس گال بهدوء :-حقج عليه يابه مثل ماكلتي لبسج اني ماخصني بيه البسي الي يعجبج
حره... وشبيك ضايج
مرتضى... ماضايج بس...
حره... شنو
جر نفس بقهر... متأذي
حره... من شنو؟
باوعلي... ولا شي
حره... شبيك احجيلي
تنهد... اثار العلاج روحي لبيتكم خاف اختج ماتقبل
حره... انت من البارحه هيج
حره... كتلج من العلاج
حره... ماشي... باوعتله ماباوع بوجهي كتله... هو المفروض اني ازعل لانك طردتني
باوعلي ابتسم... هذا بيتج... سكت شويه وجر نفس كال... اعتبريه
حره... سمعته يقرا قران كتله... يلا رايحه
مرتضى... هلا بيج
جان مبين عليه ضايج ويبتسم مجامله لوحتله بايدي باي هو باوعلي من فوك لجوا ولوحلي بايده
طلعت من البيت حسيتني ضايجه اول ماطبيت كالت رتيل
رتيل... شو تأخرتي
حره... اي مرتضى بالفرع انتظرته يجي وياخذ الاكل
رتيل... اي عفيه لتدخلين لبيتهم ميصير
ابتسمت وبداخلي حسيت بشعور محلو لان جذبت
رحت وكفت كدام المرايه باوعت البسي مبيه شي
ليش هيج ضاج
صفنت يمكن صدك متأذي من العلاج!
لليل كاعدين كلنا نباوع مسلسل طلعت سالي من الغرفه لازمه الموبايل بيدها كلتله
سالي... مقدام تعال شوف هذا... وتضرب برجلها بالكاع
مبينه حيل ضايجه كام مقدام كللها :-شكو
هي تخصرت كالت... احنا مو اتفقنا ويا عثمان انو ماالبس حجاب
الا بقناعتي؟
مقدام... اي؟
سالي... يكولي لبسي حجاب للمدرسه واني مااريد
مقدام باوع لرتيل و كعد باوع لسالي كللها ... كعدي
كعدت يمه ماما كلتلها... واذا لبستي ماما ترا حلو الحجاب
سالي... ماما مااريد مامقتنعه اطلع جني عجوز بيه
مقدام... اني والله اتمنى تلبسين حجاب بس مااكدر اجبرج اريدج انتي تقتنعين من ذاتج وتلبسيه لان الله يعلم مافي القلوب لو لبستيه علمود بشر يختلف عن انو تلبسه محبه لله
سالي... واني احب الله والله بسـ...
قبل لتكمل كللها... ادري بيج تحبين الله وان شاء الله تلبسين حجاب بيوم من الايام
سالي... وعثمان شلون بيه؟
مقدام... اتصلي عليه اني احاجيه
حره... كمت اشرب مي شربت ورجعت اسمع مقدام يكوله
... حبيبي انت من اجيت وكدام اخوك وكدام العائله اتفقنا بقناعتها تلبس ميجوز يتغير الحجي
سكت شويه كله... افهمك تلبس محتشم مو مشكله اكيد وحقك بس حجاب بدون رضاتها لا مااقبل بهالحجي
سكت يستمع كله... هو منو الاولى الك لو لـ الله هي لو تلبسه لله لو متلبسه لان نفس الشي
لو لبسته بضغط منك ماشوف الها اجر
مدري شحجه عثمان مقدام كاله... اخوي انته اي مشكله كعدو تفاهمو واذا قبلت خلي تلبس اني اكيف واذا ماقبلت ان شاء الله يجي يوم وتقتنع
سكت يستمع بعدين كله... هاهيه حبيبي هلو بيك...
وسد الخط سالي كلتله... قبل
مقدام.. اي قبل بس لاتلبسين نص ردن
رتيل... لا هو بكل الاحوال برد الجو منا وهيج يلبسن بلوزات... باوعتلي كالت... تداومين باجر توته؟
حره... اي اداوم لان ضايجه من البيت
رتيل... هاهيه
مقدام... اني اوصلجن وبالرجعه اجي اني او ادز مصطفى لو عمران اخواني ذوله
حره... هاهيه
مقدام... موبايلج تاخذيه تخليه يم المديره اي شي يصير تتصلن عليه وممنوع تطلعن من المدرسه قبل الوقت
حره... ماشي
ضلينا نسولف شويه وكمت فرشت فتحت موبايلي لكيت مرتضى متصل اتصلت عليه رفضني ورجع اتصل
حره... ها هديت
مرتضى... طبيعي سمعت صوتج
ابتسمت كال... ضوجتج اليوم
حره... اي الصراحه كلش تدقق ع لبسي
مرتضى... كلامج صح
حره... ياكلام؟
مرتضى... ماعندي سلطه عليج فمادخلني بلبسج هاليومين
حره... هاليومين؟
مرتضى... اي
حره... والي بعدهم
مرتضى... الله كريم
حره... شنو
مرتضى... انسي
حره... ترا مداافهم عليك
مرتضى... احسن
حره... اجيت اكوله قصدك حتجي تخطبني بس حسيتها جفصه كلت خاف احجي واتفشل فسكتت كتله...
مرتضى تذكرت شي الدفتر الي انطتنياه بيه كتابه
ضحك كتله... ليش تضحك
مرتضى... جنت ضايج فكتبتهن
حره... و عن منو كتبتهن؟
مرتضى... هيج اجو ببالي
حره... اي غير تقصد احد بيهن؟
مرتضى... احد لو ثنين
ضحكت كتله... احجي صدك
مرتضى ... بعدين تعرفين
حره... كتبتهن عني؟
ضحك... يعني تدرين بملامحج حلوه
حره... انتبهت بعد كتاباتك.. ضحك كتله.. شنو التوباز؟
مرتضى... عيونج
حره... لا جديات
ضحك... اسولفلج بعدين
حره... لا هسه
مرتضى... والله عندي شغل
حره... شغليش
مرتضى... اديح ويا جماعتي
حره... هنيالك
ضحك... بيج ـ... قطع كلامه
حره... شنو؟
مرتضى ... يلا اجو الجماعه
حره... اوكي بيباي
مرتضى... هلا.. وسد الخط
سديته واني مبتسمه لثاني يوم كعدت الصبح تريكنا واخذنا مقدام للمدرسه وضل يوصي بينا وانطانا فلوس وراح طبيت للمدرسه رحت للاداره كلتلي المديره
... ها ماما الحمد لله ع السلامه
حره... الله يسلمج
المديره... جيبي الموبايل اخوج بلغني بالموضوع
طلعت الموبايل انطيتهياه كالت... شلون صارت ايدج
كتلها... الحمد لله
ضلت تحجي ويايه شويه ورحنا ع الصف ومشى اليوم عادي للظهر وقت حل الطلاب رحنا للمديره انطتني الموبايل اخذته وطلعت
اتصلت على مقدام كال
مقدام... اطلعن اني برا
طلعنا رحناله ضل يسألني اذا حسيت اكو احد وراي او متبعني كتله... لا كلشي طبيعي
مقدام... الحمد لله
رجعنا للبيت طبيت بدلت وتغديت ورحت داانام فتحت موبايلي لكيت مرتضى متصل اكثر من مره ودازلي مسج
... من تشوفين المسجات اتصلي
صدك اتصلت عليه رفض ورجع اتصل كال... تكدرين تجين
حره... انت وين؟
مرتضى... برا كدام بيتكم
حره... دنيا الظهر
مرتضى... ما ااخرج ثواني وارجعي
حره... تمام
كمت مشطت شعري بسرعه طلعت مقدام نايم بالهول وخواتي باالاستقبال كلت هن دقايق خلي اشوفه لان اذا اكول لرتيل متقبل
لبست نعالي وبهدوء اخذت موبايلي وطلعت شفته بالباب كدام بيتهم باوعت دنيا الظهر ماكو احد رحت وكفت يمه كتله... اكو شي؟
باوع بعيوني كال... تعالي لبيتنا
حره... لا اا
مرتضى... ليش
حره... البارحه جذبت على رتيل ضميري انبني
مرتضى... لعد نروح بفرع ابو غدير
حره... ماشي
مشينا كعد اجيت اكعد يمه كال
مرتضى... خلصنا من مشكلة النص طلعت النا هاي الستريجات
حره... شنو؟
مرتضى... ولا شي
باوعت للستريج مالتي وسكتت كتله :-شبيك اكو شي
جر نفس كال... اي
حره... شنو
مرتضى... ذاك اليوم حجيتيلي عن اليهدد اخوج
حره... اي
مرتضى... كسار كلي جيبلي الارقام والاسماء وراح يعتقلهم بس اهم شي مضبوطات
حره... خاف ميقبل مقدام
مرتضى... شمدريه بيني وبينج السالفه
حره... اخاف يأذوه
مرتضى... مايلحكون بس اريدج تدزيلي الارقام والمسجات ولو تصوريهم وتدزيهم بعد الاحسن
حره... ليش
مرتضى... حتى يلزم دليل عليهم
حره... شلون ادزهم
مرتضى... اكنكلج على بيتنا وانزلج برنامج.. سكتت كال.. ها؟
حره... اخاف دانغلط
مرتضى... لاتخافين صدكيني مايصيرلج غير الخير
حره...مو مهم اني
اهم شي اخوي
باوع بعيوني وسكت كال... انتي ما واثقه بيه؟
حره... بالعكس اخوي مايغلط
مرتضى... دام هو مامسوي شي غلط ليش خايفه عليه من الشرطه؟
حره... مو هيج بس احس لازم اكوله
مرتضى... لا ديري بالج
حره... ليش
مرتضى... لان هو ماراح يقبل
حره...و شمدريك
مرتضى... انتي مو كلتي يهددوه وخصوصا بيجن؟
.. اي
مرتضى... وهو يحبجن ماراح يخاطر بحياتجن لهالسبب لازم بسرعه تتصرفين قبل لا يأذوه
... تمام اذا هيج
مرتضى... كلشي كلشي تدزيه.. هزيت براسي كال.. ادري بيج سباعيه
حره... ماشي
سكت كال.. حره
باوعتله باوع بعيوني جر نفس كال :-اخاف ااذيج بيوم تأكدي ما قاصدلج الشر
حره... بس انت مااذيتني
هز راسه كال... اخوج بالبيت
حره... اي نايم
مرتضى... حلو هسه كومي ودزي الارقام.. وكام
كمت وراه كتله... مرتضى خايفه
حط ايده ع كتفي كال.. ماتثقين بيا؟
حره... طبعا اثق
مرتضى... لعد ليش تخافين
حره... خاف يأذوه قبل ليوصلوله
مرتضى... لا هم اذا نلزمو بعد مو
بحال اخوج يلا
مشينا وكفنا يم بيتهم كال... انطيني موبايلج
اخذه كنكلي ونزل برنامج كلي... تدخلين علما ينزل... هزيت براسي لا...
حره... صدك نسيت...
مرتضى... شنو؟
حره... الشخص الي اجه وياك من رحت لقبر حياة واجيتني مو كتلي اسمه احمد ابن زهراء؟
مرتضى.. اي..؟
حره... هو نفس الشخص الي اجه بعقد سالي ومصطفى واسمه كسار شلون!
ابتسم... هو اسمه الحقيقي احمد بس يصيحوله كسار
حره... ليش.؟
مرتضى... مدريني مصطفى يكول يكسر مدري شني سوالف جيشيه مااعرفها
حره.. سكتت نزل البرنامج سواه وعلمني شلون استخدمه كتله... ماشي
اخذت الموبايل وايدي ترجف كلبي انقبض مااعرف شصار
رحت كعدت بالغرفه بقيت افكر ادز الارقام لو لا؟
بقيت افكر كلت اذا ادزهم ممكن يعرف مقدام ويزعل من تصرفي
بس ينلزمون هذوله ونخلص
واذا ماادزهم يبقى مقدام كاتم هالسر لنفسه وممكن يأذونه
ضليت افكر من الخنگه بجيت كمت كلت اصلي استخاره
توضيت وصليت ركعتين وقريت دعاء الاستخاره كتله
... ياربي بجاه دم االابرياء ومنهم خواتي دلني ع الطريق الصح خايفه
كملت صلاتي واني بازار الصلاة قررت ادز الارقام اخذت موبايل اخويه بسكوت وكمت اصور وادز دزلي مسج
... صوري فيديو
اني صدك صورت كل التهديدات بالفيديو والي جانت عباره عن تهديدات وذاكرين اسماء ويكولون لاخوي
... تروح لهذوله هم يوصلولنا الفلوس
مقدام كله... ليش متاخذهن انت وتخلصني
كايله... مستحيل تلتقي بيا او بابوو مصعب
وكثير حجي اغلبهن ملحكت اقراهن من التوتر دزيتهن
كتبلي مسج.. هذا كلشي؟
حره... اي
مرتضى... متاكده
حره... اي
مرتضى... هاهيه رجع كتب...حره
حره... ها
كال... ثقي بيا
حره... اثق بيك
وراح ركضت رجعت الموبايل لمكانه
للعصر كعد اخويه سويتله جاي وطلع واني حاطه ايدي ع كلبي حسيت بخوف كلش جبير
خايفه اذا غلطت وخايفه افقد اخوي اني عشت وشفت حوادث بتر الايد اهون منها
ماعندي استعداد افقد عزيز بعد ابد رجعت فتحت الرياضيات وكعدت حاولت احل ابد مكدرت اركز كمت سبحت ومشطت وكعدت اقرا قران وادعي
مر هاليوم وصار الليل اتصل بمرتضى ماكو اي خبر اريد بس اسأله شسوا؟ سألت سالي اذا خطيبها خابرها
گالت... اي وگلي عندي شغل وغلق ومحجينا بليل غير 5 دقايق !!
حسيت بان اكو شي غلط لل 12 بليل اتصل وهو ماكو الكل نامو عدا اني گمت احس بضغط من التفكير وضيق بالتنفس
من اختنگ كلش ادخل للحمام ابجي واغسل واطلع
ضليت مگدرت انام ابد ومرتضى ميجاوب لحد ما صارت الـ 2 بليل وهنا بدا الخوف والايام الي جنت ممتوقعتها تجي اجت
ممدده بفراشي سمعت الباب اندكت فزيت كمت طلعت للهول فز مقدام كال
... بيش الساعه
كتله بخوف... ب 2
مقدام... ياالله.. وكام... منو اجه بهالوقت
راح ديفتح الباب طلعت وراه لزمته من ظهره كتله... صيح منو يلا تفتح
حضني كلي... شبيج خايفه
حره... لتفتح لاي احد
كال بصوت مسموع.. منووو
سمعت صوت عثمان كال... اني مقدام افتح بسرعه
فتح الباب... طب مصطفى اني واكفه ورا اخوي اطكطك باصابيعي مقدام كله... اكو شي؟
قلقتني مصطفى
مصطفى... اي اكو.. جر نفس وباوعلي
مقدام توه ديحجي كتله... خوفتوني لتكولولي روحي احجو كدامي اني قابل غريبه
مقدام... لا بسـ...
باوعت لعثمان كوا لازمه دموعي كتله... احجيلي كلبي حاسني اكو شي غلط
مقدام... اهدي حره ماكو شي عثمان احجي اختي مو غريبه
عثمان لزم مقدام من اكتافه كله... ضروري تطلع هسسه من بغداد
اني حطيت ايدي ع كلبي كله مقدام ... ليش عثمان!
عثمان... صديقي بلغني اكو حملة اعتقالات باجر واسمك وياهم
اني بجيت كتله... ياحمله شدتحجي ليش هو شمسوي ويعتقلوه
عثمان... ممسوي شي بس مجرد تحقيقات.. وباوع لمقدام بقلق
كتله... والله ضامين شي عليه احجو شبيكم
مقدام... عثمان اني مامسوي شي يردون يحققون ويتأكدون خلي يتأكدون ماعندي شي اضمه ليش حتى اخاف !
عثمان... لتعاند مقدام انت ماتعرف شي ابو مصعب انلزم وكل واحد تعامل وياه راح ينجر للدائره السوده
مقدام... بس اني حتى ماشفته شبيك عثمان
عثمان... بس تعاملت ويا مساعديه
مقدام حط ايده ع راسه كله... والله ماادري بشي شبيك
عثمان... اني ادري بس منو يقنع البقيه؟
الكل راح يتم اعتقالهم ويحققون وياهم واحتمال الي غدرو بيك بذاك التحقيق هالمره يصير نفس الشي ف انت تروح لبين ماتكمل التحقيقات وتثبت ماعليك شي ترجع
ترا ماتعرف تعذيب المكافحه شلونه
اني بجيت كتله... مقدام بشنو تورطت
حضني كال... لتخافين مامسوي شي اني
عثمان... اطلع منا هسه باي لحظه يعتقلون كل متهم بالمنطقه
مقدام... شمدريك انت
عثمان... صديقي كسار كلي يلا استعجل
مقدام... وخواتي شلون شلون اعوفهن
عثمان... خلي يروحن يم وحده من خالاتك مترهم يبقن وحدهن واني مااكدر اجي ابات هنا كلشي يصير
مقدام هز راسه كله... بامانتك
هز راسه عثمان طب مقدام يحضر غراضه رحت وراه كتله... مقدام شلون بيك
مقدام... لاتخافين صدكيني كلشي مامسوي شيصير بعد
حره... ابو مصعب منو بس لا ارهابي دخيلك ياربي
مقدام... لا لتخافين
حره... لعد اذا مو ارهابي شدخل المكافحه
سكت ع صوتي كعدت رتيل كالت
... شكو
شافت مقدام ركضت كالت... شكو شبيكم دخيل الرحمن
حره... اجه عثمان طلب من اخويه يطلع من بغداد لان حتصير حملة اعتقالات واحتمال يعتقلوه
رتيل... عزا... وباوعت لمقدام... يمه سودا بوجهي ولك شصاير
باس راسها كللها... لتخافين ماكو شي صدكيني ديري بالج على خواتي واني راح اكون بخير
جر الجنطه وطلع طلعنا وراه عثمان واكف برا كله... اوصلك
رتيل... فهمني عثمان
مقدام ... بعدين بس تأكدو اخوكم ماغلط بشي بس دربي كله عثرات وان شاء الله اتجاوز هالمرحله مثل غيرها ديرو بالكم على نفسكم...
يحجي والدمعه بطارف عينه كال
لرتيل... رتيل اوصيج بخواتي وانتي حره لتطلعين وحدج
لبس الحذاء كال... روحو يم خالتي نرجس وان شاء الله ماتطول هالمحنه مسح دمعته وكام
عثمان حط ايده ع كتفه كله... اني وياك
مقدام ابتسم كله... اخوي الماجابته امي
حضنا واحنا نبجي وطلع من البيت طلعت وراه اباوعلهم صعدو بالسياره الى ان اختفت والفرع ظلمه حسيت بوحشه
ضليت واكفه ابجي بهاليوم حسيت بمصيبه ووجع مثل اليوم الي فقدت بيه حياة
باوعت لبيتها واني ابجي كلت... حياة ادعيلي تعبت
اجت رتيل تركض وتبجي جبت مي وراهم كالت
... يارب رجعه بالسلامه
وحضنتني وفتنا لجوا كعدنا ع الدرج نبجي سألتني سولفتله شكال عثمان كالت
... يارب لطفك بهالولد والله ماشاف من عمره شي يارب تعبنا دخيلك
اذن الاذان كمنا نصلي ونبجي وندعي طلعت برا شفت ضوا اليوم الجديد سوت ريوك رتيل وكعدت الكل
كعدت يمها وبلكوه لازمه دموعي لتنزل كالت سالي
سالي... لعد وين مقدام؟
رتيل... لكه شغل زين وكال فرصه متتعوض فـ وصانا نروح يم خالتي نرجس لبين ميجي... وباوعتلي
ماما كالت... ليش هو شوكت يجي
رتيل... حسب مينتهي الشغل
اميره... ليش والمحل مو ديطلع منه خير
رتيل... هو راح علمود يجيب موبايلات احسن مدري شلون بس هو ينفعه
اميره... ها لعد شكو نروح
لنرجس نبقى هنا
رتيل... لا ماما كلشي يصير مترهم نبقى بدون مقدام
اميره... بكيفجن
حره... مكدرت اكل كمت رحت للغرفه فتحت موبايلي دااشوف مرتضى ملكيت لا مكالمه ولا مسج بجيت وحسيت سويت غلط جبير كلت بداخلي شسوا مرتضى ؟
معقوله غدر بيا وتورط اخويه؟
اني شلون امشي وراه يربي وحطيت ايدي ع راسي وكمت ابجي طبت سالي كالت
سالي... شكو حره
مسحت دموعي كتلها... ماكو شي
سالي... شبيجن ضايجات انتي ورتيل
حره... ولا شي
هي جرت نفس... حياة مو
سكتت كالت... الله يرحمها كافي لتضلين تبجين ويلا بدلي خنروح للمدرسه
حره... مااروح اني
سالي... ليش
حره... تعبانه
هزت راسها وكامت طلعت ملابسها اجت رتيل كالتلها... سالي ماما راح تاخذج اليوم
سالي.. لا حااشوف ختيبي
رتيل... هم طلعو سويه مااعتقد رجع هسه
سالي فكت حلكها كالت... لعد شو مكلي.. وباعتلي
اشرتلها ماادري لبست ومشطت شعرها وماما مبدله اخذت سالي كالت امي :-ديرن بالجن على مروه خاف اتاخر
رتيل... احنا من ترجع سالي نروح لبيت خالتي
اميره... مو مشكله اني اجي وراجن
حره... هزيت ايدي ودخلت للغرفه راحن ومروه نايمه ع التلفزيون واختي رتيل تقرا قران وتدعي
اتصل مرتضى كتله... ويينكك
مرتضى... توني طبيت لبيتنا
سديت الخط وطلعت شفت
باب بيتهم مفتوحه طبيت هو كاعد ع الدرج يلعب بالموبايل ومبين عيونه حمر ومانايم مثلي
طبيت ابجي كتله... والله انت واحد جذاب جذبت عليه شوف شصار راح بيها اخويه شسويت فهمني شسويت ابجي واصيح
كال.... اشش اهدي
حره... يا أهدا اخويه اليوم راح وكعدت بالكاع ابجي اجه گعد مقابيلي
مرتضى... مايصيرله شي صدكيني
حره... راح بيها اخويه راح
مرتضى... ليش هو مو بريئ؟
خزرته... طبعا بريئ شهالسؤال هذا
مرتضى... لعد ليش خايفه
حره... لان اخوي حياته كلها عثرات مايوم ارتاح انظلم هواي خايفه ينظلم اكثر
مرتضى... لا لتخافين ثقي بالعداله
حره... ياعداله دتحجي عنها مرتضى لو اكو عداله ماشفتني بهالحاله
سكت كال... كوني على ثقه اخوج اذا... وباوعلي وسكت كال... اذا بريئ يطلع منها صدگيني
باوعت بعيونه... ليش احسك مامتأكد من برائته... سكت گتله... احجي
مرتضى... اثق باخلاقه
بجيت دفعته كتله... وانت هم جذاب تجذب عليه وخر منا وكمت
جرني عليه كال... ماجذبت بشي
حره... بس كتلي مراح يتأذى اخوي
مرتضى... وهو هيج شفتيه انسجن؟ لا لعد ليش خايفه
حره... هسه يعني شنو هو باعتبار هارب
مرتضى... غلطانه هسه هو مامطلوب الا اذا ثبت عليه شي او احد جاب طاريه باثناء التحقيق
حره... بس اخوك...
مرتضى... ماعليج بيه اسمعي مني لزمني من اكتافي كلي... لتخلين مخاوفج تسيطر عليج
حره.. مرتضى دااحس اكو شي غلط... محجه شي كتله... البارحه وين جنت ليش متجاوب ع رسائلي انت واخوك
مرتضى... رحنا للحله من رجعنا عطلت السياره والمكان مابيه تغطيه تاخرت يلا صلحناها
حره... ابو مصعب انلزم تدري مو
مرتضى... كلي كسار
حره... شلون انلزم
مرتضى... ماادري
حره.. متاكد!
مرتضى... اي
حره... واخوك شمدريه
مرتضى... هو الكسار كاللنا
هزيت راسي كال... راح تبقون هنا
حره... لا رايحين لبيت خالتي
صفن بيا مد ايده مسحلي دموعي گال
:-كِل دمعه تنزل من عينج احسها رصاصه بنِص گلبي
حره... خايفه
مرتضى... اني يمج مد ايده يمسح خدي الثاني غمضت عيني كال :-وعيونج مابقى شي
ارتبكت هزيت راسي كتله... اروح للبيت رتيل تنتظرني
مرتضى... ديري بالج على روحي
باوعتله باستغراب لوحلي بيباي اني هم لوحتله ومشيت سديت الباب وراي ورجعت للبيت للظهر كالت ررتيل
... يلا حضري نروح لخالتي وطلعت جنطه كالت... كل وحده تحط تراكين
اني صدك طلعت تراكين الي ولسالي والاشياء الي نحتاجها وملابس المدرسه خليتهن بالهول وتذكرت رحت طلعت دفتر حياة بسته وبجيت جنت كل ماافتحه گلبي ينلجم حاولت مااقراه شكد مااكدر بس مگدرت
طلعت الصور داحطهن صاحتني رتيل كالت... شوفي مروه طلعت عود وصيتها
حطيت الدفاتر بالغرفه وركضت جبت مروه من الفرع لان رتيل تخاف تطلع وحدها
رجعت شفت رتيل حاطه كلادتها الذهب وكاعده بالهول تبجي كعدت يمها هاي الكلاده جابها اخوي الها كتله... خلص لتفاولين عليه
رتيل... حره اذا صارله شي اتخبل اني الي مصبرني شوفته كبالي حره مقدام اني ربيته مو اهلج
حره... ادري وربيتينا كلنا اني مااعتبر نفسي انحرمت من الام مثلج... باوعتلي كتلها... لان انتي صرتيلي ام بس انتي... سكتت
رتيل... اهم شي شوفتكم كدام عيوني تكبرون هذا اهم شي عندي حضنتني
سمعت صوت سياره ركضت برا شفتها سيارة عثمان نزلت منها سالي عثمان كال... اني اوصلكم لخالتكم
جابت الجنط رتيل واتصل موبايلها انطتنياهم نزل عثمان حطهم بالجنطه مال السياره
درت وجهي رتيل تخابر اجت كالت
... نروح لخالتي ام شذر زوجها مموجود والبنات يمها
احسن ناخذ راحتنا
هزيت راسي صعدت داصعد وراها شفت مرتضى واكف بالباب وجانت ملامحه جامده ابتسمتله هو ابتسم وضل يباوع صعدت السياره ومشت ضليت اباوع للبيت ولمرتضى الى ان اختفو من عيني
حطيت راسي ع الجامه وسالي منطلقه تسولف وتضحك والكل يجاملها اجاني مسج ع موبايلي فتحته شفته من مرتضى جان مكتوب
... ضلي بخير
ابتسمت لحد ماوصلنا لبيت خالتي استقبلونا احسن استقبال خالتي اصرت ع عثمان يبقى بس ماقبل وجان حيل تعبان فخلته يروح
ودعنا وراح
طبينا لمة بنات وسوالف وضحك شويه ارتاحيت تعشينا وكملنا وفرشنا كلنا بالاستقبال ننام اجاني مسج من مرتضى كاتب بيه
... الملامح الي بالدفتر ملامحج والعيون التشبه التوباز هم عيونج"
دزيتله... ليش هيج كاتب؟
جاوبني... لان كلما اشوفج گلبي يرف عليج علگتي براسي وبـ "جفن عيني"
من يوم الشفتج مامر يوم وليله مامريتي ببالي مابيوم كدرت انام ليله كامله
كل تفكيري بيج بكِلشي قصرت غير تفكيري بيج صرتي سر الليل الي محد يعرفه اعتقد الي خفت منه صار
گلبي حسيته حيطلع من مكانه كتله... شنو الصار
گال:- احبچ يـ "سِر ليلي"
ايدي كام ترجف من الفرح حطيت الموبايل ع گلبي وخجلت معرفت شاجاوب جريت نفس كمت اكتب واحذف ومعرفت شاجاوب الى ان تركت الموبايل
اجه ببالي اكتب بدفتره كمت داطلعه من الجنطه انصدمت
الدفتر مموجود
ولا دفتر حياة
ضليت ادور هو ماكو رتيل كالت... ها توته؟
كتلها... نسيت دفتر حياة والصور ودفتري... وجريت النفس بصعوبه
كالت... مو مشكله باجر امر اجيبهم
كعدت وسكتت كاعده بنت خالتي اسيل كالت
... شبيج مبين عليج مخنوكه
حره... ماادري كلبي انقبض فجاه
رتيل... اني هم والله
اسيل... يامي شكد نكديات
تفائلن بالخير ياعيني
رتيل... اوف ذكرتيني بامي هم لسه مااجت
اسيل كلتلها... خابرت امي تبات يم صديقتها
هزيت ايدي كتلهن... مو جديده
ضلينا نحجي شويه وحطيت الموبايل والرسايل يمي واباوعلها كلما اقرا كلامه احس گلبي يررفرف من الفرح غفيت شويه
شفت نفسي كاعده بحديقه بيت حياة وحياة حاطه راسها ع كتفي ونسولف ونضحك باوعتلي وانطتني السبحه وگالت
... اذكري الله بيها
اخذتها منها فتحت عيني ع صوت هوسه وصوت رتيل فزيت كتلها... رتيل شكو؟
جانت تخابر كالت... لتخبلني خاله شنو يعني بيتناا احتركك !
حره... شكو فهميني شبيج
لبست شالها وترجف كالت... يكولون بيتنا احترك تماس مدري شنو دخيلك ياعلي
خاله كالت... جايه وياجن وخابرت ابن اخو رجلها اجه اخذنا اني وخواتي وصلنا للبيت
جانو العالم مطفيه
بس الريحه تخنك
تخبلت من شفت
الناس ملتمه
والبيت بس الدخان يطلع منه... يتبع...
__________________
اسفه ع التأخير
كتبت البارت ثلاث مرات ونحذف خبلني والله😭💔
بس عاندته وكلت لو ينحذف مليار مره اعيد السرد وانشره
والحمدلله تم بعون الله
استغفرالله ع گولت مرتضى
رئيكم بالبارت
لتنسون التصويت والمتابعه
عاد عوضوني تعبي وعلقو وسوولي واهس مو اديه تكسرت
الي تجي وتكول البارت قصير اذبحها بالـ🪚🔪
لان كتبت 5000 كلمه ثلاث مرات وانحذف وهسه هاي هم 5000 كلمه😐
قراءه ممتعه🦋
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!