الحلــــــــقه الثالثـــــــه
رواية... هل كانَ حُلماً...؟
{العِراق-المُصغَر...عنـاق-الارواح}
بقلمي ... لؤلؤة_البِحار ...
___________________•
حره... من التعب والفره نمت دنيا ليل كعدت ع ضجه قويه وركض باوعت للشباك الضوه توه طالع كلت
دنيا الفجر
فجأه اندفر الباب طبو اثنين ملثمين وطب وياهم الولد الي جان يمي هم جروني اني صرخت اجه هو جرني ووجهه السلاح عليه
... اشششش ولا نفس... گالها وهو يباوع بعيوني
هزيت راسي وسكتت... مشى يتلفت بالغرفه باوع من الشباك وضلت عيونا تتفحص الاماكن البره
مگدرت اوگف وكعدت على رجليه وكعدت بالگاع
من الهبطه والخوف گمت بالگوه اسحب النفس رفعت راسي باوعتله
يباوع عليه ويرجع يباوع من الشباك
گال بشك
... متأكدين اكو حركه غريبه اشو العماره هدوء ومامبين بيها فد حركه مريبه للشك
الثاني جاوب ... كتلك حسيت بحركه قريبه من العماره ومستحيل احساسي يكذبني
... انزلو تفقدو العماره زين ولا تخلون ركن ماتدورو واي حركه او اي هجوم مباغت صوفرو ثلاث مرات خوش
.. خوش
جاوبو وفتحو باب الغرفه طلعو وسدوها وراهم
رفعت ايدي حطيتها على گلبي كلت بترجي.. يارب يجي احد ينقذني يارب تعبت من هالتفكير تعبت واني افكر بالجاي والينتظرني تعبت واني مااعرف شنو حيكون مصيري المجهول ويه هذول الانذال
تدنيت يم الحايط ومددت جسمي تعبان حيل ومابيه حتى اوگف
عيوني عليه خايفه ومرعوبه لحالنا بهالغرفه
واني بين اديه وتحت رحمته خفت حيل
عيونه تجول وتتفقد من الشباك وترجع عليه تتفقدني مثل التسرح بيه ثواني وترجع لوضعه الطبيعي
هالشي خوفني وزاد من دكات گلبي المتسارعه
شويه وطبو هذول الاثنين گالو
... دورنا زين ماكو شي الظاهر توهمنا لا اكثر
... المهم دورتو زين العماره امان هسه؟
.. اي اطمئن
گالوها وطلعو
عدلت گعدتي باوعت بعيونه بجيت
... الله يخليك طلعني منا اختنگت
... اششش ولا نفس ارجعي نامي
... الله يخلييييك... گلتها بدموع
... اهوووو عاد بلشت رحمة الله باوعيلي اذا ماتردين افرغ الشاجور براسج اسكتي وصيري حبابه خوش
حره... خوش...
حجيتها بخوف من شفته وجهه السلاح عليه
باوع عليه سحب نفس وطلع من الغرفه
نمت للصبح گعدت ضليت ابجي واضرب براسي بالحايط من الوجع
حسيت جسمي يأذيني لان سبح صارلي ايام مسابحه من اريد اروح للحمام يربط عيوني ولما نوصل يفتحهم
ادخل واغسل ومن اطلع
نفس الحاله
رغم الي صار بيا هذا كله مامنعني احاول انهزم منهم
گمت من اكعد بالغرفه افكر اكول حتى لو اكتل واحد اهم شي اطلع لان كلهم زمايل وراح يجي الوقت الي يقتلوني مثل ماقتلو صديقتي
بيوم گعدت بسبب الضوه مال شمس الي جايني من الشباك الغرفه خنگه وبس صوت المروحه يدوي بيها انهضت روحي بالگوه وگعدت
من كعدت حسيت بخنگه كمت ابجي بصوت عالي حسيت بشي خانگني ونايم ع گلبي
سمعت صوته گال :- رجعنا لدموع النسوان اهوو
حجاها وبدا يفتح بالباب اني من شفته حيدخل حطيت ايدي على بطني وكملت بجي هو شافني اجه يركض كعد يمي
كال :- شبيج؟
حره... بطني تاذيني راح اموت
گال :- ليش شأكلتي
حره... السم الجبتو عفيه اخذني اريد اروح للحمام
كال :- ماشي يلا گومي
گام وكمت وياه
طلعني من الغرفه اني حاطه ايدي ع بطني وابجي موتت روحي هو من شافني هيج ابجي انخبص وحتى عيوني مشدهم مثل كل مره
لما طلعت ضليت اباوع للمكان وابجي شفت البنايه الاني بيها
بيها طوابق واكو درج ننزل منه يبعد شوي عن الغرفه الي اني بيها
وبنهاية الممر هم اكو درج
مال صعده للطابق بيا طابق اني ماادري
گال ... يلا دخلي..
دخلت للحمامات هو مو حمام منفرد لا دمج حمام وتواليت
طبيت و قفلت الباب غسلت وجهي وضليت ادور على شي
كلشي مالكيت
الحمام كلشي مابيه لا موس لا شي
بس صابون وكلشي ماكو بعد
اختنكت روحي من الحر فتحت الدوش ووكفت تحته اني وملابسي لان هذول مو امان الجو حار حسيت راح اموت وخنگه
اني تحت الدوش واندفر الباب اني شهگت
كتله... ياحيوووان شلون تفوت ياناااقص
كال بصوت ناصي... دكيت الباب وانتي ماكو عبالي بيج شي
سكت شويه يباوعلي بعدين طبگ حاجبه واجه باتجاهي
كال... اشو انتي مستقويه احترمي نفسج واعرفي شلون تحجين ترا اامسح بيج الگاع
اني سكتت كال... على مايبدو صرتي زينه يلا كدامي
مشيت دااطلع هو لزمني من زندي وجرني يمه سد الدوش ورجع كال
... يلا كدامي
طلعنا من الحمام واني بعيوني اتفحص المكان الدرج الننزل منه مابيه احد بس فوك اسمع اصوات يحجون گلت بداخلي
هايه فرصه وهو مامطلع السلاح بس يجر بيا ملابسي مبلله مااكدر امشي براحتي
دانروح للغرفه نمشي هو باوعلي
وكال ... هاي شمسويه بنفسج انتي؟
... شفت المكان فارغ كتله... بس لحضه
وحطيت ايدي على كلبي وكعدت وكمت اجر بالنفس
گال... هاي انتي شبيج اليوم؟
كتله... مختنكه حاموت
نزل لمستواي گعد كال... شنو عندج ضغط؟
... اريد اتنفس راح اموت اختنگت
گال... لاتحاولين ماتبقين برا الغرفه
... عيني عليه وبالي يم الدرج گتله... عفيه طلعني منا
گال... انسي هالسالفه يلا كومي
دايجرني يوكفني ضليت گاعده كال :-راح اسحلج تره
... بس اسمعني
هو تلفت يباوع ماكو احد رجع كعد بمستواي كال
... احجي شتردين؟
حره... اذا طلعتني حانطيك فلوس
ضحك... الفلوس العندي تعيش عشيرتج
گتله... اسوي اي شي تريده بس طلعني عفيه
هو لزمني من وجهي گلي ... هذا اخر تنبيه الج اسكتي احسن ويلا كدامي
جرني عليه گمنا اني شفته مابيه مجال سويت نفسي دامشي هو لازم ايدي رجع باوعلي صفكته راجدي ايدي وجعتني من قوته
فوخت گلبي
هو بسرعه جرني عليه اني عضيته من كتفه قوي دفعته وركضت باتجاه الدرج نزلت درجتين هو لزمني حاولت ادفعه صفگني راجدي
بجيت واضرب بيه مادري منين اجتني هالقوه
هو بعد مارجع ضربني بس يحاول يلزمني و حاول يسحبني بس وگعت من الدرج بحيث كلشي مااشوف غير المحجر لزمت بيه وهم رجعت گمت واحس كتفي نخلع وعيوني غوشت
ركضت انزل هو ورايه باوع للدرج ببدايته اكو غرفه
وع جهة اليسار ممر ركضت منه انصدمت باثنين كدامي اجو دايلزموني رجعت درت وجهي داغير طريقي هو لزمني
اول ماشافني كفشني وباوعلي بخزره ضربني راجدي وهايه جانت نهاية نقطة تحملي
وكعت وهنا محسيت بشي بعد
گعدت باوعت اني بالغرفه نفسها تلفتت شفته كاعد يدخن اركيله الريحه كتلتني كمت اكحكح وهو يدخن وينفخ عليه
... حاموت اختنگت
... كلشي ميصير بيج
... حسيت كان واحد دايضربني بمطرقه على راسي كمت اباوع مكاني دم
اريد اكوم ما اكدر حسيتني تشنجت الى ان هم رجعت غفيت لما صحيت باوعت من الشباك ظلام يعني دنيا ليل لزمت راسي لگيته مضمد وايدي هم بس اليسرى مااكدر احركها
اسمع صوت المشعول مشعل يصيح ويكوللهم
مشعل... اني مو تكلمت معاكم واكدت حره تبقى بخير مو كلت ما اريد احد ياذيها شنو اني هنا طرطور
اتكلم ومحد يسمعني
انتم واعيين مع من تتعاملون او لا!
اسمعت صوت واحد كله... سيدي البنيه رعنه
الثاني رده... هي تبقى ضعيفه شبيدها تسوي بس عندك سامر الهادي هو طلعها ورادها تشرد بس من شافنا سوا روحـ
قبل ليكمل سمعت صوت هذا الي وياي گله... وانت شنو فد قندره حتى من اشوفك اسوي روحي مااقبل..؟
مشعل كله... سامر ابني اني سبق وان كتلك حره تبقى هنا وما تطلع الا بامر مني وبعدين كلها ايام وتنتهي هالمسأله كلها
و حياة قدمت افادتها باقي تسافر وانته اخذ حره وخلصوني
من هالمهزله
سامر ... واني گتلك اني ماضربتها هي وكعت من الدرج لانها رادت تشرد ومالحگت
مشعل كله... ع العموم هذا الموضوع مااريده يتكرر لو طلبت حياة صور بعد شاكوللها
اني ضليت مركزه بكلامهم وبداخلي اسوي يربي شسوت حياة شلون برشم شلون حيطلع منها
كلبي وجعني من القهر كمت ابجي شويه وهو دخل جايب اكل حطه كدامي وجر كرسي وگال
سامر ... يلا اكلي... حجاها بحده
... مجذبت خبر كعدت اكل كملت شاله وطلع شويه واجه جايبلي بطل مي انطانياه شربت منه
گعد يمي گال
سامر ... هاي اخر مره تسوين هيج لان ثاني مره راح استخدم سلاحي
... سكتت و بداخلي اكول جذاب كلشي ميسويلي
رجعت شربت مي وردت انام بس خفت هو ضل كاعد يمي يلعب بالموبايل
انتظرته يطلع حتى انام ماكو لزگ الى ان بعد ماتحملت غفيت فزيت هو نايم ع الكرسي
بسرعه گمت بهدوء كلت... ياالله الحگ اشرد تحركت ومشيت بهدوء
وصلت للباب فتحتها حسيته جرني وطبك الباب حيل وقفلها رجع طبگني ع الباب ولزمني من رگبتي ديخنگني بس مو بقوه كال
سامر ... هذا اخر تحذير الج لتخليني اجرم بيج... حجاها من بين اسنانه
صدك خفت دنيا ليل وعيونه حمر وتخوف كمت ابجي كتله
... اخر مره وخر عني
سامر ... لو عدتيها مره ثانيه راح اشمرج من فوك البنايه وبعد ماتتكسرين اشمرج للجلاب تاكل من لحمج
حره... ماشي... حجيتها بخوف
دفعني كال... ارجعي انطمري يلا
اني صدك رجعت لمكاني هو طلع وقفل الباب
ضليت ابجي واسولف وحدي خايفه ومرعوبه اترجى الله ينقذني منهم
ضليت ابجي بالساعات الى ان تعبت مددت ونمت
واني نايمه فزيت ع ضجه قويه وركض
بسرعه باوعت للشباك شفت هستوه الضوه بادي يعني الفجر شنو السالفه بين فتره وفتره بهيج وقت تصير حركه وركضه
ومثل كل مره هم انفتح الباب و طبو تفس الاثنين الملثمين و وياهم سامر و هم جروني
بس هايه المره جرتهم قويه وحسيتهم خايفين صرخت خايفه من توترهم اجه سامر جرني لزمني من زندي ووجهه السلاح عليه وكلي
... امشي
كمت ابجي طلعنا بسرعه واحد كدامنا وواحد ورانا واني وسامر بالنص شفت اثنين يباوعون من الباب وكانهم خايفين من احد
طلعنا لبرا شفت سيارتين وحده شخطت كدامنا هو كال
سامر ... اصعدي
اني خفت كلت حيكتلوني گمت اصرخ هو دفعني ع السياره مطبيت سمعت اصوات رصاص هو ركض دفعني رجعني لجوه وقفلو البوب واحد رجع كال
... راح يلزمونا كتلوها
هو گللهم... شدتسوون يااغبياء
گلوله... هيج الاوامر كتلوها وخلي نطفر
سامر دفعه كله... ياحمار دينطيك الاوامر اسحله من ياخته لجهنم
الولد كله... مااتحمل مسؤوليه اني
هو كللهم.. عوفوها اني اريدها يلا لحكو وتوزعو صعدو من البنايه
اني هذا كله وممستوعبه شي هو جرني دانصعد الدرج ضل يكفر باوع عليهم وگللهم
سامر ... بلغو الگواو...د
سمعت صوت عالي يگول :-شرطه المكان محاصر سلمو نفسكم
اني سمعت شرطه لو كلبي رفرف كمت اجر بروح واصرخ :- ساعدووووني
هو صفكني راجدي وجرني حيل
گال :- امشيييي
ووجهه سلاحه عليه
صعدت خطوتين هايه المسافه بين الدرج جان بيها شباك عالي باوعت مثل الدتغورب طلع دنيا المغرب واني عبالي ليل
روحي ترفرف يم الاضويه مال سياراتهم گمت اصرخ... ساعدووووني ساعدوووني
هو جرني وهم سمعت تنبية ان المكان محاصر ولازم يسلمون نفسهم ويسلموني وياهم
جريت روحي دفعته وركضت دانزل هو ركض وراي كلي
سامر ... تعااي...****** وهم كفر
ويه مدا يلزمني اندفعت الباب بقوه هنا حسيت انضربت بقوه على راسي ووگعت
بقيت بين الواعيه والفاقده
الى ان صحيت بس فتحت عيوني مغوشه واحس بثگل براسي
سمعت صوت مقدام
ورجعت غفيت
صحيت بالمستشفى ع صوت الدكتور يحجي سمعته يكول
:- عندها رضوض بالاضلاع
وسمعت رتيل تحجي
فرحت حيل
فتحت عيني اباوع الشباك دنيا الصبح هاي شصار وياي اني وين؟
اول مافزيت گمت ابجي بصوت عالي ماتوقعت اطلع جان بيني وبين الموت شعره وخلصت بسرعه
باوعت شفت ماما ورتيل اجني رتيل تبجي حضنتني ورادت تهديني واسمع ماما تبجي بس ماعرف شصار بيا اجت ممرضه ضربتني ابره بالكانولا شويه هديت ورجعت غفيت
فزيت على صوت باوعت شفت كل اخواني ملتمين يمي وامي هم
كلهم سلمو عليه باوعت لسالي كلش ضعفانه وجوا عيونها سود
مقدام... لتخافين احنا يمج
هزيت براسي انتبهت حياة ماكو ماهي
دااسأل عليها انفتح الباب وطبت سلمت على اهلي ورتيل واجتني
مقدام گاعد يمي هي اجت كلتله
حياة... شلونك مقدام...
باوعلها وسكت مجاوب وخر وهي اجت حضنتني وتبجي گالت... اسفه بسببي عشتي هذا كله
حره... لتحجين هيج اني بخير
بيبي اجت بوستني وسمعت صوت رشم يحجي ويا اخويه يگوله
رشم... ها مقدام صحت؟
درت وجهي عليها كتلها... شنو رشم طلع؟
هي اشرتلي بمعني اي ومبتسمه ... الحمد لله يارب شلون؟
حياة... احجيلج كلشي بس طيبي بالاول
حره... دااحس الم قوي من اتنفس
ماما كالت... اي لان عندج رضوض بالاضلاع بس لتخافين الدكتور گال تتشافين
حره... طب رشم گال
رشم... بس من رخصتكم وخرو عنها
باوعتله شكله ضعفاان حيل وعيوونه حمر ووجهه اصفر اول مشفته تذكرت سمسم
بجيت وحياة لازمه ايدي وتبجي
گال :- الحمد لله ع السلامه شلون صرتي
حره... احسن
رشم... تكدرين ناخذ اقوالج؟
حره... راسي ياذيني ممركزه بشي
رشم... مو مشكله من تحسين نفسج تمام تنطينياها
گالها وترخص وصاح حياة راحت وياه برا يحجون اجه يمي مقدام گعد جريت ايده لزمتها وغفيت انسطرت سطر يمكن من العلاج وهم لان اهلي يمي راح الخوف مني وحسيت كلشي صار احسن
فتحت عيوني على صوت ماما وبيبي يحجون يم راسي
ضليت مفتحه عيوني واحاول استوعب كلشي صار وبداخلي اشكر ربي لان طلعت من كل هذا عايشه
ماما اجت يمي گالت... ماما شلون صرتي
... تمام... حجيتها بتعب..
گالت... لازم تاكلين ميصير
تبقين هيج
... مااشتهي... هسه شنو وبيش الساعه؟
مجاوبت راحت جابت الاكل طابخي من البيت شميته عرفته طبخ رتيل شكد احبه بس مااشتهي و احس وجع براسي
گالت... دنيا الظهر وساعه بالوحده يلا اكعدي اكلي شويه
... مااريد .. حجيتها ودرت وجهي
سكتت وضلن يباوعلي هي وبيبي بهيه ومقابلات عليه
لان رفضت اكل
شويه ودخلت حياة ورتيل للردهه شافتني رتيل ضحكت وحياة بيدها علاليك انطتهن لبيبي گالت
حياة... هايه جبنا عصاير
رتيل... كلنا مماكلين منتظريج تصحين حتى ع الواهس
حره... ما اشتهي
حياة... مو بكيفج... حجتها وصعدت ع السرير گعدت وعدلت المخاديد ورايه
ورتيل حطت الاكل وهم كعدت يمها وكامن يسون لفات وينطني اكلت ع واهسهن مردت افشلهن
شويه و كملنا
رتيل انطتني عصير كالت
رتيل... لازم تشربين عوضي الدم
اخذته منها داشرب شويه واجت الممرضه كالت للنساء الي بالردهه
... الولد حيدخلون اخذو بالكم
لان جانن محجبات وسادات الباب حتى ياخذن راحتهن شويه ودخلو رشم ومقدام
سلمو عليه رديت السلام
مقدام اجه يمي
مقدام... حره يردون يحققون وياج تكدرين؟
حره... تمام
رشم... بالاول شوفي هذول الصور واي واحد تعرفيه كوليلي عليه
اخذ مقدام الموبايل منه وشوفني اول اثنين معرفتهم بس الثالث عرفته هو نفسه الحبسني
والضربني گتله
... هذا اعرفه
رشم... منو؟
مقدام اخذ الموبايل شوفه الصوره هو تقرب كال :- هذا الكلب سامر الهادي
كتله... اي هذا الضربني
حياة... بلا اشوفه!
رشم شوفهيا كالت... مشفته بيوم الخطف؟
حره...اجه وراج وهو الجان
حابسني
رشم... زين والبقيه ماشفتيهم؟
حياة... اني كلتلك رشم كلهم جانو ملثمين عدا الكلاب الثلاثه
رشم... بس حره بقت ايام هناك اكيد شافت بعد
حره... اي شفت بس مو هذول
رشم... تمام بعد شوي راح يجون ويحققون وياج وياخذون اقوالج احجي كلشي بدون خوف كلهم اصدقائي
حره... تمام
خله و طلع وصاح مقدام
باوعت لرتيل كتلها :-سالي و مروه وين مشتاقتلهم
رتيل... ضلو يم خالتي نرجس سالي من شافتج خافت ونزل سكرها
حره... سوده عليه رتيل اختنكت اريد اطلع
ماما كالت... خلي يجي الدكتور ويجييك وضعج واذا كال
اطلعو نطلع
حره... خنكه اريد اطلع
حياة... نتمشى بالممر اكو هنا بلكونه؟
حره... اي ياريت
رتيل... مو هسه لان حيجون الجماعه
... انتظرنا ورا شوي اجو بالبدايه سألوني
... لما طلعتي من البيت شنو السبب وليش وحدكم وكنتو ناوين تنهزمون؟
حجيتلهم كلشي بالتفصيل وحجيتلهم على سامر الهادي وشلون ضربني جان مقدام واكف ورشم هم
والي يحقق ويايه كل شوي يسأل ويعيد
... ردتو تنهزمون
ماما كالتله... لا
هو كللها... لو سمحتي خليها هي تحجي
واني ضليت ااكدله انو طلعنا شفنا رشم وبعدها ام سمرا وهم كلتله
اكو طفل شافنا وابسط الامور حجيتها بعدها سالني ع الرجال
السايق
كتله... اني لما شفته غير الطريق وخفنا ولما كلناله نزلنا فهمت اللعبه لهالسبب دورت الستيرن قبل ليطلع السلاح ويقتلنا
ضل يحقق هوايه وبعدها حجه ويا رشم ودايطلعون برا الردهه واسمعه يكول لرشم
... كلشي لصالحكم
والثاني يكول لرشم... واخيرا انسحب البساط الاحمر من تحت رجل مشعل واجه يومه الاخير
هو كاللهم... الحمد لله
وابتعدو مقدام ضل يمي شويه واجه رشم كال
:- شوكت تطلعون؟
ماما كالتله... كالو انتظرو الدكتور الا يجي يلا نطلعها
رشم... تمام
مقدام كال لرشم... سامر الهاديــ قبل ليكمل
كله رشم... كسرناله عظامه ولا يهمك وداعتك اطلع حق البنات من عيونهم
باوعت لمقدام ارتاح شوي ضلينا منتظرين الدكتور
لليل اجه فحصني وگال
:- تبقين لباجر اريد اتاكد ان ميصير عندج نزيف وبعدها تكدرين تطلعين
خله وراح ماما كالت لرتيل... روحي اني ابقى
رتيل...لا اني ابقى انتي روحي
ضلت ماما تكولها انتي روحي وهي تكولها روحي انتي تالي اجه مقدام كال
:- اني راح ابقى روحن انتن
رتيل... خلص اني ومقدام نبقى وانتو روحو
حياة... لا اني ما اعوف حره اضل هنا
ضلو بينهم يتناقشون اخر شي صفو ماما وبيبي يرحون وصدك راحو وضلينا نحنا بالمستشفى الردهه مال نساء ميقبلون
رجال يدخلوها خصوصا
بالليل
بحيث خطيه انشلع گلبه كلما يجي يطردوه وباله يمنا تالي نام ع البلكونه بالجهه الثانيه احنا جنا طابق ثاني
ضليت الليل كله اون من اتنفس اتوجع اكو وجع بصدري ايدي هم تاذيني لان بيها خلع وراسي متت ضليت بس ع المسكنات والبنات حايرات بيا
اجو حطولي مغذي شويه هدئت
سألت حياة :-فهميني شصار والله مااتحمل
هي كاعده يمي ورتيل ع السرير البصفي كالت
حياة... باعي ربنا يريد يكشفهم
كتلها... اي
حياة... لهالسبب ارتكبو اخطاء متنعد وكلها انلزمت عليهم
حره... شلون يعني؟
حياة... تتذكرين الولد الي احتمينا بيه بيوم الخطف؟
حره... اي اتذكره
حياة... هذا الرجال راح اشتكى وبلغ عن هالحادث واكو واحد من نفس منطقته ايده لهالسبب بدو يدورون عن الخاطفين والمخطوفين
حسب الوصف
حره... زين بس اني مو فاهمه شي شلون لكيتوني شلون طلع رشم مشعل وين...؟
حياة... هسه افهمج هذول الاغبياء الدزهم ويايه مشعل وصاهم يرجعوني للبيت بس هم خافو يرجعوني للبيت خاف يكونون هناك سيطره او شرطه فـ شمروني من السياره بمنطقه قريبه منا واني رجعت للبيت
حره... عزا بالليل
حياة... اي
حره... كملي
حياة... لما رجعت... قطعت كلامها باوعت لرتيل ونزلت راسها
رتيل كالت... رزلتها لان طلعتن بدون علمنا غير متنا خوف ولما مارجعتن اتاكدنا بيجن شي بس ماكدرنا نشتكي لان مامر ٢٤ ساعه ع الاختفاء
حره... رتيل احنا شمدرينا حيصير هيج
كالت... المفروض تكولن النا السويتنا خطأ
حياة... هو صح نحنا غلطنا
بس تعاقبنا
حره.. اي كملي شلون شسويتي
بعدها؟
حياة... بعدها رحت لرشم حجيتله كلشي
حره... شلون وانتي مو مراقبه؟
حياة... صح جانو مراقبين بيتنا بس هم ميدرون كلشي عنا
حره... شنو يعني؟
حياة...لج هم ميدرون بالسياج الفاصل بين بيتنا ف اني عبرت على بيتكم ووصيت انوار تجي لبيتكم لابسه بوشيه وعباء هي وزوجها هو وصلها وراح
واني بدوري لبست البوشيه ورحت ومحد انتبه لان اساسا بيتنا محد دخله وهم كل تركيزهم على بيتنا
حره... شلون ماشكو
رتيل... اني معروفه خياطه وهوايه نساء تجيني مو معقوله كل وحده تجي يشكون بيها وهم هي اخذت وياها علاكة ملابس حتى ميشكون
حره... حلو
حباة... اي رحت لرشم وكلتله وبوقتها كلي سوي الي كلولج عليه مااريد تتاذن ابد
ووصاني ابتعد لان هذا الكلب مراح يعوفنا بس اني رحت وطلبت مساعدة العميد
حره... منو هذا؟
حياة... هذا الي ساعدنا بالمركز ابوه عميد وجان جاي يزور رشم لما شافني ابجي سألني وحجيتله كلشي وهو صدكني
وكال... حقج اخذه من هالشارب
حره... اي وشسوا
حياة... نبهني ما اتصرف اي تصرف بدون علمهم وكلي هو حيدزلنا خبر وانطاني رقم جديد اتواصل ويا الشرطه منه
وكال نفذي طلبهم وعادي انطي افادتج مثل ما وصوج لما نثبت حره وانتي نخطفتو كلها مراح تفيدهم
كتله تمام اذا هيج
حره... والله صارت لخه
حياة... اي اوف
حره... كملي
حياة... هو بوقتها بليل خابر كال اكو واحد مقدم شكوى بمركز المنطقه الي انخطفتو بيها وهالشي من صالحكم
حره... الله يوفقه لهالرجال
حياة... بوقتها شايفين رقم السياره الي اخذتنا وضالين يدورون عليها
حره... ومنها لكوني؟
حياة... اي
حره... هي تحجي واني نعست بعد مكدرت ف غفيت بس خطيه البنات ضلن كاعدات للصبح
الصبح اجه الدكتور واخيرا سمحلي اطلع وصدك اخذنا تكسي ورجعنا للبيت
وصلت للبيت تلكوني خالاتي وسالي ومروه كلهم استقبلوني وحياة ورتيل مفاررقني ابد
بس لاحظت مقدام ميحجي ويا حياة
رحنا گعدنا فسالتها... ليش ميحجي وياج مقدام؟
حياة... لان طلعنا بدون منكوللهم وخليناهم بهيج موقف
حره... بس رجعنا سالمين
حياة... طلعنا من حلگ الموت بصعوبه..
حره... الحمد لله البارحه غفيت ماكملتيلي
حياة... الملخص الكلب مشعل وابن اخوه واولاده الاثنين حتى الزعطوط بالسجن
وعليهم ادله لا تعد ولا تحصى
حره... بس شلون مفاهمه شي
حياة...انتي تطمني هذا اهم شي خلي تخف الهوسه ونكعد نسولف معدنا شي
كتلها... تمام
صدك ضيوف رايحه راجعه وهوسه وخالاتي وبناتهن يمنا للعصر كلش اختنكت كلت لرتيل
:- خنطلع للمحل اشتري واجي
رتيل... لا امقدام ميقبل ورشم هم حذرنا
حره...بس ليش؟
رتيل... للسلامه
حره... مختنكه عفيه
ويه كلامي طلع مقدام من الغرفه كال
مقدام :- انتي ماتوبين
حياة... لا...گالتها وهي تبتسم
هو ابتسم كال :- والله بيجن كتله وكفتن كلوبنا
سالي... اي والله صار بيا سكر من وراجن
رتيل... يلا الحمد لله طلعت منها بسلامه
حره... هسه دطلعوني اتمشى
حياة :- ادري هي باريس وتتمشين بيها
عود داتقلد عليه
اني ضحكت
مقدام كال :- يلا اني اخذج كسرتي كلبي
اني صدك لزمت حياة من جهه وامقدام من جهه وامشي وسالي ورانا تكول لمقدام
سالي :- شتشتريلها تشتريلي خوش
هو ضحك كال... اوك
طلعنا ابو المحل كلش قريب من بيتنا تمشينا اشترينا جبس ونساتل وككويات
من دانرجع طلع كدامي مرتضى
كال
مرتضى :- الحمد لله ع السلامه
حره... الله يسلمك...گلتها بس گلبي كام يخفق احس صوته مالوف وسامعته بس تاهت عليه
مقدام... هلا مرتضى لعد اخوك وينه ماشفته
مرتضى... اجه من الشغل بس نام مدري داح
اجه وراه اخوه كله ... هاا سمعتك
هو ضحك...من اجه علينا سالي صارت ورا مقدام وتباوعله باستغراب
حياة كالت
حياة... يلا خلي ندخل..
رحنا دخلنا للبيت ومقدام عينه علينا من دخلنا رجع يحجي ويا مصطفى
سالي اول ماطبت كالت
:- والله انتن ماتتعاندن دا اكوللجن هذا الرجال سامعه صوته متاكده هو الدخل علينا ذاك اليوم
ماما كلتلها ... ماما سالي داتتوهمين يعني رجال بسيط شعنده يجي لهنا والثاني احدب والجنسيه والهويه شفناها بعد شكو
سالي... يمه صوته سامعته ليش متفهمون
رتيل گلتلها... سالي لتخافين صدكيني لو ضام شي راح ينكشف بس يعني انتي فكري بيها لو هو فعلا الدخل للبيت شعنده جاي لهنا ومشتري بيت زين واخوه الاحدب
متحسين هالشي مو معقول؟
سالي... ماادري بس حسيتني سامعه صوته
حره... اني هم حسيت سامعه صوت مرتضى بس هالشي مستحيل قابل مرتضى دخل لبيتنا
سالي... ما هو هذا المحيرني معقوله اني متوهمه!
كتلها... ماادري
مر اليوم عادي وصار الليل وهم سألت حياة... شلون نكشف مشعل.؟
حياة... العميد انطاني تسجيل اسجل الهم وسوينا خطه حتى ميشكون
حره... شنو؟
حياة... بعد ما قدمت افادتي واستلموني تحقيقات خابرت مشعل گتله... ضروري نحجي عن هالقضيه لانتورط الخوف عمى عيونه ووافق گتله وين نلتقي؟
حددلي مكان گتله تمام سديت الخط ورجعت خابرت العميد من الخط الثاني وبلغته بكلشي وبدينا بالخطه اخذت المسجل ويايه
وع اساس طلعت من البيت بشكل اعتيادي
واخذت سياره تكسي وهالسياره التكسي هو ضابط بس بلبس مدني وكل هالشي كان متفق عليه
بعدها سوينا الجزء الثاني من الخطه وهو ان لما وصلنا لمنطقه معينه هم حددوها وگفت التكسي وع الاساس ان صار بيها عطل والولد يحاول يصلحها وع هالاساس خابرت مشعل وكتله يجي للمكان الوكفت بيه السياره
بالبدايه هو مقبل كلي:-راح ادزلج سياره تجين وياها
هنا اني مقبلت كتله ليش مصر تريدني اجي لهناك يمكن تريد تكتلني شمدريني!
تعاندنا اخر شي كتله اني باقيه هنا تريد تجي تعال متريد انت الخسران بالنهايه انت الراح تنكشف بسبب ابنك وابن اخوك هو خاف كال ... جاي بس دخلي بالبنايه ال****كتله تمام
ولما اجو بديت اسألهم مثل ماعلموني وگتلهم... ترا المحقق الحقق ويايه شاك بيا وبأني جذابه لهالسبب استمر التحقيق لفتره طويله
فمشعل كال... وليش يشك حجيتي شي غلط؟
كلتله... لا بس ارتبكت
كال ... من شنو؟
كتله... انتو كلتولي كولي رشم طعن سمرا؟
كال... اي
حياة... بس سمره جانت مضروبه رصاصه
هذا ابنه الخنيثه كال... لا وين مطعونه وين لكيتيها مضروبه رصاصه
كلتله... بس اني شفت كتفها ينزف
ابن عمها كال... اي مطعونه
كتلهم... متاكدين لخاطر الله خاف نبتلي
كال... اي متاكد اني بيدي طعنتها
كتله... خاف شارب شي
مشعل كله... خوما جنت شارب شي؟
كله... اي اخذت حبوب بس اني متاكد من كلامي
گتلهم... لعد ليش المحقق هيج كلي شنو ديجذب حتى احجي؟
ابن عمها كال... شكلج؟
گتله... يگول هي ماماتت بسبب السجينه ماتت بسبب الرصاصه ليش تكولين رشم طعنها الى ان ماتت
مشعل كال... ايا كواويد هذا المحقق ويا رشم والباشا لو مقدم قاسم هو الحقق واخذ اقوالج جان احنا بخير
كتلهم... متاكدين
هذا ابنه الصغير نبز كال... اي متاكدين وحتى بالكاميرا
ديكمل كلامه بس ذاك ندسه وكلي
:- اي متاكدين كولي الي كنالج عليه وبس
كتله تمام يلا خلي ارجع للبيت طلعت وهم وراي بهالاثناء القو القبض عليهم لان كلشي تسجل وجنت فاتحه خط وبنفس الوقت دزو قوه لمكانج
همه عرفو مكانج قبلها بيوم بس رادو يعتقلون مشعل يلا حتى ميصير خطأ
حره... الحمد لله الله عماهم وخلاهم يرتكبون اخطاء كارثه
حياة...اي والله وضيفي لكل هذا البصمات الي ع السجينه مو لرشم واكيد حتطلع لواحد منهم
لما اجو للمكان الي بيه السياره وداهمو ملكوج بس الولد الي لكوه اعترف على مكانج
حره حييييل كل هذا صاير واني يمهم شكم يوم ضليت يمهم؟
حياة... اسبوعين.. گالتها ونزلت راسها.. كله بسببي اسفه عرضتج لهيج موقف
حره... اششش خلصنا الحمدلله عدت على سلامات واليجره عليج يجري عليه لتنسين احنا توؤم مشترك
حجيتها بابتسامه
لثاني يوم الصبح اجه مقدام كال
:- هذا الكلب سامر الهادي يكوللهم اني لا خطفتها ولا شي اني وياها نحب بعض واتفقنا ننهزم وحياة ساعدتنا
سالي... لك هيج ضربو فلشو وجه لهالكلب
مقدام... هم ممقصرين بس هو مصر ماخطفها
حياة... ميفيده النكران بعد
ضليت مدده والبنات يمي شويه وگامن يصبن غده
تغدينه وگعدنه نشرب جاي ونسولف ونضحك
فرحانه ان كلشي تم على خير والمجرمين الي قتلو سمسم راح ينالوت جزائهم و يتعاقبون
للعصر اجو مرتضى ومصطفى طبعا مصطفى بهالفتره صادق مقدام صار حاله من حال عمران
شلون ماادريء
بس كلما يحجي هم سويه ومقدام وياه
تفاجئت شبسرعه هيج تصادقو ومقدام يمدح بيه يكول
... وكف ويايه وساعدني بفترة خطفج لان هو محامي دارس قانون و يعرف ضباط
ماما استقبلتهم لسانها حلو
واني كاعده سلمت عليهم رتيل وحياة دخلن للغرفه وسالي ع كعدتها هم سلمت عليهم
مصطفى كال... ها شلونج شلون صرتي
سالي بسرعه جاوبته... بخير صارت بخير
هو باوعلها مستغرب كللها... الحمد لله
هي ركزت بنظرها عليه كلتله... الي خطف اختي انسحل ومسحو بوجهه الكاع وهذا مصير كل واحد يستقوى علينا ويحاول يستغلنا وياذينا او يضحك علينا
حجتها ومركزه عليه
وهو يرفع بحواجبه ويبتسم ويكوللها :- والله كفو
سالي... اي خلي كل واحد ناوي ياذينا ياخذ حذره ويتعظ
هو ابتسم كللها... اكيد ماشاء الله لبوات محد يكدر ياذيجن
مقدام ابتسم ويخزر بسالي هي كامت جابت عصاير وكيك ودخلت بالغرفه يم رتيل وحياة
ضلو يحجون سوه وماما وبيبي بهيه يمنا مرتضى حجه
... حره الحمد لله رجعتي عبالي طرتي بالجنه
اني ابتسمت كال... بس كلش فرحت وفتح اصابيعه ويعدد الجيران الي فرحو ويانا
عمران فرح
ابو علي فرح
ابو وسام فرح
ضاوي الاخرس فرح
ابو غدير فرح
اخويه فرح
وكلنا فرحنا وضحك
اضحكنا ضلو يسولفون شويه وترخصو وراحو
لليل اتفقنا نروح للنجف نزور سمسم بالاول مقدام مقبل بعدين رشم خابره كله
... اني راح اروح واخذكم ويايه كلناله تمام
لثاني يوم الصبح محضرين دانروح اني صح تعبانه بس مخنوكه بس اريد اطلع وحيل فرحت لما سمعت حازور سمسم
اندكت الباب دگه قويه
طلع مقدام ديفتحها
طلعت وگفت بباب الهول
اشوفه منة
فتحها مقدام
باوعت شرطه باوع لمقدام وگالو
... اسمك مقدام شعلان؟
.. اي نعم اني تفضلو
... تفضل ويانه عالمركز
... ليش شكو
... بالمركز تعرف
اخذو... نهاية البارت...
يتبع.....
اسفه تأخرت عليكم فراشاتي
قراءه ممتعه...
لتنسون التصويت والمتابعه
انطوني ارائكم وتوقعاتكم للقصه ♡
Nawras...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!