رواية حليب اسود الفصل الرابع والعشرون 24 - بقلم الكاتبة شمس السعدي

هلا وغلا حبايب 🌹
اعتذر عن التأخير واذا لحگت انزللكم بارت مفاجئ
///// البارت الرابع والعشـرون /////
#حلـــيـب_أســـود
#الكــاتبة_شـمــس

اجو اولاد قيـس واخته ام هدى هم .. وتعجبت من شفت نجلاء وياهم ..
بس كأنه مجبورة .. حتى ماسلمت بس گالت تتربى بعزكم وراحت للصالـة ..
وفاء جايبه المسرة تميمـة ذهب وام هدى جايبتلها تراجي والبقية انطو فلوس ..

اجو وقت عشا وقيس طلب من برة .. ماما كنت تريد تقوم بواجبـهم ولان جايين من مكان بعيد ..

بس اجت ضايجـة ومقهوره .. گعدت وخلت اديها ع خدها
حور .. ماما شبيج ?
ماما .. لا ياامي مابيه بس احس روحي مامرتاحة وعيب خليني ارجع البيتي ..
حور .. صدگ تحجين ماما همه باجر رايحين امي منو الي وبعدنـي حتى الازرارات مفاتحتهـن…

بقت حابسـة نفسـها يمي خطيه ..
وماتقبل تگول شبيهـا ..

راحت ماما تصلـي المغرب ..
اريد اگوم للمغاسل ..
شفت واحد دخل للغرفـة ..
خلينـي اشوف اختـي .. هاي اذا صدگ اختـي ..
شگرة وحلوه توقعت هالشي ..

حور .. انت شتقصد مااسمحلك ..
امجد .. اياج ترفعين صوتج عليه .. ادمرج وربي . لايغرج شباب ابوي بس كلنا نعرف عمره مو بهالسهوله يصير عنده .. وفوگاها الطفله حلوه واني كلنا حنطاويين ياترى بنت منو ??
حور .. طالعه عليه ..
امجد .. هههههه اضحكي على غيري .. دخلت وراه نجلاء تضحك وفرحانه بكلام اخوها ..

حور .. گمت اصيح وفاء وفاء . قيس ماهو صارت روحي بوفاء اريد احد ينقذنـي منهم ..
اجت تركض شافتهم انصدمت ..
وفاء .. اطلعـوا عنها خلوها ترتاح ..

مااتحملت مختنگة گمت ابجي وكاتمة بجيتي اجت يمي ..
اشششش حور شبيج شگالولج .
حور .. اتصوري يتهموني ببنتي مو بنته القيس شايفه هيج بشر .
وفاء .. حور معليج منهم .. الاهم بابا يعرفج شنو انتي. عفيه لاتگليله خطيه مانريد تنكسر فرحته ..
واحنه باجر الصبح رايحين ..
حور .. الى متى وفاء هذا عمر يبقون هيج يجاربونـي .

دخل قيس شافنـي ابجي استغرب ..
شبيج حور منو وياج ?

مسحت دموعـي .. مابيه حبيبي بس كنت متضايقه شويه وفاء .. ماكو شي بابا هذا يسموه اكتئآب مابعد الولادة المرة تختنگ وتبجي وقت المغرب ..

طلعت وتركتنا ..
قيس .. حور متأكدة ماكو شي .
حور .. شبيك قيس والله ماكو اي شي .

قيس .. يله حبيبتي ارتاحي وراح اخلي وفاء تجيبلج العشا حور .. ياليت اني وماما لان مااعرف اكل وحدي وماما تستحي ..

شويه وجابت العشا وفاء . وام هدى اجت گعدت يم ماما وگالت وفاء عمه جيبيلي عشاي هنا وي ام زياد مااحب گعدت الميز ..
حسيت بيها مارادت تكسر بماما وتخليها وحدها . او كأنه تريد تجبر خاطرها ..

تعشينا وكملنا والبنات نضفن ورتبن البيت ..
بس اولادي مشفتهم ابد .
وكلمـا اسأل عليهم يگلولي فوگ بغرفتهم ..

هالمرة ماجيبين اولادهم وياهم حتى اوصي احد يصيحهم باقين يم مرت امجد لان ماجايه ..

ماصدگت شفت قيس .. عفيه قيس صحيلي صفاوي اريده .
صاح مصطفى مصطفى تعال بابا امك تريدك ..

اجه گعدت يمي .. شبيك ماما ليش اليوم كله بغرفتكم .
صفاوي .. ها لا ماما مو عمو امجد مايقبل يگول اذا نزلتوا لجوه اذبحكم. مااريد اشوف وجهكم ..

تخبلت من شفت ابنـي خايف .. دايما اسكت عن حقي ومااحجي حتى مااخرب علاقـة قيس بأبنـة ..
بس اولادي خط احمر .. حتى لو قيس يأذيهم ماابقى وياه دقيقـة ..

بعد ماهدئ الوضع والكل راح الغرفتـة ونام ..
اجـة قيس بوس مسرة وبوسني يريد ينام ..
قيس .. حور ماتخليني اشيلج واصعدج للغرفـة ترة اشتاقيت
حور .. ههههه يمعود عمليه شترد تسوي بيه ..
قيس .. والله مااسوي هيج بس اخليج بحظني ..
حور .. لا مااثق بيك بهاي السالفه .. مو قبل كنت حامل وهم تگلي مااتقرب وتالي الگي روحي شهيدة جواك ..
قيس .. ههههههه اويلي شيصبرنـي ..

حور .. قيس خلينا نروح للاستقبال عندي شغله وياك .
لان ماما راح تجي تنام ..

سندنـي بإيديه . ومشينا للاستقبال وهو ساندنـي ..
گعدنـي وسد الباب واجة يمي ..
قيس .. اكو شي حور من مساع ماعاجبتنـي ..
حور .. قيس تدري بيه شگد احبك ومااريد شي ضوجك .
حتى اذا تأذيت اسكت ومااحجي .
بس من توصل السالفـة الاولادي مااقبل .. انت وعدتني تحمي اولادي ومايمسهم شي ..
قيس .. ولسـا عند وعدي اولادج حالهم من حال مسرة بگلبي منو اذاهم گولي ..
حور .. اهدء قيـس مااريدك تعصب . بس امجد شيريد منـي ليش يكرهني ..
شنو ذنبي الي سويته غير انه حبيتك وتزوجتك . دايما يحسسني اني سبب موت والدته ..
والاهم من هذا . مخوف اولادي ومههدهم بالذبح اذا شافهم نازلين جوه ..
سودة علية اليوم ابد ماشفتهم حتى العشا طلبوه فوگ بحجة يدرسون ..
قيـس .. طبعا مااسكت مايستحي قابل هو طفل وهيج يتصرف .. المره الثانيه اذا يغلط بحقج او حق الجهال مايدخل بعد لهنا ولايجي ..
حور .. لا قيس هذا بيت ابوهم ومن حقهم يجون . بس حاول تنبهة لاتتعارك وياه ..
قيس .. لا معليج انتي الشغله مو انتي او الجهال .  الشغله صارت اكبر . معناه مامحترمتي وماحترم قرارتي لليوم ماتدخلت لا بحياته ولابزواجه ..
واني اعرفـة كلش زين طمع والجشع عاميه .. بس لان ابني وفتشة عيني مااتجاوز عليه .
مو هذا اخوه سعد لليوم مااتجاوز ومحترمني بس هو لان تدلل زايد من خالته ..
حسيت قيس عصب وانهار .. لزمت ايده وبوستها .
الخاطري قيس لاتتهور لاتخليني اندم حجيتلك بس لو عليه مااهتم لان الشغلة وصلت الاولادي مااريدهم ينذلون بجودي ..
قيس .. ماعاش الي يذلهم وراسي يشم الهوا . يله حبيبتي گومي ارتاحي ..
#بقلمي_الكاتبة_شمس
……………………………………
اخذني للسرير وكانت مسرة گاعده . بقى يباوعلها شويه وصعد .
لان هالفترة عندهم قضايا بالتمييز هواي وومشغول حيل ويتعب ..

ثاني يوم كانت جمعه ..
تريگوا من الصبح لان وراهم طريق ..
قبل ميطلعون ..
سمعت هياط وهوسـة ..
خفت من الصوت ..
گلتلها ماما اسنديني ..
ماما .. ياامي لاتگومين انتي بفترة النفاس مايصير ..
حور .. ماما گومني هذا صوت قيس خلينـي اشوف شبيه ..

گمت وامشي بطيئ ..
شفت امجد وهو يعيط ويلفظ عليه الفاظ بذيئة ..
قيس مااتحمل وطاردة ..

شافتنـي نجلاء .. كلـة بسببج ياحيه الله اليعلم شوصلتـي البابا ..
گرصتها وفاء وسكتت ..

قيس .. نجلاء احترمي نفسج .. وانت امجد حجيت وياك بهدوء وعبالي رجال وتفهم من الحجي ..
بس طلعت زعطوط ..

امجد .. لا والله مو اني الزعطوط شوف منو الي راهق من تالي وتزوج وفرحان لان جايته بنيه والله اليعلم اذا منه ..
قيس .. امججججججد ورفع ايده ضربـة ..
حور .. لا قيس عفيه مو هيج ..
امجد .. لازم خدة .. بسيطه اروايكم امجد مني . سوالي حركة بإيدة مال تهديد وراح ..
وصاح يلـة امشونا لان اختنگت ..

راحوا كلهم وفاء بوستني وگالت دير بالج على بابا وهدأيه ..

طلعوا .. فركـ وجهه قيس ويستغفر بربه ..
اجيت يمـة . گال حور خلينـي وحدي شويه ..

حور .. براحتك حبيبي بس اهدء واعذره المفروض انت مو هسا تحجي وياه لو مختار مكان ثاني وبغير وقت .
قيس .. واني شگلته اخذتة للحديقه وطبطبت عليه وجاي نسولف . اثناء الكلام گتلـة امجد لاتتعلم تحكم ع الناس من الظاهر ..
والي تشوفها بالبيت هذي انسانه رائعه حبتني وسعدتني ومايوم طلبت مني شي او ضوجتني ..
ومن اول يوم زواج وعدتها احميها واخلي بالي عليها ..

اشو هذا عاط .. وشنو حالتك عليه وشگلتلك وكذا وكذا والباقي شفتي ..
وكلما اگله نصي صوتك يعليه اكثر حتى يسمعكم ..

حور .. الله كريم حبيبي اهدء ومهما يكون ابنك وسندك قربة الك . امجد احسه متهور رغم كبر سنة يغار عليك منا يمكن بسبب طفولته وبعدك عنهم ..

قيس .. اعرف . بس مو اني السبب . ابوي الله يرحمه هث الي رباه ودللة زايد ومارباه مثل ماربتنا امنا .
وكلما اشوف غلط واريد اوجهه واعلمه يرفض ويگول هذا اني الي ربيته روح ربي سعد انت مالك علاقـة بأمجد.
والنتيجة شوف الفرق بين اسعد وامجد .
وغير نصايح خالتهم الله يهديها .

بالگوة هدء وارتاح .. خفت عليه ليصير بي شي من گد العصبيه والعياط ..

مرت ايام ..
واني وگفت ع حيلي .. ماما رجعت البيتها ..
وصعدت الغرفتـي ..
وقيس متخبل ع مسرة ومگابلها وگاعد ..
بس بالليل گاطعة رزقـة بس تبجي ..

تعبت حيل بهذي الفترة بين السهر ومسره . وبين اولادي والدراسه ..
ولازم مااقصر بواجبات قيس ..

بس قيس مرات يساعدني بيها .. ومرات اخذها واطلع خطيه عنده دوام وقضايا وهي متخليه ينام ..

صرنا قليل ننلتقي بس بالليل ويجي تعبان ومسرة تبجي بين ماانيمها الگيه نايم من التعب ..
اكتفي اسحب ايده وانام عليه ..

يوم عن يوم وصرت اشتاقلـة .. واحسه متغيير ومهموم .
بس مااحب اضغط عليه ولااخليه يحس بيه ضايجه ..
ابدل وارتب نفسي وانتضره يصعد لان يبقى بالمكتب يشتغل ..
ومن يصعد يلتهي بمسره يلعب وياها شويه وينام ..
مرة اتأخر عليه هواي ..
نزلت لگيته يتصل بالموبايل .. شافنـي انهـى المكالمـة توترت من شفته والافكار تتخبط براسـي ..

بس هو كانت ردة فعله عاديه فتحلي اديه .. وگال تعالي مشتاقلج ..
گعدنـي بحظنه وشمني حيل ..
حور .. قيس اكو شي صاير احسك متغيير .

وهو مستمر يسوالفه ويبوسني بخدي ويمسد بشعري گال .. حبيبتي ماكو شي بس الشغل متعبني هايزالفترة
اقتنعت بكلامـة وسكتت .
گتله .. تصعد ?
قيس .. هسا جاي وراج حبيبتي اصعدي بس نيمي مسورة مو هالايام صايره حارس عليه ..
ابتسمتلـة وصعدت ..

باوعتلـها نايمـة مثل الملاك .. بوستها وگعدت اسولف وياها ..
دخل قيس ..
-ترى غرت !!
-ههههههه اني الي لازم اغار اول ماتگعد تبوسها قبل متبوسني ..
سحبني من ايدي اروح فدوة للي يغار احبج ووووو💑.

الصبح بعد ماطلعتـهم للدوام ..
نضفت وكملت ومسره نايمه ..
اتصلت ع فرح ..
-هلو فروحـة شلونج .
-هلو حبيبتي شلونـي اريد اموت واريد اجازة وهاي المديره ماتقبل جاي اتعب مااگدر ..
-ديري بالج ع نفسج . وحاولي تخلصين درسج وترتاحين .
-الله كريم ..انتي شلونج مسورة الجهال شلونهم ..
-زينين بس….
-هاي البس شنووو صاير شي
-مااعرف فرح احس قيس متغير ومو مثل الاول مااعرف شبي .
-ماسألتيه خاف اكو شي مضايقه ..
-سألته يگول شغل متعبني .
-اي جائز فعلا شغل . قيس يحبج لاناخذج الافكار الغير مكان .
-اعرفـة والله وثاقـة بي ومااضغط عليه . بس البارحة نزلت شفته يتصل اول مشافني غلقـة .
ومن سألته ماانطاني جواب شافي ومااعرف شأسوي .

-اگلج حور قابل اني الي اعلمج . حاولي تجذبيه لاتعاتبيه ولاتگليله شبيك بطريقتج ودلالج قربيه الج وخليه يسولفلج من وحده ..
وبعدين انتي شعندج باقيه بالبيت صارلج شهرين اگطعي اجازتج وداومي خلي مسوره يم ماما وداومي ..

حور .. مو علمود مسوره خطيه صغيره بعدهي وقيس هو الي گلي ..
فرح .. يمعوده هواي عينهن على قيس وهو ماشاء الله مركز وهيبه .. ارجعي داومي حتى خاف وحده ببالها شي من تشوفج يمه تفك عنه وتيأس ..
حور .. ان شاء الله اليوم احجي وياه واگطعها للاجازة .
#بقلمي_الكاتبة_شمس
…………………………………

سويت الغدا وكملت ..
اجو الجهال غديتهم ونيمتهم ..
لعبت مسوره ورضعته وتعبتها حتى من يجي ابوها تنام .
خليتها تلعب .
ورحت سبحت وجففت شعري . لبست فستان وبي جاكة من الوسط ع طوله ..
لبست الخلخال الي جابة الي هديه من ولدت ..
نيمت مسره ونزلت حضرت الغدا ..
اول مشافني ابتسم وحضني ..
قيس .. اااااه التعب كله يروح من ادخل للبيت واشوفج
حور .. روح اسبح وبدل بين مااجهز الغدا .

جهزته ونزل .. گال رجلج تموت طالعه .. افتهمت شيقصد ..
بقيت اتعمد اروح وارجع وهو يباوع ..
قيس .. حور كافي شبعت صعدينا .
حور .. هههههه شبيك خلينا نتغدا ولاحگين .
تغدينا وصعدنا ..
گتله خليني اسويلك مساج .. دااسويله واتقرب منه ..
مااتحمل وسحبني ..
صارت عيني بعينـة وهو ذايب .. گتله قيس بعدك تحبني
قيس .. اموت عليج ..
حور .. لعد ليش متغيير عليه احس جسمك هنا وبالك مو هنا ..
قيس .. ماكو شي حور شبيج .
حور .. لعد اريد اگطع اجازتي واداوم مااتحمل اتركك وحدك ..
قيس .. ومسره .
حور .. اخليها يم ماما .
قيس .. براحتج حبيبيتي بس…
حور .. اي هي هاي البسسسس اريد اعرفها .
لاتضوج قيس مني بس من حقي اعرف كلشي عنك .
قيس .. ماأگدرحور لاتجبريني .. يكفي تعرفين انه احبج ومستحيل اخونج والافكار الي ببالج شيلها ..
وتعاي الحضني هسا وخلينا ننام ..
وكالعادة لااخذت منـة حق ولاباطل .. بس اذا گعد مااسكت لازم اعرف كلشي احس اكو شي مخبيه عني .
#بقلمـي_الكاتبة_شمس
يتبع……..