رواية حمائم تخشى الطيران الفصل الثاني وأربعون 42 - بقلم فاطمة العبادي

فاطمة العبادي

في ... #حمائم_تخشى_الطيران

قراءة ممتعة كيكاتي 🖤 ..

.....

ليلى :- والله وبالله اذا ماطلعت منا هسة اعيط والم الناس كلها عليك

هجم علي لزمني من رگبتي حيل ودفعني ع الحايط
عيونه تنفض غضب حطيت ايدي فوك ايده ابعدها حسيت روحي جاي تطلع
همس بوجهي بغضب :- دم اخوي اطلعه من عيونچ وعيون الخلفوچ ياكلبة يا بنت الكلاب

دفعت ايده حيل مختنكة ضليت اكح وعيني ع الباب اخاف ابني يطلع ويشوف هذا الرجل متهجم علي وينخلس

ضليت اتلفت اريد شي الزمه ادافع بي عن نفسي مديت روحي بسرعة لزمت طابوگه محطوطة ع صفحة ورفعتها

نترت :- اطلع منا اطلع مالي دخل بالصار بأخوك شنو تريد تحملني ذنبه هو خسر نفسه بنفسه
شنو ذنبي جاي تتهجم علي وتدور ثار وياي

رفع طرف حاجبه تقرب علي بخطواته لزگت روحي ويا الحايط
مد ايده نزل اللثام عن وجهه وهمس قريب من وجهي لدرجة حسيت بانفاسه ودرت وجهي متضايقه من هذا القرب

:- شوفي هذا وجهي وحفظي زين اخذ ثار اخوي بس مو منچ من عزيز گلبچ واخليچ متعذبة طول العمر هاي اذا ماخبلتچ وخليتچ تمشين وتحجين ويا روحچ ، اورچ ور ..

بلعت ريكي بخوف مغمضة عيوني ودايره وجهي
همس بغضب :- فتحي عينچ يول تا تشوفين وجهي زين

فتحت عيني باوعتله بطرفها رفع طرف حاجبه وابتعد راح يمشي بالطارمة ويباوع للبيت والتفت علي

:- نار الي بگلبي وتحرگ بروحي راح احرگچ واخليج تهيسين بأضعاف اضعاف حزني ع اخوي

سكتت غمضت عيني جريت نفس
:- انت مافاهم الصاير بس افهمني وراح تعرف اني مالي ذنب

ضحك بأستهزاء ، گال وهو يتوجه للباب ..
:- بيرچ غميچ وانتي راح تگعين بي

.......

ما كدرت انام واترككم بدون تغشوشة تبرد قلوبكم
لان تدرون البارت يحتاج 7 ساعات سرد وصعب يكمل بيوم واحد ف شنو انزللكم غش .. هو شوية من المستقبل بس يبرد القلب ..