رواية حيادر الراء . الفصل التاسع والعشرون 29 - بقلم ريتاجة .

روايتي حيادر الراء .

اريد تصويتاتكمَ الحلوه  وتعليقات بين الفقرات لان نقراهن كُلهن .

.... 

- أحبك تعرف شنو حتى لو ماتحبني بالنهاية أنتَ الي وأني الك

قريت أول رسالة و أستغربت قريت الاسم وجان اشوف الصدمة " ليلى "

هاي شجابهـا هُنا وشتريد من حُسين عفتـة ورحت لغُرفتي وسديت الباب شويه وسمعت صـوت من باب غرفه حُسين

فتحت باب غرفتي وطلعت رحت دكيت الباب واجاني صوته وكال :- دخُلي ريتاجه

هذه شمدري أني غلست ودخلت وكتله :- شمدريك أني ؟

- قابل منو يصعد أمي وأبوي راحو نامو منو غيرج بالبيت طبعًا أنتِ ، كولي أخيتي صاير شي بيج شي ؟

ترددت اكُله على موضـوع راسيل اخر شي تشـجعت وكلت :- لا مابية شي بس حبيبتـك دزت مسـج لرقمي

كلت هيج وطفر من مُكانة وكال :- شجاب رقمج عندها ؟

- ما ادري عبـالي أنتَ منطية الها
- لا ما منطـية أني ، وين المسج ؟

انطيت التلفون اله قره المسج وانطاه الي وكال :- طلعععي ريتاجه

- ليش ؟
- طلعي أخيتي بعدـين اكُلج ليش

بدون ما كلت شي طلعت من الغُرفة ورحت لغُرفتي أول ما دخلت سديت الباب ورحت للجرباية تمددت سرحت بتفكيري أول ما اتذكرتة اتذكرت كلمة حيادر من كال :- " أتمنى يجي يوم وتشتاقيلي بي وماتلكيني ساعتها راح تعرفين "

صفنت بوكتها كتله غلط ما اشتاقلك بس جان عنده احساس أنُ يجي هذه اليوم خذت تلفوني ودخلت على صفحتة ودزيتلة :- " حيادر تتذكر من مرة كتلي أتمنى يجي يوم وتشتاقيلي بي وماتلكيني واجه هذه اليوم وهسه أني مُشتاقتلك هواي ما أعرف شنو أسوي بدونك "

دزيتها ونمت كعـدت على آذان الفجر نزلت توضيـت وصعدت مريت من غُرفة حُسين الـباب مفتوح لكيتة نايم عفـتة ورحت لغُرفتي فرشـت السجادة وبديت اصلي

كملت صلاة ورحت قريت قرآن الجزء الاخير ختمتة وقريت دعاء الختمة كملت ورجعت تمددت باوعت على التلفون مالكيت شي ولا مسج غلست ونمت

مرن يومين عاديات بيوم جنت كاعدة العصرية دخل حُسين وكال :- ريتاجه تعالي وراية

ريتاج :- دقائق

أمي :- شتسوي ؟

حُسين :- محتاجها بشغلة

أمي :- شنو هيَ ؟

خذه تنهيدة وصعد فوك وكال :- تعالي وراية

باوعتلي أمي وكالت :- شبي هذه ؟

- والله ما أعرف
- إذا كلج كُليلي
- ميخالف

دانسولف وصـاح :- ريتاااااجه

ريتاج :- جييت

رحت صـعدت اله فوك وكال :- تدرين راسـيل بعدها يم اهلها ؟

- صدُك ؟

- وعرسها بعد ثلاث أيام يوم الخميس لواحد من كرايبها

تفاجئت وكتله :- مو كالـت قبل كم يوم أنُ عـرسي اليوم

- لا لا خطة
- خطة شنو ؟

لزم رأسة وكال :- ما أعـرف ريتاجه مدا تدخُل عقلي ليش من راسـلتج كالتلج عُرسي الـيوم وهيَ عرسها بعد ثلاث أيييام

- شنو غايتها قابل ؟

سكت وره وقت كال :- راسـيل فقييرة وأني اعرفها شلون تسـوي هيج ومنين جابت رقمـج أني لحد ألان هاي ما داخـلة بعقلي أبدًا وليش راـسلتج أنتِ ليش مو أني أريد جواب لكُل سؤال بس ماكو

شويه وسمعت أمي تصيحني :- ريتاجه تعااااالي

باوع عليه حُسين وكال :- نزلي

- وإذا سئلتني ؟
- كُليله طلع ملابس علمود اكويهن شو شي

- ماشي يله نـازلة
- لاتشغلين عقلج بشي

حركت راسي بمعنى اي ونزلت كلت لأمي :- كولي يُمه

- شنو راد منـج ؟
- أكوي ملابـسة

- خوش راح يأذن صلي وتعالي نسوي العشة
- ماشي

كمت توضيت وصعدت لغُرفتي أول ما صعدت رحت للتلفون شفت حيادر داز :- " فُستق لاتسهرين موزين على الشقيقه ووجباتج خليهن بوقتهن لاتخربطين بيهن ولا تكثرين من المقليات والدهون كهوة چاي مشروبات غازية هم قللي گُلش منهن اشياء بارده حيل أبدًا لاتتقربين عليها "

أبتسمت وأني اقرة النصائح :- شُكرًا الك ولوجـودك بحياتي مدا تتخيل هاي التفاصيل الصغيرة منك شگد داتـسعدني رغم عندك لا شي بس عـندنة احنا النساء اهم شي التفاصـيل بانواعها مهما كانت أحبك هواي ومـن عيني حيادر

دزيتها وبديت أصلي كملت ورحت لغُرفة حُسين دخلت شفته كاعد وكتله :- ها شنو صار حُسين ؟

- بدوامة أني ريتـاجي بدوامة

- ليش شنو صاير ؟

- أريد احجيلج لان إذا اضل كاتـم بگلبي مُمكن انفجر على يا ساعة

- كول حُسين أني بكُل وقت اسمعك خويه

- كومي لبسـي اي شي خلي نـطلع نجيـب عشه

-  بس مجهزين عشه احنه بس يجي أبوي نصب

- مو عشه نجيب حلويات شي كومي عين الشمس

كمت رحت بدلت ونزلت لكيت حُسين مشغل السيارة شافتني أمي وماحجت شي اعتقد حُسين كال الها دك هورن حُسين وكال :- يله ريتاج

- جـايه

رحت صعت بالسيارة ومشينة هواي ووكفنه كدام محل معجنات وحلويات باوع عليه وكال :- ريتاجه اي حرف اسولفة الج هسه مُستحيل يطلع او اسمع بي يم احد لأن ولا طير أني مسولف اله بس الچ لان خيتي أنتِ

- سولف حُسين قلـقتني
- تعرفيـن ليلى ؟

تذكرت ليلى أُخت أسماء والمسج الشفتة وكتلة :- أي أُخت أسماء مو ؟

- بالضبط
- شبيها ؟

سحب تنهيدة وكال :- تحبني ريتاجه تحبني بس أبدًا ما نطيها وجه الله شاهد ورسولة

- شلون حبتك ؟

- هم قسم انكليزي ريتاجه وياي بالجامعة صرت اكره اداوم ومحمد مرة بحفلة تخرج غير قسم جنة كاعدين أني زملائنة اجت رادت تشربني عصير بس مو أي عصير لا مسحور عليه 

شهكت وكتله :- صدُك تـحجي حُسين وشمدرييـك وليش هيج ما كلـت لأمها لأبوها ؟

- وشكللهم اكُلهم بنتكم هيج وهيج كُل عقلج راح يصدكوني ويجذبون بنتهم لو تشوفين شنو سوت وي راسيل بس عرفتني عندي علاقة وياها

- تعرف راسيل ؟
- اي

- شسوت وياها
- سالفة ما تسولف

- يعني تعتقـد ليلى الها أيد ؟
- مو بس ليلى

- لعد ؟
- حتى مُلهم

- مُلهم صديقك ؟
- اي

- شنو دخلة وشعلية بيك شعلية براسيل

- ما أعرف ريتـاجه أخيتي صدكيني ما أعـرف منو وياي ومنو عليه

خله أثنين ايديه على راسه وبدأ يضغط عليه وكال :-  تعبان أخيتي تعبان

ردت أواسي وكتله :- حسـون لاتضوج تنحل ان شاء الله أنتَ سـندي من بعد أبوي أنتَ قوتـي أني ما احُب اشوفك هيج ضـايج من شي أبدًا خليها على الله وان شاء الله تنحـل

- والنعم بالله

كال هيج ونـزل من السيارة ربع سـاعة وأجه جاب هواي حلويات خذت العلاليك وكلبتهـن شفت جايب الي حـلاوة سوريه باوعـت عليه وكتله :- شُكرًا شُكرًا هواي

أبتسم وكال :- كم أُخت عندي أني هيَ وحدة

- الله يديمـك
- ويديمج

رجعنة للبيت أول ما دخلنة رحت صعدت وبدلت باوعت على تلفوني ما لكيت اي شي تذكرت حواء مو كالت نجي ليش ما اجو

يله شـسوي الهم براحتهـم رحت تمددت ونمـت

....

كاعد لصلاة الفجر صليت وكملت واجاني آسر وكال :- تقبل الله

- منا ومنك
- اكُلك
- كول

سكت وره ثواني كال :- حلمت بـ حُسين صديقنة

- شنو حلـمت ؟
- واكع عليـهم بيتهم

صفنت بأستغراب وكتلة :- حلم خايس

- ههههه ضـل بالي عليه
- ان شاء الله بس حلـم

- آمين يله اروح اكمل النومة
- بربك لاتتحلم هيح احلام خايسة مثلك

- ههههه تدلل
- روح نـام لاتفكر بشي

- يدلل ضلعنة ابو الحيادر

كال هيج وراح نام وأنـي هم رحت نمت كعـدت الصبُح أول ما فتحت عيني رحت دزيـت لفُستق :- " صباح الخير هُيامي أنتِ بخير شلون صار رأسج هم بعده ديأذيج أول ما تشوفين الرسالة طمنيني عليج بويه مستمرة على الدواء لو لا "

دزيتها وكمنة نتريـك أني وآسر خلصنة قفـلنة الشقة وطلعتة للجامعة وصلنة ودخلنك للجامعـة سلمنة على الاصـدقاء ودخلنة للقاعة أول ما دخلنـة تلكانة صادق وكال :- ازيكو عاملين أيه ؟

آسر :- ما عاملين شي الله وكيلك

صادق :- يا آسر أنتَ كُل يوم بنـفس الاخبار ما بـتتغيرش ؟

آسر :- هيَ هيج حياتي

باوع عليه صادق وكال :- أنتَ فيـن يا حيدر ؟

حيدر : وياكم

ضلينة نسولف شويه واجه الدكتور بدأ يشرح خلص الدوام عادي ورجعنة للشقةرحت لتلفوني لكيت مسجين من فُستق كاتبة :- " بخير حيادر أني أنتَ شنو اخبارك بخير راسي والحمد لله مستمرة على العلاج وأحبك "

- قُره عيني أنتِ

دزيت الها ومر الوقت و صار الغروب صليت ورحت لآسر لكيتة هم دايصلي كمل وكتلك :- راح اطلع أتمشى على البحر

- اطلع بعد روحي على ما أسـوي العشة
- عابتلك اي ولله يله طالـع

بدلت وطلعـت نزلت على البحر وتمشيت شويه كـعدت على الرمل الي يم البحر طلعت تلفوني شعلت الأغنُية وبديت استـمع الها وصل لبارت " مشتاق الك "

سحبت تنهيده وكلت :- " مو بس مشتاق لا لهفانَ روحي "

ضليت وقت وكمـت تمشيت شويه ورجـعت دخلت للشقة أول ما دخلت تلاكاني آسر وكـال :- طولت وين رحت ؟

- وفضولك هذه ؟
- آسف أبو الحييييادر يابه
- حبيبي

صب عشة وكال :- شنو هـاي الغُربة العـايشين بيها

- الله كريم تفض وتخلص
-الله يسمع منك يا رب

كال هيج وكتله :- ترجـع وياي ؟

- شنو عندي بله أنتَ عندك حبيبه أني منو يستقبلني اشو أبوي وما صدك سافرت ومرته خلينة ساكتين

سحب تنهيده وكتله :- يعني ما ترجـع طول هاي الخمـس سنوات ؟

- اي
- أستغفر الله

كملنة عشـة وكمت غسلت الاماعين ورحت للغُرفة دخلت ولكيت اتصال من حواء رجعت اتصلت عليها وسئلت على حـالهم وسديتـة رحت اتصلت على فُستق جاوبت وكالت :- هلااااا حيادر

- هلا بيچ ابويه

حست على نبـرة الصوت وكالت :- بيك شي حيـادر شو صوتك مو طبيعي ؟

- ما بيه شي لا تهتمين عيناي

- حيادر لاتضم عليـه شـي سولفلي شنو بيك ؟

- صدكيني ما بيه شي أني بس قلقان علمود آسر

- شبي ولا تكُلي بعدين وصدُك أنتَ وعـدتني تسولف فَ خلي استغل هاي الفرصة وسـولف الي شتكول ؟

ضحكت على تصرفتها وكلت :- يله هُيامي إذا ما اسول الچ المن اسولف

- يله لعد

وبديت اسولف الها أول ما بديت :- سعمي ريتاجي العايشة آسر مو شويه أبدًا كلبه قوي أرجع واكول هاي الكلمة

- قلقتني سـولف من البداية
- من الاخيـر آسر هاي مو أُمه الحقيقية

شكهت وكالت :- لعد ؟

- مرت أبو هاي
- متحبة ؟

- فوك متتصورين
- ليش وشنو السبب ؟

- مو كُل مره أبو مـره أبو  تتصورين هاي الأم حـاركة أبن رجلها بالزيت وهوَ عُمرة ما يتعـدى السبع سنوات بسسسس ؟؟؟

- مُستحييييل شنو من كلب هذه ؟

- وأبو عبـالج صدُك يستاهل كلمه اب آسر ما يصـيح اله بويه يصيح اله بأسمة عُمرة كُله ما صايح اله ابويه بـوجه لان ما يستاهل هاي الكلمة نهائيًا

سكتت وكتلها :- شمس تموز شايفتها شمس تموز هاي بعز الظهرية شامره بره وكله "حير بنفسك وأبني نفسك من أنتَ وصغير لا تعتمد عليه "

لأن يُعرف بنفسـه مو كد المسؤالية وعُمره جان ١١ سنة  ريـتاجي وشمرة أبو بس آسر لعبها صـح وأخذ وصـية أُمه واشترة اله بين بالكوت وبيت ببغـداد

- ما عندة اخوان ؟

- عندة بس أُخت من مرت أبو بس هيَ هاي زينة وياه

- وأمه الحقيقية شلون ماتت ؟

- ماتت بالولادة من جابتة لا آسر ويحبها وكُل سنة يروح لقبرها كاتبة اله دفتر كامل عن مشاعرها وشنو عانت من جانت حامل بي

....

دمعت من كلام حيـدر وشنو طلع عايش صديقـة گُلش ضجت آسر مايستاهل أبدًا كتلـة :- سوده عليه مايستاهل أبدًا

- الله كريم

ضـلينة نسولف شوي ونهينة الاتصال رحـت صعدت لغُرفتي طلعت ملابس دخلت سبحت وطلعت أول ما طلعـت لكيت مسج من حيادر فتحتـة جان داز صوره صغيرة الي لازمـها بأيده وداز :- " ياريت قريبة هسه عليه مثل هاي الصورة المصغرة الچ "

دزيت اله :- هنيالها صورتي بأيدك الحلوة

- منين متعلمة هذه الغزل الحلو

- شلون ما اتعـلم وأني عندي أستاذ بالغـزل يسجل الرقم القـياسي بالغزل هااا ؟؟

- بهاي صدقتي شُغاف كلبي

- أحبك يله تصبـح على خير

- دقيقة قبل لا تنامين سمعي مجنوني دقيقة ٣:٠٠

رحت سمعتة وأبتسمـت ورجـعت اله دزيت :- أني هم مُشتاقتلك كد رمل الصـحاري والمطر

دزيتها ونمت كعدت الصبُح جان حُسين كاعد ومشغل الصوبة ومخلي عليها القوري ومتربع شافني وكال :- هله تعالي سويت بيض بس خلي عليه زعتر وآكُلي طالع أني

أبتسمت وكتله :- فدوة لايدك لاتهتم أخويه

- صـار يله طالـع

رحت وراه سديت الباب ورجعت غسلت وتريكت وكعدت أمي كملنة وبدي ننظف خلصنة ومر اليوم عادي

....

هاي أسماء وتالي وياها صـحت عليها وكلت :- أسمااااااء كـومي حركي نفسج

- بس ابدل لبنتي

- شويه حـرورة نريد

- حواء شنو سالفتج ؟

- لخاطر اله خاصـرتي موتتني وداشوفيـني أشتغل ليل ونهار وانتِ ساكنة هاي الغُرفة وبنتـي ما بنتي

- صبر جايه

مرت ربع سـاعة وأجت خلت البامية على الطـباخ وصعدت مرت نص ساعة وكتلهـا :- أسماء عيني تره الباميـة ما تتطبخ نفسهـا بالحُسين

- نسيتها جايه

أجت شـافت البامية وكملتها وطلعـت صعدت لغُرفتي لميـت رجلية وضغطت على صفحتي بقـوة داتأذيني حيل منـتظرة جيه حيدرنا علمود من يرجع ياخذني تمـددت على الكاع ونمت

....

جنت كاعـدة الصبح كملت تنـظيف وريوك وصـعدت فوك لغُرفتي باوعت لتلفوني ودزيـت لحيادر :- حيادر عيني موجود ؟

ثواني ودز :- اتواجد لخاطرج كولي ؟

- فدوة الك شوف اجه ببـالي سؤال عن أيام قـبل أول بداية النا

- اي كولي وهوَ

- شلون جنـت قبل تجي بالليل تتذكر ؟

- قصدج من اجي الفجر الج ؟

- اي

- أول بداية تعارفنا من اجيتو يمنة تتذكرين

- وره اشهـر تقريبًا

- اي وره كم شهر بوكتها شفت مفاتيح بسيارة حُسين خذت صوره للمفاتيح وثاني يوم رحت طلعت نسخة منه

- هاي كُلها علمـودي ؟

- اي تامور كلبي

- اوي فـدوة بس شوف ليش ما جـنت تخاف خاف أحد يكعُد لو شي ؟

- مو ثوبي .

- حيادر الكفـو على كوله حواء

- جنت اغامر مُغامرات علمودج وأنتِ گلبج حجر جان ما يحس بيه

- حيييادر بس حسـيت بعدين

- الفضل للانقطاع فترة

- هممم

سكتت شويه وكتله :- هـواي أسئلة ببالي

- سئلي عيناي

- لا خلـيها من تجي لعد وجه بوجـه احلى مو بله

- أكيد

نهينة المُحادثة بحُب ونـمت كعدت العصر باوعـت على التلفون وشفت تاريخ اليوم ما باقي شي ويجـي حيادر بس اسبوعين بس

خذت التلفون ودزيتله :- " صدُك حيييادر ما باقي شي وتجي "

دزيتله هيج ونزلت طلعت بره لكيت أمي داتخبز خذت خبزة وكعدت يمها سولفنة شويه خلصنة ودخلنة وره شويه اجه أبوي من الشغل وكالت أمي :- الله يساعدك

- ويساعدج حبيبتي

راحو للغُرفة وأني كعدت بالمطبخ طلعت فواكة واكلت داكل ودخل حُسين وكال :- اليوم شنو من الايام ؟

- خمـيس
- اهاااا كومي بدلي خلي نطلع نجـيب عشه

باوعت عليه وكتله بس اكمل واكول لأمي :- ماشي راح اطلع بالباب أني

- أوكي

كتله هيج وطلع كملت غسلت أيديه ورحت لأمي كتلها :- راح نطلع نجيب عشة شنو نجيب ؟

- اي شي بكيفكـم
- تمام

كالت هيج ورحت صعدت فوك بدلت ونزلت لكيت حُسين صاعد بالسيارة شافني وكال :- يله صعدي

صـعدت أول ما صعدت أنتبـهت على أيده مجـروحة ومشـدودة باوعت عليها وكتـله :- يااا هاي شبيك ؟

ما جاوبني حرك السيارة وكال :- عوفي لاتهتمين انجرحت وأني داسوي بصندوق السيارة

- شـو بله أشوفها ؟

خذت أيده وفتحتها باوعت علها وشهكت وكتله :- غير تخيطها شكبرها هاي حُسين ؟؟

سحب أيده ورجع لفها وكال :- جرح أيدي هيج كدام جرح گلبي ريتاجه

فهمت معنى كلامة وكتله :- عـوف هذه الكلام وتخيطـها

- ان شاء الله

وكف السـيارة ونزلنة كدام مطعم جـبنة العشة ورجعـنة للسيارة حرك السيـارة شويه وانتبهت هذه مو طريق رجعتنة للبيت شويه وكتله :- وين رايحين ؟

- هسه تعرفين

مشـينة و وقت ووكفنة بفرع حـرك رأسه حُسين وبـاوع على الفرع الثاني باوعت ويـاه شفتها هوسه وعـرس رسًا تذكرت عرس راسيل وكتله :- بيت منـو هذه ؟

- نسيتي اليوم زفة حبيبتي بس مو الي لا

صفنت وكلت هذه شـنو دايحجي كتله :- حُسين رجعـنة للبيت وعوفهم خلي يولـون

- ريتاجه
- خير

التفت عليه وكال :- تدرين عرفت گُلشي أني

- شـنو عرفت ؟

- شغلات كبار ووسخة مو زين على عقلج النظيف عييين الشمس

أستـغربت منه ومن كلامة كتله :- يله لاتـسولف الي بس رجعنة

- اي صار ليش لا

مادري شـنو سووة بالسيارة ورجـع ليورة طلع على الطريـق العام وزيد سرعة السيارة أنتبهت عليـه وكتله :- حُسين شـدعو هاي السرعة قللها

- لا
-  يا ستار يا ربي

داحـس عُيوني غوشت درت وجهي للجـامة فتحت وغمضت نفس الشي وحُسين بي وما يـزيد السرعة ما احس اله ضـوة قوي صـار بأتجاهنا وصوت اصطـدام عالي وصوت حُسين العـالي الي رج السيـارة رجع من كال

- ريتااااااااااجه نزلي رااااااااسسج

....
يتبع ⬅️ - البارت التاسع والعشرين -

روايتي
قناتي مال التليكرام بالبايو مال الواتباد
نسولف بيها دائما بخصوص الروايه .

الانستا ⬇️.