هيلانه الاسر الفصل الثالث وأربعون 43 - بقلم زهور ال سلطان

#هيلانه الاسر
بين لفحات أُوَرا و الزَّمْهَريرُ

زهور الـ سلطان
مهم" لا تنسون المتابعة و علقو بين الفقرات فيروزاتي
ملاحظة" أُوَرا تعني اللهب او لفحات النار
الزَّمْهَريرُ تعني قرصه البرد او البرد الشديد

ملاحظة" المشهد الي بنهاية البارت بقلم ليث
صديق الاسر و قسور هواية نذكر متأكدة تذكرو ......

ملاحظة" اذا چنتو تريدون بارت باچر وصلو
هالبارت الف تصويت اقل شي حبايب دااتعب

و بخصوص النشر حاولو تابعون قناة التلي
بما انو معند الاغلب فيس اوكي حبايب

هذا يوزرها zuhor_hela
او تلگوها مثبته بالهايلايت بالانستا zuhor_ _19
حتى يتم النشر بيها و شكرا الكم و بوساتي

ملاحظة" لحد تگول ليش مشاهد تالين و مارين
قصيرات لان دورهن بارت باچر فتاك و طويل 🦦🦦🦦

.

هـيـلانـه

الحب مكيدة تخليك تظن أن هي الحل الوحيد الكل المشاكل بس باللحضة الاخيرة راح يبين مكرها ..........

من هذا المنطلق نكمل ما تبقى من الرواية .....

الحب ليس دائما تلك المشاعر التي تتولد بين
شخصين لينته بزواج و عائلة سعيدة

" بل احياناً يكون كالتسمم بدواء كنت تظن بأنه
علاج لك فخانك لينته بك الأمر ميتاً ببطئ شديد

اليوم صادفت عطله و الكل مجتمعين يمنه ....
بارق عازمهم بسيل و اريچ من اباوعلهم تجيني
رغبه اتقيئ بس الزم نفسي شگد كرهت روحي

هم شعليهم بس يمكن يدرون لالا ما اتوقع هزيت
راسي أحاول ابعد عني هالتفكير .... للعصر تالين
و أزاد راحو بقت بس اريج و اخوها طلعنه من يمهم

اسمع الجدل و العياط اصبر بروحي ما اطلع اطردهم
لليل مارين صار وجهه أصفر گد ما تفكر شصار و شنو
قررو عيونها تحچي رفض مو طبيعي لبسيل مع انو

قبل فترة هي دور عليه بعيونها لو سمعت بي موجود
هسه لا حتى متنزل كل شي غريب صار !!! لليل بارق
اشر المارين تجي وياه بالغرفة

اني و ميس صعدنه كلمن دخلت غرفتها قبل گالو انتي
و ميس بغرفة وحدة بس ما جنت اريد هالشي و هي
تفهمت الموضوع بسرعة

اخذت علاجي وگعدت على جربايتي تربعت كمشت
تلفوني صرت اگلب اريد شي اشغل روحي بي ماكو
دخلت على الرسائل كلها من البنات و دريد الي لابسته

حتى ما اشوف شنو كاتب الية الحقير فوگ شينه گوات
عينه تمددت و عقلي صار يسترجع الايام الخلصتها وي
الاسر كله مشاكل بـ مشاكل و حتى من يجي ع بالي

اتقزز بسسس وي دريد عشت عادي من يحجي وياي
احياناً انسى نفسي و اتصرف طبيعي تنهدت و غطيت
و جهي محاولة أنام ما طال الوقت و ندگ الباب گمت

فتحته چانت مارين سويتلها مجال دخلت ، سديت
الباب گعدت عجرباية و اني بصفها

_ هيله بسيل رجع فتح موضوع الزواج
_ غير ما عنده ذوق هذا

_ ها
_ وين أكو واحد يريد يخطب حتى امة مجابها
يمكن حتى اذا صارت الله ليگولها متجي

_ شبيج عصبتي
_ بعدج صغيرة انتي و الحياة گدامج انتي احسن
مني بهواية و حياتچ راح تكون افضل كلش لا
تخربيها و دخلين الهاي العائلة

_ ليش شبيهم
_ ناس حقودة ما عدهم شي اسمه احساس

_ جيت حتى تنصحيني مو دخليني دوامه جديدة
بسبب كلامج
_ انسي الي گلته بس ذكري شغله شايفة ايمن و بكل
اخطائة ويانه

_ يي ؟
_ يظل احسن من بسيل

گالت بحيره
_ يعني ما أقبل
_ اذا تحبيني مارين لا تقبلين فدوة

توني داكمل دخلت اروى وراها ميس عبالك مداهمه

ميس _ ها مرمر فكري عدل بالموضوع
اروى _ ابد لتستعجلين
بس اذا تريدين نصيحتي

هيلانه _ لاااا شكرا هالمره بدون نصايح
ميس _ هو صدگ يگولون اخذ الشور من راس الثور
بس اتخذي قرارج وحدج

شمرت اروى علبه الكلينكس بوجه ميس و هاي ميته ضحك ، باوع بكل جدية المارين منتضره ردها

مارين _ ما اعرف لازم افكر بالموضوع و اخابر
خاله لجين عافتنه و طلعت البنات هم طلعن
مرن يومين اني ازن ع راسها حتى ترفض
ما اريد شي يربطنه بيهم

غيرت ملابسي بشي خفيف و توجهت دانام دگ تلفوني
شلته و رديت ع سريع

دريد _ الو

رمشت كم مره لمن سمعت صوته باوعت بشاشه هو
بسرعة فصلته و شمرته يمي كل شي صار واضح بعد
معرفتي بالاسر ما اريد ابقى وياه و لا صارت عندي

الشجاعة الي تخليني اواجه اخواني بالحقيقة
بنظرهم اني مراة متزوجة سابقاً ما عدت بنية
ميدرون صرت هالشكل بسبب انتهاك حرمه

جسدي اخاف يعرفون دريد چان موجود بهالحادثه
واگفه بعيني امه و اخته لان كلمه نسمات تناسبهن
سمعت صوت رسالة شلته بسرعة شفتهن صور
نتظرت يحملن

لحد مفتحن هاي بيوم العزيمه
دزلي الصور الي مصورتهن آلة و صورة لخ دايصور
نفسه و اني عيوني ع السمه و علئ شفتي ابتسامه

ابتسمت و صرت اقرب بصورة و اتأملها
دگ مره لخ رديت ما اجاني صوته دقايق و همس .....

_ شلونچ
_ كلش زينه

_ ممم انتظمت نومتچ
_ بعدها بس مو مثل قبل

سمعت صوت حسرته
_ زين انتبهي الروحچ
_ يي
ليش دازلي صورك اريد صوري اني

_ لا عوفيهن ذني
_ لا والله

_ عاجباتني
_ ليش غلست على موضوعنه

_ موضوعنه !
_ الطلاگ

_ مو طفل تعلمين بي شيسوي هلال
_ لعد شتريد احنه اتفقنه من البداية و أصلا انا كرهك
حيل فوگ متصور شلون ازوجك بكل طبيعية فهمني

_ يمكن تتغير مشاعرچ
_ شلون تتغير

_ متأكدة تكرهيني ؟
سكتت مجاوبت _ يلا روحي نامي

_ انت وين
_ بالواجب

_ اكو صوت رمي صحيح ؟
_ يي بس بعيد مو يمي

_ لعد شلون تتصل بيه اذا بالواجب
_ لا حالياً اكو اشارة بسبب المكان المتواجد بي

_ ديربالك
_ دايرها و بكيف الله

_ اوكي .... سكتنه شوية صرت اسمع بصوت انفاسه اردف
_ حضري روحچ

رديت بستغراب
_ المن
_ اذا رديت سالم نعقد محكمه

سديته بوجهه نرفزني شنو محكمه صدگ يحچي
ميخليلي خيار غير اروحن اگول البارق كل شي
تمددت حاولت أنام مگدرت

ثاني يوم گاعدة يمها كالعادة ندارت عليه و گالت
راح ارفض هو هذا قراري

گمت بوستها
هيلانه _ راح يجيج الاحسن منه صدگي

سكتت عني ووجهه بي كميه حزن مو طبيعية
جاوبها گالته الية بعدها ممبلغة بارق لليل
دانسوي عشه دگ تلفوني شلته تالين تتصل
رديت عليها و صعدت حسيتها تريد تکول شي

هيلانه _ ها تالينة اكو شي
تالين _ يي

_ گولي
_ بخصوص موضوع مارين بشري وافقت
اخخ شبيك

_ شنو شبيج تالين منو يمچ
_ محد نضربت بحافة الباب گولي شصار

_ راح ترفض......
بقت تحچي وياي شوية و راحت .......

و بنفس الليلة مارين ردت رفضها الايمن
نمت مرتاحة مع انو اكو شي بداخلي يلوم
بيه بس مهتميت الهذا الشعور مرن يومين .......

نصدمت بجية ام دريد ! ......

.

تـالـيـن

دخلت
الغرفتي ما طلعت بعدها ندگ الباب گلت
ادخل أزاد بس الفاچني دخول ايمن .......

ايمن _ تالين

تالين _ غطها اخوية

ايمن _اتصلي بمر اذا تريد تسلم لازم تطلع نفسها
من هالسالفة

اباوع الاخوية يروح و يجي و يفهم بيه يريد يعرف
رأي مارين بالخطوبة ليشوف شكله المتوتر ميگول
هو النفسه العافها

_ نطيني صبر راح أتصل بهيله
_ عوفيها هاي تلگيه واگفه على راسها تقنع بيها
_ مو الهدرجة احسن مما أتصل بمارين اصبر

دگيت و من ثاني دگه يلا جاوبت سلمت عليها عادي
و سألتها بدون قصد گلت بشري وافقت حسيت عقلي
وگع من الكفخه الحصلتها بس من گالت رفضت گبل

باس راسي وطلع اخبال يـ أل شيخ داود احلف محد
بيكم صاحي گلتها بگلبي .....

صرت اسأل بهيله و شنو سبب تغيرج و اذا عندج
مشكلة وي قسور بس تهربت من كل اسئلتي عفتها
على راحتها ....

ثاني يوم داومت بعد محاضرتين طويلات
طلعت وي رسيل و شمس

رسيل _ اگلجن بنات جبر شدعوه
ضارب هالميانه ويه استاذ عقاب
باوعلنه الها تأشر على جبر و عقاب واكفين و يضحكون حسيت عينه اجتي بعيني نداريت بسرعة
شمس _ يا ما دريتن

تالين _ لا شنو ؟
شمس _ البارحة انتو مموجودات
و سألته دره جاوبها انو ابن عمته

تالين _ منو غيرنه يعرف
شمس _ بس شلتنه دره و هسه انتن و مجتبى هم عرف

رسيل _ هالگول مو مال طالب و استاذ وضعهم
شمس _ ههههه ذكرتيني بوضع تالين قبل يومين
من....

قاطعتها گبل لا تجفص
تالين _ منروح ناكل منو جوعانه

وافقن دخلنه للكافيتيريا شمس گالت اني اشتريلكم
گعدنه وبعد وقت اجت

رسيل _ ها شنو جبتي
شمس _ أكيد الانقاذ لفات فلافل

تالين _ معدتي راحت كل ما عزمتينه جبتي لفات
شمس _ دكلي مو زين اوكلكم بفلوسي

رسيل _ ذبحتنه بفلوسها الأخت

خلص الدوام و مرن كم يوم هادئات الحد ما اجة
عرس اخوية

.

مـاريـن

مطفيه الضوة و البردة سادتها متمددة بـ چربايتي
و قلمي بشعري كل شوية و الفه على خصل شعري
بهالهدوء و السكينه المريحه نفتحت الباب بقوة

رفعت راسي
_ هههف ميسس شوكت تبطلين سوالفچ
_ يا سوالف خيه

_ افتحي الباب عدل چنچ داخله على حرب
_ يي تدللين

_ ادلل مثل كل مره
ضحكت هيه و ضحكت وراهه
_ زين و متحملتچ ويايه عبالك خفافيش كل الوقت

_ ديري بالچ ينمص دمچ
_ فان حضج يمعزايه

_ يلاااا اسكتي
شلت المندر من جهتي خليت الدفتر جواه
_ بعدچ كتبين تفاصيل ايامچ بي

_ معليچ ميس
_ باالله شتكتبين

_ مو مهم لحضات اريد اذكرها بالمستقبل
مالها فايدة
بضحكه استهزاء اردفت مكمله
_ يجوز اورثهه الاحفادي

_ لا واثقه همين خلي نلگه جدهم بالاول
سكتت عنها و هي تضحك انمدت يمي ع ظهرها
بالعرض عكسي يعني گعدت تربعت گدامها

_ اطلعي
اردفت بحماس
_ ههههه شراح شيكتشفون ! هم كاتبه سوالف ايمن ؟

_ يااا ميسسس
گمزت من مكانها وگفت يم الباب
_ تذكرت حيعرفون كم مره نحصرت مرمر
غمزتلي وراحت تبسمرت بمكاني عزههه
بعيني عفت الناس كلها و حچيت للخبيثه

مرت فترة بين الدوام و البيت و الروتين العادي
و بين الشقيقة الي ملازمتني ضجت هواية على
هيلانه من عرفت بمرضها شگد فرحت لان مصابتها

الشقيقة مثلي بس هسه اتمنى لو بيها شقيقة و لا
هالنوم القهري ايام مگابله الحاسوب و أبحث عن
المرض تمنيت الگه علاج لو شي بي أمل لكن كل

موقع يفسد امالي اكثر من الي قبله .......
كل يوم يراسلني ايمن و حتلو اغير الرقم يعرفه
بسهوله چان ميحچي شي غير "ما اريد تگطعين

عني ، ارد عليه .... ليش بكل مره طلع نفسك المضلوم

يرد .... هو هذا الصدگ ، خلاني بحيره جبيره و كبرت
اكثر بيوم الخطبني بي بسيل من بارق بكل هدوء
گله يصير خير و لمن سألني ترددت اوافق من اول

لحضه فهم عليه و گلي اخذي راحتچ بالتفكير
ضحك بقهقهه خفيفه و اردف مكمل كلامه
حـتى اذا تـريدين نـسأل عـليه بـالمنطقة

اروى _ يي و شتگول للناس جاي اسأل عن ابن عمي

بارق _ ما بيها شي ههه مو دائماً نعرف الناس بمجرد
يبتسمون بوجوهنه ، تصبحون على خير

مارين _ و انت من اهله

الكل جان سعيد و متفائل و نيتي بالموافقة بدون
تردد بسس كلام هيله خوفني اذا تحبيني لتسوينها
خيرتني بينها و بين بسيل ماكو مقارنة بينهم اختي

اهم شي بحياتي ، بليلتها اتصلت بخالتي لجين
نصحتني افكر عدل و هذا مستقبلي و لازم اختار
عدل حتى لا انجرح مره لخ ......

وقبل لا أنام بدت رسائل و مكالمات ايمن بدون
توقف سويته صامت بداخلي حسيت برتياح
من زمان متمنيه هيج ايمن يدورني ميلگاني

للفجر گدرت أنام ، لمن نسألت مره لخ چان جوابي
هو الرفض هيلانه الوحيدة الي مگدرت تضم فرحه
اجتي باستني .... فجأتني كولش صحيح انتبهت

عليها هالفترة جامدة بتصرفاتهه وخاصه ويه اريج
و بسيل لمن سألتها ردت بكل ثقه معندي شي وياهم

بعد ايام داومت و صرت أجي بتكسي اجنبت بسيل
خوف من المشاكل ما اريد اشوفه و لا اباوع بعينه

رغم عيونه و عيون ايمن يتشابهن لدرجه بس !؟
بسيل لمعه عيونه مختلفة لدرجه تخليك تطول
نظر الهم و انت محاس أصلاً

چانت گاعدة يمي لمى الوحيدة الي صارت ويايه
من صديقاتي زينب و مريم وحدة ادارة اعمال
و الثانية مدرسة گعدنه نحجي شوية و اكلنه

بالكافيتريا بعدها طلعت اتمشى وحدي مدخلت
وياهه تعبت من المشي گعدت ع مصطبه اباوع
على كل شي حولي و احس بغرابه ووحدة دفينه

حسيت احد ورايه منداريت بعدين گعد يمي التفتت
اشوف منو بلا مبالاة بس فزيت و اني اشوفه بسيل
ردت اگوله شسوي هنايه بس متجرأت چان ساكت

و على وجهه هاله من الغضب اخذت كل اغراضي
داگوم حتى اتلافه كل شي راح يصير بس وگفني
صوته قبل لا افكر اخطو بعيد عنه
حچة بغضب مكبوت
بسيل _ اگعدي .....

.

هـيـلانـه

چنت نايمة لان ظهرية و تعبانة حسيت على صوت
اروى و هي تحاول اگعد رفعت راسي الها

_ ها اروى خير
_ رچلج و امه هنا البسي شي بي حظ و نزلي

_ گليلهم ماتت سافرت
_ انزلي يمهن بعدين موتي براحتچ

تضجورت شوية بس شسوي مجبورة
رتبت نفسي شوية و بتراك مرتب نزلت
سلمت عليهن و گعدت اسولف تمنيت

تحچي شي عن انفصال هالامور بس
ماكو جايبتلي حلويات و فستان هدية
ذوقها حلو اعترف تشكرت منها ، اخذتهن

ساعة ودگ تلفونهاخابرت خلصت لتفتتلي
و ضحكت .... روحي قسور جاي بالحديقة هسه

باوعت الاروى اشرتلي بعيونها اگوم

هزيت راسي بقبول. طلعت للگراج چان واگفه
منطيني ظهره بأاذنه التلفون يخابر

همست بأاسمه سلم و سده نزع نظارته و ندار عليه
پأابتسامته ..... هـلا بـ هـلال

_ هلا بيك تفضل

مشه گدامي للاستقبال و اني طلفرت للمطبخ
متعاجزه شسوي أصلا للضيافة اذا اروى جوة

بس تفاجئت بمارين و هي مسويه صينيه
و مرتبه كل شي

اول مشافتني ضحكت و سوت بأيدها حركه
بمعنى كل شي تمام او أوكي

ضحكت دزيتلها بوسه بالهوى لان كل شي مو بالي
اسوي شي و بهالترتيب

اخذتها آلة چان يتصفح بتلفونه گعدت گدامه

گال بضحكه كلها استهزاء
_ وين شارده
_ غير اگعد مقابيلك

_ لا مكانچ يمي و هو يأشر ع القنفه اليمه

زميت شفتي بتفكير وگمت گعدت على بعد
مسافة صغيره منه

_ شخبارچ
_ الحمدالله

_ وانت
_ بخير من الله بخير

_ ليش اچيتو
باوعلي و رفع حاجبة
_ ما قصدي شي متعودة ع جيات امك بس
قصدي شعجب جاي وياهه

_ عرسنه حددته بعد شهرين
_ ها

_ لان بهالفترة اگدر امحي ايڤان الخسيس
_ لگيتهم

_ يي و مراقبهم
ابتسمت
_ و اني اعرف منو الاسر

بعد اهتمام رد
_ أدري شنو الجديد ؟

_ تذكر بخطوبتنه شنو كتلك
_ شگلتي ؟

_ اذا تلگه ايڤان او اني اعرف مكان الاسر
_ راح ننفصل

_ احلام العصر عوفيها ما امشي براي احد
_ دريد

_ يلا رايح محتاجة شي
رديت و اني گوه كاتمه اعصابي .... سلامتك

طلع ورقتين من محفضته و خلاهن يمي
رجعت اخذتهن و خليتهن گدامه
_ ما أحتاج اخواني مكفيني

_ مو الچ اشتري بيهن ملابس و اللعاب لقسيم
دخنت من الفشله الحقير فشلني
_ فريتها عليه مو

ضحگ وگال
_ خليهن الچ لعد
_ لقسيم يعني القسيم

ما بقى اكثر گام من مكانه وراح

مرت ايام عادي ام قسور تجينه بين فترة و فترة
هي و افنان تحب الشقة فكاهيه لدرجه و هم
ميس مكيفة عليها عكسي احس شخصياتنه

متنافرة بس مامنع تكون صديقة الية بوجهه
البشوش طفولي يخليك تحس الدنيا كلش
حلوة اليوم بارق اجة من العمارة صار اسبوع

تقريبا هناك من يوم الأنسدت بي خطبته من اريج
هو اعصاب كلمتين الثالثة يتعارك ، أحمد يجي كم
يوم و يداوم اسبوع أو اكثر عمو فؤاد شفته مرتين

هالشهر نقل المنطقة شوية امنه فگدر ينزل شكله
كبران هواية احسه ما ينزل و يشغل روحه و يتعبها
حتى ما يفكر باامير ما اعرف ليش بس هيج حسيته ......

اورى تروح يم عيالها صايرة حتلو زوجها بدوام قليل
تجينه كم ساعة لو بس تسأل عنه و تروح حتى من
اگولها مشتاقة القمر تغلس و متجيبها تأكدنه صاير

وياهه شي بس مجابت طارية ابد و اليوم
هي عدنه لان اخواني ثنينهم هنا ، دزو عليها
گعدنه نتغدة و أحمد يداهر بيها .......

أحمد _ گلنالج عيب تبقين يمنه طول الايام
البيها زوجج ماكو مو تديرين وجهج و مسألين
اروى _ يا شبيك كل يومين اني هين

أحمد _ شگد طولين ساعة اثنين
اروى _ يول انت منيلك هالحجي

أحمد _ معليج بس گولي احد غاثچ اطره
بنص كفيلج و الحسين الشهيد
اروى _ يا خوية اكعد و اسكت ماكو شي
أصلا باقية ع گلبكم هالاسبوع

حضنتها مارين من كتفها
مارين _ يمهه احلى من يگعد
أحمد _ يول اشو اني اغيب اشهر محد يحجي
بوجهي كلمه حلوة

ميس _ لا تبجي لا تبجي
أحمد _ يعني اسكت ما اكمل و انوح

هيلانه _ يي بربك
يلا انه صاعد أنام ورايه طالعة تردون شي

ميس _ گول اخواتي خطاية خل اطلعهن
أحمد _ وين تريدين طلعين بلا زحمه

ميس _ كل شي چان مطعم مول متنزه
مارين _ يي عفيه نحتاج طلعه

أحمد _ مطعم اني اجيبلج اگل و اگعدي
بالحديقة اكلي هاي ابدال المتنزه

ميس _ ياااااااا
.... و سماه

ميس _ بگلبك عدوينك حبيبي اخوية ، زين مول
أحمد _ و شوگت طلعن منه فرد اسبوع

ميس _ انت فددد واحدد
أحمد _ ييي گولييي فددد شنووو

بارق _ كااااافي انلصموووو

ندارينه البارق صاير كتلة مال اعصاب
اني گاعدة بصفة حسيت اذني انطرشت

هيلانه _ بارق ليش دومك معصب
باوع عليه بطرف عينه ما معصب
بارق _ تصرفاتكم مال زعاطيط

هيلانه _ محد يمنه غريب خل نتصرف براحة
بارق _ بويه براحتكم انتم

هيلانه _ هسه عادي نطلع مو
بارق _ عادي يي

هيلانه _ تطلع ويانه
بارق _ رايح أنام من تجون كعدوني

گام من يمنه و أحمد لحگه

ميس _ و تعرفين دگين ناعم
اروى _ هو خوفك من الساكت

مارين _ لا هيلانه مو هيج ههههه
هيلانه _ فوگ مطلعتچن

رحنه لملمنه البيت و البنات بالمطبخ گدنه تابعنه فلم

ميس _ أتصل بتالين تجي ويانه
اروى _ اتصلي
تذكرت شغله هيله اتصلتي بخطيبج

هيلانه _ عليمن
اروى _ ثول گوليلة راح اطلع

هيلانه _ اهووو اروى اسكتي عني
اروى _ عيب ولچ

هيلانه _ حتلو لو رفض قابل ما اروح
ارووى _ استغفرالله تروحين لو شلون

من بعد اصرارها صعدت بربع ساعة افتر
بالغرفة نزلت كتلها اتصلت بي ما اعترض
عافتني و راحت هم عوزي اخذ اذن منه

حتى اطلع للعصر بدلنه و طلعنه دخلنه للمول
ضحكت من شفت تالين گدامنه هالبنية متفوت
طلعة لو ميته تعب تمشينه سوية نحجي عن المواد

و صعوبه استغلينه الفرصة و قررنا نشتري ملابس
العرس أزاد مابقى بس هالاسبوعيين هو المفروض
قبل هالفترة بس الي صار ايمن صارله انذار تأجلت ،

تالين گالت اشترن للعرس الحنه عليه اريد نلبس
شي موحد محد اعترضت عفتهن و صرت ادور
شي مناسب دالبسه لفت انتباهي فستان اسود

توني دا اخذه سحبتني اروى من ايدي وهي تگول
لا تفكرين تشترين هيج فستان طنكرت و طلعنه
محد عجبها شي رحنه غير مكان صرت اباوع

ماكو شي هالمحل كل شي بي ما مستور تريد لبسه
ينطلع بيها ماكو اجتي ميس شافتني حايرة گالت
تعالي شوفي رحت وراها اشرتلي على فستان ماروني

قصير لحد الركبه و بي فتحه من الظهر بس مو جبيرة كولش عجبني بس استحي البس هيج شي اووفر

اروى _ يمعودة لو هذا لو ماكو
هيلانه _ لعد ما اشتري

تالين _ اخذنه معليچن بهاي المايعة
هيلانه _ ياااا هاي اني

تالين _ يي انتي ، مارين تشترين مثله غير لون

مارين _ لا شكرا ما عجبني

اخذت الفستان و اشتريت كعب اسود وياه دخلن
محل يختارن مقابيلة محل اسسكورات عفتهن
و رحت آلة اشتريت كم شغله مناوية اليس گلادتي

مال الخطوبة ثگيله حيل اختاريت اشياء ناعمه
بعدني بالمحل دخلت اروى تباوعلي بخزرة بلعت
ريگي طلعت وراها

اروى _ هاچ احچي وي رجلج أتصل بيه

عافته بيدي وراحت خليت التلفون على اذني
چان يعيط
.... خمس دقايق ارمش عليچ تنزلين بالعجل

دخلت انطيتها تلفونها شفتهن اختارن فساتين حلوة
سألتني اروى شگال جاوبتها اخذت مني تلفون تخابر
بعد وقت گالتلي انزلي من يرمش عليج

_ و أحمد
_ معليچ يدري

_ شلون قبل
_ غير رجلچ راح يصيرلكم سنتين مخطوبين
بعدين هو صديقة أكيد يثق بي

سكتت تمشينه شوية وهن مستمرات بالمشتره
اخذنه ملابس بيت و دخلنه محل ملابس داخليه
اروى اشترت ملابس نوم تخزي فكيت عيني ممصدكه

هيلانه _ هاي صدگ تحجي
مارين _ شلون تلبسهن

تالين _ وين راسهن وين رجليهن
ميس _ هيلانه متشترين هيج واحد ههههه
لو تنتظرين لجهازچ

هيلانه _ انچبن فلا البس هيج شبيه تخبلت
ضحكن عليه و اني اباوعلهن بطرف عيني طلعت
من المحل سمعت صوت تلفوني مسويته هتزاز
رمش عليه مرتين گلت للبنات و نزلت طلعت

برا المول شفته گدامي لابس قميص اسود مفتوحة
اول دگمتين بنطرونه همين اسود و ضيگ تقاسيم
جسمه عضلاته كلها واضحه ، ابتسمت هماتين اني
لابسه هاللون

هيلانه _ امشي قبل لا يشوفنه اخوي
دريد _ خلي يشوفنه

_ تره منسقين هسه يگول مواعدها
_ صاحبچ ولچ وواعدچ

_ ههههه اشاقة شبيك
_ ديلا عمي فضيها و تعالي

چانت بيده جگاره يدخن ذبها سحگها
صعدنه تحركت السيارة و نداريت عليه
شكو جبتني مصدگت اطلع وي اخواتي

_ هلال أنه منو
باوعت بأاستغراب ولمحت الجدية بنبرة صوته
_ دريد

_ شگرب منچ
_ خطيبي .... شكو ليش هيج سألت

_ عبن تعرفين أنه منو شلون تفشليني گدام اهلج
_ تدري بيه ممعترفه بهالموضوع

_ لا تعترفين بس شوفي و اسمعي عدل
_ ما دامچ على ذمتي لازم اعرف تفاصيل حياتچ

_ ليسمعك يگول اعرف كل شي عنك
_ اسألي و شوفي اجاوب لو لا

_ بـ.... قاطعني و عاط
من اگلج هيج معناها اسألي عني مو عن ابن عمچ

_ ممهتمه الك مشايفتك اني
وگف السيارة بقوة بحيث راسي راد ينضرب بجامه
لو ما ساحبني عليه نترت ادية و عطت
_ تخبلت شبيك

_ انتي مريضه تعرفين شنو معنى هالحچي
عادي ناس بيها سكر مزمن و قلب و أمراض
اشكال و الالوان

_ مو مثلچ محد بيهم ينام غصبن عليه
تره تحسنت لتمثل دور القلق

_ بس تعانين من الحالة شتحسنتي
المخطط البراسچ شيلي فاهمه
و ليششش حقييي لازم ارجعهههه اعتبر
صار هيج باافنان لو شيماء تقبل عليهن

ليشش سكتتت

لان انتو الرياجيل هيج تقبلون
على غيركم مو على نفسكم

انت مو گلت حددت مكان ايڤان و ابوه
عاد خلصت مصلحتك ويايه و اني مصلحتي
وياك خلصت عرفت منوه الاسر خلص انتهينه

_ ليش مو بدينه انه ما سويتلج شي

_ بس چتت تعرف بخطفي خوفتني مره بوقت انت
چنت سكران و موواعي چان هسه انت اخذت روحي
بدال الداعشي
_ ببسس ساعدتچ طلعتچ من البيت

_ شتغير ريتني ميته بي
_ هلال ليش هالگد تصعبيها

_ هي صعبه وواگفه حيل دريد

_ مرات الانسان من يتصرف بغباء
ينسى الامس و عيش كأن اليوم
ولادته تعتبره الناس فطير

صيري فطيرة هلال انسي و عيشي
البالچ صعب أنه عرفه كلش اكثر
منچ اخوچ رايد اخته و اخوه هاوي
اختچ دمرين اربع اشخاص

_ وين تدري
مو موضوعنه هذا

_ خل يتأذون شوية ليش بس انه الفرح نساني
و لا وصلِ ودگ مره ع لبابي اشوفهم فرحانين
و اضل احرگ بروحي عليمن هاااا

_ ما عرفتچ قاسية
_ انت متعرف شي عني

غمز وگال بضحكه
_ ورا الزواج كل شي ينعرف

بعدني ممستوعبه حچايته هستوه
يحجي بحرگه گلب شوكت لحگ
يتغير مودة و صار يبتسم

اباوعله اندار للكشن الورا اخذ العلاگه
البيها ملابسي كمشتها بسرعه

_ عوفها ملابسي شبيك
_ ممم ملابس شنو

_ اشتريت العرس أزاد
_ عوفيني اشوف حتى انسق وياچ

_ ماااا ارجعهن بس تشوفها
_ ذب العلاگه منيده
_ ما بلازم

_ انت شبيك كل شوية بمزاج
_ هذا المحيرچ

_ يي ؟
_ اذا ميتغير مزاچِ نتعارك منا الفجر
باچر ها اها عرفتي هسه ارتاحي

_ و لا ينحچي وياك
ابتسم و ساق أكيد راح تلبسين أحمر
البسلچ اسود يگعد وزن

_ منو گلك أحمر
_ تحبي غير

_ منو يگلك انت محد يعرف أحبه
_ لان نار انتِ و تلهبيين يلوگلج هاللون
طلگين تشگين شگ خرب عمي

_ عمك شعليه
_ هو گاعد و مرتاح و اني محترگ جدي

اباوعله يحجي بعصبيه شكله يضحك
حتى نسيت ليش تعاركنه اول بداية

_ وين ناخذچ مدام
للجادرية للجسر احب هالمكان

_ الله اخاف ياخذنچ هناك
_ هن منو

_ للنوارس غير
_ وليش ياخذني

_ يشتيهن يحسبنچ منهمن
_ ياااا شجاك هاليوم

ضحك و رفع اكتافه بمعنى ما اعرف بعدين ردف
_ هيج فرحان بيچ
باوعتله بخزره و گلت بغيض ....
_ فد متناقض و مريض انت

تجاهل كلامي وگال
_ تسمعين اغنيه
_ يي

_ لـ شيرين
حجيناها واحد ورا الثاني
_ هااااي شنوووو انت منين تعرف

_ شفت صورتها شگدها بغرفتچ
_ ها اوكي

_ سألت اختچ عن حالتچ النفسية قبل كم يوم
_ يي ؟

_ وضعج الصحي ميسمحلج دخلين بكتئاب
محد يفيدچ اذا وگعدتي

همست
_ اترك دور المهتم

نزلنا من السيارة لان وصلنا
تمشينه مسافه و چان الجسر فارغ تقريبا

بقيت صافنه ع جو و على الطيور اخذت
كم صورة الية

بعدين التفتت آلة سمعته گال اسمي
_ ها
_ انسي كل شي مر عليچ

_ شلون انسى وانت مگابلني
_ يابه دسميني قسور

_ و خلقتك شلون نغيرها مثلاً
_ نسوي عملية تجميل

_ ههههههه شيتعدل منك بالله صغر خشمك شوية
_ هالگد جبير ؟

_ أصلا ماخذ هوا بغداد
_ انتي من صغره لخشمچ ولچ لو هاي عيونچ

_ شبيهن
_ غير يموتن

_ لا احچي شنو ردت تگول بطل هالضحكه
_ شدعوه زراگ عينچ ماخذ بياضها

_ من حلاتها العينك يعني نبقى نحچي
بعيوبنه متعبت

_ يا عيوب

_ انت مو صار تعيب عليه
_ انتِ حتى عيوبچ تنحب و حلوه

نداريت عنه و گلت برود ......

صدگت .... همست السخيف

_ ليش هالگد صوتچ بارد
_ شلون يعني
حروفچ نبرتچ باردات و نضره عينچ

_ شبيها
_ ما بيها يلا امشي نرد

_ اوكي
_ معزومه يمنه عندچ خبر مو

_ لا فشله شلون اخواني ميدرون
_ عدهم علم

_ طابخينها انتو سويه اشو محد بين أصلا
قهقه بخفه و رد .... اتصلت بيهم مشكلتچ ما رديتي

باوعت عليه بحيره شلون اروح ههف
تحرك گدامي و اني وراه ندار عليه گال

_ تعاي جاري
_ ها

_ امشي بصفي ! ليش بطيئة
_ يي هسه ....

تقدمت مشيت وياه اباوع الشارع متروس ناس
عوائل او ناس وحدهم جايين اباوع لكم شخص
كامش ايد بنية ابتسمت ما اعرف شنو تقرب الهم

بس حاسه هذا الشعور حلو لمن تدفئ ايدك بأايد
شخص تحبه و تهتمله مشينه ع شارع اني اباوع
الكل شي اما دريد عينه كل شوية صاده بأاتجاهي

و يرجع يدور وجهه لغير مكان شوية و اجتي
دراجتين وحدة صاعديها اثنين و الثاني واحد

صرت امشي ببطئ و بدون تركيز لان احس عيونهم
علينه قبضني گلبي ادري بي يحس راح تصير مصيبه
هو بغنى عنها باوعت اكو محل

_ دريد

التفتلي .... عـينه گـولي
_ جـوعانه

_ هسه نروح المطعم
_ لا عوف المطاعم اشتهيت كيك

_ لتفتت باوع على المحل همس .... يـدلل الـكيك
سمعت بس غلست ع الوضع .... ها شگلت

_ گلت ادخلينه بويه
دخلنا للمحل گعدنه بمكان مقابيل الباب گعد
دريد گدامي بحيث صرت اشوفه و اشوف كل

الي راح يدخلون او يطلعون اختاريت كيكه
شوكولاته وهو سادة اختارينه وياه عصير البرتقال ....

_ شعجب متحب الكريمه
_ ما احب اكل المطاعم

_ ليش شنو الطيب بأاكل البيت
_ هو هم مو شرط يكون طيب حسب نفسيه الي ديسويه

جابو الطلب نداريت ع الجامه اختفن الدرجات
زفرت انفاسي براحه

_ شنو شاغل تفكيرچ
رديت و اني واثقه عرف بيه متوترة ..... ماكو شي

_ زين اكلي
اخذت لگمه احس طعمها مر مدري هي هشكل
لو من الخوف الداحس بي

شبيج هيلانه شنو ميصير واحد يباوعلج بشارع
الا يريد يأذيج

رفعت عيني عليه احسه متغير اليوم ييه !!!
و أخيرا عرفت مغير زيانه مخفف الحيه حيل
زين هو من خطبني گالت امه ابني بالجيش

اذا بالجيش شلون عنده لحيه مو مثل ايمن
و اخوية رفع عينه عليه بسرعه رجعت اباوع
لصحني ...... عبالي راح يگول شي بس مگال

غريب رجعت باوعتله ياكل گدامي بكل اريحيه
صار بخاطري اشمر الكيكه بوجهه بس طييه
حرامات شفته مدنگ و يراسل واضح من صوت

الكيبورد المسموع صفنت ع الناس الموجودين
ربع ساعه و گلت بگلبي ......

ماكو شي بطلي هالخوف البداخلچ ......

اخذت العصير شربت منه عجبني حيل اخذت
قطعة من الكيك ملحگت اخلي لگمه ثانيه بحلگي
شفتهم تلاثتهم دخلو واحد ورا الخ

گبل غصيت بالگمتي .... اخذت العصير اشربه بس
فجأة گام سحبه من ايدي فتح بطل المي

_ شچاج يمعوده اخذي اشربي

شربني مي و سحب البطل حسيت روحي
اختنگت

رفعت عيني آلة نضراته كلها خوف سألني بنبره هادئه
شون صرتي

_ خلينه نروح البيت اهلك ؟

_ بعد ووقـ..... قاطعته و اردفت و دمعه خايفه طفرت
من يعني

_ حباب !!

شفته ديرجع لمكانه بسرعة كمشت طرف كَّـمه
بدون ما اطخ كف ايده لتفتلي متفاجئ بنفس
اللحضه حسيت الكل انتبه النه و تمنيت اكون
غلطانه ، گتله بصوت كله ترجي ....

_ خلينه نروح
_ ليش اكو شي

_ ممرتاحه والله
_ وضعج معاجبني

_ بعدين اسولف الك
_ احاسب و ارجع وراچ طلعِ

اردفت بسرعه معترضه ع كلامه
_ لالا انتظرك
رغم نظراته كلها استغراب بس محاول يلح بشي
مو مشكله

دفع الحساب و طلعنه تمشينه بنفس
الطريق انداريت اتأكد محد موجود
حسيت بأايد سحبتني من زندي بقوة

_ كافي تتلفتين ، حاليا متراقبين
_ يعني تدري وگف گلبي تدري

_ لا يابه اسم الله عليه ما داعي مو شغله تستاهل
_ مساع خو تحجي عن البرود العندي

ابتسم بثگل ثواني و تلاشت تحركه لحد موصلنه
للسيارة اباوع اكو ظرف اسود جبير موجود فوگها
اجيت اخذه سبقني و خلاه بسترته

_ شنو هذا
_ ظرف نسيته

_ تره اني مو غبيه خليني اشوف
_ اششش

ما شغل السيارة حسيته متوتر دقائق معدوده
طلع الظرف فتحه چانت باينه ورقه سحبها

ورقة رفعت راسي ردت حاولت مگدرت اشوفها
من قارها تحولت نظراته الاعصاب شگ منها
و عفس الباقي و شمرها من ايده جفلت من حركته

شقرأ و هيج انفعل نزل من السيارة عافني حايره
دنگت شلت الورقة أحاول اجمع الاجزاء فتحتها
ممكتوبه بخط ايد ما واضح شي غير جمله

_ حذرتك بس المثلگ ما يمشي ألا بالهاين

منو هذا الي كاتب هشكل ذبيت الورقة هو
دخل بيده بطل مي عافه ع الدشبول و طلع
سلاح و علبه غريبه لونها و الكلمات بس واضح

انها علاج فتحها أخذ حبايه شرب بالمي
و شمره بأاتجاهي بقت شلت الظرف بس
واضح بي شي گلبته و حركته شوية وگع
شي خله دريد ميعرف شيسوي ......

صار ساعتين نفتر بالسيارة وواثقه دريد
ميعرف شديسوي ووين دنروح كل ما اسألة
يرد " هينه انه الهم بعيني سهله بالة مو يمي

بـسـبـب الـطـلـقـة "

اباوع عليه دمارات بگصته طگن حسيت الشرار
ديطار منه رغم الجو بارد حسيت بالحر و الخنگه
تشجعت حتى احچي شنو قابل شيريد يسويلي

_ شراح تسوي و شنو معنى هالطلقة !

ابد مرد عليه و متهم أصلاً
عينه بس على الطريق

_ دوووورررررريددد

لتفتت عليه باوع عليه بخزره .... لا ارادياً جفلتني

درت وجهي عنه

_ شتردين
_ اخذني الاهلي تعبت

_ هيج راح تجازفين بيهم
_ شلون

_ الطلقة تهديد الية اما حياتي او حياة واحد من اهلي
_ و اني شعليه

_ عقلج مجيم و اخو زينب

رديت بكل فهاوه ..... ها

صگ ع اسنانه و رد اششش

عيونه كل الوقت بتلفونه يدگ و يفصل ماكو رد
آخر شي نرد عليه

_ الووو هله بيك
_ زياد اسمع زين اخذ العيال و اطفر للبصرة لو الكربلاء
_ اليوم الفجر لا تبقون
_ يي يي
_ الحاصل يصير خير اوصل للبيت و أتصل بيك

چان فضولي قوي ردت اعرف كل شي ديسوي
ليش و منو هدده معقوله الاسر لا هذا صديقة
عزههه معقوله

_ دريد اخاف ايڤان هو ورا الطلقة
رد بسرعة و بثقة .... لا

_ليش هالگد و اثق
_ مراقبهم اعرف كل صغيرة و جبيرة

يعني منو عندك عداوه وياه بعد
تجاهل سؤالي و شال تلفونه الي دگ رد بسرعة فتح
سبيكر صرت اسمع الصوت المقابل بس معرفته منو

عدي _ ولكك وينك انت
دريد _ ها عداي بطريق جاي للبيت

_ الوالد مرتفع ضغطه جيبله علاج وياك
_ صيدليات مو بعيدة عنك اتأخر هز طولك عطل

_ خرربب ظهري مكسور مابيه حيل
_ وصلت حچاية شكبرها بطرف ثمي و رديتها .....

_ لازم المنطقةة محضورة
_ هيج الظاهر

سده و شمره بأهمال كسر خاطري هالتلفون يشمر
بي كل الوقت مسافة ووگف سيارته وراح جاب
علاج وصلنا المنطقة واضح الرقي من ضخامه

البيوت و احجامها اجة عبالي قبل كم سنة ايمن
و أزاد اقترحو ننتقل نعيش بمنطقة راقية مثل
هاية بس عمو فؤاد و امير رفضو بوقتها ايمن

ضاج گلش وهسه البيت مثل متسولف اليه
تالين مستعزين بي حيل صحيح هو مجرد
بلوكات و تحيط بيهم بس كل انش و جزء

بالبيت آلة ذكرى مختلفة صحيح مداخلته
من يوم الي طلعت بي منهم وي اخوية بس
ما يعني اني نسيت شي عنه

وگف يم الباب و اشوفه يخابر مدري بمنو
حتى بعده مداگ الباب انفتح دخلت و هو ورايه

استقبلتني امه بصلوات برحابه صدر و احلى
سلام هي و افنان چان البيت چبير بشكل .....
دخلت من البداية على صالة ضخمه بشكل ملفت

الاثاث راقي لوحات تحفيات انتيكه جماليتهن
باين بكل مكان گعدت بالصالة و دريد إختفى
جابولي ضيافه گعدنه نسولف شوية تقريب

نص ساعة اجتي بنيه اعرفها زوجه اخوه
سلمت عليه بس مرتاحيت الها تتصرف
بطريقة تششك انك بيك نقص مدرتلها بال

ام عدي _ يله بنيتي اخذي راحتج حروح اكمل العشه
افنان _ جاية اساعدج ماما

هيلانه _ اجي وياكم
ام عدي _ لا ابد

هيلانه _ لعد عمه شلون ابقى وحدي
_ لا أكيد شوية و ندز عليج هسه روحي افنان اخذيها
الغرفة اخوچ

وجهي حسيته صار ينطي الوان عزهه بعينك و دريد
افنان _ مرت اخوية يا الله گدامي
ضحكت بمجامله بوجهه
هيلانه _ ههههه صار جاية

تمشينه لنهايه الدرج چان اكو باب فتحته شفت سياچ
البيت استغربت اخواها وين عايش لعد

افنان _ هاي الحديقة الورانية شوفي
مهتمين بيها اكثر من الواجهيه
هيلانه _ هههههه صحيح يراد تغيرون مدخل البيت

ضحكت بعلو و مشت گدامي ووگفت گدام باب هم

_ ابويه مقسم البيت الي بالبدايه صغير
اني و ماما وبابا اخواتي من يجون

_ البنص الاخوية الچبير عدي
اما البطرف الادريد و وسام مسافر

فتحت الباب هم نفس الألية الباب بصف الدرج
بمسافة قليلة ......

واضح جديد مبني بطريقة اشوفها بس بالمسلسلات
شگد مچان بيتنه حلو بعيني هذا گدر يفوز عليه
لان البناء مختلف احنه تصميمنه كأي بيت عراقي

مع لمسه حلوه تغير كل شي اثاث و حديقة بالواجهيه
و هيج شي اما هذا حسيت روحي طلعت برا العراق
يمكن بالغت او لان اول مره اشوف هيج بيت !

كل شي لونه ابيض و تدرجات الرمادي دخلنه المطبخ
شربت افنان مي لون السنگ و الكاونتر و حتى ميز
الطعام نيلي ......

ذوقة جميل اعترفت النفسي عافتني و طلعت صعدت
ليفوگ حتاريت وين الگاه بس صوت عياطه دلاني بي
چان يسب و يغلط ما اعرف على منو ......

دگيت الباب ..... رد بأادخلي

فتحته ع كيف و هنا الصدمه
حسيت المكان غرگان من الملابس و اكو ريحه مطيبه

دخلت ارمش بعيوني بطئ و بتتالي ...... غلق المكالمة

همس بصوت مسموع .... نورتي يابه

_ هاي شلون عايش هنايه
_'ليش شكو

_'شهالهوسه هاي
رد برود
_ الصبح قبل لا اطلع دورت على شي مناسب البسة

_ يي رجعهن مو خلصت ؟
_ أصلا مالگيت اليعجبني

_ ها
تجاهل صدمتي و كمل
_ فرحت اخذت قميصي الماخذه عدي قبل اسبوع

_ عزهه اليشوفك شلون مرتب يگول
هو يكوي هدومه حتى يتأكد من الترتيب
_ ما عندي شغله و عمله اسوي هيج

سكتت شوية وهو يرفع شي و يشمر بالخف
_ راح تگول الاهلك
_ أكيد باجر اطلعهم من بغداد

_ معرفت منو ورى الموضوع
_ لا

_ فكر منو هذا الاذيته و هسه داينتقم منك
_ هذا بسماار

_ انت شتگول

_ تدرين بسمار الحبايب شيعتبر ؟

لا و احنه مو حبايب

_ بسمار الحبيب مثل اگل الزبيب
_ منيلك هالمثل هذا

تقرب مني يتقدم وي كل كلمه ينطقها زين شرأيج
نصير حبايب هالساعة يقترب و اني ابتعد لحد
مطخيت ميز التواليت الي صار ورايه

_ تدرين بنفسچ حلوة و انتي مرتبكه
_ دووووريدد و خرر

_ ليش تجرين بأاسمي
الدمعه صارت بطرف عيني حسيت
شريط ايامي السودة مر گدامي و اختفه من .....

گالها و قدم ايده رفعها صارت على خدي صعدت
اكثر تجرأت على شالي الي لافته بأاهمال و هذا
خله مقدمه شعري كل شوية باينه شعري صار
مكشوف گدامه

_ گاصته
_ من زمان

_ تدرين شغله
_ شنو

_ اذا شفت هالفحمات طالعات اضربچ صفر
فتحت عيني بأاندهاش
_ و انت بكيفك

رد بكل استهزاء
_ لعد بكيفچ

_ يي بگيفي اگدر اگلك دگم قميصك
كامل و عوف سوالف المراهقين ما اگولك
طبعا فأانتلا تأمرني بشي

ضحك و كأنما ناسي او يتناسى مشكلته
_ وهيچ ضالة بگلبج متگوليها و تريحينه
_ صوچي منطيتك وجهه و احچي وياك

_ خاف مترضين سندرلا
كافي وجعتلي راسي

_ بسببي يعني
_ شنو متسمع انت
رافعه راسي اباوعله بكل غضب على عكسه تماماً
و فجأة بين ثانيه و ثانيه من التردد و الجرأة خله
ايده على شعري من ورا مسد بي ثواني بهالوقت

گلبي ينبض بقلق و بنفس الوقت مخايفه منه
غريب شعوري وياه ليش اكرها بس من يصير
بوجهي يتغير كل هذا

حاولت اجر نفسي و ابتعد بس ثبت راسي بااحكام
كف ايده نزل ع رگبتي من ورا سرت بروده جسمي
غريبه بهاللحساس حرت و محسيت غير دفع راسي

عليه باللحضه و اللحضه ثانيه قدم راسه عليه
و باسني بلطف على گصتي بوسه باردة رطبه
و بيها شي معشته من قبل

ابتعد عني بسرعة و طلع تلمست وجهي الحار قليل
بحقه كلمه يحرگ ! حسيت نفسي ضايعه اكثر و اكثر
بلعت ريگي و صرت امسح وجهي بأاستمرار ردت شي

ينسيني اباوع على ملابسه الي بكل مكان الچرباية الكرسي الارضية الكنتور بيبانه مفتحه حاولت الملم
شوية بلكي انسى هم غرفته چبيره چرباية ام نفرين

كنتور ماخذ اغلب مساحه الجهه الهو بي لونه ابيض
و اما البيان مرايات هوايه اكو مرايات بالمكان حتى
جوه هالگد يحب يشوف نفسه بنهايه باب خشبي

توقعت اكو حمام فتحته بس لا چانت عباره
عن مكتب و صبورة ضخمه صور ووجوه هواية
موجودة رجعت سديتها بسرعة قررت اطلع قابل

ابقى هناية لما يجي !!! طلعت من الغرفة المكان
هادئ نزلت بسرعة تلفتت باارجاء البيت ماكو
مموجود آخر شي رحت للمطبخ چان واگف

يم براد المي و بيده گلاص مي انبهت عليه لابس
تراك مال بيت من شافني شرب ع سريع و مله
الگلاص من البراد مره لخ قدمه بأاتجاهي اخذته

من ايده نضراته چانت تتفحص ملامحي عيونه
مو مستقره تتجول بمنطلق الحرية ....

_ نرجع يم اهلك
_ مو هسه

_ گتلهم على الظرف
_ بعدني

_ هلال
_ نعم

مجاني صوته رفعت راسي چان يباوعلي
_'اگعدي

_ ها يي .... رحت ع الكرسي و هو تحرك
عبالي يگعد مقابيلي بس الي صار گعد يمي

فتح تلفونه شوية و دفعه گدامي كمشته و هو اردف
تعرفين هذا الحساب تعرفي المنو

بتعجب
_ الصديقتي
_ انتبهي منها

_ ليش مراسلها
_ ادخلي على المحادثة

سويت مثل مگلي چانت عبارة عن اتصالات منها
هو مراد عليها بس مره وحدة

توترت و گلبي نغزني بقوة هاي شجاي تسوي
_ شحچت وياك
_ اني الازم اسأل هسه ؟ صديقتچ وياچ بالمدرسة

_ لا
_ لعد

_ تعرفت عليها بالفيس
_ انتي راسلتي لو هيه

_ ما أذكر بس چنه بگروب واحد و ترد على تعليقاتي
وهيج صرنا نحچي
_ شتعرف عنچ !

_ معليك
_ زين شتعرفين عنها

سكتت رجع ردف
_ غبيه انتي غبيه تدرين لو لا ؟
_ لتجاوز

عافني و طلع زفرت انفاسي بغضب اول مره
هيچ يحجي وياي بكل هدوء او بالاصح برود

متحركت من مكاني الحد مأجت افنان اخذتني
وياهه چانو يجهزون السفرة ياكلون بـ الگاع
حرت وين اگعد

_'تعالي ماما اگعدي يمي

گعدت يمها صرت مقابيله اخوه سلم
و رجع عينه على اكله مشالها حتى
بنين زوجه هدي گاعدة يمي من الجهة
الثانيهبس بيني و بينها بنتها عمرها

بل ١٠ سنوات الاكل جان طيب بس نفسيتي
مسدودة و ام دريد تشيل و تخلي يمي رفعتد
راسي باوعت القسور هم نفس الشي مماكل

تنهدت مر وقت وخلصنه گدو يسولفون دريد
طلع و رجع مغير ملابسه لحدما اجة ابوهم
سلمت عليه رجعت المكاني .....

_ يابه مثل موصيتك بالفجر اريدكم مكملين
_ ان شاء الله ابني
_ المحل دبرته
_ أكيد لا تشيل هم اخذ مرتك هسه تتأخر الوقت
_ ياالله مع السلامة
_ الله وياك

طلعت وياه الحديقة رجع التفتلي
جيبي بطل مي و تعالي منتضرچ
وجه كلامه الافنان راحت و اجتي

جايبته اخذه من ايدها و طلعنه
للسيارة قبل لا يسوق خله البطل
بيدي و گال ....

_ علاجچ وياچ
_ يي

_ اخذي اشربي
_ اوكي

_ اخذته منه و شربت علاجي
بدة يسوق بهدوء ايد يحرك الستيرن بيها
و ايد الثانية راچيها ع الشباك و كف ايده
صاير على حنكه العريض انظاره متوجهه

ليگدام ، طلعت تلفوني اگلب بي تجاهلت
رسائل غيد زعلت عليها مو من حقها تحجي
وياه و هي تعرف كل شي بشنو تفكر مدااعرف

بقيت افكر الوقت طويل ما حسيت غير على
ايده ووهي دغني بكتفي

نداريت عليه اباوعله حركت ايدي بمعنى شكو

رمقني بنضره حادة كأنما يگلي لتفكرين هواية
_ انزلي وصلنا

فتحت الباب نزلت وهو نزل طلع اغراضي
خلاهن بيدي و مشه گدامي دگ الباب فتحه
بارق بقى يحچي وياه و اني دخلت

اروى مموجودة استغربت هي مو گالت ابقى
هالاسبوع ميس ردت ....
حماتهم مريضه راحت يمها ورى العشه

شوفني ملابسهن و شغلات جايباتهن الية
صعدت الغرفتي سبحت و غيرت ملابسي
لگيت رسالة من تالين تگول لداومن باچر

اذا ماكو شي مهم .....

گلت المارين گالت ابقى وياج اما ميس
فشغلها بالمستشفى ميتأجل .....

بهالاثناء في مكان آخر .....

وقت غده ندگ الباب أمي دزت ابن اخوي

ليث _ گعد عمي اني رايح

طلعت فتحت الباب باوعت مستغرب شيسوي هذا هنا
_ لك هلا رفيج
_ هلا بيك ليث

_ تفضل استريح
_ مستعجل صدگني و انت ارتاح صارلك كم يوم نازل
بس جاي أسالك عن شخص

_ تفضل أسال
_ هم عند ابو حرب صديق بأاسم جان

_ ما أعتقد بس بنفس الوقت مو غريب عني بس ليش
_ اجاني قبل فترة و سأل عنه ما انطيته أي معلومه

_ هو خص بس ابو حرب يعني بالاسم سأل عنه
_ لا گال أدم صگر ال.... و حسب السجلات العندي
بس ادم ابو حرب المقصود

_ دزلي بيانات الي اجاك و اني اكمل الباقي
_ ادلل

_ غالي مع السلامة

لليل گاعد وصلني بريد فتحته لگيت بي معلومات
جان بنفس الوقت رسلتهن الادم و اتصلت بي

رد عليه و هو يگول
_ هالمره الاسر لازم يطلع روحه علني
_ السبع اخوي نطلعه ليش لا

_ اسمع ليث قسور خارج قوس اذا تعرضتله
جماعة بمهمته مو شغلك تتدخل "
_ ليشش

_ مو هسه تعرف كل شي بوكته حلو
_ لا بالخوة مو طبعك هذا شلون نعوف قسور
و هو أكثر واحد مستفيدين من شغله

_ تخطئ الخط الي راسمه آلة
_ بالشغل

_ امرلك باجر نلتحق العصر
_ شني هاي مو خوش سالفة اشوفك باجر مع السلامة .....

غلقته و الف فكرة صارت براسي .....
خابرته بعد مره شفته مصر بقراره
اتصلت بجماعة اعرفها رد واحد منهم

_ الو
_ شعجب ولك ذاكرنه منك من الشيطان

_ لا من ابليس اسمعني وسام
_ خيرك احجيلي

_ قسور الظاهر راح ينعاف و اذا نعاف موته يسهل
على هواي اشخاص و انت تعرفهم زين
_ اعرفهم بس فهمني شبي قسور

_ اريد تشكل حماية آلة بسرية تامة اذا احد عرف
اني مكلفك تدري شيصير
_ بس ليش تساعدة اذا اجاك امر

_ يمعود صار سنين وياه اخيي هذا و بعدين الولد
توه تنفس و استقر خطب و يريد يزوج اروح
اتركه و أدري بغداد اخطر عليه من الموصل
_ فهمت عليك هو الولد هم آلة افضال هواية
علية وعلى الشباب لا تخاف بيني وبينك ما يطلع

نهيت الاتصال عفت التلفون ع الميز

طلعت من الغرفة نزلت أجهز بگهوتي
خلصتها و رجعت الغرفتي .....

ما عدت ثواني سمعت صوت اشعار يعلن عن
وصول رسالة فتحتهه ع السريع چان وسام

_ دير بالك أدم ما ينلعب عليه
_ جاي اعاونه حتى لا يندم
_ أدم صـگر يـندم مـا أظـن !؟ ......

يـتـبـع .... 👿♟️🎭

البارت قسمته لان ما انشر بي احداث كوللششش
هواية هاي بس اطراف حديث اكمل النقص و انشره

من البارت القادم

اليوم عندي موضوع مهم اتناقشه وياكم

سكتت بعدين اردف

يتعلق بأابونه

باوعنه عليه بذهول و هو كمل رغم هذا

فراس رجع يريد يشوفكم
موجودين خلي يجي

لا ما يگدر يوصل لهنا
اعذروني راسي يأذيني اخذت علاج بلكي أنام

هيله بنيتي اسمعيني ؟
لا ما اريد اسمع فدوة اتأذه هالشكل

زفر انفاسه بغضب
متريدين تشوفينه
لا ابد

انتي مارين
مثل هيل

مو كل شي گالته هيلانه و گلتي مثلها
اني اريد مثلها بعدين مالنا حاجة بشوفته
الله يخليكم انتو معوضين عن كل شي

انتن بويه
خلي هو يجينه كافي ضام روحه سنين
اخذني وياچن

شردنه من هالنقاش استغربت هواية من مارين
حسيتها مثلي اخذت جزء من الكسره و الألم
لان اسمه لفراس ورا اسمها ....

كبرنه بدونه و تعبنه منموت اذا متدخل بحياتنه
بالعكس راح تصير اسوء الاسر و بيت جدي
المشاكل مراح تنتهي

لليل أحمد و بارق گالو احنه رايحيين باجر
العرفته بارق جابره يجي لان محب يجبرنه احنه

ثاني يوم تأخرو صار العصر هم ماكو

اتصلت بارق بي بالعشرين مره ميجاوب رجعت
الاحمد نفس الشي خفت عليهم من المكان الرايحين
آلة هو لو يريد يشوفنه ليش احنه لازم نروح مو هو

اليجي مر وقت طويل و توتر موت شكو حيل بيه
لهناك ودگيت و بگلبي اگول هاي آخر مره

نفتح الخط ردتلي روحِ بلحضتها و انوخذت مني
باللحضه

عطت بخوف
.... بارق وينك مو بالي يمك شگد خابرت

اجاني صوت
.... بسس مو مو صوت واحد من اخواني

نقبض گلبي من ردت و هي تگول

.... عفواً اختي صاحب التلفون
بمستشفى اليـ.... السائق و رجال چبير بالعمر
وواحد شاب تعرضو الحادث هسه هم بالنعاش

التقيتكم غداً بأامان الرحمن اتمنى تتفاعلون

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد