هيلانه الاسر الفصل الرابع وأربعون 44 - بقلم زهور ال سلطان

#هيلانه الاسر
بين لفحات أُوَرا و الزَّمْهَريرُ

زهور الـ سلطان
مهم" لا تنسون التصويت و المتابعة فيروزاتي

ملاحظة" جان الي نذكر بارت أمس بمشهد
ليث عرفتو منو صحيح هو چان آلة ظهور
واحد بداية الرواية بس ممكن بقى بالكم ؟

ملاحظة" بالبارت السابق عرفت شكد تحبوني
وخلو بالكم قبل لا تلومني على تأخري باوعو على
تفاعلوكم يفيروزتي

قرائة ممتعة اقتبرنا من النهاية ربما 🦦🦦🦦

.

رغم اننا نؤمن بأن العقل اكثر صوباً
لا أنه يعصب علينا التخلي عن اشياء
اخترتها قلبونا
.

هـيـلانـه

أن تَّكون رائِحتي زكيه لا يجعُل مٌن طعمِ حُلوً

لگيت رسالة من تالين تگول لداومن باچر
اذا ماكو شي مهم .....

مجان عندي شي نزلت انطيت خبر للبنات
لمارين گالت ابقى وياج اما ميس
فشغلها بالمستشفى ميتأجل .....

الصبح گعدت على وكت تريگت و صعدت
لغرفتي اعزلها رغم هي مرتبه بس أحب
لمعه النظافة الزايدة فجأة اجة ع بالي

دريد عكسي تماماً هو رغم ملابسه و كل
شي حوله فوضه بس لبسه و لا غلطه
اما اني كل شي مرتب و من أجي البس

اختار شي خارج نطاق ذوقي اهم شي
ابدل على سريع اخذت تلفوني رسلتله
رسالة اطمئن عليه چان آخر ظهور آلة

البارحة ، فراسلت افنان هماتين غيد
كل عادة نشط هالبنية مدري شوكت
تنام .....

نزلت چانت تالين توهه گاعدة و تضحك
هي و مارين

هيلانه _ تضحكن بدوني
مارين _ ههههههه

تالين _ هيله تعالي يمي اجيت اطلب منچ
طلب ابوية وصاني عليه
هيلانه _ گولي

تالين _ مترديني
هيلانه _ لالا

تالين _ ترجعن وياي البيتنه !

فزيت و اني اباوعلها بعدت عيوني عنها
هيلانه _ ما اگدر

تالين _ فدوة هيله ايمن اني انطيكم كلمه
مراح يدخل بيكم

همست بنبره كلها جزع ..... راح انغص
ع سعادة أزاد

تالين _ شلون
هيلانه _ غصه ييه شگدها امير مقفوله
غرفته و الناس تمشي بحياتها

مسحت دموعي و اردفت مكمله
_ ما اااقصددد أزاد الي قتلوهم

دمعت عيوني اكثر او بالاصح دخلنه بنوبه عميقه
من البكاء

هيلانه _ كل يوم يجي ع بالي و اختنگ
احس الدنيا وحشه بدونه لا يوم
مرني طيفه و لا ذكرني شنو معناه
معقوله زعلان مني !؟

وگفت تالين و اجتني حضنتني
متعرف تهدي بنفسها لو بيه
شوية و هديت رجعت المكانها

و اني گعدت يم مارين الي تبچي
بسكوت

مارين _ اني أجي وياچ أزاد صارلي
اكثر من ابن عم و اخو دار بالة عليه
هواية اريد ارجعله شوية من السواه

التفتت عليه كمشت ايدي و گالت
_ صدگيني امير هسه كلش فرحان
هو دائما چان يگول يهمني اشوف
جهالي فرحانين بوقتها چنة نزعل

لا يعتبرنه اطفال بس هسه ادركت
هو فعلاً احنه جهاله رغم قله السنوات
العشنه بيها وياه بس الايام و الساعات

ثبتت هواية مو هيله ؟

سكتت عنها شنو ارد اگول قابل
كلامها اكثر من كونه صحيح
يحرگ الگلب

هزيت راسي بقبول رديت
هيلانه _ راح اجي ازودي البومة لازم افرحله

فرحت تالين و راحت تخابر الخاله هي مقترحه
على اخواني بس هم رادين بكيفهن ....

مچنت ممستعدة الهالخطوة كل ما اخذت
كم غرض الية و فكرت ابعد عن البيت تجيني
مشاكل تخليني اتركه نهائياً عبالي مجرد صدفة

لكن اكتشفت انو هي مأسات ترافقني و مثل
متگول خاله لجين

المنحوس منحوس لو خلو براسه فانوس

جهزت جنطة زغيره بيها ملابس عطور منظفات
كل شي خليت حتى ما ابقى محتارة و أصلا اني
محاضره عرس اقارب او شي اول مرة هايه هههه

ما عدا اعراس اخوات صديقاتي او اخوانهن چنت
انعزم و مو دائماً يقبلون اروح

لليل منتضره أزاد يجي يادخذنه مياس ميته
قهر لان متگدر تجي و تتفرغ الا قبل الحنه
بيوم و بنفس الوقت تضحك علينه لان راح

يصير النتضيف علينه خبلتنه بسوالفها .....
من كملت اخذت تلفوني و ذكرت دريد

اتصلت بي مالي خلگ الاروى
يمكن اخاف منها اكثر منه مرات
من ناحية اخذ الشور و هالامور

رد عليه سلمت عليه بسرعة وگلت

هيلانه _ رايحة البيت اعمامي
دريد _ منو منهم

_ يعني منو بيت عمو فؤاد
_ عليمن

_ زواج أزاد هالاسبوع
_ خلص روحي بيوم الحنة الصبح

_ يا بعد عليمن خو اروح خالي حال الخطار
_ بعد احسن

_ درويددد شبيك
_ شبيه هلال ؟

_ تره اذا ع ولد عمي اني رابية وياهم تره
صار سنتين بس من طلعت منهم

_ روحي

توني داگول شكرا لحضرتك فاجئني بكلامه

_ روحي بس بشرط
_ شرط ؟ يا نوع من الشروط

_ اللبسي الحلقة
_ صـ

_ اذا صغيرة باجر اجي نروح نشتري غيرها
_ تمام البسها

_ وعد ؟
_ اكو قيمة للوعود عدكم

_ عدكم من اني واحد هلال
لاحضت نبرته الغاضبه بلعت ريگي ليش صاير
عصبي شبي هذا ....
_ خلص اللبسة مو مشكلة

_ و انتبهي لنفسج و العلاجج
_ بالعرس راح تكون موجود

_ ما اعرف بعد
_ اوكي باي

_ بأامان الله هلال

غلقته و رحت دورت على الحلقة مدري وين
شمرتها من بعدها بوقت اجة أزاد شكله فرحان
و متونس حيل فرحتله وصلنا للبيت مكان
الي ضيعت بي هيلانه المشاكسه البنية الي

تحب تضحك و تلعب و متبقي بنفسها شي
اذا سيطر عليها فضولها هنا نولدت و ندفنت
اول مدخلت للبيت اجت كفخه من ريحه

الذكريات لوهله من الزمن تخيلت امير
گدامي مبتسم ابتسمت ع ابتسامته
بعد مچنت عابسه سلمت على خالتي

و تالين متجنبه ايمن و مرته حتى
مارين نفسي عمو گدني بجهه و مرمر
و تالينة بجهه و صار يباوعلنه بشغف

كنما يريد يشبع عيونه بينه حاولت
ارجع شوية من نفسي القديمة حچيت

عمو انت بعدك شباب ليش مترجع
هيلانه _ مثل قبل تصبغ لحيتك

قهقه بخفه و رد
فؤاد _ كبرنه بعد خليهن يبينن
هيلانه _ منو گلك گبرت

تالين _ صحيح كلام هيله بابا منيلك الكبر

فؤاد _ لجين ههه

لجين _ يا رجال تخليني بحلگهن تريد

هيلانه _ هههههه ليش خاله هالگمر هم يكبر يعني

هههههههه

رد بقهر واضح بصوته ضحكته و ابتسامته
مغيرن منه .... هو ما كتلنه غير هالحچي
متنعرف انت من ولدك كلكم شباب

سكتنه بلحضه و بعدها مر حديث عابر
مطال الوقت صعدنه لفوك اجتي عيني
ع غرفه امير قبل غرفتنه ....

تخيلته فتح الباب و صار يباوعلي
رمشت اكثر من مره حسيت بوجع
بگلبي شلون تخلص هالايام ما اعرف

دخلت من إختفى عن خيالي غرفتنه
الحلوة شهدت عركات و مشاكل و أسرار
لا متناهيه ......

تمددت مادة ادية و رجليه احتليت كل الچرباية

تالين _ متبطل حليمة عادتها القديمة

رفعت راسي الها وگعدت عدل كلمتها
العادية ذكرتني بالاسم الي سماني بي
دريد بيوم السرونه داعش .... تنهدت بألم

حاولت أنام بكل جهدي لان مكاني تغيير ......

.

مـاريـن

بين قلبِ و عقلِ و منطق الامور
حولي لم يته احد سواي

حسيت احد ورايه منداريت بعدين
گعد يمي التفتت اشوف منو بلا مبالاة
بس فزيت و اني اشوفه بسيل ردت ....

اگوله شسوي هنايه بس متجرأت چان
ساكت و على وجهه هاله من الغضب
اخذت كل اغراضي داگوم حتى اتلافه

كل شي راح يصير بس وگفني صوته قبل
لا افكر اخطو بعيد عنه حچة بغضب مكبوت
بسيل _ اگعدي مارين
_ تأخرت عند.....

_ محاضرتها انتي اصلا

ستسلمت للامر الواقع وگعدت يمه
_ جاي حتى اسألج سؤالين
بعدها اعتبري ما صار شي
انتي بعدج مارين بنت عمي
و اني بسيل خوش

_ اسال
_ سبب رفضچ الية ؟ ممكن توضحي

_ ماكو سبب بي حاليا مامفكرة بالزواج
_ اني مگلت نزوج ورا اسبوع من الخطبة

_ مو هيج بس
_ انتي رافضتني لو رافضه الفكرة
لو اريج رفضت اخوچ ؟ ضغط عليچ

_ لا ما تدخل اصلا
_ احجيلي شي يبرد گلبي

_ بسيل
_ ان شاء الله تلگه البنية الي تگدر تسعدك

_ هذا رد مارين
_ تگدر تعتبره هيج

_ مع الاسف
دنگت راسي بعجز و حيره رفعت راسي اباوع
عليه نضراتهه كلهن عتب و خيبه أمل

گام من يمي و قبل لا يروح گال
_ دوم موجود اني بحال تغير موقفج

ندار و راح شنو معنى كلامه الاخير
عنده أمل ارجع اكوله موافقة .....

.
تـالـيـن

بطريقة ما أن الشي الذي تبقيه
سراً لتحافظ على احد ما سيكون
اول سبب يجعلك تفقد ذالك الشخص

مرات جهل الاشياء افضل من ذنب معرفتها
قبل عرس اخويه بكذا اسبوع اجة يمي ايمن
صار يسأل عن مارين و اذا تعجبت بأاحد لو
تقدملها من زملائها

تالين _ اخوية يا عيني انت بطل هالاسئلة
ايمن _ جاوبي و انتي ساكته

_ ممجبورة ترا صحيح اني ما اطيق حنان
و هاي اني گلتها بوجهك بس حرام الي تسوي

_ مو حرام هن بدن خليها تستاهل
_ ما فهمت

سكتت عني رجعت اردفت
_ ايمن بربك و اذا تقدملها و احد من زملائها
قابل شتريد تسوي

ابتسم بمكر
_ اطيره
_ لا الوضع ميؤس منه فد نوبه

ضحك و گال
_ باجر أخذ حنان للعمارة و عگبه التحق

_ شلون و العرس
_ ترجع أكيد

اوكي توصل بالسلامة و ترجع بسلامة حبيبي
باس راسي و طلع من يمي راسلت رسيل
و صهيب بعدين نمت ......

ثاني يوم أخذها و مشه اليوم البعده اتصلت بي
ملتحق مر على التحاقة فترة بيومها

چنت اساعد ماما بالمطبخ أزاد بالعيادة

لجين _ تالين اغسلي ايدچ و روحي نضفي
عرفته الاخوچ

تالين _ منو بيهم

لجين _ مؤتمن باچر ينزل
ها اوكي لعد .... گلتها بفرح

صعدت للغرفه عزلت كل شي و مسحت الارضية
و الخشب فتحت خانه ملابسه اخذت كم تراك
خاطر اغسلهم رغم نضيفات لكن من زمان متروكين

و اني واگفه گدام الخانه لفت انتباه مسامعي صوت
اهتزاز گلبت بالهدوم بس ماكو حاولت أفتح الخانه
الثانية بس ماكو مقفوله

غريب ايمن ناسي تلفونه الثاني زين ليش الباب
مقفول عبست شفايفي بحركه سريعه مستغربه
بعدين اخذت الملابس و غسلتهم و نزلت شريتهم

علاقتي بصهيب چانت نوعاً ما جامدة هالفترة
أحيانا أكول حقة تعبان ميگدر يسأل عني أحيانا
ما اعذره اكون مشتاقة آلة رغم هو يحبني اكثر

مما أحبه واثقه من هالشي و اتمنى يجي يوم
عيوني تلمع بلهفة لمن يصد عليه هو شخص
يستاهل ان تحبه بطريقة مختلفة و قوية .....

بنفس اليوم بليل دا اراسل بي وراح
فجأة تأخر هواية بعدين رجع للبرنامج
و هم مراسل من حرگت گلبي محسيت

نفسي غير حاضرته بكل مكان مترد عليه
انشوف منو يحاجيك اطلع ما افتهم يالللجلمددد
حجيت بحرگه و شمرت تلفون دخلت للحمام

سبحت طلعت خليت الوجهي ماسك و مقشر
طبعا لان اكو مناسبة بالعادة اني اكتفي بمرطب
نعست صار الوقت متأخر شلت تلفوني شفت

رقم غريب ابتسمت بنصر.... اعرف بي مينتطر لباچر
دخلت للمحادثة مكتوب بيها

صهيب _ تكفي شرِ و افتحي الحضر

فتحته ورا نص الساعة و اتصلت بي

جاوب وواضح من صوته ضايج
تالين _ شبيك جلمد شنو المضوجك
صهيب _ ليش انا يمتة فرحت حتى اضوج

_ افف مو تگول انتي فرحتي شبساع تختلف عليه
_ فرحتي محتارة تكون بعيدة عني

_ يا جلمدِ يا عيني انت مو تكول اريد
اخطب بدون ما ادخل ابوية من هسه
اگولك هالشي ميمشي عند اهلي فلازم
تقتنع و تطلب منه شي

_ ما اريد
_ كيفك انت حر

_ تالين
استغربت ليش گال اسمي بهالجدية
_ ها

_ لو چان اكو فدد شخص قريب كلش منچ و ....
_ يعني انت لان معندي شخص اقرب منك

ضحك بصوته الخشن خله اسناني تبان
من حجم ابتسامتي گح وراها

_ صحه صحه
_ وچ سوالفي هاي لتعيديهن براسي

_ شنو داده ماخذ بيهن طابو
_ يي داده

ههههههههه

_ يي كمل سالفتك
_ انسي

_ اوكي نسيت ، بس مگتلي ليش چنت ضايج
_ ما اگدر افارگ رسيل اني شلون نطيتها ما أدري

تالين _ خفت متنطي و يرجعوها بيك هههههه
رد بجدية
صهيب _ انه ما اخاف لو اريد اگدر اخذچ
من عيون شكو سبع يطلع وراچ

_ مااشكك بالموضوع
لتخاف عليها انت مأمنها بالمكان صحيح

_ اخوچ بعد
_ لا والله بس هو حباب كلش و يح...
عضيت ع شفتي شهالغباء تالين تريدين تگليلة
يحبها

_ كملي
_ ماكو شي المهم لتخاف عليها

_ لا طمنتيني أصلا
_ تجي بالحنه

_ يا زمال يجي بحنه رجل اخته
_ يووو يا حچاية ارجعي لمگانج

_ بيچ و متلبسين مستور
_ لا أصلا كل شي جبته مستور لتخلي بالك

_ وين انتي
_ بغرفتي و انت

_ بالصالة الفوگ
_ هالمكان لازم نتعارك بي

_ بس آخر مره صار غير شي
_ منعست ؟

_ هو حضن شبيج شردتي
_ نعست اريد اخلي ماسك وانام

_ تعوفيني علمود ماسك ؟
_ لا عوف الدواما حياتي هاي مالتي

_ اگعدي فلنفص بسيطه اطلعهن بيج وحدة وحدة

_ ههههههه شننو هاية نوب

شوية و غلقت المكالمة و نمت

مرن كم يوم من تنظيف و تعب و مشاكل حنان
الي تجاهلناهه الحد مسكتت عرفت حدودها
بيوم الحنة اصريت اسوي حنة الرسيل رغم رفضها

سويناها بيت صهيب مثل ما حب و جانت كلش
حلوة لان هو جهز كوشه حجزها من عرف بقرارنه
بس مجابت طاري الاحد غيري انو هو اختارها وياهه

بليلة الحنه رگصت هواية خاصه وي رسيل
نسيتها كل شي و ركصتها

من رجعت انشغلت بحنه الزلم و التحضيرات
من كيك و عصاير و هالامور غير عشه اهلي
صحيح جاهز بس هم تعب طبعا مو وحدي

البنات معافني لحضه و أمي تنطينه اوامرها
و قبل لا أنام چنت رايدة اطمن عليه

فأاتصلت

رد عليه وصوته اتعس من الايام الفاتن

_ يا عيوني گول ياالله

تنهدت و رد بصوت افضل كنما يذكر
نفسه انو ما يريد يضعف الاي سبب

_ تعبان تالين بعدين نحچي

_ غير اعرف شبيك

سدها غمضت عيوني بصبر ما اريد
اطلع نحاستي عليه و اعرف هي
و عصبيته قطبين متنافرين ......

اتصلت برسيل لا هاي تبچي

_ رسيل حبيبتي شكو بيچ شي

_ مبية شي بس خايفة و

قاطعتها _ ماكو شي يخوف انتي تحبينه الازاد
لازم تثقين بي

_ اعرف

_ اروى بعدها گاعدة انتظري مو تسدينه
ركضت بتلفون الها بدت تصعد لفوگ و تحجي
وياهه اسمعها تگول .... هاي الخوفه طبيعية

بقيت واگفة بالممر لما اجتي و بيدها تلفون

اروى _ اخذي احچي وياهه

تالين _ رسيله

رسيل _ تالينة اني متريد اعوف صهيب

_ منو گالج راح تعوفينه

_ مراح اشوفه هواية

_ احجي وي أزاد بعد كم يوم راح تلگي
هو الياخذج آلة

_ والله

_ وداعتج والله هيج يصير

هديتها شوية و غلقت الخط تنهدت بحزن
و رفعت راسي دامشي لگيت أزاد متكأ
ع الحايط و يباوع عليه

_ ليش خايفه
_ اروى تكول الموضوع طبيعي
بس هي قلقه على شوفتها الاخوها

_ من سمعتها تبچي تخيلته طفل
و متگدر تركه

_ مو هيج بس هي عايشه وياه اكثر مو امها و ابوها
اعتيادي هيج تحس

_ حاير وياها رسيل شخصيتها الي نعجبت
بيها تختلف عن الطفلة الي طلعت بمرور الايام

بقلق رديت _ و الطفلة زاعجتك يعني ؟

_ بالعكس

ابتسم ابتسامة جبيرة وراح اني اليوم
راح انجلط

عفت كل شي و رحت نمت

ثاني يوم الظهر تجهزت بشكل كامل و مامكيجت
انتظرت اوصل الرسيل ، الكل جان فرحان كملنه

امي و ام رسيل و اني راح نروح
للصالون اباوع لهيلانه كامشه تلفونها
و صافنه تعض بشفتها .....

تالين _ لچ لا تنجرح لتعضينها
هيلانه _ هههفف صايرة عادة بية لا ارادياً

تالين _ صافنه صفنت ابو صابر صاير شي
هيلانه _ انجبي انتي ابو صابر بعدين اريد
احچي ويه دريد خاف ميجيب افنان

تالين _ روحي لغرفتنه فوگ
هيلانه _ اوكي

عفتها و اخذت كل شي صعدت لغرفه أزاد جبت
تجهيزاتهم محضرتهن ماما و طلعت من البيت ....

بعد ما كملت رسيل مكياجها و لبست البدله
صارت جميلة بشكل لا يوصف صرت اتغزل

بيها و الأخت ميتة خجل لحد مترزلت
گالت ماما خابري اخوانج اخابر ميردون
آخر شي اجة بالي رائد

_ الو هلو رائد منو يجي ياخذنا من الصالون

_ ايمن يجيكم عندي شغل

_ لعد وينه صار ساعة ادگ

_ بطريق جايكم لتخافين

_ اوكي خلص منتضرتكم

غلقت المكالمه و رجعت اباوع على رسيله
بسمارها و مكياجها الناعم بعيونها الي تارستهن
لمعه فرح بعد كل شي أزاد استحق شي ينسي

الماضي و هالشي هو شخص يحبه بصدق و بكل
شغف دگو عليه جايين رحنه عدلنا الها طرحتها
و غطيناهه بحيث ميبين بيها شي مثل مراد أزاد

چنت مرتبه هواية شغلات رگصه الهم و مصورة
تعرفت عليها لان خالة صديقتي و جبتها بدون
حجز مسبق كل متسوي حركه رسيل هي تصورها

ههههههه حيكون يوم كله ذكريات حلوه طلعت و اني
رافعه بدلتها شوية من ورا لان طويله فد نوب ايمن
ممشغل اغاني لحيت عليه لمن مليت

ايمن _ لا تستخفين

تالين _ اخت العريس اني

بأاستهزاء
ايمن _ و اني ابن الجيران

_ هالمواقف تحتاج أحمد لو أزاد شصعدني وياك اني

_ احسبي نفسچ رادة وياي بزفة تدلل اخت العريس

_ بطلت سكتت كمل الطريق كمله حبيبي

ضحك بقوة و سكتت
مسافة مو كلش بعيدة ووصلنه للقاعة
چانن قاعتين الثانية للزلم و الاولى النه
دخلت و اني اعرف الطريق اجيت اكثر

من مره رحنه بااتجاه غرفه التبدل رتبت
شعرها و مكياجها وگعدنه لما دخلن البنات
هيله و مرمر و اروى

هيلانه _ لكك شطالعةةة

مارين _ سكرررر اسمرررر

هيلانه _ شلووون حيتحمل أزاد مدري

اروى _ ماشاء الله تخبلين الف مبروك و شايفة كل الخير

بخجل من كلام البنات
رسيل _ حبيبتي تسلمين

مارين _ ها رسيله صوتچ ماكو مختفي

اروى _ تحتاج صوتها اليوم

هيلانه _ ليش

اروى _ معليچن سوالف كبار

رتبن مكياجهن و هيله خلصتها بس تنزل بالفستان

تالين _ راح ينشگ گد ما سويتي

هيلانه _ مو هاي مارين فستانها اطول

تالين _ أمي تگول مدامها عزباء ممنوع
شدخل هاي بهاي ما أدري

هيلانه _ و انتي فستانچ فضايح

تالين _ مو اني اخت العريس

اروى _ يبووو طبعا تالين اذا كتلك واحد هسه
هم تگول معذورة

رسيل _ يي والله هههههه

باوعتلهن بطرف عيني
تالين _ امده الاخوة البيناتنه

ههههههههههه

من صار الوقت البنات رجعو للقاعة بسرعة
و اني بقيت واگفة منتضره أزاد لحد ما اجة

توقعته حيكون متوتر مثل الخطوبة بس لا
جاي بكل هيبته و ارتكازه

تالين _ الف مبروك اخوية حبيبي

أزاد _ عاشر مره تباركيلي اليوم

ههههههه

أزاد _ الله يبارك بيچ

فتحت الباب ساعدتها تگوم و أمي واگفه
يمه تبوس بي و فرحانه استغربت امها
ليش ما اجت حتى گبل دخلت القاعة

المفروض توخر ارتباكها تهديها ضجت
منها كولش طلعو مو الغرفة و صارت
وحدة من المشرفات الي تناقشت وياهه

شلون تصير دخلتهم شرحت كل شي و دخلت

كملت الحفلة و المراسم بشكل كلش حلو و راقي .....

.
هـيـلانـه

يوم الحنة چان متعب وحلو بنفس القوت
العصر تجهزنه و رحنه لرسيل تالين مو ويانه
راحت الها قبل بوقت حتى نهتم بتجهيزاتها

كلش فرحت لمن شفت ام دريد و افنان اجن
سوينه حفله بسيطة بعدين خلو فوگ راسها
شال ابيض جبير و ضلن يرددن كلمات عادة

عندهم و امها حبت تسويها اسمها جلوه
بعدين اجة أزاد حناها و راح لليل رجعنه
بدت حنته اصدقائة قليل بحقهم كلمة
سادين الشارع هم و سياراتهم و كل شي

بنص شغلي أتصل بيه دريد جاوبت عليه
بعد ما ابتعدت عن البنات

_ هلووو
_ هله يابه

_ محتاج شي مشغوله هواية
_ لا تبقين بالمطبخ دالاحظ يترددون عليه كلهم

_ ولد اعمامي
_ اعرف

_ يي وبعد
_ ديري بالج تقتربين من الجام من يصير الركص

_ اوكي بعد و غيرها ؟
_ طالعه تشلين الگلب اليوم

_ الخاينه مصورتني بسيطة
_ الله يكثر هيج خونه

_ تره ميصير تصورني ليش موصيها بعدين فستاني
_ ما موصيها ... واذا تستحين من فستانج استحي
من الغريب اني أولى منهم

_ تفاصيلچ تربعت بگلبي الجمال انتهى عندچ
هذا افضل شي اكتشفته لحد هسه

سديت الخط منه و گلبي يرتعد بدگاته
كل شوية و ابتسم مثل الهبله شحال
واحنه مخطوبين صار سنتين

اليوم خلص بعد تعب و ثاني يوم چان
عبارة عن جيبي ودي ما صدگت خلصت
عدلت نفسي و ذكرت افنان اريدها تجي

بقيت حايرة شلون احجي وياه لحد مشفت
بعد ماكو وقت بس لمن سألتني تالين فكرت
احاچيه اجرب بلكي يرضى

صعدت فوگ كلنا خلصنه و سدينه الباب
فتحه باامفتاح و دخلت طبگته وىاهه
أتصلت بي كم مره رد

هيلانه _ وينك صار ساعة أتصل
دريد _ ابدل يعني وين

_ اذا تبدل معذور ربي يلوم اليلومك
_ تصنيف هذا

_ يي تقريبا
_ گولي محتاجة شي

_ خلي افنان تجي وي عمه
_ لا

_ شبيك حباب
_ البارحه اجت كافي تبقى غريبه
اختلاطها بهالشكل مو صحيح

_ بس هي صديقتي مو غريبه
_ افكر

_ شتفكر اريدها هالساعة
_ بشرط

_ انت كل يوم تشرط و شنو
الشرط حضرة الضابط دريد

ضحك
_ من اشوفچ اگلج

العرس چان كولش حلو و متتع رغم الهوسه
البي رگصت و اروى كل شوية طاكتنه بهلهوله
نوبه مسميتني ام الهلاهل اگوللها متشوفين

روحچ لمن خلصت رگصه أزاد و رسيل
المصورة اخذتهم حتى يصورون صور
ما اعرف وين گعدنه ناخذ صور اني

و افنان الحد ما اتصلت تالين عرفنه مكانهم
رحنه اخذنه صور كولش حلوة اني ميس
تالين اروى و خالتي و مارين حتى اريج أزاد
ماكو رايح اخذنه رسيل رجعناها المكانها

و رحنه الغرفه التبديل لبسنه غير شي
لان حيدخلون أزاد وولد عمي الباقيين
ساعة دخل أزاد مره لخ تحت اصوات
الهلاهل الهازيچ ( گولات ) العراقية احلى

وحدة عجبتني جبناها الك من بغداد حلوه
و العيون وساع بما انو هو أصلة العمارة

بدلو اماكن خواتمهم ، ثواني و دخلو وراه
عمو فؤاد لابس دشداشة و السبحه بيده
اول مره يلبس غتره و عگال جدي وراه

وايمن وياهم رجال ما أعرفه ابوها اكيد
لان صهيب هم هنا ، صار يحجون بينهم
اني بعيده فما اسمع بس ابوها سلمها

بيد أزاد و شوية و طلعو بقى بس هو
تحركو نزلو من مكانهم اني لابسه صايره
مفتوحه جواها بنطلون و تشيرت اردانه

لنص فقربت اصور ما احس اله صار الهجوم
دخلو وولد عمي اول بدايتهم أحمد ضحكت
شلون يهوس و عماتي أسماء و فرقان گدامه

هنوبه رائد اكو زلم هواية ما عرفتهم أكيد
اصدقائه اقتربت يمي افنان

افنان _ ولچ هيله تعالي نگعد راحت رجليه
هيلانه _ شنگعد الزفه راح تجي

افنان _ مو خاف يدخل دريد و يشوفج هيج
هيلانه _ خلي يشوفني

يعني عادي يقبل هو
صفنت بوجهن ما اعرف شجاوب

وين يلگانه بنص الناس ضايعين
بكيفج هاي اني حذرتج خاف تكولين
لان هو يعصب

هي تحجي و اني صرت ادورة بعيوني
صارلي فضول أعرفه شلابس اليوم
بين ما نضراتي تتجول بوجوهم

لمحت الشيطان واگف على جنب
ابتسامة اشك انها حقيقية مرسومه
على وجهه اباوع عليه بغضب شهالعين

الحقيرة الي تخليك تحضر بهيج مناسبة
و انت احقد و احقر البشر ياالاسر اول
ملتفتت بااتجاهي اني نداريت عنه و صرت

امشي ادخل بين النسوان الحد ما طلعو حسيت
عقلي فرغ طلعت من القاعة جان هم بعده موجود
بس هالمره شافني متاكدة ، باوعلي اجتي عيني

بعينه نضراته الية مثل الي متفاجئ بس لحضات
وصارت ابتسامه ع شفته تك خد ما عرفت شلون
اوصفهه غير انها استهزاء او بالاصح احتقار

نزلت عيني بالارض و احس ايدي صارت ترجف
هستوني دارفع راسي حسيت بأايد ع كتفي جفلتني

لتفتت بسرعة لورا و بخوف
_ دريد

چانت نضراته تخترق عيوني و تقرأ التوتر البيهن

_ تعالي ترجعين وياي

_ البنات اريد وياهم هناك

بكيفچ روحي وياهن اباوع عليه راح صعدت
السيارته شبيج صفنتي هيلانه مو هذا الردتي
تحركت صعدت كوستر جبيرة بيها اقاربنه

خلصنها يغنن و يرگصن و اني اباوع على الزفه
گدامنه و بالي مو يمها مختنگه حيل شلون راح
اگول البارق أكيد راح يعرف اني مو بنية اذا احجبلة

كل شي ، يسأل ليش وافقت ع دريد و اني عبارة
عن كذبة و لا چنت مزوجة من قبلة و كل السالفة
چذبة مني هواية ابواب راح تفتح عليه احس بيأس

وحزن چبيرات او اذا كملت و تزوجت دريد و بعدين
گتلة بهالطريقة مراح يتأثر دريد ههه هاي اني من
جديد اقدم شخص على نفسي ياالله بقت ع هاية

فزيت من صفنتي على هلهوله
طرشتني گد ما قوية رجعت
اباوع عشباك شفتهم نازلين

يهوسون كل ساعه يوگفون و يرگصون تمنيت
اشوف من قريبب هههف هي مال عناد ليش

مرحت وياه وگفن السيارات گدام الفندق نزلنا
كلنا اني ركضت حتى اروح وي رسيل بس
نطرد بس عمه فرقان و خاله لجين و تالين

لازم تخلي روحها أكيد وگفت بملل فترينه
بغداد كلها انتبهت افنان مموجودة ويانه
فتحت تلفوني و اتصلت بيها مردت خفت

اتصلت بدريد رد عليه بسرعه ....
_ دريد افنان يمك
_ لاويه عدي هي و أمي صاير شي

_ ها اوكي ما صاير شي حبيت اطمن
_ وين انتي

_ بالكوستر
_ ترجعين لبيتكم ؟

_ لا ابات
_ تجين وياي ؟

_ لتصفنين گولي ترا ما عندي وقت

_ يي
_ چايج
گلت للبنات ووگفت شوية و نزل يمي لابس
دشداشه هماتين هذا شبي ليش هيج ملبس
شي بي كل ملابسه ضيگه ضل يخابر ....

لتفتت للسيارة اباوع على ياقوت بنت عمه اسماء
و تبارك بنت عمه فرقان يباوعن عليه و يضحكن
بينهن صعدت و هو بعدة واگف

مديت راسي من الجامه
هيلانه _ مرختصك ادخل يله

غلق المكالمة و صعد
_ ع شنو نزلت مبقيت بالسيارة

دريد _ لو ما تشوفيني دم سنونچ چان گلت تغارين

هيلانه _ صدگ تحجي انت
سكتت عني مجاوبني ويباوع منتضر الناس تروح

_ اكرهك
_ المطلوب مني شنو ؟

_ احچي وياي عدل
_ وگفتي گدامه مرتين ؟

_ من تگولها بهالطريقة كنما صرت
بأعلى درجات الفرح بشوفته

لبسني مارد بعد احسن منو هو و يسوي هيج
شوية و حسيت ايده حضنت اصابع ايدي
بكفة الضخم بعدين رفعها گدامي

_ الحلقة وينها ؟

_ دريد اني

اشش عصر اصبعي بقوة و بسرعة نتره و ظل
ينافخ بغضب حسيته گوه متحمل

_ لمن طلعت من الكوستر نزعته

_ هالگد متتحملين اشوفة بااصبعج
_ مو هيج أكيد بس لا تفهمني غلط

دمعت عيني لينزل بعدها سيل من الدموع
ما عرفت ليش بچيت صدگ ع سوء الفهم
بينه لو لان شفت الاسر و حسيت بخوف

على كل عائلتي منه يتوسطنه بكل جرئة
لاحضت السيارة وگفت درت وجهي عنه

_ شو باعيلي
_ ليش بچبتي
ندارني عليه باوعت بعيونه الي مثل اقراص
الشمس تلهب عيوني

حچيت بصوت مهضوم
_ وخر عني

_ لما تگولين ليش

_ خايفه "

صفنت بعيونه شوية و مر عليه طيف
من ذكرياته قبل سنتين لما چان يشتمني
لو من حاولت اضربة بطل الگزاز نزلت عيني

منه حسيت بشمأزاز من هالقرب
لفتره ابتعد حس هالخوف البية ذكريات اجتاحتني
او ما راد يحجي وياي اكثر بقيت بهدوئي اما هو يسوق
و حتى بالة مو يمي ....

فزيت على لمسه اصابعه نفس الاول بس هالمره
برقة

دريد _ مو قصدي أأذيچ

رفع ايدي گدام وجهه وباس باطنها

سحبت ايدي بخجل

بقيت ساكته

متوترة

اگول النفسي هيلانه وين راح شعور الغثيان
هستوني لو باقي قريب مني شوية چان تقيأت
ليش من تصرف بهاللطف نسيت روحي

تايهه بشدة.... يحچي وياي و ما اسمعه
بس اجة بالي شي واحد يغير من توتري

_ باچر روح شوف قسيم هواية يسأل عنك خطية
_ التحق باجر ارجع و اروحله
_ اوكي

نداريت ع جامة ووگفت السيارة صرنا گدام البيت

_ قبل لا انزل همس بأاسمي هلال
_ ها

بقى صافن بوجهي كنما يريد يگول شي و ميگدر
يگوله بذات الوقت ...... انتهبي النفسج انسي الماضي
ما يعود

.... و انت همينه

_ لا تخلين حديث يجمعچ وي أدم مها كان الظرف

هزيت راسي بقبول
_ نگدر نگول هذا الشرط

ضحك
_ زين تذكرين يي هو هذه

نزلت الاستغراب يملي ....
حواسي بالفضول و سؤال راودي اصدقاء
چانو اكثر من اصدقاء حسب كلام سما !

چان لو سوه خطأ يبدون واحد يضرب
بلخ بحيث اني فوگ و اسمع كل حواراتهم
و ثاني يوم يوصلني نفس الصوت بس
ضحكهم معقوله الاسر عافه لان مره بي

خطبني لو اكوو خطة بينهم اكو جزء مني
مو مصدگ دريد بس مو گلبي صعدت
بوجهي للغرفه سحبت و بدلت و نمت

ثاني يوم الصبح گعدت لگيت الغرفه
ساحة معركه قليلة بحقها .....

.

تـالـيـن

بعد الزفه صعدنه رسيل للغرفه مالتهم
رتبت الها ملابسها و الاكل و الحمام
أمي يمها تحجي وياهه هي و عماتي

يحاولن يقللن التوتر اني سويت
مثل موصاني صهيب گتله عندها
خوف مو طبيعي اذا توترت لذالك

لا تضغط عليها چان متفهم الوضع
بعد مكملت بوستها

تالين _ صيري قوية
رسيل _ منيلي اجيب القوة

_ هاي بالبداية نوب نطلع و انتي تغتصبينه عزهه
_ عابت ولج انتي وياي عليه

_ هههههه وياج حبيبتي بس هدي نفسج أزاد
_ يحبج

_ و اني هم أحبه بس خايفة
_ ميخالف هالشي طبيعي

طلعنه بعد دخول أزاد نزلنا نروح گالو
مداعي نبقى الصبح يرجعون للبيت
ماگالن شي نزلن و رجعنا البيت

اول شي سويته رسلت رسالة الصهيب
بعد مقريت رسالته

خوف مخافت ؟ هم بچت

حسيته مو صهيب اقرب ان يكون اخو
حنون مثل اب خايف ع بنته لان يعرفها
اكثر من كل الناس

اعرف صهيب يعتبر رسيل شي غالي
بحياته مثل العكازه يستند بيها ما
استغرب لو شفت دموعه بهيج يوم

لان علاقته بيت ابوه كلش سيئة ما اعرف
التفاصيل بس كل الاعرفه صهيب يسوي
كل شي علمود اخته و هالشي زايد ثقتي بي

رديت عليه

چنت يمها قبل لا ارجع للبيت هي مخايفه
صهيب اتمنى الها سعادة

كتبت رسالة ثانية

ليش طالع حلو اليوم العيون صارت تصدلك تدري
امشي زعلانه عليك

عفت التلفون و بديت الملم بالبيت وي البنات ....
آخر شي شردت عفت مارين وحدها نكسر ظهري

دخلت للغرفة صايرة مجزرة كل وحدة نايمة بجهه

قبل لا أنام فتحت تلفوني اتأكد خاف مراسلتني
رسيل ملگيت منها رسائل بس من اخوها

دخلت عليهن وضحكت

كاتب
صهيب _ چان اجيتي قريتي معوذات يمي
شفتله اتصالات فائتة

طلعت من الغرفة رحت النهاية الممر گعدت
اتصلت رديت عليه بضحكه

تالين _ لتخاف امي قرت عليكم لما تعبت
خفت تنحسد هنوب تروح و منزوج

صهيب _ لو مسحور مو محسود هم ازوجج

هههههههه

تالين _ اسم الله يمعود هو هيج و مسالمين تدري

صهيب _ أدري ....

تالين _ ليوم مزاجك حلو

صهيب _ لان شفت مناظر خلابة اليوم

تالين _ منو اقصد

صهيب _ انتي

تالين _ فديتني

صهيب _ وحدة ظالمة بربچ لبس لبسچ يوم الحنه

تالين _ عزههه بعيني وين شفتني

صهيب _ شفت و شفت هواي منحنيات وهي تتمايل

تالين _ لتصير سخيف ابني النچر

صهيب _ اني النچر الماگدرلي غير خصرچ من يمل

_ صهييب

_ ها صحوه گلبه

تالين _ شلون شفتني

صهيب _ اخذت تلفون رسيل الصبح أتصلت بتلفوني
نسيت وين خليته

تالين _ و بعدين

صهيب _ لگيت روحي داخل عالاستوديو

تالين _ الله اصبعك يشمر داده

صهيب _ يي داده

تالين _ تره كله صور بنات شلون تدخل عليه

صهيب _ افااة عليج قابل عيوني ما تعرف عليمن تدور ؟

تالين _ ما قنعتني خاف عيونك تشمر مثل ايدك

صهيب _ بكيفج بعد

تالين _ روح مني زعلت واحد ميستحي انت

صهيب _ استحي منج تريدين ! لا هاي هيه
و لا تنسيني شريد اگلج هاللبس ممنوع
لو مو عرس مفهوم ؟

تالين _ افكر افكر هههههههه

نهيت الاتصال من حسيت روحي كلش نعست
وهم مارين اجتي ترگض دخلت وراهه

.

مـاريـن

رجعوي لبيت عمو فؤاد عبارة عن تشتيت
اكثر لگلبي بعدين فكرت انو اذا اشوفهم
سوية راح ارجع أكره ايمن و هالشي زين

بالنسبة الية تحملت الكلام العابر الي
اسمعه تحملت نضراتها تحملت دلعها
و نطقها الاسمه رغم هو بارد وياهه

بس هي حلاله بطنها مملية بطفلين
راح ينسو منو انتي مارين ! جملة
كررتها على نفسي اكثر من مره

بيوم الحنة الصبح چنت گاعدة
يم تالين و مياس توها جايتنه
فبقينه نسولف و نتناقش خاصه

لازم نروح لحنه رسيل لان ما عندها
اقارب او بنات هواية يعيشونها اجواء
فقررنا نسوي الها حفلة تفكير تالين

بصديقتها يحببني بيها اكثر من كل يوم
تونست بيومها و من رجعنه هستونه

گاعدين و تعبانين

حنان _ ههي انتي گومي غيري لسبج و تعالي
مو گاعدة هنا منتضرته يشوفج

ابتسمت بوجهه و رجعت باوعت بتالين
مارين _ يمتة يجي ايمن عندي سالفة وياه

وهج _ يي عيني حنونه لتحركين روحج
منو اختها غير ميس

ضحكنن بحقارة

ميس واگفة ع الدرج
_ ذكرتيني اشوف رائد اليوم مخابرته

هي گالت هيج و هايه شاطت

ضحكت بگلبي هم زين ميس فهمت عليه

اسماء _ شهالاصوات يلا كل وحدة تروح
تبدل و تجي ما بقى شي الحنه الزلم

ميس _ يي عمتي سمسمه تدللين

صعدنه لفوگ لليل صارت الهوسه و هوسات
تصدح بالمكان مقبل أزاد بالاغاني كل شوية
يطفيها من يسمع صوتهه

دخلت اني و ميس الغرفة أزاد مطلعه على جزء
من الكراج باوعنه

_ واحد يگل للاخ اني احلى شنو هاي

_ يلا ميس خلينا نروح

_ دسكتي شوفة النعم مطشرة مو يومية تصح

_ عززهه

گوه سحلتها و رجعت تباوع لما سمعنه صوت
عياط رائد سدوو الشبااابيككك الفوگ لا اكسرهن
على راس الفاتحتهن

فلتنه للغرفة حتى ما نترزل

و ثاني يوم العرس هم
بقيت اتجاهل ايمن و نضراته و كل شي

حاولت اسوي كل شي حتى ما اباوع
لحبِ البريئ الي نسحب من بكل سهوله
هاي الايام ريحت ضميري لان رفضت

بسيل اكتشفت نفسي چنت متناسيه
ايمن ومثله كرهه گدام الكل و گدام
نفسي لكن نضره منه تنسيني حتى
هو شسوه وياي ......

خلصت الزفة رجعنه للبيت تعبانات
الكل فرشالهم البيت انملة ببيت جدي
الطابق الجوة حنان اخذت بنات

عماتي و بنت عمي احسان و صعدت
جدو بيتنه هو و عمو احسان حتى
ايمن ..... بالساعتين خلصنه كل شي

اني و تالينة و مياس بقينه طلعنه
كل الكواغد الاشياء الزايدة و مسحنه
المطبخ مياس صعدت قبلنه لان تعبت

تالين _ نكسر ظهري
مارين _ عوفي بقة الگراج اني اسويها

_ عوفيها للصبح
_ ننشغل يمعودة نوبة أزاد و رسيل يجون
لازم نحضر ريوگهم غير عزيمة الغدة
و الخطار

_ صحيح تگدرين وحدج
_ ارجعها عليج حبي شنو ميزوجون اخواني

_ نزول عليج دسويها لوجه الله

_ ما
_ هههههههه تصبحين على خير غيومه
مال نده همين متمطر

_ منو غيومه مال ندى
_ انتي

_ صايرة حالج حال اريج اختصاص الالقاب
_ ههههههههههه يي

اباوع النفسي لابسه بنطلون و قميص سمائي
حرير رفعت اكمامي و البنطلون بس مو هواية .....

غسلت الگراج و دخلت للمنور حتى اغسل الجانب
الورا باجر العصر نروح يمكن اريد اخفف على تالين

او موصلت بقيت جامدة بمكاني من بين
المواقف المخزية اتوقع هذا الاخزى

ايمن گاعد گدامي و يأرگل گلت بگلبي

ما اتعاتب على وصفي الك بالحيوان
عديم الاحساس اكو واحد طالع

يأارگل بهالبرد چان بعده لابس
الدشداشه بس فاتح ازرارها ....

عيونه بأاتجاهي چان يرمقني بنضرات غريبه
بلعت ريگي و نداريت ركضت بس ملحگت
اوصل للگراج طاوق خصري بأيدة ولفها عليه

المكان بالممر مظلم تقريباً بسبب الانارة الخافته
حسيت بحرارة على شعري من انفاسه حاولت
اهدء من تنفسي شوية و ارتباركي بس صار

العكس رفع ايده الثانية لشعري و جمعه بجهه
وحده خله حنكه على كتفي الايسر و همس
بأاذني .... شلون چان العرس تونستي

حركت ايدي أحاول ابعد ايدة الافها عليه
بس بدون فايدة تمسك بيه اكثر

_ چان يوم حلو هسه تگدر تبعد عنه

بعد حنكه و دنگ انفه على رگبتي
گدرت اسمع صوت تنفسه مثل

مگدرت اسمع صوت دگات گلبي
الي صار مثل الدمام شمها بعمق

و رجع رفع راسه و شفته صارت تطخ بأاذني
شلون ريحتچ مثل ريحتي صايره زين شلون اعوفچ ؟

فتحت عيوني بقوة
ايمن لبيت متروس ناس ليشوفونه

خليهم

محد يگول انت السبب ؟

مو مهمين لا تخليهم بالچ

گالها

و دنگ على رگبتي شمها مره لخ ملمس شفايفه
بعدين سنونه حسيت بألم طفيف چان شعور بارد
خله رعشه تسري بكل جسمي و خجل ينشر حماره
على وجهي

ابتعد عني سحب ايده بكل هدوء من
خصري واني صامده بمكاني رمشت
اكثر من مره لمن سمعت صوت ضحكته

نداريت عليه و باوعتله بغضب ابهامه
على شفته و مبتسم ما حسيت بروحي
غير ضارته راشدي

گلت بكل غضب
المسني مره ثانيه آلة اموتك بأايدي

ركضت مبتعدة عنه و عن نظراته الغضبانه
لليل خلص بطريقة غريبه و سريعه و اني
منايمة مصدگت اجوي اخواني رجعت وياهم

قبل لا اطلع شفته و خزرني ابتسمت بوجهه
ارجعله جزء أقل ما يقال عنه بسيط من السواه ....
لمن وصلنه للبيت صعدت انامي ندگ الباب دخلت

اروى شايله قمر
اروى _ راح انومها يمج تعبتني متنحسه

مارين _ عوفيها لتاكلين هم

نومتها و رفعت راسها عليه باوعتلي بنظره
و عگدت حاجبها بتسأؤل

اروى _ رگبتج شنو بيها ليش بنفسجية

باوعت بالمراية
مارين _ يمكن گرصه بگه او شي ما اعرف
لان نمت بالگاع باوعتلي بعدم تصديق و ردت

اروى _ احتمال بس خليلها معقم

هزيت راسي بقبول و هي راحت اخذت
نفس براحه .....

.

هـيـلانـه

بعد رجوعنه للبيت بدءت الحياة ترجع طبيعية
شوية بداخلي رحت لبيت عمي و رجعت لبيتنه
سالمة هذا كفيل يحسن من حالتي النفسية ....

سكتت هالفترة بس مو ناوية اطول بعد كل هذا
لازم بارق يعرف بسوالف ابن عمه ما اريد لو تزوجو
اخواني يدخلون بيتنه كأنما احباء ......

هالفترة تعرفنه على زوج اروى چان متحفظ و رسمي
الدرجة كبيرة حتى ما ابتسم النة مجاملة ، حاول
دريد يقوي علاقتنه اسأل عليه مرات قليلة احسه

انسان كولش مناسب الية بس للاغلب من ارجع
افكر أكره و انفر هالشعور

اليوم ضربت الدوام اروى

چنه نحجي على مسلسل بعدين لافت الموضوع عليه

اروى _ هيله

هيلانه _ هممم

همهمت و عيوني على الدلوماية اريد الفها عدل
_ ام قسور گالت هيلانه ليش تأجل بالعرس

_ ممأجلته هو يريد بعدين

_ مو على اختچ تمشين سوالفچ هلهوله

_ كل يوم يكبر سؤالي شلون ازوج شخص ما أحبه

_ مره سمعت الوقت كافل ان يغير نضرتنه لشخص ما
و مشاعرنا بعدين جعلنا بينهم مودة و رحمه راح تحبون
بعض من اول يوم بس تكون نواياكم صافية

_ اتمنى يجي هالوقت

_ مدام تتمني يعني ما تكرهينه بس انتي
ما تعرفين شلون تحبي

رجعو للبنات و تغدينة ميس تسولف البارق
عن يومها و هو يناقشها أحمد يبوس بيحيى
و قمر تبجي اروى صايرة بنصهم اني و مارين

نتابع بفلم كعادتنه

بطلة الفلم قاسية وي كل الناس من تجي
الاخواتها تتصرف بلطف

نداريت و كلت

هيلانه _ اروى هالفلم الچ

تابعت شوية وضحكت
اروى _ يي احسن ما احب انطي احد مجال

مارين _ مأثر بيچ زوجج غضبان چنة مستر سلطع

أحمد _ ههههههههه جبتيها بالمكان ابو فليس هم

اروى _ رجلي لا تحجون عليه گدامي

ميس _ يمههه يمههه مترضه عليه

اروى _ ميسسس

بارق _ اسكتووو

عاط بينه خنسنه و احنه نباوع عليه ثواني
و رجع ابتسم و اردف
بارق _ مدام نفيخه ما تقبل تحجون

ضحكنه و هي بس تتوعد شكلها يخرب ضحك

للعصر طلعو بقينه بس احنه

اجتي مارين ترگض من فوگ
كامشه كتاب بيدها اسمه

مفاتيح الجنان

مارين _ زينب نصحتني بدعاء تعالي اراويچ اياه ميس

ذكرت شايفته عند امير قبل
عفتهن و صعدت فوگ ارتاح

لگيت غيد مراسلتني
آخر رسالة منها هيله محتاجتچ
اتصلت بيها و ردت

هيلانه _ غيد
غيد _ مصيبه وگعت بيها

_ شنو هيه وكفتي گلبي
_ ما اگدر اگلج بس محتاجة فلوس

ذكرت عندي ٢٠٠ ضامتهن القسيم و الخالة
فكرت انطيهن الها

_ يي عندي شلون ادزهن الچ

_ شگد

_ ٢٠٠ و اذا تريدين ازيد بعد من حصالتي

عاططت
_ بربچ مجدية منج تنطيني هالكد

_ هذا العندي قابل اضمه عليج

_ هيله يعني احنه مو صديقات بيعيلي قطعه
من ذهبج مبين غالي من الصور

_ صدك تحجين ؟ ذني مو بفالوسي أكيد لا

حچت بحقد
_ تساعديني لو لا

يي بس بالي اگدر عليه

فصلت الخط بوجهي

رسلت الها بشنو تريدينه

مجاوبت

عجيب شبيها غيد كل يوم تسوء اكثر من القبله ....

.

مـاريـن

بعد ما رجعنه للبيت و بمرور الايام حسيت
بضيق غريب بية و حزن محد چان فاهمني
بهالوقت ميس لمن سولفتلها تحلفت تگول

التالين و الخاله بس منعتها ايامي تمر بدوام
لا شيئ أحيانا يجون زملاء الي اكبر او بنفس
العمر يسألوني اذا كنت مرتبطة او شي

اصدهم حتى قبل لا ارد هذا الشي خله عيون
البنات تباوعلي على انو اني مغرورة

و بيوم بعد ما رجعت من الدوام تغديت
وگعدت شوية يم اخواني بعدها صعدت

قريت شوية حتى لا يصير عندي تراكم
مثل هيلانه ....

بعد مكملت كمشت كتاب مفاتيح الجنان
لان من البارحة مخليته على جربايتي ميس
رن تلفوني برسالة شلتة شفتهه زينب صديقتي

دازتلي ......

﴿ اللهم أني أسألك يا الله يا الله يا رحمن يا رحيم يا حليم يا كريم يا قديم يا مديم يا عظيم يا الله يا خير مسئول وأكرم مأمول يا من له الحمد والثنا بيده الفقر والغناء وله الأسماء الحسنى لا مانع لمن أعطاه ولا مضل لمن هدى يفعل في ملكه ما يشارب الأرباب ومعتق الرقاب ذو القوة

القاهرة والعظمة الباهرة مالك الدنيا والآخرة أسألك باحتياط قاف وبهول يوم المخلف بالزخرف بالطور بالرق المنشور بالبيت المعمور بالسقف المرفوع والبحر المسحور بضوئي القمر بشعاع الشمس بضوئي النهار بظلام الليل بدوي الماء بخيرات الأرض بحفيف الشجر بعلو السماء بهبوط الأرض بجريان البحر بعجائب الدنيا بنفخ الصور بلغات الطيور بنور الصباح بالخمسة الأشباح بمكنون سرك بوفاء عهدك بعلمك( بالشمس وضحاها والقمر إذا تلاها

والنهار إذا جلاها والليل إذا يغشاها والسماء وما بناها والأرض وما طحاها ونفس وما سواها فألهمها فجورها وتقواها قد أفلح من زكاها وقد خاب من دساها ) بقرب الجنة ببعد النار وعدل الميزان بهدير الرعد بلمعات البرق برقدة أهل الكهف بفطرة الإسلام بزمزم والمقام والحج إلى بيت الله الحرام بسر يوسف بطور سيناء بسورة يس بالأنبياء المرسلين بحلة آدم بتاج حواء بحلة إبراهيم بكبش إسماعيل بناقة صالح بعصاة موسى بإنجيل عيسى بزبور داو ود بفرقان محمد (صلى الله عليه وآله) برقعة إدريس بدعوة جرجيس بسفينة نوح بسدرة المنتهى بجنة المأوى باللوح المحفوظ بما جرى به القلم بنور الظلام والشاب

والمرام بشهر عاشورا بساعات الدهور بالفلك اليدور بالصدور وما حوت بالأنفس الزكية وما عملت والأقلام وما دارت والنجوم وما سارت بحروف القرآن بسورة الدخان بعزائم الجان بملك سليمان بحكمة لقمان بعدل الميزان بسعير النيران بفرق الطوفان بتغلب الدول باختلاف الملل بقرب الأجل بصالح العمل بالدعاء إذا ارتفع والقضاء إذا نزل اللهم صلي على محمد وآل محمد واحفظ حامل كتابي هذا يا الله يا ودود يا من أسمه من الأسماء مفرود يا مجيب دعوة عبد هود يا مؤنس المستوحشين باللحود يا من أخرجنا من الرحم إلى الوجود يا مظلي ذات الوقود يا من بفاه غير محدود يا مفدى الأطفال بالمهود يا صادق الوعد

والوعود يا من تقدس أسمه الصخر الجلمود يا الله اللهم أجعل بين حامل كتابي هذا شر الجن والأنس وشدته الموت وقبضته والآخرة ودرجته والبر وظلمته والتراب ودبته والدود وهويته ومنكر ونكير ومحاسبته والجان ودوسته والسيف وبخرقه والرمح وطعنته والخنجر ودكته والقوس

ورميته والسهم وضبيته والسكين وسنته والسبع وعضته والكلب ونبحته والذئب وهدرته والحرامي وسطوته والحية ولسعتها والعقرب ولدغتها والتابعة وأذيتها والولد وفقدته وأعيذ حامل كتابي هذا من شرالريب المنون ولحضانة العيون في كل حركة وسكون اللهم صلي على محمد وآل محمد وأحفظ حامل كتابي هذا من شر كل جني وجنية وغول وغولية ومارد وماردية وإبليس وإبليسية ومسلم ومسلمة ومن يفرق بين الزوج والزوجة كالولد وأبيه

والابنة وأمها والأخت وأختها ، اللهم اصرف عن حامل كتابي هذا شر البلاء والبلية والسيوف الهندية والرماح الخطية والقياس المحنية والسهام المرمية والحرب والجلمود ولسعات الردية اللهم ادفع عن حامل كتابي هذا كل رديه وأعيذه شر من رصد مطغا ونمرود وأعيذ حامل

كتابي هذا من شر الجنون والتحريك والدوي وأعيذ من شر إبليس القوي وأشياعه وأتباعه وأولاده وأعوانه وخدامه من الخواصة والقمرية والمسترقة السمع والملل وأعيذه ( بقل أعوذ برب الناس ملك الناس إله الناس من شر الوسواس الخناس الذي يوسوس في صدور الناس من الجنة

والناس ) اللهم إني أسألك بحرمة هذه الآيات الكريمة العظيمة أن تحفظ حامل كتابي هذا من شر كل شر اللهم احفظه في كل بر وبحر وأعيذه بأسم الذي نزل به جبريل (عليه السلام) على نبينا سليمان بن داو ود ومحمد (صلى الله عليه وآله ) وأعيذه بالإسم الذي فلق به البحر لموسى

بن عمران وبالإسم الذي أنار به الشمس والقمر وبالإسم الذي تكلم به عيسى بن مريم في المهد صبيا وأحيا به الموتى وأبرأ به الأكمة والأبرص وبالإسم الذي نجا إبراهيم من نار النمرود وذل به إبليس اللعين وأعيذه بالإسم الذي

رد الله علي بن أبي طالب (عليه السلام ) في قتلة الكفار وأعيذه بما كان على خاتم سليمان بن داوود وأعيذه بكل اسم سماه الله وأخص به أنبيائه ورسوله وملائكته اللهم إني أسألك أن تجعل لحامل هذه الأحرف كرامة جبريل ومهابة أسرا فيل وقبول محمد (ص) ( اللهم اجعل لحامل هذا الحرز هيبة وقبول وبيده سيف النصر مسلول وإذلال البشر من كل أنثى وذكر وكبير وصغير وغني وفقير

وسلطان وأمير ومشير وصاحب ووزير بأذن الله الملك القديرذلل الخلق والبشر من أمة ربيعة ومضر كما ذللث للحصان والطربقى اللسان والميت الكفان ثم استوى إلى السماء وهي دخان كل قال لها والأرض أأتيا طوعا أو كرها قالتا أتينا طائعين كذلك اللهم أطع لحامل لكتابي هذا جميع الخلق والبشر من أنثى وذكر من أمة ربيعة ومضر اللهم ألف ألف بين حامل كتابي هذا وبين بني آدم وبنات حواء كما ألفت بين الشمس والنار اللهم ألف بين حامل كتابي هذا وبين قلوب عبادك الصالحين على صحبة حامل هذا الحرز

المبارك واصرف عنه كل فاجر وفاجرة وساحر وساحرة وكل خائن وخائنة وأعذ حامل كتابي هذا شر كل أنواع البلا العظيم اللهم إني أسألك يا رافع السماء بغير عمد وباسط الأرضين على ماء جمد وأكملت الجبال الراسيات بالوتاد وأنزلت ماء المعصرات يا من لا تشتبه عليه اللغات ويا من لا تخفى عليه الأصوات يا رب الملائكة الروحانية يا خالق الخلق والآيات يا متكلم بلا لسان ولا أذن يا من لا يخفى

عليه خافية في الأرض ولا في السماء اللهم إني أسألك أن تحفظ حامل كتابي هذا من كل شر بحق محمد وعلي وفاطمة وخديجة الكبرى والحسن الزكي والحسين الشهيد وعلي بن الحسين ومحمد الباقر وجعفر الصادق وموسى الكاظم وعلي بن موسى الرضا ومحمد بن علي الجواد وعلي الهادي والحسن العسكري وأبو صالح المهدي صلوات الله عليهم أجمعين وأعيذ حامل هذا الكتاب بألف لا حول ولا قوة إلا بالله العلي العظيم ﴾

هذا حرز او دعاء مروي عن النبي محمد ( صلى الله عليه وآله وسلم ) چنت دائما اشيلة وياي احس براحه
البارحة ذكرتج كلت لازم تكتبي و تخلي وياج

و ها اهم شي تكونين مؤمنه بي لا تگولين هو
دعاء هو كذا لان هاي الامور مو صحيحه
تگدرين تكتبي او تشترينه عبارة عن كتاب
كولش صغير احملي وياچ لان عبارة عن
دعاء حفظ و تحصين

_ شكرا زنوب

_ دللي مارينو و بعد شغله التزمي بصلاتج
سالفة العجز بطليها مثل بيوم عرس بنت
عمج ؟

_ اوكي

خليت مفاتيح الجنان بيدي و اخذت تلفون
و نزلت بسرعة اروايه الميس و اروى ....

.

هـيـلانـه

بيوم صادف كلنا موجودين و الأجواء هادئ
بيتنه بارق جمعنه بالصالة وگعد گدامنه
بارق _ اليوم عندي موضوع مهم اتناقشه وياكم
سكتت بعدين اردف
_ يتعلق بأابونه

باوعنه عليه بذهول و هو كمل رغم هذا
_ فراس رجع يريد يشوفكم

أحمد _ موجودين خلي يجي

بارق _ لا ما يگدر يوصل لهنا
هيلانه _ اعذروني راسي يأذيني اخذت علاج بلكي أنام

بارق _ هيله بنيتي اسمعيني ؟
هيلانه _ لا ما اريد اسمع فدوة اتأذه هالشكل

زفر انفاسه بغضب
بارق _ متريدين تشوفينه
رديت بدون تردد
هيلانه _ لا ابد

بارق _ و انتي مارين
مارين _ مثل هيل

بارق _ مو كل شي گالته هيلانه و گلتي مثلها
مارين _ اني اريد مثلها بعدين
مالنا حاجة بشوفته الله يخليكم
انتو معوضين عن كل شي

بارق _ انتن بويه
ميس _ خلي هو يجينه كافي ضام روحه سنين

اروى كمشت ايد قمر وگالت
اروى _ اخذني وياچن

شردنه من هالنقاش استغربت هواية من مارين
حسيتها مثلي اخذت جزء من الكسره و الألم
لان اسمه لفراس ورا اسمها ....

كبرنه بدونه و تعبنه منموت اذا متدخل بحياتنه
بالعكس راح تصير اسوء الاسر و بيت جدي
المشاكل مراح تنتهي

لليل أحمد و بارق گالو احنه رايحيين باجر
العرفته بارق جابره يجي لان محب يجبرنه احنه

ثاني يوم تأخرو صار العصر هم ماكو

اتصلت بارق بي بالعشرين مره ميجاوب رجعت
الاحمد نفس الشي خفت عليهم من المكان الرايحين
آلة هو لو يريد يشوفنه ليش احنه لازم نروح مو هو

اليجي مر وقت طويل و توتر موت شكو حيل بيه
لهناك ودگيت و بگلبي اگول هاي آخر مره

نفتح الخط ردتلي روحِ بلحضتها و انوخذت مني
باللحضه

عطت بخوف
.... بارق وينك مو بالي يمك شگد خابرت

اجاني صوت
.... بسس مو مو صوت واحد من اخواني

نقبض گلبي من ردت و هي تگول

.... عفواً اختي صاحب التلفون
بمستشفى اليـ.... السائق و رجال چبير بالعمر
وواحد شاب تعرضو الحادث هسه هم بالنعاش

باوعت للتلفون بصدمة وگع مني بالگاع

صرخت صرخه طلعت من كل کلبي صرخه
چانت محبوسه بصدري كل السنتين المضن

على اثرها صعدن اخواتي يمي و اني ساكته
ما نطقت حرف غير دموعي مچانت عندي
رده فعل

لحد معاطت بيه اروى اسمعها تحجي تريد
تفهم و اني مدافهم منها حرف

اروى _ هيله گلبي راح فدوة احچي

بلعت غصتي بالشفاعات و همست بين شفايفي
اليرجفن

با .... بارق بلعت ريگي مره لخ و أحمد متعرضين
الحادثه بساعتها گلوبنه وگفت من الخوف أروى
الوحيدة الي حاولت تضبط اعصابها دهدينا

اني و مارين .... هيلانه فدوة اروحلج بس گليلي
العنوان مو رجليه بادن

بلعت ريگي انطيتها العنوان

اروى _ أبقن يم الجهال هيلانه اتصلي
بميس تلحگني هيج وقت هي مكمله شغلها

هيلانه _ ماااا ابقىىىىى هنااا

_ اشش اني أتصل بيكم اول بأاول أبقن
نزلت هي واني ما اهتميت مارين واگفه
بصدمه

حاولت اطمنها خفت عليها
مارين گالولي بس خدوش بس گلبي
هماتين خايف حروح أبقي انتي

هزت راسها بصمت اتصلت بميس
حاولت تفهم بس مشرحت بسرعة
نهيت الاتصال نزلت چانت اروى
لابسه عبايتها

اروى _ خابرتيي
هيلانه _ يي
اروى _ واني بلغت أزاد

طلعنا ع شارع اجرنا سيارة ورحنا وصلنا
للمستشفى بالشفاعات

چانت الشرطة موجودة همين گدام باب
الغرفة مما زاد قلقي

سألنا عليهم و گالو شي صدمني بحيث گعدت
على حيلي مستنده ع الحايط بعد السمعت من

گال الشرطي _ ننتظر يطلعون و نعرف اذا عندهم
عداوت

سألت واني واگفة گوه ع حيلي
هبلانه _ بس هو حادث العدوات شعليها

_ نفش التاير عن طريق رصاص الحي و رمت
الجامات بي ايظا خله السايق ينطلق بقوة
ادت الا الحادث

شهگنه بخوف دمعه تايهه نزلت من عيني
اخوي مصار هواية و ماصدگ وگف ع حيله
هستوه طالع من الموت

بس اجة بالي شخص واحد وشي واحد
النذل ماكو غيره الحيوان الي يحاول
ينتقم من فراس ماكو غيره اكيد

ماكو غيره مريض الهدرجة بقينه
على گعدتنه اخواني مسمعت
عنهم خبر لسه يطلع ممرض

ويدخل محد يحجيي شي يريح الگلب
اجوي أزاد و بعده ميس و ضعهم تخربط
اكثر منه

سمعت رنه تلفوني ميس تگول شوفي منو
هواية دگ خاف مارين .... طلعته چان دريد
لمعت الشاشه بأاسمه وجـه الـغراب ابتعدت

عنهم و رديت عليه چاني صوته يهمس بضعف
و قله حيله بأاسمي خفت اكثر لدرجه مگدرت
انطق بسهوله .... انت بخير دريد

همس _ بطن الخير .... شبي صوتج
_ منو احق الة يسأل هالسؤال

دريد _ تدرين اكثر من اربع مرات حاولت انقتل
بحياتي و اول مره افكر بشخص غير أمي ؟

دمعت عيني
_ دريد اخواني بالمستشفى

_ شني !!!!

_ الحادث مالهم متعمد الشرطة گالت

_ وين انتي
نطيته العنوان

همست .... لعد انت وين من جاوب استغربت مكانه
هيلانه _ شسوي

_ اجيت بمهمه
_ راح تتأخر بالجية اكثر من ساعتين

_ اعرف بس جاي لا تتحركين
_ يي

تنهدت و رجعت يمهم متوترين طلع واحد من دكاترة

_ شتقربون من المريض أحمد

_ اخوانه دكتور

_ لا تخافون اصابته مو خطيرة بس المكان چان حرج

_ يعني مبي شي خطير دكتور

_ يي ان شاء الله راح نطلعه الغير غرفه حاليا

_ رحمة الله على والديك دكتور

_ ووالديك ابني هذا واجبنه

راح حسيت شوية گلبي ارتاح بس مدامت واني
اشوفهم يتراكضون من غرفة بارق

راح أزاد يسأل گالو نبضة ضعيف

باوعت لميس بنهيار محد بينه گدر يسند
الثاني محد بينه ثبت كلنا تهدمنه

صارت ميس تردد بكلمات من الدعاء او المناجاة
و ايدها على گلبها

بهاللحضه فصلت عنهم و بديت ابنعد شوية
شوية رفعت تلفوني اتصلت ....

فتحت الخط
اريج _ شعجب ذاكرتني اليوم
هيلانه _ اريج أحتاج منج شي اتمنى تساعدني

_ شكو صاير شي صوتج ليش هيج جنتي تبجين
_ اخوج موجود بالبيت

_ بسيل من الصبح مو هنا
_ لا أدم

بأاستغراب _ أدم
_ يي هو

_ موجود ليش
_ راح اجي و تعرفين بس انطيي العنوان

سديته هي شوية و خابرتني انطتني اياه
اجرت سيارة تكسي و اني ممفكرة بعواقب
الامور الي راح تصير بعد هالساعة .....

فـي مـكـان آخـر ....

دگيت على قسور اكثر من ست مرات مجاوب
و لمن يئست من الموضوع دگ عليه

ليث _ قزالقرط حيوان صار ساعة أتصل

دريد _ لنعل ابوك لا بو شكو گو*** شفته اليوم

ليث _ خلصت مهمتك

دريد _ أكيد

ليث _ هم زين بعدك تتنفس عار واثق تطلع منها

دريد _ غيث ؟ أدم آلة ايد بحادث اليوم

ليث _ يا حادث

دريد _ ولد عمة فراس

ليث _ لا بشرفك هو مسوي كمين آلة
بس لا الوياه ولدة

دريد _ يي عمه

ليث _ هسه فهمت قبل فترة اجاني شونم و گال
اكو شخص سأل عنه اسمه جان

دريد _ و شصار شونم واحد منـ.*** و ستين كلب
الجابة يمك

ليث _ دسمع ولك
شونم ملتقي بصديق ابو حرب حاچيلة كل شي
عن فراس و غيابه

دريد _ شنووو منو گالك انت ووصلك هيج معلومه

ليث _ اليوم شفتهم سوه حتى نصدمو الولد سليم
و محمود لان يعرفون الاسر ما يطيق شونم حاله
حال مؤيد

دريد _ استغفرالله منين طلعت هسالفه
و هسه شنسوي

ليث _ ما اعرف بس يمكن يكونون ورا الهجوم الصار لفراس وولده

دريد _ هو من اجه لاصها علينه مختفي و نگول ميت
و نذكرك بسم اليسمك

ليث _ چثير عليه أصلا

دريد _ ما عندي حل لازم أبلغ زوجتي بهالحچي
ابلغ هلال و تعرف كل شي احسن الي و الها

ليث _ رحمه للكائنات عوفو الهلال
و الشمس على صفحه اريد افكر
بحل حتى من نحجي شي مترهين

مو نلزگ بحلوگنه تتوقع اذا عرفت
راح ينسد الموضوع

دريد _ هم صحيح بس ماكو مبرر عكس ماضيه ع مرتي
و هسه اجة يكملها و بدال ابوها يمكن يروحون اخوانها

ليث _ خبلني بس من أذكر اسبابه اسكتت

دريد _ صدگني مو مبرر تريد تگتل روح اكتل
فراس چنت مثلك مخلي الحق وياه بس
ابتعدت ادركت الوضعيه شلونها

ليث _ انت وين

دريد _ بسيارتي راح اوصل للمستشفى

ليث _ ولك غير مصاب لا ينزفن جراحك

دريد _ جراحي شما يطيبن يلمچن و انزف أقوى
مو مشكلة صاحبي "

ليث _ راح انهي تحقيقات الشرطة و كاميرات المراقبة
خاف يصير خلل شي

دريد _ داححح العراق يلا مع السلامة ليوث

يـتـبـع فـي مـا بـعـد .... 👿♟️🎭

.

تفاعلكم شباباتيييي علقو بين الفقرات

اكو يطفرون كل الأحداث حتى بس يقرون
مشهد الابطال بجزء الاول لهذا صعب عليهم
معرفه منو ليث حسب الي فهمته !!!

من هسه أحب اگلكم البارت الجاي قصير
اذا تفاعلكم قوي انزله باجر او اليوم ......

من بعد احداث هذا اليوم تتوقعون

أدم الاسر راح يكون آلة جزء بحياة
هيلانه يوماً ما !

لو دريد حيكون حضن الامان الها !

لو راح يصير شي يعصف بما تبقى من حياتها ؟

اكرر شغله انسأل عليها هواية

الرواية بكل ما بيها حقيقية ما عدة أسماء كم شخصية
تغيرن إضافة اكو إضافة مني أكيد بس مو مغيرة
الاحداث شي اكدر اوصفة مثل الفنان من يرسمك
بكل تصافيلك بس يضيف منضر يمك او وردة بيدك
او شخص يمك من هذا القبيل اتمنى وضحت

و بعد شغله صورة تالين ليش بس جزء بسيط
منها متعبه روحج ناشرتها ؟

صحيح متعبه روحي مو بسهولة وافقت
الابطال متحفضين على شخصياتهم
الحقيقة و شكراً

اما كل من يدعي الروايات تفسد الاخلاق
لعد امنع المسلسلات و الافلام لان هم تفسد

و اسفة للي ما اريد الهم بالخاص
انتو هواية الله يحفظكم ما الحك

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد