#هيلانه_الاسر
بين لفحات أُوَرا و الزَّمْهَريرُ
ملاحظة" احداث البارت منقوله ( لم يغير فيها شيئ
كتبته كما و صلتني )
الغائب عذره ويا مو ، نسولف نهايه البارت
.
كان عليك أن تتمسك بي جيداً لكن عوضاً عن ذالك
كنت تستمتع مشاهدتني وانا اسقط مراراً فقط
لكوني لم ارق لك في النهاية ....
.
هـيـلانـه
بهاللحضه فصلت عنهم و بديت ابتعد شوية
شوية رفعت تلفوني اتصلت بأول شخص اجه
على بالي ....
فتحت الخط و ردت بضوجه
اريج _ شعجب ذاكرتني اليوم
هيلانه _ اريج أحتاج منج شي اتمنى تساعدني
اريج _ شكو صاير شي صوتج ليش هيج جنتي
تبجين تجاهلت كلامها و كملت
هيلانه _ اخوج موجود بالبيت ؟
اريج _ بسيل من الصبح مو هنا
هيلانه _ لا أدم
ردت وبصوتها نبره أاستغراب _ أدم
اريج _ يي هو
هيلانه _ موجود ليش ؟
اريج _ راح اجي و تعرفين بس انطيي العنوان
سديته هي شوية و خابرتني انطتني اياه
اجرت سيارة تكسي و اني ممفكرة بعواقب
الامور الي راح تصير بعد هالساعة
دموعي چانت ما ترضئ توگف لحضه
خوفي على اخوية يوجع گلبي ....
نزلت بالمنطقة الي. اخذت عنوانها
حسيت بضيق كأنما داخله بقفص
ضيق عليه تنفسي اجيت حتى اعرف
شي واحد هو سواها لو لا ، انداريت
على السايق چان رجال بمنتصف العمر
هيلانه _ عمو تگدر تنتضرني هنايه
_ عندي كروة و منتضريني
هيلانه _ مو الشارع الرئسيي بعيد الله يخليك !
_ ليش انتي لمن رايحه و المن جاية
خاف وراچ سالفة اني بغنه عنها
هيلانه _ اخوية بالمستشفى اجيت اخذله
ملابس و ارجع بس هيج
_ مو تتتأخرين
هيلانه _ شكرا
تصرفي ممكن غلط و ممكن أدفع ثمنه بس !
لازم اسأله لازم ، اتصلت بأريج ردت بسرعة
هيلانه _ اوصفيلي بيتكم بالضبط ؟
صارت توصف الية
تمشيت شوية الحد مصار گدام انظاري بيت
بنهاية الشارع مساحته چبيرة وگدامه حرس
اثنين ....
وگفت وهم ابتعدو الظاهر گالت الهم عن جيتي
قبل لا ادخل من الباب اتصلت بية و رديت
اريج _ بسرعة أدم حيطلع
هيلانه _ واگفه اني گدام الباب
اول مخطت رجلي اعتاب البيت شفته واگف
گدامي نضرتله يكره و قرف شديد ....
بتسم ابتسامة مستفزه رفع عينه للسما ورجع صد اليه
و گال بصوته الجهوري
الاسـر _ هاي منو بنت الغالي
" لـ هـلال هـنا !
ـحواء
الـحقد يـلهب مـن عـينيها
والشمس يـعكس نـور ضـيائه
عـلى بـدور وجـِهها الـحَسنٍ
.
اريـج
صارلي فترة اشهر علاقتي بنات عمي فراس
محدودة لان رفضت بارق روحاتي الهم قلت
بعدين تغير هيله الغريب خله هالشي يحز بگلبي
بس محجيت شي و تعاملت وي الموضوع بسكوت
لكن هالافترة بالذات شفت اشياء غريبه بيتنه
بدأءت ويه رجوعنه من بيت جدي
چنت متعودة على مشاكل بين أدم و بسيل
عراك عياط تكسير امور تعودت عليهه من
يوم يومي
اما اني مچتت اتجرء احچي شي بحضور
أدم لان هو الشخص الي تربيت على ايدة
ووعيت على انو هو الرجل الوحيد الي أحب
اشوفه سعيد أكره شنو يكره أحب الي يحبه
احچي بطريقته اشمر كلمات تضحك الناس
كل شي چان نابع منه
بنفس الليلة بعد ما صعدت الغرفتي أنام ....
بيتنه هادئ أمي بالصالة بسيل بغرفته
و اني گاعدة بمرسي و بعالمي الخاص
احياناً احس بالحزن لان معندي اخت
بس بعد ما افكر مره ثانيه اشكر ربي
لان بس مجرد فكرة اصير اغار على
اخواني و دلالي عليهم ما اريد اشاركه
چنت ارسم و مندمجه بالالوان صار
صوت تكسير من الغرفة البصفي أدم
هنا همستها بيني و بين نفسي .....
رجعت لزمت القلم و خطيتهه باللوحه
سمعت صوت مره ثانيه عفت كل شي
وگفت على حيلي لحضهه
أدم ؟ عزهههه
الغرفة اليمي ينام بيها لمن چان بداياته
بالجيش وچان بكل مره يرجع بيها للبيت
اشهد على صوت انهيارة طلعت
من الغرفة بهدوء صارت أمي
بوجهي على ملامحها خوف
وقلق على ابنها ....
الباب مفتوح هو نايم على المندر
و كل شي حوله گزاز دخلت أمي
الغرفة و شضايه الزجاج تتكسر
بكل خطوة منها بسبب كعبها
البسيط ..... دنگت على أدم
همست بوجهه
ارتال _ گوم كبرتي !
راح گلبي واني اشوفك هيج متعلعل ؟ لترجع ليروى
الاسر _ يوم ما يرضيني شي غير
شوفت اجنازه فراس و جماعته
مستغربت من شي هو من زمان يشتم و يغلط
على عمي رغم جهلي الموضوع بس حاقدة
عليه شكل أدم وهو منهار ميشبه شكله
هو مثل هيكل او الغلاف الضخم بس بداخلها
شخص غريب جدا
ارتال _ شفت شلون انحرگ بيت اسماعيل
طلع للشارع محترگ محد طفاه و عمك هم
مثل صديقة راح يحترگ و محد يطفيه
الاسر _ يمتة ؟ غير كون يطلع الديوث المخزبگ
من جحره
ارتال _ أكيد يسمع اخبارك خايف منك حبيبي
نداريت حتى امشي الكلام صار غريب و مو مفهوم
بالنسبة الية فكلامهم مراح يرضي فضولي هستوني
داروح گال بصوته المبحوح
الاسر _ اليوم شافتني أكيد عرفتني
ارتال _ منو هيه
الاسر _ لـ هلال
ارتال _:عزه العزاني ، مو گتلك لتروح
الاسر _ شنو خايف منها مثلا
ارتال _ تعرف الكلام الاسمعه عليها و شلون
متأذية يكفي الصار البنية بسبب عمايلك السودة
سكتت بعد محچة شي
نزلت من الطابق الثاني غارقه بأافكاري منو هي
الشافها على منو يقصد افأفت بصوت عالي چفلت
لمن شفت بسيل جوه مساعه صعدنه سوه
يعني نزل قبلي الوقت متأخر انتبهلي
بسيل _ ليش گاعدة ؟
اريج _ مجايني نوم اگعد يمك
بسيل _ تعالي گعدت يمهه
الملم بشعراتي الي طايرات بكل جهات
همست ... بسيل بسيل
همهم كدلاله على انو اكمل كلام
.... هممم
اريج _ أدم حيرجع مثل قبل؟
بسيل _ لاا
اريج _ ما اعرف احسه غريب هالايام
بسيل _ هو هذا أدم
تنهدت و گمت بسرعه اريد ارجع لغرفتي
.... وين رايحه ؟
اريج _ اكمل رسمتي
بسيل _ عوفيها كملي باجر بعد الدوام
_ خليني أتأخر طفله اني
_ منو يبتلي بگعدچ الصبح غيري اني
_ غير المثل يگول الاخو وقت الضيق
_ خيفيدج الاخو ولي نامي
_ وليت تصبح علىى خير قلباي
و بيوم ثاني چان قبل العرس مال أزاد چان
الوقت متأخر من الليل گعدت عطشانه باوعت
سراحية المي فارغه تعاجزت اگوم بس مگدرت
أنام فنزلت بخطوات بطيئة اذا نلگفت گاعدة
اترزل يضنون سهرانه رغم كبرت بس السهر
و اهلي ما ينجمعون نزلت اخذت سراحيه
من المجمدة ترست كوبي اشرب سمعت
صوت ممفهوم واضح بالحديقة مهتميت
أكيد الحرس!
فتحت الباب و اجتني نسمه باردة رعشت
جسمي ... حديقتنه بيها شجرتين كبار مباقي
منهن شي كل اوراقهن وگعن و اكو طاولة أمي
خلتها جواها تحب تگعد بهالمكان فكرت اروح
اگعد شوية .... مدام محد گعد هسه يعني محد
راح يجفلني بعدين ....
بعدني على مسافة بسيطة شفت أدم گاعد
فكرت اروح بس ترددت بقبت واگفة لابس
قميص اسود الجو كولش بارد و راسه رافعه
للسمه يمكن انتبه الوجودي او منتبه بس محرك
روحه گد شعره ابد ثابت
اتمنى هالبرد يدخل الگلبك و يبرده عليه
صعدت الغرفتي ثاني يوم رحت الصبح لبيت
عمو فؤاد بعد موگع اللساني و اني اترجى أمي
تجي ويايه اعرف علاقتها بخاله لجين زينه
يتواصلن زين ليش متجي بهيج يوم مهم عرس
ابن اختها كلش مضايقتني الفكرة من وصلت
رتبت البيت وي البنات للعصر طلعنه لبيت
اهل رسيل خطيبة ابن عمي أزاد جانت كلش
حلوه و الأجواء احلى طلعنه من بينهم بدينه
نصعد السيارات قائدة فريق السحارات گلولي
اصعدي وياهه مسوتلي مجال السيارات بدت
تروح و اني معلگه بمكاني استفزني الوضع
بعدين هديت بقيت منتضره خاله لجين تطلع
ارجع وياهه بعدهه بالبيت حسيت بشخص
يعيط بيه بارق تصنمت بمكاني مصفصفه
من الخوفه
_ فوتي السيارتي هناك
_ عوفها انت وين تگدر تسوق
عيني على عكازته
_ شعليج شاكيلج
_ و اني هماتين مشاكيه منتضره خاله
نداريت دخلت للبيت تحت انظارة من
دخلت باوعتله بطرف عيني لو ما اخاف
منه چان گلت وبصوت عالي اجيبلك مي
طفي نفسك بيها و اضح الانزعاج و الحرگت
الگلب بعيدن طلعت وياهن و صعدنه بسيارته
الخضرة شگد جنت احبها هسه اشوفها عگروگيه
مثله الحقير صعد ويانه بس بالصدر مچان هو
يسوق أني صايرة وراه تحت مرمى نظراته ما اعرف
شلون گدرت بس لزمني الثگل مرفعت عيني عليه ابد
لليل اني گاعدة بالمطبخ نحضر مي چايات مي چايات
هالكلمتين سمعتهن اكثر من طاقة تحملي و بارق كل
شوية داخل كل ما تصد عليه عليه يخزر بيه فبوحدة
من دخلاته چانت ياقوت بنت عمتي تصب الچاي ....
وگف يمها
هذا شبي لازگ وخر عنها
هي تحجي و تسألة عن صحته متعيني خايفه
على صحته
عيوني عليهم احس شعوط گلبيي شسالفة
بدون ما احس گلت
اريج _ ميقات خفي ايدج تره برد الچاي
رفع حاچبه الية معاجبه الوضع بس محچة شي
لابس دشداشة نيليه و سبحته بيده و بدون عگازته
شكله و عطره و ترتيية گلت بگلبي هذا اخواله غربية
جعل محد غيرك غربي امداچ و امده گلبج اريج
بعد الشغل و تعب رحت انسدحت بالگاع من التعب
يمي البنات اجتي اروى شافتنه كل وحدة وجها ميگصه سيف و نفكر چان تگول
اروى _ يربي كون هالبنات عاشگات لو شنو بالضبط
اريج _ يا عاشگات منيلج هالسوالف
اروى _ دسكتي انتي ام حلگ گلچن تردن رجوله
اريج _ دخيلك يا ابو فاضل اروح أنام احسن
ميس _ تعالي عندي سالفة وياج
اروى _ الثانية شردت وهي خبلت الولد
كل شوية و عايط سدوو الشبابيك ترجع تفتحهن
باوعت ميس الانه برائة و تأشر على روحها
ميس _ اني لا ابد و اسألو مارين
مارين _ معليهههه وليي لاذبيني بسالفة
اروى _ ديري بالج منها تخليج بتوهه ما طلعين منها
ميس _ اروى اني اختچ
ضحكت بأاستهزاء
اروى _ يا و اني عبالي شريچتي
تالين _ عزههه بيش تفترين ع روحچ
اروى _ ديلااا ضلت عليها
هيلانه نايمه ع الچرباية متمددة و مخليه ايدها
جوه راسها و تباوع علينه من شافت اروى معصبه
گالت
هيلانه _ اني مستغربه اشو الشايب كونترول
ابد ماله حس
ميس _ شي أكيد ضامله شي جبير منتضرنه
نتونس بعدين يسوينه سوووبرااايزز
اروى _ لا تتصصخولن خلن هالحچي يولي
لا تسمعه وحدة
اريج _ اروى لتصيرين ممله تعالي قدودي
لتگعدين يم امچ هواية ممله
قمر _ ليت ؟
ههههههههه
بعدها خلص اليوم عادي ثاني يوم و بعد مخلصت
الحفله خلصنه وطلعنه من القاعة چنت اريد وحدة
من البنات اتحرك وياهه كلمن ملتهي بنفسه آخر شي
انتبهت البارق بلعت ريگي عزه صرت اتلفتت
شفت ميس صعدت السيارة چبيرة كيه رحت
ركض صعدت شارده منه و من نضراته الصلف
هان كرامتي كثر من مره حچتة بأانو مريض
ما تنفع لان گتله انت مريض و راح تندم على
كلامك مصدگتي خلي يحترگ شوية صعدت
گعدت بالكشن الورا و عيني على الي بعدهن
مصاعدات مارين وبن هيلانه وين ادور بعيوني
الحد ملمحت هيلانه واگفه بمكانها الظاهر هم ادور
على مكان تصعد بي صدت عيني على الجهه
الثاني .... أدم
صرت اباوع بجهتين واحد يباوع بلخ
لو متوهمه شهاالابتسامة الي على وجهه
رجعت عيني عليها نضراتها الخايفه فجاة
بعد نظره و تحرك و هي اجه يمها قسور
رجعت راسي من الجامة شنو الي صار
قبل شوية هذولي الإثنين يعرفون بعض
من قبل لو متوهمه لا لا أكيد لا إذا يعرفها
او يحبها مراح يخليها هيج تروح الغيرة
أذكر شلون حارب علمود حبيتها بس
زواجهم بالاخير فشل بعدين بان الي
اختفت اول مگال الها راح اخطبج
هزيت راسي مبعدة هالافكار عني
ورجعت بالي يم البنات و صفگاتهن
انتبهت هيله ويانه ليش مراحت ويه
زوجها شگد هالدقايق شتتني خلني
اسأل الف سؤال ما اعرف من يجاوب
عليهن ....
بعدها مرت الايام بهدوء الحد مابيوم
گاعدة الوقت ليل خلصنه عشه امي
اخذت علاجها و دخلت تنام بسيل
طالع من الصبح و بس ادم على غير
العادة گاعد مسترخي و يتابع اخبار
_ أدم حبيبي
_ نعم
_ انت دتابع اخبار ؟
_ لا توم و جيري
_ يوووه لصنف من يمتة تابع السياسة
و على وجهك هالابتسامة المشرقة
_ عجبني اعرف اخبار الوزير
ضحكت عليه و سكتت وهو يحجي بكل جدية
أعرفه دگ تلفوني رفعته باوعت بأااستغراب
هيلانه تخابرني اني
هي يا مشتبهه برقم لو و أخيرا حتگلي شنو
سبب زعلها مني بس تفاچات تالي گالت اني
راح أجيج استغربت جيتهه و استغربت اكثر
سؤالها عن أدم ... رفعت عيني اباوعله
لفترة گام صعد اتصلت بالحارس بلغته يدخلها
بدون مشاكل
نزل أدم و بيده سويچ سيارته و تلفونه ع اذنه
دخل المطبخ تحركت وراه چان يتصل بااصدقائة
اتوقع مكالمة جماعية لان اكثر من صوت اعرفهم
كلش زين هالاصوات وحدة منهه لصديقة سليم
و الثاني لصهيب گد ما اسمع اصواتهم وگد ميجونه
أمي ناقص تسجل اسمائهم بشجرة العائلة ....
منطيني ظهرة تلفونه ع المعرض و قوري الچاي
ع نار فاتح سبيكر چان اصواتهم گد ما قوية و عالية
احسهم يمنه
سليم _ فهمتك
الاسر _ اشهد انك فهيم
صهيب _ اكبر بهيم هذا لا تجامله
سليم _ ولك ياهو البهيم
الاسر _ هيدو ولكم
صهيب _ بشرفكم شلونه عشه البارحه
سليم _ طبعا حتى معتدي اعتكفت عن الاكل
اليوم كله
صهيب _ ليش
سليم _ عينك ع لگمتنه
صهيب _ فوگ ما عزمتك
ضحك أدم بسخريه عليهم
الاسر _ لا تحچي على ابو فليس ولك سليم
سليم _ يمعود جلف عگولت ادريس صاحبكم
مستر سلطع فرع العراق
صهيب _ طاح حضك سليم تحچي عليه گدامي
سليم _ حبيبي الغالي احسن مما وراك و تخلي
بجيبك حسنات براسي قابل زوج اني
صهيب _ مالك چارة ميلام بيك ياسر
ضحك الاسمه سليم بقوة
سليم _ دعوفه هالمگرود مرمي رمية لا صايرة
و لا دايره يم الدواعش
رحت وياهه بمهمه وحدة خلصها وي الدواعش
نفجرووو هكاذوو
لا انت ما سامع سالفته مره اجاه حارس سيطرة
داعشي گاله
ماذا تفعل هنا
جاوب بكل ضراوة
و راد يچفص بيها گال لدينا مهمه هونا.... تلاحگت
و رديت بمكانه شكوووو راء الكو__ يسويها غين
تفل علينا لما مل
بطلعان الروح خلصنه منه سحلته نمشي لا يركزون
بينه ظل يعيط چنة وحدة مـ.....
ههههههههههههه
نعلعله ع سلفاه طيح حضنه بالفصحه مالته
شفته طلع من المطبخ
اتصلت بيها بلغتها گالت وصلت طلعت وراه
اريد إفهم الي ديصير
چان واحد مقابيل الثاني
اباوعله ابتسم الها بأاستفزاز ابتسامه اصح
ما ينگال عنها شيطانيه بعدين تمتم بكلمات
صفنني اكثر من هيلانه ليش يسميها هلال
من يمتة هذولي يعرفون بعض
عضت ع شفتها على وجها قهر و عيونها حمر
هيلانه _ شگد حقير و نذل انت
الاسر _ شجاي تسوين ؟ قوة و اصرار متغيرة
هيلانه _ لا هاي اني يالكابوس
الاسر _ راح تزوجين عدوج علمود شنو ؟
قسور يختلف عني !
هيلانه _ حتى ادمركم انت و كل الي يطلع وراك
و لتقارن دريد بيك متوصل آلة أصلا
الاسر _ بس انتي هيلانه الاسر
و هسه ولي منين ما اجيتي
هيلانه _ ههههه لا چنت و لا راح أصير
هيلانه الاسر بس بحلامي السودة الي انت
عشت بيهن
انيي هيلانه امراة مثل الزجاج المتناثر لكن
صلدة اترك اثاري بعدني و اذا فكرو يلون ايدي
اكسرها و اذا ضنو گلبي هو ضعفي اذبحه و ادوس
عليه ماكو هيلانه الاسر بعد و لا اكو هيلانه الاسر
قبل ....
خله اديه بجيوب الكوت بدون ما يحجي
هالشي زاد من استفزازها صكت ع اسنانها و عاطت
هيلانه _ انت مشكلتك ويه منو بالضبط
اني اخواني ابوية
رد بسرعة اشك انو فكر قبل لا يحجي
الاسر _ فراس و نسله
هيلانه _ لو صار النة شي ليش عبالك راح
تطلع منها بدون اذيه
ضحك بقهقهه خفيفه
الاسر _ هياتني گدامج ناوية تگتليني تعالي
هيلانه _ ههه وليش اسوي هيج لازم اصير انذل منك
و احرمك من هاي
گالتها و هي اتأشر عليه باوعتلها بصدمه
طلعاني منها أدم
الاسر _ اريج ادخلي
هيلانه _ و ليش تدخل
خلي تعرف اخوها شگد نذل
ندار عليها وگال
الاسر _ شتريدين بشريني مات لا
هيلانه _ انت تسمعني شدااگول لو لا
ليش موگفت گدامه و كتلته
الاسر _ حرامات طلقاتي بي !
باوع بعينيها بحقد و اردف مكمل
_ وأن يكن شخص تأذة وياي مو مشكلتي
اهم شي نعال يموت دام وصلت لغايتي
هيلانه _ و اخواني يا نذل يا خسيس
مكفاك السويته بيه ؟
حچيت بخوف
اريج _ يا اخوانچ هيله شصاير
تقدم على هيله بخطوات رجعت ليورا و گالت
هيلانه _ عفت بارق بالمستشفى و الموت ع شعره
منه بسبب اخوچ المريض ، صدگني لو صار الهم شي
راح احرگم كلكلم واحددددد قذرررر ولدددد عمككك
مصااااار شهرررر انت واگف يمهم بعرسس أزاد
شكدد شفت قذارة من داعشش بسسس محدد
مثلككك محدددد
بعد كلامهم أدم تغير بالكامل و اعصابه بينت
مشدودة من عروگ ايده الناطه بس صوتها
العالي صار صدى بكل مكان ....
متعدت ثواني
طلعت ترگض من هالمكان ابتعد بكل ما بيها
و اني حسيت الدنيا دور بيه حتى
دمعه موگعت من عيني باوعت الادم
الي سحبني آلة
اريج _ أدم فدوة شنوو هالكلام الحچتة هيله !
الاسر _ روحي لغرفتج
گعدت بالگاع لمن عافني و شفته يركض
طلع من البيت ....
.
مـيـس
الوضع چان مرهب
اخواني بين الموت و الاحياء
أزاد و بسيل الي هستوه ااجة يروحون
و يرجعون قلقين من يسمعون خبر ما يسرنا
اروى _ هيلانه هواية اختفت
ميس _ يمكن بالحمام
راحت فترة و رجعت گالت لحگيلي مموجودة
ميس _ أزاد بسيل هيله راحت للحمام يمكن
بس ليهسه مرجعت !
راح بسيل دور عليها هو
رجع ورا فترة گال ماكو
بعدنه مرادين أزاد گال طلعو من الغرفة
رحنه ع السريع
راحو أزاد و بسيل يحچون وي دكتور
رجعو النة اروى تأشر بيدها بمعنى شكو
رد ....
أزاد _ ابوكم بخير طلقة بكتفه و ضربه براسه
بس گدرو يعالجوها ماكو شي خطير
اروى _ و بارق ؟
أزاد _ بعده وضعه حرج لا تنسون قبل سنة عانه
من گلبة بسبب الأدوية الاخذها بكثره و المسكنات
بسيل _ الله يگومه بالسلامة
اروى _ أمين يارب
أزاد _ هسه رايح ادور على اختچن
بلعت ريگي وگلت اتصلو بقسور
ندارولي يتسألون السبب
ميس _ آخر شخص اتصلت بي يمكن تعبت و حبت
ترجع بدون متگول او خافت من كلام دكتور
طلع أزاد تلفونه و أتصل بي فتح سبيكر
رد من بعد محاولات سألة عنها
گال موجودة يمي و تحمد بالسلامة
الاحمد و گال لتخافون ان شاء الله
يعديها بارق ان شاء الله ، قسور
صوته المتوتر خلاني التمس الكذب بنبره
صوته بس تمنيت انو أكون غلطانه ....
.
هـيـلانـه
طلعت بسرعة سهله بعد ماكو شي يشفع
الشخص بعيني راح اگول كل شي شيريد
يصير اكثر من هذا
وصلت للسيارة بعدني مصاعدة سمعت صوت
عيطته
الاسر _ هلال ارجعِ هنا مو دربيتيلچ كلمتين ووليتي
بلعت ريگي حسيت روحي مثل الي چان بحلم و فز
صعدت السايق يباوعلي بنضرات شك
گتله بسرعة استعجل
بدة يسوق
طلعت تلفوني من الجنطة هسه شككللهم يربي
شلون ابدي
بعده بأايدي دگ عليه دريد
دريد _ بنت الكلب وين و ليتي
هيلانه _ لتسب !!!
دريد _ لتخليني اسب المودعين و العايشيين
واحد واحد وين انتي
هيلانه _ طلعت شوية و هسه بطريقي للمستشفى
دريد _ ليش حضرتج عايشه بالنرويج و مالي
خبر بنصاص اليالي دايحه
هيلانه _ شبيك تعيط
دريد _ شايفتتي حايط نصيص ضربين كلامي و تولين
هيلانه _ اهدئ هاي شبيك ...
دريد _ ليعاشرج يعرف الهدوء وين دربه خليني ساكت
_ دريد
_ مگلتي وين انتي
غمضت عيني بحيره
_ عرفت منو سوه هشكل لخواني
هووو گال و أيبتسم بوجهي بحقارة
_ الخاطر ربچ شصخمتي منو گلج تتصرفين من راسچ
قبل فترة گتلج لا تخلينه يلمچ
و هسه رحتيله برجيلج هينه
راح ارجع للمستشفى أبقي منتضرتني
لا دخلين عليهم
_ ليش
_ اسمعي الكلام مرة بحياتچ
سد المكالمه بوجهي ضليت اطگطگ بأاصابيعي
بتوتر و اعض بشفتي عما وصلت للمستشفى طلعت
روحي نطيته الكروة بقيت واگفه يره البرد جمد اطرافي
بس نار گلبي أقوى منها بطبقات ماكو آلة ربع ساعة
و شفت دريد جاي بااتجاهي صفنت بشكله المو نظامي
مثل الشخص الي طالع من عركه و مضارب لساعات
عيونه مشخصها على وجهي و يخزر بيه
وگف يمي مباشرة ميفصلنه شي غير كم
خطوه ....
_ تحركي
بلعت ريگي
بس اطمئن على اخواني بالبداية و نحچي تقدمت
و هو واگف وراية يمكن متفاجئ من ردي لو لان
مسألت عنه بشي و الإثنين يعصرن گلبي بقلق اجة
ابالي الحقير الاصلع ابو راس عرموطه ما اعرف
شايف روحه زين ليش گال عن دريد عدوي هو
قبل چان هشكل بس مو هسه يي يي أكيد يحاول
يشتتني وصلت اني
صارت اروى بوجهي سحبتني من ايدي حيل تريد
تضربني
_ وين چنتي
_ اروى عوفيني ثواني واگلج
_ شهالبرود عايزه اني و تختفين من يمي
مو بعينج احنه ميس اخذيها من گدامي
اجتي ميس اخذتني رحنه مكان بعيد عنهم
هيلانه _ شصار ويه بارق
ميس _ تعده الخطر الحمدالله بي بعده بالعناية
هيلانه _ وگف گلبي عليه يگدر يتعده الخطر اخوية قوي
ميس _ متريدين تسالين عن ابوچ
هيلانه _ يا ابو فدوة العينج ميس اسكتي عني
ميس _ وين چنتي هيله
دا اجاوبها شفت بسيل اجه
لو شياطين الارض گلها ضلت تنطنط براسي
نترت
هيلانه _ انتتت شسوي هنا
لتفتولي مستغربين
ميس _ فضحتينا صوتچ لننطرد
بسبيل _ ويه منو دتحجين
رديت صوتي واني الحقد مالي گلبي
هيلانه _ بسيل انتتو اخوك ليش شايلين الاحساس
تقتلون القتيل و تحضرون جنازته
سحبتني اروى
_ هيله شبيج عيب شجاي تخربطين
_ لا اني اعرف شجاي احجي اخو هذا الگدامكم
هو المسؤول عن كل شي صار اسئلو اريج لو
عبالكم اجذب
بصدمه نطق
أزاد _ انتي وين تعرفي أصلا
هيلانه _ هذا همكم داگووول هووو السببب
بعد ما كملت كلامي بسيل ندار يروح أزاد بقى
صافن مثل الي يريد يفهم الموقف
او ادرك شي و بعدها بثواني بعدها راح وراه
دريد بقى ساكت لان أصلا ميگدر يگول شي بعد
كل هذا
اروى تسأل بيه
ابتعد عنهن گعدت بمكان قريب على الكرسي
المكان مجان بي هوايه گاعدين شوية و حسيت
بي گعد يمي ....
_ ارجعج للبيت
_ لا
_ خوش
_ دريد
_ نعم
_ تعرف ليش اكرهك ؟ سكت !
ليش ساكت ؛ أصلا عليش اسأل عن شي واضح
_ مو وقت تمسلت
_ شنو انطاك الاسر حتى تتمثل عليه
او أصلا من البداية وين أكو رجال يقبل
على نفسه يتحرك مثل اللعبة
سكت مره لخ لبسني و حتى مفكر يجاوب عليه
رد برود
_ شگالج ؟
_ منوه
_ ابوي
_ وين شايفه ابوك اليوم أصلا
_ اسكتي هيله اسكتي
_ لا تگول هيله
_ و ليش ؟
_ أنت مو من اهلي !
لتفتت عليه چان يباوعلي مصدوم لا ياخذ
و لا ينطي لدرجه حسيت حيصيرله شي !
هستوني دا انطق انتبهت
على جهه اروى شفتهن يحچن ويه الدكتور
عدلت نفسي وگمت يمهن على سريع
راح هو و بقن يباوعلي مبتسمات
هيلانه_ بشرني خير شكو
اروى _ راح يطلعوهن الغرف اني ابات يم أحمد
و انتن يم بارق
هيلانه _ وأخيرا
گلتها و اني شاگه حلگي ابتسامه
ميس _ راح أتصل بمارين و تالين أكيد قلقات هسه
اروى _ يي بسرعه
دااحجي سمعت دريد عاط بأاسمي رحت يمه
_ شبيك تعيط بنص المستشفى
_ ارجعي للبيت اخوچ اني ابقى يمه ....
_ ما
عفته و رحنه لغرف خاصه كل واحد بغرفه
راحت اروى يم فراس
دورت عيوني يملل و گلت بحده
_ اكو ممرضات يديرون بالهم عليه
اروى _ بس
هيلانه _ عاد بكيفج اني رايحه بعد
دخلت لغرفه بيها بارق گعدت بعيد عنه
نايم حبيبي الله يساعده مصار وقت خلص
من مصيبته مو نوبه تجي ضربه لخ
التعب الي براسي زاد و انفاسي ثقلت
هيللانه_ راح اتمدد نام شوية
ميس _ براحتج هيله
گعدت ع قنفة صغيرة صايره بركن الغرفة
مر وقت و ميس گالت _ حروح اشوف اروى و ارجعلج
_ اوكي
طلعت من الغرفة بقيت وحدي
دقايق و ندگت الباب گلت اتفضل
دخل دريد بكل هدوء
باوع لبارق بعدين صد لجهتي شحيت نظري عنه
و هو قرب مني
_ هيله
سكتت مجاوبته
_ گومي نحجي بره
نداريت عليه جاوبت برود تام
_ لا
_ گوه متحمل ضاغط على اعصابي ومن سؤء حضج
ما امشيلچ سوايتچ هاي
_ مو هي بكيفك
_ بكيف منو لعد يعجبج اطلعج غصبن عنچ
نفخت هوى داخل حلگي و زفرته بملل
عدلت گعدتي
_ نعم شنو رايد
_ من شوكت هيج صلفه تعرفين مساع وين وليتي
_ الظاهر انت وصديقك محاسبين الروحتي حساب
كور ايده بغضب واضح بووجهه
_ متباتين هنا امشي ارجعج للبيت أزاد راح يجي يمكانچ
_ و انت شعليك
سكتت محچة شي و اني كملت
_ گتلك سالفة زواجنه مستحيله و بعد
الصار اليوم صارت اكثر استحاله
_ مو وقت هاللغوه و بعدين شصار ليوم
_ ما اطلع منا
لا اختك لا بنت عم لو خال و الاهم مو زوجتك !
بأي حق تتدخل ها ؟
رد بنفاذ صبر وضغط على مخارج حروف اسمي
وهو ينطقه حسيت بغضبه وخوف منه بهالحضه
_ هلال
حاولت اسوي نفسي مو مهتمه
_ روح عني
_ ابقى اول وتالي ممخاذهه علاجچ
نامي تسهل عليه شيلتچ
اني ميته نعاس هنوب جاب طاري النوم
اجي اتثاوب بس عضيت شفتي
_ معليككك بيه فاهم
ابتسم تك خد و نتظراته مو أمان
_ سهله
عافني وطلع
شويه و حسيت بنعاس رهيب
حاولت اگوم ووگدرت
گلت بگلبي افضل وجهي وارجع بس الي صار
حسيت بدوخه باب الغرفة آخر شي
شفته ميس وبعدها غبت عن الوعي ....
بعد فترة
حسيت بثقل جفوني لدرجه صعب عليه أفتح
عيوني واركز بالي حوليه ....
وفجأة شهكت بقوة من حسيت غرابة المكان
اجاني وجع بگلبي المكان غريب معقوله نخطفت
صرخت بفزغ وركضت اريد اطلع من المكان
الضلمه هذا واني بخبصتي هاي اباوع لباب
نفتح بهدوء گلبي صار يرجف بقوة وتصلبت
بمكاني وبهالاثناء شتتغل الضوة
دريد ومنتچي ع الباب ويباوعلي بأابتسامه
چبيره صرخت بي بغضب
شگد حقير وگفت گلبي
_ لا افا شلون تخافين وانتي وياي
_ هو انت واحد من ممخاوفي
_ شگد هضيمه
_ وين اني
_ بفندق
انتبهت عليه لابس تراك ومو مثل البارحه
باوعت لملابسي نفسهن
_ شكو حبيبتي تباوعين لملابسچ
غمز و كمل ترا ما الها لذه و انتي نايمه
بلعت ريگي وگلت بنفس الغضب الاول بس شويه
توتر بي _ شقصدك
_ سلامتچ تعالي اكلي
_ شگد الساعة
_ اگلج ومنتصدمين
_ گول
_ خلصت العصرية
_ حيللل هواية
_ مو گتلج علاجج انتبهي آلة و البارحة خفتي
و توترتي زايد عن لازم
گالها وهو يحچي الكلام بغضب
وترني حاولت ارد بأي شي
_ يعني البارحة چتت عصبي بس علمود
حالتي النفسية !
_ ليش اكو شي مهم ثاني ؟
_ ها
_ غسلي جبتلج عشه
غسلت ورجعت واني بالي هادي حسيت براسي
هوسه اكثر مما اگدر افكر بي لهذا حاولت اجاهل
قدر المستطاع
_ اروى تعرف؟
_ چانت يمچ
_ طلعو من المستشفى
_ لا
تحمحمت و اردفت بهدوء
_ شكرا الاكل طيب
_ الف عافيه
كملت و غسلت رجعت عليه ششفته يلم بالاكل
_ يلا نروح تأخرت عليهم أكيد قلقتهن و مناقصات
_ اخذي علاجج اول شي
_ شنو رحت لبيتنه !
_ لا شياخذني
_ لعد
_ دزتلي صورهن مارين و شتريتهن
_ بس غاليات
باوع عليه بعدم رضا و دخل يغسل
شهالانسان الي مداگدر افهمه وافهم شنو يريد
اخذ العلاج و بدلت ع سريع و طلعت وياه.
_ ليش مخليتنا نجيب العلاج و بقيه الأعراس
_ اني اجيبهن
_ بكيفك
_ تتمشين ؟
_ قريبه
_ يي
اخذ عشه من مطعم قريب و رحنا اني وياه
دخلنا المستشفى اني امشي گدامه و هو ورايه
لليل اروى گالت روحي ماقبلت ابقى ماعاندت
اهم شي اطمنت ع بارق و أحمد
رجعت ويا تمشينه مسافه بسيطه الفندق ودخلت
الشقه جنت ناويه ادخل مباشره للغرفه بس صوته
وگفني
_ هيلانه
لتفتت عليه
حجاها وبقى صافن بوجهي والمسافه البيته مو كبيره
فجأة نبس بهدوء _ يي هيلانه
_شكو ليش تباوعلي بهالنظره
_ ليش رحتي لبيته !
اگولك بس
مو قبل متگلي انت شوكت تبطل تمثيل
ندفع بغضب عليه وكمش فكي بيده بقسوة
لا تستفزين بهالكم احچايه الحافضتهن
و جاوبي على سؤالي
ليش عصبت مو لان كلامي صحيح
زادت قوه ايده عن فكي حسيته نكسر
ما اخاف منچ لو صحيح اگلج بكل سهوله
ههه يي صحيح
باوعلي بخزره و عيونه حسيتها طلع شرار
هلگد ما نظرتهن تخوف
دنگت راسي و هو اردف بصوت جهوري
اني و أدم
ههههه الاسر قصدك منين جبتو هالاسماء هههههههه
كافي اسكتي
ههههه سكتتتت
چنه فريق واحد
ليش تلعبون طوبه بجيش
آخر مره هاي
تضحكون مو بيدي
كل فترة نتبع عصابه معينه و آخر فترة قبل تشعب
داعش بالعراق
صار اختفاء للاطفال المشردين الي يگدون وحتى
اليلعب گدام بيت اهله بأامان ربه و من مختلف
المحافضات
راقبنا الموضوع لحد ملگينه المهربين و طلعنا
عدد لا بأس بي من الأطفال و الاسلحه .....
كمل وين رايح
اسوي چاي
لحگته المطبخ وگفت قريب ع سنگ وهو يملي
القوري مي
فيا عيني ....
كمشنا كم شخص من الخاطفين وحققنا وياهم
عرفنا اكو جماعات مسؤولة عن الموضوع بشمال
و بيهم أطراف هواية و دعم من كم فاسد لان يمرون
من الحدود بكل سهوله أثناء التجارة ....
واحد منهم چان
ابو ايفان
بضبط ابو الطلي و باوعلي بنضره سريعه و ندار
يكمل
امچ هم وياه
تنهدت بدون مجاوب شي
بيوم چنه ننراقبب المكان شاف ديلارا
و بعد بيومين شافچ
من خلال عامله عرفنا انو انتي بنتها و بس
استغربت ليش هالگد أدم ركز ع هالشخص
و عاف البقية الغير ضباط !
لحد مجابچ للشقق اني عبالي انتي مجرد
نقطه ضعف للأيفان و ابوه
بعدين عافنا و تورطتو بيه انت و سما
و بسببي ماتت دنگت راسي بحزن
مو انت السبب ، و هسه بعدك وياه
لا نقلوني
وهالشي زين لو لا
زين لان اتواجد بغداد هالفترة القليلة
و مو زين بأي ساعة انغدر
باوعتله واني مفاهمه قصدة و بنفس الوقت
ما اريد إفهم ....
روحي نامي راح اطلع
غسل كوب الچاي و خلاه ع سنگي و ندار يروح
شايفته اكثر من مره لمن يكون سكران وهسه نضراته
وصوته وحتى خطواته مو موزونه لمجرد بس تذكرها
لحضه !
رجع اندار عليه بكل جسمه يباوعلي منتضر اكمل
ابقى ......
يعنيي الحد متجي اروى
ماشي ادخلي للغرفه ما اروح
تمام تصبح على خير
.
اريـج
عافني وراح بقيت صافنه ممستوعبه
شي ركضت للبيت ادور على تلفوني
ملگيته رجعت ليبرى لگيته واگع
بنفس مكاني اخذته و اتصلت لمارين
رن مره مرتين جاوبت چان صوتها
مخنوگ مگدرت إفهم منها شي غلقته
مطولت بكلامي وياهه اتصلت بأروى
مشغول طلعلي رجعت الميس نفس
الشي .... ملگيت احد ثاني أتصل بي
غير تالين ردت عليه و جاوبت بختصار
حادث و هسه حالتهم مستقره متدري
بروحي طلعت واني اسمع بارق وينه
وين جروحه هو عايز لا نوب اخوية
السبب شلون راح اگدر اباوع بوجهه
بعد هزيت راسي اطلع من تفكيري
اهم شي يكون بخير .... كل شي سهل
بهالاثناء دخل أدم صعد ليفوگ بقيت وقت
مترددة اصعد و من شفته تأخر گمت من مكاني
ملحگت اروح اصعد انفتح الباب دخل بسيل يركض
و يسب بأادم و مباشرة دخل وراه أزاد سألني بعيطه
اخوچ هنا ؟
اشرتله فوگ و أزاد يسحل بي يريد يهدي بس ماكو
هذا قافل
على اصواتهم اجتي ماما باوعت مستغربه بهالاثناء
اجه أدم و برود گال
زعطوط شبيك صوتك يلعلع عبالك كـ*** تطلگ
ادممم شسووويت انتتتت هاااا شيوووويت فهمني
مرتاح بالصار هسه
يي مرتاح
فاختتتت موووو ولككك شتغيرررر شوووو
هو عايش كل شي ما بي و بارق شعره من الموت
حتى من اگول عار محد يعارضني
اني جاي اكل تبن لا تضربني بحچاية صفح
و جاوبني
هنا حچة أزاد بصوت غاضب
شعندك وياها
جاوبه أدم برود و كأنما ميعرف شي و لا جاي يتعاركون
منو
لتغشم نفسك ،هيلانه
ابتسم تك خذ و رد بأاستفزاز
اسألها هي
أمي وگفت يمي همست شصار
نطيتها مختصر من الفهمته سكتت ابد و لا علقت
راح انجن شصاير بينهم
بعدني احچي وياهه ما احس غير أزاد صار فوگ
أدم وواحد صار يضرب بلاخ بسيل مدخل و هذولي
عبالك مصارعيين كل واحد شگده
أمي عاطت رادت ابد و لا هدوو
شهگت بخوف لمن شفت دم نزل من رأس أزاد
و أدم مستمر بالضرب و لا كأنما
روحي للحراس ع سريع
طلعت بكل مابيه من سرعة اخذت شالي الي ع الميز ركضت لبرى گلت لهم و هم دخلو سحبو أزاد بجهه
و أدم بجهه و ثنينهم مستمرين بالسب و شتم لحد
مگال أدم شي خله أزاد يگدر يدفع الحارس الماسك
ضحك ضحكه مستفزه
_ اليوم عفتها بمزاجي ، لو ما أخذها محد آلة شي
يمي گلتها و اعيدها هي حصتي من الكلب ابوها
_ كافي عيب عليك السويتها بيها مو قليل شبقيت
حتى تصيرلك
رد بحزم
_ البقى منها اليه
_ البنيه تزوجت
_ الملطلط گبل لا ارفع سلاحي يعوفها
_ حيوان بديت تخرف
بي وقبل لا يضرب أدم تدخل بسيل
بسيل اخذاه بلگوه و طلع بعد ما سب و ظل
يتوعد الادم الصالة صارت خرابة من التكسير الصار
و أول مطلعو دفع أدم الطبلات شهگت بقوه وخليت
ايدي على وجهي چانو گزاز فتناثر بشكل قوي وعلى
وجهه ابتسامه شيطانيه عكس افعاله
_ اصعدي الغرفتچ
_ بس ... !
_ روحي
اوكي ماما
عفتهم وصعدت ليفوگ دورت ع تلفوني ماكو يعني
وگعته بالبيت فمشيت الغرفة أمي اخذت تلفونها
و مشيت بهدوء و أدم إختفى صوت عياطه تنهدت
بحزن اليوم صارت هوايه اشياء ما اگدر استوعبهن
كتبت رقم ميس لان حافضته جان بالي اطمن على
بارق و قبل لا ادگ تذكرت الايام الي جافتني بيهن
هيلانه و رفض مارين لبسيل و هدوء بارق الي حتى
محاول يخليني آلة طلعو يكرهوني بسبب اخويه اني
شعليه زين ! بارق شراح تكون رده فعله بعد ميعرف
هذا اكثر شي خوفني ....
.
تـالـيـن
گاعدة بالحديقة وحدي رسيل و شمس
راحن يجين شي نشربه منتضرتهن و اگلب
بتلفوني وصور هستونه صورناها و مبتسمه
بس عكر عليه اشعار رسالة بين فجأة ع الشاشه
دخلت شفتها رسالة ع الخط
حضرتچ تالين فؤاد
يي نعم منو ويايه ؟
الرسالة بقت معلگه بدون جواب المن هالرقم
تنهدت و انتظرت البنات
بهاللاثناء حسيت شخص عاط بأسمي رفعت
راسي چان يطلع عقاب
نفضل استاذ بشنو اگدر اساعدك
فهمت من جبر الطلاب توصل فكرة سيئة عني
و ثبتتلچ هالشي غلط و چايكم من الباب
لا ونعم منك استاذ بس اني ما اريد ازوج
و ارتبط و هالامور بعيده عني و عن حياتي
اريد انطيج فرصه تفكرين بيها لا تستعجلين
بقرارج و كل شي كلي انتي و الاهل اني حاضر
بس
لا تقررين هسه ارجع واكلج إياها حتى
متندمين و تضيعين فرص
نغزني گلبي المصخم من حچايته
انت تهددني
لا ما اهدد بس تذكري اني شنو هنا
و انتي شنو فهمج كفايه باي
راح من يمي و اني صرت ابلعم حسني گلبي وراه
مصيبه تنهدت بحزن و نداريت شفت درُ جايه عليه
تعالي جوه البنات منتضرينج
جايه
رحت وراها دخلت و گعد يمهن طالعه روحي
قهرني استاذ بغبغاء مو عقاب منيله عقاب
فوگ ما حقنه يهدد دروح شتريد اسوي
كافي صفنات
مصافنه
رسيل مقابيلي بصفها شمس و اني گاعدة
يمي درُه بنيه شلتنه اباوع شمس اشرت
الدرُ بعيونها و هاي اخذت نضره چانو أربع
شباب يضحكون
دباعن الرزانه و الثگل شلون صاير
شربت من العصير و باوعت بيها صفح
وينها رزانه صوت ضحكتهم شگت طبلت اذني
و اني شگتتت گلبي
صدقة المحمد صلاوات مو شباب سروب
مال صكصوكين
سروب ؟ صكصوكين ؟ الله يهديج
دباعي حضي ولد عمامي مجعمرين عبالك
طاگه بخلقتنم نوويه
صچمي بعد
درُه اني و انتي لازم نشوف غير شله
وحدة متزوجة و ثانية الناس تركض وراهه
يااا شمس
باوعتلي رسيل بنضرات معرفت افسرهن و گالت
منو راكض وراج تالين
محد هيج سالفه مو مهمه
خزرت شمس
رسيل عقچت وجها عزهه بس لا عبالها ع جلمدِ
باوعتلي و اردفت بهدوء
تالين ممكن نحچي
خليها لمن نرجع للبيت
لا هسه
اوكي گومي
استئذنه من البنات و ابتعدنه عنهم
تالينه انتي اعز صديقة مفكرت بيوم انو راح
التقي بوحدة تكون اقرب الية حتى من روحي
رسيل
خلي اكمل
أزاد قبل لا يخطبني چان يستغل كل فرصه
و يحجي بيها وياي چان يرسلي رسائل حلوه
حتى بأاوقات عنده شغل
شنو مناسبة الكلام
لا تستهزئين من حب اخوية الچ و تحچين بي
يم صديقاتچ صهيب مستحيل يركض ورا شي ....
انتي فاهمهه الموضوع غلط
افهميني رسيل مقصدي ....
شمس و تشميرها بالحچي ماله دخل بصهيب
يعني اكو واحد معجب بيچ ؟
تكدرين تگولين هيج يلا نروح رسيل كافي
ما ارجع وياچ انتي روحي وحدچ
رديت بخووف و استغراب .... ليش !
نسيتي صهيب يمر الي اليوم ؟
ها يي تمام أجي وياچ لعد
لا ... عندي موضوع وياه
يااا رسيلل شجاچ
مو يمچ هيچ شغله بيناتنه
رديت بقلق _ اوكي ....
رجعت وحدي لليل اجتي رسيل چنة نتعشه
دخلت ع وجهه ضحكه و أزاد وراهه لان هو
الي گام فتح الباب الهم هو همينه مصار دقايق
على جيته
السلام عليكم
وعليكم السلام
ها بنتي شلونج
الحمد الله عمو
اخوچ وينه
راح
ميصير بوية ما عطلته للعشه ؟
مستعجل يابه
مرة الجاية لا تخلونه يطلع
صار
اگعدي تعشي ويانه
الف عافيه بس سبقتكم ويه اخوية
براحتج بنتي
صاعدة ليفوگ محتاجين شي
سلامتج روحي ارتاحي
طول كلامها مخلت عينها بعيني صحيح رسيل
حساسه بس متوقعت الهدرجة شلون افهمها
هسه ....
ما اكلت هواية كم لفه و ستأذنت اصعد
حچيت بيني وبين نفسي
حروح اراضيها احسن مما تكبر اكثر
حاولت أفتح الباب مقفول
رجعت الغرفتي تمددت
سمعت نغمه تلفوني شلته وگعدت ع چربايتي
چان صهيب
زفرت انفاسي و بلعت ريگي سألت نفسي
اخاف رسيل گالتله ، لالا متسويها
فتحت الخط قبل متكمل رنته
_ هلو
_ هله هاي وينچ ادگ صار ساعة
_ هنه مكالمتين لا تحمه
_ وينچ ؟
_ جوة اتعشه
_ الف عافيه ، اگلچ رسيل ضايجة ؟ احد مضايقها
بشي بالدوام بيتكم
_ ها ليش هي شنو گالت
ضجت حتى مسأل عني كملت كلامي
_ چان سألتها مو احسن
_ لو گالت شي چان مچيت اسألج اشوفها ضايجة
سألتها مجاوبت ما ضغطت عليها
_ يمكن لان تعبانه ؟ من الدوام وهيج
_ زين
_ يي
_ انتي شلونچ
گلت بگلبي .... بعد وقت
_ الحمدالله ، انت
_ الحمدالله محتاجة شي
_ سلامتك
_ يلا مع السلامة
گالها وغلق المكالمة
خليت التلفون گدام وجهي هذا منو الي چان
يحچي وياي معقوله صهيب! شهالاسلوب البارد
مرت ايام صعبة علينه بوگعه ولد عمي
و سبب الوگعه أدم لمن عرفنا چانت صدمه
كولش جبيرة الوضع زاد حساسية بينه كلنا
بسيل و اريج اختفو بهالفترة حتى الدوام متجي
و الكل ضايج ، بس رغم هذا مرتاحين لان طلعو
منها سلامات
مرن ايام و كم اسبوع ع الحادث هذا
هالفترة نشغلت بدوامي فد مره
اروح بين فترة و فترة اشوف هيله
و البنات ، صهيب صار اذا أتصل مره
باليوم شي چبير بنسبه الية ابتعد
عني خطوات مو خطوة و اني سويت مثله
و صرت حتى ما ارد عليه لو احچي وياه
عقاب صار يزعجني بدوامي
يدز عليه و احس بنضرات البنات
و رسيل الية الي مو راضية نجبرت
اسايرة خفت لا يوگعني بالمواد بكل
مره اروحله يگلي ها فكرتي و لمن اگول
لا .... يباوعلي بأابتسامه صفره و يگلي روحي
رسيل و أزاد علاقتهم احسن مايكون و حنان
ذابة كل الشغل علينه قرب شهر ولادتها حامل
بتوم ولد الكل فرح بهالشي وهي عبالك راح
تولد وريث مملكه گد منغرت ع رسيل الي
تضحك بوجها و متنطيها فرصه تضوجها
ايمن لمن ينزل نادراً ميتواجد بالبيت
كل الوقت طالع ....
اليوم رسيل اجتني گالت تجين وياي
رجعت گتلها وين
رسيل _ للعيادة بس اني مگلتله هيج گتله للمول
اشتري كم لبسه
تالين _ أزاد يقبل ليش جذبتي
رسيل _ يي مو شاكه بشغله اريد اتاكد منها
ابتسمت بحماس
تالين _ حامل رسرس ؟
هزت راسها و ضحكت
رسيل _ ما متاكدة حبيت اتاكد يلا اگله
تالين _ ان شاء الله خير حبيبتي ، ويه منو دنروح
رسيل _ صهيب
تالين _ اوكي راح ابدل انتي گولي الامي هم
رسيل _ يي أكيد
لبست بنطلون بي ضيق و فوگاه قميص
يوصل فوگ الركبه لونه فستقي و رهمت
شال خلصت و رحت يمها شفتها مكمله
لشويه و رمش عليها صهيب نزلنا سوية
طابگ السيارة باب البيت كلش
صعدت رسيل يمه و اني ورى
سلمت عليه
رد برود و سكت كل كلامه چان موجه الرسيل
رسيل _ لتخاف مجرد فحص و انت حاجزلي منتأخر
صهيب _ نشوف ،
نص ساعة تقريباً و صلنا دخلنه كلنا للعيادة
راح صهيب حاچاهم و طلع بعد اشخاص
قليل گدامها ....
فعلا منتضرنا هواية و نادو اسمها ردت
ادخل وياهه طلع ممنوع بس المريض
يدخل شنو الفرق ما اعرف بقينه منتضرين شوية
گاعدة بكرسي بحيث صايرة بين الحايط و صهيب
چنت اتمنى اسألة شبي بس خفت يعاند
و اضوج منه و تبدي نحاستي تسيطر عليه
شوية و حسيت بوحدة واگفه ع راسي
باوعتلها بتمعن و نصدمت
سلسبيل چانت ويايه بالموصل مچنت متوقعة
التقي بيهم مره ثانيه
وگفت حضنتني و سلمنه ع بعض سألتني عن احوالي
سلسبيل _ و لا اصدگ شفتچ آخر مره گلتي اني
جاية الموصل بيومها قوة الأحداث هناك و احنه
طلعنه لجوء للمخيمات بلگوات وصلنه البغداد
تالين _ الحمدالله ع سلامتچ يعمري
سلسبيل _ شوي من اگوللهم شفتچ راح يطيرون
من الفرح
تالين _ لبقيه موجودين
سلسبيل _ يي كلنا بس انتي و فادي و شذى
فقدنه تواصل وياهم وانتي
تالين _ يي لان صارتلي ظروف هم
سلسبيل _ متعرفين لمن گلت الزيد عنچ
و يمكن صرتي بيد داعش شال روحها و دگها
ما اطلع من المخيم خاف تجي تالين و گوه
قنعناه وگلنه حتلو تجي المخيم اكو الف مخيم
هنا وين تلگاها ، و لمن وصلنا البغداد راد يوصل
العنوانچ او شي يخصج بس وين بغداد چبيرة
حيل و محد يساعده
بلعت ريگي بصعوبه ذكرت صهيب الي کاعد
وراية صخام بوجهي هي عايزه نوب كملت هسه
ابتسمت مجامله تبادلنا الارقام و راحت
رجعت گعدت التفتت عليه يباوعلي بطرف
عينه
_ لتباوع هيج ترهه معليه مگلتلها تحچي
هيج گدامك
_ اطلع گواد اذا خليت العار يحچي و ياخذ
راحته وياچ
_ لتفشر
_ تسمين هاي فشار ؟
_ اسكت اجتي رسيل
اخذناها سوت تحليل دم بقينه منتضرين و حچيت
الها عن سلسبيل فرحت و گالت مخليتيها تنتضرني
لهناك و نادو اسمها راحت هي و صهيب و رجع اشرلي
اطلع
صهيب _ روحن للسيارة اجيب علاج و أجي
صعدنا و هي ضايجه
عرفت مو حامل .... شوية و اجة گال
صهيب _ عندچ فقر دم حاد و نقص فيتامين
اهتمي بصحتچ
عبست رسيل و ردت
رسيل _ ان شاء الله
شوية وگف السيارة گدام المول نزلنا
بعد محاولات اقناع رسيل الي چانت
رافضه هو گال اروح ساعة ونص اشوفچن
جوة رحنا شترينه ملابس و كم شغله
و بعدها نزلنا كل هذا و اني اجر برسيل
جر لان ما عدها واهس تشتري او تسوي
شي ، تعشينه و وصلنا للبيت نزلت رسيل
و اني اخذت كم علاگه و دافتح الباب
_ عوفيهن
_ ها ليش
_ اني انزلهن
_ بكيفك
نزلت و هو نزل الاغراض وراي
و اصرت ماما يتعشه يمنه بلگوات
قنعها هستونه متعشين و ع غير مره
بعدها راح و اني صعدت الغرفتي ورى يومين
اجوي اربع نسوان مشايفتهم بعمري
بس شكلهن مألوف ، خفت و توقعت اهل عقاب ....
بس لا راح توقع لمن شفت رسيل
تحضن بيهن .... گالت خالاتي
استغربت هن حتى بالعرس مموجودات
سلمت و رحت للمطبخ
تالين _ رسيل ذني منو حتى بالعرس مموجودات
جاوبت بسرعة و بختصار
رسيل _ خالات صهيب
بأاستغراب
تالين _ و شيسون هنا
غمزت الية و ردت بضحكه
رسيل _ هههه البالچ ابالي تالينه
معقولة يخطبني آلة
فرحت و توترت بنفس الوقت
اخذتلهن للضيافة وگعدت صارن يمدحن بيه
و بشكلي استحيت و صعدت
نص ساعة و أمي عاطت بيه انزل ، مچذبت خبر
و بسرعه نزلت
شفت امي مبتسمه بوجهي
لجين _ تعالي حبيبه بنيتي تالينة
رحت يمها حضنتني و گالت بفرحة
_ راح ازوجج وافرح بيچ
تالين _ شنو تريدين تخلصين مني
رسيل _ لتخافين اني اعوض مكانچ
لجين _ ههههه محد يعوض مكان الثاني
كل شخص و معزته
حنان _ الي اجن اقاربچ شعجب متعرفين جايات
ع الأقل چان تالين عدلت روحها
باوعت الروحي لابسه دشاداشه و شعري مسرحته
و مبيه شي
لجين _ تخبل بنيتي ميحتاج نجهز شي
رسيل _ مچنت اعرف بيهن جايات چان گلت عمه
_ ما صار شي الا كل خير ، صهيب خوش ولد
و معدل و اخو مريت اخوچ و صديقتچ فكري
زين و اني هم راح انطي خبر لبوچ و اخوانچ
هزيت راسي بقبول و رجعت صعدت
رحت لغرفتي ويمي رسيل نسولف و بعد
فتره نزلت بقيت وحدي
گعدت بكل ملل بعد معافتني رسيل افكر
بكلامها صهيب مصر يجي بدون ابوه شريد
اسوي مثلاً لازم اهلي يقتنعون لو هو يقتنع
ذكرت تلفوني طافي شحن
ركضت خليته بدة يشحن
شغلته و شغلت الشبكة
بدت توصلني الاشعارات
لفت نظري رقم غريب على الواتساب قبل فترة
وصلتني رسالة منه يتأكد من اسمي
شفت رسالة جديدة مكتوب بيها
_ لا تصيرين غبية و ترضين بأابن شارع مثل
صهيب امه وحدة كحـ*** بنت فلاليح و هم
مگعدت راحة و عرضت روحة مدري شكم
واحد زين لگت رجال سترها
تالين _ منو انت ؟
بعد وقت مو طويل رد نفس الرقم .....
_ شخص يريد مصلحتج
تالين _ شعليج او شعليك بمصلتحي
بسرعة حضرت الرقم و دگات گلبي ترتفع
ليش تحجي عن مراة ميتة و منوو ام صهيب !
عفت التلفون و نزلت ركض و اني اعيط بأاسم رسيل
رسيل _ انييي هناااية
تالين _ وين
رسيل _ الممر
رحتلها ع السريع چانت واگفه و بيدها تلفونها
توقعت چاتت تخابر
تالين _ رسيل تعالي وياي ليفوگ
رسيل _ جاية صاير شي
_ لا بس اكو موضوع ما فهمته و اعرف انتي درسين
قبلي گلتها لمن صارت حنان بوجهنه تتسأل عن صوتي
العالي
حنان _ شدعوه عيني طگتج الشطارة
تالين _ شنو زعجناج ست حنان
حنان _ يي ياريت تنصين صوتج شتحسين
گلبت عيوني بضجر و رسيل وراية تهدي بية
ما تعرف اكو نار بگلبي خايفه منها تحرگني اكثر
دخلنا للغرفة قفلت الباب و هي راحت
گعدت ع جرباية فتحت تلفوني بأادين
ترجف خليته گدامها ....
اول مقرت فتحت عيونها بوسعها و باوعت بيه
رسيل _ تالين
تالين _ شنو معنى هالرسالة مدافهمها
رسيل _ و لا اني هالرسالة چذب ما بيها صحه !
تالين _ جاي اقرأ الخوف و توتر البيچ رسيل لچذبين
عليه شضامين عني
بلعت ريگها و سكتت
_ لعد اخابر صهيب اگله
بسرعة كمشت التلفون بعدته عني
گالت بتوسل .... لا تالين لتگوليلة
تالين _ آخر مره اگول شضامين عني
رسيل _ هو صحيح اكو شي متعرفينه بس
مو هيج هالرسالة بس حتى تكرهين اخوية
تالين _'لعد ؟ شنو الصدگ
رسيل _ اگلج بي بعد ما تصيرين مرته الاخوية
_ رسيل هاي انانيه
_ تالين فدوة ماكو شي خطير لو شي
هو اخوية و اني أعرفه كولش زين
صحيح امهاتنه مختلفات بس ما يعني
انو اشجع الكلام المكتوب لان أعرفه غلط
تالين _ يعني بنضرج اذا عرفت بعدين و طلع
سر چبير ابقى وياه و ما اعوفة بعد چذبته
رسيل _ تحبي انتِ و شي مثل هذا مراح يكون مبرر !
تالين _ أكره الأسرار و الاشياء الي تبقى
ممعلومه تدمر كل شي مثل مصار وي هيله
مراح تحچيلي ؟
رسيل _ ما اگدر هسه
تالين _ خلص اطلعي و لتحچين وياي بعد ....
يـتـبـع فـي مـا بـعـد .... 👿♟️🎭
لم يكن هنالك داع لحتفاضي بك من الأساس
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد
شتقتوا الهاي الفقرة صح ؟
تعرفون شكد احبكم صح ؟
بنات غيابي عنكم ما آلة مبرر طبيعي.
كل الي اري تعرفوا اني مو بخير
وهيلانه مو بخير اكثر مني .....
بساابع المستحيلات گدرت ارجع حسابي هذا
لان نسيت الايميل
وداحاول ارجع مال الانستا اذا مارجع نسوي غيره
هم مو مشكله
ترحموا ل محمد نزار
بعدين تعرفون هذا منو 💔
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!