رواية قاع الشياطين الفصل السابع والأربعون 47 - بقلم اسماء ديمير

................☆البارت الثاني والاربعون☆.............

#قاع_الشياطين(البصر والبصيره)

#بقلم_أسماء_ديمير

ويه منو تضحك هاي ، لزمت العصا زين وكفت على صفحه بهدوء ، تحجي لااا مرتاحه والله ..

لا بعد كم شهر تبلش الامتحانات واخلص ، عود بذاك الوكت احجيلها حتى لو مارضت قراري بيدي مثل ماقرارها بيدها …

دفعت الباب بهدوء ، حجيت تالااا .. 

سكتت كبل ، حجيت مو وياج منو هنا .

ردت وحدي شكوو شبيج ، فززتيني ..

وكفت .. ويامن تحجين ..

بالموبايل شكوو اكو وحده تدخل جفت خوفتيني عبالي مدري منو جفت عليه ..

شكو خايفه ..

البيت هادئ وفجاءه يجفت عليج احد شلون ماتخافين .

لاضلين هنا بعد الفرغه و كملوها الج نقلي بس ملابسج و تعاي يله .

ماريد اريد اضل هناا مارتاح هناك هنا افضل خصوصيه ..

غرفه لوحدج .

لا ماريد .

تقدمت اكعد على جربايتي القديمه ، همست بس لاعبالج اخليج هنا بالملحق لوحدج ..

نترت شنوو استخصرتي بيه الملحق عيوني لو ما بيدج الفله شكبرها شكدها اضلين طول عمرج انانيه وتفكرين بس بنفسج وبس بطلي تفرضين رأيج عليه فرض .

حجيت بهدوء .. اخاف عليج حبيبتي شينومج اليل لوحدج هنا ماتخافين ..

لاا مابيه شي بس حلي عني خنكتيني كاافي ..

تالااا الملحق راح يفرغ و راح تجين اليوم للغرفه صايره مقابل غرفتي غير هالحجي مارضه ..

عاطت بيه فززتني ، مو بكيفج والله ، شنوو انتي كلها جوه ايدج وبامرج مااقبل والله ..

كمت وكفت لحيلي ويامن جنتي تحجين ..

شعليج حيري بروحج محد سالج عن اتصالاتج ..

جريت نفس ختنكت خلص بديت اتعب وصبري ينفذ ماكدر اضل هادئه وياها هواي ، شنو تكولين بس اخلص امتحانات اكول الها ..

ردت جنت احجي عن صديقتي ادخلي براسي بعد واعرفي شنو افكر وفضيها ..

همست بعصبيه :- لمي غراضج يله ..

درت ظهري داكمل و صاحت مااطلع والله ، اضل بالمكان الي يريحني ..

درت وجهي عليها تطلعين وتجين للغرفه خصصتها اني الج الي هيه مقابل غرفتي غصب ، واذا عاندتي عندي استعداد اخلي بيبر يهد الملحق والله لا تعانديني من احجي وياج بهدوء وبالعين واغاتي لان احبج واختي الصغيره بس ما تمشين وياي عناد وعدم احترام اضطر استخدم اسلوب ثاني اسلوب امي تذكري لو لاا ..

عاطت والله مااطلع مووو بكبيفج حقييره اناانيه انصدمت من رده فعلها العدوانيه ، شمرت عليه كووشه اجت بصدري رفعت اديه اتلافه الضربه .

ابتعدت فازه منها ، لاتتصرفين هيج تالااا والله اذيج امشي عدل وياي واعقلي ..

-حقييبره مرريضه انتي مرريضه عندج نقص عميه ..

فتحت عيوني خترعت ، هيه سكتت تجر نفس بغضب ..

-ردت والله اعوف فله واهج مالج سلطه عليه مثل ما الج الي ، حتى الورث ، اخذ بيت واكعد لوحدي دشوف شسوين ..

رفعت اديه امسح وجهي كوه كتمت غضبي وقهري  ، ابتسمت ، لا عليش حبيبتي ضلي هنا ضلي بس يصير خير ..

نطيتها ظهري ومشيت ، جبال دنيا والله حسيتهم على جتافي ، يااثكل الحمل ياايمه ، ياااثكل الهموم يابابا ..

مايعرف بالحمل و التعب غير بس المخلف ، شكثر يتعبون الاولاد ، يمكن الله رحكني مانطاني خلفه ، واني جنت كاتله روحي ..

وصلت للباب اريد اكمل مابيه تعبت ، دايخه مسطوره ، تالا اعرفها متمرده دوم تحاول تثبت نفسها ، بس عنادها و اسلوبها وياي هذا جديد ، 

جانت تحاجيني بخشونه بس عمرها ما قهرتني لو قللت مني ، احسها هسه تكرهني كانو اكو من يشجعها على كرهي ، بس منوو ..

طلعت ورجعت للغرفه ، حتى حجي مابيه احجي تعبانه اجت ديما يمي تحجي وتسولف مابيه ارد والله ..

جسمي وروحي وعقلي منهكلت ، تحجي عن غزل و حملها وبطنها كبرانه ، واني ارد اي ..

حجت مو وياج ميرال شبيج ..

وياي وياج ..

جذابه والله ، مو وياي احاجيج صافنه شنو جنت احجي بالله يله ..

سكتت رمشت بعيوني ..

ولج اكولج ايلاف حبله ، صار شهر و ام زياد تريد تسويلها حفله بعد طي** ..

الله يكومها بسلامه ، 

ردت هاا جن ضجتي ولج شبيج ، 

لا على شنو الله لايكولها حتى سالفه حباله بطلت ماريد…

شنو تغير قبل كم شهر ادكين وتلطمين على طفل ..

بطلت خيه المنو اجيبه بالله ليش هو اني مدبره نفسي جاهل هذا يراد ام صاحيه ابتسمت قابل اني عميه ماعرف حتى اسوي شيره لنفسي..

سكتت حجت شببج منو وياج احد غاثج ..

لايمعوده ..

على سالفه شيره نسوي ليزر خر* على شيره بيا وكت احنه ونسوي شيره ..

شعري اشكر ما يشتغل ليزر عليه جربت قبل كم سنه من امي جانت عايشه سوته الي بمركز طبي ، بس مافاد لان اشكر …

ياا شهل حظ اني اسويلج عود شيره لو تخجلين مني ..

سكتت مبتسمه ، ردت جاي على بالي اخلف اخ لامير ..

هاي شنو ضحكت جن حنيتي ..

سكتت .. جرت نفس .. اني هم بشر ترى هم حقي ..

هزيت راسي حقج والله ، بس هذا بغل شلون تجيبي لغرفتج بلا فضايح و تشهير ..

اجيبه واجيب ابو بس خاف ينكلب عليه مطي بالغرفه ..

هههه ..

صدك احجي ، هم نرجع يحطني ويدكني ويعايرني بماضيي ، وجوز اذا حبلت يكوم يحلف مو منه ..

احجيلج ويه بيبر يحاجي و يدفعه عليج ..

ضحكت عيب عليج ولج تفضحيني شتكولين لرجلج ديما تريد رجال ..

لا بس اكله العدل بينهم حق ، غزل بشنو احسن منج ماخذته كله ، نوب كم شهر وتجيب و تكله تعال طلعني بيت لوحدي و بعد ماتلمحين عواد بحياتج …

جيره بكصته هو اني رايده شوفه وجهه بس اريد طفل يكون سند لامير خطيه ..

منين تجيبين طفل خيه من زرف الحايط شبيج ، غير شسمه عنده منين تجيبي لو ما بقلقول عواد هههه ..

ههههههه عواد اذا شرب قلقوله ينام لثاني يوم ، واني ماكدر اجيبه اذا صاحي  ..

شلون حبلت غزل لعد هو طول اليوم مطفي ..

شدراني ذيج  بربو* كلشي تعرف …

ضلت يمي شوي وكامت ، انتظرت تالا تجي مااجت ، ضل بالي صار فتره بالملحق مااخافت ما تفزز ما تستوحش عفيه كووه عندج ياتالا..

صفنت الها شوي شلون يعني عصت عليه هاي فصمه خما عصت ، خطرت بالي فكره كلت اجربها بالله اشوف ..

مشيت لابو حمد كتله اكطع المي عن الملحق واذا احد سألك كللهم مادري ، و الكهرباء طفيها باليل بحدود ال٩ باليل ..

رجعت من الدوام هيه وجن مالكت ماي تغسل واجت تسال وسن ، درت وجهي اني عنها اغلس ، وسن حجت مادري يمكن بواري بيهن وصخ وقفلن ..

نترت بضوجه :- شوكت تسووهن اريد ماي اغسل ضال بس ماي الحار ..

-شسويلج اني ذيج ام زياد كوليلها ، سكتت ، اجت عليه نترت ماي ماكوو  ، كلني وصخ اريد اسبح شسوي كولي لابو حمد لو بشار يسويهن هسه ..

ماحجيت دايره وجهي ..

-نترت موو وياج ..

-صوتج .. ثانيا انتي مو جبيره دبري نفسج قراراتج بيدج اتوقع حلي سالفه ماي يله ..

-شكد حقيره والله انتي سبب مو اعرفج من تخبثين ..

سكتت درت وجهي عنها مقهوره ، ممخبثه بحياتي والله ، شهل الكلمات الي جاي تصدر منها اتجاهي …

عافتني ومشت عصبيه ، ام زياد سمعت ناويه اجيب تالا ، كالت ماتاخذين غرفه ايلاف اخذي اي وحده ..

اني ماجنت ناويه اصلا على غرفه ايلاف ردت الي كبال غرفتي ، امن الها وهم قريب مني ..

باليل  ساعه ب٩ عرفت طفت الكهرباء ، وكفت اني باب المطبخ كبال الملحق ، اخاف عليها لاتخترع ، شايله الموبايل بيدي انتظر ادك عليه تستنجد بيه حتى اروحلها  ..

بس ماكو ، انتظرت ساعه ونص ماكو كعدت بالارض رجليه خدرن من الوكفه وهي ماطلعت ، شكد عنوديه، اجه بيبر لكاني  كاعده بالباب ، حجه شبيج ..

همست تالاا جوه بالمحلق وطافيه الكهرباء …

-ليش عطلانه هسه ادز بشار يشوفها ، رديت لا اني كلت لابو حمد يطفيها اريدها تطلع من المحلق تكعد ويانه بس معانده ..

-عوفيها براحتها ..

-اخاف عليها ، ماكدر ..

-رد اني احاجيها ، حجيت تكدر ..

-ضحك شوفي ، توجهه عليها واني وكفت انتظر ، شوي وصعدت انتظرها باب الغرفه …

 بنفس اليله اجت تالا ، اني واكفه باب غرفتي انتظرها تشرف ، حلفت اذا مانفع وياها الحلول الينه ، بالله كريم نويت اسحلها واقفل الملحق ..

لان مادامها بعيده ماكدرلها ، كلت اخليها كبالي وديما وسن مايخلن سالفه ، عيونهن دوم مفتحه استفاد منهن ، يحجن الي ، اما بالملحق ماعرف شوكت طلعت للدوام شوكت رجعت ، لو جاي اسوي ابد .

صعدت الدرج عصبيه تشحط بالجنطه ، بعصبيه ، دخلت للغرفه المخصصه الها وركعت الباب بوجهي ، ابتسمت اني برضا ..

باسني بيبر من راسي هاا ارتاحيتي ، سكتت ، دخلني للغرفه همس باجرصبح تجيج العامله ،  باليل طالع اني …

دخلت للغرفه ، دخل وسد الباب هزيت راسي شلون قنعتها ..

كتلها اكو عامله مورتانيه ، راح تجي جديد  تكعد هنا اذا تردين تعيشون سوه واذا لا احنه مفرغين الج غرفه  بالفله ، 

جريت نفس مرتاحه ، باسني حيل ، كطع نفس ، دخت دفعته ، رجعت ليوره ضربته على جتفه استاذن بالاول فززتني .. 

الي ياخذ بوسه مايستأذن يرتكبها ارتكاب ..

يالمجرم ، من تبوسني مره ثانيه غمض ..

 ضحك ليش ..

ماحب تشوفني ضعيفه ودايخه ..  شالني ، خلاني على جربايه اني مبتسمه ، دنج راسه على صدري ، همست بيبر ..

رفع راسه .. روحه .. 

رايح شسوي باجر ..

سكت مارد رجع يكمل الي يبلشه ، رفعته بهدوء جاوب ..

بطلي اسأله لاتخربين الجوو ..

جاوب بعد ماحجي ..

شغل ..

بيبر ..

كاافي ، لزم فخاذي ، همس بعدي بينهم ،  رديت ، دحاجيك اوكف .. شهكت ..

احيانا اكو صحاري جافه ، وصحاري مو الا تكون ارض جوز تكون احيانا بشر ، وجفافها بسبب قله الماي جوز بسبب قله العاطفه ، الصحراء الي تنروي مره مستحيل تتخلى عن راويها ..

بيبر يمكن تمسكه  وتعلقه بيه لان نطيته عاطفه ، او طبعي عاطفيه شما صار اضل احن واعطف واحب ، مصدر لبياض الكلب على كولته ، 

مصدر يذكره انو هو انسان …

صبح اجت العامله عربي مالتها مكسر ، تحجي عربي فصحى نوب تطفر على الانكليزي تحس نظام عدها مخربط خطيه …

 صفنت عليها ماعرف شكول الها ، 

حجت وياها  ديما تكللها شوفي حبي هااي الي كبالج بلايند عميه يعني ..

اني ساكت داست بالحذاء على مشاعري بس سكتت شسويلها يعني  ، 

ذيج ترد اوكي مدام شي وانت وااش..

ابتسمت .. حجت ديما شنووو احجي عرااقي عراقي ..

-ردت  سويم مدام … 

-لا ماتريد اندرت علي تسبحين .. 

كوه كتمت ضحكه .. لاا ، شنو اسمج كلتي ..

سكتت ، صاحت ديما نيييم يور نييم و اطزز يور نيم ..

- اني ضحكت :- واطزز يالظالمه وطزز ادري احنه صح مو خريجات انكليزي بس مو وطزز ..

-المهم هيه هاي نفس شي ..

-حجت  العامله ، ماي نيم كادي مدام ..

حجيت :- كادي اذا تلاحظين ماشوف اني مو ، ردت نعم مدام .

-يعني ملابسي ما سويهم تنظيف غرفه ماعرف انظفها زين والحمام ، كوي ملابس هم ، حتى ترتيب ميز مالتي ماكدر ..

قبل جانت وحده قبلج هيه مسؤله عنهن  حاليا راحت وانتي راح تستلمين ..

شغلك لا تنظيف بيت ولا طبخ ، شغلج بس اني وغرفتي ، ديما نطت واني هم وامير ..

-رفعت راسي انجبي ديما ، مالج شغل بيها كاري ..

-ردت كادي مدام كادي ..

-اي المهم ، ديما حجت ليش ولج خلي تساعدني بامير ..

-و غزل هم تكول تساعدني و سن هم تشكي نوب ام زيادوخلص بت تشتغل عدجن وتنساني مارضه لاا ..

-غددي شكد لئيمه .. 

-  من اكولج روحي ، ماحتاجج اخذي راحتج سوي الي يعجبج ماشي ..

-ردت تمام ، يو وانت سويم مدام .

رفعت حواجبي :-شجلبتي خيه شايفتني وصخه و جلبتي سويم وسوبم ماريد ..

وكفت ماتحركت اني هم خلصت كتلها يله روحي رتبي غراض بالملحق كولي لوسن ادليج حتى تكعدين هناك ..

عافتنه وطلعت ..

نزلت وراها اتأكد ، ام زياد كاعده ويه غزل يحجن من دخلت سكتن ، و سن كالت وديتها للملحق ..

هزيت راسي تمام ، كولي لابو حمد يشغل الماي و الكهرباء هسه ..

راحت تكله ، عفتهن وطلعت حسيت على صوت عواد يحجي منو هاي العبده ..

-ردت ام زياد خدامه مال العميه ..

-رد ليش ذولاك هرج وين ..

-حجت هججتهم قابل ابقيهم هنا ، وكفت لزمت محجر اسمع ، رد كاللها  بيبر خما حجه .

-ردت لاا هو هم ماعاجبه وجودهم هاي العامله امن ومطيعه اكثر، هم ديربالها عليها لان راح يغط هاليومين ، غمضت عيوني ، 

-جر كرسي وكعد يكللها هم طالع على الشحنه ..

-ردت عواد مالك شغل ، سالفه ذاك اليوم بعدها مابردت واخوك ماراضي عليك لا تخلي يغضب بالزايد برد سالفه خلي يهدء و يرجعك بنفسه للشغل ..

رد كله صوج ذاك نغ* ، هو الي زرع فتنه بينه ، عايفه هسه بمزاجي بس خلي تجي فرصه والله لاتهي هو عايلته 

-نترت بي ديربااالك عوواد دير بالك ، لااخوك يسكت ولا الحجي ، 

لحد شوكت اضل هيج منبووذ يعني لحد شوكت ..

ردت غزل ام زياد ترى حقه غريب بالع بخيركم مستفاد و عواد مطلعي يذبون اله الفضاله بشنو احسن منه بشار لو ستار ، مو اخوو هو حق جتفه بجتف بيبرس ..

-حجت ام زياد هو افهم بشغله بمصلحته عواد مجعه وحده من بطل يضيع الاول وتالي هالمره شحنه جبيره راح تدخل ماشوف اخوك راح يروح بنفسه طلع نفسه واكعد تفرج ، جوز هو يكله تعال ويانه شمدريك ، واذا ماكالك انته هم مستفاد راح تصرفه انته بالمطعم وملهى ..

هواي البشر يحجي اكو حجي يتحول لفعل واكو حجي يضل حجي ، واكو عثرات نكولها عن غير قصد بس بعدين تتحول لحقيقه مره دفله  ..

عواد عيبه يلغي هواي ومحد ياخذ بلغوته يدرون بي يحجي شروي غروي من يعصب بس محد غرف هذا ابو الغوه ممكن يكتب النهايه على ايده ..

مو كل الكلام الفاضي والغوه زياده لازم نجاهلها ، اكو كلمات لازم نوكف عليها حتى نتجنب كوارث بالمستقبل بس عواد محد انتبه عليه ..

صعدت وعفتهم كبل ، كلبي يدك يدك، حسيت راح يطلع من صدري فجأءه ..

وصلت لاخر بايه دخت ردت اوكع لزمت المحجر زين ، كعدت على اخر بايه مسطووره سطره ، كمت كوه اريد انزل اتوجه لغرفه ديما تيهتاها نوب ..

صعدت بغرفتي ومددت رفعت رجليه ، كلبي احسه صعد براسي يدك ، شوي ارتاحيت ونزلت ادور ديما ..

دخلت لغرفتها ، حجيت ديما ..

ها ولج شكوو ..

كعدت كبالها ساكته ، انتي مو صديقتي .

لا خيه احنه صديقات مصلحه كادي مارضيتي تساعدني ..

اخذيها عمي ماريدها بس طلب عندي ..

شنو ..

شنو الي يهربو بيبر وعواد .

حجت هااا ميرال هااا ..

بلعت ريك شرب لو شنوو ..

شعليج ميرال لاسالين اني هم ماعرف خلينه بعاد عن سالفه الله يخليج .. 

رجعت ظهري ليوره والله دك بكلبي ديما مجاي اتقبل سالفه غير اعرف شنو ..

شتستفادين ..

شرب او منتجات ممنوعه بيها مجال بس اكو شغلات اكبر براسي خايفه منها ..

سكتت حجت ماعرف والله ..

رديت اكلنه حرام عايشين بالحرام احنه تدرين ..

منو كال ..

شغل تهريب مو يدخل فلوس لو لاا ..

ترى بيبر يشتغل بالعقارات هم ميرال و عنده مطاعم اثنين ، واحد باربيل وثاني هنا لازمه عواد.، 

سكتت ، حجت هذا بغل هنا اليوم شلون اجره ليمي ...

فركت وجهي ، شدراني ..

فكري وياي ميرال ..

ابتسمت مره سمعت الرجال يحب عطور مغريه ، ولون الاحمر ..
منين سمعتي ياعيني ..

ديما داحسج تستهزئين بيه ..

لا والله بس غير اعرف ..

رفعت حواجبي اتابع على يوتيوب خبيره جنسيه اني ..

شهكت هاااا ..

وجع انفضحنه شكو بيها لعد منو يعلمني ..

تقربت كعدت بصفي شتكول هاي ..

على اساس انتي ماتعرفين ..

اعرف التعرفي خيه بس مو خبيره مثل غزل ولا هاي ..

عفست وجهي والله ياديما نص شغلات تكولهن صعبه ، واغلبهن عيب حيل ..

شلون عيب حيل يعني ، ليش اكو عيب قليل وعيب حيل ..

مثلا مساج و حركات عيب بس ميخالف نجرء بس مو امد ايدي يعني مممم افتهمي اشرت الها ..

ها هااا وين تخلين ايدج كالت .. اشرت الها ..

حجت محرمات دولياً هاي مو بس محرمه بالدين ..

مو بالله ..

خلي تولي لاتابعيها بعد نكسه هاي ، حجيت اي مو صدك حتى اني كلت ، 

 بس هاا اكلج انطيني اسم قناتها على يوتيوب حتى ادخل ارزلها ، 

رفعت حواجبي اكول خيه جن ناويه تابعيها ..

ضحكت انزوول عليج بس انطيني قناه يله..

وين تشوفيها وانتي ماعندج نت ..

ردت اكو حاسبه عندي ، نطيتها موبايلي تشوفها ، سدت الباب ونصت صوت تسمع نصائحها ..

اني اهز راسي مو راضيه اكول الها حرام هالحجي ، وهيه ترد ياا فلك شلون نسوي هيج عود نكدر ..

اسكتي دنسمع ، يااا طلعت كلشي مافتهم اني والله ، رفعت راسها عن جهازي وحجت نفذ الي عرفناه اليوم ميرال اريد رجال عسى ماابو حمد والله ..

ياا عزا بعينج رجال جبير ..

كومي كومي ، دكي على رجلج خلي يدزلنه بشار حتى ياخذنه لمول دنجيب هذني شغلات ..

عزا ولج ديماا لا رجال يشرد يخاف مني عباله ناويه اعذبه ..

لا ولج لا يكيفون هذول و لج يمااا كامت تلهث شوو حتريت جمرت اكوم اسبح بين مادكين على رجلج يدزلنه بشار ..

راحت تركض واني كعدت خانسه من كل عقلها تريد نربط رجالنه يماا هو اني مدبره ربط شعري داربط بيبر ..

رفعت جهاز دكيت عليه ، حجيت شوف حبيبي عندي حتياجات اريد بشار يجي ياخذني للمجمع ..

رد وحدج ..

لا ديما وياي ..

سكت ثواني رد يله ميخالف .. شوي يجيكم ..

بين ما لبست و هيه طلعت من حمام ، طلعنه حجت غزل وين ..

ردت ديما طالعين ..

ام زياد حجت مو محرم عليج طلعه وين موليه  ، رديت اني ":- سالت بيبر كال اخذيها وياج ..

-محاميه حظرتج للكل انتي .. مارديت عليها سحبت ديما و مشيت ..

تقربت مني تهمس يالون  نشتري ..

ديما اني ممقتنعه .

-من يجي ليل تغيرين رأيج ..

اخذنه بشار ، نوب فشله يااربي فشله ، يمشي ويانه انريد ندخل محل ملابس نسائيه مانكدر ..

نترت ديماا جلبت شبيك روح شوفلك كوفي كافتريا صخام اشرب شي نريد نشوف نفتر براحتنه لزكت .

ضحك هاا هااا سوالف احي تردن ..

درت وجهي خرطت من الفشله .. هيه ردت عود انته فقيره ماتسوي ..

ضحك لا رايح ست رايح ..  ساعه والكاجن هنا فدوه ماريد احصل حجي ..

راح و دخلنه احنه لكوزمتك ، جريت كرسي وكعدت مابيه امشي بعد وكفت ديما تحجي ويه بنت صاحبه المحل يمااا وربي طمست بهدومي  ..
ماكدرت ارفع حتى راسي ..

تقدم علي ، تريد شفاف لو ستن مثل العاده ..

ستن خيه .

غيري تجرئي عيوني تردين تور ..

ديما احنه اول تالي نازعين شفاف ستن كله ماله فايده ، 

ردت اكو ابو ويص تردي ..

عقدت حواجبي شنو ..

كالت يسوي ويص من يلزمج ..

هههههههه ماصدك .

والله حتى لونه اصفر .. 

لا ولج شهل قرف دينام ويه ميرال لو فرخ دجاج ..

ضحكت ، كالت حجيبه اني ،  اشترينه شغلات ونضحك مثل الفطيرات ، والله خربتني هل ديما جنت خوش ابنيه اني ، 

خلت سيت مال ويص بعلاكه وحد ، كتلها اخذيلي شغلات تالا ، بالكت تفك شوي ..

صار فتره ضايجه متنحسه اعتقد مشتاقه لنانه بس ماتحجي ..

ردت ديما ..شنو اخذلها ..

اذا اكو سوارات ، تحب بديات ربع ردن هم ، 

كالت اكو بديات سود وياهم برموده كابوي ، اخذيلي اثنين ، ونسقي اساور وطاك ..

اخذناهم وطلعنه .. 

وكفت انتظر بشار وهيه حجت راح اجيب كريمات نسيناهم ولج اهم شي ..

بشار اجه وكف كال ام امير وين لعد ..

رديت نست علاكه جوه راحت تجيبها ، جهازه دك كال ثواني واجيج ، ضليت واكفه لوحدي ؛ اسمع واحد يكلي محتاجه شي ..

مارديت عزاا ..

درت وجهي و كف قريب مني رد شببج خايفه جايه لوحدج ..

ماحجيت .

رد اني صاحب عطور هناا و شفتج تجين اشوفج عطور عليهم خصم ..

وجهي خرط يماا رديت امشي منا عفيه ..

دنحجي شبيج ..

كلت امشي عفيه ، لزمني من اصابعي فزيت رفعت علاكه وهمشت بيها صحت وخررر وخرر ..

وكف  كال شبيج دنتعرف ، صاح بشار من بعيد هييي شبيك ..

وكف العفو بس عرضت عليها خصم على العطور اسف ..

مشه بسرعه وكفت اني لامه نفسي حجه شبي وياج كالج ..

ماكال بس لح و ضجت ،  جتفت اديه ضايجه نكس لزم اصبعي ..

ثواني واجت ديما ورجعنه للسياره ، ديما حجت بشار ..

رد ها ..

شمرت عليه علاكه هااك ليلتك حمره اليوم بجالنه ..

ضحكت اني كتله .. ليلتك ويص بشار ليش تكول ..

رد :- شنوو ست ..

ضلنه نضحك عليه هو خطيه مو فاهم ، حجت ديما هديه لمرتك هاي ، رد شنو بيها ام امير مابيه حيل مشاكل ..

رديت لا والله هديه محترمه ههههه ..

حجت ديما هديه تغير المزاج عيوني ..

رد عاد اني محتاج تغير مزاج والله محتاجه ..

كالت اله :- شبيك جنك مطلك اسم الله لو مابعدك عريس ..

-رد ياعريس راح عرس و مضه عليه شهر والمره حامل فوكاها مشاكل ويه امي وتعال يبشار راضي طرفين .

-ردت كل البيوت هيج اذا ضلن هيج اعزل وارتاح ..

-اي مو العزال سهل يام امير ، هيه منا حامل وراها جيابه ومصاريف ومنا اذا تركت اهلي تكب العيطه ويزعلون ماراهمه كلش ..

درت وجهي ، صافنه بكلامه ، ردت ديما حتى لو شقه صغيره ..

الله كريم تفرج انشالله خلي تكوم بسلامه والم ايدي على شقه حتى لو غرفه وحده ومطبخ الله يسهل .. 

استمع لكلامه وساكته ، اثاري مو كل الناس مرتاحه ولا كلمن شافته عيونه يضحك معناها خالي من الهموم ..

جوز هو حاسدني على عيشتي بس مايعرف دعاني من شنو ...

لو يشوف ويحس ما من ممكن يحسدني..

نفس شي اني جنت اضن مرتاح مزوج الي يحبها وجايه طفل بالطريق وعنده صحه وعافيه واهله عايشين ، ماكو احلى من هيج .. بس بكلامه بين الي السعاده ماتكمل عند احد ..

الحياه مو مثاليه ، كلشي بهل الدنيا مو كامل حتى البشر سبحان الله اكمال لله فقط ..

رجعنه للبيت سالت وسن على تالا ردت فوك اجت من المدرسه وصعدت فوك كبل ..

بيش ساعه رجعت ..

ب١ تقريبا ..

هزيت راسي ، دزيلي على كادي تجيني للغرفه ، اخذت الغراض صعدت صاحت وراي ديما .

ها ..

علاكه كريمات نسيتهم هههه ..

ابتسمت فشلانه جيبهم اليوم اطلك بسببج ..

دخل نجرب شراح يصير ..

اخذتهم وصعدت ، اجت كادي نطيته علاكه ملابس وعلمتها شلون تسفطهم بيا خانه ، وين وشلون ترتب الالوان ،  بقت علاكه على صفحه ما خليتها تلزمهم ..

خلصت وطلعت ، شلت غراض تالا مشيت اشوفها ، دكيت باب ودخلت صوت موسيقى اجنبيه ، مدري شتكركع ..

حجيت شلونج .

ردت بضوجه .. زينه ..

دراسه شلونها ..

زينه ..

محتاجه مصروف فوك الي انطي الج ..

ماعايزه ..

سكتت ، شبيج ..

مابيه عايشه بالخير ..

ابتسمت الله يجعلج ، رفعت ايدي شوفي شخذت الج ..

ماحجت ..

ملابس و اسوارات تشوفيهم ..

ماردت .

تالا لاسوين هيج دتأذيني شبيج ضوجتج غير اعرف ..

انطيني فلوس اني اشتري مو تاخذيلي على ذوقج مو جاهل انتي وتلبسيني بكيفج ..

هديه هاي .. لو ردتي ملابس كولي انطيج واشتري ..

ماريد تنطيني نفس مالج حق تسحبين فلوس اني هم اريد اسحب بكيفي ..

انتي قاصر واني مسؤله عنج .

وانتي غير مؤهله ..

وكفت بلعت ريك ، شلون يعني غير مؤهله بالله ..

اي بهذا وضعج غير مؤهله تصيرين وليه امر لو وصيه  بالقانون ، انتي تحتاجين من يكول وصي عليج .. 

رفعت حواجبي مدهوشه منيلج هالحجي ..

مو جاهل كبالج اني ..

تالا شبيج شنو تغير شو جاي تحجين حجي اكبر منج شنو وصيه شنو اسحب فلوس شكوو تعاي احجيلي داعرف شنو بالج ولج .

اووو راح تفوتيلي من باب الخوف ماعرف شنو كافي ميرال كبرت اني كبررت وعقلي حتى اكبر من عقلج ..

لازمه علاكه بيدي ضغطت عليها حيل مردتها ، ذبيتها بالارض وطلعت ارجف ..

وكفت بالباب ، قبل لااطلع ، اخذت نفس وتعوذت من الشيطان ، ماكدر اعوفها بهل الافكار ، لازم اساعدها واتحملها .. حجيت اكو اعز مني على كلبج تالا ..

ماحجيت ..

احجي اذا اكو حتى اخليج عنده جوز ترتاحين يمه اكثر كولي حبيبي .. 

حجت اريد ادرس اطلعي ..

عفتها وطلعت ، حلفت دين قسم اكو الي جاي يعلمها بس منو معقوله وياها بالمدرسه ، منين يعرفن الي وياها هيج شغلات وشنو مصلحتهن يكونها عليه ..

يصير خير …

بيبر رجع يتعشى  ، اجه ستار و بشار وعدي تعشو يمنه ، عود باليل مقررين يطلعون سوه ..

عواد كاعد على صفحه يدردم ضايج ويحجي ويه ابو زياد كل شوي يسكته و ذاك يريد يكوم يتعارك ويه عدي حاقد عليه بكد دنيا ..

تقربت من ديما همس ماعندج منوم هم ..

ضحكت ياا شبيج تخبلتي …

دطيني حبايه اذا عدج عفيه ..

تردين فاليوم ..

هاا ..

نص حبايه اخذي بس شسوين بيها ..

دطيني هسه الله كريم ..

هم دخلو للصاله خارجيه يحجون عافونه احنه هنا ..

واني كاعده بصف ديما اكل بروحي ، الي غثني ام زياد تدخل الهم للصاله الخارجيه عادي بس اني وديما ابد مايخلونه .

او الاصح مايحجون كبالنه ، و صعد بيبر يحظر غراضه ، صحت وسن تسوي عصير فواكه تصعده النه ..

كمت لحكته ، دخلت حجيت بيبر وينك .

صاح بالحمام حبببي ، اسمع يكركع جوه مشيت اشوفه ، همست شسوي ..

دقيقه ، صوت باب انسدت ، واوراق واشياء حجيت عندك خزنه بالحمام شنو ..

رد اي ..

اندكت الباب ومشيت افتحها ، وسن جايبه عصير ، خليته على ميز نطيت ظهري لبيبر فتحت نص حبايه بهدوءخليتها بكلاص قريب من الفواكه وذاك بعدته عن الماعون .. دعيت ربي ماشافني ياارب ماشافني ..

انداريت عليه بيبر ..

رد بهدوء هاا ..

همست عندي مفاجئه ..

اي شنو هيه …

ابتسمت ، صخاام لو بالهدف لو بالنجف انعل لشتج ياديماا ..

جريت علاكه من كنتور و اخذتها للحمام حجه وين ..

دقيقه جايتك ..

دخلت للحمام وسديت الباب ، فتحت علاكه هاي شلون ادبرها ..

ضحكت يااربي شلون بهل شغله .. هذا شلون يلبس شو كله خيوط ، خاف البسه ويطلع بالمكلوب .. 

وكفت مخصره شلون يااربي ..

مادرت بعيون الواعيه والي خال اصبعه على خده مبتسم يراقبها من جام الحمام شفاف جن نست هاي ..

جن حيره طفل مايعرف يلبس ملابسه ، كاتم الضحكه كوه ، هو يشوفها تتلمس بالي اسمه ثوب تريد تمد راسها وتلبسه ..

بس ماله راس هذا ، وين ماتخلي راسها يكون فراغ ، دنج هز راسه ، اغشم روحي لو ادخل اساعدها ..

خاف تنجرح مشاعرها .. 

كام دك باب الحمام بهدوء ..

ميرال ..

صاحت لاتدخل …

جاي اسوين ..

اااا امشط ليش دقيقه اوكف …

خله راسه على باب يضحك بهدوء ، شعندج تاخرتي ..

يسمعها تستغفر وتسب بديماا ، انعل ابيج ديما  ..

دخل فجأءه وحجه عود مايعرف :- هااا شنو هذا بيدج ..

حجت بحسره بيبر هذا مدري شلون يلبس عبالي اسويلك مفاجأءه  .

شو دشوف ، اخذه منها رفعه ديشوفه واجه يضحك خله القطعه على وجه يكتم الضحكه ..

بيبر شبيك وينك .

لزم صفحته يضحك بغصه ساكت ، كح حجه هاا هناا شو تعاي دالبسه لج.. .

لا مو شفنه بعد بعدين نازعه اني ..

لا ميخالف هو انتي تحلين القطعه مو القطعه تحليج خلي اشوفه عليج …

وكفت لبسها الها ، هز راسه مو راضي يدردم :- الله لايوفقج ديما شهل ذوق خر* 

بس خيوط جنها راقصه تعري بوحد من نوادي ليليه الاوربيه ..

حجت هاا ..

-يخبل حبيبي شهل ذوق ..

-ابتسمت حبيته ..

-اي حلو بس شعجب اختاريتي هيج هالمره ..

-اغير شنوو تعال اشوفك تغير اكبر بعد ..

-فك عينه هاا ..

-اي والله جرته ..

-ضرب هلى كصته ، ديما ماخليها تصبح باجر لازم ادفنها ، زين و ابنها شلون ..عود غزل تربي ، لا هاي رقاصه ماتتامن ، الله كريم منا للصبح .

كعدته على جربايه وكفت مخصره جااهز ..

لزم كلبه ياستار ميرال وراي طلعه اني ب١٢ لا تسويلي كارثه بهل اليل يرحم موتاج ..

- ضحكت متحمسه حجيت :- جاهز ..

-داخل على الله وعليج ياامره شجاج بهل اليل ..

-نام على ظهرك ..

-شنو .

-دفعته دناام شبيك .. نام على ظهره مخترع بيها ..

-ارجع ليوره خلي راسك على المخده يعني ..

فهه بوجهي :- هاا ..

- نترت ..طاوعني بيبر ..

سوه الي كالته هو مرتاب منها يباوعلها بخوف ، حجت هسه غمض ..

- صااح ،، لااا لهنا حدج شبيج ولج .

-اووو بيبر كتلك مفاجئه متأمن بيه يعني .. 

غمض ياريته ماغمض المسكين  ….

#يتبع ...

بارت خفيف لطيف كيووووت ...

مابي قهر 😅

استغفرك ربي واتوب اليك ان كنت من الظالمين ..

نووو بارت باجر .. ماكو بارت يعني استراحه💜 ..

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق