رواية قاع الشياطين الفصل الثالث عشر 13 - بقلم اسماء ديمير

...................☆البارت الثاني عشر  ☆................

#قاع_الشياطين(البصر والبصيره)

#بقلم_أسماء_ديمير

وشلون تزوجها لخاطرك ..

السالفه طويله لا تعبين بالج  الصافي بيها ..

ابتسمت تقدمت خليت اديه على ميز منو كلك بالي صافي اني  ..

-لعد هنيال شاغلج ..

-لا تراوغ ، سولفلي نفضفض ، سوه ..  

-بس المحبين يفضفضون اهموهم لبعض ..

-منو كال ..

-هذا السائد بالمجتمع  .

- اخذت ثواني صمت و حجيت انته من نوع الي تاخذ بكلام المجتمع ..

- شتكولين انتي ؟!

- ماعتقد ، صفنت ثواني مامبين عليك تاخذ بكلام احد مو عاد المجتمع ..
عن نفسي ماخذ بكلام اي شخص ، مو عاد المجتمع ، المجتمع حاليا يجرم كعدتي وياك كون حظرتك غريب عني ، يجرم الكلام ويه الغريب مو بس الكعده ،

المجتمع ماعنده شي غير الحكم على ناس ، بالضبط مثل ناقد الكتاب او ناقد الفانيين ، تلكاه ماعنده اي انجاز بس ينقد الناجح او اي شخص يحاول ينجح او يقدم شي ،

جريت نفس كاعدين و عايشين بزمن احنه ناسه غريبه ، و عاداته اغرب ، درت وجهي عنه ..

- منين تجيبين هالكلام انتي ...

- ابتسمت ليش ..

- تفكيرج غريب ..

- لاا ، اي شخص عنده عاهه تلاحظ عنده تفكير يختلف عنكم ، لان مايعيش مثل حياتكم ، حياتنه غير احنه ، احنه نشوف شغلات ماتنتبهون عليها  ، صح الصوره عدنا ناقصه و احيانا نخطئ لان مو بيدنا هالشي ، بس لمتأكده منه الله اخذ شي و نطانه شي اعظم  ..

سكتت ، حجه هو يله ماكو فرق احجيلج بس ماحبيت اصدعج ..

خليت ايدي على خدي سولف …

- انسجنت مره بشبابي بقضه شوي تعبانه و طولت سالفتي ، عواد اضطر يزوجها في مقابل طلعتي مناك ..

-حظرتك خريج سجون يعني ..

-ضحك هههه اي ديربالج خطير اني ،

-ابتسمت ممبين عليك …

-شنو الي مبين عليه لعد ..

-ماعرف بس اشوف مابيك اذيه ، صح بيتكم بي مشاكل بس ما سمعت عنك راعي مشاكل بالعكس هادئ ..

انمد اصبع على جف ايدي الي خالتها على الميز ، اصبع تلمس ايدي من فوك بطئ ، ماحركتها سكنت ، لزمها كلها سحبتها بهدوء هو هم ماجلب بيها تركها ..

دغدغ كلبي خريج السجون هذا ،  همست ليش عواد ميحبها …

- منو

- مرته ؟؟!

-كتلج تزوجها لخاطري  ، مجان متوقع راح تتكربس براسه ..

ابوها طلب يناسبنه و بالمقابل يشوف حل لقضيتي ، رديت عليه وكتله شنو قضيتك هاي الي حلها زواج ونسابه ..

-دخلت بمشروع فاشل ، وخساره ماجانت هينه ، دخلت بعدها بديون ما كدرت ادفع الديون العليه ، جان بال عواد يخطب بنت ويطفر وره ماطلع ، بس ابوها فرضها فرض ..

وتكربس الرجال بيها ، على كوله ابوها دخول الحمام مش زي خروجه ، ما يلعب على ابوها ..

وصراحه اعترف حبيت اقوي علاقتي بيه حتى اذا واجهتني اي مشكله قانونيه  التجى اله ، كان هو ضابط امن ، بس الموضوع ما كان ماتصوره عواد ، لهدرجه يعني ممكن يصير حقيقي ، كلت لج اخذها بالبدايه اللعب او خدعه يعني ، هيج مصالحه بس اللي صار وتزوجها وراء سته اشهر خطوبه ، 

بس من وصلت للصدك وقرب زواج حاول ينهزم من عرسه ، بس لزمناه بالمطار  ورجعناه ، و خليناه كبال امر الواقع ، 

عقدت حواجبي، سالت مستنكره  ، :- والبنت ؟؟! شنو مالها راي ، قابل هيه مناقصه لو صفقه ، بعدين لهل درجه البنت رخيصه عدها ابوها شمرها لواحد ميريدها .

-ليش ماتكولين ابوها لكه من يستر على بنته ، هو الي اعتبرنه فرصه اله ، هو مستفاد الاكبر ..

- شقصدك ..

-قصدي هيه هم مو هينه ، جانت صاحبه سوابق وعلاقات ، طشت علاقاتها و سمعت ابوها لاحها الكلام الردي ، نطاها حتى يخلص منها ، وعواد من عرف هيه شنو تخبل وانجن بيوم عرس لم ملابسه وطفر بس لحكنه عليه بالمطار و رجعناه سحل …

- و طفل ليش يصيحله نغل ، معقوله مو ابنه …

سكت ثواني لو جان مو ابنه جان … سكت طال سكوته ، بعدين حجيت اني : جان شنو ..

-رد لا ابنه متاكدين بنت مراقبيها مشت عدل اصلا تخاف من عواد ، وابوها هو من الاساس ماعده ثقه بيها فملجاها الوحيد هنا ، هي مو غبيه حتى تخسر بيت امن و عايله تحبها و تبهذل ابنها . 

- لميت حلكي :- مساكين ..

- تعتقدين مساكين ..

-اكيد ، سمعت عياطها ذاك اليوم ، من نبره صوتها حسيت بالمها …

- ترى عواد مو انسان ظالم بس الشافه بحياته مو قليل ، يمكن اغلب الي يعيشه عواد اني سببه ، حتى زواجه اني سببه ، 

كل اللي متاكده منه هو انو اني السبب ، حملته مسؤوليه اكبر من طاقته حملته شيء ما يكدر يتحمله هو انسان يحب الحريه ،  يحب الطلعات السفر، ويحب النسوان ، اجيت اني ربطته بمره وحده صعبه ، 

 عواد مثل الفرس الهايج يصعب ترويضها شويه ،

سكتت استمع اله ، تعب الي باين بصوته والارهاق خاصه من يجيب طاري اخو ، نطقت اني بهدوء ،  ذاك اليوم الي هجم عليكم ،

صوت طكه الجداحه ، وجرت النفس ، رد شبي  ..

سكتت ترددت اسال اول شي ، حجيت شبي وياك ، بس اذا انت ما حاب جاوب اوك على راحتك …

-رد لا عادي ثروت شريكنا السابق بالشغل،  قبل فتره كنا شراكه ، الفضل اله والابو ، لان عن طريقهم دخلت العقارات ، ابو لازم مقاولات وعقارات المحافظه ، يعني مو بسهوله تكدر تشتغل من دون اذنهم ..

من دخلت وياه ثروت شراكه ازدهر شغلي ، جنه نمشي تحت ايده لابو ثروت ، وتحت حمايته ، بس الصار غير خله علاقتنه سوه تضطرب ..

-شنو صار ..

-فضينه الشراكه ..

-ليش انتو مستفادين منهم  …

- لان بساطه احنه نشتغل ونتعب ، و ثروت يقاسمنه الربح بالنص ، بحجه ابوي الي مهيئ الكم الشغل و موفرلكم معاميل والامن ، هالشي ماعاجبني ابد من الاول بس سكتت لان ماكدر احجي واخسر جماعتي ، عدي هم ما قنع بسالفه ..

دبر سالفه و فض شراكه ، 

-وعدي ليش ماعاجبته الشراكه ..

-على كولت عدي كل ماقل عدد المشاركين ، كل ما زاد الربح ، وين احنه النه نسبه ٥٠ بالميه وين هسه النه ١٠٠ بالميه ، فضينه الشراكه ، ممحتاجين الهم ، تعلمنه الشغله و امان احنه نكدر نحمي نفسنه وشغلنا و عقاراتنه ..

وقانونيا عدنا عدي شاطر ماتفوته فايته ، مابطل منه ثروت كل مناقصه يسحبها من عدنا و يتنافس ويانه ، 

مشيت لابو حاجيته رد عليه برد مايعجب هذا سوك و هذا لعبه مايعجبك روح العب بغير مكان ميناسبك ..

-اي وشنو سويت بعدها ..

رد برود :-ماسوينه ..

-ابتسمت لعد ثروت ليش انجن عليكم  ، هيج من فراغ  ..

- ضحك بهدوء اسرج و ماتحجين ..

- همست كول    اشرت على شفايفي سحبتهم عود ماحجي …

تقدم يهمس بهدوء :- دفعنه  فلوس وسحبنه المناقصه من ايده ، جان منتظرها صارله سنتين ، ووراها بايام سبحان الخالق احترك مستودعه ، هيج من حاله فجأءه ، واحترك كل شغله ..

حجاها براءه ، .

رفعت حواجبي ،  احترك فجأءه كتلي يعني انتو مالكم شغل ..

-رد بسرعه لااا وداعت عيونج ..

-لاتحلف بيهن عفيه هنه عطلانات ..

-ضحك انصلحهن لو اصير اني عيونج ..

-ضيعت السالفه بيبير .. 

كعدنه شوي لحد ما دخلت علينه خالته اني انسحبت ، كمت امشي كال اوصلج ..

رديت ارجع اكمل دربي لوحدي ، بنص درب  اجه اسامه جلب بيدي يوديني ، توه وصلت للملحق حجه وديني تتواليت ..

دمشي ، اخذته دخلته ، رد خلصت شطفيني ..

- ضحكت هو اني روحي كوه مشطفتها نوب انته ..

-صحت تالا ، تعاي شطفي هذا ابو طزطوز ، سواها ترى ..

-ردت وهيه بالغرفه، خلي اخوو يشطفه اايع اني شنوو..

-ولج خطيه كوومي ..

-والله مالي علاقه ، شطف نفسك لوحدك ولك عمره فوك ال٤ سنوات وتريد منو يشطفك…

صدك عاندت تشطفه خطيه ، لزمت البريك يكرم سامع و كلت اله اصبلك وانته غسل لروحك ..

حجه يله ، مديت ايدي لزمت بريك و صليت الماي و صاح اااشششههه ..

-هاا ها رفعت ماي ، شبيك…

-ذبيتي على راسي شبيج ميراال ..

-اسفه حبيبي ياا ، صحت حيل ،  لج تالا يالظالمه تعااااي ..

-اجتنه  تافف خير خيرر كوم لك اندار داصبك وانته شطف تف عليك وعلى اخوك ابو البنات ..

-رديت هاا هاا سالمين الولد شعلي ..

-اكول اطلعي مناا اطلعي جرتني وطلعتني بره ..

ساري للمغرب و ماكو و تالا فايره ، اجت نانه و خلت الحجايه بحلك نانه ، تكول نانه ابنج من الصبح مو هناا دايح بالبستان اعتقد يم بنت ابو حمد ..

-ردت نانه يااا ياهو هاي ..

ا-م كاسه كاستر نانه ..

حجت نانه : -شو  اسامه كوم شوف اخيك وين وله هذاا ..

مشه اسامه يشوفه ، وشوي واجه هو وياه ، سالته امه وين جنت ساري ، ردت ويه ابو حمد ، اشتغل ليش …

ردت ضايجه نانه :- هاا ورحت لبيته ، 

-سكت بعدين كال لا ليش ..

-داسال من الصبح طالع لحد هسه ..

-غير اشتغل شعندي هنا بالبيت لوحدي مكابل تالا ولسانها زفر ..

نطت تالا ، انجب لك ..

مارد عليها ، حجه بضجر شتردين يما هسه ..

-ضل بالي يمه اذا عندك شغل روح كمله ..

-اي اروح شعندي هنا بنص النسوان ماعدجن بس ساري تعجنن بي ، 

- اني استغربت شبي هذا متخبل علينه ..

خطيه ضل فتره هيج ، ما يلفي بالبيت ياخذ لابتوب مالته و يطلع بره ، و تالا تكول و الله عده علاقات ويه بنات شدراها مادري ، اسامه جم مره جفص بيها كبالنه يكوم بنت ابو حمد جبيره اسمها غدير دوم اشوفها واكفه ويه ساري بالبستان ..

نوب تالا واسامه فضحو خطيه ..

غط بيبر فتره سمعت من نانه مسافر ، جنت اروح للمطبخ بالكت اسمع صوته بس ماكو ابد ، اختنكت بغيابه ، من عدا صوته الي يجيني بنص نومي ،

اتمنى اكعد واحجي وياه اكثر اتعرف عليه شنو يحب شنو يكره ، شلون كانت حياته قبل دراسته ووو  ، هواي مواضيع ، ماعرف شنو سببها يمكن سبب كلبي ..

الي مجاهلته واضحك على نفسي ، او يمكن فضول لشخص تقرب هو مني .. 

صوت السياره بالكراج يفزز روحي بحيث ارفع راسي بالكت المح صوته ، ماتجرات اسال عليه ابد ، خفت حيل من كلامهم عليه وخفت من كلبي لايستخف ..

مره خالته شافتني بالمطبخ لوحدي جرت الكرسي وكعدت مقابيلي حجت شلونج ..

-زينه الحمدلله ..

-باين علاقتج زينه ويه بيبرس..

رمشت بهدوء ماعرفت شنو سبب سؤالها ، حجت بيبرس مايكعد ويه بشر و يحجي بالساعات بدون ملل هيج شعجب ..

ماحجيت ردت اعرف شنو الي عدها ، وعلى شنو تلمح ..

تقرب صوتها من وجهي وحجت نايم وياج بيبرس شي ..

وجهي خرط ، ابتعد عنها شوي ورجعت جسمي ليوره ..

-حجت جاوبي احنه نسوان مابينه عيب ..

فركت جف ايدي ضايجه ، رديت عليها بلهجه جافه - مابينه شي حرام ام....  منو حظرتج ؟؟!..

ماردت عليه ، اني هم سكتت ردت عليه ، ام زياد …

-اي ام زياد اكو شي اسمه حرام ، اني من الناس الي يعيشون على حلال وحرام ،  مو على عيب ، ..

- يعني تردين تقنعيني ماعنده علاقه بيج غريب ..

ابتسمت ، كمت لحيلي وجريت العصا ، ليش مافكرتي انو المميز بيه  هو انو اني مو مثل البنات الي بالج ، لذلك مامل مني ..

مشيت اطلع صاحت وراي افهم منج انتي هم خاله عينونج على ابنه ..

التفتت باتجاها :- اذا ملاحظه ماعندي عيون ام زياد  ،

- قصدج تحبي ..

سكتت ، حجت اشفق عليج اذا حبيتي بنتي …

بهت وجهي ، عندي حساسيه من كلمه اشفق ، ماينشفق عليه اني ، اني اشفق عليكم انتو ..

مارديت عفتها وطلعت ، سمعت صوت اسامه بالحديقه و صوت امير ابن ديما يلعب بره ويه اسامه ..

-حجيت اسامه لوحدك ..

-رد لا ..

-ردت ديما لا اني هنا و امير هم تعاي يمنه اكعدي ..

-اتجهت عليهم اجت هيه جرتني و كعدتني يمهم فارشه حصيره صغيره وكاعدين مدت الي بسكت كالت اخذي بسكت هذا ماعون ..

-مديت ايدي اخذت وحده همست شكرا ..

-ردت شرادت منج عجوز النار ..

ضحكت ام زياد؟!

-اي مو من عوايدها تكعد وتسولف مثل الخلق  ..

-سالتني بس ..

-على شنو ..

-على بيبر ..

جرت نفس ، حجيت اني شلونج انتي وابنج ..

ردت زينين .. ضحكت ،  حجت ، والله محد سالني هذا سؤال صار سنه تقريبا ..

ابتسمت ، عادي تصير ، دائما استحي اسال ، طبعي ماعرف ادخل ، اشوفها صعبه ، بس من الطباع البشريه  تاخذ وتنطي بالكلام ، و تخلق موضوع ، حتى تكدر تتعايش ويه محيطك ، اذا ماسويت هيج راح تنعزل ويمكن تتعقد و المثل حالتي جوز تصيبه كأبه حاده ..

همست بمستحه خايفه لا اذي مشاعرها ،  ابنج شبي مريض ..

ردت عليه عادي :- عنده مشكله بالعامود فقري ..

- الله يشفي ..

-اشكرج احاول اسويله عمليه بس يكبر انشالله مااخلي هيج ..

-اذا ترهم اله لا تااخرين ، سويها ..

-وانتي ماتسوين عمليه لعيونج ..

دنجت راسي مديت ايدي اكل بالبسكت ، حجيت بعدين .. ماتصير الي ، يعني عيوني خلص  طلعن عن الخدمه ..

-صدك تحجين..

-اي والله ..

-وعمه ولادي يعني ..

-لا ضرر بسبب حادث..

- بسعيونج مابيهن شي ، مو هاي كبالي يخبلن ، حتى كبار و البؤبؤ يجنن لونه عبالي عندج ضعف اني ، 

هزيت راسي لا ضرر داخلي ..

ابنها طلع صوته يحجي ، حجيت شكدعمره ..

-ردت سنه تقريبا  ..

-ربي يحفظه و يعافي الج ..

-يسمع منج ربي ، اسامه مدد وخله راسه بحظني ، كعدت تسولف عن الاطفال و الجو ، شفت انسانه لطيفه ، احاديثها بسيطه وهادئه مابيها لف ودوران ولا ضرب بالعظم ..

لا بسيطه ، استغربت كرهم الها ، صوت سيارات دخلت و صوت التؤم دخلو يضحكون ويشاقون ..

صوت ثالث ماعرفته صاحت هيه دانيال ، عواد وين ..

رد عليها ورب هج منج عوووفي شتردين منه ..

سكتت هيه ،  ..

حجت اكوم دنيا بردت واخاف على امير ..

هزيت راسي ..

حجت تدخلين ..

-لا اضل شوي ، راحت هيه ، ضليت يم اسامه يلعب يمي ، لحد ماتعب وكلي يله نرجع ..

لزمته و مشينه ، وسن وراحنه ادردم ، تزقنبن و عافن الاكل والوصخ وراهن ، الحظ الكاعد بس للجايفات ..

فتحت عيوني يااا شبيها هاي للمره ويانه ..

، ايام وبيبر غاط ، جنت اطلع بالحديقه مختنكه اريد بس التقي بي ، كلبي يرفرف عليه ، اعترف والله تعلقت بي حيل ..

حتى بنبره صوته تعلقت جنت اتمنى اطول بالكعده والكلام وياه ، بس جنت اخجل لذلك انسحب بسرعه ..

لو اروح اكعد بالمطبخ ويه نانه من تشتغل ، اسمع صوت الحيوانات بره مالي واهسهم حتى صوت الفرس يصهل ..

ساري و تالا مالخ طول اليوم ماعرف شبيهم ، هو ماخذها حجه يطلع الصبح و يرجع باليل بحجه شارد منجن ..

حاجيت اسامه اخذني يم ابو حمد ..

جرني و مشه كتله اخذني للاسطبل ، حجه ماكو احد ..

-ميخالف بس نمشي ..

-وصلني و حجه اروح هسه ..

-ضحكت شعندك ..

-ضحك امي كالت حسوي كيكه اروح اكل ، 

-دروح شوي وتعال عليه مو تناسني ..

ماشي وركض عافني ، اسمع الخيل يضرب برجله بالارض ضايج…

صوت العصافير طالع ، دليل على قدوم الصيف ، و ذبانه زعجتني ، سمعت صوت ضحكه بنت ..

استغربت وين هالصوت ..

ليش ماصوت البنت تنطق وتكول :-  ااش كافي ساري .. فتحت عيوني ياا ساري شنوو ..

وبنت تكله لا يجي بابا لا عيب نزل ايدك هو ماكو صوت بس هيه تتنعوص و تضحك  ، حجت لا اتعوور هيج وخر ازعل عليك ترى  ..

كمت لحيلي مفزوعه ، خليت ايدي على حلكي ، يمااا شسوي احجي واصيح بيهم افززهم لو اسكت ..

لا عزاا خاف ابو حمد يشوفهم يماا يافشلتنه ، تقدمت و ضربت العصا بالارض،  اختفه صوتهم انتظرت ثواني ماكو صوت ..

-صحت بهدوء ساري انته هناا .. همس صار عزااا عزاك ساري هاي منو .. انفضحت ياا...

-ماكو رد ..

-صحت سااري و ينك ..

ماكو اي رد ، مشيت شوي و اضرب العصا ، همست سااري وينك مو داحجي وياك .. اجاني صوت شنو تيهتي .  

التفتت على مصدر صوت ، حجيت  بيبير ..

اي لزم جتفي شلونج ..

جريت نفس متوتره وخايفه حيل ..

حجه شبيج ترجفين تيهتي ،

- هزيت راسي متوتره ، لا زينه و ين غطيت ..

- افتقدتيني شنوو ..

كذبت وجانت الكذبه بيضه ، رفعت جتفي لاا بس الخيل مالتك صوتها واصل ليمنه ..

- اي اجيت اشوفها كال ابو حمد ، راجعه تتشاكس مره ثانيه .. 

سكتت ، رد وجيت اشوفج هم ، قطعت سفره واجيت ، برغم عندي شغل مهم ماينترك …

رمشت بهدوء ابالع بريكي ، عندك وقت ..

- افضيلج ، و اخلق الج وقت ..

درت وجهي نساني توتري من ساري و خلق الي توتر خاص بي هو ،  حجه تصعدين ..

- وين على فرس ..

- قابل وين ..

ابتسمت اخاف اوكع..

- اثقي بيه ..

مشه و راح شوي واجه هو والفرس الي تصهل ، رديت ماركب البريه ليش تكول ..

-مو البريه هاي ، اسمع صوت سرج و يرتب بي ، حجه يالله وصعد ..

-حجه ايدج ..

-وين ..

-اصعدي ..

-وياك على نفس الفرس ..

-ماراح اتحرش بيج ، للعلم يعني اني انسان خلوق..

ضحكت لا مستحيل اصعد  ..

- هاا …

- اي ..

- تمام خوش ، نزل و كال يله اصعدي مرتب الج السرج اني ، لزمني من خصري باديهالاثنين  ورفعني اصعد ، جنت بوقتها لابسه بنطرون و قميص ..

ثبتت اديه لزمته للمربط زين ، توه اكله يخوف والله ،  يصعد حظرته وراي و يجلب بالحبل ، طخ صدره بيه جمدت جسمي  ..

رديت بيبير ..

-اخاف عليج والله ، تخافين مني شنو ..

لا بس م… قاطعني اذا تهتمين لنظر الناس و شنو يحجون عنج فخلي بالج ماراح تعيشين سعيده طول عمرج ، انسي ناس و تونسي بالرحله ، مو ذاك اليوم كلتي ماهتم للمجتمع ، اخذت بكلامج اني وفوكاها مامنه اني وراج ماهدج  ..

سكتت ..

مشه الفرس ابتسمت لزمت زين خايفه اوكع ، شعور مايفهم بس الخيال ، تحس نفسك فوك الغيم و طااير ..

تجربه حلوه ، حجه اخلي يركض لو تخافين ..

شوي لاسريع فدوه ، ضرب برجله و طفر بينه الفرس عطت يماا ..

حظني من وره و ضحك ، فضحتينه ولج ..

بالربع ساعه فرس فرنه فر ، قشعر جلدي من خله حنجه على جتفي و حجه ميرال …

كصتي عركت ، بلعت ريك حاولت احجي واكله عفيه وخرر حتى بردت وجسمي قشعر ..  هممم ..

- تتزوجيني …

جمدت بمكاني و ضغطت اديه حيل على سرج ، شنوو ..

خف الفرس من مشيه ، و خطواته صارت بطيئه ، ضحك برود اي نصير عروس وعريس ..

-ماحجيت ، جنت اشبه بالمصدومه ، ماعرف افكاري دخلت بعض ، على الاغلب فاز الخوف والاستغراب ..

اجاني صوته قريب من اذني نفسه دافي ، ماتقبلين بيه شنو ..

التفت عليه شويعاقده حواجبي بضوجه  :- متاكد بيبرر لو كلتها هيج عبث توه طلعت منك ، وليده الحظه  ، 

- رد لا صار ايام افكر بالموضوع ، بس ردت فرصه ، 

- تعرف وضعي بيبر موو ..

- شبي وضعج ..

- صدك تحجي ..

- مايهمني وداعت عيوني ..

جريت نفس ، حجيت انته تعرف و ضعي ابسط شي واجباتي ماعرف اسويها ، معتمده على نانه وتالا ، مادبر لا واجبات ولا مسؤليات ، صعبه الحياه الزوجيه عليه حيل واني بهل وضع ..

جرني من وره و ضغط  بمعصمه على بطني يرجعني عليه ، حركاته تكتم نفسي ، كلبي زادت دكاته من التوتر ...

- منو كلج اني اريد منج واجبات ، يكفي انج تسمعيني وتعرفين شنو بيه من نبره صوتي ، والواجبات اكو من يسويهن ، ليش اكو خدم  ، اذا اكو شغلات خاصه ماتكدرين وتستحين تطلبيها من احد اني اسويها  بنفسي ، 

لازمني سكوت ، سكوتي اجه من تخويف ، اعرف الي بكلبي نفسه الي بكلبه بس خايفه ليش ماعرف ، شي جديد شي ما متصورته ولا متخيلته يجي بهل سهوله  .

همس يم اذني فكري زين بس مردج بحظني مثل هسه ..

ابتسمت خجلانه ، صدك بحظنه اني ، كحيت بتوتر ، شوي ونزل ونزلني بهدوء ، صوت ابو حمد صاح اردها للاسطبل استاذ ..

-رد اي رجعها بلا زحمه ..

-لزمني اخذني وياه ، حجيت وين ..

للفله ..

-ليش ..

لزم جف ايدي بكل جراءه وحجه نعلن عن ارتباطنه بطريقه غير مباشره ..

حاولت افلت ايدي منه ، لزمني حيل :،- بهل سهوله بيببر ماجاوبتك اني  ..

ماعارضتي تصرفي ولا انتي نافره مني من الاساس ،اعرف بشنو تفكرين اعرف متردده و تحسين بخوف وهالشي طبعي كل بنت تحمل كلب مثل كلبج يراودها هالشعور …

لو بنت ملعبه او صاحبه تجارب جان فرحت و هيه عرضت وجلبت بيه بس انتي غير كلمن وبيئته و المجتمع الي عايش بي ، فلا لاتحسبين لاشي كلشي طبيعي ترى …

-هد ايدي و خليها من اجهز اني ..

-ضروري يعني تخليني انتظر .

وكفت ماتحركت .. مااستاهل تنتظر لخاطري بيبر ..

انتظر عمر عمي بس لا تتاخرين عليه لان الحياه ماتنحزر وجوز بيوم وليله اضيع منج…

-ابتسمت بهدوء اذا ضعت مني بارادتك فالله وياك ، بس اذا ضعت غصب عنك ادورك عمر .. سكتت حسيت نفسي جفصت..

-ضحك يالله بلشت رحمتك تنزل موو ..

-حجيت اتهرب ، اروح اني  ..

مشيت بسرعه بعثره حجه الملحق كبالج مباشرتا لاتوكعين ولج ،  

، مشيت بخوف و افكاري براسي تترادم ، و مسويه حفله ..

دخلت للملحق ردمني ساري ، حجه مفزوع ميرال ..
هلاو شلمونك ..

رد مرتبك زين وانتي ..

هزيت راسي بخير ، وين رايح ..

ااا هذا اريد اروح اقره ويه صاحبي ..

يا قرايه و احنه بشهر ال٧ .. 

رد يضحك مرتبك شبيج قرايه بس كتب مدرسه قابل ..

ابتسمت الله وياك يالمثقف ..

دفعته و مشيت ، اعرف وين مولي وين دربه و هالشي غلط وعيب من ابو حمد بس المشكله اذا حجيت نانه يمكن تموت من قهرها ، واذا حجيت تالا ماتسكت كبل تعايره و تلزمها علي فضلت اسكت كلت اني احاول انصحه لو اخجل منه بس احاول انصحه من بعيد …

صحت تالا وينج ..

هنا داكلب بالفيس ..

هم فيس صدك تحجين ..

اي داقره قصه بنت على واحد من كروبات ..

كعدت استمع باهتمام قصه شنو .. ضنيت بالاول قصه براسها خير او بيها شي استفاد منه او عبره ..

ردت مزوجه و عدها اطفال ، وموظفه هم ، بس وتحب واحد وياها بالدوام ، تريد حل خطيه ..

صفنت بوجها ، رمشت بهدوء واني كارهه نبره الي نطقت السالفه بيها كلتي خطيه؟!!

اي مو تكول يعنفها رجلها وتريد تطلك وخايفه ..

وين هذا الكروب نشرت بي قصتها ..

كروب نسائي ..

والله اغلب هجمان البيوت بسبب بعض ،هالكروبات النسائيه الي بيها فساد اكثر من بيوت داعا** ما فسد المراهقات مثلج غير هالقصص الي ينشرنها الخاينات و هجامات البيوت وتجي وحده مثلج بلا عقل تتعاطف وياها و تشوف هيج تصرف عادي ..

هو مو صوجها ، صوج الي ياسسن كروبات ومايعرفن شنو ذنوب والخطايا الي ديشيلنها ويخلنها على اكتافهن بسبب هالمنشورات  الي جاي ادمر افكار وعقول بنات ، وصجن انتن هم داخلات كروبات صاحباتها هنه اصلا اخلاق سزز ، وحدتهن عايشه بالخارج لا صاحبه مبدء ولا تعرف الله ولا حتى جهه قبله .

تكعد تبيع مثاليات براسجن لو تفرض عليجن عادات وتقاليد تعرفت عليها من المجتمع الاوربي ، عبالجن ثقافه لو حداثه موو ..

كمت معصبه بيج خير ادخلي كروب يعلمن اسس دين دخلي كروب يعلم اهميه قرأه و المطالعه .. ادخلي كروبات تمنيه ذاتيه ،

ادخلي كروب مال مثقفات يضيف الج مو ياخذ منج وقتج الثمين ..

شوفي شغلات تفيدج و تخليج تشغلين عقلج مو داخله كروب نساىي اغلب تعليقاته فشار وغلط و طائفيه ومنشوراته اغبها فساد و زرع بذره الفساد بعقولجن ..

غميتها وطلعت صاحت وراي وانتي شدارج بهل سوااالف هاا تسوين نفسج غشيمه ..

رديت الحمدلله وحده من صناعات البشر المهمه والي راح ياجرون عليها هيه التطبيق ناطق للمكفوفين هاي الشغلات المهمه و الانجازات ..

مو انتن انجازاتجن تعلقن بمشاكل تعبانه وسوالف بيوت لو وحده ووتنشر سر بيتها وعلاقتها ويه رجلها ، ضل بس ذاك ماخذن اله صوره و نشره عليه و لج انتن حتى سوالف المره والرجال نشرتنها وفضحتو ستر البيت  ..

صاحت :- واني شعلي عووذه هجتي علي شجاج انهديتي ..

- لان صار فتره كل ماسالج رديتي الفيس والفيس،  حتى اسلوبج بالغلط وتجاوزه مالتج متعلمته منه،  ماتعرفين تحجين كله اسلوبج هجوم ماعندج اسلوب الحوار هذا اسلوب المراهقات مرافقتهن بهل طبع .

غسلتها غسل بالحجي وطلعت ، هيه خنست ، جريت جهاز مالتي و مشيت اسمع كتاب صوتي اشرف الي ..

اجه اسامه يصيح جوعان ، صحت تالا ام الفيس امشي سوي اكل للطفل …

ردت اهووووو صايره خدامه الكم اني …

مشت تهبد بالمواعين عود جنت ناويه اكللها على بيبر و كلامه ، ابتسمت واني تتذكر مغازلته الي …

حجت شو تضحكين هاا تخبلتي …

رخت ملامح وجهي و كعدت استمع للكتاب ، اجت نانه واني متردده احجي اخاف يرفضون او يسمعوني كلام يجرحني و يذكروني بوضعي …

كلت لحد ما افكر زين واردله خبر يله ، اصلا رسول عليه صلاه وسلام يكول و اقضوا حوائجكم بالكتمان .. 

اخذت فتره افكر ماعنده شي غلط وخلص اريد ارتبط حتى لو خطوبه اتعرف عليه اعيش حالي حال الناس شناقصني قابل هو كالي طمني مايريد مني شي صعب ..

سمعت من نانه هو مسافر و حتى خالته وياه مسافره ضاله بس بنت خالته ايلاف بالبيت ..

وهاي تطلع من الصبح وترجع ساعه ب٩ باليل ، ويرجعها واحد من شباب بشار لو ستار …

عرفت عدهم واحد يشتغل اسمه دانيال مسيحي نانه تكول طول اليوم شايل بطل البيره بيده هو وعواد

يشربو مثل شرب ماي ، حتى ريحه طابق ثاني تلعب نفس بسببهم ..

فتره ورجع بيبر ، دز بيد اسامه ورقه ، اني كاعده واجه اسامه يصيح ..

ميرال هذا الطويل دزلج رساله ..

تالا حجت هلااا رسائل ..

ابتسمت منو هذا ..

ردهذا طويل الي يصعد على حصان  ..

حجيت بيبر قصدك ..

اي ..  اخذت ورقه منه داشوفها ، توه الزمها جرتها تالا من ايدي ، حجت دجيبي دنشوف ..

حجت اووو خرب بهل حظ ، يمااا شكد ملعب هذا …

شنو .. شمرت الورقه بحظني ضايجه تتافف ..

.. من لزمتها لكيت مكتوب بطريقه برايل ، ضحكت ، فدوه للذكي ، حجت تالا هذا مو ذكي هذا حقير حتى لاحد يعرف شكاتب ومحد يقراها غيرج ..

ابتسمت ، مديت اصابعي اتلمس اشوف شنو كاتب ، شوي وضحت الجمله ، …  اريد جوابج اليوم ..

رمشت بهدوء حجيت تالا شعرفه يكتب بهل طريقه …

ردت جوز تعلمها او وصى عليها..

كلبي رفرف بهدوء و نعومه ، تعلمها لخاطري ، كالت شكاتب ..

سال شلونج …

بسسس ..

قابل يكتب قصيده بهل ورقه هاي .. 

خرب حظج اي والله شهل ملل الي انتو بي ، بس ساري نذل عايش حياته بينه ..

حجت بفزع :- هاا صدك على طاري ساري اروح افتح فيس..

-امداج وامده الي اخترع تطبيقات هاي تعبانه …

وره ماراحت كمت اني طلعت بره حجيت اسامه وينه بيبر ..

رد نطاني ورقه وراح بالسياره ..

لليل ، دز عليه ، دز منو دز ايلاف ، حجت وهيه واكفه بالباب اريد الي اسمها ميرال ..

نانه استغربت لهجتها ليش يما شكو  ..

-اسالي الي واكفه وراج شيريد منها بيبرس  .

-رديت بهدوء ابالع بريكي ترى دزج الج يعني حق انتي تعرفين شنو رايد مني واني اسالج شنو رايد …

-اوو اكلج مادري هو لام العايله و جامعهم على شنو ماعرف داز عليج على كلا كالي صيحي العميه وخلص عافتنه ومشت ..

صاحت وراها تالا تريد تتعارك ، هههيي انتي شنو عميه اجي اطفي عيونج ، الاثنين حوووله ..

-جرتها نانه تعاااي يمعووده ..  ردت لا شو اله انتفهاا جلبه احجي عدل ذيج مالها صوت ولا ردت يمكن طفرت خايفه  ..

حاجوني كلهه من تالا لنانه لساري شرايد منج ..

هزيت راسي برتباك  مادري .. شنو تتوقعون رايد…

نانه حجت عايله مخابيل والله شنو هاي امشي دنشوف شيريد هذا بهل اليل منه …

-ساري كال اجي وياكم ..

-صاحت بي رد انته  شكو جاي ماخذتك خراعه خضره ..

جلبت بيد تالا حجت  على كيف :- هاا ميرال شمسسويه …

- بلعت ريك :- جن اختج دخلت نفسها بشغله مو كدها تعاي وياي بعد اختج ..

-ردت السالفه بيها مكافش لو بس غلط …

-شدراني شراح يصير …

-اذا غلط وفشار فنحن لها ، بس اذا ضرب فلا تعذريني نحن بشر مسالمون ..

نانه فززتنه يله ميرال ماما .

مشيت وياي تالا ، حجت نانه ويين تالا ردي انتي ..

-حجت شوو مارد والله وياجن اجي ..

-ليش هو اني اكدرج امشي امشي يله  .

مشتني تالا وياها ونانه كبالنه مشت ، دخلنه للمطبخ ومن مطبخ توجهنه للصاله على مصدر اصواتهم …

حجت تالا بريبه ياريتني مااجيت ليش هو انتي ميرال شيجي من وراج غير بس الضيم خيه ..

ولج شكوو ؟!!!

#يتبع ....

الصفحه على الفيس ( كتابات اسماء ديمير )

الانستا ... asmaa_demer