رواية قاع الشياطين الفصل الثاني عشر 12 - بقلم اسماء ديمير

.................☆البارت الحادي عشر ☆................

#قاع_الشياطين(البصر والبصيره)

#بقلم_أسماء_ديمير

كمت وكفت لحيلي اشوف زين ، حجت ميرال بخوف هااا شكوو ، ولج شكوو ..

نترت بيها اوكفي دفتهم  ، تلازم عدي هو وذاك ونطي بكله وكعه للارض ، نوب ذاك وكع واندار على حديقه اكو كسر طابوك مال زينه بالحديقه شيلها واشمرها عليه .

عدي تلافه الضربه اجت ترس بواحد من توم خلت دمه ينفض ، بيبرس نام فوك ذاك يضرب بي شلون هجم عليهم وعواد اخو يجر بيبرس عنه يكله عووفه ابو يكلب دنياا ولك تجفه شر ..

تدخلو البقيه الي جايين و يه هذا العراك يجرون بيبرس عنه ، و عدي نام هليهم ..

صارو لخه ماشوف بي الربد و صياحهم ، مافهمت شي افر براسي يمنه و يسره ، اريد افتهم ..

ام زياد ورجلها ركضو عليهم ، و بنتهم واكفه على صفحه دك على خدودها هيه و مرت عواد ..

التفتت على العركه ، سفت ناس نايمين عليهم يردون  يفكون الي جاي هداد من ايد عدي وبيبرس ، كام لحيله و قميصه مفتح ويصبح و الله مااخليكم والله لاهجم دنيا عليكم ولكم اناا ثروووت لازم المحافظه تجي تاخذ مناقصه عينك عينك مني ..

ولك عدي لو اني لو انته وانته بيبرس جبت سالفه ليمك مادامك صاف وياه ، عواد اتجه عليه يكله اهدء مايكون خاطرك الا طيب ، هيه شنو بكيفهم اني موجودو المناقصه نتازل عنها الك ..

رد عدي بعيد عن بوووزك و بوزه و الله ، لكم كو*** اني سويتكم زلم هيه مخاني* جاي تهدد عليه و تضرب اشلفك والله ..

ذاك من حركه دمه يصيح تتحدداني ولك عار تتحداني ؛ جماعته جايين وياه جرو يكللوه الوالد هو بتصرف وياهم  ، عواد يصيح و ينتر بعدي ادخل جووه امشي جوه ويدفع بعدي و عدي يريد يلزم ذاك ، 

بيبرس جر عدي و حاجه ذاك بهدوء كله روح و باجر جايين للوالد .. ابوك نتفاهم ..

عاط بيهم يتهدد ، لاتجي ولا تتفاهم والله لاطفشكم مناا اني فتحت الكم باب رزق بهل منطقه ، بس كله صوجك انته من دخلك هالنكس الطماع عدي بينه خسرتني ، مثل جلب الس…. بعده ممكمله و هجم عليه عدي ، 

ماتوقعت عواد اخو بيبرس يكون رده فعله هيج ، عدي توه هجم على ذاك الي اجه هداد وعواد الزك عدي بدفره رجعه ليوره و هد عليه يغلط كله منك انته منااافق ..

اندار على اخو نطا دفعه ، انته غبي منطي اذنك مشينه على مزاجه ، هذا شنو تسمع اله ، هجم الشغل علينه  ..

صياح وعياط وفوضى ، ورجعو تلازمو بينهم عدي نام على عواد يضرب ،  واحد من توم مجتف الي جاي هداد و بيبرس بينهم ..

وذاك توم ابو دم سايح كعد على صفحه يضحك ، لازم راسه و يضحك عليهم ، صاحت بيه فززتني ميرال شكووو ولج شكوو بيبير شبي ..

مادري يمكن حيموت ..

خلت اديها على حلكها تبجي لا يالله شبيي منوو وياه ..

داحجي وياها وثارت طلقه عطتنه اثنينه ، صميت اذني و ميرال مددت بالارض تصيح و لج حنموت مو ..

طلقه وحده بس رفعت راسي بيبرس بينهم لازم السلاح و صاح ثروت اطلع منا كتلك و باجر اني جاي ليمكم نحل السالفه جيتك هنا و تتعده علينه بنص بيتي واكفه يله ..

ذاك رفع اصبعه يتنفس بقوه و يتوعد الله كريم الله كريم بسيطه ..

طلع بسرعه وراه عواد يركض يهدي بي و جماعته اندارو على بيبرس يكلوله خلي بالك خسرت ابو ثروت  بعد هالعمله  ..

لزمتني ميرال من جتفي فززتني ، حجت ترجف ولج شكوو احجي حيوكف كلبي .

رديت واحد هد على بيبرس و عدي ، شنو ماسمعتي قابل ماعدج اذان ..

-سمعت حجيهم و غلطهم بس شنو صار ، 

-تضاربوو ، اعتقد عدي ماخذ شي من هذا الي اسمه ثروت و هالاجه متخبل هاد عليهم  ..

-حجت طلقه شنو .

-بيببر مالتج ضربها بالجو ، ديفاككهم ..

- ردت تبالع بريكها يمااا عنده مسسسس مسدس يعني  ..

انداريت عليها و جها خارط و تفرك باديها مكرفصه ، حمدت ربي ماتشوف شفته جان انجلطت هاي ،

شفت ساري و نانه بره واكفيه يتفرجون وابو حمد اشر الهم دخلو جوه يله ..

دخلو اثتينهم ، حجت شكو ..

جريت نفس ماكو ، اشوف هذه المدمى خطيه كتلها هذا واحد من توم انضرب وطلع منه الدم ويضحك ، شكد فطير ..

حجت ميرال هذا بشار موو ..

شدراني .. بس واكف صفح دايخ من ضربه ، اعتقد راح ياخذو للمضمد ..

كالت صدري دياذيني شكد خفت ، رديت عليها دمشي دننزل ، لابارك الله بيهم اجيت ازر* على روحي طلعو سهره علينه سم ..

همه لاكانو ، توم يضحكون وحتى هذا المدمى يضحك ..

- وعدي يكله لاتخاف تخلف ماينكطع نسلك بسيطه السالفه .. 

واحد منهم جاب اله ماي و قطعه قماش و كعدو يغسلون اله ، ياا عزا غير ياخذو للمستشفى ..

نزلنه جوه  نسمع ساري يحجي ويه امه ، شافنه نزلنه من درج حجه هاا شبعتي فضولج ست تالا ..

-ردت ميرال شكو ساري شنو صار ..

-ماكو عركه بينهم احنه شكوو ..

سكتت هيه  ، رديت عليه اني ، حالنه حالك هم عدنا فضول شنو ، صوت طلق وعرك اكيدنخاف و نريد نعرف شكوو .

ردت نانه باين تعاركو على المناقصه ، لان قبل يومين سمعت مرت عواد ام امير ، دكول ربحتو المناقصه شراح يخلصكم من ابو ثروت ، و ثروت هيه مو حصتهم هاي ..

سالفه طولت لثاني يوم ، همه مانامو كضوها بالحديقه ، ضحك وسوالف ، و ماشفت اخو بيبرس عواد..

طلعت مرته تسال عليه مدري شنو كللها وردت خايبه و ضايجه ..

ميرال تحوم الصبح تريد تحجي ويه بيبرس، من كتلها شتردين منه حجت بساطه اريد اساله عن جوزاتنه ماكو شي ..

صبح شفتهم ركبو سياراتهم وطلعو كلهم ، كتلها ترى طلع شفته يله كعدت و سكتت ..

راحت نانه للمطبخ ماعدهم شي منطين خبر ماكو طبخ اليوم ..

رجعت ، ساري طلع ويه ابو حمد يشتغل بالبستان ..

بيت ابو حمد صار بالبستان ، للظهر اجه ساري نازع القميص ضال بطرك فالينه داخليه ..

اني عيوني عليه عركانه ومترب ، حجيت وياه شو تاخرت ..

رد ابو حمد راد اشيل وياه غراض واحولهم ، اندار على امه وحجه اكول يمه ابو حمد ، شكم بنت عنده ..

انداريت اني بسرعه عليها رفعت حاجبي ، ضايجه ..

ردت امه بعدم مبالاه وهيه تشتغل :- يمكن اربعه كبار تقريبا ، بكد تالا و اكبر واكو اصغر ، وعدهن اخ واحد معاق خطيه ..

-رد ، اي شفته مدد بالارض ، يكسر الخاطر اخواته تعاونن عليه شالنه ..

انداريت عليه بسرعه ، ليش شفت بناتهم انته دخلت لبيتهم ..

حجه هو ينزل بملابسه يريد يدخل الحمام ، اي شفتهم اكو وحده وياج بنفس الصف واكو اكبر مادري بعد  ، صيري مثلهن سباعيه و كملي دراستج ..

حجيت داخل بيت العالم تباوع على بناتهم جان استحيت خلي حرمه لهل دار على الاقل ..

-شلون اصلخج بنعال ، ليش ماتتادبين ، رجال راد.مني اساعده وشفت بناته طلعو شنو اغمض عيوني هااا ..

سكتت امه حجت دكافي يامي ، شعجب وسن خلتك تفوت هاي تشوف دم سنونها ماتشوفنه ..

- جنها خنزيره هيه بس تخاف من رجلها ماحجت ، كلاص ماي ماجابت الي لو مابنتها تجيب تقدمت الي   ..

اني واكفه اكل بروحي هو يحمد باخلاقهن ، طلعت وحده وياه بالاعدادي ، مقدمه اله كلاص ماي هم ينتبه حتى على صخله وعلي لاا ، الارعن ..

وراها بفتره نانه مشت للمطبخ و ياها ميرال ، ضل هو كاعد بصاله فاتح الابتوب يكلب بي ..

اني دخلت للغرفه جريت جهاز ، فتحت فيس وشفت راد على مراسلاتي لاا ..

شايفهم بس مافاتهم ، رجعت كررت الرساله ..

رد كبل ، منوو ..

كمت لحيلي مديت راسي عاقد حواجبه ، بلعت ريك وكفت ، رديت من اهل الله ، وحبيت اسلم ..

دنج يكتب ، رد قديمه ، من الاخر شنو رايد منو انته ..

-اني بنت 

-منو يكول 

-والله بنت شنو ، ليش اكذب اصلا ..

-سكت ثواني ، شفته ديكلب بالحاسبه بس مديرسل شي ، ياا بس لا نطاني حظر ..

شوي رد عليه وكتب  :- حسابك جديد ايا نغ* جان استحيت ، مسوي نفسك نثيه …

-دزيت والله بنت والله و حسابي القديم نسيت كلمه سر وراح …

سكت شوي ورجع كتب ، ليش دتراسلين شكو منين تعرفيني ..

-شفتك بكروب دراسه وحبيت اسالك على دراسه ..

- على شنو يا موظوع ياماده ..

-راح بوقتها حتى نسيت ..

-ياكروب هذا ما متفاعل اني هواي . 

جريت نفس يبووو ، شهل نفسيه ، :-شفتك بواحد من كروبات والله و ردت اراسلك وترددت قبل فتره تجرات و دزيت الك ماجاوبت ..

-مممم خوش..

-اي 

-شلون اتاكد انتي بنت ..

-وشكو بيها اذا ولد ..

-انعل اهلج لو اهلك والله تضحكين علي ، شنو ماحب ينضحك علي ، اذا بنت اريد دليل لو توكلي بالله . .

سكتت ثواني عمه بعينك يالخايس ، كتبت شنو دليل الي تريده  .

مديت راسي اشوفه ضحك ويحك براسه ..

شوي و كتب دزيلي صور الباس* الداخلي، فكيت حلكي يااابن ساق* عزااا بعينك ساااري ..

مديت راسي اشوفه لهل نذل يضحك ومنتظر بحماس ..

لطمت على وجهي عزاا العزاااني ، نزلت راسي على الشاشه اريداكتب فشاره هالكبر اشفي غليلي بيها ..

كتبت اله شكو فشار ممكن تتعلمه البشريه ، توه ادزله كلت لاا اصور شاشه و اضمها دليل عليه ..

صورت الشاشه مسحت الي كتبته كلت حتى لا تتسجل عليه نقطه ، دزيت جمله وحده اله ، اكل خر*

و سويت حظر ، انداريت اشوفه فك عيونه ، ضرب على فخذه ضايج ، يااجلب عود متحسف ، جن ضاعت منه طيره و هيج زعل طلع يدورلبا** داخليه ساق* …

سويت اغلاق للحساب وطلعت ، مشيت للمطبخ اباوعله بطرف عيني ، كل شوي تريد تطفر الحجايه من حلكي واعيره هاا ابو الب**  داخلي ..

واسكت كوه اجر بالنفس جني ثور بايسن ، هو مكابل لابتوب وكعد ..

فتره مو طويله ، واشوف بنت ابو حمد العينتين جايه و جايبه كاستر النه ..

فتح ساري الها باب واني وكفت متخصره الها واكفه وراها و خازرتهم  ، لابسه شال على راسها ودشداشه مخصره وحجت بخجل هاي الك ساري ..

ضحك هو يااهلا غدير تعاي دخلي تفضلي .. صحت اني فززتهم ووووين تدخل وووين نانه موو هنا ..

مدت راسها هيه مخترعه متفأجئه بوجودي حجت هلا شلونج ..

رفعت الها تك حاجب امج تدري حظرتج هنا ..

وجها خرط تلعثمت حجت جبت الكم كاستر ..

- اي اشوف ترى مو عميه ، قابل ماعدنا ، صاح بيه ساري هيووو شبيج ماعندج لباقه ، اندار عليها ضحك بوجه ممنون ، اشكرج عاشت ايدج ..

ابتسمت وخدودها حمرت انشالله يعجبك اشتهيته الكم والله ..

فهه وجه هو وتقدم عليها حجه هااا عليج الله ، دارت وجها خجلانه ، ياا جلب مشيت بسرعه ، عتيته من جتفه رجعته ليوره هوووب هوووب ، وين عيووني وانتي امج هسه تفقدج يله توكلي وشكرا على كاستر ..

الي مراح ناكله اصلا ..

ماحاجتني عينها طايره على ساري الي لازم كاستر و ضحكته شاكه وجهه ، عبالك ماء الحياه مو كاستر ..

مشت تعدل بشالها وتضم بشعرها وتتلفت علينه كل شوي ..

دفعته حيل و ركعت الباب ونداريت نترت بي ، وين عينك عساك بالحوول شلون يعني وياااك انته ..

انصدم من نبره صوتي شبيج انجلبتي ولج شجاج كبر ، راح للمطبخ يجيب خاشوكه ياكل بالكاستر و يشفط ويكول والله يمووت عاشت اديهاا شفتيها شكدنازكه و طيبه ..قابل مثلج ، 

نترت ماتجي لاضفري هاي شنو هاي وتقارني بيها ..

صدك انتي اصلا مالج حق تنحطين بخانه مقارنه هيه على الاقل مره انتي بعدج جاهل ..

-جاهل شنو احترم نفسك سااري ..

- دولي دوره بعدها ماجايتج شنو تسميها هاي طفله انتي بابا طفله ..

وكفت جامده !!! ، فاكه عيوني مدهوشه ، دوره شنوو منو كله اني مجايتني دوره هذا شداره .

عطت حيل ساااااري شنو هاي شلون تكلي هيج ، 

كعد يضحك وياكل و يكلي يكرم الله انتي علميا بعدج طفله ، لان ما، كبل لا يكمل هجمت عليه وضربت الطاسه الي بيده عطت ساااق* ..

رفع اديه يحمي نفسه ، هجمت عليه املخه ، هو يريد يفك نفسه مني ماكدر كاعدعلى قنفه واني نمت فوكاه ادفر وكفخات ، 

اسامه حجه هاا ساري اصيح امي ، وخررري كلبه عن خووي وخرري ..

جرني دفعته و شلت كوشه و كفت اربد ساري بيها هو نوب يضحك نوب يصيح ..

ركض اسامه يصيح يمااا تالا كتلت ساري .. شوي و دخلت نانه تصيح شكوو ولج شكوو ..

صاح مووتني يماا هالخبله جنت على الاخر .. توه ديحجي واجيبه بجف على حلكه دفرني يعيط  رجعني ليوره …

وكعت على ظهري انهضمت وبجيت كعدت بالارض اكللها نانه يكلي ماجيتج دوره يضحك عليه ترضيها ..

امه شهكت وطبت على صدري صاحت ساااري ؟؟؟!!

وكف لحيله يتلعثم ماكلت هيج جذاابه  . لا جذبين ولك نعال  .

اشرت عليه ابجي والله كال هيج ونوب هاي ساقط* بنت وسن اجت لباب هنا تجيب سم اله و تكله انتظرني بالبستان ..

صاح ولجججججج والقران جذااابه يمااا ..

امه لزمت راسها تون يااايمه ياافضيحتج ياااحليمه بس هالوليد و شوفي شلاعب شنو اخلاقه ..

هزيت راسي ابجي ااخ ياانانه لو تشوفي شسوه بيه ، كلته عيب ليش هيج ، شو  هو تخبل نوب رد يعيرني كبال البنيه ضحكها عليه ..

امه كعدت على قنفه تون يااايبووو يااحظي المصخم يااضياع تربيتج يااحليمه ..

هو يكمز يصيح والله جذاابه و الله تجذب لاتصدكيها مناافقه انتي وكف يهد عليه ..

و نانه شالت الطاسه من الارض شمرته عليه هو طفر ، يكللها يمه تصدكيها وجذبيني..

ردت ولك ادب سزز شفت بت بعيني من اجت وبيدها حاجه تجذب عيوني ..

-ماجذب صدك اجت بس ماحجت هيج ..

و هم كول ماعايرتها لتالا منين الك هالحجي انته صاير فرد نوب اخلاق سزز والله ماضل هنا امشي اطلع بره هو يحلف جذاابه ، واني فرشت بالارض مووت روحي …

طلع بره عصبي ينفض بنفسه و نانه وجها انكلب احمر مقهوره من سوءاخلاق ابنها دخلت ميرال و عصاتها الي ادك على الارض ..

حجت بفهاوه هاا شبيكم وابتسمت ..

ماحجينه اثنينه ردت ، حجت فاتني شي سولفو الي ..

كمت بملل ضايجه عفتها ودخلت وهيه صاحت وراي تالا ..

مارديت و نانه ساكته خاله اديها على راسها ، ضل هو بره مطرود و نانه زعلانه علينه احنه الاثنين ، برغم هو وحيدها بس تحب تربي احسن تربيه تخاف عليه ويوم الي يغلط يتعاقب ماتفرق بينه ابد ..

على كولت ميرال غزرت العشره الطيبه بيها ومانكرت ، عكس ابنها ابو البا* داخلي سافل ، 

لليل يله اجه ، ميرال ضلت تتوسل بنانه تكللها قابل ينام بره صدك تحجين غلط و خلص انتي ماقصرتي ترة تالا هم ماتنجرع ..

اني هم خفت لايروح يبات يم ابو حمد و نوم يكضيها صفنات ويه غدير ام كاسه الكاستر ، امه سمحت اله يدخل كبل مدد بفراش و سوه نفسه نايم ..

جلب انا الك باجر …

ميرال …  

ضل بالي عليه ؟! اي ضل بالي ، مانكر ، جوز محبه او عطف او شي بصدري خايفه اعترف بي ، تعمدت اكرر روحتي للمطبخ برغم الحجي الي يزعل اسمعه من وسن ..

ونوبات ام زياد ، بنتها ايلاف تفوت ماتسلم ، ديما لا احسن ..

رغم كل هذا اغلس عسى ولعل اصدف صوته ، اسمع احاديثهم ..

اسمع مرت عواد ام امير تتعارك ويه رجلها وتبجي ، مره ضربها هيج بدون مايحسب اكو احد بالبيت او عيب او خطيه ..

وصوت بجيها نانه و وسن عادي يشتغلون كانو متعودين على عركاته هو ومرته ..

سمعته يكللها كحب*  وين اكو رجال يفشر على مرته ، الونه الي بصوتها والالم وصل لكلبي حسيت بيها من صوت بجيها ونه ..

اكو ناس تحس بالبشر وجعه من نبره صوته ، واكو ماتحس بالبشر لو مو نبره لو يكطع نفسه كبالهم مايحسون ، 

صابني نحول من زعلي عليها ، نوب حول رجلها على كفر استغفرالله و يصيح سكتي نغ* ابنج سكتي هيج منج ومن ابوج ..

نزل ركض من الدرجه وربد باب صاله حيل ..

باين محد موجود بالفله ، حجت وسن ماخذ راحته اليوم استاذ بيبرس ماكو وتولها لديما كتل و فشار ، 

كلت هي و رجعت ، من عرفت مموجود.

بطريق رجعه سمعت واحد صاح كناري ، وكفت وانداريت باتجاه الصوت حجيت بشار؟؟!

رد ، منو غيري يحبج ..

-ضحكت …

-شلونج ياحلوه ، 

-زينه شلون راسك ، سمعت انضربت ..

-شفتي حظي من بين سبع اشخاص اجت بيه واني افقرهم كلهن ..

ه-و دومه الفقير واكع ببها ..

-اي وعلي طكوني طكه موت ، اربع خياطات براسي ، بعد محد تاخذني انا من هاي وهاي مابيه شوفه عادنوب فتحولي كصتي لواطيها مهر عشرين مليون هم محد ترضه تاخذني ..

-اخلاقك حلوه بشار هاي تسوه دنيا و جمالها …

-هذا ياهو كلج انا عندي اخلاق ههههه ..

-هههه شنو قابل انته قليل ادب ..

-جا شدراني انتي احكمي ، 

-ابتسمت ، منو ضربك ..

-ثروت ابن الكح**

-هزيت راسي السانك مو اني واكفه عيب مني ، توه اكول اخلاقك حلوه ..

-مثل اخيتي انتي مابينه عيب انشالله ،، ابتسمت ، اهاا وهذا منو الضربك ، 

-كتلج ثروت شريكنه جان بس فضت شراكه من سنه تقريبا و كل منه لزم منطقه بس بعدين صارت اشكالات ..

-وشنو هاي الاشكالات …

والله ماعرف  بس عدي شاف انو كل مازادت شراكه كل ماقل الربح فنصح بيبرس يفضها   … دنحجي و قاطعنه صوت بشااار هييي ..

سكتنه اثنينه حجه بشار هاا ستار ، 

-نتر ذاك تعاي يله واكف تلك بالحجي شكوو.. 

-حسيت بي مو عاجبه ، حجيت بهدوء وياه شلونك ستار ..

-نتر زين يرحم اهلج اخيتي لاضلين تفترين ، اكعدي بمكان و شغلات مالج خص بيها لاتدخلين وتسالين ..

فتحت عيوني على لهجته وياي ، رديت عليه ، منو هذا يحدد وين اكعد ..

رد ، احنه اختي ..

- بصفتك شنوو ..

-ماعجبج كلامي لازم ، ردت بشار : ستار شنو القصه شبيك شنو الصاير اكو شي ..

- لاا بس لاتدخل بالشغل شنو خصها هيه ..

-دنسولف اني وياها شصار قابل اكو احد حاجي وياك…

-ماحجه ، رديت كتله :- اذا اكو شخص ماعاجبه وجودي هنا يجي يكلي بوجهي ، ابو البيت عرفت هو بيبرس و الانسان مرحب بوجودي و فرتي بالبيت كله ماقيدني ولا نطاني تعليمات عكسكم انتو الي بالاساس ماتملكون شبر هنا  ..

رد عليه ستار :- منو كلج مانملك ..

-نفس مانته تعرف شغلات هنا ، اني هم مو قليله معرفه ، هم اعرف انته مجرد شراكه بشغل وياه و كعدتكم هنا وجودكم صحبه و محبه،  مو ملك يعني ، اما اني فاسكن هناا و مرحب بيه من صاحب البيت كلامك و كلام الي دزك عليه عيب ..

نداريت امشي رجعت انداريت عليه مره ثانيه ، ماعندي مشكله وياك ستار انتو مثل اخوتي بس اذا بيوم حسيت المقابل يحاول يقلل مني راح يكون ردي قاسي  اني هم مو قليله السان …

حاجاني بشار مارديت عليه ، اسمع بشار تناكر وياه و يكله شبيك هي طايح الحظ خطيه ، متستاهل ترى بنت بس حبت تطمن عليه ..

رد ذاك وانته كعدت مثل الاثول تحجيلها قصتنه ويه ثروت …

دخلت لبيت واني مغثوثه ، صحت تالا انتي وين ردت هنا بالغرفه ، همست جاي اسوين …

ردت على فيس …

هزيت راسي ياهل فيس المصخم دمرج وطلع لسانج ، اسمعها تضحك على شنو مادري …

ثاني يوم باليل ، سمعت صوت طلقه بالفله ماطلعنه ولا نانه خلتنه نطلع ، صوت مرعب احنه ممتعودات على هيج اجواء صياح وعرك ،

 صوت بيبر يصيح و يغلط ، واخو عواد يعيط ، عبالك سكران حجت تالا باعي هذا من كببر طلع بطرك الشورت داخلي  بطرمه شايل سلاح ..

رديت وين شفتي نانه متقبل نطلع لج ..

هذا من شباك غرفه نوم مبين ، جنه ثور والله صدك لاكالو ثور الله بارض الله ..

لزمت جتفها شبي ..

شمدريني شايل سلاح بيد و يصيح  و بيد شايل بطل يمكن عرك هذا استغفرالله …

خليت اذني يمها اسمع صياحه و بشار و ستار يكلوله هد السلاح شبيك لا ترمي واحد بينه ..

وبيبر يصبح ذبه عواد شجاك لا طك بيدك خلي عقلك براسك .. وذاك يرد اكتلها لهل كح** واكتل النغل ابنها ، ولج ماتلوين ذااعي بابوج ولا باخوووج اناا عووواد سمعتي و لج ساقط* انااا عواد اشرب من دمج …

عوجت حلكي هذا مجنون رسمي ، حسينه على طبه على جتافنه اني وتالا اثنينه فجاءه ونسحلنه للغرفه ، 

خرعتنه نانه حجت ولجن لا تطفر طلقه ولان تجي بيه و جعه شنو انتن ..

جرتني سحل للصاله حبستنه بيها  . رديت نانه دنشوف دنيا شبيها شبيج ويانه ..

-يادنيا غير دنيا محتركه بره سلاح و صياح ومشاكل شعليجن انتن ..

-ضحكت تالا نانه وين خاله ساري من صدك تحجين ..

-رديت اني بفضول  ليش وين ساري ..

-هههه خالته بين طبله وبين القنفه حاصرته مثل الجرو هههه ..

-وهو طلع صوته انجبن شفتي يمااا من اكلج عيب هالسوالف مو جاهل اني ، هيه ردت انجبو وعاطت من طلعت صوت طلقه ثانيه صاحت يمااا متنه كتلووونه يبووو  …

مددنه بصاله نضحك على خوف نانه مبالغ بي لازمه كلبها وتدعي ربي احنه يمك امانه دخيلك لا  نمووت ، ربي متكفله بيتام اني باوعلي ، ونوب خاف لا ذاك الخبل صدك يكتل مرته …

نمنه بصاله سوه كلنه ، 

مددنه واحد بصف ثاني ، نانه بالنص ، على الايد يمنه اني و تالا ، و جه ثاني ساري و اسامه ..

بفتره قصيره شفته لبيبرس ، جنت متجه للمطبخ صاح عليه هو بالحديقه اني هنا كاعد يم نافوره دبريها تجين الي لااا ..

ابتسمت ، وين صاير بالضبط ..

صاح على ايدج اليمنه …

مشيت بحذر و العصا كبالي تتلمس ، حجه وصلتي بعد شوي بس ، لحد ما وصلت يمه لزم جف ايدي و جرني ليمه ..

جر كرسي وكلي اكعدي كعدت هو بعده لازم ايدي ..

حاولت اسحب ايدي رفض يهدها حجيت ايدي ..

-خليها ..

-ليش ..

-ضحك بهدوء ناعمه ..

-سكتت ، 

-حجه بتعب شلونج ، نبره صوته باين عليها تعب ، 

-زينه انته شلونك ..

-زين ..

سكتت شوي ، هو هم مانطق ، بيني وبين نفسي شكو دز عليه اذا ما يريد يحجي وياي ، كلبي يدك حتى جره نفسه حسبتهم ، رموشي ترفرف ،

درت وجهي اداري توتري ، هو مدري شنو يسوي ، درت باتجاهه ..

-همست شسوي ...

-اوراق داشيك عليهم ، دزهم الي عدي اليوم ، لازم اوقع عليهم بالاول . سكت ..

ابتسمت ، سالته مره ثانيه شلونك ..

-زين ..

- ممبين عليك ..

-شلون عرفتي …

-نبره صوتك بيه بحه زعل ، 

-تعبني دنيا حيل والله ..

-اخوك تعبك لو دنيا …

-مادري بمكن اخوي …

-صح نوبات الاخوه يدفعوك للانهيار بس يبقون نعمه..

جر نفس ساكت ..

-منو الاكبر انته لو هو …

-هو …

-ترددت اسال ، عضيت شفتي مستحيه بعدين سالته ،، ليش هو يكره مرته ، و يكول على ابنه نغ* 

سكت ثواني ، ابتسمت اسفه بس هيج طلع سؤال ، 

تدرين هو تزوج مرته ديما لخاطري اني  …

#يتبع ....

صفحه الفيس ( كتابات اسماء ديمير )

الانستا . asmaa_demer

يتم نشر فديوات و ستوريات تخص القصه ..