رواية قاع الشياطين الفصل الثالث والستون 63 - بقلم اسماء ديمير

...............☆البارت السابع والخمسون ☆............

#قاع_الشياطين(البصر والبصيره)

#بقلم_أسماء_ديمير

همست هاهيه عمو توكل ..

متاكده عمي خاف غلطانه ..

-لا عمو هنا مو نفسه للعنوان الي كتلك عليه ..

-رد اي نفسه بس المحلات معزله ياعمو ماكو احد خاف كلشي يصير ، 

-لا مايصير شي اهلها لصديقتي عدهم محل مال ورود هنا ، نص ساعه و يفتحون خليني هنا  بين ماتفتح المحلات ..

-زين منو هاي صاحبتج ومنين ..

-ابتسمت بدمعه ، صديقتي نور جانت وياي بالمعهد هذا محل امها ، هي تشتغل ويه امها بي ، اكيد راح يجن ويشوفني ويعرفني ، روح عمو تطمن …

هز راسه متحسف عليها ، باسني من راسي و حجه ، انتظر وياج لحد مايجن على الاقل اطمأن ..

-روح عمو راح تتاخر على مسواك وخاف يشكون بيك ماريد الك الاذيه ، توكل عمو توكل .. 

دفعته من جتفه بهدوء ،  حجه استودعج عند الله …

عافني و مشه كعدت اني على مسطبات كبال المحل و لميت الجنطه لصدري ..

اقره سور وايات وادعي من الله ماوكع بورطه اكبر من الي اني بيها ..
صفنت واذا مااجن ..

لايجن هذا باب رزقهن شلون مايجن ، من زمان اعرف امها تفتح من سبعه لحد التسعه باليل ، 

صفنت زين واذا تاخرن واحد تحارش بيه ..

لا ماكو هيج شي شارع راح ينترس ناس قابل يجي عليه اني هم يخاف مني ..

كعدت نص ساعه ، لحد ماتعبت ، بلشت تظهر اصوات الناس و سيارات تتحرك بالشارع ..

اثار اقدام تمر من كبالي يحجون ، لو اصوات عربانات دفع ، وركض اطفال كامو متوجهين للمدارس ..

لزمت سبحه اسبح بهدوء مدنجه ، حسيت بشخص وراي حجب عني اصوات سيارات ، رفعت راسي بهدوء خايفه ..

حجه ميرال ؟؟!

جسمي كزبر ضغطت على السبحه حيل ..

ليش هنااا جاي تخاطرين بروحج تدرين لو لااا ..

غمضت عيوني بهدوء ، 

-بيبرس راح يعصب حيل ..

سكتت ، دار وكعد بصفي ، حجه طلعتج بهذا الوقت غلط ، من عرضت عليج اني بذاك الوقت ماقبلتي تطلعين بس من دكت براسج طلعتي ..

لا هذا مكان الصح ولا الزمان الصح ، وضع رجلج مكركب وخطر وراسه مطلوب لعائلتين ، تعرفين اذا وصلج احد هاي عائلتين وكعتي بيدهم شيصير ..

اذا لاحج ثروت ممكن يدزج اله وصل ..

كشت روحي هو ينطق الكلمات .. كمل كلامه و اذا لاحج طارق هم مايرحمج خسر ابنه و خسر زوجته و رجلج فتح راسه فوكاها عيني العين عليكم ويردون زله ديلوحون واحد.منكم ديبردون كلبهم بي ..

ارجعي لبيتج بسرعه ، وارجع واكلج مو وكتها هسه ..

درت وجهي مدمعه ماارجع تعبت ماعندي طاقه اتحمل ..

وكف لحيلي كومي ميرال كوومي ..

هزيت راسي وبجيت مااا مارجع والله مااضل هناك ذاك مو مكااني حاولت اعيش بس ماكدرت حتى نفس صار يخنكني ..

-امن الج ترجعين جوه جناحه حاليا ، كلها ادور زله على بيبرس وكلها ناصبته كمين لاتخلينه يوكع بي بسببج بذاك الوكت عايله كلها تضيع و تروح بالحضيض ..

كومي يله لاتعاندين وارجعي ..

كمت لحيلي شدراك اني هناا هااا تراقبني ..

اذا بيبر خاله عيونه عليج فاني عيون الدنيا كلها وجهته عليج  ، 

ماحجيت ولا رضيت امشي ، حجه ترى صاحبتج غيرت مكان عملها وهذا المحل تحول لابو كهربائيات من زمان ..

جذاب ..

ماصدكين ..

عمري ماصدكتك..

بكيفج .. صاح لشخص حجه وياك اكول خالي هذا محل مقابلنه شنو يبيع بيش يشتغل ..

رد عليه صوت ولد شاب ، هذاا ابو غسان الكهربائي مايفتح اليوم عنده حاله وفاه ترى ... 

تمام مشكور يابه سوينه زحمه عليك خالي ..

لا رحمه يابه ..

حجه هااا .. 

غمضت عيوني و ضغطت على السبحه ، حجه يله جرني من معصمي دفعت ايده عني دنجت شلت الجنطه ..

مشيت هو وراي حجه لاتعثرين ، لزمني من معصم ايده ، حجه بشاار ..

تلكاني بشار حجه ليش هيج ميرال ..

بجيت مارضيت احجي ..

خسرتي ثقته تدرين لو لااا ..

همست يدري موو لحك يعرف ..

شلون مايدري صدك تحجين بشنو فكرتي قبل لاطلعين خطوتج هاي اكبر غلط دمرتي ثقه الي بينكم ..

جرني وصعدني بصفه ، اسمع عدي يكله اذا سالك كله لكيناها متوجه لاختها لان سمعت بيها حامل ..

فتحت عيوني تالااا حامل ..

مديت راسي من جامه بسرعه صحت :- تالا حامل ؟؟!

-رد حيري بنفسج و دبريلج عذر مقنع بدل ماتتصنتين ..

-كله منك انته مثل الشيطان والله مثل الوسواس الخناس ..

-اسكتي ام الفواين كلج على بعض بكد فصمه شارده من رجلج شنوو ..

-فتحت عيوني منو شجعني هاااا مو انته وحتى عرضت عليه تشردني بنفسك و توديني لاربيل ، و تنطيني فلوس اكثر من مره هااا ..

-صاح :- هااك استلم هاي عود تصلي وتخاف الله  ، و الجذب عدها تشمره ابلاش ، ولج لملي السانج لا اخابر رجلج واكله لكيناها شارده لملهى والله افتهمتي ، وعدها صاحب لاخليي يتلكاج بساطور باب الفله يله بلا طوله السان يله ...

شهكت صعد بشار وحجه كاافي ميرال كاافي ، شغل سياره و مشه واني كعدت احلف والله جذاااب والقراان جذااب هو من الناس الي شجعني ..

رد ميرال تخبلتي وين لكاج هو حتى مايدخل لداخل الفله ويفتر حده للصاله والحديقه جاي تحجين اسكتي ، ديربالج تحجين عنه يم بيبر بالسوء ترى هذا صديق عمره ماينطي بي ..

سكتت انهضمت حيل بجيت وربي ماجاي اجذب ..

-خلص افتهمنه بس انتي غلطتي هالمره والله ، وغلطج جبير ..

-يعرف انهزمت موو ..

-من الفجر وسكتلج عباله تردين بس من تاخرتي دزنه نجيبج ..

-ابو حمد شصار عليه ..

-دفع ثمن غلطته ، حيري بروحج بالاول و ادعي مايصيبج اذى ..

-شيصير يعني شنوو جان حابسني جبر هو خما جبر ..

-ميرال ليش غبيه انتي ..

-اني غبيه؟؟!

-سوايتج مال غبيه ، شنو خليتي بالج من طلعتي عود تشردين لوتخافين لو تبلشين حياه جديده بعيد عنه ..

دخلتي الهم بعد صرتي جزء من عايله لاااا مو اي جزء ا صرتي مرت بيبر رسمي كبال الناس الي كل الي يعرف بيبر يعرف هو يحب مرته وماملت عينه لا بت ليل ولا بت بيت ..

من تزوج اعتزل الملاهي و الشرب و حتى سفر قلصه لخاطرها كلها رادت تعرف هاي منوو ، وماظهرج الهم دوم ظامج عنهم خايف لايجي يوم ويستخدموج ضده .

تالي من وكع ، وانفتحت ابواب جهنم بوجه من طارق وابو ،  شنو سويتي انتي عفتي وانهزمتي عبالج تخلصين نفسج لاا .. لو واكعه بيد واحد من اصدقاء بيبر جان باعج بفلوس اله  ، لو واحد من اعدائه جان حرك كلب رجلج عليج مثل ماهو حارك كلوبهم ..

تصرفج صدك غبي والله غبي حيل ..

فركت جفوف اديه ميته خوف ، حتى راسي صدع ، همست بتوتر :- اني اصلا رحت اشوف تالا لان حامل ..لو طالبه منه اروح مايقبل يرفض اطلع ، لذلك طلعت بلا اذنه..

-اندار عليه وجر النفس هاي جذبه راح نكولها وندعي الله يصدك بس والله ماراح تعبر عليه اعرف بس نحاول ، 

-درت وجهي على جامه حابسه دمعتي حتى جسمي جمد من الخوف ، انداريت عليه همست بخوف :- هو عصبي شي هاا ..

-مادامج مو حمل عصبيته ليش شردتي ..

-بجيت كبل :- مامرتاحه بشار والله ..

-منو مرتاح بهل دنيا ميرال هاا منو مرتاح كلمن تعب من حياته لازم يشرد وينهزم موو ..

-الفله مامرتاحه بيها كلها نفاق ودجل وناس تكيد لناس كلها موت ناس دموت بذاك البيت بسهوله برمشه عين ..

-لان انتي نظيفه ماتحملتي نفاق ودجل والله ترى هالصفات موجوده بكل مكان بكل شغل بكل زاويه بهل دنيا ، انتي جنتي عايشه ويه ناس نظاف فماعرفتي هالصفات شي عادي ..

اما الموت ، محد يعلم يومه مو انتي عود تصلين وتصومين وتعرفين الموت بكل مكان على شنو خايفه من الموت ..

-بشار انته ضدي هسه بيا حال وانته تحجي عليه ..

-عاط بيه خرعني ، تفكيررررج غلط لان احبج مثل اختي كلبي محترك ، رجعي ثقه رجلج بيج ميرال لاتخسرين كلشي من صدك ..

وصلنه وسكت هو ، حجيت موجود موو .

-اي هياتها سيارته مصفوفه ..

كصتي عركت .. بشار الله يخليك .. قاطعني تحملي افعالج مالي شغل ..

-ادعي عليك بشار ترى اني يتيمه ينقبل دعائي ..

-نتر وفتح الباب حيل عصبي .. ماتدعين الله ياخذني داخلص من هالحياه الخر*

تعال بشار ، ودي بشار ، هاي ابسط شي اليوم اركض وره وحده شارده من رجلها  وفوكها لاا نوب ماشوف دربها …

جريت نفس مختكنه اكل بروحي من خوف مارضه انزل جلبت بالكشن  ..

فتح الي الباب نتر انزلي ، رديت امتمت :- على بختك بشار ..

-ميرال وداعت اعزازي الي خلك هساع اكعد بالارض وادكن حيل والطم على حظي شرايده مني انتي ..

-شبيك تخبلت عليه انته ، لعد بيبر شراح يسوي بيه هااا ..

-ادعي ربج ماياخذ عليج رقاصه مثل ماسوه عواد ..

جرني يدخلني ، همست ابو حمد وين ..

نتر بزع :- يمكن مات ..

صحت :- هااا ..

-شدراني اني والله انتي بطرانه ماعرف رجلج شلون حاملج شكد تحجين ياربي شكد تحجييين ...

-جذاب والله تعرف .. 

-كافي ولج كااافي اسكتي ..

-دفعني للصاله حجه وين بيبرس ..

-رد صوت العامله هو انتي كنتي فين ياهانم ، صاح بيها هااي مو سالتج بيبر وين ..

في المكتب ياابي .. حجت وياي هو انتي كونتي نايمه في جنينه ياهانم ..

جرني من ايدي ، مجلب بيه عبالك مجرم محكوم اعدام وخايف لا ينهزم منه و يبتلي هو ، ولازم يسلمه للعدل .. قبل لانوصل سمعته يحجي ويه احد ..

مافتح الباب بشار . همست اله دووخر هدني قابل حشرد ..

-لا اوصلج ليمه ، وبيده ،  داخلص واروح تعبت اريد انخمد صار يومين مانايم .. 

انفتحت الباب بوجهنه فزيت رجعت ليوره اجاني صوت بجفااف يرعب ..

صاح بعامله حيل واجت تركض ..

حجه صعديها ، لميت صايه عليه خفت احجي ..

فات من يمي هف بس ماحجه ..

فتحت عيوني مصدومه ، صاح بشار تعال يله وراي ..

سكتت مافكيت حلكي ، بس اديه ترتعش ، همس بشار وهاي المهزومه ما تحاسبها حتى ماتكررها ..

مارد عليه مااجانه صوته ، حجه بشار وحده من الاثنين ياحظج حظ كحا* لو ضاملج ضمه بس الله اليعلم بيها ..

دمعت كبل وبرطمت شفايفي حسبي الله عليك يابشار جوز مني ..

جرتني العامله تحجي هو انتي كنتي فين ..

-رديت عليها ، انجبي لخاطر الله ..

-مااللك يااست كولكو بتشخطو فيه .. 

صعدت فوك دخلتني  حجت عاوزه حاكه .. رديت جنطتي و موبايلي بسياره بشار ضلو جيبيهم ..

طلعت وسدت الباب وراها اسمع الباب انقفلت بمفاتيح ..

جريت نفس ضايجه ، شوي و صعدت الي جابتهم ، دخلت ديما حجت هاا صباح الخير ..

درت وجهي حجيت هلاا .. 

حاجت العامله سويلنه ريوك وجيبي هناا روحي ..

ماحجت العامله .. نترت بيها ديما مو احجي وياج ليش واكفه ..

عافتنه وطلعت ، حجت شكد خبيثه هاي سبحان الله ، عبالك جاسوس يهودي ..

كعدت كبالي و حجت هاا وين رحتي  .

ماحجيت ضليت دايره وجهي عنها ..

-مو وياج ميرال مو كتلج يجيبوج يجيبووج ، شنو جنتي مفكره قابل بس يله جربتي وشفتي بنفسج ، هسه حاجاج رجلج شنو كالج ..

-مارديت ، حجت لاسوين هيج والله جنت اعرف بس انتي ماخذتي بكلامي ، بس المستغربه منه ماسوالج شي بيبر وين لكوج …

جريت نفس ضايجه حجيت بيش الساعه ..

ردت ب١٠ ..

غمضت عيوني بهدوء ، ماطولت شردتي ثلاث ساعات و رجعوني زين شلون عرفوو ..

-مستهينه برجلج هواي ..

-مامستهانه باحد ، بس والله حبكتها زين منو فتن عليه محد يعرف ..

-جوز الكامرات لمحتج بالطرمه ..

-ماعتقد طلعت من المنور الي وره المطبخ ، اني متاكده مابي كامرات و السياره طبكت بصف الباب و صعدت بصندوك ، كبل و ابو حمد وسن مايحجون واثقه بيهم يرحون بيها قبلي اذا حجو ..

-صخاام صخمج ورطتي ابو حمد وياج هالرجال مسكين ..

-ماعندي غيره شسووي كلكم تخليتو عني ..

-محد تخلى عنج بس نعرف العواقب رجال شصار عليه ماعرفتي وراه جهال كومه يمعوده .

فركت جف ايدي ضايجه شدراني اني يمعوده ، دمعت اريد ابجي ، معقوله مات ، كتلوو اكيد ..

سكتت لا ماعتقد رجلج يوزن هيج امور ..

همست اي هو مو قاتل ، صح عصبي بس مايسوي هيج امور ، 

حجت اكيد طردوو لان وسن ماكوو ..

دمعت بسرعه معقوله طردوهم وكطعو رزقهم ابنهم مريض يحتاج اله علاج ، 

جرت نفس جان لازم تفكرين بهيج سالفه قبل لاتخطين اي خطوه هو هم جان لازم يفكر بعايلته قبل لايساعدج على هالطلعه هاي ..

-جان باله يردلي المعروف خطيه ..

انقهرت حيل نوب كعدت اكل بروحي ، العامله جابت الريوك وخلته وكعدت يمنه ، كم مره ديما ادزها لو تصخرها دتخلص منها دنحجي براحتنه ماكوو ماتكوم بحجه خاف تردن شي ..

كعدت بالكاع يمنه واذنها متوجهه علينه ، نوب اخذها الواهس كعدت تاكل ويانه من الاكل ..

ديما ردت تحجي عن ام زياد وشلون نهاره كلها بغرفه ايلاف تبجي وتنوح ..

قاطعنه صوت العامله هي مالها كده مدلوئه على بنتها مكانت قبل كده هاملاها و دايمأ بتهزئها ..

دارنه اثنينه على العامله وحجينه كلمه ثانيه ندفرج بره والله …

سكتت ، حجت ديما و الوكيه غزل تاخذ الاكل بيدها الها للغرفه منين نزلت عليها الحنيه مادري ..

ابنها مشمور هو و نكاسته بالكاروك و حايره بام زياد ، 

من عدا عواد اكله وشربه يمها بالغرفه ، حجيت ورجلها ابو زياد وين عنها ..

حجت هو هذا لاتعتبري موجود تلكي وين دايح لو بمطعم لو بالملهى بحجه يدير الشغل مادام عواد طلعو مايخلو يدخل ..

حجيت عواد هسه وين شغله ..

ماتوقع عنده شغل  طلع على صفحه يباوع بس ، الشغل مال عقارات و المطعم بيد عدي وبشار ، والسفر بيد رجلج ودانيال و ستار ..

ذاك اليوم رايح عواد غصب للمطعم يفرض نفسه و طلعو سحل وخابرو عليه رجلج يحاجي ماعرف شنو كايله ورجع عواد عصبي للبيت دخل يشكي لام زياد من بيبرس ..

سكتت اني .. حجت عامله :- كاملي ياست وبعدها حصل اااي ..

انداريت عليها اني .. 

ديما ماعرف بشنو هفتها و نترت اطلعي برره لج شنو انتي ذباانه خماا ذباانه اطنين بالاذن …

كامت لحيلها وطفرت ، اااحي ياهانم دنا كنت بهزر معاكوو اااالله ، محنا نسوان على بعضيناا …

فكيت حلكي .. عيب هيج من تدخل بما لايعنيه تلقى ما لايرضيه .. لاتخلين اذنج يمنه اسمعي اوك تمام بس مو ياخذج الواهس وتسالين وتدخلين مامقبول هالحجي ..

-خلاااص خلاااص وربنا منا متكلمه خالص ، اهووو افلت بؤئي ، 

ابتسمت اني ، و ديما ادردم ، فتاانه مناافقه اندارت عليها :- اكول ولج منو دافعلج تتصنتين علينه ..

-وربناا مفيش حد ياهانم وزني ااي مالك كرهاني كده بس .. 

-وجع هم عندج السان ، والله اشكك بغزل لو ام زياد النذلات ، 

-وربنا و حياتك مافيش حد زائني عليكو  ..

-لاتحلفين بيه كافي اسكتي لاتراددين ..

سكتنه اني وديما بعد ماحجينه ، هاي ماينحجي كبالها ابد ، عافوني وطلعو توقعت يجي بيبر و يحاجيني بس ماصار كانو بات بره البيت ..

وسن اختفت هيه ورجلها نزلت للحديقه ادور على حسهم ماكوو ، العامله وراي سالتها عليهم ردت ماعرفش ..

تالي رجعت لغرفتي مقهوره اكل بنفسي و تانيب الظمير ينخر بيه ، دكيت على تالا اسالها على حالها ..

ردت حامل ..

حجيت بالخير عليج تكومين بسلامه ..

ممتفاجئه ولا فرحانه ليش ..

عرفت البارحه بسالفه حملج ، وين الفرح تالا وبعدج جاهل ليش استعجلتي ..

صار بعد هاهيه ..

الحمدلله راح يجينه نونو ابتسمت حتخلفين قبلي ولج ..

ضحكت اي ، بس مديتحرك ..

بيا شهر انتي ..

توه شهر …

ميتحرك هسه اقل شي ٤ اشهر ، ادخلي على اليوتيوب وابحثي و شوفي تثقفي شويه .

مالي واهس حايره بهل زمال الي عدنا بالحديقه ..

فتحت عيوني اشتريتو ازمال شسون بي ؟؟

لا ولج اقصد دانيال ..

سكتت بعدين حجيت شبي ..

رجع للسكر والعربده ماتكولين رجلج يشوفله صرفه فدوه لعينج تعبت مابيه حيل اتعارك وياه والله ..

-هو وينه رجلي داحجي وياه هم كالب عليه ..

-كلهم كواو* انعل ابوهم لابو فوك مارضينه بيهم اهل الريحه الخايسه ..

-عاب حلكج بيبر مايوم شميت بيه ريحه و صخه يكرم الله ..

-شبي الزمال العدي لعد من يرجع من بره ، عبالك واكع بمنهوله ..

-ضحكت الله الي يعلم شنو جايب الج امراض من بره ياتالا لاتخلي يتقرب منج ، 

-طاردته صار فتره ، هو ينام بصاله واني فوك بالغرفه ، 

-الله يهديهم جميعا ، تعالي الي باجر عفيه ..

-ماعرف خاف هذا رجلج حقير هم موصي الحارس ميدخلوني ..

-لا عود احاجي اني ..

-مو تكولين ماشايفته ..

-همست بخيبه اي ..

-من تتصلح اموركم كوليله وعود اتصلي عليه اجيج …

-تمام ..

سديته منها ، اخذت فتره مطنشني تماما ، ما يوصل يمي ، احسه هجرني ..  اجت عامله ثانيه هي وبنتها يشتغلون بنهار وباليل يرحون ، 

هو نهاره بالشغل وليل يبات بالمكتب ، قهررني قهررني بشكل ، متت من القهر والمغثه لو يعاركني ارتاح ..

ولا اني اجرء اروح اله اعاركه واعاتبه بيا عين ، طلعت حاجيت بشار يقهرني يكلي يمكن تزوج عليج ذيج الرقاصه جان يعرفها صعد الصخونه لمخي ضليت افور ..

-ادعي عليك بشار الله مايوفقك ترى ..

ضحك هييي هييياي ، الي يسمعج توفيق الي عندي هيج يطفر يطفررر ، عاط بيه بعصبيه وقهر :- ماااكل خر* اني المره زعلانه و الطفل ماشايفه و اهلي طارديني شيصير بيه بعد ..

سكتت ، بشار بداعتي صدك يعرف وحده دمعت اريد ابجي ..

-حجه اوو اشاقه وياج والله لازعلين ، وين لاكي وكت هو هالمسكين ، روحي صالحي لا ياخذ عليج ترى نسوان مكومات عشره بالف ..

-ماتزوج لعد مادام عشره بالف ..

-الكلب ومايهوو كلبي عاشقها لبنت نعال ذيج ..

-خلص لعد هو هم لو بس انته تعشك وتحب ورجلي لاا عابت لوجهك اي والله ..

-فوكاها ..

-ولي بشار ..

عفته ورجعت دخلت احجي اني وروحي ، باليل رجع وره ال١٢ اني انتظره سمعت سياره من وكفت بالكراج ومن نزل وسد الباب ، 

ردت انزل اله واحاجي وخفت يفشلني كعدت بالغرفه انتظره بس ماصعد جن نام بالمكتب جوه ، تحملت وتحملت ..

منا غزل وام زياد وضعهم ابد مامطمني سكوووت وهدوء عارم ، و عواد هم ماله شغل بينه حتى ديما مبطل منها …

 يومين واجه دخل للغرفه كلبي يدك عليه متلهف على صوته ، شكد انقهر من يطنش عليه ، خاصه بعد الصار خفت لا صدك انحط على ركن مثل ديماا ..

الفكره لوحدها تكتل بالمكان مو عاد تتحقق ، يتحرك بالغرفه بهدوء و ينزع بساعته اذاني يمه عيوني تفتر ، وكلبي يدك حيل ..

مشتاقه اكوم احظنه واشمه شبقالي اني قابل غيره من بعد روحه اهلي واحبابي ..

بس هو حنين عليه و يحبني ويخاف عليه ، تندمت شوي لان سويتها وانهزمت ونوبات اكول لاسويته صح ..

ضليت على كعدتي والموبايل بيدي اسمع كتاب صوتي نزلت المايكرفون و خليتهم بحظني همست شلونك ..

مارد عليه ..

-لاتعاقبني هيج  ..

اسمع صوت المحبس من خلاه على ميز وافتر ، حجيت بيبر مو وياك ماسويت شي غلط من حقي اطلع انته حابسني هاي النتيجه ..

فتح الكنتور و كلب بالملابس مارد ، لزمت صدري ياذيني ، مامعتبرني موجوده ..

كمت وكفت موو ويااك ، لاسووي هيج لا تستخدم وياي اسلوب تجاهل احجي شي ..

وكف حجه ، شتردين ..

بلعت ريك لهثت شوي ماعندي شي طار الحجي ، حجيت كوه من شنو ضايج مالك حق تزعل اصلا…

-وبعد ؟؟!

اشرت انته حابسني جابرني على العيشه هنا وكتلك ممرتاحه ..

-اي ؟؟!

-شنو اي ، ابو حمد وين هو ومرته ..؟

مالهم كعده هنا بعد الي صار ، الي يتصرف وره ظهري ما اكسر ظهره بس لاا ادمر اله عيشته ؛ بس الي وكف بعيني رجال جبير فطردتهم بس وهم يدبرون نفسهم اما انتي حسابج غير شكل ..

-جتفت اديه منوو انته وتعاقب بناس بمزاجك هااا شنوو نشتغل عندك لو الهوى والنفس بيدك مثلا ، رجال اني طلب منه وراد ينفذ طلبه بس على اي اساس تطرده ولييش ..

-على اساس اني جاي ادفعله راتبه ياخانم ، وكلمتي هي الماشيه على الكل مادامكم جاي تاكلون من جوه ايدي ..

-اني اريد اطلع منااا ..

-للكبر تدللين ..

سكتت ضغطت على سنوني ، انتفس بقوه ضايجه ..

حجه خسرتي ثقتي تدرين ، رخت ملامح وجهي ، ماجنت انطي ظهري لبشر بس الج و تعلمت بعد عملتج حتى بيج مامن …

استخدمتي ناس ضدي ماجنت متوقع تطلع منهم هيج طلعه ، بس هذا درس الي ما انطي ظهري بعد لاي كأئن حتى لو هذا الشخص لامسك كلبي ..

-حبستني انته جابرني على سكن هناا حاجيت وياك كتلك ، عوف كلشي وتعال وياي ..

-ميرال انتي مو ماشوفين بس لاااا انتي ماتعرفين ماجاي تفتهمين الموضوع داكلج ماكدر ماكدر ..

خلص تعبت مابيه حتى اشرح الج مجاي تستوعبين ، 

جر ملابسه من كنتور حيل ..

بجيت اني اختنكت والله كاافي ، ماريد اضل هناا ..

-نتر وووين تردين هااا وين مفكره توولين اذا طلعتي لعند ام ساري حايره بلكتها هي و جهالها لو عند اختج حايره بمرضها ورجلهاا لو لصديقتج الي ماتندلين حتى بيتهاا المن توولين ماعندج مكان غيري ..

كعدت على كرسي ابجي تعرف كل هذول واستغليتني انته ..

-ماستغليتج انتي وحيده الي قربتها مني وماستغبيتها حبيتج ولكيت بيج ذاك الطفل الي ضاع بشوارع والسجوون رجعت بذاكرتي ذيج البرئه ..

قربتج على امل اتعلم منج ارجع نظيف مره ثانيه بس والله يوم عن يوم ثبتلي تفكيري غلط مايعيش وياكم انتو بس الحقير و الي يحسب لك خطوه حساب ..

اكتشفت مايعيش بهل دنيا غير بس الي لازم لزمات على الناس و الي عنده فلوس وقوه ، الطيبه والظمير ماتفيد ..

ابسط مثال ويااج مجرد مانطيتج ظهري شردتي لو ماحاسب حساب لهيج خطوه منج جان الله يعلم وين انتي وين مصيرج ..

كلكم نفس الشي كلكم بشر ناكرين للمعروف ماقصرت وياج بشي دلال احترام تقدير كلشي تردي قدمته بلا ماطلبينه بيش جازيتيني عيشه ماترضين تعيشين وياي ..

مو كلتي من عقدنا على سراء والضراء لو لاااا ..

دنجت ابجي ساكته ماعندي جواب ..

شفتي شلوون ، لاسون نفسكم ضحيه ، اني ضحيه حقارتكم و غدركم ، انا الضحيه الي متحملكم ..

عافني ودخل للحمام ، خليت اديه على وجهي اشهك مقهوره حيل منه ، مانطاني مجال اكلني وشربني ..

كمت لحيلي امسح بدموعي رجعت شعري وره اذني و مشيت لعنده للحمام ..

وكفت يم الباب  اشهك ، لاتاخذين بالصياح مارضه افتهمت .

ماحجه بس ينتفس وويسبح ساكت ..

رفعت اصبعي و اختي تجيني شوكت ماتريد ماقبل تمنعهم عني ..
هم مارد ..

و نومه بالغرفه يمي مالك هم ..

ساكت ..

وهاي العامله ماتضل يمي ماريدها منافقه اعرف سبب منها ..

ساكت و صوت الماي ينزل مستمر ..

وكفت مسحت خشمي اشهك مو احاجيك .. انعتيت من ياختي حيل عليه و دخلت بنص الماي ، همس اسكتي …

حظني جوه الماي ، بعد ماجنت معصبه سكنت و هدات ملامحي رفعت اديه حظنته مقهوره ، 

-لاتعيديها …

-طلعني مناا ..

-نطلع منا اني وياج ، بس اصبري عليه كلها التمت عليه ميرال لاتصيرين وياهم ضدي ..

'خايفه بيبر والله ، رفعت راسي عليه خايفه لا سكتت ..

-مايصيبج اذه واني عايش والله ، عيوني عليج بكل مكان ، بس خليج يمي ..

-اني داعذب نفسي من داخل مو منهم همه ،  اني خايفه لا اخسر مبادئي و تربيتي قيمي واخلاقي وكلشي ، داخلي شي وعايشه ويه شي اني مستحيل اقبله .. 

-سكتي للصوت الي بداخلج فتره حاولي ..

ماحجيت حظني و دنج راسه على ركبتي باسني بهدوء ، صار شكد عايفني هو واني هم جنت ضايجه ومبتعده ، عواطف غلابه بهيج مواقف ..

رفعت راسه بديه و بسته ، همس لاسوين هيج وتخبليني عليج ..

رجعت كررت بوساتي بهدوء ..

حفقد احساسي وياج مو خوش ..

عضيته بهدوء مبتسمه ، همس يم اذني راح تصيرين ضحيه اليله ماكو مفرر ..

رفعت اصابعي لشعره المبلل ، مامشتاق الي ..

كل ثانيه انتي بالي و يجيني الشوك اداهمج انتي وانوثتج واتريث واكول تهدا بابن الناس ، هيج بنت ترفه ما تنوخذ غصب ، 

مديت اصابعي على شعره وصلت لمؤخره راسه جريته عليه ، ابتسمت سويها فد يوم و داهم ..

ضحك درب جديد هذا ..

احب التجديد بيبر ..

شالني شيل و ارتفت رجليه عن الارضيه .. حسوي تجديد ميرال واكلبج النهار ليل شتكولين ..

ضحكت تمام ..

#يتبع ....

بارت خفيف لطيف ، 💜

وشكرا من كل كلبي على دعواتكم ، صدك انتو اخوات فدوه الكم ..

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق