رواية قضبان الجنوب ( فصلية ) الفصل الخامس 5 - بقلم Hend_AlBoor

صفوان : داموت عباس .. اني داموت .. بقت ع النوم ..

عباس : اتعوذ بالله من ابليس .. شبيك .. شصاير وياك ..؟

صفوان : ما صاير ..

عباس : كوم .. كوم ارتاح و ناملك شوي .. و ربك كريم

حياة : اجوي عمامي و خالاتي .. البيت نكلب هوسة ..

ريمان : حيوته انتي اكعدي اني اضيف لما يجون المشايه .. انوب يشوفنج تعبانه يكصن بيج النسوان

حياة : صدووك يكصني ..؟؟

ريمان : شعبالج عيني النسوان اول ميبدن ياكلنج من فوك ليجوا .. و يعيبن 😂

حياة : يااا .. لتخوفين بكد ما اني خايفه

ريمان : ههههه دا ارفع معنوياتج يول

حياة : مقصرتي ..

صارت الساعه 9 .. طبعا من ورا امي البيت كله ماخذ وضع انذار و استعداد حتى ابوية ما سلم منها ..

سمعنا صوت سيارات بالباب .. ورا اشوي رن الجرس

ام حياة : ماعرف فرحتي بيوم بنتي مادري قلقي عليها .. كولشي اختلطت كمت ماعرف شسوي .. و نوب ضغطت عليهم

دانيال : طلعت فتحت الباب .. الدنيا كالبها .. هي كلها حياة ههه

عم معاذ : السلام عليكم

دانيال : وعليكم السلام .. هلا حياكم تفضلوا

طلع ابوية اتلكاهم بالحوش .. اتطب الزلم و النسوان اريدهم يخلصون ماكو ..

بوسناهم و كعدنا بغرفة الاستقبال .. بس الزلم .. النسوان كعدن بالصاله ..

ام معاذ : وين العروس اشو ما شفناها ..؟

ام حياة : هسة تجي .. تعرفين البنات اشوية يستحن

ام معاذ : ع راحتها بعد روحي ..

حياة : صاحتني امي .. علمود النسوان يشوفني .. نزلت

السلام عليكم

ام معاذ : وعليكم .. هلا هلا .. صلوات ريم مو بنية

حياة : بوستهن و كعدت يم امي .. يمكن خجلت منهن اكثر من ما اخجل من معاذ .. شلون موقف صعب هذا ..

ام معاذ : والله عمي عرف يختار وليدي .. كمر ماشاء الله ..

ام حياة : الله يحفظج و يحفظ معاذ گلبي

ابو معاذ : ابو ..؟؟؟ المحروس شسمه ..؟

ابو حياة : دانيال

ابو معاذ : الله يحفظه الك

ابو حياة : و يحفظلك الغوالي

ابو معاذ : ابو دنيال عيوني احنا اليوم جاين و نتشرف بطلب بنتكم المحروسه لمعاذ ..

ابو حياة : النا الشرف .. و البنية بلغتني قبل اسبوع و اتشاورنا بالموضوع .. و ماعندي اعتراض انو اناسب هيج ناس طيبه .. مادام بنتي موافقه هذا اهم شي عندي ..

بس تبقى طلباتها و شروطها ع الولد ..

ابو معاذ : و احنا حاضرين بالـ تريده العروس

دانيال يودي صواني جايات و يجيب
يتفقوا على كولشي و شروط البنية

ابو معاذ : يجرى الـ تريده .. و احنا حاضرين لاي شي بعد .. البنية بنيتنا و عزيزة عدنا

ابو حياة : الله يعزك ..

ابو معاذ : نقرا الفاتحه ع بركة الله

معاذ : انا ساكت و استمع .. لو تطلب حليب العصفور اجيبه الها .. من جاي نقرا الفاتحه احساسي ماكدر اوصفه .. اتمنيت اطب احضنها .. و اكللها هايهية صرتي ملكي ..

حياة : طول الكعده يمهن ساكته و هن و امي و خالاتي يسولفن .. امي حققت وياهن تحقيق كامل ..

اذني يم اصوات الزلم ..

كالوا اقروا الفاتحه .. گلبي رجف .. شنو شعور معاذ بهاي اللحظة ..

قريناها و كامن يهلهن امي و خالاتي و النسوان الـ جني .. كامن بوسني و باركلي ..

ريمان : هواي فرحتلها رغم مارتاح لمعاذ .. بس مادام داشوف الفرحة بروحها و عيونها .. افرح الها

الف الف مبروك گلبي .. تستاهلين كل خير

حياة : تسلمين عمري يوم الج و لـ محمد و نفرح بيكم

ريمان : آمين ..

حياة : الناس بقوا اشوي وراها راحوا ..

اما عمامي و خالاتي للعصر بقوا و راحوا .. اني بين فرحتي و بين هلكت من التعب .. بس حسيت شوط طويل عبرته ..

حسب كلام ابوية اتفقوا ع النيشان نشتري الخميس و كطعان مهر سيد الجمعة ..

نمت بهاي الليله .. مثل غفوة طفل بحظن امه .. ميهمه شي بالدنيا ..

معاذ : ملكت العالم .. حتى متحملت يوم السبت لان عطله ردت بس الاحد يجي .. حسبت دقيقه دقيقه حتى اشوفها بالكلية ..

رحت بيومها من الصبح حتى الكلية فارغه .. بقيت افتر لحد ما اجوي ربعي .. وكفت يمهم ..

اتاخرت اليوم ..؟

حياة : اخذتني النومة يمكن صحيت ع المنبه طفيته و نمت ..

كعدت متاخرة اركض مدري اكعد داني مدري ابدل .. حتى ماتريكت .. لما بدلت نزلت لكيت دانيال يشرب جاي بالمطبخ

امشيييي ..

دانيال : الجاااي .. الجاااي

حياة : بالكلية اشررررب ... راح تروح علية المحاضرة الاولى

سحلته مخيلته يشرب الجاي ..

وصلت للكلية .. طبيت للقسم ركض جان ادعم معاذ

اسفة .. اسفة

معاذ : فدوة الج .. ليش متاخرة بالي يمج

حياة : مادري اخذتني النومة

معاذ : نوم الهنا گلبي
اطمني الاستاذ اتاخر علينا اليوم .. لتركضين

حياة : تمام ..

معاذ : تعالي .. عازمج ع كلاص جاي ..

حياة : لاا ..

معاذ : ليش حياة ..؟ صرتي حلالي

حياة : معاذ بعد مصاير شي رسمي ..

معاذ : ع راحتج بس من نكطع مهر سيد خلي ابالج ماعوفج دقيقه

حياة : ابتسمت و رحت توجهت للقاعه جان يصيحني ..

معاذ : حياة ..

حياة : التفتت ..

بلي ..

معاذ : ( بهمس) احبج ..

حياة : كملت طريقي للقاعه و اني كمت ماندل عمري .. لكيت روحي يم ريمان بدون ماحس ..

ريمان : هلا حب .. اشبيج مثل الصنم واكفه .. اكعدي

حياة : اي .. اي

ريمان : حسبي الله عليك معاذو .. ضيعت البنية

حياة : ها ..؟

ريمان : ماكو شي ..

جهاد بغرفته يسمع صوت صفاره يصعد ركض لفوگ السطح

: رياض .. لكككك انا مو حذرتك ما تصعد و تطير طيورك ..

رياض : هييي ترة انا بكاعي

جهاد : كاعك شني .. انزززززل لككككك جااااايك .. اليوم اربيك اخاف ابوك ماعرف ...

تين : جهااااااد ... جهاااد .. جدددددي الحككك

ينزل ركض و يدردم باعصاب

زينة : يبووووو راح يتعاااارك سووووسن وووووين خاااالد ...؟؟؟

جهاد اباب بيتهم يصيح : اطللللععععع ... لكككك جبااااان

خالد بسيارته من بعيد يشوف العالم ملتمة :

شسالفه ..؟ شني منو مات لا اله الا الله ..؟

ينزل يمشي يمسع صوت جهاد يركض من بين الناس يشوف اخو فوگ رياض و يضرب بي بوكسيات يعيط

لككك جهاااااد ...

يسحبه و يدفعه على الحايط و يصيح

شبيييييك .. شكوووو .. شمااااالكم .. عييييب عييييييب

جهاد : حاااااجي ... حاااااجي المااااعنده عرررض و غيييييررررة

خالد : عيييييييب جهاااااااد

رياض : جااااا اناااااا بكاااااعي موش بكااااع ابوووووك

خالد : رياااااااض

كااااافي انتتتتتم الاثنيييين

جهاد : ابووو رياااااض ربيييي ابنكككك

ابو رياض : ياعمي شيوخ بس لا تتسيدون ع الناس و تسبون

خالد : العفوو منك عمي .. شني ماتعرفنا

ابو رياض : الك الحشمة شيخ خالد .. لكن اخوك ماخلة علينا شرف و عرض

جهاد : ووو انتم خليتم عرررض و حشمةةةة ابنك كاااشف ع حريمنا و هووو يطير طيوووره

خالد : جهاااد ..

جهاد : شماااالك خاااالد اكلك كااااشف ع حريمناااا

خالد : يخسسسسي .. ماااا تنحل هييييج الامووور ..

رياض : كمت وكفت ع حيلي بالكوة ..

يتامر حضرة جنـ ....

ابو رياض يضربت ابنه راشدي

ما خليت ماي بوجهي من ورا هالطيور

خالد : ابو رياض .. عمي ماتنحل بالضرب .. منا السلف كلها ملتمة ..

يدخلون للديوان يگعدون

انا ماردت اكبرها بالشارع كونن الشغله بيها عرضنا .. و الا يا عمي السالفه جايده
و ما هينة

ابو رياض : عندك الحك بكلشي .. و ركبتي سداده

خالد : لا العفو منك ابو رياض .. ما توصل للدم .. المطلوب ابنك ما يطير طيوره فوك لان سطحكم بنص بيتنا و كاشف ع نسوان

ابو رياض : انت تامر امر شيخ ..

خالد : هاذ كافي .. كلمة الزلم منك .. و ان شفته مرة ثانية يطير ترا ما يلوم الا نفسه و تعذرني

يا عمي انت ما تقبلها ع عرضك

ابو رياض : لا والله اسوي الـ سواه جهاد و اكثر .. الا العرض شيخ خالد

خالد : هالمرة الحاصل خير .. و انا اعتذر من تهور جهاد احسبها علي

ابو رياض : معذور بوية ..

خالد يصعد فوگ تعبان يصيح : سووسن .. وينج يا مرة

سوسن : عيووني .. جاية

خالد : وين هدومي اريد بس اسبح و انام جسمي هلكان ..

سوسن : صار تدلل ..

خالد : تمددت ع الجرباية ..

سوسن : شفت المايستحي ع دمه .. مايكول اكو نسوان عيب .. تخبلت الوادم

خالد : جدي وين ..؟

سوسن : نايم ..

تتقدم و بيدها الهدوم توگف يم راسه

شسويت وية هالنذل ..؟

خالد : ياهو ..؟

سوسن : رياض ..؟

خالد : خلج من سوالف الزلم ام سكينة ..

سوسن : هاا .. سوالف زلم لو لان مروو اخته

خالد : يهيييييي

سوسن : لاا و مراضي اجيب طاريهااا حتى

خالد : سووووووسن ..

سوسن : طبعااا اتطلكت و حنيت موو .. خااالد ترة منايمة و رجلي بالشمس

خالد : بوووية فكيني من وساويسج هاااي خليييي ارتاااح

سوسن : لووو اني لووو مروووة

خالد : شسااالفة قااابل متزوووجها انا .. ااااااسكتييييي

سوسن : هاااا شوووووف بيييينت نواااياااك تريدهااا .. طبعااا حبك الاووول

خالد : كصررررري حسسسسج يااااا مرررررة

سوسن : مااااا اسكتتتت مااااا ااااسكتتتت

يضربها راشدي و يجرها من ايدها باعصاب يحجي : صوتج طالع سوسن

سوسن ببكاء : انا مابقى بالبيت زززين .. اشبع بمروة

خالد : لو تخلين هاذ عگلج براسج لو باب التطلعين منه ماترجعين فهمتيييي و الطفله ماتاخذيها

سوسن : ماابقى .. ماخليت عگل انت

خالد يدفعها و ينزل :
زينةةة .. زينةة

زينة : هاا .. هاا

اجيت ركض من الحوش ع صياح خالد ..

خالد : جيبلي المنشفة

زينة : صار ع امرك

الله يهديج سوسن شسويتي مصيبة و هيج نزل عصبي

جهاد : هاي شكو ..؟ اريد انام

تين : مادري عمري .. نام انت احد لازمك

جهاد : مو اجي اموتج

تين : هههه الموت ع ايدك حياة

جهاد : مممم اموت عليج تينتي

تين : و انا بعد يابعد گلبي .. حبيبي راح انزل اكل تريد اجيبلك شي ..؟

جهاد : لا عمري .. بس طفي الضوة

تين : تامر ..

تنزل ببطئ من غرفتها

طبعا اريد انزل اكل و من وراهم خفت اطلع

زينة : ليش شكو ..؟

تين : مادري .. يمكن تعاركوا اشو صياحهم طلع ..

زينة : و انتي ليش خفتي .. انزل شعليج منهم

تين : خفت من الشيخ .. ولج اني من صياح جهاد اختل انوب خالد

زينة : و انتي الصادكه .. خرب يومج سوسن خلته يفور و دزته علينة ..

تنزل سوسن بيدها جنطتها و تبجي

هاي وين ..؟

سوسن : ماعليج زززين

تين : استهدي بالله سوسن .. صدك جذب والله جدي يزعل اذا طلعتي هيج

زينة : اي ماعدنا نسوان تزعل .. جا شخلينا للوادم اذا مرة الشيخ زعلانة

سوسن : و انااا .. ابقى ع نار عايشه حتى الوادم ماتحجي .. انا بعد ماريدن الشيخ

زينة : عافتنا و طلعت ..

خايبة خلي محرم يوصلج شسااالفه

سوسن : مااااريد ..

تين : الله يستر ..

الجدة : يمة شنو هالصوت ..؟ ياهو ..؟

زينة : حبوبة ماكو شي ..

الجدة : هاا .. جا شمالها سوسن راحت ..؟

زينة : والله حبوبة حالي حالج مادري شصاير ..

الجدة : الله يهدي النفوس يايمة .. الله يهدي ..

خالد : طلعت من الحمام .. صعدت لغرفتي .. شفت الكنتور مفتوح و نص هدوم سوسن ماكو .. نزلت ..

تين

تين : ها ..

خالد : سكينه وين ..؟

تين : يم حبوبة .. ليش شصاير شيخ ..؟

خالد : سلامتج ..

يصعد ينام بسلام بدون نق زوجته يصحى المغرب ع صوت جهاد ..

جهاد : خالد .. خالد ..

خالد : ممم .. هاا .. هاا

جهاد : اكعد .. عمك جوا بالديوان

خالد : اكيد علمود سوسن جاي ..؟

جهاد : شصاير خوية ..؟

خالد : سوسن حولت حياتي وياها جحيم جهاد ..

ينزل للديوان

هلا عمي .. توه نور البيت

ابو سوسن : هلا هلا بالشيخ .. يابوية شنور ..؟ شصاير ليش هيج ..؟

خالد : والله يا عمي من الاخير مرة تطلع بدون علم زلمتها .. مالها رجعه للبيت

ابو سوسن : هااا .. بوية استهدي بالله شسالفه .. بينكم بنية

خالد : ياعمي والله طكيت .. بنتك عدها وساويس اكلت راسي بيهن .. مجاي اشوف الراحه

ابو سوسن : مشاكل و تنحل .. لا تكبروها

خالد : و انا ما كبرتها.. شهر و انا افوتلها و اكول ايام و تسكت و ارتاح ..

عمي انا كلت لها رجلج اذا عتبت باب الدار رايحه .. ما ترجع و ماتدخل البيت .. و انت تعرف المرة اذا كسرت كلام رجلها .. شيصير

ابو سوسن : لا عمي كول يالله ..

الله يهديج سوسن ..!!!

خالد : خلها يمك لحد ما تهدا و تجيني انت و تكول هدت .. انا ماردك و اخلها ترجع معززة مكرمة

اما تفرض نفسها و تعلي كلمتها ع كلمتي .. بيناتنا المحاكم

ابو سوسن : الله يهديكم و يكتب الخير شيخ .. ما توصل للمحاكم

حياة : مر الاسبوع و بيوم كطعان المهر امي رتبت حفلة صغيرة بس الاهل و خوالي و عماتي ..

للحفلة لبست فستان بنسل قصير .. ربع ردان .. لون ماروني .. شي كولش نازك و مابي حركات ..

كعدت بالصاله من سالني الشيخ و جاوبته ب نعم .. و الهلاهل و الجكليت ع راسي ..

لحظات بحياتي ماعتقد راح تنعاد .. خفت هواي و انقهرت لان راح تصير ماضي

طلع السيد و بقينا بس نسوان .. و طبعا معاذ بقى ..

حياة : دخل معاذ گعد يمي همسلي

ادري شطالعه اليوم ..؟

حياة : شنو ..

معاذ : ارحميني ..

حياة : ابتسمت و دنگت راسي من الخجل

جابوا الذهب جان يبدي يلبسني القطع .. و اني بين الفرحة و بين الخوف من هاي الفرحة .. حسيت باي لحظة ممكن اصحى و الگي كل هذا حلم

بس لا ليش .. ما ذنبت و لا غلطت و لا لوثت صبري بتعدي ع حدود ربي .. اكيد جازاني بهاي الفرحة .. الله ميظلم عباده

اللهم اني كان لي فيه خيرا فقربه و تمم .. و ان كان لي فيه شرا فابعده عني و ابعدني عنه واكفني شره .. و ثبتني ع ع قدرك و اختيارك و ارضني به

هاي صارت دعوتي بكل صلاة .. من فرط حبي له كمت اذكره بكل دعاء

مرت ايام من داومنا و كلها عرفت بخطوبتنا .. و باركت .. خفت ع حبنه من عيون الناس ..

لان جان شي ممتوقع لاي شخص بقاعتنا انو اني و معاذ هيج فجاءة ننخطب بدون مقدمات

صفوان : ابعد بروحي .. بس هي الرايده عذابها .. و عذابي ..

ابتعد تلث اسابيع .. حنيت .. قنعت روحي بـ يمكن ..!

يمكن جذبت علية و كالت هيج حتى ابتعد .. مالازم استسلم .. و احاول اقنعها بحبي ..

رحت لقسمهم .. من بعد هذا البعد المغصوب عليه .. حسيت اني طاب الجنة .. مو قسمهم

شفتها من بعيد واكفه وحدها .. كل جسمي وكف .. حياة حتى بحركتي تتحكم ..

معاذ : حبيبي اجيت الجهاز و اجي نسيته ع الاستول ..

حياة : تمام عمري ..

معاذ : انتظريني دقايق ..

صفوان : اتقرب بهدوء .. الظاهر للناس هيج .. بس اني داخلي ساحه حروب و مشاعر .. گلبي ذبحني و اني متوجه الها ..

حياة : رفعت راسي جان اشوف صفوان .. ع بعد مسافه مني .. صار فترة ابتعد .. مكمت اشوفه .. نسيت امره

صفوان : من شالت عينها .. وكفت و اني كلي عشگ لعيونها ..

دنگت راسها .. انتبهت ع ايدها لابسة حلقة ..

نوت ع موتي بنت الناس .. اجتني حالة بجي بشر ماباجيها .. و اني اصارع بروحي و الزمها .. عيب .. و روحي تريد تبجيها ..

معاذ : اخذت الفون و رجعت لحياة ..

ها حبي اتاخرت ..

حياة : لا عادي

صفوان : من شفت معاذ .. و سمعته .. ماعرف اي شعور تملنكي بهاي اللحظه ..

انتبهت ع ايده .. وصلت بالغضب لمرحله احس كل الغضب بين بوجهي و گلبه وحش

بين الما مصدك و بين الواقع الگدامي ..!!؟

مشيت سريع عليه .. من وصلت له انتبه لي .. اول ما رفع راسه و شافني .. ضربته بوكسي بكل حيلي ..

لككككك نذذذذذذذذل ...