رواية قضبان الجنوب ( فصلية ) الفصل التاسع 9 - بقلم Hend_AlBoor

كـ الـوبـاء انـت قـد قـتـلـتـنـي
مـن الـوريـد الـى الـوريــد ..

معاذ : صعدت ركض .. فتحت الباب .. ساكنه .. بس تشهك بالنفس .. حيل كرهت روحي ..

حياة ..

حياة : دخلت بمرحلة الا شعور .. حتى من سمعت صوته و هو ينطق اسمي .. عبالي هذا من خلق عقلي و افكاري .. كام يتكرر اسمي .. رفعت راسي من شفته كمت من مكاني

شتسوي جاي ..

معاذ : حياة .. اهدي

حياة : و الك عييييين تجيييي .. اطلع براااا

معاذ : بس اهدي حتى افهمج ..

حياة : داكووول ماريد اشوووفك ماررريد .. ماريد اسمع شي

معاذ : بس اهدي .. احبج لا تتخيلين احب غيرج

حياة : بعدك .. بعدك عايش بالنفاااق بعدك تجذب .. بعدك تريد تعيشني بالجذبة مالتك ..

معاذ : مووو جذبة .. شبييييج افهميييي

حياة : شااافهم شنوووو ...؟ و الـ شفتةةةةة شنوو

معاذ : ماحبهاا .. والله ماحبها

حياة : جنت تتغزل بيها .. جنت تكول الها كل كلمة كلتها الي .. انت اشلون تعيش بهيج نفااااق شلووووون .. شلوووون مانتبهت لووووجهك الثاااني فهممممنيييي

معاذ ماكتفيت بية .. شسويت اني .. ليش ارتبطت بية جان عفتني من الاول

معاذ : مكتفي عمري .. انتي الوحيدة بگلبي .. جاي اكولج ماحبهااا .. حبي كله الج .. اما هذني هيج تسلية .. اكضي وكتي .. التعرض روحها الي ماردهاا

حياة : انت شدتحجي .. شدتحجييييي .. هذني شنوو ..؟؟؟ انت شدتحجي معااااذ

معاذ : والله احبج الج وبس .. صدكيني حياة .. افهمي انتي حبيبتي و زوجتي و ام بيتي رح تصيرين

حياة : حبيتك اني .. تفهم شنوو حبييييتك .. مجنت العب مدااالعب .. انت متحبني اااانت تحب رووووحك و بسسس

معاذ : ااحببج اكثررر منج .. بس هذني ارخااااص .. و انطني شغلات انتي ما انطيتيهن .. لا الزمج لا ابوووس متقبليييين شصير اني من اشوف بنية جاي تعوض عن كل هذااا

حياة : لاااان مردت الووووث حبي الك .. مرررردت بيدي اوديك لجهنم و اتعدا حدود الله بيك مو تروح تخووني بهيج حجة

معاذ : و انا فهمت هالشي ..و ماضغطت عليج .. حياة جاي اكولج احبج .. لوما احبج ماجيج لهنااا .. فدوووة اعقلييي

حياة : اني ابجي بصوت عالي .. بدون مادري بروحي .. فقدت السيطرة ع عيوني .. جسمي .. روحي

مداستوعب اي شي من كلامه .. ركضت اتقربت يمه .. قبضت جف ايدي اليمنى و ضربته ع گلبه

هذااا .. هذاا اشلون ديفسر الحب اشلوون .. اشلووون هااااا

معاذ : لزمتها من ايدها .. اريدها تهدا .. اعرف صعب تفهم بس لازم تفهم انا احبها و الباقيات نزوة ..

هذاا رايدج و هاويج .. لا تهدمين الـ بنيناه بسنتين حب .. جاي اكولج ماحبهن

حياة : انهدم معاذ .. هدمته ااانت

معاذ : انت جاي تهدمييي .. كل شاب يسوي الـ انا سويته .. خلي عقلج براسج

حياة : مووو ااااني ااانت نذذذذل .. اذااا ذوووقك الرخيييص ليش ااااني .. ليش اجيت عليةةةة ااااني ..

معاذ : انتي تحبيني و انا اعرف انتي تموتين بية و رايدتني .. و انا بعد رايدج ...

حياة : مفكرت بية .. شلون گلبك انطاك تتغزل بوحده لخ و تحبها .. مكلت اكو گلب ديدوك علمودي .. حرام عليك ليييش مفكررررت بيةةة .. لو حسبتني حساب الرخاص ..

معاذ : لاااااا .. انتي بحالة اعصاب و منهارة مجاي تعرفين شجاي تحجين ..

حياة : لازم ايديني .. جريتهن منه

اني اذا رضيت بيك .. معناها اني مثلك معاذ .. معناها اني وحدة وصخة .. خبيثة مو الخبيثون للخبيثات ..

معاذ : لجججج هاااي شجابهااا ع هااااي

حياة : احبك .. اي .. اي و ماعتقد راح تحبك وحده بكدي .. لووو تموووت

بس لهنا و هايهية معاذ .. ما مستعدة اقدم طهارتي و بنتي الك و لوصاختك ضحية .. ماريد ادفع الثمن بعدين

معاذ : شجاااي تحجييين ...؟

حياة : انت تحسبه لعب و حلال لان هن قبلن .. بس كله يطلع بية و ببنتك .. كله بعررررضك يطلع السويته باعراض الناس

معاذ : حياااة مااااا يشبهنج هنةةةة .. انتي غيييير .. افهميني هي ترخص نفسها .. افهمي مابيهن حوبة افهمييي

حياة : اذا صدوك ارخاص .. اي الله مياخذ الهن حق .. ياخذ الحق منهن و منك .. الله ياخذ حق تجاوزكم ع حدوده .. و ينتقم

معاذ رخصن نفسهن لغيرك و امتنع .. متتساوة بهذاااك .. ماااا صنتني

و اني .. اني الـ اتنازلت عن كولشي .. والله اتنازلت .. كلت اروح وياه وين ميرح .. ولك اني تناااازلت عن ااااهلي لخاااطرك

معاذ : گلبي والله دتخربطييين بالحجييي اهدددي

حياة : اطلع برا ..

معاذ : حياة لخاطري اهدي .. شبيج فدوة

حياة : و اني اخذ قرار .. ابتعد عن انسان جنت افدي روحي حتى ابقى بقربه .. ابجي و احجي وياه .. لان صعبت علية روحي حيل ..

يمةةة .. يمةةةة

اجتي امي ركض صحت

طلعي برااا

ام حياة : معاذ

معاذ : اعرف خالة .. اني طالع .. من ترجع لعقلها اجي ..

يطلع يگعد بالسيارة

هااااي شلوووون ياااااالله .. شلوووون

حياة : طلع و طلعت وياه امي توصله للباب ..

من البجي كام يطلع صوت من صدري اذاني حيل معاذ .. مجنت اتخيل كل هذا ..

اني مسويت شي حتى استاهل كل هذاا مسوويت

ام حياة : راح يموت بنتي الله لا يوفقه ..
كاافي يمة .. لتبجين ميستاهل دموعج

حياة : يمةة دامووت مابية بعد

ام حياة : يروحلج فدوة يمة .. لتسوين هيج و توجعين گلب امج

حياة : ليش هيج سوة .. ليش يخوني ماستاهل كل هذا .. حبيته يمة هواي حبيته

اذاني يمةة .. كابووس هذا .. اني بكابووس .. اذااني ..گلبي ديوجعني حيل

ام حياة : اسم الله گلبي .. اسم الله عليج تهوون

حياة : بقيت ساعات ابجي لحد ما هايهية عيوني غصب وكفن .. لان تعبن و راسي يريد ينفجر من الالم .. بس افكاري بمعاذ متوكف .. اتذكر الموقف و احس الم مو طبيعي بگلبي ..

بكد حبي له .. جان الالم يضرب .. بحجم الحب نوجعت منه ..

سكنت خلت راسي ع المخده و طلعت .. الظاهر ساكنة .. و الداخل دمار ..

بقيت ساعه ابجي .. ساعه اسكت .. صارت بية نوبة .. كمت ماحس باي شي حولي .. لا وقت و لا مكان .. لا روح و لا حياة

طب ابوية للغرفة .... مادري ماسمع اليكوله بس حاولت اكعد من شفته بس رفعت راسي من المخده حجم الالم البي ماكدر اوصفه و لا اتحمله

لزمت راسي عصرته بايديني ..

ابو حياة : حيااة .. بنتيي

حياة : كمت امسح بعيوني ..

يابة .. اجيت

ابو حياة : شتمسحين گليبي .. شمسوية بعيونج .. شتضمين ع ابوج يا دموع

حياة : كمت ابجي .. ماردت ابجي كبال ابوية .. بس كمت ابجي ع روحي و الصار بيهة ..

ابو حياة :

ماتسوة عيوني .. ماتسوة كل هذا ..

حياة : يابة ماريد بعد ..

ابو حياة : شنو عيوني .. شنو تردين يجرى

حياة : ماريده .. معاذ .. رجعوا النيشان

ابو حياة : يابة اهدي .. و نتفاهم بالموضوع .. هسه انتي مو بحال زين و تقررين .. اهدي و يصير خير و يجرالج كولشي

كومي اتغدي .. كومي

حياة : يابة مالي نفس .. اريد انام .. مابية لكولشي .. راسي يموتني ..

ابو حياة : ارتاحي .. ارتاحي بنتي ارتاحي

ام حياة : شراح تسوي ..؟

ابو حياة : شسوي ..؟ هاي حياتها .. شتقرر ماعارض .. بس هسه هي منهارة ماخذ منها اي كلمة

ام حياة : بنتي راح تموت شسوي لا اكدر اباوع و اسكوت و لا اعرف اسوي شي

ابو حياة : الحيرة البية مثلج عمري .. كبروا و لازم يمرون بتجارب .. حياة قوية عهدي ببنتي قوية ..

حياة : كامت تمر علية الدقايق مثل الخناجر و يطعنن .. كمت احس كلني جروح .. جرح ابشع من جرح .. قفلت فوني لان معاذ يدك 24 ساعه .. ماعدت احس بالايام طبت ريمان للغرفة

ريمان :  حياة  هاي شنووو
حياة : شبيةة شنو؟ عايشة هياني

ريمان : يا عايشة شكوو .. شصاير  حياة شصاير

حياة ببكاء : معاذ .. معاذ

ريمان : شبي .. شبي معاذ

حياة : خاني .. طلع جذاب .. ميحبني ريمان .. عيشني بجذبة .. طلع بوجهين راح اموت اني

ريمان : شلوووون شمدريج؟  شنو يخونج ..؟؟

حياة : رحت للكلية اسويله مفاجئة هو فاجئني .. شفته يخوني .. ريمان جان يبوس بيها و يتغزل .. كل وقته العايفني بي كاضي وياها ..

ريمان : معاااااذ ..

حياة : اي اي معاذ

ريمان : لاااا يا نذذل .. نذذل لا تبجين ع نذل

حياة : مااكدر احبه .. ماكدر احير ع منو ابجي عليه لو ع روحي .. دامووت والله

ريمان : اويلي عليج و ع روحج هاي .. تبجين ع خاااين مثله

حياة : مو بيدي .. خليني ابجي .. خليني .. اريد انسااه .. بعد مابية .. خلي يطلع من حياتي

ريمان : زين هو شكال من عرفتي .. شسوة ..؟

حياة : و لا شي .. يكول احبج و هذني هيج تسلية

ريمان : حبته الگرادة .. اكو واحد يتسلى باعراض الناس ..

حياة : اييي .. اي اكو ع حظي .. معاذ .. ما اكتفى بية ريمان ..

ريمان : فكري بالشي الزين ..

حياة : مابقى زين .. اني نهدمت

ريمان : افهميني .. تخيلي لو متزوجين و هو بهيج نذالة و يدور بنات عليج .. اتخيلي شيصير بحالج .. ع الاقل هسة ارحم

حياة : و گلبي .. و حبي له .. شيقنعه لگلبي .. ريمان اني طردته و روحي بعدها بي .. ضعفت بلحظة و صدكته من كال احبج و ماحبهن ..

ريمان : هذا واحد نذل .. الله لوما يعرفج طاهرة و گلبج طيب جان تم الزواج و اكلتي وحل .. بس الله يريدلج الخير بعد الشر عنج

حياة : ليش داحب شر .. ليش هو من بين كل الناس .. ليش مو انسان نظيف و طيب .. ما استاهل يعني ..؟ كمت اشك بروحي ريمان .. اشك اذنبت و صار بية هيج

ريمان : لا عمري بس هي دنيا مو جنة .. لازم نجرب الشر و الخير .. الحمدلله طلعتي من الشر و ماتلوثتي .. جايج الخير اكيد

حياة : متلوثت بس متت .. معاذ تركني بحال لا اني عايشة و لا اني ميته و مرتاحه .. داتعذب لدرجة انتي متتخيليها

ريمان : ياا عيوووني .. الله لا ينطيه العافية .. ان شاء الله حوبتج متتعدا

حياة : حضنتني و تواسيـبية

حبيته هواي ريمان .. جنت اتخيل كل يوم حياتنا سوا .. حتى طفلنا اتخيلت شكله يشبهه .. ما انساه مستحيل

ريمان : تهون .. والله تهون و تعدي

حياة : شسويت اني حتى ياذيني اكثر شخص احبه .. ليش مو مثل باقي الناس وفالي .. ريمان والله حبيته حب و هسة ديموت بية ..

ريمان : اووي عيوني .. يروحلج فدوة لا هيج حياة فدوة .. والله ميستاهل

حياة : خليج بمكاني .. خليج ريمان

ريمان : حاسه بيج .. اكيد اموت لو محمد هيج يسوي .. بس اول و تالي اباوع للجانب الخير .. انو هالشخص شر و الله كفاني الشر

حياة : اريد انسااه .. انسى وجعي كله .. اريد الله يساعدني

ريمان : تنسي .. تنسي گلبي .. ان شاء الله

ينزل خالد من سيارته يشوف مروة دتدك الباب يتقدم بهدوء و يفتح الباب من الخارج

مروة : السلام عليكم

خالد : و عليكم السلام .. اتفضلي طبي

مروة : تسلم بس هاذ ثواب ع روح جدي انطي للبنات و اروح

خالد : الله يرحمه .. طبي اخذي راحتج

مروة : مشكور .. طبيت للمطبخ .. احنا وياهم اهل من زمان عادي نطب و نطلع

تين : سوسن؟  شمالج

تطلع سوسن ركض منفعلة : خييييررر

مروة : السلام عليكم

سوسن : لا هلااا ..

تين : عزا راح تفضحنا كدام المرية .. طلعت اركض

هلا هلا مروة .. شنو هاي الله يزيد فضلكم حبي طبي حياج

مروة : شكرا عمري .. هذا ثواب لروح جدي

تين : الله يرحمه واصل ان شاء الله

مروة : تسلمين عيوني

تين : طبي حياج ليش واكفه

مروة : الله يحيي اصلج لا امي جاي تنتظرني نوزع الباقي

تين : هلا بيج .. كل الهلا .. سلميلي هواي ع امج ..

رحت وياها للباب .. والله خفت عليها من سوسن

مروة : بالمهلي الله يسلمج حبي يوصل ..

تين : رجعت ركض للمطبخ ..

هاي وينها ..؟؟

خالد يصعد لغرفته يلاعب بنته 

بووية البنات بووية .. افيييش ياروحي

تدخل سوسن تسحب بنته من ايده : جيييب بنتي ..

خالد : هااااا شمالج .. جاا غير بنتي

سوسن : لا عبالك مادري بالجاي يصير .. تررة ادري ليكون ابالك مستغفلني

خالد : شجااي تحجين مالي خلكج

سوسن : شعنددددك وية مريووووة

خالد : يهوووو رجعنا .. بوية فكيني

سوسن : جاي احجيييي وياااك وييين رايح

خالد : اي ما تعرفين شجاي تجفصين .. ماعندي شي وية المرة .. خايبة عوفي بنت الناس بحالها

سوسن : ووو تدافعلهاااا

خالد : حسسسسج ياااا مررررة

سوسن : متزوووجهاااا من وراااايةةة

يلزم وجهها بقوه و يحجي باعصاب :

باعي بنت الناس .. انا اذا اريد اتزوج ماخاف من اكبر واحد .. اذا اتزوج اتزوج بغرفتج و اتعدااااج

يدفعها عنه

سوسن : وو تضررربني من وراهااا الدايحةةةة الماعدها اصل و فصل
هاااك بنتك اناااا ما باااقيتلك و تطلكننني

خالد : هالمرررة اذا رجلج تعدت الباب قسما بالله سوسن ما اردج لو مو ابوج يجي

سوسن : انااااا ما ارد ...

يتركها خالد و يطلع يشوف بيبيته

الجدة : شصاير يايمة حسكم لاخر السلف

خالد : يمة طلعت رووحي انا ما فاضي لشياطينها والعبااس

لزمت گلبي .. حيل اذاني يمكن كونن اتعصبت .. رح تهلكني سوسن

الجدة : شمالك يمةة ... وجعك گلبك

خالد : مابية شي حبوبة .. طالع انا عندي شغل

الجدة : الله يحفظك يمة .. محرووس

تدخل الجدة للغرفه سوسن تلم بهدومها  : شمالج يايمة اعگلي و اركدي مالج غير زلمتج خيمتج

سوسن :
حبوبة زلمتي خذووو .. خذنة مني .. و انا بعد تعب ماريده .. بالعافيةةة

حياة : مر اسبوع .. عساه لا يمر ع مؤمن .. عشت لحظات مسمومه .. الليل زنزانة تعذيب لروحي .. غصبت روحي اكوم و اتظاهر بالمر مر و راح ..

ماريد اهلي يتاذون .. خصوصا امي كمت ماشوف البسمة بوجهها من انعزلت عن العالم كله حتى اهلي ..

كملت شغل وية امي و صعدت لغرفتي .. المكان الوحيد الـ اكدر امارس حزني و المي بي .. عزائي بي ..

فتحت الكنتور .. طلعت نيشاني .. بعده بالجنط .. كابلت الجنط و ابجي .. اريد اكرهه ماكدر .. انساه اريد .. ليش بعده بداخلي .. ليش بدمي ديجري ..

اندكت الباب .. مسحت دموعي ع السريع ..

ام حياة : يمة حياة .. افتحي .. مـ .. معاذ و عمه جوا

حياة : فزيت من طولي طلعت ع امي ..

ليش جايين ..؟

ام حياة : ديعتذرون من ابوج .. ابوج كال انطي علم للبنية

حياة : يمة بعد خلي يكوللهم انتهى كولشي ..

التفتت ابوية ع الدرج هستوه صعد

ابو حياة : خجلوني الناس .. اكثر من مرة اجوني لمكان شغلي .. و اليوم للبيت

حياة : يابة كولشي منتهي ..

ابو حياة : هاي حياتج مو تكوليلي .. اني من اول يوم كلتلهم حياتج و الامر بيدها ماتدخل بقراراتها .. و لليوم اكول نفس الكلام ..

حياة : قررت يابة .. قررت و انتهى

ام حياة : يمة .. فكري .. و كل رجال يخطئ و اذا الولد ندم و تحبي .. فكري زين

حياة : يوم يعيد الخطأ .. لوو ذابحني ارحم الي .. يمة يطلع بية بعدين كل اخطائه .. مادام عرفتهن و رضيت بي

كمت ابجي طبيت ع الجنط طلعتهن كلهن و وياهن الذهب .. خليتهن كدام ابوية ع الدرج

ردهن يابة .. ردهننن ماريده بعد

ابوية دنگ راسه و اباوع ع امي تبجي

شبيكم .. مابية شي قررت و كولشي بية راضي ع قراري .. ما اطيقه بعد

كمت امسح بدموعي .. و ينزلن عصبني لان مداسيطر عليهن .. يخذلني ليش

ليش متصدكوني .. مدابجي عليه .. خرب بيهن هن دينزلن مدابجي اني والله .. ردهن يابة ..

كوللهم ماعندي بنات للزواج .. هايهية خلصت ..

ام حياة : الـ تشوفي صغيرتي .. هايهية الله يعوضج بالخير يمة

حياة : ماريد تعويض يوم .. ماريد بعد

معاذ : اخذت عمي و مرت عمي و رحنا كلت بلكي تقنعها .. حياتي اظلمت وراها

راح ابوها يصيحها لان عرف مراح انزل وية امها و انا هم توقعت متنزل .. اعرفها كبريائية اربع سنين .. متتنازل بسهولة .. اخذت وكت شهور يله كدرت الفت انتباهه الي ..

نزل ورا اشوي ابوها جاب جنط النيشان

عم معاذ : يا ابو حياة متسوا والله .. ليش هيج تكبرها البنية

ابو حياة : هاي حياتها و اني ماتدخل و لا اقرر عنها .. الله يعوضكم الخير

زينة : والله اخوي نطاها عين زايد .. فوگ بلاها و لسانها صابر عليها و ما نزل عليها مرة .. شمعرفني هالسوسة شمسويتله ..؟

تين : لان عاقل و شيحصل اذا تزوج لخ يصيرن اثنين بس لوية و لغوة زايده ..

زينة : لو بس افهم ليش خالة دوبها بدوب هالمسكينة مروة .. هي منا مطلكة و الدنيا كاضية بيها التوبة

تين : سوسن عقلها بكد النواية .. و الا اكو مرة تهد زلمتها و بيتها ع مجرد ظن و غيرة ..

زينة : اليوم اذا ما عگلت و رجعت وية النسوان عماتي كالن مايمر الاسبوع اذا ما يعرس خالد ..

تين : الله يستر .. بلكي تعقل و تجي مكاسر گلبي غير هالطفلة .. اففف

تمر الايام معاذ يترك كلشي من الندم يحاول يتصل ع حياة مغلق الى ان يوم دك عليها

ردددي

حياة : مرت اشهر .. مسحت كل صوره .. غيرت رقمي .. محيت كولشي يذكرني بي ..

بس مكدرت امحي من داخلي صعب .. يوم عن يوم اموت اكثر .. كدرت اكمل اي .. بس ابد مكدرت انساه .. ماكدر انسى بشر عاش بية سنين .. تمر الايام و داخلي ياكل بية .

احتاجيت رقم بشريحتي القديمة اول مخليتها بالفون دك معاذ
انطيت رفض .. اكثر من مرة و ارفض .. بس اخذ الرقم و اكسرها اعصابي تلفت ..

وصلتني رسالة ..

💬 اعرف بيج متعيشين بدوني .. و بعدين تندمين ع قرارج هذا حياة ..

ااااااالله يااااااااااخذذذذذذذك

شمرت الفون حيل ع الحايط مابقى شي بي .. كعدت ابجي بالكاع .. حتى بنقاط ضعفي يعرف و اني جنت ماعرف شي عنه و مغشوشه

ام حياة : ها يمة .. شبيج گلبي

حياة : طبت امي مسحت دموعي .. صار فترة بينتلهم انو اني نسيت و الامور طبيعية ..

يمة الفون تعبني بس يصفن .. شمرته و نكسر

ام حياة : و تبجين ع فوون فدووة .. يفداااج الفون صغيرتي .. بس يجي ابوج اكوله يجيبلج احسن منه ..

حياة : فديتج يمة .. الله يحفظكم النا

الخامسة مساءا على طريق بغداد ابو حياة و دانيال راجعين من زيارة مريض اقاربهن

دانيال الطريق كله نايم .. تطلع سيارتهم سيارة يتفاداها لكن  فجاءة توگف بطريقه 

شبييي وووووكف هيييييج يااااالله

لفت خطف و بسرعه ... ضربت السيارة حيل .. بالي كله يم ابني ..

داااانياااااااال ..