رواية قضبان الجنوب ( فصلية ) الفصل الثالث 3 - بقلم Hend_AlBoor

البصرة

سوسن : خااالد انت ما تحبني .. مليت و الدليل تصرفاتك هاي 24 ساعه براا .. مصارت هاي مصاارت

خالد : سوسن .. سوووسن مالي خلكج و الله .. تعرفين مشاغلي .. قابل جاي العب برا اناااا ... فهميني

سوسن : اعذااار .. اعذااار .. و زوجتك و بنتك .. بييييتك ليييش اتزوووجت اذاا هييج وكتك مو الك

خالد : لزمتها من زندها حيل و جربتها علي

باااعي لج .. صووتج هاذ مايعلى ع الشيخ .. انا ماناقصج الدنيااا فوك رااااسي ززززززين

دفعتها حيل و طلعت لان مليت من هالاسطوانه كل يوم .. ماطلعت عيشه هاي .. مجاي ارتاح من استلمت امور المشيخه لليوم ..

( خالد 31 سنة .. شاب اسمر بعيون بنية .. طوله 183 وزنة 78 .. مرتب جسمه بالعاب الحديد ..

شيخ العشيرة من بعد جده .. لان ابو توفى بمرض القلب من خالد جان بسن 17 ..

يتيم الاب و الام .. عنده بنية وحده من .. سكينه 3 سنوات ..

اخوانه اثنين .. ابو نمر و جهاد .. خوات اثنين .. زينب متزوجه ابن خالها .. و زينة 16 سنة )

الجد : هاا بوية .. وين طالع و اعصابك طافرة وراك ..؟

خالد : جدي تعبان .. مجاي ارتاح لا بالبيت و لا برا .. الدنيا فوك راسي

الجد : جا الشيخ شوي .. مسؤوليات و مشاكل .. اسال جدك ماشفت الراحه

خالد : كفو بوية .. البركه بيك مجاي اشكي من واجباتي تجاه العشيرة بس راحة البيت معدومة

الجد : انا افرلك اذان سوسن .. شمالها مرت الشيخ .. تخبلت

خالد : طلعت اشتم هوا .. ضغوطات البيت و مشاكل السلف حيل تعبتني ..

بسبب مرضي يمكن مجاي اتحمل .. و الطبيب محذرني من الاعصاب و انا نار ..

بكل جهدي احاول اضبط اعصابي ..

زينة : تين وين جهاد ..؟

تين ( 21 سنة زوجة جهاد .. بيضه بعيون بنية .. طولها وسط .. دبدوبة .. شعرها اسود لحد خصرها .. متقرب شي لجهاد .. اخذها عن حب دام سنتين)

: عيني روحه بخشمه و طلع شتريدين منه يمعوده مابية حيل يصير بي شي والله اخاف عليه

زينة : هو محد يمه و حواليه و نار من كاعه محد شاعله بشي .. خافي عليه من نفسه تينو

تين : اي والله و يبوو اعشكنه كونن عصبي يخبل من يتعصب هههه

زينة : يمعودة ايده و الضرب هو خالد مايتفاهمون ابد .. بس ابو نمر طافر من الجدر

تين : ههههه شحلاته الزلمة اذا مو هيج

زينة : وعع .. لج بابة الحلو من يصير هادئ

سوسن : احلمي عيني اهل السلف كلهم اعصاب ..

زينة : هه ليش احلم .. جا اخوج هادئ

سوسن : و وينه اخوية اشو بالسنة حسنه نشوفه .. حبيبتي ع بنات كليته ماعتقد بعده ع كلام العجايز .. زينة لمعاذ و معاذ لزينة ...!!

زينة : حتى اذا جانن حلوات و هواي .. بس ابن السلف مياخذ غير بنت السلف ..

سوسن : هه غصب ..؟

زينة : و انتي شمالج مغموته .. كونن رجلج ماينحمل و اعصاب ..؟

سوسن : نشووف ست زينة

تين : تردين الصدك سوسن مو كلهم .. ابو نمر زين هو هم عصبي بس بعقل .. موزون

سوسن : اخبرج فتي جهاد بالمديح ..

تين : سوسو جهاد و خالد اعصابهم ع اقل شي و ايدهم و الضرب عكس ابو نمر يتعصب بس ع شي يسوا

الجد : ماجذبت بنت الحمولة .. ابو نمر اعگل واحد بالعشيرة .. و الود ودي اسلمه كل الامور

الكل وكف احترام من طب الجد ..

سوسن : شدعوة جدي ترا الخير و البركه بالشيخ خالد

الجد : ابو نمر ما يغلى ع الشيخ .. لكن خالد گلبه تعبان يبنيتي .. و انا ماريدن اخسر ولدي بسبب المشيخه

و ما ردت افوته و اتعداه بابو نمر .. مناك القبايل .. سلمتها له و انا ابوج ..

زينة : جدي بعدك شيخنا و بيك الخير و البركه ..

الجد : انا هلكت يبنيتي .. و الزمن اخذ حيفه ..

و سوسن بهداج ع خالد بوية .. خليج له سند لا تزيديها عليه

سوسن : صار جدي ..

الجد : هاي تينة كبالج جنها الورد .. زلمتها ماينحمل بالاعصاب و شايلته بروحها .. شمالجن الگريبات ما تطيقن حمل زلمة

تين : مادري هو مدح مادري هو بسمار .. بس اتجاهلت البسمار لان اعرف غريبهم غريب ..

الله يخليك جدي .. جهاد عيوني الاثنين

الجد : ماتگصرين اعرفج بنت حمولة و ناس و عاگله ..

ديــــالـــى

ام حياة : عندي الك ابشاره ..

ابو حياة : يالله .. اسمعج ..

ام حياة : اتقدم واحد لبنتك .. طالب وياها ..

ابو حياة : يالله خير .. و هي شتكول .. اهم شي رايها ام حياة ..!

ام حياة : انت تعرف بنتك لو متريده تكول ..؟

ابو حياة : ههه لا طبعا ..

ام حياة : البنية موافقه .. المطلوب تسال عليه و تعرف عنه كولشي .. ابو حياة لتقصر بالسؤال هاي بتنا الوحيده ماريدها توكع بناس تاذيها ..

ابو حياة : افاا عليج توصيني ع روحي .. مادام هي رايدته ان شاء الله الناس بيهم خير و بركه

ام حياة : بيك الخير و البركه عيوني ..

حياة : كعدت الصبح .. جهزت هدومي مالت الدوام و طلعت غسلت وجهي .. المغسله و الصحيات يم غرفتي و غرفه داني .. و جوا غرفه ابوية و امي .. نزلت لكيت امي بالمطبخ ..

ركضت خفيف عليها .. حضنتها من ورا

صباح الخيرر يا احلى ام بالدنيا

ام حياة : صباح النور روحي .. هاا كاعده نشيطه اليوم صغيرتي

حياة : هههه دومي نشيطه يمة لتلمحين

ام حياة : هههه .. ادري حبيبتي

حياة : كلتي لبابا ..؟

ام حياة : اي ..

حياة : صدك و شكااال ..

ام حياة : ع اساس متفاجئه .. صدك .. لوما انتي طلبتي مني اكوله

حياة : هههه والله اليوم انتي مستلمتني تصنيف .. لا والله يوم شكال راح اموت من القلق

ام حياة : اسم الله عمري .. كال تبشر هلايام اروح للتحرير و اسال عليهم .. و مادام هي موافقه اني ماعترض

حياة : فديتكم احلى ام و اب بالكون كله .. مممممواااح

ام حياة : يمة فدووة لحبيبتي ..

حياة : يمة اصعد ابدل و انزل ع السريع

ام حياة : كعدي هذا التنبل بطريقج ..

حياة : هههه صاار ..

صعدت ركض .. دكيت باب غرفته ..

اكيد ميسمع غركان بالنوم ..

فتحت الباب و طبيت ..

دانياال .. داااني اكعد ..

دانيال : اي كاعد .. كاعد

حياة : كاعد كاعد شنوو .. كووم

ملفلف روحه باللحاف .. كشفته ..

كووم يلله اتاخرت ع كليتك ..

دانيال : اشوي اشوي .. بس اشوي فدوة

حياة : لا اشوي و لا ابد .. اتااخرت

دانيال : فد خمس دقايق بس حيوته مراح تنكلب الدنيا

حياة : يجر باللحاف و اجر بي .. جان اسحبه من ايدينه و اكومه .. كمت اضرب بي بجفوفي ع خدوده خفيف ..

صحصح .. يلله

دانيال : دكافي مو كعدت. طيرتي النومة

حياة : ههههه .. يلله ع السريع اتاخرت و اخرتني

دانيال : تمام ..

حياة : رحت بدلت هدومي و اخذت جنطتي و كتبي و نزلت لكيتهم كلهم كاعدين ديتريكون ..

هاي شوكت كملت انت ..؟

دانيال : هو بنطرون و قميص خوما مثلج 6 ساعات ع المراية

حياة : مكرووه اني حتى مكياجي خفيف

دانيال : هههه ادري هو انتن حتى اذا متخلن مكياج هم تصفنن ع المراية ساعه .. الحمدلله ما المراية تحجي جان خبصتنها بسؤال .. هااا شلوني اليوم ...؟

حياة : هههه والله مكروه دروح

اتريكت و طلعت وصلني دانيال و راح لكليته .. طبيت امشي بالممر اكو طلاب بس مو هواي ..

شفت الولد .. مادري شكال اسمه ريمان .. نسيت

صفوان : طلعت من رئاسة العمادة .. شفت حياة و اني امشي و متوجه الها .. كلبي بكل خطوة تجاهه يسرع بنبضه ..

فتت من يمها لمحتها و دنكت راسي .. الحب و الخوف عليها و الخجل و حب التملك و الغيرة كله ينتابني من اشوفها ..

لازم اخطي خطوة اتجاهه .. ماتحمل خسارتها ..

حياة : طبيت كعدت باستولي انتظر ريمان .. بقيت احدد المهمات بالكتاب لما تجي ..

ريمان : صباح الخير حب.

حياة : صباح النور .. و اخيرا نورتي ..!

ريمان : اسفة گلبي ازدحام يوو متت

حياة : كل يوم نفس الاسطوانه .. غيريها ..

ريمان : هههه شكد حقيرة دعبريها عاد ..

حياة : هههه ..

ريمان : نلحك نروح للنادي ..؟

حياة : لا .. ام بطن هسه اجيتي من البيت ..

ريمان : والله متريكت طلعت ع السريع ..

حياة : خليها ورا المحاضرة ..

طب معاذ و عينه عليا .. من الخجل بعد ماكدر اشيل عيوني بعيونه مثل قبل .. مادري حيل استحي منه .. حتى بمجرد افكر انو هو ويايه بنفس المكان حيلي يروح ..

خلصت المحاضرة و مر الوقت حيل سريع .. يمكن لان اني بقمة السعاده مكمت احس بالوقت ..

ريمان : حيوته اروح اودي التقرير و اجي ع السريع حتى نروح للنادي ..

حياة : ماشي گلبي انتظرج ..

من راحت ريمان خفت .. جنت اتوقع معاذ يجي يسال .. بقيت لازمة گلبي .. احساس بيا يريده يجيني .. و احساس لاخ ميريده يجي ..

مرت دقايق و ريمو اتاخرت؟؟؟ هو هيانه القسم ليش هلكد بقت ..!؟

فات من يمي معاذ ع السريع .. گلبي فز من مكانه .. بحيث كبيت من فات و لزمت گلبي ..

يمة اسم الله الرحمن .. اخذت نفس .. هاي اذا تزوجنا شلون شيصير بية .. ليش هلكد احبه ..؟

صفوان : مجان كدامي حل غير اطلب مساعده صديقتها .. اني اعرف ريمان من العام جانت تتردد لقاعتنا علمود واجبات و ساعدتها كم مرة .. يعني بيناتنا حديث بسيط قبل ..

السلام عليكم ..

ريمان : وعليكم السلام ..

صفوان : شلونج ..؟؟

ريمان : الحمدلله بخير استاذ .. انت اشلونك ..؟

صفوان : الحمدلله ..

ريمان تلاحظ ارتباكه و سكوته : تفضل استاذ صفوان ..؟

صفوان : والله مادري شلون ابدي ..

ريمان : اشلون متبدي ابدي .. اني زميلتك

صفوان : الله يحفظج .. بصراحه محتاجج بموضوع .. تكدرين تكولين مساعده .. فعل خير .. اذا تكدرين

ريمان : تدلل الاكدر عليه بعيوني ماقصر ..

صفوان : الله يسلم عيونج .. اني من فترة عرفت صديقتج .. يعني مجرد معرفه من بعيد مو اي شي ..

ريمان : حياة ..!

صفوان : اي ..

ريمان : اي شبيها ..؟

صفوان : عرفتها بنيه حبابه و محترمة .. بصراحه دخلت بگلبي و ماعرف شلون افاتحها ..

ريمان : و المطلوب مني شنو استاذ

صفوان : اني رايدها بالحلال مو علاقه .. لتفهميني غلط .. و طلبت منج مساعده بهذا الشي ..

ريمان : لا العفو ماراح بالي بعيد .. بـ..

اجا ابالي اكوله انو البنية مرتبطه .. بس سكتت لان هو رزق ماريده امنعه عليها .. منو يكول معاذ يصير من نصيبها ..؟ اني ماسالتها اذا اهلها قبلوا او لا ..

ميصير امنع رزق عنها .. صارت امانه و لازم اوصلها .. المهم اسوي العلية ..

صفوان : ها ..

ريمان : ان شاء الله استاذ و نعم ما اختاريت حياة بنية ذهب و انت تستاهل .. اني راح اكوللها و الـ بي الخير يقدمه الله

صفوان : تسلمين .. جميل ماعرف شلون اشكرج عليه ..

ريمان : و لا ايهمك يكفي الداسوي خير ..

رجعت لحياة .. فكرة توديني و فكرة تجيبني .. اني ليش هيج سويت ..؟ بلله هسه اشلون اكوللها و اعرف معاذ اتقدملها ..!! هففف اني العليه اكوللها هاي امانه

حياة : ها اتاخرتي ..؟

ريمان : مو صادفتني شغله ..

حياة : يلله نروح ناكل ..

ريمان : لا اكعدي .. ماعتقد نلحك ..

حياة : مو تكولين جوعانه ..؟

ريمان : طارت الجوعه ..

صدوك حيوته .. وين وصلتي بشغله معاذ

حياة : كلت لامي و هي كالت لابوية و فد كم يوم و يسالون عنه

ريمان : اها يعني معارضوا ..؟

حياة : اسم الله ليش يعارضون .. تعرفينا ماعدنا سوالف الجبر و فرض الراي .. هاي حياتي اني اختار

ريمان : اي صح .. همم

حياة : شبيج .. احسج ممرتاحه لمعاذ

ريمان : هههه لا لا ديلله شعندي ع الولد ماشفت منه شر .. بس ..

حياة : بس شنو ..؟خوفتيني ريمو

ريمان : لا ولج مو ع معاذ سالفه لخ ..

حياة : شنو هي اسمعج ..؟

ريمان : صفوان ..!

حياة : يا صفوان ..؟

ريمان : الولد الـ صرتي وجه بوجه وياه بالباب ..

حياة : اهااا .. شبي ..؟

ريمان : شنو رايج بي ..؟

حياة : ماعرفه مجرد هيج من بعيد جنت اشوفه و مرات جان يجي لقاعتنا .. ليش

ريمان : حجى وياي

حياة : الله علييج رادج .. خوش ولد ريمو تستاهلين

ريمان : انجبي انتي الخ

حياة : عوذا .. شكوو متحجين مدافتهم شي

ريمان : رادج الج

حياة : اااااني

ريمان : لا امي

حياة : ولي ..

ريمان : والله مداتشاقه شبيج

حياة : شراد ..؟

ريمان : لفة فلافل ..

حياة : ريمااان

ريمان : ولج غير رايدج بالحلال هو هسه كالي ..

حياة : انتي مو تعرفيني احب معاذ و اتقدملي

ريمان : بس بعده مصاير شي رسمي .. ليش امنع رزق جايج

حياة : بس مبدائيا اني وافقت و احبه و انتي تدرين ..

ريمان : اعرف .. اعرف بس همين ميصير اكول شي بعده ممعلون و مو رسمي ..

حياة : هممم .. و شكلتيله ..؟

ريمان : كلت له ان شاء الله اكوللها .. امانه و داوصلها معلية

حياة : كوليله رفضت ..

ريمان : و ليش مفكرتي

حياة : اتريدين تجلطيني ..؟ ولج شافكر قابل العب ع اثنينهم ..

ريمان : لا يعني لا بهالسرعه رفضتي .. الولد خوش ولد

حياة : ريمان اعرف خوش ولد بس اني احب معاذ ..

ريمان : و معاذ مينعاب .. بس صفوان همين حرامات ع الاقل انطي قدر و فكري

حياة : مافكر .. و حتى لو ماكو معاذ بحياتي .. ردي نفسه تجاه صفوان

ريمان : عود ليش ..؟

حياة : ماعرفه .. هسة اسمه عرفته منج ..

ريمان : و معاذ الـ تعرفي ..؟؟ اشو همين بس اسمه

حياة : ريمان معاذ ويانا صار اربع سنوات ع الاقل اعرف طبعه .. فكرة الزواج من انسان ماعرفه تخوفني بللا طلع مو خوش و طلگني ..؟

ريمان : لا اسم الله عليج .. اني وياج بهالشي و هاي بعد حياتج انتي حرة .. بس ها ترا صفوان سيد جده رسول الله يعني ديري بالج

حياه : والله حباب مذميته ..

ريمان : ههههه باكت طن هوا

حياة : لا مو قصة خفت بس مذميته

ريمان : اشاقيج .. و حقج .. بس شتعرفين عن معاذ انتي .. عدا اسمه كولشي متعرفين ..؟

حياة : عرفت انو هو من التحرير ...؟

ريمان : اها .. لامة معلومات يعني ..؟

حياة : لا .. اشوي يعني هيج بالصدفة سمعت من البنات ..

مادري بعد .. ريمان ماعتقد اكو شي بعد اكدر اسوي لان روحي التقت بروحه و الارواح اذا التقت ميهم بعدا اي ماده سوا جسد او مكان او زمان

ريمان : براحتج بعد الحب حاكم عليج .. اني راح ارد لصفوان جوابج ولو حبه الج مبين بعيونه و هو يحجي .. خطية

حياة : الله يعوضه خير و احسن مني

خلصنا محاضرت دكيت ع داني اجاني و رجعنا للبيت ..

اتعجبت اليوم حسيت معاذ ما انتبهلي او يمكن اني ما باوعتله لان استحي .. احتمال ماشفته .. ميهم المهم راح يصير من نصيبي و هذا يكفيني ..

ريمان : بقيت افكر اشلون ارد الجواب لصفوان .. مادري احس انقهرت عليه

رحت ثاني يوم للكلية .. طبيت للقاعه حيوته اليوم متاخرة .. خليت كتبي و طلعت دافتر وحدي ..

صفوان : مر علية اليوم بمية سنة و اني افكر برد حياة .. كمت بالليل صليت صلاة لوجه الله طلبتها منه .. اريدها ام الي و لبيتي .. احبها اكثر من روحي

رحت ثاني يوم من الفجر طلعت .. اريد بس اوصل للكلية حتى اسال ريمان .. شفتها بالممر ..

صباح الخير ..

ريمان : و عليكم السلام .. هلا استاذ

صفوان : شلونج اختي ..؟

ريمان : الحمدلله ..

صفوان : ها بشريني ..؟

ريمان : استاذ انت ذهب الله شاهد مو كدامك الكلام .. و اي بنية تتمناك ..

صفوان : الله يحفظج ..

ريمان : هي قسمة و نصيب و حياة مو نصيبك ..

صفوان : مادري لو مسمعت لو سمعت و ماردت استوعب

رفضت ..

ريمان : مدحتك البنية يعني مو نقص بيك او شي .. بس كالت الله يكتبله النصيب الزين ..

صفوان : مشكورة ..

عفتها و مشيت .. داخلي يفور .. صار كولشي متناقض بية ..

ليش رفضت ...؟ شنو السبب ..؟ اريد اقتنع .. معقولة مرتبطة ...؟ بس اني مراقبها متوكف يم ولد ..

حياة اعرفها .. ربيتها بعيوني صار تلث سنين .. ليش حياة ..؟ زين ليش فهميني ..؟

ريمان : اووف منج حياة انكسر خاطره

صفوان : ردتها منك ربي .. مو من احد .. منك ...

حياة : مرن يومين و استحي اسال ابوية اذا سال ع اهل معاذ او لا .. مادري عفت الموضوع .. بس بداخلي قلقه حيل ..

الاجواء " حديقة الكلية .. الطلاب يفترون و يقرون للامتحان .. حياة و ريمان كاعدات ع مقعد خشبي يقرن .."

ريمان : شقريتي ماقريتي بلاساس ..؟

حياة : اقرا و احس روحي مقارية .. بالي مو يمي ريمو

ريمان : هممم اي عيني مشغول بالحب

حياة : لا بس قلقانه ..؟

ريمان : ليش شصاير ..؟

حياة : مادري اشو ابوية مجاب طاري بعد ..

ريمان : يمكن بعده ديســ...

صفوان : السلام عليكم

ريمان .. حياة : وعليكم السلام

صفوان : ممكن دقايق من وقتج حياة ..؟

ريمان : اني اترخص عندي اتصال دقايق ..

حياة : حكرصت سنوني ع ريمان .. مو وكتج خرب بيج .. وين عايفتني

صفوان : مرخوصة ..

بقيت واكف .. من الالم البية محسيت الا و اني يمها .. اريد تقنعني ..

حياة ..

حياة : بقيت مدنكه راسي .. شجابه شنو ريمان مردتله جوابي ...؟

نعم ..!

صفوان : اعتقد تعرفين شنو نيتي تجاهج .. ريمان كالتلج ..

حياة : اي .. و اني رديت الجواب استاذ

صفوان : ليش ..؟

حياة : رفعت راسي عليه .. شفت عيونه غركانات .. بالموت لازم دموعه كبالي .. حسيت من نبره صوته اكو عبرة خانكته ..

شنو ..؟؟